Химотрипсин кристаллический

• русский
• қазақша

• Скачать инструкцию медикамента

Кристалдық химотрипсин

Саудалық атауы

Кристалдық химотрипсин

Халықаралық патенттелмеген атауы

Химотрипсин

Дәрілік түрі

Инъекция үшін ерітінді дайындауға арналған 0.01 г лиофилизат

Құрамы

Бір ампуланың ішінде

белсенді зат – 0,01 г химотрипсин

Сипаттамасы

Иіссіз, ақ түсті кеуекті масса немесе ұнтақ. Гигроскопиялы.

Фармакотерапиялық тобы

Жаралар мен ойық жаралы зақымдарды емдеуге арналған препараттар. Ферменттік препараттар. Протеолитикалық ферменттер.

АТХ коды D03ВА

Фармакологиялық қасиеттері

Фармакокинетикасы

Зерттелмеген.

Фармакодинамикасы

Мүйізді ірі қара малдың ұйқы безінен алынатын протеолитикалық фермент, ақуыздарды және пептондарды гидролиздеп, біршама салыстырмалы төмен молекулалы пептидтерді түзеді. Гидролиз барысында көбіне тирозин, фенилаланиннің қалдықтарынан және басқа да хош иістендіргіш амин қышқылдарынан түзілген байланысы ыдырайды. Ақуыз молекуласындағы және оның ыдырау өнімдеріндегі пептидтік байланыстарды ыдыратады. Осы механизмнің арқасында қабынуға қарсы әсер етеді, өйткені қабыну факторлары ақуыздар немесе жоғары молекулалы пептидтер (брадикинин, серотонин, некроздық өнімдер және т.б.) болып табылады. Құрамында болатын спецификалық антиферменттердің салдарынан, тіршілікке қабілетті жасушаларға ықпалын тигізбей, некроздалған тіндерді ерітеді.

Қолданылуы

• трахеитте, бронхитте, бронхоэктаздық ауруда, пневмонияда, өкпе абсцесінде, ателектазда, секрециясы жоғары болатын бронх демікпесінде

• өкпеге жасалған операциядан кейін оның асқынуының профилактикасында

• күйіктерде, ойылуларда, іріңді жараларда

• тромбофлебитте

• іріңді синуситте, жедел және жай өрбитін іріңді ортаңғы отитте және тұтқыр экссудаты бар евстахиитте

• торқабықтың орталық көктамырының ауқымды тромбозында, торқабықтың орталық артериясының жедел бітелісінде, шыны тәрізді дененің жарақаттан және қабынудан болған бұлдырлануында, катаракта экстракциясында

Қолдану тәсілі және дозалары

Қолдану тәсілін және дозасын дәрігер әрбір емделуші үшін жекелей белгілейді.

Новокаинді еріткіш ретінде пайдаланғанда, препаратты қолданбас бұрын, новокаинге аллергиялық сынама жүргізген жөн.

Тыныс ағзаларының ауруларында (трахеитте, бронхитте, бронхоэктаздық ауруда, пневмонияда, өкпе абсцесінде, ателектазда, қақырықтың бөлінуі жоғары бронх демікпесінде) препаратты бұлшықет ішіне 10-12 күн бойы күніне 5-10 мг дозадан қолданады. Бұдан әрі қарай емдеу курсын 7-10 күннен кейін қайталауға болады. Ұзаққа созылып кеткен созылмалы үдерістерде емдеу курсын 3-4 рет қайталауға болады.

Операциядан кейінгі кезеңде (ателектаз пайда болғанда немесе пневмония басталған кезде) препаратты (новокаиннің 0,25 ерітіндісінің 1-3 мл-дегі) бұлшықет ішіне күніне 5-10 мг-ден тағайындайды. Мұндайда бұлшықет ішіне химотрипсинді енгізуді зақымданған жағында Вишневский бойынша вагосимпатикалық блокада жасаумен және 3-4 мл 5 су ерітіндісіндегі химотрипсинді аэрозольді ингаляция түрінде қолдану арқылы біріктіру керек.

Гемотораксте, эмпиемада химотрипсинді плевра ішіне күн сайын 20-30 мг енгізеді (5-10 мл 0,9 натрий хлоридінде ерітіндісінде немесе 0,25 новокаинда сұйылту керек).

Операциядан (өкпеге жасалған операция) кейінгі асқынулардың профилактикасы мақсатында препаратты бұлшықет ішіне күн сайын 5-10 мг енгізуді операциядан 5-10 күн бұрын бастап және одан кейін 3-4 күн бойы жалғастырады.

Күйіктерді және ойылуларды емдеген кезде оңай алынатын некроздалған тіндерді алып тастағаннан кейін дозасы 20 мг химотрипсинді 20 мл 0,25 новокаин ерітіндісінде ерітеді және жіңішке инемен қабыршақ астына бірнеше рет енгізеді. Енгізер алдында, мүмкіндігінше, қабыршаққа кесік жасау керек. Кезекті таңу кезінде еріген некроздық тіндерді механикалық жолмен алып тастау қажет.

Тромбофлебиттерде препаратты бұлшықет ішіне 7-10 күн бойы күн сайын 5-10 мг тағайындайды. Емдеудің алғашқы курсы тиімсіз болған жағдайда курсты қайталамаған жөн.

Іріңді жараларды емдеу үшін препаратты бұлшық ет ішіне енгізуді жараны химотрипсиннің 5 ерітіндісіне батырылған тампондармен жергілікті емдеумен ұштастырады (0,9 натрий хлориді ерітіндісінде дайындау керек).

Іріңді синуситтерде гаймор қуысына, оны тескеннен және жуып-шайғаннан кейін, 3-5 мл физиологиялық ерітіндідегі препаратты 5-10 мг мөлшерінде енгізеді.

Отиттерде құлаққа физиологиялық ерітіндіде әзірленген химотрипсиннің 0,1 ерітіндісінің 0,5-1 мл тамызады.

Торқабықтың орталық көктамырының тромбозын, торқабықтың орталық артериясының жедел бітелісін емдеген кезде химотрипсинді 1 новокаин ерітіндісіндегі 5 ерітінді түрінде қолданады. Конъюнктива астына аптасына 1-2 рет 0,2 мл-ден енгізу керек.

Катаракта экстракциясында 1:5000 арақатынасында сұйылтылған химотрипсинді көздің артқы камерасына енгізіп, әрі қарай алдыңғы камераны препаратты енгізгеннен кейін 4 минуттан соң физиологиялық ерітіндімен шаяды.

Жағымсыз әсерлері

- тахикардия

- конъюнктиваның тітіркенуі және ісінгіштігі, ол пайда болғанда препарат ерітіндісінің концентрациясын азайтқан немесе оны қолдануды тоқтатқан жөн

- инъекция жасаған жердің ауыруы және гиперемиясы

- гипертермия, қышыну сезімі, тері бөртпелері, есекжем, тыныстың тарылуы

- дене қызуының субфебрильдіге дейін көтерілуі

Сирек

- жоғары тыныс алу жолдарының шырышты қабығының тітіркенуі, қандай да бір емдік шараларсыз (химотрипсинмен ингаляциядан кейін) кететін дауыстың қарлығуы.

Қолдануға болмайтын жағдайлар

• препаратқа немесе протеолиз өнімдеріне жоғары сезімталдық

• новокаинге жоғары сезімталдық (новокаинді еріткіш ретінде қолданғанда)

• жүректің созылмалы II-III дәрежелі жеткіліксіздігі

• тыныс алу жеткіліксіздігі бар өкпе эмфиземасы

• өкпе туберкулезінің декомпенсацияланған түрлері

• дистрофия және бауыр циррозы

• инфекциялық гепатит

• панкреатит

• нефрит

• геморрагиялық диатез

• қатерлі жаңа түзілімдер

• 18 жасқа дейінгі балалар және жасөспірімдер

• жүктілік және лактация кезеңі

Химотрипсинді қабыну ошағына және қанайтын жаралар мен қуыстарға енгізбейді, қатерлі жаңа түзілімдердің жара болған сыртына жақпайды.

Дәрілермен өзара әрекеттесуі

Химотрипсин антибиотиктермен және бронхты кеңейтетін дәрілермен біріктіріліп қолданылуы мүмкін.

Айрықша нұсқаулар

Туберкулез үдерісі белсенді түрде жүріп жатқан науқастарда тыныс алу жолдарының ауруларын емдеген кезде кристалдық химотрипсинді, айқын температуралық гистамин тәрізді реакцияның пайда болуы мүмкін екендігіне байланысты, сақтықпен қолдану керек. Профилактика мақсатында антигистаминдік препараттарды химотрипсинді қолданудан бұрын енгізген, препараттың оларға тигізген әсерінен кейін некроздалған тіндерді алып тастаған жөн (қақырықты жөтелу немесе сору арқылы шығару, жараларды шаю және т.б.).

Препаратты шығу тегі туберкулездік плевра эмпиемасы бар емделушілерге сақтықпен қолданған жөн, өйткені экссудаттың сіңуі бронхоплевральді фистуланың пайда болуына әкеп соғуы мүмкін.

Жүктілік және лактация кезеңінде қолдану

Зерттелмеген.

Балалық жас

Балаларда қолдану тәжірибесі шектеулі.

Дәрілік заттың көлікті және қауіпті механизмдерді басқару қабілетіне ықпал ету ерекшеліктері

Автокөлікті және басқа да қауіпті механизмдерді басқарғанда сақ болған жөн.

Артық дозалануы

Уыттылығының төмендігіне байланысты, артық дозалану байқалған жоқ.

Шығарылу түрі және қаптамасы

Шыны ампулаларда немесе сындыру сақинасы бар шыны ампулаларда препарат 0.01 г.

Препаратты 10 ампуладан медициналық қолдану жөнінде мемлекеттік және орыс тілдеріндегі нұсқаулықпен және ампуланы ашуға арналған кескіш керамикалық дискімен бірге (қажет болса), бөлгіштері немесе гофрланған қосымша беттері бар, немесе ампулаларды орналастырып және бекітуге арналған поливинилхлоридті үлбірден жасалған полимерлі қосымша беті бар қораптық картоннан (хром-эрзац) жасалған қорапшаға салынған.

Сақтау шарттары

Құрғақ, жарықтан қорғалған жерде, 2 oC-ден 8 ºС-ге дейінгі температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін препаратты қолдануға болмайды.

Дәріханадан босатылу шарттары

Рецепт арқылы

Өндіруші

«Биофарма» ЖАҚ, Украина

Мекенжайы: 03680, Киев қ., Н.Амосов к-сі, 9, Украина, тел. (+38-044)-275-16-04, 275-91-50, 521-15-39

Тіркеу куәлігінің иесі

«Биофарма» ФЗ» ЖШҚ, Украина

Тұтынушылардан өнім сапасы жөнінде шағымдарды Қазақстан Республикасы аумағында қабылдайтын ұйымның мекенжайы

Тлеубергенова Г.С. ЖК, 010000, Ақмола обл. Астана қ-сы,

Бозінген к-сі, 8 үй aldokinakbar@mail.ru