Хиконцил Комби (500 мг/125 мг)

Хиконцил Комби

Жоқ

Үлбірлі қабықпен қапталған таблеткалар, 500мг/125 мг және 875мг/125 мг

Бір таблетканың құрамында

белсенді заттар: 573,892 мг немесе 1004,310 мг амоксициллин тригидраты (сәйкесінше, 500 мг немесе 875 мг амоксициллинге баламалы),

калий клавуланаты+микрокристалды целлюлоза (1:1) 303,834 мг (151,917 мг калий клавуланатына немесе 125,00 мг клавулан қышқылына баламалы),

қосымша заттар: микрокристалды целлюлоза, магний стеараты, сусыз коллоидты кремнийдің қостотығы, натрий крахмалы гликолатының А типі,

үлбірлі қабық: Опадри Ақ Y-1-7000 (құрамы: гидроксипропилметилцеллюлоза (НРМС) 2910/гипромеллоза 5сР, титанның қостотығы (Е171), макрогол/PЕG 400.

Үлбірлі қабықпен қапталған, капсула пішінді, ақ түсті, бір жақ бетінде «I 06» өрнегі бар және басқа жақ беті тегіс таблеткалар (500 мг/125 мг дозасы үшін).

Үлбірлі қабықпен қапталған, капсула пішінді, ақ түсті, бір жақ бетінде «I 07» өрнегі бар және басқа жақ беті тегіс таблеткалар (875 мг/125 мг дозасы үшін).

Жүйелі қолдануға арналған инфекцияға қарсы препараттар. Жүйелі қолдануға арналған бактерияға қарсы препараттар. Бактерияға қарсы бета-лактамды препараттар, пенициллиндер. Пенициллин біріктірілімдері, бета-лактамаза тежегіштерін қоса. Амоксициллин және бета-лактамаза тежегіші.

АТХ коды J01CR02

Фармакокинетикасы

Сіңуі

Амоксициллин және клавуланат рН физиологиялық мәні бар сулы ерітінділерде жақсы ериді, пероральді түрде қабылдағаннан кейін екі зат та асқазан-ішек жолынан тез және толық сіңеді. Амоксициллиннің және клавулан қышқылының сіңуі препаратты тамақтанудың бас кезінде қабылдаған жағдайда оңтайлы. Препаратты ішке қабылдағаннан кейін оның биожетімділігі 70% құрайды. Препараттың екі компонентінің бейіні ұқсас және плазмада ең жоғары шектегі концентрациясына (Тmax) шамамен 1 сағатта жетеді. Қан сарысуындағы амоксициллиннің және клавулан қышқылының концентрациясы амоксициллинді және клавулан қышқылын бірге қолданған жағдайда да, сонымен қатар әрбір компонентті бөлек қолданған жағдайда да бірдей.

Таралуы

Амоксициллиннің және клавулан қышқылының плазма ақуыздарымен байланысуы орташа: клавулан қышқылы үшін 25% және амоксициллин үшін 18%. Таралуының айқын көлемі амоксициллин үшін 0,3-0,4 л/кг жуықты және клавулан қышқылы үшін 0.2 л/кг жуықты құрайды.

В/і енгізгеннен кейін амоксициллин және клавулан қышқылы әртүрлі ағзаларда және тіндерде, интерстициальді сұйықтықта (өкпеде, құрсақ қуысының ағзаларында, өт қалтасында, май, сүйек және бұлшықет тіндерінде, плевральді, синовиальді және перитонеальді сұйықтықтарда, теріде, өтте, іріңді бөлінділерде, қақырықта) емдік концентрацияларына жетеді. Амоксициллин және клавулан қышқылы жұлын-ми сұйықтығына іс жүзінде өтпейді.

Амоксициллин, көптеген пенициллиндер сияқты, емшек сүтімен бірге бөлінеді. Емшек сүтіннен сондай-ақ клавулан қышқылының қалдық мөлшері табылды. Сенсибилизация қаупінен басқа, амоксициллин және клавулан қышқылы емшек сүтімен қоректенетін сәбилердің денсаулығына жағымсыз ықпалын тигізбейді. Амоксициллин және клавулан қышқылы плаценталық бөгет арқылы өтеді.

Метаболизмі

Амоксициллин қабылданған дозаның 10-25%-на баламалы мөлшердегі, белсенді емес пенициллин қышқылы түрінде несеппен бірге ішінара бөлініп шығады. Клавулан қышқылы организмде қарқынды метаболизмге түседі және несеппен және нәжіспен бірге, сондай-ақ деммен шығарылатын көмір қышқыл газы түрінде бөлініп шығады.

Элиминациясы

Амоксициллин, негізінен, бүйрек арқылы, ал клавулан қышқылы бүйректік, сонымен қатар бүйректен тыс механизмдер арқылы шығарылады. Ішке 250 мг/125 мг немесе 500 мг/125 мг бір таблеткадан бір реттік қабылдағанда амоксициллиннің шамамен 60-70%-ы және клавулан қышқылының 40-65%-ы алғашқы 6 сағат ішінде несеппен бірге өзгермеген күйінде шығарылады.

Әртүрлі зерттеулер несеппен экскрециясы 24 сағат ішінде амоксициллин үшін 50-85%-ды және клавулан қышқылы үшін 27-60%-ды құрайтынын айғақтады. Клавулан қышқылына қатысты айтар болсақ, ең жоғары мөлшері оны қабылдағаннан кейін алғашқы 2 сағат ішінде шығарылады.

Пробенецидті қатар пайдалану амоксициллиннің бүйректік экскрециясын баяулатады, бірақ клавулан қышқылының бүйрек арқылы шығарылуын баяулатпайды.

Фармакодинамикасы

Хиконцил Комби – бактерицидтік әсер ету ауқымы кең, бета-лактамазаға төзімді, құрамында амоксициллин және клавулан қышқылы бар біріктірілген антибиотик.

Амоксициллин – бұл әсер ету ауқымы кең, көптеген грамоң және грамтеріс микроорганизмдерге қатысты белсенді жартылай синтетикалық антибиотик (бета-лактамдық).

Амоксициллин әсерінің бактерицидтік механизмі бактериялардың жасушалық қабырғасындағы пептидогликандар биосинтезінің тежелуі болып табылады, бұл бактериялық жасушаның лизисіне және жойылуына әкеледі.

Амоксициллин төзімді бактериялармен өндірілетін бета-лактамазаның бұзылуына сезімтал, сондықтан тек амоксициллиннің бір өзінің ғана белсенділік ауқымына осы ферменттерді өндіріп шығаратын микроорганизмдер қамтылмайды.

Клавулан қышқылы – бұл пенициллиндерге және цефаоспориндерге резистенттілік танытатын, осылайша амоксициллиннің белсенділігінің жойылуына жол бермейтін микроорганизмдердің бета-лактамазасы энзимдерінің белсенділігін жою қабілеті бар, химиялық құрылысы бойынша пенициллиндерге ұқсас бета-лактамат. Бета-лактамазалар көптеген грамоң және грамтеріс бактериялармен өндіріледі. Клавулан қышқылы ферменттердің әсерін блокадалап, бактериялардың амоксициллинге сезіталдығын қалпына келтіреді. Атап айтқанда, оның дәрілік резистенттілікпен жиі байланысты плазмидтік бета-лактамазаларға қатысты белсенділігі жоғары, бірақ 1 типті хромосомдық бета-лактамазаларға қатысты тиімділігі азырақ.

Хиконцил Комби құрамында клавулан қышқылының болуы бета-лактамазалардың бұзғыш әсерінен амоксициллинді қорғайды және әдетте басқа пенициллиндерге және цефалоспориндерге резистентті микроорганизмдер қамтылатын бактерияларға қарсы белсенділік ауқымын кеңейтеді. Клавулан қышқылы монопрепарат түрінде бактерияларға қарсы клиникалық тұрғыдан маңызды әсер етпейді.

Резистенттіліктің даму механизмі

Хиконцил Комби препаратына резистенттіліктің пайда болуының 2 механизмі бар:

• B, C, D класын қоса, клавулан қышқылының әсеріне сезімтал емес бактериялық бета-лактамазалармен белсенділігінің жойылуы

• пенициллинмен байланысатын ақуыз деформациясы, бұл микроорганизмге қатысы бойынша резистенттілік аффинділігінің азаюына әкеледі.

Бактериялық қабырғаның өткізбеушілігі, сондай-ақ помпа механизмдері әсіресе грамтеріс микроорганизмдерде резистенттіліктің дамуын туындатуы немесе оған ықпал етуі мүмкін.

Хиконцил Комби келесі микроорганизмдерге бактерицдтік әсер береді:

Грамоң аэробтар: Bacillius anthracis, Enterococcus faecalis, Gardnerella vaginalis, Listeria monocytogenes, Nocardia asteroides, Staphylococcus aureus (метициллинге сезімтал), коагулаза-жағымсыз стафилококктер (метициллинге сезімтал), Streptococcus agalactiae, Streptococcus pneumoniae1, Streptococcus pyogenes және басқа да бета-гемолиздік стрептококктер, Streptococcus viridans тобы

Грамтеріс аэробтар: Actinobacillus actinomycetemcomitans, Capnocytophaga spp., Eikenella corrodens, Haemophilus influenzae, Moraxella catarrhalis, Neisseria gonorrhoeae, Pasteurella multocida

Анаэробты микроорганизмдер: Bacteroides fragilis, Fusobacterium nucleatum, Prevotella spp.

Резистенттілік жүре пайда болуы мүмкін микроорганизмдер:

Грамоң аэробтар: Enterococcus faecium*

Грамтеріс аэробтар: Escherichia coli, Klebsiella oxytoca, Klebsiella pneumoniae, Proteus mirabilis, Proteus vulgaris

Табиғи резистенттілігі бар микроорганизмдер:

грамтеріс аэробтар: Acinetobacter species, Citrobacter freundii, Enterobacter species, Legionella pneumophila, Morganella morganii, Providencia species, Pseudomonas species, Serratia species, Stenotrophomonas maltophilia.

Тағы басқалары: Chlamydia trachomatis, Chlamydophila pneumoniae, Chlamydophila psittaci, Coxiella burnetti, Mycoplasma pneumoniae.

1Пенициллиндерге резистентті Streptococcus pneumoniae штаммдарын қоспағанда

*Жүре пайда болған резистенттілік болмаған кездегі табиғи сезімталдық.

• жедел бактериялық синуситте (диагнозы анықталғанда)

• ортаңғы құлақтың жедел қабынуында (жедел отит)

• созылмалы бронхит өршігенде (диагнозы айғақталғанда)

• ауруханадан тыс пневмонияда

• несеп-жыныс жолының инфекцияларында (цистит, пиелонефрит)

• терінің және жұмсақ тіндердің инфекцияларында (атап айтқанда, целлюлит, жануарлардың тістеп алуы, жедел абсцестер және жақ-сүйек аймағының флегмоналары)

• сүйектер мен буындардың инфекцияларында (атап айтқанда, остеомиелит)

Бактерияларға қарсы дәрілерді тиісінше қолдану жөніндегі ресми нұсқауларға көңіл бөлген жөн.

Хиконцил Комби препаратына сезімталдық географиялық орналасқан жеріне және уақытқа байланысты өзгеріп отыруы мүмкін. Препаратты тағайындар алдында, мүмкіндігінше, штаммдардың сезімталдығына жергілікті деректерге сәйкес баға беру және әсіресе ауыр инфекциялар жағдайында нақты пациенттен үлгілер алу және талдау жолымен сезімталдықты анықтау қажет.

Хиконцил Комби амоксициллинге сезімтал микроорганизмдерден туындаған инфекцияларды, және бета-лактамазаны өндіріп шығаратын амоксициллинге және клавуланатқа сезімтал штаммдардан туындаған аралас инфекцияларды емдеу үшін қолданылуы мүмкін.

Дозалау режимі жасқа, дене салмағына, бүйрек функциясына, инфекциялық агенттерге, сондай-ақ инфекциялардың ауырлық дәрежесіне байланысты белгіленеді.

Асқазан-ішек жолына потенциалды ықпал ету қаупін төмендету үшін Хиконцил Комби препаратын тамақпен бірге, оның ең жоғары абсорбциялануы үшін тамақтанудың бас кезінде қабылдау ұсынылады. Жүргізілетін емнің уақыты жүргізіліп жатқан емге пациенттің жауабына байланысты. Кейбір патологиялар (атап айтқанда, остеомиелит) ұзағырақ курсты қажет етуі мүмкін. Емдеуді науқастың жағдайына баға беруді қайталамай жалғастыруды 14 күннен асырмаған жөн. Қажет болған кезде емдеу сатылап жүргізілуі мүмкін (алдымен осы біріктірілімнің венаішілік түрін енгізіп, кейіннен Хиконцил Комби таблеткасын пероральді түрде қабылдауға ауыстырады).

Ересектер және 12 жастан үлкен немесе дене салмағы 40 кг-ден асатын балалар

500 мг/125 мг доза таблетканы қолданып жүрген ересектер және 12 жастан үлкен балаларда ең жоғары тәуліктік доза 1500 мг амоксициллинді/375 мг клавулан қышқылын құрайды. Дозасы 875 мг/125 мг таблеткалар үшін ең жоғары тәуліктік доза 1750 мг амоксициллинге/250 мг клавулан қышқылына (күніне 2 рет қабылдағанда) немесе 2625 мг амоксициллинге/375 мг клавулан қышқылына (күніне 3 рет қабылдағанда) тең.

12 жастан кіші немесе дене салмағы 40 кг-ден азырақ балалар

Осы дәрілік түр 12 жастан кіші балаларға немесе дене салмағы 40 кг-ден азырақ балаларға арналмаған. Мұндай балаларға Хиконцил Комби препаратын ішке қабылдауға арналған суспензия түрінде тағайындайды.

Дозаларды түзету амоксициллиннің ұсынылатын ең жоғары дозасына және креатинин клиренсінің мәндеріне негізделген.

Ересектер

Дозаны түзету амоксициллиннің ұсынылатын ең жоғары дозасына негізделген.

Ересектер: әрбір 24 сағат сайын 500 мг/125 мг 1 таблетка. Диализ сеансы кезінде қосымша 1 доза және диализ сеансының соңында тағы бір доза тағайындалады (амоксициллиннің және клавулан қышқылының төмендеген сарысулық концентрациясының орнын толтыру үшін).

Емдеуді сақтықпен жүргізеді; бауыр функциясына ұдайы мониторинг жүзеге асырылады.

Егде жастағы пациенттер

Хиконцил Комби дозасын төмендету керек емес; доза ересектердегі сияқты. Бүйрек функциясы бұзылған егде жастағы пациенттерде дозаны жоғарыда бүйрек функциясы бұзылған ересектер үшін көрсетілгендей етіп түзеткен жөн.

Клиникалық зерттеулерде және постмаркетингтік кезеңде байқалған жағымсыз әсерлер төменде берілген және анатомиялық-физиологиялық жіктеуіне және кездесу жиілігіне байланысты берілген.

Кездесу жиілігі былайша белгіленеді: өте жиі (≥1/10), жиі (≥1/100 және <1/10), жиі емес (≥1/1000 және <1/100), сирек (≥1/10000 және <1/1000), өте сирек (<1/10000, жекелеген жағдайларды қоса), белгісіз (жиілігін қолда бар деректер негізінде анықтау мүмкін емес).

Жиі

• тері және шырышты жабындардың кандидозы

• жүректің айнуы, құсу, диарея

Жүректің айнуы препараттың жоғары дозаларын қолданған кезде жиі кездеседі. Көрініс беру дәрежесін төмендету үшін суспензияны тамақ ішу алдында қабылдау ұсынылады.

Жиі емес

• бас айналу, бас ауыру

• диспепсия

• АЛТ/АСТ бауыр ферменттері деңгейлерінің орташа жоғарылауы

• тері бөртпесі, қышыну, есекжем

Сирек

• қайтымды лейкопения (нейтропенияны қоса)

• тромбоцитопения

• мультиформалы эритема

Өте сирек

• антибиотик астасқан колит (жалған жарғақшалыны және геморрагиялықты қоса)

• тілдің қара түктенуі (тілдің жіп тәріздес емізікшелерінің созылмалы гиперплазиясы)

• тіс эмалі сыртының қайтымды боялуы (щеткамен тазалағанда оңай кетеді). Ауыз қуысының тазалығын сақтау тіс эмалінің боялуын болдырмауға жәрдемдеседі.

Белгісіз

• сезімтал емес организмдердің тез өсуі

• қайтымды агранулоцитоз

• гемолиздік анемия

• қан кету уақытының және протромбин уақыты индексінің артуы

• ангионевроздық ісіну, анафилаксия

• сарысу құю ауруына ұқсас синдром

• аллергиялық васкулит

• қайтымды жоғары белсенділік

• құрысулар

• гепатит, холестаздық сарғаю

• Стивенс-Джонсон синдромы

• уытты эпидермальді некролиз

• эксфолиативті буллёзді дерматит, жайылған жедел экзантематозды пустулёз. Осы симптомдар дамыған кезде препаратты қабылдау тоқтатылуы тиіс

• интерстициальді нефрит, кристаллурия

• пенициллиндерге немесе препараттың кез келген компонентіне белгілі аса жоғары сезімталдық

• басқа бета-лактамдық антибиотиктерге (цефалоспориндерге, карбапенемдерге, монобактамдарға) белгілі аса жоғары сезімталдық

• амоксициллин/клавулан қышқылы біріктірілімін қабылдау аясында дамитын сарғаю немесе бауыр функциясының бұзылуы

• 12 жастан кіші балаларға немесе дене салмағы 40 кг-ден азырақ балаларға

Хиконцил Комби препаратын пробеницидпен бір мезгілде қолдану ұсынылмайды. Пробеницид амоксициллиннің өзекшелік секрециясын төмендетеді, сондықтан Хиконцил Комби мен пробеницидті бір мезгілде қолдану қанда амоксициллин деңгейінің оқшау жоғарылауына әкелуі мүмкін.

Алопуринолды және Хиконцил Комби препаратын бір мезгілде қолдану аллергиялық реакциялардың туындау қаупін арттыруы мүмкін. Аллопуринолды және Хиконцил Комби препаратын бір мезгілде қолдану жөнінде деректер қазіргі таңда жоқ.

Хиконцил Комби препараты ішек флорасына ықпалын тигізеді және эстрогендердің кері сіңуінің азаюына және біріктірілген оральді контрацептивтердің тиімділігінің төмендеуіне әкеледі.

Протромбин уақытының (аценокумарол және варфарин) арту жағдайлары байқалды. Хиконцил Комби препаратын және антикоагулянттарды бір мезгілде қолданғанда тиісті мониторинг жүргізіп, қажет болса, Хиконцил Комби препаратының дозасын түзету қажет.

Пенициллиндер метотрексаттың шығарылуын төмендеуі мүмкін, бұл оның уыттылығының потенциалды ұлғаю қаупі болып табылады.

Хиконцил Комби препаратымен бірге қабылдағанда микофенолат мофетил қабылдап жүрген пациенттерде белсенді метаболит микофенол қышқылының концентрациясы төмен дозаларды тағайындағанда шамамен 50%-ға төмендейді. Бастапқы дозаның концентрациясы деңгейінің өзгеруі микофенол қышқылының жиынтық экспозициясы концентрациясының өзгеруіне сәйкес келмеуі мүмкін. Алайда микофенолат мофетилді бір мезгілде Хиконцил Комби препаратымен немесе антибиотикті қабылдағаннан кейін бірден қабылдап жүрген пациенттерді клиникалық бақылау ұсынылады.

Хиконцил Комби препаратымен емдеуді бастар алдында пенициллинге, цефалоспоринге немесе басқа да бета-лактамдық антибиотиктерге бұған дейін болған аса жоғары сезімталдық реакцияларына қатысты нақты анамнез жинау қажет.

Пенициллиндерге күрделі, ал кейде фатальді реакциялардың (анафилаксиялық шок) болғаны сипатталған, олар көбіне мұның алдында пенициллиндерге аса жоғары сезімталдық реакциясы болған пациенттерде байқалған. Аллергиялық реакциялар туындаған жағдайда Хиконцил Комби препаратымен емдеуді тоқтату және альтернативті ем жүргізуді бастау керек. Аса жоғары сезімталдықтың күрделі реакциялары дамыған кезде пациентке кідіртпей адреналин енгізген жөн. Оксигенотерапия, стероидтарды вена ішіне енгізу және тыныс алу жолдарының, интубацияны қоса, өткізгіштігін қамтамасыз ету қажет болуы мүмкін.

Хиконцил Комби препаратын инфекциялық мононуклеозға күдіктенген жағдайда тағайындамау керек, өйткені осындай ауруы бар пациенттерде амоксициллин тері бөртпесін туындатуы мүмкін, бұл ауру диагностикасын қиындатады.

Хиконцил Комби препаратымен ұзақ емдеу оған сезімтал емес микроорганизмдердің шамадан тыс өсуімен қатар жүруі мүмкін.

Антибиотиктерді қолдану аясында ауырлығы пациенттердің өміріне қауіп төндіретін жеңілден ауыр дәрежеге дейін өзгерген жалған жарғақшалы колиттің даму жағдайлары байқалды. Сондықтан диареясы бар пациенттерде антибиотиктерді қабылдағанда немесе емдеу курсын аяқтағаннан кейін осы патологияның туындауы мүмкін екендігін ескеру қажет. Ұзаққа созылған немесе елеулі диарея дамыған жағдайда, іш аймағында спазмдар бар болғанда Хиконцил Комби препаратымен емдеу дереу тоқтатылуы тиіс және пациенттерді әрі қарай тексерілуге жіберу керек.

Жалпы алғанда, Хиконцил Комби препаратының жағымдылығы жақсы және уыттылығы барлық пенициллиндерге тән төмен болады. Хиконцил Комби препаратымен ұзақ уақыт емдегенде бүйрек, бауыр, қан түзу ағзаларының функцияларына мезгіл-мезгіл баға беріп отыру ұсынылады.

Хиконцил Комби препаратын қабылдап жүрген пациенттерде анда-санда протромбин уақытының артуы байқалады, сондықтан Хиконцил Комби препаратын және антикоагулянттарды бір мезгілде қолданғанда тиісті мониторинг жүргізу қажет, қажет болған жағдайда антикоагулянт дозасы төмендетілуі мүмкін.

Бауыр функциясы бұзылған пациенттерде Хиконцил Комби препаратын сақтықпен қолданған жөн. Бауырдың зақымдану белгілері және симптомдары әдетте емдеу кезінде немесе емдеуді бастағаннан кейін бірден туындайды, бірақ кейбір жағдайларда емдеуді тоқтатқаннан кейін бірнеше апта бойы көрініс бермеуі мүмкін. Әдеттегідей, олар қайтымды. Бауырлық бұзылулар өте күрделі болуы мүмкін, және өте сирек жағдайларда өліммен аяқталғаны жөнінде мәлімделді. Олар күрделі негізгі ауруы бар пациенттерде немесе бауырға потенциалды түрде әсер ететіні белгілі препараттарды бір мезгілде қабылдағандарда әрдайым дерлік тіркелді.

Бүйрек функциясының жеткіліксіздігі бар пациенттерде препарат дозасы аурудың ауырлығына сәйкес түзетілуі тиіс.

Препаратты бүйрек функциясы төмендеген пациенттерге тағайындағанда немесе жоғары дозаларын пайдалағанда құрысулар дамуы мүмкін.

Диурезі төмендеген пациенттерде сирек жағдайларда кристаллурия туындауы мүмкін. Амоксициллин кристалдарының түзілу ықтималдылығын азайту үшін амоксициллиннің жоғары дозаларын енгізу кезінде сұйықтықтың жеткілікті мөлшерін қабылдау және адекватты диурезді демеу ұсынылады. Катетері бар пациенттерде олардың жағдайына үнемі баға беріп отыру қажет.

Аллопуринол және амоксициллинді бірге қолдану терінің аллергиялық реакцияларының даму ықтималдылығын арттырады.

Амоксициллинмен емдеу кезінде несептегі глюкоза мөлшерін анықтау үшін глюкозаның ферменттік тотығу әдісін пайдалану қажет, өйткені ферменттік емес әдістер жалғаноң нәтиже алуға әкеліп соғуы мүмкін.

Хиконцил Комби құрамында клавулан қышқылының болуы IgG және альбуминдердің эрироциттердің жарғақшасымен спецификалық емес байланысуына себеп болуы мүмкін, бұл Кумбстың жалғаноң реакциясына әкеледі.

Жүктілік және лактация кезеңі

Жүктілік кезінде Хиконцил Комби препаратын қолдану, дәрігердің пікірі бойынша, бұл қажет деп саналған жағдайларды қоспағанда, ұсынылмайды.

Емшек емізу кезінде Хиконцил Комби тағайындалуы мүмкін. Емшек сүтіне өткен препараттың қалдық мөлшеріне байланысты сенсибилизацияның даму қаупін қоспағанда, емшек еміп жүрген балаларда жағымсыз әсерлер байқалған жоқ.

Әйелдерде ұрық қабығы мезгілінен ерте жарылғанда және мезгілінен ерте босанғанда амоксициллин және клавуланат біріктірілімімен профилактикалық емдеу жаңа туған нәрестелерде некроздайтын энтероколиттің даму қаупінің ұлғаюымен астасатыны анықталды.

Көлік құралын немесе потенциалды қауіпті механизмдерді басқару қабілетіне дәрілік заттың ықпал ету ерекшеліктері

Деректер жоқ; алайда жағымсыз реакциялар (бас айналу, құрысулар) дамуы мүмкін болғандықтан, сақтық танытқан жөн.

Симптомдары: асқазан-ішек бұзылыстары және су-электролиттік теңгерімнің бұзылулары болуы мүмкін. Кейбір жағдайларда бүйрек функциясы жеткіліксіздігінің дамуына әкелетін амоксициллиндік кристаллурия сипатталған.

Препаратты бүйрек функциясы төмендеген пациенттерге немесе жоғары дозаларды пайдаланған кезде құрысулар дамуы мүмкін.

Әсіресе жоғары дозаларды вена ішіне енгізуге тағайындағаннан кейін көбікті катетерлерде амоксициллин шөгуі мүмкін.

Емі: симптомдық ем жүргізу, су-электролиттік теңгерімді түзету, Хиконцил Комби қаннан гемодиализдің жәрдемімен шығарылады.

Шығарылу түрі және қаптамасы

OPA/Alu/PVC үлбірден және алюминий фольгадан жасалған пішінді ұяшықты қаптамаға 7 таблеткадан салынған.

Пішінді ұяшықты 2 қаптама медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Түпнұсқалық қаптамасында, 25 ºС-ден аспайтын температурада, ылғалдан қорғалған жерде сақтау керек.

Балалардың қолы жетпейтін жерде сақтау керек.

2 жыл

Жарамдылық мерзімі өткеннен кейін қолдануға болмайды.

Рецепт арқылы

КРКА, д.д., Ново место, Словения

Шмарьешка цеста 6, 8501 Ново место, Словения

Қаптаушы

Микро Лабс Лимитед, Үндістан

Тіркеу куәлігінің ұстаушысы

КРКА, д.д., Ново место, Словения

Қазақстан Республикасы аумағында тұтынушылардан дәрілік заттың сапасы жөніндегі шағымдарды (ұсыныстарды) қабылдайтын; тіркеуден кейін дәрілік заттың қауіпсіздігін бақылауға жауапты ұйымның атауы, мекенжайы және байланыс жасау деректері (телефон, факс, электронды пошта)

«КРКА Қазақстан» ЖШС ҚР, 050059, Алматы қ., Әл-Фараби даңғ. 19, корпус 1 б, 2-ші қабат, тел.: +7 (727) 311 08 09, факс: +7 (727) 311 08 12, info. kz@krka. biz

Медициналық қолдану жөніндегі нұсқаулықтың жаңа нұсқасын www.dari.kz сайтынан қараңыз