Хартил® Амло (5 мг/5 мг)

• русский
• қазақша

• Скачать инструкцию медикамента

Саудалық атауы

Хартил® Амло

Халықаралық патенттелмеген атауы

Жоқ

Дәрілік түрі

Капсулалар 2,5 мг/2,5 мг, 5 мг/5 мг, 10 мг/5 мг, 5 мг/10 мг, 10 мг/10 мг

Құрамы

2.5 мг/2.5мг бір капсуланың құрамында

белсенді заттар: рамиприл 2.5мг

амлодипин 2.5мг (3.475 мг амлодипин бесилатына баламалы),

5 мг/5мг бір капсуланың құрамында

белсенді заттар: рамиприл 5мг

амлодипин 5мг (6.95 мг амлодипин бесилатына баламалы),

5 мг/10мг бір капсуланың құрамында

белсенді заттар: рамиприл 5мг

амлодипин 10мг (13.9 мг амлодипин бесилатына баламалы),

10 мг/5мг бір капсуланың құрамында

белсенді заттар: рамиприл 10мг

амлодипин 5мг (6.95 мг амлодипин бесилатына баламалы),

10 мг/10мг бір капсуланың құрамында

белсенді заттар: рамиприл10мг

амлодипин 10мг (13.9 мг амлодипин бесилатына баламалы)

қосымша заттар: кросповидон, гипромеллоза, микрокристалды целлюлоза, глицерол дибегенаты.

Қатты желатинді капсуланың құрамы (Coni-Snap 3):

темірдің (III) қызыл тотығы (Е172), титанның қостотығы (Е 171), желатин (2,5 мг/2,5 мг капсулалар үшін);

бриллианты көгілдір FCF+FD және C көк 1 (Е 133), қызыл аллюра AC+FD және C қызыл 40 (Е 129), титанның қостотығы (Е 171), желатин (5 мг/5 мг капсулалар үшін);

Қатты желатинді капсуланың құрамы (Coni-Snap 0):

титанның қостотығы (Е 171), темірдің (III) қызыл тотығы (Е 172), азорубин (кармоизин (Е 122)), индигокармин + FD және C көк 2 (Е132), желатин (5 мг/10 мг капсулалар үшін);

титанның қостотығы (Е 171), темірдің (III) қызыл тотығы (Е172), бриллиантты көгілдір FCF +FD және C көк 1 (Е133), қызыл аллюра AC+FD және C қызыл 40 (Е 129), желатин (10 мг/5 мг капсулалар үшін);

азорубин (кармоизин (Е 122)), индигокармин + FD және C көк 2 (Е132), титанның қостотығы (Е 171), желатин (10 мг/10 мг капсулалар үшін).

Сипаттамасы

2.5 мг/2.5 мг капсулалар (рамиприл /амлодипин): заттаңбасыз, өздігінен жабылатын, ақшыл-қызғылт түсті мөлдір емес корпусымен және ақшыл- қызғылт түсті мөлдір емес қақпағымен қатты желатинді капсулалар CONI–SNAP 3

5 мг/5 мг капсулалар (рамиприл /амлодипин): заттаңбасыз, өздігінен жабылатын, ақшыл-қоңыр қызыл түсті мөлдір емес корпусымен және ақшыл-қоңыр қызыл түсті мөлдір емес қақпағымен қатты желатинді капсулалар CONI–SNAP 3.

5 мг/10 мг капсулалар (рамиприл /амлодипин): заттаңбасыз, өздігінен жабылатын, ақшыл-қызғылт түсті мөлдір емес корпусымен және қоңыр-күрең қызыл түсті мөлдір емес қақпағымен қатты желатинді капсулалар CONI–SNAP 0

10 мг/5 мг капсулалар (рамиприл /амлодипин): заттаңбасыз, өздігінен жабылатын, ақшыл-қызғылт түсті мөлдір емес корпусымен және ақшыл-күрең қызыл түсті мөлдір емес қақпағымен қатты желатинді капсулалар CONI–SNAP 0

10 мг/10 мг капсулалар (рамиприл /амлодипин): заттаңбасыз, өздігінен жабылатын, қоңыр-күрең қызыл түсті мөлдір емес корпусымен және қоңыр-күрең қызыл түсті мөлдір емес қақпағымен қатты желатинді капсулалар CONI–SNAP 0

Капсуланың ішінде –механикалық қоспаларсыз, ақ немесе дерлік ақ түсті, иіссіз немесе иіссіз дерлік түйіршіктер мен ұнтақтардың қоспасы.

Фармакотерапиялық тобы

Ренин-ангиотензин жүйесіне әсер ететін препараттар. АКФ тежегіштері «баяу» кальций өзекшелерінің бөгегіштерімен біріктірілімде. Рамиприл және амлодипин.

АТХ коды C09BB07

Фармакологиялық қасиеттері

Фармакокинетикасы

Ішке қабылдағаннан кейін рамиприл асқазан- ішек жолдарынан тез сіңіріледі. Рамиприл плазмадағы концентрациясының шыңына 1 сағат ішінде жетеді. Несептің шығарылуын ескеріп, сіңу деңгейі кем дегенде 56 % құрайды және ас қабылдауға байланысты емес. 2,5 мг және 5 мг рамиприлді ішке қабылдағаннан кейін рамиприлаттың белсенді метаболитінің биожетімділігі 45 % құрайды.

Рамиприлдің жалғыз белсенді метаболиті - рамиприлат плазмалық концентрациясының шыңына рамиприлді қабылдағаннан кейін, 2 - 4 сағаттан соң жетеді. Рамиприлаттың плазмалық концентрациясының тепе-теңдік жағдайына шамамен рамиприлді емдік дозада қабылдаудың 4-ші күні жетеді. Рамиприлдің қан сарысуы ақуыздарымен байланысуы 73 % жуықты, ал рамиприлаттың - 56 % құрайды. Рамиприл толығымен дерлік рамиприлатқа және дикетопиперазинді эфирге, дикетопиперазин қышқылына және рамиприл мен рамиприлаттың глюкуронидтеріне метаболизденеді. Метаболиттердің экскрециясы негізінен бүйрек арқылы жүреді. Рамиприлаттың плазмалық концентрациясы полифазалы режимде төмендейді. Өзінің АӨФ терең байланысуының және ферментпен әлсіз диссоциациясының арқасында, рамиприлат препараттың плазмадағы өте төмен концентрациясының өзінде элиминацияның ұзақ ақырғы фазасын көрсетеді. Рамиприлді күніне бір дозада бірнеше рет қабылдағаннан кейін, рамиприлаттың жартылай шығарылуының тиімді кезеңі 13 - 17 сағат құрайды (5 - 10 мг дозасында), ал дозаны 1,25 – 2,5 мг дейін төмендеткеннен кейін, бұл кезең ұзарады. Бұл айырмашылығы рамиприлатпен байланысатын ферменттің қанықтыратын қабілетімен байланысты.

Рамиприл дозасын бір рет қабылдағаннан кейін емшек сүтінде рамиприл мен оның метаболиттерінің болуының белгілері анықталған жоқ. Әйтсе де препарат дозасын бірнеше рет қабылдағаннан кейін, рамиприлдің емшек сүтіне әсері анықталған жоқ.

Бүйрек функциясының жеткіліксіздігімен пациенттер

Бүйрек функциясының бұзылуымен пациенттерде рамиприлаттың бүйрекпен шығарылуы төмендейді, ал рамиприлаттың бүйрек клиренсі креатинин клиренсіне пропорциональді тәуелді. Бұл бүйрек функциясы қалыпты пациенттермен салыстырғанда баяуырақ азаятын рамиприлаттың плазмалық концентрациясының жоғарылауына әкеледі.

Бауыр функциясының жеткіліксіздігімен пациенттер

Бауыр функциясының жеткіліксіздігімен пациенттерде рамиприлдің рамиприлатқа метаболикалық өзгеруі бауыр эстеразалары белсенділігінің төмендеуі нәтижесінде баяулайды, ал осы пациенттердегі рамиприлдің плазмалық деңгейі жоғарылайды. Алайда осы пациенттердегі рамиприлат концентрациясының шыңының мәні бауыр функциясы қалыпты пациенттердегі осындай көрсеткіштерден айырмашылығы жоқ.

Ішке қабылдағаннан кейін амлодипин асқазан-ішек жолдарынан баяу сіңеді. Қан сарысуындағы ең жоғары концентрациясы 6–12 сағаттан кейін байқалады. Ас қабылдау амлодипиннің биожетімділігіне әсер етпейді. Абсолютті биожетімділігі 64-80% құрайды. Таралу көлемі 21 л/кг (дене салмағына) құрайды. Плазмасындағы тепе-теңдік концентрациясына (5–15 нг/мл) препаратты күнделікті қабылдағанда 7 – 8 күннен кейін жетеді. in vitro зерттеулері көрсеткендей қан ағымында айналымдағы амлодипиннің 93–98% қан плазмасының ақуыздарымен байланысады. Амлодипин бауырда белсенді емес метаболиттер түзумен тез метаболизденеді (шамамен 90%-ға). Бастапқы қосылыстың 10%-ға жуығы және белсенді емес метаболиттердің 60% несеппен, 20-25 % нәжіспен шығарылады. Қан плазмасындағы концентрациясының төмендеуі екі фазалы сипатқа ие. Плазмадан жартылай шығарылуының ақырғы элиминациялық кезеңі тәулігіне 1 рет қабылдағанда 35 – 50 сағатқа жуықты құрайды. Жалпы клиренс 7 мл/мин/кг тең (пациенттің салмағы 60 кг - 25 л/сағ). Егде пациенттерде бұл мән 19 л/сағ құрайды.

Амлодипиннің фармакокинетикасы бүйрек жеткіліксіздігінде және пациенттің жасының ұлғаюымен айтарлықтай өзгеріске ұшырамайды.

Егде жастағы пациенттер

Егде және жас пациенттерде амлодипиннің плазмадағы концентрациясының шыңына жету уақыты сәйкес келеді. Амлодипин клиренсі әдетте, егде жастағы пациенттерде AUC көрсеткішінің және жартылай шығарылу кезеңінің жоғарылауымен төмендейді. Іркілген жүрек жеткіліксіздігімен пациенттерде AUC көрсеткішінің және жартылай шығарылу кезеңінің жоғарылауы егде жастағы пациенттердегімен бірдей болды.

Бүйрек функциясының бұзылуымен пациенттер

Амлодипин белсенді емес метаболиттер түзумен экстенсивті метаболизденеді. Бастапқы қосылыстың 10 % өзгермеген түрінде несеппен шығарылады. Амлодипиннің плазмалық концентрациясының өзгеруі бүйрек жеткіліксіздігінің дәрежесімен байланысты емес. Осындай пациенттерге амлодипиннің әдеттегі дозасын қабылдауға болады. Амлодипиннің диализі тиімсіз болып табылады.

Бауыр функциясының бұзылуымен пациенттер

Бауыр функциясының бұзылуымен пациенттерде амлодипиннің клиренсі төмендейді, ол жартылай шығарылу кезеңінің ұзаруына AUC мәнінің шамамен 40-60% артуына әкеледі.

Фармакодинамикасы

Хартил Амло - құрамына баяу кальций өзекшелерінің (амлодипин) блокаторлары және АӨФ тежегіштері (рамиприл) кіретін, біріктірілген гипертензияға қарсы препарат.

Рамиприлат ангиотензин-өзгертуші фермент (АӨФ) белсенділігін бәсекелес тежейтін, рамиприлдің белсенді метаболиті, ангиотензин I-дің ангиотензин II- ге өзгеру жылдамдығын төмендетеді. Ангиотензин II концентрациясының төмендеуі нәтижесінде ренин босап шыққанда теріс кері байланысты тойтарумен плазма ренинінің белсенділігінің жоғарылуы және альдостерон секрециясы тікелей төмендеуі жүреді. Брадикинин деградациясын азайтады және простагландиндер синтезін жоғарылатады. Ангиотензин II түзілуінің азаюы және брадикининнің белсенділігінің жоғарылауы қан тамырларының кеңеюіне әкеледі және рамиприлдің кардиопротективті және эндотелиопротективті әсеріне өз үлесін қосады.

АӨФ тежегіштерін тағайындаумен монотерапияға жауаптың орташа деңгейі қара терілі нәсілдер популяциясындағы (афро-карибтік) артериялық гипертензиямен пациенттерде (гипертензиямен пациенттер популяциясы, әдетте рениннің төмен құрамымен), басқа түсті терімен пациенттерге қарағанда төмен.

Қан тамырларын кеңейтетін әсерінің арқасында жалпы шеткергі қантамырлық кедергіні (кейінгі жүктеме), өкпе капиллярларындағы қысымды (алдыңғы жүктеме) және өкпе қантамырларындағы кедергіні төмендетеді. Әдетте бүйрек қанайналымында және шумақтық сүзіліс жылдамдығында айтарлықтай өзгерістерді туындатпайды (кейбір жағдайларда ол жоғарылайды). Препарат пациент тұрған қалпында да, жатқан қалпында да жүректің жиырылу жиілігінің компенсаторлы жоғарылауынсыз гипертензияға қарсы әсер туындатады.

Гипертензияға қарсы әсер препараттың бір реттік дозасын ішке қабылдағаннан кейін 1-2 сағаттан соң басталады, ең жоғары әсері қабылдағаннан кейін 3-6 сағаттан соң дамиды және 24 сағат бойы сақталады. Күнделікті қабылдағанда гипотензивті әсері 3-4 апта ішінде біртіндеп жоғарылайды және ұзақ уақыт емдегенде сақталады. Қысқа уақытқа тоқтатқанда артериялық қысымның айқын жоғарылауы байқалмайды (тоқтату синдромы жоқ).

Амлодипин кальций иондарының миокардтық және тегіс бұлшықеттік қантамырлық жасушаларға (баяу кальций өзекшелерінің блокаторы немесе кальций иондарының антагонисті) жарғақша арқылы өтуін тежейді. Гипертензияға қарсы әсерінің механизмі қантамырларының тегіс бұлшықеттерін тікелей босаңсытатын әсерімен байланысты, ол шеткергі қантамырлық қарсыласудың төмендеуіне әкеледі.

Стенокардия симптомдарын жеңілдетуге болатын дәл механизмі толық анықталған жоқ, және төмендегілерді қамтуы мүмкін:

1)шеткергі артериолдардың кеңеюі, осылайша, жалпы шеткергі кедергінінің азаюы (кейінгі жүктеме). Бұл рефлекторлы тахикардияға әкелмейтін болғандықтан, миокардпен энергияны жұмсау және оттегіге қажеттілік төмендейді.

2) негізгі коронарлық артериялар мен артериолдардың кеңеюі нәтижесінде, сондай-ақ қалыпты және ишемияланған аймақтарда оттегінің түсуінің жақсаруы жүреді. Осылайша тіпті коронарлық артериялардың тарылуы жағдайында да (вариантты стенокардия немесе Принцметал стенокардиясы) оттегінің миокардқа жеткізілуі артады.

Артериялық гипертензиямен пациенттерде препаратты тәулік ішінде бір рет қабылдау пациент тұрған қалпында да, жатқан қалпында да артериялық қысымның клиникалық мәнді төмендеуімен қамтамасыз етеді. Әсерінің баяу басталуының арқасында кенеттен артериялық гипотензия байқалмайды.

Стенокардиямен пациенттерде тәулігіне бір рет қабылдағанда физикалық жүктемеге төзімділіктің жалпы уақыты стенокардия ұстамасы дамуына дейінгі уақыт және ST сегментінің айтарлықтай депрессиясына дейінгі уақыт артады, сондай-ақ стенокардия ұстамасының жиілігі және тринитрат глицерилдің қабылданатын таблеткаларының саны азаяды. Бұл жағымсыз метаболизмдік әсерлермен байланысты емес: препарат қан плазмасындағы липидтер деңгейіне, қандағы қант деңгейіне және қан сарысуындағы несеп қышқылының деңгейіне әсер етпейді және бронх демікпесімен пациенттерде пайдасы болды.

Қолданылуы

- рамиприл мен амлодипинді терапиялық дозада бір мезгілде қабылдау, біріктірілімде, сондай-ақ жекелей де талапқа сай әсер беретін пациенттерде орын басатын терапия препараты ретінде артериялық гипертензияда.

Қолдану тәсілі және дозалары

Препаратты қатаң дәрігердің тағайындауы бойынша қолдану керек!

Хартил® Амлоны, емдеу курсы бойы күн сайын, ас қабылдауға дейін, сондай-ақ одан кейін де, тәуліктің бір мезгілінде қабылдау керек. Капсулаларды сындыруға немесе шайнауға болмайды.

Ұсынылатын тәуліктік доза – белгілі дозада 1 капсула.

Белгілі дозасымен біріктірілген препаратты емдеудің бастапқы кезеңінде қабылдауға болмайды.

Егер дозаны түзетуге қажеттілік туындаса, Хартил® Амло препаратының дозасы өзгертілуі мүмкін немесе олардың еркін біріктірілуінде жекелей компоненттерінің дозасы қайта қаралуы мүмкін.

Препаратты ересек пациенттер тобында қабылдау

Препаратты несеп айдайтын дәрілер қабылдайтын пациенттерге сақтықпен тағайындау ұсынылады, өйткені осы пациенттерде су-электролиттік теңгерімнің бұзылуы байқалуы мүмкін. Бүйрек функциясын тексеру және қан сарысуында калий деңгейін анықтау керек.

Бауыр функциясының бұзылуымен пациенттер

Бауыр функциясының бұзылуымен пациенттерде рамиприлмен емдеу дәрігердің мұқият қадағалауымен басталуы керек, осы жағдайда ең жоғары тәуліктік доза 2,5 мг рамиприлді құрайды.

Рамиприлдің дозасын таңдауда оңтайлы демеуші доза ретінде 2,5 мг рамиприл дозасына ауыстырылған пациенттерге ғана Хартил® Амлоны тағайындау ұсынылады.

Бауыр жеткіліксіздігі жағдайында амлодипиннің шығарылу кезеңі ұзаруы мүмкін. Амлодипинге қатысты дозалануы жөнінде дәл ұсынымдар жоқ, сондықтан осы пациенттерде препарат сақтықпен тағайындалуы керек.

Бүйрек функциясының бұзылуымен пациенттер

Бүйрек функциясының бұзылуымен пациенттерде бастапқы және демеуші дозаның оңтайлы үйлесімін анықтау үшін, препараттың дозалануы рамиприл мен амлодипиннің дозалануын жекелей анықтау жолымен іріктеледі.

Бүйрек жеткіліксіздігімен пациенттерде рамиприлдің тәуліктік дозасы креатинин клиренсін есепке алып анықталуы керек.

- креатинин клиренсі ≥ 60 мл/мин пациенттерде, бастапқы дозаны түзету қажет емес; ең жоғары тәуліктік дозасы - 10 мг;

- креатинин клиренсі < 60 мл/мин пациенттерде, сондай-ақ гемодиализ емшарасын өтудегі артериялық гипертензиямен пациенттерде, Хартил Амлоны пациент оңтайлы демеуші доза (рамиприлді дозалау үдерісінде анықталған) ретінде рамиприлдің 2,5 мг немесе 5 мг құрайтын дозалану режиміне ауыстырылған пациенттерге ғана тағайындау ұсынылады.

Гемодиализ үдерісін өтудегі пациенттер, препаратты гемодиализді жасағаннан кейін бірнеше сағаттан кейін қабылдауы керек.

Бүйрек функциясының бұзылуымен пациенттерде амлодипиннің дозасын түзетудің қажеті жоқ.

Амлодипин диализ үдерісінде шығарылмайды. Диализ үдерісін өтудегі пациенттерге, амлодипинді аса сақтықпен тағайындау керек.

Хартил® Амло препаратымен емделу кезеңінде бүйректің функциялық қабілетін бақылау және қан сарысуындағы калийдің құрамын анықтау керек. Бүйрек функциясы нашарлаған жағдайда Хартил® Амло препаратын қабылдау тоқтатылуы керек, ал оның компоненттерін қажетінше түзетілген дозаларда тағайындау керек.

Егде жастағы пациенттерде қолданылуы

Рамиприлдің бастапқы дозасы әдеттегіден төмен болуы керек, ал жағымсыз әсерлерінің пайда болуының жоғары қаупіне байланысты дозаны келесі түзету біртіндеп жүруі керек. Хартил® Амлоны өте кәрі және әлсіз пациенттерге тағайындауға болмайды.

Егде пациенттерге амлодипиннің әдеттегі дозасын қабылдауға болады, әйтсе де, препараттың дозасын сақтықпен жоғарылату керек.

Балаларда және жасөспірім пациенттерде қолданылуы

Хартил® Амлоны 18 жасқа дейінгі балалар мен жасөспірімдерге тағайындауға болмайды, өйткені препаратты осы топтағы пациенттерге қолданудың қауіпсіздігі мен тиімділігі анықталмаған.

Жағымсыз әсерлері

Рамиприлге қатысты:

Жиі ( ≥ 1/100-ден < 1/10 дейін)

- бас ауыруы, бас айналуы, шаршағыштық

- гиперкалиемия

- артериялық гипотензия, ортостатикалық гипотензия, естен тану

- құрғақ тітіркендіретін жөтел, бронхит, синусит, ентігу

- асқазан – ішек жолдарының қабынуы, ас қорытудың бұзылуы, іш тұсында жайсыздық сезімі, диспепсия, диарея, жүрек айнуы, құсу

- бөртпе, макулопапулезді дерматит

- бұлшықет түйілуі, миалгиялар

- кеуде тұсының ауыруы

Жиі емес ( ≥ 1/1000-нан < 1/100 дейін);

- эозинофилия

- көңіл күйдің болмауы, үрейлену, ашуланшақтық, мазасыздық, ұйқышылдықты қоса, ұйқының бұзылуы

- анорексия, тәбеттің төмендеуі

- вертиго, парестезиялар, дәм сезбеу, дәмнің бұрмалануы

- көрудің бұлдырлауын қоса, көрудің бұзылуы

- миокард ишемиясы, стенокардия немесе миокард инфарктын қоса, тахикардия, аритмия, жүректің қағуы, шеткергі ісіну

- бетке қан тебу

- бронхтүйілуі, демікпе ағымының асқынуын қоса, мұрынның бітелуі

- панкреатит (АӨФ тежегіштерін қабылдауға байланысты өліммен аяқталудың өте сирек жағдайлары туралы хабарланған), ұйқы безі ферменттерінің жоғарылауы, ішектің аздаған ангионевроздық ісінуі, гастритті қоса, іштің жоғарғы бөлігінің ауыруы, іш қатулар, ауыздың құрғауы

- бауыр ферменттері және/немесе билирубин деңгейінің жоғарылауы

- сирек жағдайларда, өліммен аяқталатын, тыныс жолдарының өткізгіштігінің бұзылуын туындататын ангионевроздық ісіну, қышыну, тершеңдік

- артралгия

- бүйрек жеткіліксіздігі, оның ішінде жедел бүйрек жеткіліксіздігі, несеп шығарудың жиілуі, протеинурияның ауыр түрі, қандағы мочевина деңгейінің жоғарылауы, қандағы креатинин деңгейінің жоғарылауы

- либидоның төмендеуі, қайтымды эректильді импотенция

- гипертермия

Сирек ( ≥ 1/10000-нан < 1/1000 дейін);

- лейкопения (оның ішінде, нейтропения немесе агранулоцитоз), эритропения, гемоглобин деңгейінің төмендеуі, тромбоциттер санының азаюы

- сананың шатасуы

- тремор, қимыл үйлесімділігінің бұзылуы

- конъюнктивит

- естудің бұзылуы, құлақтағы шуыл

- глоссит

- қантамырлық стеноз, гипоперфузия, васкулит

- холестаздық сарғаю, гепатоцеллюлярлы зақымдану

- эксфолиативті дерматит, есекжем, онихолизис

- астения

Өте сирек (< 1/10000, оның ішінде, кейбір хабарлар)

- фотосезімталдық реакциялары

Белгісіз (бар деректер негізінде бағалау мүмкін емес).

- сүйек кемігінің зақымдануы, панцитопения, гемолитикалық анемия

- анафилактикалық немесе анафилактоидты реакциялар, антиядролық антиденелер мөлшерінің жоғарылауы

- қандағы натрий құрамының азаюы

- зейінді жұмылдыруға қабілеттіліктің бұзылуы

- ишемиялық инсульт пен транзиторлы ишемияны қоса, мидың ишемиясы, психомоторлық реакциялардың бұзылуы, күйдіруді сезіну, паросмия

- Рейно синдромы

- афтозды стоматит

- жедел бауыр жеткіліксіздігі, холестаздық цитолитикалық гепатит (сирек жағдайларда өлім жағдайлары байқалды)

- гинекомастия

-уытты эпидермальді некролиз, Стивенс-Джонсон синдромы, мультиформалы эритема, күлдіреуік, ауыр дәрежедегі псориаз, псориазтәріздес дерматит, пемфигоидты немесе лихеноидты экзантема мен энантема, алопеция

Амлодипинге қатысты:

Жиі ( ≥ 1/100-ден < 1/10 дейін);

- бас ауыруы, бас айналуы, ұйқышылдық (әсіресе емнің басында), шаршағыштық

- жүректің қағуы

- бетке қан тебу

- жүрек айнуы, іштің ауыруы

- ісіну, тобықбуынының ісінуі

Жиі емес ( ≥ 1/1000-нан < 1/100 дейін);

- көңіл күйдің өзгеруі (үрейді қоса), ұйқысыздық, депрессия

- тремор, дәм сезудің бұрмалануы, естен тану, гипестезия, парестезиялар

- көрудің бұзылуы (оның ішінде, диплопия)

- құлақтағы шуыл

- гипотония

- ентігу, ринит

- құсу, диспепсия, ішек моторикасының өзгеруі (диарея мен іш қатуды қоса), ауыздың құрғау сезімі

- алопеция, пурпура, тері түсінің өзгеруі, жоғары тершеңдік, қышыну, бөртпе, экзантема

- артралгия, миалгия, бұлшықет түйілуі, арқаның ауыруы

- несеп шығарудың бұзылуы, никтурия, несеп шығару жиілігінің жоғарылауы

- потенцияның бұзылуы, гинекомастия

- кеуденің ауыруы, әлсіздік, ауыру, дімкәстік

- дене салмағының жоғарылауы немесе төмендеуі

Сирек ( ≥ 1/10000-нан < 1/1000 дейін);

- сананың шатасуы

Өте сирек (< 1/10000, оның ішінде кейбір хабарлар)

- лейкопения, тромбоцитопения

- артериялық гипертензия, шеткергі нейропатия

- миокард инфарктісі, аритмиялар (оның ішінде, брадикардия, қарыншалық тахикардия және жүрекшелік фибрилляция)

- васкулит

- жөтел

- панкреатит, гастрит, қызыл иек гиперплазиясы

- сарғаю*, гепатит,* бауыр ферменттері* деңгейінің жоғарылауы

- аллергиялық реакция, ангионевроздық ісіну, мультиформалы эритема, есекжем, эксфолиативті дерматит, Стивенс-Джонсон синдромы, фотосенсибилизация

* Көп жағдайларда холестазбен.

Қолдануға болмайтын жағдайлар

• рамиприлге (немесе АӨФ тежегіштеріне), амлодипинге, дигидропиридин туындыларына, және/немесе кез келген қосымша заттарға жоғары сезімталдық

• сыртартқысында ангионевроздық ісінудің болуы (туа біткен, идиопатиялық немесе АӨФ тежегіштерін немесе ангиотензин II рецепторларының антагонистерін (AРАТ ІІ) қабылдаумен туындаған алдыңғы ангионевроздық ісіну негізінде пайда болған)

• қанның теріс зарядталған беткейлермен жанасуымен қатар жүретін экстракорпоральді ем

• бүйрек артерияларының айқын екі жақтық стенозында немесе жалғыз жұмыс жасайтын бүйректің бүйрек артериясының стенозы

• жүктілік және лактация кезеңі

• рамиприлді гипотензивті немесе гемодинамикалық тұрақсыз жағдайлармен пациенттерге тағайындауға болмайды

• гипотензияның ауыр түрінде

• шок (оның ішінде, кардиогенді шок)

• сол жақ қарыншадан (мысалы, ауыр дәрежедегі аорталық стеноз) қанның ағып шығуына кедергі ететін қантамырларының тарылуы

• бастан өткерген жедел миокард инфарктысынан кейінгі гемодинамикалық тұрақсыз жүрек жеткіліксіздігі

Дәрілермен өзара әрекеттесуі

Ауыр анафилактикалық немесе анафилактоидтық реакциялардың дамуының жоғары қаупіне байланысты, жоғары өткізгіштікті жарғақшалар (мысалы, полиакрилонитрилді қосылыстармен жарғақшалар) арқылы гемодиализ, гемофильтрация немесе сульфат декстранын қолданумен төмен тығыздықтағы липопротеидер аферезі секілді қанның теріс зарядталған беткейлермен жанасуымен қатар жүретін экстракорпоральді емшаралар.

Егер осындай ем қажет болса, диализ үшін басқа типті жарғақшаны немесе басқа категориядағы гипертензияға қарсы дәрілерді қолдануға қатысты сұрақты қарастыру керек.

Калий сақтайтын диуретиктермен, калий препараттарымен және калийдің плазмалық деңгейін жоғарылататын (оның ішінде, ангиотензин II рецепторлар антагонистерімен, триметоприммен, такролимуспен, циклоспоринмен) басқа белсенді заттармен бір мезгілде қабылдағанда гиперкалиемия дамуы мүмкін, сондықтан қан сарысуында калий деңгейін мұқият бақылау керек.

Антигипертензиялық препараттармен (мысалы, диуретиктермен) және артериялық қысымды төмендетуі мүмкін басқа заттармен (мысалы, нитраттармен, трициклді антидепрессанттармен, ауыруды басатын дәрілермен, алкогольмен, баклофенмен, альфузозинмен, доксазозинмен, празозинмен, тамсулозинмен, теразозинмен) бір мезгілде қабылдағанда гипотензия қаупі күшеюі мүмкін.

Вазопрессорлы симпатомиметиктермен және басқа препараттармен (мысалы, изопротеренолмен, добутаминмен, допаминмен, адреналинмен) бір мезгілде қабылдағанда, рамиприлдің гипертензияға қарсы әсері төмендеуі мүмкін, сондықтан артериялық қысымды мониторингілеуді жүргізу ұсынылады.

Аллопуринолмен, иммунодепрессанттармен, кортикостероидтармен, прокаинамидпен, цитостатиктермен және қан жасушаларының мөлшерін өзгертуі мүмкін басқа препараттармен бір мезгілде қабылдағанда, гематологиялық реакциялардың даму мүмкіндігі артады.

Литий препараттарымен АӨФ тежегіштерін бір мезгілде қабылдағанда оның бөлінуі азаюы мүмкін болғандықтан, кейін оның уыттылығының жоғарылауымен қандағы литий концентрациясы жоғарылайды. Литий деңгейін үнемі бақылау керек.

Диабетке қарсы дәрілермен (инсулинді қоса) бір мезгілде қабылдағанда гипогликемиялық реакциялар дамуы мүмкін. Қандағы глюкоза деңгейін қатаң бақылау керек.

Қабынуға қарсы стероидты емес препараттармен және ацетилсалицил қышқылымен бір мезгілде қабылдағанда рамиприлдің гипертензияға қарсы әсері төмендеуі мүмкін. АӨФ тежегіштерін және ҚҚСД біріктіріп қабылдау гиперкалиемия дамуын туындатуы мүмкін және бүйрек функциясының бұзылу қаупін жоғарылатады.

CYP3A4 тежегіштері: амлодипинді CYP3A4 күшті немесе орташа тежегіштерімен (протеаза тежегіштерімен, эритромицин немесе кларитромицин секілді макролидтермен, азолды зеңге қарсы препараттармен, верапамилмен немесе дилтиаземмен) бір мезгілде қолдану амлодипин экспозициясының айтарлықтай жоғарылауына әкелуі мүмкін.

Осылайша, клиникалық мониторингілеу және препарат дозасын өзгертуге қажеттілік туындауы мүмкін.

CYP3A4 тежегіштері: CYP3A4 тежегіштерінің амлодипинге әсері туралы деректер жоқ. Препаратты CYP3A4 тежегіштерімен (мысалы, рифампицин немесе шілтерлі шайқураймен) бір мезгілде қабылдау амлодипиннің плазмалық концентрациясын төмендетуі мүмкін. Амлодипинді CYP3A4 тежегіштерімен бір мезгілде тағайындағанда сақтықпен қолдану керек.

Амлодипинді грейпфрутпен немесе грейпфрут шырынымен қолдануға болмайды, өйткені кейбір пациенттерде алодипиннің биожетімділігі жоғарылауы мүмкін, ол өз кезегінде айқын антигипертензиялық әсерімен қатар жүреді.

Гиперкликемия даму қаупіне байланысты қатерлі гипертермияның дамуына бейім пациенттерде және қатерлі гипертермияны емдеу барысында Дантролен препаратын (инфузия) амлодипин секілді, кальций өзекшелері с блокаторларымен біріктіруден аулақ болу керек. Амлодипиннің артериялық қысымды төмендететін әсері антигипертензиялық қасиетке ие басқа дәрілік препараттардың антигипертензиялық әсеріне қосымша болады.

Дәрілік заттармен өзара әрекеттесуін клиникалық зерттеулер барысында, амлодипин аторвастатиннің, дигоксиннің, варфарин немесе циклоспориннің фармакокинетикасына әсер еткен жоқ.

Айрықша нұсқаулар

Рамиприлге қатысты:

Гипотензияның пайда болуының жоғары қаупімен пациенттер:

- Жоғары белсенді ренин-ангиотензин-альдостеронды жүйемен пациенттер әсіресе АӨФ тежегіштері немесе қатар жүретін несеп айдайтын дәрілер алғаш рет тағайындалғанда, немесе олардың дозасын алғаш рет жоғарылатқанда, артериялық қысымның күрт төмен түсуі және АӨФ тежелуі нәтижесінде бүйрек функциясының нашарлауы қаупіне ұшырайды.

Егер ренин-ангиотензин-альдостеронды жүйенің жоғары белсенділігінің білінуі мүмкін болса, қажет болғанда медициналық бақылауды, оның ішінде, артериялық қысымды мониторингілеуді ұйымдастыру керек:

• ауыр гипертензиямен пациенттерде;

• декомпенсацияланған іркілген жүрек жеткіліксіздігімен пациенттерде;

• сол жақ қарыншаға гемодинамикалық айқын қанның келіп түсуімен немесе одан ағып шығуының қиындауымен (мысалы, аорта немесе митральді клапан стенозы) пациенттерде;

• жалғыз жұмыс жасайтын бүйректің бүйрек артериясының бір жақтық стенозымен пациенттерде;

• сулы-электролитті теңгерім бұзылуы бар (немесе мүмкін) пациенттерде (несеп айдайтын дәрілерді қабылдайтын пациенттерді қоса);

• бауыр циррозымен және / немесе асцитпен пациенттерде;

• күрделі хирургиялық операция өткерген немесе гипотензияны туындататын препараттарды қолданумен анестезияға ұшыраған пациенттерде;

Жалпы, сусыздану, гиповолемия немесе тұздардың тапшылығымен жағдайларға емді бастағанға дейін (жүрек жеткіліксіздігімен науқастарда, көлемді жүктеме қаупін ескеріп, осындай шаралардың пайдасы мен зияны мұқият бағалағаннан кейін) түзетуді жүргізу ұсынылады.

• транзиторлы (қайтымды) немесе бастан өткерген миокард инфарктінен кейін тұрақты жүрек жеткіліксіздігімен пациенттерде;

• кардиальді немесе церебральді ишемияның даму қаупімен пациенттерде немесе жедел гипотензия жағдайында.

Емдеудің бастапқы кезеңінде мұқият медициналық бақылау қажет етіледі.

Мүмкіндігінше хирургиялық араласым жүргізгенге дейін бір күн бұрын, рамиприл секілді АӨФ тежегіштерін қабылдауды тоқтату ұсынылады,

Бүйрек функциясын емді бастағанға дейін және оның кезінде тексеру керек, ал препараттың дозасын, әсіресе, емдеудің алғашқы апталарында түзетеді. Бүйрек жеткіліксіздігімен пациенттер үшін мұқият бақылау жүргізу ұсынылады. Әсіресе іркілген жүрек жеткіліксіздігімен пациенттерде немесе бүйрек трансплантациясынан кейін, бүйрек функциясының бұзылу қаупі бар

Сирек жағдайларда АӨФ тежегіштерін, оның ішінде, рамиприл қабылдаған пациенттерде ангионевроздық ісінудің пайда болуы туралы хабарланған.

Ангионевроздық ісіну пайда болған жағдайда рамиприлді қабылдауды тоқтату керек. Осындай жағдайларда жедел жәрдем тәсілдері мен дәрілерін дереу қолдану керек. Пациент симптомдары толық қайтқанша, кем дегенде 12- 24 сағат бақылауда болуы керек. АӨФ тежегіштерін, оның ішінде, рамиприл қабылдаған пациенттерде ішектің ангионевроздық ісінуінің пайда болуы туралы хабарланған. Бұл пациенттер іш аумағындағы ауыруға шағымданды (жүрек айнуы немесе құсу симптомдарымен, немесе оларсыз).

Жәндіктің шағуына аллергиялық реакцияның алдын алу және емдеу үшін десенсибилизациялайтын емде препаратты қабылдайтын пациенттерде сирек жағдайларда өмірге қауіп төндіретін ауыр анафилактикалық реакциялар дамыған. Сондықтан десенсибилизация аяқталғанға дейін рамиприлді қабылдауды уақытша тоқтату туралы шешім қабылдау керек.

АӨФ тежегіштерін, оның ішінде рамиприл қабылдайтын кейбір пациенттерде гиперкалиемия байқалған.

Гиперкалиемия дамуының жоғары қаупімен пациенттер тобына бүйрек жеткіліксіздігімен пациенттер, егде жастағы пациенттер (70 жастан асқан), бақыланбайтын қант диабетімен пациенттер, немесе калий тұздарын, құрамында калий бар диуретиктер және басқа да қан плазмасында калий деңгейінің жоғарылауына ықпал ететін белсенді заттарды қабылдайтын пациенттер, сондай-ақ сусыздану, жедел жүрек жеткіліксіздігі немесе метаболизмдік ацидоз секілді жағдайлардағы пациенттер кіреді.

Егер жоғарыда аталған дәрілік заттарды бір мезгілде қолдану мақсатқа сай деп саналмаса, қан сарысуында калий деңгейіне үнемі бақылау жүргізу ұсынылады.

Нейтропения/агранулоцитоз, тромбоцитопения және анемия жағдайлары сондай-ақ сүйек кемігінің депрессиясы туралы сирек хабарлар бар. Лейкопенияны ерте анықтау мүмкіндігі үшін, лейкоциттер санын бақылау ұсынылады.

Бүйрек функциясының бұзылуымен пациенттер арасында, сондай-ақ қатар жүретін коллагеноздармен (мысалы, қызыл жегімен немесе склеродермиямен) пациенттерде, және қан көрінісінің өзгеруін туындатуы мүмкін басқа дәрілік заттар қабылдаған барлық пациенттерде емдеудің бастапқы кезеңінде жиі бақылау ұсынылады. АӨФ тежегіштерін қабылдаған негроидты нәсілдегі пациенттерде, ангионевротикалық ісіну басқа пациенттерге қарағанда жиі дамиды.

Басқа да АӨФ тежегіштері секілді, рамиприл басқа нәсілдегі тұлғалармен салыстырғанда, негроидты нәсілдегі пациенттер популяциясында рениннің төмен деңгейімен тұлғалардың жиі кездесуі себебінен артериялық гипертензиямен негроидты нәсілдегі пациенттерде төмен гипотензивті әсер беруі мүмкін.

Препаратты қабылдау жөтел рефлексінің ұдайы жоғарылауымен құрғақ жөтелмен жүреді. Жөтел препаратты тоқтатқаннан кейін тоқтауы мүмкін. Препаратты қабылдаумен туындаған жөтелді дифференциальді-диагностикалық белгісі деп санау керек.

Амлодипинге қатысты:

Амлодипиннің гипертониялық кризде тиімділігі мен қауіпсіздігі анықталған жоқ.

Препаратты жүрек жеткіліксіздігімен пациенттерге сақтықпен тағайындау керек. Ауыр жүрек жеткіліксіздігімен пациенттердің (NYHA бойынша III және IV класты) қатысуымен жүргізілген ұзақ плацебо- бақыланатын зерттеулер барысында олардың пайда болу жиілігі, плацебо тобымен салыстырғанда, амлодипин тағайындалған топта жоғары болған өкпе ісінуі жағдайлары тіркелген, бірақ ол өте ауыр жүрек жеткіліксіздігімен жүрген жоқ.

Кальций өзекшелерінің тежегіштерін, оның ішінде амлодипинді де, іркілген жүрек жеткіліксіздігімен пациенттерге, кейіннен жүрек- қантамырлық асқыну және өліммен аяқталу қаупінің жоғарылауына байланысты сақтықпен тағайындау керек.

Бауыр функциясының бұзылуымен пациенттерде амлодипиннің жартылай шығарылу кезеңі ұзарады, ал AUC артады; дозалануын өзгертуге қатысты ұсыныстар жоқ. Осылайша, амлодипинмен емді емнің басында сондай-ақ дозаны жоғарылатқанда да ұсынылған дозалар аралығының төмен дозасынан сақтықпен қабылдау керек. Бауыр функциясының бұзылуымен пациенттерге дозаны баяу таңдау және мұқият мониторингілеу талап етілуі мүмкін.

Егде пациенттер амлодипинді сақтықпен қабылдауы керек.

Бүйрек функциясының бұзылуымен пациенттерге амлодипинді әдеттегі дозада қабылдауға болады. Амлодипиннің плазмалық концентрациясының өзгеруі бүйрек жеткіліксіздігінің дәрежесімен корреляцияланбайды. Амлодипин диализ кезінде шығарылмайды.

5мг/мг және 10 мг/5мг капсуланың құрамына қызыл аллюра бояғышы AC+FD және C қызыл 40 (Е129) кіреді, ал 5 мг/10мг және 10мг/10мг капсуланың құрамына – аллергиялық реакция туындатуы мүмкін азорубин бояғышы, кармоизин (Е 122) кіреді.

Жүктілік және лактация кезеңі

Рамиприл секілді АӨФ тежегіштері немесе ангиотензин II (AРАТ II) рецепторларының антагонистерін жүктілік кезінде қолдануға болмайды. Егер АӨФ/AРАТ II тежегіштерін қабылдаумен емді жалғастыру қажет болса, жүктілікті жоспарлаған пациенттер, терапиялық режимді оны жүктілік кезінде тағайындау қауіпсіздік талаптарына жауап беретін баламалы гипертензияға қарсы емге ауыстыруы керек. Жүктілік анықталған жағдайда АӨФ/AРАТ II тежегіштерін қолданумен емді дереу тоқтату керек, және, қажет болғанда, баламалы емді қолдануды бастау керек.

АӨФ тежегіштерінің жүктіліктің I триместрі кезіндегі әсерінен кейін тератогенді қаупін көрсететін эпидемиологиялық деректер жеткілікті болып табылмайды, әйтсе де осындай қауіптің аздап жоғарылауын жоққа шығаруға болмайды.

Жүктіліктің II және III триместрлері кезінде АӨФ тежегіштерінің экспозициясы адамдарда фетоуыттылықты (ұрықтың бүйрегінің дамуының бұзылуы, олигогидрамнион, бас сүйегінің сүйектенуінің баяулауы) және неонатальді уыттылықты (бүйрек жеткіліксіздігі, гипотензия, гиперкалиемия) туындатады.

Егер АӨФ тежегіштерінің экспозициясы жүктіліктің II триместрі бойы жүреді, онда бүйрек функциясыне және бас сүйегінің дамуына УДЗ жүргізу ұсынылады.

Аналары АӨФ тежегіштерін қабылдаған жаңа туғандар, гипотензия, олигурия және гиперкалиемия даму мүмкіндігіне мұқият бақылануы керек.

Лактация кезеңі

Рамиприл мен амлодипинді лактация кезінде қолдануға қатысты жеткілікті деректер жоқ, оны осы кезеңде қолдануға болмайды, дұрысы лактация кезінде қауіпсіздіктің белгілі бейінімен емдеудің баламалы әдісін таңдау керек.

Дәрілік заттың көлік құралдарын және әлеуетті қауіпті механизмдерді басқару қабілетіне әсер ету ерекшеліктері

Кейбір жағымсыз әсерлері (мысалы, бас айналуы секілді артериялық қысымның төмендеу симптомдары) пациенттің зейінді жұмылдыруға және уақытылы жауап беруіне және, сәйкесінше осы қабілеттер мәні жоғары болғанда қауіп дәрежесін жоғарылатады (көлік құралдарын және әлеуетті қауіпті механизмдерді басқаруда).

Бұл емнің басында немесе басқа препараттарды ауыстырғанда болуы мүмкін. Препараттың бірінші дозасын қабылдағаннан кейін немесе оның дозасын келесі жоғарылатқаннан кейін бірнеше сағат ішінде көлік құралдарын және әлеуетті қауіпті механизмдерді басқаруға болмайды.

Артық дозалануы

Симптомдары: артық дозалану дәрежесіне байланысты байқалуы мүмкін: шектен тыс шеткергі вазодилатация (айқын гипотензиямен және шок көрінісімен), брадикардия, электролитті баланстың бұзылуы және бүйрек жеткіліксіздігі.

Емі: пациенттің жағдайы үнемі бақылануы керек, ал тағайындалған ем симптоматикалық және демеуші болуы керек. Болжанған шаралары алғашқы детоксикацияны (асқазанды шаю, адсорбенттерді қабылдау) және гемодинамикалық көрсеткіштердің тұрақтылығын қалпына келтіруге қатысты шараларды, оның ішінде альфа-1-адренергиялық агонистерді немесе ангиотензин II (ангиотензинамид) тағайындауды қамтиды.

Рамиприлат гемодиализ көмегімен жалпы қан арнасынан нашар шығарылады.

Амлодипинді артық дозалаумен туындаған, клиникалық айқын гипотензияда, пациенттің аяғын жоғары қаратып жатқызу керек, жүрек және тыныс жүйелерін, АҚК және шығарылатын несеп мөлшерін үнемі бақылауды, қоса, жүрек-қантамыры жүйесінің функциясын демеу үшін белсенді шаралар жүргізу керек.

Қарсы көрсетілімдер болмаған жағдайда қантамырлары тонусын және артериялық қысымды қалпына келтіру мақсатында қантамырларын тарылтатын дәрілерді (сақтықпен) қолдануға болады. Кальций глюконатын көктамыр ішіне енгізу кальций өзекшелері блокадасын тойтару үшін тиімді болуы мүмкін. Кейбір жағдайларда асқазанды шаю пайдалы болуы мүмкін.

Дені сау еріктілердің қатысуымен зерттеулерде көрсетілгендей, 10 мг амлодипинді қабылдағаннан кейін 2 сағаттан кейін белсенділендірілген көмірді қабылдау оның сіңуін айтарлықтай төмендетті. Амлодипин ақуыздармен тығыз байланысатын болғандықтан, гемодиализ жүргізудің тиімділігі аз.

Шығарылу түрі және қаптамасы

7 немесе 10 капсуладан «соld» біріктірілген үлбірден (полиамид / алюминий фольга / ПВХ) // алюминий фольгадан жасалған пішінді ұяшықты қаптамаға салынған. 4 немесе 8 пішінді ұяшықты қаптамадан (7 капсуладан) және 3 немесе 9 пішінді ұяшықты қаптамадан (10 капсуладан) медицинада қолданылуы жөніндегі мемлекеттік және орыс тіліндегі нұсқаулықпен бірге картоннан жасалған қорапшаға салынған.

Сақтау мерзімі

3 жыл

Жарамдылық мерзімі өткеннен кейін пайдалануға болмайды.

Сақтау шарттары

30 °С- ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

Өндіруші

« ЭГИС ФАРМАЦЕВТИКАЛЫҚ ЗАУЫТЫ» ЖАҚ

1106 БУДАПЕШТ, Керестури к-сі, 30-38 Венгрия

Телефон: (36-1) 803-5555, факс: (36-1) 803-5529

Тіркеу куәлігінің иесі

«эгис Фармацевтикалық Зауыты» ЖАҚ, Венгрия

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

ҚР-дағы «ЭГИС Фармацевтикалық зауыты» ЖАҚ өкілдігі

050060, Алматы қ-сы, Жароков к-сі 286 Г

тел: + 7 (727) 247 63 34, + 7 (727) 247 63 33, факс: + 7 (727) 247 61 41,

e-mail: egis@egis.kz

Сарапшы: