Фуразек Юниор

Фуразек Юниор

Жоқ

Ішке қабылдау үшін суспензия дайындауға арналған ұнтақ, 15 мг/мл

Қалпына келтірілген 100 мл суспензияның құрамында (1 құты)

белсенді зат – фуразидин, 1500 мг,

қосымша заттар: сахароза, ксантан шайыры, натрий бензоаты, натрий крахмалы гликоляты А типі, табиғи хош иістендіргіштер, жүгері мальтодекстрині, модификацияланған жүгері крахмалы (Е1450)

Құлпынай иісі және дәмі бар, ақшыл-сарыдан сары түске дейінгі ұнтақ

Жүйелі қолдануға арналған инфекцияға қарсы препараттар. Жүйелі қолдануға арналған бактерияға қарсы препараттар. Бактерияға қарсы басқа да препараттар. Нитрофуран туындылары. Фуразидин.

Фармакологиялық қсиеттері

Фармакокинетикасы

Ішке ашқарынға 200 мг фуразидинді бір реттік қабылдаудан кейін, ол плазмада ең жоғары концентрациясына 30 минуттан соң жетеді және 1,45 мкг/мл құрайды. Тамақ ішкеннен кейін фуразидиннің концентрациясы екі есе жоғарылайды және 3 мкг/мл құрайды. Қабылдаған сәттен бастап 1 сағат бойы фуразидиннің жоғары концентрациясының деңгейі сақталады, ал содан кейін тез төмендейді және жартылай шығарылу кезеңі t1/2 1 сағатты құрайды. Препаратты қабылдаған сәттен бастап алғашқы 2 сағат ішінде несептегі фуразидиннің концентрациясы ашқарынға ішкенде 27,5 мкг/мл және тамақ ішуден кейін 38,0 мкг/мл құрайды. Препаратты қабылдаған кезден бастап 6-8 сағат өткен соң оның концентрациясы 2,3-3 мкг/мл мәндеріне дейін төмендейді және 8-12 сағаттан кейін 1 мкг/мл-ден жоғары деңгейде сақталады. Ашқарынға қабылдағанда препаратты қабылдаған сәттен бастап алғашқы 0-8 сағат және 0-24 сағат ішінде несеппен бірге дозаның 8,4% және 9,1%-ы, тамақ ішуден кейін 13,0% және 13,3%-ы шығарылғаны байқалады.

Фармакодинамикасы

Фурагин (нитрофурилоакрилидинді-аминді-гидантоин) нитрофуран туындылары болып табылады. Осы топтың препараттары кейбір грамоң бактерияларды (Staphylococcus epidermidis, Staphylococcus aureus, Staphylococcus faecalis) және грамтеріс бактериялардың көптеген штаммдарын (Enterobacteriaceae: Salmonella, Shigella, Proteus, Klebsiella, Escherichia, Enterobacter) қоса, микроорганизмдердің кең ауқымына бактериостатикалық әсер береді. Нитрофуранның туындылары паразиттерге қарсы және тек аздағаны ғана зеңге қарсы әсер береді. Фуразидинге төзімді: Pseudomonas aeruginosa, Enterococcus spp., Acinetobacter spp., көптеген Proteus spp. штаммдары, Serratia spp.

Нитрофурандар организмнің иммундық жүйесін бәсеңдетпейді, тіпті оны белсенділендіреді, мысалы, комплемент титрін және лейкоциттердің микроорганизмдерді фагоциттеу қабілетін арттырады.

Фурагин ең күшті әсерін қышқыл ортада (рН 5,5), көрсетеді, сілтілік ортасы оның әсерін бәсеңдетеді. Препараттың күшті бактериостатикалық әсер етуі хошиістендіргіш нитроалмастырғышпен байланысты. Фуразидин бактериялық флавопротеиндермен реактивті қосылыстарға дейін қалпына келеді, ол бактериялық рибосомалардың ақуыздары және жасушалық ақуыздар, нуклеин қышқылдары (ДНҚ және РНҚ) синтезі үшін, сондай-ақ жасушалық тыныс алу үдерістерінде қажетті басқа қосылыстардың белсенділігін жояды немесе зақымдайды. Нитрофуран және сульфаниламидтер туындыларының антибиотиктеріне айқаспалы резистенттіліктің туындауы байқалған жоқ.

• балаларда және ересектерде төменгі несеп шығару жолдарының Escherichia coli микроорганизмдерінен туындаған жедел және созылмалы асқынбаған инфекцияларында

100 мл суспензияны дайындау құтыға бөлме температурасына дейін салқындатылған 60 мл қайнаған су құюды қамтиды. Жанына салынған шприцті пайдаланып, суды 30 мл-ден екі порция етіп құяды. Суды әр құйған сайын құтыны түбін жоғары қарата төңкеру және біркелкі суспензия түзілгенше мұқият сілкілеу керек. Дайындалған суспензияны тоңазытқышта 2-8°C температурада сақтау және 15 күн ішінде пайдалану керек. Әрбір пайдалану алдында қоспаны шайқап араластыру керек.

Пайдаланылмаған препаратты немесе оның қалдықтарын жергілікті ережелерге сәйкес жойған жөн.

Қаптамаға дәрілік препаратты дозалағанда қолайлы болуын қамтамасыз ететін шприц (10 мл) қоса салынған. Фуразек Юниор дәрілік препаратын тамақ ішу кезінде қабылдау керек. Емдеу кезінде ақуыздарға бай тамақ ішкен жөн, өйткені бұл препараттың сіңуін арттырады.

Дәрілік препарат дозасын қабылдауды бір рет немесе бірнеше рет өткізіп алғанда емдеуді препараттың дозалану сызбасына сай жалғастыру керек.

Дәрілік препаратты 7 - 8 күн бойы қабылдайды.

Қажет болған жағдайда емдеуді 10-15 күн өткен соң қайталау керек.

Ересектер және 14 жастан асқан жасөспірімдер

Қолданудың алғашқы күні: тәулігіне 400 мг-ден 4 тең дозалармен (6,5 мл-ден) қабылдау; келесі күндері: тәулігіне 300 мг-ден үш тең дозалармен (6,5 мл-ден) қабылдау.

3 айлықтан 14 жасқа дейінгі балалар және жасөспірімдер

Фуразек Юниор дәрілік препаратының дозасын дене салмағына шаққанда 5-7 мг/кг есебінен тәулігіне 2 немесе 3 тең етіп қабылдау керек.

1-кесте. Балаларда және жасөспірімдерде дозалану сызбасы

Клиникалық сынақтар кезеңінде, препаратты қолданумен байланысты болуы мүмкін, бақыланған барлық жағымсыз ракциялардың ішінде мыналар: жүректің айнуы (8%), бас ауыру (6%) және газды шамадан тыс жіберу (1,5%) бәрінен жиірек білінді.

Қалғандары, төменде көрсетілген симптомдар пациенттердің 1%-нан көп емесінде білінді және оларға қатысты организм жүйелері ескеріліп, баяндалды.

Қан және лимфалық жүйе тарапынан бұзылулар

Цианоз, метгемоглобинемия салдарынан. Глюкоза-6-фосфатдегидрогеназа тапшылығы бар пациенттерде фуразидинді қолдану мегалобласттық немесе гемолиздік анемияның туындауына әкелуі мүмкін.

Жүйке жүйесі тарапынан бұзылулар

Бас айналу, ұйқышылдық, көрудің бұзылуы, шеткері нейропатия, сондай-ақ жедел немесе қайтымды емес өтетін (оның көрініс беруіне бүйрек функциясының жеткіліксіздігі, анемия, қант диабеті, электролиттік бұзылулар, В дәруменінің тапшылығы сияқты жағдайлар итермелейді).

Тыныс алу жүйесі, кеуде қуысы және көкірек ортасы тарапынан бұзылулар

Нитрофуран туындыларына жоғары сезімталдығы бар жедел, баяу дамитын және созылмалы реакциялар.

Созылмалы реакциялар фуразидинді 6 айдан көбірек қабылдап жүрген пациенттерде білінді.

Созылмалы өкпелік реакциялар (өкпе фиброзын және диффуздық интерстициальді пневмонияны қоса) әсіресе егде жастағы пациенттерде білінуі мүмкін. Тыныс алу жүйесі тарапынан жоғары сезімталдықтың жедел реакциялары: қызбамен, қалтыраумен, жөтелмен, кеуде қуысының ауыруымен, тұншығумен, плевралық жалқықпен, өкпенің рентгенологиялық суретіндегі өзгерулермен және эозинофилиямен көрініс берді. Препаратты қабылдауды тоқтатқаннан кейін симптомдар көбінесе тез немесе өте тез жоғалды. Созылмалы реакциялар жағдайында симптомдардың қарқындылығы және препаратты қабылдауды тоқтатқаннан кейін олардың жоғалуы алғашқы жағымсыз әсерлер пайда болғаннан кейін емдеудің ұзақтығына байланысты болды. Маңызды мәселе жағымсыз әсердің барынша жоғары тез білінуі және препарат қабылдауды тоқтату болып табылады. Өкпе функциясының бұзылуы қайтымсыз сипатқа ие болуы мүмкін.

Асқазан-ішек жолы тарапынан бұзылулар

Іш қату, диарея, диспепсиялық симптомдар, іштің ауыруы, құсу, сиалоденит, панкреатит, жалған жарғақшалы энтероколит.

Тері және теріасты тіндері тарапынан бұзылулар

Алопеция, буллездік дерматит, полиморфты эритема, Стивенс-Джонсон синдромы.

Жалпы бұзылулар және енгізген жердегі жағдай

Қызба, қалтырау, өзін нашар сезіну, нитрофуран туындыларына резистентті микроорганизмдермен, көбінесе Pseudomonas туысының таяқшаларымен немесе Candida туысының зеңдерімен инфекциялану

Иммундық жүйе тарапынан бұзылулар

Бөртпелер, есекжем, анафилаксия, ангионевроздық ісіну, бөртпе.

Бауыр және өт жолдары тарапынан бұзылулар

Дәрі-дәрмектік гепаит симптомдары, холестаздық сарғаюы, бауыр паренхимасының некрозы.

Бұдан басқа, фуразидин қабылдаған пациенттерде мынлар белгісіз жиілікпен байқалады:

Тірек-қимыл жүйесі және дәнекер тіндері тарапынан бұзылулар

Бұлшықет спазмдары, бұлшықеттің ауыруы

• нитрофуран туындыларына нмесе оның компоненттерінің кез келгеніне жоғары сезімталдық

• жүктіліктің бірінші триместрі

• жаңа туған нәрестеде гемолиздік анемияның даму қаупімен байланысты жетілген жүктілік (38 апталықтан бастап) және босану кезеңі

• диагностикаланған диабеттік полинейропатия

• глюкозо-6-фосфатдегидрогеназа тапшылығы

• бүйрек функциясының жеткіліксіздігі (креатинин клиренсі минутына 60 мл-ден төмен немесе сарысудағы креатинин деңгейінің жоғарылауы)

• 3 айлыққа дейінгі балаларға.

Нитрофурандарды хлорамфениколмен, ристомицинмен, левомицетинмен, сульфаниламидтермен бірге қолданбау керек, өйткені қан түзу функциялары бәсеңдеуі мүмкін. Фуразидинмен бір мезгілде налидикс қышқылын, норфлоксацинді, оксолин қышқылын және хинолонның басқа да туындыларын қолданбау керек, өйткені әдетте олардың антагонизмі байқалады. Фуразидинмен бірге қолданылатын аминогликозидтер және тетрациклиндер оның бактерияларға қарсы әсерін потенциялайды. Пробенецид (жоғары дозаларда) және сульфинпиразон сияқты урикозуриялық препараттар нитрофуран туындыларының өзекшелік секрециясын төмендетеді және организмде фуразидиннің жиналып қалуына әкеліп, оның уыттылығын арттыруы және несептегі концентрациясын ең төмен бактериостатикалық деңгейден төменге азайтуы мүмкін, бұл нәтижесінде емдеу тиімділігінің төмендеуіне әкеледі. Құрамында магний трисиликаты бар антацидтік дәрілерді бір мезгілде қолдану фуразидиннің сіңу үдерісінің бәсеңдеуіне және бактерияларға қарсы белсенділігінің төмендеуіне әкеледі. Несепті алкализдейтін дәрілік заттар (мысалы, карбоангидраза тежегіштері) фуразидиннің бактерияларға қарсы белсенділігінің төмендеуіне әкеледі. Атропин фуразидиннің сіңуін баяулатады, алайда абсорбцияланған әсер етуші заттың жалпы мөлшері өзгеріссіз қалады. Нитрофурандарды дифенилгидантоинмен біріктірмеу керек, өйткені оның қандағы деңгейін төмендетуі мүмкін. Асқазан сөлін бейтараптандыратын антацидтер фуразидиннің сіңуін бәсеңдетеді.

Бүйрек, бауыр функциясының бұзылулары, неврологиялық бұзылулары, анемиясы, электролиттік бұзылулары, В тобы дәрумендерінің және фолий қышқылының тапшылығы, сондай-ақ өкпе ауруы бар пациенттерде аса сақтық таныту керек.

Фуразидин әсіресе қант диабеті бар науқастарда полинейропатияның дамуын туындатуы мүмкін, сондықтан нейропатияның (парестезия) алғашқы симптомдары пайда болған жағдайда Фуразек Юниор дәрілік препаратын қолдануды тоқтату керек.

Фуразидин жедел, баяу өрбитін және созылмалы өкпелік реакцияларды туындатуы мүмкін. Осындай өкпелік реакциялар симптомдары пайда болған жағдайда дәрілік препаратты қабылдауды дереу тоқтату керек. Созылмалы өкпелік реакциялар (өкпе фиброзын және диффуздық интерстициальді пнвмонияны қоса) егде жастағы пациенттерде білінуі мүмкін. Фуразидинді ұзақ уақыт қабылдап жүрген пациенттерді мұқият бақылау көрсетілген.

Холестаздық сарғаюды және созылмалы гепатитті қоса, бауыр функцияларының бұзылулары сирек білінуі мүмкін. Сарғаю әдетте нитрофурандарды қысқа мерзімдік (екі аптаға дейін) қолдану кезеңінде көрініс береді. Созылмалы гепатит нитрофурандарды ұзақ (әдетте 6 айдан көбірек) қолданғанда білінеді. Бауыр функциясының бұзылулары білінген кезде фуразидинмен емдеуді дереу тоқтатқан жөн.

Нитрофуран туындыларын қабылдағанда Бенедикт және Феллинг ерітінділерін пайдаланған кезде несептегі глюкозаны анықтаудың жалғаноң нәтижелер бергені байқалады. Несептегі глюкозаны энзиматикалық әдіспен анықтау нәтижелеріне фурагин ықпалын тигізбейді.

Нитрофуранды ұзақ уақыт қабылдаған жағдайда жағымсыз жанама әсерлердің дамуына жол бермеу үшін қандағы лейкоциттер мөлшерін, сондай-ақ бауыр және бүйрек функцияларының көрсеткіштерін мезгіл-мезгіл бақылау керек.

Препараттың құрамында сахароза бар. Оны сирек тұқым қуалайтын проблемалары, фруктозаның жақпаушылығы, глюкоза-галактоза мальабсорбциясы немесе сукраза-изомальтаза тапшылығының проблемалары бар пациенттерге қолдану ұсынылмайды.

Фуразидинмен емделу кезінде алкогольді пайдалануға жол бермеу керек.

Көлік құралын немесе потенциалды қауіпті механизмдерді басқару қабілетіне ықпал ету ерекшеліктері

Препарат бас айналуды және жүректің айнуын туындатуы мүмкін болғандықтан, емделу кезеңінде зейін қоюдың және психомоторлы реакциялар жылдамдығының қажеттілігімен байланысты потенциалды қауіпті қызмет түрлерімен айналысуға жол бермеу керек.

Симптомдары: бас ауыру, бас айналу, аллергиялық реакциялар, жүректің айнуы, құсу, анемия.

Емі: асқазанды шаю және вена ішіне сұйықтық құю, қанға толық талдау, бауырға зертханалық талдаулар және өкпе функциясына мониторинг жүргізу ұсынылады. Ауыр жағдайларда гемодиализ жүргізу қажет.

Шығарылу түрі және қаптамасы

Тығыздығы жоғары полиэтиленнен жасалған бұралатын қақпағы және тығыздығы төмен полиэстерден тұратын төсемі бар, сыйымдылығы 125 мл, ІІІ типті қызыл сары шыныдан жасалған құтыға 63.04 г препараттан салынған.

1 құты медициналық қолдану жөнінде қазақ және орыс тілдеріндегі нұсқаулықпен бірге және тығыздығы төмен полиэтиленнен жасалған, 0.5 мл бөліктермен белгіленген, сыйымдылығы 10 мл өлшеуіш шприцпен бірге картон қорапшаға салынған.

Түпнұсқалық қаптамасында, 250С-ден аспайтын температурада сақтау керек.

Балалардың қолы жетпейтін жерде сақтау керек!

3 жыл.

Дайындалған суспензияны тоңазытқышта 2-ден 8°С-ге дейінгі температурада 15 күннен асырмай сақтау керек.

Рецепт арқылы

Өндіруші

Pharmaceutical Works of GEMI Nowakowski Grzegorz

Мицкевич к-сі 36, 05-480 Карчев, Польша

Тіркеу куәлігінің ұстаушысы

Adamed Pharma S.A.

Пенькув, М. Адамкевич к-сі 6А, 05-152 Чоснув, Польша

Тұтынушылардан дәрілік заттың сапасы жөніндегі шағымдарды (ұсыныстарды) Қазақстан Республикасы аумағында қабылдайтын және тіркеуден кейін дәрілік заттың қауіпсіздігін бақылауға жауапты ұйымның атауы, мекенжайы және байланыс жасау деректері

«Адамед Фарма» АҚ ҚР-дағы өкілдігі

050009, Алматы қ., Бөгенбай батыр көшесі, 150 үй, «Кадам Инвест» бизнес орталығы, 9-қабат. Телефон: +7(727) 2776977, е-mail: info.kz@adamed.com