Фурадонин (100 мг)

• русский
• қазақша

• Скачать инструкцию медикамента

Саудалық атауы

Фурадонин

Халықаралық патенттелмеген атауы

Нитрофурантоин

Дәрілік түрі

100 мг таблеткалар

Құрамы

Бір таблетканың құрамында

белсенді зат –100.0 мг нитрофурантоин,

қосымша заттар: картоп крахмалы, повидон (поливинилпирролидон), кремнийдің коллоидты қостотығы (аэросил), кальций стеараты.

Сипаттамасы

Жалпақ цилиндр пішінді, сары түсті таблеткалар. Таблетканың бір жағында ойығы, екінші жағында – ойығы мен крест түріндегі фирмалық логотип бар.

Фармакотерапиялық тобы

Бактерияға қарсы басқа да препараттар.

Нитрофуранның туындылары

АТЖ коды J01XE01

Фармакологиялық қасиеттері

Фармакокинетикасы

Ішке қабылдағаннан кейін фурадонин асқазан-ішек жолынан жақсы сіңіріледі.

Биожетімділігі 50 % құрайды. Плазма ақуыздарымен байланысуы – 60 %.

Бауыр мен бұлшықет тінінде метаболизденеді. Жартылай шығарылу кезеңі – 20-25 минут. Гематоэнцефалдық, плацентарлық бөгет арқылы өтеді, емшек сүтімен бөлініп шығады.

Толығымен бүйрекпен шығарылады (30 – 50 % өзгеріссіз күйде).

Фармакодинамикасы

Фурадонин – кең ауқымды әсер ететін микробқа қарсы дәрі, нитрофуранның туындысы. Несеп шығару жолдарының жұқпаларында бактериостатикалық және бактерицидтік әсер етеді.

Нитрофурантоинді бактериялық флавопротеиндер бактериялық рибосомалар мен басқа макромолекулалардың ақуыздарының белсенділігін жоятын және зақымдайтын реактивті қосылыстарға дейін қалпына келтіреді. Соның нәтижесінде аэробты тыныс алу мен ақуыздың, жасуша жақтауының, ДНҚ мен РНҚ синтезделу үдерісі бұзылады.

Бірнеше әсер ету механизмі микроорганизмдердің нитрофурандарға жүре пайда болған әлсіз төзімділігімен түсіндіріледі. Грамоң және грамтеріс бактерияларға қатысты тиімді: Staphylococcus spp,. Streptococcus spp.,Shigella dysenteriae, Shigella flexneri, Shigella boydii, Shigella sonnei, Escherichia coli, Ptoteus spp.

Қолданылуы

- несеп шығару жолдарының жұқпалы-қабынбалы ауруларында (пиелит, пиелонефрит, цистит, уретрит)- урологиялық операциялар немесе тексерулер кезіндегі жұқпалардың алдын алуда (цистоскопия, катетерлеу және т.б.)

Қолдану тәсілі мен дозалары

Ішке, мол су көлемімен ішіп қабылдайды.

Ересектерге - тәулігіне 4 рет 100 мг (100 мг 1 таблетка).

Ересектерге арналған ең жоғарғы дозалары: бір реттік дозасы – 300 мг (3 таблетка), тәуліктік дозасы – 600 мг (6 таблетка).

Несеп шығару жолдарының жедел жұқпаларында емдеу ұзақтығы 5-7 күн.

Жағымсыз әсерлері

- жөтел, ентігу, өкпенің интерстициальді өзгерістері, сыртартқыда демікпесі бар емделушілердегі бронх демікпесі ұстамасы

- тәбеттің болмауы, жүрек айнуы, құсу; сирек гепатит, холестатикалық сары ауру, іштің ауыруы, диарея

- шеткергі невропатия, бас ауыруы, бас айналуы, ұйқышылдық

- лейкопения, гранулоцитопения, агранулоцитоз, тромбоцитопения,

гемолитикалық анемия, мегалобластты анемия (бұл өзгерістер қайтымды сипатта)

- есекжем, Квинке ісінуі, тері қышуы, бөртпе

- дерматит, мультиформды эритема

Қолдануға болмайтын жағдайлар

- бүйректің шығару қызметінің айқын бұзылулары

- бүйрек жеткіліксіздігі

- олигурия

- глюкоза-6-фосфатдегидрогеназа жеткіліксіздігі

- ерте сәбилік кезең (1 айға дейін)

- II-III сатылы жүрек жеткіліксіздігі

- бауыр циррозы, созылмалы гепатит

- жедел порфирия

- фурадонинге немесе препараттың басқа компоненттеріне жоғары сезімталдық

- 18 жасқа дейінгі балалар мен жасөспірімдерге (қауіпсіздігі мен тиімділігі жөніндегі мәліметтер болмағандықтан)

- жүктілік және лактация кезеңі

Дәрілермен өзара әрекеттесуі

Бүйрек қызметінің бұзылуын тудыратын препараттармиен біріктіріп тағайындамайды. Налидикс қышқылы мен құрамында магний трисиликаты бар антацидтерді бір мезгілде қолдану бактерияға қарсы әсерін азайтады. Фторхинолондармен үйлесімсіз. Өзекшелік сөліністі бөгейтін дәрілік заттар бактерияға қарсы әсерін азайтады (нитрофурантоиннің қандағы концентрациясын төмендету есебінен) және нитрофурантоиннің уыттылығын арттырады (қандағы концентрациясы артады).

Айрықша нұсқаулар

Анемиямен, қант диабетімен, электролиттік теңгерімнің бұзылуымен, В тобы витаминдерінің жеткіліксіздігімен, бүйректің айқын жеткіліксіздігімен емделушілерде шеткергі невропатияның даму қаупі ұлғаяды. Фурадонинді бүйректің қыртысты қабатының ауруында, іріңді паранефритте және простатитте қолданбаған дұрыс.

Артық дозаланғанда

Белгілері – жағымсыз әсерлерінің күшеюі.

Емі симптоматикалық.

Шығарылу түрі

10 таблеткадан поливинилхлоридті үлбір мен алюминий фольгадан жасалған пішінді ұяшықты қаптамаға салынған.

Пішінді қаптамаларды қораптық картоннан немесе гофрланған картоннан жасалған қораптарға салады. Қораптарға қаптамалардың санына қарай мемлекеттік және орыс тілдеріндегі медицинада қолданылуы жөніндегі нұсқаулықтар салынады.

Сақтау шарттары

Құрғақ, жарықтан қорғалған жерде, 30 оС-ден аспайтын температурада сақтау керек.

Балалардың қолы жетпейтін жерлерде сақтау керек!

Сақтау мерзімі

4 жыл

Жарамдылық мерзімі өткеннен кейін препаратты қолдануға болмайды.

Дәріханалардан босатылу шарттары

Рецепт арқылы

Өндіруші

«Химфарм» АҚ, ҚАЗАҚСТАН РЕСПУБЛИКАСЫ,

Шымкент қ-сы, Рашидов к-сі, нөмірсіз, т/ф: 560882

Тіркеу куәлігінің иесі

«Химфарм» АҚ, Қазақстан Республикасы

Қазақстан Республикасы аумағында тұтынушылардан өнім (тауар) сапасы туралы түскен шағымдарды қабылдайтын ұйымның мекенжайы

«Химфарм» АҚ, Шымкент қ-сы, ҚАЗАҚСТАН РЕСПУБЛИКАСЫ,

Рашидов к-сі, нөмірсіз, т/ф: 560882

Телефон нөмірі 7252 (561342)

Факс нөмірі 7252 (561342)

Электронды поштасы standart@santo.kz