Фурагин №30 (50 мг, Киевмедпрепарат)

МНН: Фуразидин
Производитель: ПАО Киевмедпрепарат
Анатомо-терапевтическо-химическая классификация: Производные нитрофурана
Номер регистрации в РК: № РК-ЛС-5№016788
Информация о регистрации в РК: 23.07.2015 - 23.07.2020

Инструкция

Саудалық атауы

Фурагин

Халықаралық патенттелмеген атауы

Жоқ

Дәрілік түрі

50 мг таблеткалар

Құрамы

Бір таблетканың құрамында

белсенді зат: 50 мг фуразидин (100 % затқа шаққанда),

қосымша заттар: целлактоза-80 (3:1 арақатынастағы лактоза моногидраты мен микрокристалды целлюлоза қоспасы), картоп крахмалы, магний стеараты, полисорбат-80 (твин-80).

Сипаттамасы

Дөңгелек пішінді, екі беті дөңес, беткейі сәл әркелкі боялған, сарыдан қызыл-сары реңдес сары түске дейінгі таблеткалар, қанықтау түсті теңбілдақтарының болуына жол беріледі.

Фармакотерапиялық тобы

Жүйелі пайдалануға арналған бактерияға қарсы препараттар. Басқа да бактерияға қарсы препараттар. Нитрофуран туындылары.

АТХ коды J01XЕ

Фармакологиялық қасиеттері

Фармакокинетикасы.

Сіңірілуі. Фурагин ас қорыту жолынан жақсы сіңеді. Препараттың сіңірілуі, негізінен, баяу диффузия жолымен аш ішектің дистальді бөлігінен жүреді

(проксимальді бөлігінен сіңірілуінен бірнеше есе асып кетеді). Бір реттік 200 мг дозасынан кейін Фурагин қан плазмасында ең жоғары концентрациясына 30 минуттан соң жетеді, осы деңгейде 1 сағат бойы сақталады, сосын баяу төмендейді. Қан плазмасында Фурагиннің бактериостатикалық концентрациясы 8-12 сағат бойы сақталады. Фурагин қан плазмасы ақуыздарымен байланысады.

Метаболизмі/элиминациясы. Қабылданған дозаның 10%-ы бауыр мен бүйректе трансформацияланады. Бүйрек функциясының бұзылуында қолданылған дозасының көп бөлігі биотрансформацияға ұшырайды. Фурагиннің жартылай шығарылу кезеңі қысқа (шамамен 1сағат). Фурагин бүйрекпен, көбінесе өзекшелік секреция жолымен (85%) шығарылады. Фурагин 8-13% өзгеріссіз күйде несепке түседі, онда оның концентрациясы сезімтал бактериялардың көпшілігіне тән ең төмен концентрациясынан, орта есеппен, бірнеше есе артады. Фурагиннің несептегі ең жоғары концентрациясы – 5,7 мкг/мл.

Фурагин плацентарлық бөгет арқылы жақсы өтеді.

Фармакодинамикасы.

Фурагин – бактериостатикалық әсері бар нитрофурандық бактерияға қарсы дәрі. Грамоң (Staphylococcus epidermidis, Staphylococcus aureus, Staphylococcus faecalis), грамтеріс (Enterobacteriaceae, Klebsiella spp, Escherichia coli) бактерияларға қатысты тиімді. Фурагиннің жоғары бактериостатикалық белсенділігі хош иісті нитротоптың болуына байланысты. Фурагинге төзімділік баяу дамиды. Фурагин микроорганизмдердің ферменттік жүйелерін, сондай-ақ бактерия жасушасындағы биохимиялық үдерістерді бәсеңдетеді, өз кезегінде, бұл цитоплазмалық жарғақша мен бактерияның жасуша қабығының бұзылуын туындатады.

Қолданылуы

- жедел және созылмалы пиелонефриттер, циститтер, уретриттер, простатиттерде

- несеп-жыныс жүйесі ағзаларындағы операциялық араласудан кейінгі жұқпаларда

Қолдану тәсілі және дозалары

Ересектерге Фурагин 100-200 мг дозада тәулігіне 2-3 рет ішке қабылдауға тағайындалады, тамақтан кейін көп мөлшердегі сумен ішіледі. Ең жоғары тәуліктік дозасы – 600 мг.

Аурудың түрі мен айқындылығына қарай, емдеу курсы 7-10 күн құрайды. Қажет болса және жағымсыз әсерлері болмаса, емдеу курсын дәрігермен кеңесуден кейін 10-15 күннен соң қайталауға болады. Препарат қабылдауды өткізіп алған жағдайда, емделуші оны еске түсірген бойда кезекті дозасын бірден қабылдау керек. Өткізіп алған дозаның орнын басу үшін препараттың екі есе дозасын қабылдауға болмайды.

Жағымсыз әсерлері

Жағымсыз реакцияларының даму жиілігінің критерийлері: өте жиі (> 10%), жиі (1-10%), жиі емес (0,1-1%), бірлі-жарым (0,01-0,1%), сирек (< 0,01 %).

Жиі емес

– бас айналу, ұйқышылдық

– тәбеттің төмендеуі, метеоризм, жүрек айну

– көрудің нашарлауы

Сирек

– қан түзілуінің бұзылуы (агранулоцитоз, тромбоцитопения, апластикалық анемия)

– бас ауыру, әлсіз білінетін интракраниальді гипертензия, неврит, полиневрит

– панкреатит

– ангионевротикалық ісіну, есекжем, дерматит, мультиформалы эритема, өтпелі алопеция

– артралгия

– холестаздық сарғаю, гепатит, бауыр функциясының бұзылуы

Бірлі-жарым жағдайларда

– шеткергі невропатия

– жедел және созылмалы өкпе реакциялары. Өкпенің жедел реакциясы екпінді дамиды және ауыр ентігумен, қызбамен, кеуде қуысының ауыруымен, қақырықпен/онсыз жөтелмен, эозинофилиямен көрініс береді. Өкпенің жедел реакциясымен бір мезгілде терідегі бөрту, қышыну, есекжем, миалгиялар, ангионевротикалық ісіну (беттің, мойынның, ауыз қуысы тіндерінің және көмейдің ісінуі) пайда болуы мүмкін. Өкпенің жедел реакциясының негізінде жоғары сезімталдық реакциясы жатыр, ол бірнеше сағат бойы, сирек – бірнеше минутта дамуы мүмкін. Өкпенің жедел реакциясы қайтымды сипатта болады және препарат қолдануды тоқтатқаннан кейін басылады. Өкпенің созылмалы реакциясы нитрофурандармен (соның ішінде фуразидинмен) емдеуді тоқтатқаннан кейін ұзақ уақыт аралығынан соң дамуы мүмкін. Оған ентігудің біртіндеп артуы, тыныс алудың жиілеуі, тұрақсыз қызба, эозинофилия, үдемелі жөтел және интерстициальді пневмонит және/немесе өкпе фиброзы тән.

– құсу, диарея

– папулезді бөртулер, қышыну

– әлсіздік, дене температурасының жоғарылауы

Фурагин несепті күңгірт-сары немесе қоңыр түске бояйды.

Жағымсыз құбылыстарды азайту үшін, В тобы витаминдерін, антигистаминдік препараттарды қабылдау және көп мөлшерде сұйықтық ішу ұсынылады. Айқын жағымсыз құбылыстар жағдайында препараттың дозасын азайту немесе қабылдауды тоқтату керек.

Егер препаратты қабылдау кезінде медициналық қолданылуы жөніндегі нұсқаулықта көрсетілмеген жағымсыз реакциялар туындаса, бұл жөнінде дәрігерді хабардар ету қажет.

Қолдануға болмайтын жағдайлар

- фуразидинге, препараттың басқа компоненттеріне, сондай-ақ нитрофуран қатарының басқа препараттарына жоғары сезімталдық

- ауыр бүйрек жеткіліксіздігі (креатинин клиренсі 30 мл/мин аз)

- гемодиализде немесе перитонеальді диализде жүрген емделушілер

- бауырдың ауыр жеткіліксіздігі

- глюкозо-6-фосфатдегидрогеназа тапшылығы

- полиневропатия (соның ішінде, диабеттік), порфирия

Дәрілермен өзара әрекеттесуі

Несепті сілтілейтін дәрілер Фурагиннің емдік әсерін азайтады (Фурагиннің несеппен шығарылуын жеделдетеді). Несепті қышқылдандыратын дәрілер (қышқылдар, соның ішінде аскорбин қышқылы, сондай-ақ кальций хлориді), несептегі Фурагин концентрациясын арттырады (оның несеппен шығарылуы баяулайды) және осылайша препараттың емдік әсері күшейеді, бірақ бұл орайда уыттылығының арту қаупі ұлғаяды. Левомицетинмен, ристомицинмен және сульфаниламидтермен бір мезгілде қолдану қан түзілудің бәсеңдеуін күшейтеді.

Фурагиннің хинолондармен (налидикс қышқылымен, оксолин қышқылымен, норфлоксацинмен) әсерінің антагонизміне орай, осы препараттарды бір мезгілде қолданбау керек.

Пробенецид пен сульфинпиразон қолдану Фурагиннің шығарылуын азайтады, бұл қолайсыз жағымсыз құбылыстары мен уыттылығының даму қаупін арттырады.

Фурагин мен антацидтерді (құрамында магний трисиликаты бар) бір мезгілде қолдану Фурагиннің сіңірілуін азайтады.

Бүйрек жеткіліксіздігінде Фурагинді аминогликозидтермен бір мезгілде қолдану ұсынылмайды. Фурагиннің бактерияға қарсы әсері антибиотиктермен (пенициллиндер мен цефалоспориндер) бір мезгілде қолданғанда едәуір күшейеді, тетрациклинмен және эритромицинмен жақсы біріктіріледі.

Айрықша нұсқаулар

Препаратты мына жағдайларда сақтықпен қолдану керек:

– бүйрек функциясының бұзылуы (ауыр бүйрек жеткіліксіздігінде қолдану қарсы көрсетілімді);

– анемия;

– В тобы витаминдерінің және фолий қышқылының тапшылығы;

– өкпе аурулары;

– Фурагин ұзақ уақыт қолданылғанда шеткергі невропатия (тиісті жүйке бөлігіндегі ауыру, сезімталдықтың нашарлауы) дамуы мүмкін;

– қант диабетінде препарат полиневропатияны туғызуы мүмкін;

– глюкоза/галактоза мальабсорбциясы синдромы немесе лактаза тапшылығы (қосымша заттардың құрамына целлактоза-80 кіреді).

Фурагин қолданылғанда препараттың тоқ ішектегі қалыпты микрофлораны бәсеңдетуінен туындаған диареяны байқауға болады.

Ұзаққа созылған ем жағдайында қан талдауын (лейкоциттер саны), бауыр мен бүйректің функционалдық көрсеткіштерін бақылау, сонымен бірге, әсіресе 65 жастан асқан емделушілерде өкпе функциясын тексеру керек.

Ферменттік емес әдістерді пайдаланғанда, несепте глюкозаның болуына жалған оң реакция болуы мүмкін.

Невриттердің алдын алу үшін, антигистаминдік препараттар мен В тобы витаминдерін (никотинамид, тиамин) бір мезгілде қабылдаған дұрыс.

Емдеу кезінде алкоголь тұтынуға болмайды, өйткені ол жағымсыз әсерлер (жүректің қатты соғуы, жүрек тұсының ауыруы, бас ауыру, жүрек айну, құсу, құрысулар, артериялық қысымның төмендеуі, қызба, үрейлену) айқындылығын күшейтуі мүмкін.

Жүктілік немесе бала емізу кезеңінде қолдану.

Жүктілік немесе бала емізу кезеңінде қолдану қарсы көрсетілімді.

Балалар.

Препарат балаларға қолданылмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері.

Жүйке жүйесі тарапынан жағымсыз реакциялардың (бас айналу, ұйқышылдық) даму мүмкіндігін ескеріп, автокөлік басқару немесе басқа механизмдермен жұмыс істеу кезінде сақтық шарасын қадағалау керек.

Артық дозалануы

Симптомдары: жедел уытты гепатит, гемолитикалық немесе мегалобластты анемия, лейкопения, нейроуыттылық (полиневрит).

Емі: препарат қабылдауды тоқтату, асқазанды шаю, антигистаминдік препараттарды, кальций хлоридін, В тобы витаминдерін тағайындау; тіршілік функцияларын қолдауға бағытталған симптоматикалық ем.

Шығарылу түрі және қаптамасы

Жарықтан қорғағыш қоңыр түсті поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамада 10 таблеткадан.

Пішінді 3 қаптамадан медициналық қолданылуы жөніндегі мемлекеттік және орыс тілдеріндегі нұсқаулықпен бірге дәрілік заттарға арналған картон қорапшаға салады.

Сақтау шарттары

Түпнұсқалық қаптамасында, 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Қаптамасында көрсетілген жарамдылық мерзімі өткеннен кейін қолдануға болмайды!

Дәріханалардан босатылу шарттары

Рецепт арқылы

Өндіруші

«Киевмедпрепарат» ЖАҚ,

Украина, 01032, Киев қаласы, Саксаганский көшесі, 139;

Тіркеу куәлігінің иесі

«Киевмедпрепарат» ЖАҚ немесе «Галичфарм» АҚ.

Қазақстан Республикасы аумағында тұтынушылардан өнім сапасына қатысты шағымдар қабылдайтын ұйымның мекенжайы:

Қазақстан Республикасындағы «Артериум» корпорациясының өкілдігі

050060, Алматы қ-сы, Әл-Фараби д-лы, 97 үй, 3 подъезд, «54» кеңсе

Тел./факс: 8 (727) 315-82-09; 8 (727) 315-82-10;

Е-mail: Almaty@arterium.ua

Прикрепленные файлы

155235721477976400_ru.doc 67 кб
231357871477977602_kz.doc 81.5 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники