Флюканол

• русский
• қазақша

• Скачать инструкцию медикамента

Саудалық атауы

Флюканол

Халықаралық патенттелмеген атауы

Флюконазол

Дәрілік түрі

Инфузияға арналған 2 мг/мл ерітінді

Құрамы

1 мл ерітіндінің құрамында

белсенді зат – флюконазол 2 мг,

қосымша заттар: натрий хлориді, инъекцияға арналған су

Сипаттамасы

Мөлдір және түссіз дерлік ерітінді

Фармакотерапиялық тобы

Зеңдерге қарсы жүйелік қолдануға арналған препараттар. Триазол туындылары. Флуконазол

АТХ коды J02AC01

Фармакологиялық қасиеттері

Фармакокинетикасы

Көктамыр ішіне енгізгеннен кейін Флуконазол тіндерге және организм сұйықтығына жақсы енеді. Плазмадағы концентрациясы дозаға тура пропорциональді тәуелділікте болады.

Тепе-теңдік концентрация деңгейі препаратты тәулігіне бір рет бірнеше рет енгізгеннен кейін 4-5 күнде 90%-ға жетеді. Препараттың сілекейдегі және қақырықтағы концентрациясы оның қан плазмасындағы деңгейіне ұқсайды.

Орташа тәуліктік дозадан 2 есеге жоғары екпінді дозаны 1-ші күні енгізу 2-ші күні 90% (Css) концентрацияға жетуге мүмкіндік береді. Таралу көлемі (Vd) организмдегі судың жалпы көлеміне жақындайды. Плазма ақуыздарымен байланысуы төмен (11-12%).

Флуконазол организмнің барлық сұйықтықтарына жақсы өтеді. Флуконазолдың сілекейдегі және қақырықтағы деңгейлері оның қан плазмасындағы концентрацияларына ұқсас. Зеңдік менингитпен науқастарда жұлын сұйықтығындағы флуконазол деңгейі оның қан плазмасындағы деңгейінің 80%-ға жуығын құрайды.

Мүйізді қабықта, эпидермисте және тер сұйықтығында сарысулық концентрациядан асатын жоғары концентрацияларға жетеді. Флуконазол мүйізді қабықта жиналады.

Тәулігіне 1 рет 50 мг дозада қабылдағанда флюконал препаратының негізгі әсер етуші затының концентрациясы 12 күннен кейін 73 мкг/кг, ал емдеуді тоқтатқаннан кейін 7 күннен соң тек 5.8 мкг/кг құрайды.

Флюконазол, негізінен, бүйректер арқылы шығарылады, енгізілген дозаның шамамен 80%-ы несеппен өзгермеген күйінде шығарылады. Флюконазол клиренсі креатинин клиренсіне пропорционал. Шеткергі қанда флюконазол метаболиті табылған жоқ. Препараттың қан плазмасынан ұзақ жартылай шығарылу кезеңі препаратты қынаптық кандидозда бір рет тағайындалуын қолдануға мүмкіндік береді және басқа көрсетілімдерде препаратты тәулігіне 1 рет немесе аптасына 1 рет қолдануға мүмкіндік береді.

Фармакодинамикасы

Флюканол триазольді зеңге қарсы дәрілердің жаңа класының өкілі, зеңдердің жасушаларындағы стеролдар синтезінің күшті іріктелген тежегіші болып табылады. К/і енгізгенде флюканол зеңдік жұқпалардың әртүрлі модельдерінде белсенділік білдіреді. Флюканол оппортунистік микоздарда, оның ішінде денеге таралған кандидозды қоса, Candida spp., туындағандарда белсенділік білдіреді; бассүйекішілік жұқпаларды қоса, Cryptococcus neoformans; Microsporum spp. және Trychoptyton spp. Сондай-ақ флуконазолдың, Blastomyces dermatitidis туындаған жұқпаларды қоса, бассүйекішілік жұқпаларды, Coccidioides immitis және Histoplasma capsulatum қоса эндемиялық микоздарда белсенділігі анықталған.

Қолданылуы

- криптококкты менингитті және аталған жұқпаның басқа жерге орналасуларын (оның ішінде, өкпеге, теріге) қоса, криптококкозда

- кандидемияны қоса, денеге таралған кандидозда, диссеминацияланған кандидоз және инвазиялық кандидозды жұқпаның басқа түрлері (ішперде, эндокард, тыныс алу және несеп жолдарының жұқпалары), соның ішінде қатерлі ісігі бар, қарқынды емдеу бөлімшесінде жатқан және цитоуытты немесе иммуносупрессиялық дәрілер қабылдап жүрген науқастарда, сондай-ақ кандидоздың пайда болуына бейімдейтін басқа да факторлары бар науқастарда

- шырышты қабаттардың кандидозында, оның ішінде ауыз қуысы мен жұтқыншақ, өңеш, инвазиялық емес бронх-өкпе кандидоздарында, кандидурияны, тері және шырышты қабат кандидозы, сондай-ақ тіс протезін киюге байланысты, ауыз қуысының атрофиялық кандидозында, ЖИТС-ке шалдыққан науқастарда орофарингеальді кандидоздың қайталануының алдын алуға

- жыныс мүшелерінің кандидозында, қынаптық кандидозда (жедел және созылмалы), қынаптық кандидоздың қайталану жиілігін (жылына 3 және одан астам көрініс беретін) азайту мақсатында алдын алу үшін, кандидозды баланитте

- қатерлі жаңа түзілімдері бар, цитостатиктермен химиялық емдеудің немесе сәуле емінің нәтижесінде осындай жұқпаларға бейім болатын науқастарда зең жұқпасының алдын алуға

- табанның, дене, шап аймағының микоздарын қоса, тері микоздарында; кебек тәріздес теміреткіде, онихомикозда; терінің кандидозында

- кокцидиомикоз, паракокцидиомикоз, споротрихоз және гистоплазмозды қоса, иммунитеті қалыпты науқастардағы терең эндемиялық микоздарда.

Қолдану тәсілі және дозалары

Көктамыр ішіне енгізуге арналған ерітінді – көктамырішілік инфузиялар.

Ересектерге криптококктік менингитте және басқа жерге орныққан криптококктік жұқпаларда алғашқы күні әдеттегідей 400 мг тағайындайды, ал әрі қарай емдеуді тәулігіне 1 рет 200-400 мг дозада жалғастырады және әдетте кем дегенде 6-8 аптаға жалғастырады.

Кандидемияда, диссеминирленген кандидозда және басқа да инвазивтік кандидозды жұқпаларда доза алғашқы күні әдеттегідей 400 мг-ды, ал содан кейін 200 мг-ды құрайды. Емдеу ұзақтығы клиникалық тиімділігіне байланысты.

Орофарингеальді кандидозда препаратты әдетте тәулігіне 1 рет 50-100 мг тағайындайды; емдеу ұзақтығы 7 – 14 күн.

Тіс протезін киюге байланысты ауыз қуысының атрофиялық кандидозында препаратты әдетте тәулігіне 1 рет 50 мг-нан, 14 күн бойына тағайындайды.

Табанның, шап аймағының микоздарын қоса тері микоздарында және тері кандидоздарында ұсынылатын доза аптасына 1 рет 150 мг немесе тәулігіне бір рет 50 мг құрайды.

Кебек тәріздес теміреткіде ұсынылатын доза 2 апта бойы аптасына 1 рет 300 мг құрайды. Кейбір науқастарға 2 апта бойы аптасына үшінші 300 мг доза қажет етіледі.

Онихомикозда ұсынылатын доза аптасына 1 рет 150 мг құрайды. Емдеуді жұқпаланған тырнақтың орнына сау тырнақ пластинкасы толық түзілгенше жалғастырған жөн (жұқпасыз тырнақ өскенше).

Терең эндемиялық микоздарда препаратты 2 жыл бойы тәулігіне 200-400 мг дозада қолдану қажет болуы мүмкін.

Шырышты қабаттардың кандидозында препараттың ұсынылған дозасы тәулігіне 3 мг/кг құрайды. Тұрақты тепе-тең концентрациясына тез жету мақсатында бірінші күні 6 мг/кг ең жоғары дозасы тағайындалуы мүмкін.

Жайылған кандидозды немесе криптококты жұқпаны емдеу үшін аурудың ауырлығына байланысты ұсынылатын доза тәулігіне 6-12 мг/кг құрайды.

Препаратты к/і тамшылатып 10 мл/мин аспайтын жылдамдықта енгізуге болады; енгізу тәсілін таңдау науқастың клиникалық жағдайына байланысты.

К/і енгізуге арналған препарат 0.9% натрий хлориді ерітіндісінде, әрбір 200 мг препаратта (сыйымдылығы 100 мл құтыларда) 15 млмоль натрий хлориді бар. Препарат сұйылтылған физиологиялық ерітінді түрінде шығарылатын болғандықтан, натрий немесе сұйықтықты қабылдауды шектеуді қажет ететін науқастарда сұйықтықты енгізу жылдамдығын ескеру керек.

Жағымсыз әсерлері

Жиі (≥1/100-ден <1/10 дейін)

• бас ауыру

• жүректің айнуы, құсу, іштің ауыруы, диарея,

• сілтілік фосфатаза деңгейінің, аминотрансферазаның (АЛТ және АСТ) сарысулық деңгейінің артуы

• бөртпе

Жиі емес ( ≥1/1,000-ден ≤1/100 дейін)

- ұйқысыздық, ұйқышылдық

- құрысулар, бас айналу, парестезия, дәмнің өзгеруі

- вертиго

- диспепсия, метеоризм, ауыз ішінің құрғауы

- холестаз, сарғаю, билирубин деңгейінің жоғарылауы

- қышыну, есекжем, терлеудің күшеюі

- миалгия

- шаршау, дімкәстік, әлсіздік, қызба

Сирек ( ≥1/10,000-ден ≤1/1,000 дейін)

- агранулоцитоз, лейкопения, нейтропения, тромбоцитопения

- анафилаксия, ангионевротикалық ісіну

- гипертриглицеридемия, гиперхолестеринемия, гипокалиемия

- тремор

- тахикардия, қарыншалардың жыпылықтауы/дірілдеуі, QT аралығының ұзаруы

- диспепсия, метеоризм, ауыз ішінің құрғауы

- гепатоуыттылық, өліммен аяқталатын сирек жағдайларды қоса еспетегенде, бауыр қызметінің жеткіліксіздігі, гепатоцеллюлярлы некроз, гепатит, гепатоцеллюлярлы зақымданулар

- уытты эпидермальді некролиз, Стивенс-Джонсон синдромы, денеге жайылған жедел экзантематозды пустулез, эксфолиативті дерматит, беттің ісінуі, алопеция.

ЖИТС-ке немесе обырға шалдыққан науқастарда Флюканолмен және соған ұқсас препараттармен емдегенде қан көрсеткіштерінің, бүйрек пен бауыр қызметтерінің өзгергені байқалды, алайда осы өзгерулердің клиникалық маңызы және олардың еммен байланысы анықталған жоқ.

Қолдануға болмайтын жағдайлар

- флуконазолға, препараттың басқа компоненттеріне немесе құрылымы флуконазолға ұқсас азольді заттарға жоғары сезімталдық

- Флюканолды тәулігіне 400 мг және одан көп дозаларда көп рет қолдану кезінде терфенадинді бір мезгілде қабылдау

- QT аралығын ұзартатын және CYP3A4 ферменті арқылы метаболизденетін, цизаприд, астемизол, эритромицин, пимозид және хинидин сияқты дәрілік препараттарды бір мезгілде қабылдау

- жүктілік және лактация кезеңі

- 18 жасқа дейінгі балаларға

Сақтықпен

Флуконазолды қолдану аясында бауыр қызметінің көрсеткіштері бұзылғанда; беткейлік зеңді жұқпасы және инвазиялық/жүйелік зеңді жұқпалары бар науқастарға флуконазолды қолдану аясында бөртпе пайда болғанда; терфенадинді және флуконазолды тәулігіне 400 мг-ден төмен дозада бір мезгілде қабылдауда; көптеген қауіп факторлары бар науқастардағы потенциалды проаритмиялық жағдайларда (жүректің органикалық бұзылуы, электролиттік тепе-теңдіктің бұзылуы және осындай бұзылулардың пайда болуына мүмкіндік беретін емдер қатар жүргізілгенде).

Дәрілермен өзара әрекеттесуі

Флюканол дені сау адамдарда қан плазмасынан пероральді гипогликемиялық дәрілер – сульфонилмочевина туындыларының (хлорпропамид, глибенкламид, глипезид, толбутамол) жартылай шығарылу кезеңін арттырады.

Флюканол мен фенитоинды бір мезгілде қолдану клиникалық мәні бар дәрежеге дейін қан плазмасында фенитоин концентрациясының жоғарылауына әкелуі мүмкін.

Рифампицинді біріктіріп қолдану AUC мәнінің 25%-ға төмендеуіне және препараттың жартылай шығарылу кезеңінің 20%-ға қысқаруына әкеледі. Сондықтан рифампицинмен қатарласа ем қабылдап жүрген науқастарда препарат дозасын арттыру қажет.

Цизаприд пен терфенадинді бір мезгілде қабылдағанда аритмия (қарыншалық тахикардия пароксизмі) дамуы мүмкін. Теофиллиннің T1/2 ұзарады (уыттанудың даму қаупі).

Флуканол клиникалық мәні бар дәрежеде зидовудиннің, циклоспориннің, рифабутиннің, бензодиазепиндердің (әсері қысқа мезгілді), фенитоинның концентрациясын (оларды біріктіріп қабылдағанда фенитоинның қан плазмасындағы концентрациясын мониторингілеу керек) жоғарылатады. Кумаринді қатардағы антикоагулянттармен бір мезгілде қабылдағанда протромбиндік индексті (өйткені флуконазол протромбиндік уақытты арттырады) бақылау керек.

Альфентанил: флуконазолмен бір мезгілде емдегенде, альфентанил клиренсі мен таралу көлемінің төмендегені, сондай-ақ T½-нің (жартылай шығарылу кезеңі) ұзарғаны байқалады. Әсерінің ықтимал механизмі Флюконалмен CYP3A4 ферментінің тежелуі болып табылады. Альфентанилдің дозасын түзету қажет болуы мүмкін.

Амитриптилин, нортриптилин: Флюконал амитриптилин мен нортриптилиннің әсерін күшейтеді. 5-нортриптилин және/немесе S-амитриптилин біріктіріп емдеудің басында және бір аптадан соң өлшенуі мүмкін. Егер қажет болса, амитриптилиннің/нортриптилиннің дозалары түзетілуі тиіс.

Амфотерицин В: иммунитеті қалыпты және әлсіреген, жұқпа жұқтырған тышқандарда Флюконал және амфотерицин В бір мезгілде қолдану келесі нәтижелерді: C. аlbicans әсерінен болған жүйелік жұқпаларда зеңге қарсы аздаған қосымша әсерін, Cryptococcus neoformans әсерінен туындаған бассүйекішілік жұқпаларда ешқандай да өзара әрекеттесудің болмауын, A. fumigatus әсерінен туындаған жүйелік жұқпаға екі препараттың антогонизмін көрсетті. Осы зерттеулерден алынған клиникалық маңызды нәтижелер белгісіз.

Карбамазепин: Флюканол карбамазепиннің метаболизмін тежеп, соңғысының сарысудағы концентрациясын 30%-ға артырады. Карбамазепиндік уыттылықтың пайда болу қаупі бар. Концентрациясының/әсерінің шамасына қарай, карбамазепиннің дозасын түзету қажет болуы мүмкін.

Кальций өзекшелерінің блокаторлары: Кальций өзекшелерінің кейбір антогонистері (нифедипин, исрадипин, амлодипин, верапамил және фелодипин) CYP3A4 ферментімен метаболизденеді. Флюканол кальций өзекшелері антогонистерінің жүйелік әсерін едәуір арттыруы мүмкін. Препараттардың жағымсыз әсеріне жиі мониторинг жүргізу керек.

Флюконазолда кальций өзекшелері антагонистерінің жүйелік әсерін арттыру потенциалы бар. Жағымсыз құбылыстарына мониторингті жиі жүргізу керек.

Целекоксиб: Флюканолмен (тәулігіне 200 мг) және целекоксибпен (200 мг) қатарластыра емдеу кезінде, целекоксибтің Cmax және AUC мәндері тиісінше 68%-ға және 134%-ға артты. Флюканолмен біріктіргенде целекоксиб дозасының жартысы қажет болуы мүмкін.

Циклоспорин: Флюканол циклоспориннің концентрациясы мен AUC мәнін едәуір арттырады. Бұл біріктірілім циклоспориннің дозасын оның концентрациясына байланысты төмендету арқылы пайдаланылуы мүмкін.

Циклофосфамид: циклофосфамид пен Флюканолды біріктіріп емдеу қан сарысуында билирубин мен креатинин деңгейлерінің жоғарылауына әкеледі. Біріктірілім қан сарысуында билирубин мен креатинин деңгейлерінің ұлғаю қаупі пайда болғанға дейін пайдаланылуы мүмкін.

Фентанил: Флюканол фентанилдың элиминациясын едәуір кідіртеді. Фентанилдің жоғары концентрациялары тыныс алудың жеткіліксіздігіне әкелуі мүмкін.

Галофантрин: Флюканол CYP3A4-ті тежеу әсеріне байланысты, плазмадағы галофантриннің концентрациясын арттыруы мүмкін.

A-редуктазаның гидроксиметилглутарил-коферментінің (ГМГ-КоA-редуктазаның) тежегіштері: Флюканолды аторвастатин мен симвастатин сияқты CYP3A4 арқылы немесе флувастатин сияқты CYP2C9 арқылы метаболизденетін ГМГ-КоA-редуктаза тежегіштерімен бір мезгілде тағайындағанда, миопатия мен қаңқа бұлшықеттерінің жедел некрозының (рабдомиолиз) пайда болу қаупі ұлғаяды. Егер қатарластыра жүргізілетін ем қажет болса, науқас миопатия мен рабдомиолиз симптомдарының пайда болғанын анықтау үшін бақылауда болуы, сондай-ақ креатинкиназаның деңгейіне бақылау жүргізілуі тиіс.

Егер креатинкиназаның деңгейі едәуір артқаны байқалса немесе миопатияның/рабдомиолиздің пайда болғаны анықталса немесе оған күдік пайда болса, ГМГ-КоA-редуктаза тежегіштерін қабылдауды тоқтатқан жөн.

Лозартан: Флюканол Лозартанмен емделу кезінде ангиотензин II-нің рецепторлары антогонизмінің басым бөлігіне жауап беретін белсенді метаболитіне (Е-31 74) лозартанның метаболизмін тежейді. Науқастар артериялық қысымды ұдайы қадағалап отыруы тиіс.

Айрықша нұсқаулар

Сирек жағдайларда Флюканолды қолдану, негізінен, қатарласқан аурулары бар науқастарда бауырдың уытты өзгерулерімен, соның ішінде өліммен аяқталумен қатар жүрді. Флюканолдың гепатоуытты әсері әдетте қайтымды болды, оның белгілері емдеуді тоқтатқаннан кейін жоғалды. Флюканолмен емдеу кезінде бауыр қызметінің көрсеткіштері бұзылатын науқастарды, бауырдың зақымдану белгілерін анықтау мақсатында, бақылауға алу қажет. Бауырдың зақымдануының Флюканолды қолданумен байланысты болуы мүмкін клиникалық белгілері немесе симптомдары пайда болғанда препаратты қабылдауды тоқтатқан жөн.

Флюканол сирек жағдайларда анафилактикалық реакцияларды тудыруы мүмкін.

Флюканолмен емдеу кезінде науқастарда сирек жағдайларда Стивенс-Джонсон синдромы және уытты эпидермальді некролиз сияқты эксфолиативті тері реакциялары пайда болды. ЖИТС-ке шалдыққан науқастар көптеген препараттарды қолданғанда ауыр тері реакцияларының пайда болуына өте бейім. Емдеу кезінде науқаста Флюканолды қолданумен байланыстыруға болатын беткейлік зеңді жұқпа бөртпелері пайда болғанда, препаратты қабылдауды тоқтатқан жөн. Инвазиялық/жүйелік зеңді жұқпалары бар науқастарда бөртпелер пайда болғанда оларды мұқият қадағалаған және буллезді зақымданулар немесе көп піщінді эритема пайда болғанда Флюканолды тоқтатқан жөн.

Флюканол ЭКГ-де QT аралығын арттыруы мүмкін. Флюканолды қолданған кезде QT аралығының артуы және қарыншалардың жыпылықтауы/дірілдеуі көптеген, мысалы, жүректің органикалық аурулары, электролиттік теңгерімнің бұзылуы және осындай бұзылулардың пайда болуына мүмкіндік беретін қатарласқан ем сияқты қауіп факторлары бар науқастарда өте сирек білінді.

Сондықтан потенциалды проаритмиялық жағдайдағы осындай емделушілерге Флюканолды сақтықпен қолданған жөн.

Флюконазол күшті әсер ететін CYP2C9 тежегіші және орташа әсер ететін CYP3A4 тежегіші болып табылады. Флюконазолмен ем қабылдап жүрген, CYP2C9 және CYP3A4 арқылы метаболизденетін, емдік шегі қысқа дәрілермен қатарластыра ем қабылдап жүрген науқастар тексерілуі тиіс.

Бауыр, жүрек аурулары бар емделушілер Флюканолды қолданар алдында дәрігерден кеңес алуы керек.

Флюканол бүйрек қызметі бұзылған науқастарда сақтықпен қабылдануы тиіс.

Дәрілік заттың көлікті немесе қауіпті механизмдерді басқару қабілетіне ықпал ету ерекшеліктері

Автомобильді басқарған кезде немесе техниканы пайдаланған кезде сақ болған жөн, өйткені бас айналу немесе құрысулар пайда болуы мүмкін.

Артық дозалануы

Симптомдары: препараттың елестеулермен және параноидальді мінез-құлықпен қатарласа жүретін жағымсыз әсерлерінің күшеюі.

Емі: симптоматикалық, асқазанды шаю, қарқынды диурез.

3 сағаттық гемодиализ плазмадағы концентрациясын шамамен 50%-ға төмендетеді.

Шығарылу түрі және қаптамасы

100 мл препараттан пластик құтыларға құйылған. Құтыға өздігінен жабысатын заттаңба жапсырылған.

1 құтыдан қолданылуы жөнінде мемлекеттік және орыс тілдеріндегі нұсқаулықпен бірге картон қорапқа салынған.

Сақтау шарттары

Жарықтан қорғалған жерде, 25ºС-ден аспайтын температурада сақтау керек.

Мұздатып қатыруға болмайды.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

Кларис Лайфсайнсес Лимитед

Чачарвади Васана,

Ахмедабад, Гуджарат – 382213, Үндістан

Тіркеу куәлігінің иесі

Кларис Лайфсайнсес ЛТД, Үндістан

Қазақстан Республикасы аумағында дәрілік препараттың сапасы жөнінде шағымдарды қабылдайтын ұйымның мекенжайы:

ҚР-дағы Кларис Лайфсайнсес ЛТД компаниясының филиалы

Алматы қ-сы, Желтоқсан к-сі 115, 370 кеңсе

тел/факс +7(727)2952444