Флупамид СР-сановель

• русский
• қазақша

• Скачать инструкцию медикамента

Саудалық атауы

Флупамид СР-сановель

Халықаралық патенттелмеген атауы

Индапамид

Дәрілік түрі

Қабықпен қапталған, ұзақ әсер ететін 1,5 мг таблеткалар

Құрамы

Бір таблетканың құрамында

белсенді зат – 1,5 мг индапамид,

қосымша заттар: лактоза моногидраты, гидроксипропилметилцеллюлоза (Е4М), повидон (PVP K-30), коллоидты кремнийдің қостотығы, магний стеараты,

Ақ Оpadry 04 F28494 қабықтың құрамы: титанның қостотығы Е171, глицерин, гидроксипропилметилцеллюлоза, полиэтиленгликоль 6000, магний стеараты.

Сипаттамасы

Дөңгелек пішінді, ақ түсті қабықпен қапталған таблеткалар

Фармакотерапиялық тобы

Генле ілмегінің кортикальді сегментіне әсер ететін тиазидтік емес диуретиктер. Сульфонамидтер.

АТЖ коды С03ВА11

Фармакологиялық қасиеттері

Фармакокинетикасы

Таблеткадағы белсенді зат арнайы матрицада болады, ол препараттың баяу босап шығуын қамтамасыз етеді.

Индапамидтің босап шыққан бөлігі асқазан-ішек жолынан (АІЖ) толық және тез сіңеді. Ас қабылдау препараттың сіңу жылдамдығын біршама баяулатады, бірақ мұндайда сіңген заттың көлеміне ықпалын тигізбейді.

Плазмада ең жоғарғы концентрацияға (Сmax ) 1,5 мг препаратты бір рет ішке қабылдағанан кейін 12 сағаттан соң жетеді; қайта қабылдағанда индапамидтің қан плазмасындағы концентрациясының өзгеруі екі қабылдау арасындағы аралықта төмен болады.

Плазмадағы ақуыздармен байланысуы 79%-ға жуықты құрайды. Жартылай шығарылу кезеңі – 14-24 сағат (орта есеппен 18 сағат). Тепе-теңдік жағдай 7 тәуліктен кейін анықталады. Қайта қабылдаған кезде организмде жиналып қалмайды.

Белсенді емес метаболиттер түрінде несеппен бірге 70%-ы, нәжіспен бірге 22%-ы шығарылады.

Ерекше клиникалық жағдайлардағы фармакокинетикасы

Бүйрек қызметінің жеткіліксіздігіне шалдыққан науқастарда фармакокинетикалық көрсеткіштері өзгермейді.

Фармакодинамикасы

Флупамид СР-сановель – индол сақинасы бар сульфонамид туындысы. Әсер етуі нефронның кортикальді сегментінде натрийдің кері сіңуін тежеумен байланысты болатын тиазидтік диуретиктерге ұқсас.

Гипотензиялық әсері артерия қабырғаларының серпінділігін арттыру және жалпы шеткергі қантамырлар кернеуін төмендету қабілетімен байланысты. Әсер етудің қантамырлық компоненті простагландин PGE 2 және простациклин PG 12 (вазодилататор және тромбоциттердің бірігуін тежегіш) синтезін стимуляциялауына байланысты болатын вазолилатацияны қамтиды. Жүректің сол жақ қарыншасының гипертрофиясын азайтуға мүмкіндік береді.

Қолданылуы

- артериялық гипертензияда

Қолдану тәсілдер және дозасы

Ішке қабылданады.

Тәулігіне 1 рет бір таблетка, мүмкіндігінше таңертең. Емдеу курсын дәрігер әр адамға жеке тағайындайды.

Жағымсыз әсерлері

Жиі ( ≥1/100, <1/10)

• макуло-папулездік бөртпе

Жиі емес ( ≥1/1000, <1/100)

• құсу

• пурпура

Сирек ( ≥1/10000, <1/1000)

- жүректің айнуы, ауыздың құрғауы, іштің қатуы

- бас айналу, астения, парестезиялар, бас ауыру

- асқын сезімталдықтың терідегі көріністері (бөртпе), геморрагиялық васкулит

Өте сирек ( <1/10000)

- аритмия, артериялық гипотензия

- панкреатит

- ангионевротикалық ісіну және/немесе есекжем, уытты эпидермалық некролиз, қатерлі экссудатты эритема

- гиперкальциемия

- тромбоцитопения, лейкопения, агранулоцитоз, аптастикалық анемия, гемолитикалық анемия

- бауыр қызметінің бұзылуы

- бүйрек қызметінің жеткіліксіздігі

Анықталмаған

- гипокалиемия, гиповолемияға, организмнің сусыздануымен және ортостатикалық гипотензиямен қоса қабаттасатын гипонатриемия

- метаболикалық алкалозбен дамитын гипохлоремия

- гиперурикемия, гипергликемия

- жүйелік қызыл жегінің асқынуы

- бауыр қызметінің жеткіліксіздігі жағдайында бауыр энцефалопатиясының дамуы

- фотосезімталдықтың жоғарылауы

Жағымсыз әсерлердің көбісі дозаға байланысты болғандықтан, аздаған дозаны пайдалана отырып, оларды барынша азайтуға болады.

Қолдануға болмайтын жағдайлар

- Флупамид СР-сановельге және басқа сульфонамидтерге сезімталдық жоғары болғанда

- бүйрек қызметінің жедел ағымды жеткіліксіздігінде

- ми қан айналымының жедел ағымды бұзылуында

- бауыр қызметінің ауыр бұзылуында, бауыр энцефалопатиясында

- қант диабеті мен подаграның ауыр түрлерінде

- жүктілік пен лактация кезеңінде

- гипокалиемияда

- балаларға және 18 жасқа дейінгі жасөспірімдерге

- лактозаның жақпаушылығымен, лактозаның тапшылығымен немесе глюкоза-галактозаның сіңуінің бұзылуымен байланысты іштен туа біткен сирек ауруларда

Дәрілермен өзара әрекеттесуі

Литий препараттарымен бір мезгілде қолданғанда плазмадағы литий деңгейі артуы мүмкін.

Мына препараттармен бір мезгілде тағайындаған кезде сақ болған жөн:

• аритмияға қарсы IA класына (хинидин, гидрохинидин, дизопирамид) және III класына (амиодарон, соталол, дофетилид, ибутилид) жататын препараттармен

• кейбір антипсихотикалық препараттармен – фенотиазиндер (хлорпромазин, циамемазин, левомепромазин, тиоридазин, трифтоперазин), бензамидтер (амисульпирид, сульпирид, сультоприд, тиаприд), бутирофенондар (дроперидол, галоперидол)

• басқа да препараттармен: бепридил, цизаприд, дифеманил, эритромицин (көктамыр ішіне), галофантрин, мизоластин, пентамидин, спарфлоксацин, моксифлоксацин, винкамин (көктамыр ішіне).

Осы препараттарды Флупамид СР-сановельмен біріктіру қарыншалық аритмияның даму қаупін арттырады.

Қабынуға қарсы стероидты емес препараттармен, глюкокортикостероидтармен (ГКС), жүйелік қолдануға арналған тертракозактидпен бір мезгілде қолданғанда Флупамид СР-сановельдің гипотензиялық әсері баяулауы мүмкін.

Гипокалиемияны туындатуы мүмкін препараттармен, соның ішінде амфотерицинмен (көктамыр ішіне), глюко- және минералокортикоидтармен, тетракозактидпен, ішектің қимылдауын жақсартатын іш жүргізетін дәрілермен бір мезгілде қолданған кезде гипокалиемияның даму қаупі артады.

Жүрек гликозидтерімен бір мезгілде қолданғанда соңғысының уытты әсері күшеюі мүмкін.

Баклофенмен, имипрамин сияқты трициклдік антидепрессанттармен бір мезгілде қолданған кезде Флупамид СР-сановельдің гипотензиялық әсерінің күшейгені білінеді.

Тиазидтік және калий жинақтаушы диуретиктермен (соның ішінде амилорид, спиронолактон, триамтерен) бір мезгілде қолданған кезде, әсіресе қант диабеті мен бүйрек қызметінің жеткіліксіздігіне шалдыққан емделушілерде гипо- немесе гиперкалиемияның дамуы мүмкін екендігін жоққа шығаруға болмайды.

Ангиотензин өзгертуші ферменттің (АӨФ) тежегіштерімен бір мезгілде қолданғанда гипонатриемия артериялық гипотензияның және/немесе бүйрек қызметінің жедел ағымды жеткіліксіздігінің даму қаупін арттырады.

Метформинмен бір мезгілде қолданғанда сүтқышқылды ацидоз дамуы мүмкін.

Құрамында йоды бар рентгеноконтрастты препараттарды жоғары дозаларда бірге қолданған кезде бүйрек қызметінің жеткіліксіздігінің даму жиілігі артады.

Кальций тұздарымен бір мезгілде қолданған кезде гиперкальциемия дамуы мүмкін.

Циклоспоринмен бір мезгілде қолданғанда қан плазмасындағы креатинин мөлшері артуы мүмкін.

Айрықша нұсқаулар

Флупамид СР-сановельді қабылдау аясында спортшыларда допингті бақылау сынақтары оң нәтиже беруі мүмкін.

Емдеу кезінде теріні күн сәулесінен және жасанды UVA-сәулесінен қорғау керек немесе препаратты қабылдауды тоқтатқан жөн, өйткені тиазидтік және тиазидке ұқсас диуретиктерді қабылдаған кезде фотосезімталдықтың жоғарылау жағдайлары байқалған.

Емдеу барысында әсіресе егде жастағы емделушілерде, бауыр циррозы, жүректің ишемиялық аурулары, жүрек қызметінің жеткіліксіздігі бар емделушілерде, қатты жүдеген және/немесе бірнеше препаратты бір мезгілде қабылдап жүрген науқастарда қан плазмасындағы электролиттердің (калий, натрий, кальций) деңгейін бақылап отыру қажет. Гипокалиемия (<3,4 ммоль/л), әсіресе QT аралығы ұзарғанда және брадикардиялар жүрек ырғағының “пируэт” түрінде бұзылуына әкеп соқтыруы мүмкін. Калий деңгейі төмен болғанда препараттың дозасын түзету керек.

Флупамид СР-сановельді қабылдау кальцийдің несеппен бірге бөлініп шығуын азайтып, гиперкальциемияның дамуына әкеп соқтыруы мүмкін (гиперпаратиреозден ажырата білген жөн).

Гипокалиемия бар болған жағдайда қант диабетіне шалдыққан науқастарда глюкозаның деңгейін бақылап отыру қажет.

Несеп қышқылының мөлшері жоғарылаған емделушілерде подагра ұстамалары санының арту тенденциясы байқалады.

Флупамид СР-сановель бүйрек қызметі бұзылмаған немесе орташа өзгерістері бар (қандағы креатинин мөлшері 25мг/л-ден аз немесе 220мкмоль/л) болған жағдайда ғана өзінің тиімділігін көрсетеді.

Емнің басында емделушілерде гиповолемия салдарынан шумақтық сүзілудің төмендегені байқалуы мүмкін. Осының салдарынан қан плазмасында мочевина мен креатинин деңгейі артуы мүмкін. Егер бүйрек қызметі бұзылмаған болса, бүйрек қызметінің мұндай уақытша жеткіліксіздігі әдеттегідей зардапсыз өтеді. Алайда бүйрек қызметінің жеткіліксіздігі бар болса, науқастың жағдайы нашарлауы мүмкін.

Флупамид СР-сановельді гипертензияға қарсы басқа да препараттармен бір мезгілде қабылдаған кезде дозаны емнің басында, қалай дегенде де, азайтқан жөн.

Жағымсыз әсерлердің арту қаупіне байланысты, емдік әсері жоқ болған жағдайда, препарат дозасын тиісті дозадан арттырмаған жөн.

Педиатрияда қолдану

Қолданылуы жөнінде деректер жоқ.

Дәрілік заттың көлікті немесе қауіпті механизмдерді басқару қабілетіне ықпал ету ерекшеліктері

Флупамид СР-сановель зейінді жұмылдыру қабілетіне ықпалын тигізбейді, бірақ, әсіресе емделудің бастапқы кезеңінде немесе гипертензияға қарсы біріктірілген ем жүргізу кезінде артериялық қысымның (АҚ) төмендеуіне байланысты жекелей реакциялардың дамуы мүмкін болғандықтан, осы препараттарды автокөлікті немесе басқа да қауіпті механизмдерді басқаратын емделушілерге қолданған кезде сақ болған жөн.

Артық дозаланғанда

Симптомдары: Флупамид СР-сановель өте жоғары концентрацияларда болғанның өзінде (40мг дейін, бұл емдік дозадан 27 есе артық) уыттық әсер бермейді. Су-электролиттік тепе-теңдік бұзылуы (гипонатриемия, гипокалиемия), жүректің айнуы, құсу, артериялық гипотензия, құрысулар, бас айналу, ұйқышылдық, сананың шатасуы, полиурия немесе гиповолемия салдарынан туындайтын ануриямен аяқталатын олигурия байқалуы мүмкін.

Емдеу: препаратты организмнен шығаруға бағытталған шұғыл шаралар жүргізу қажет (асқазанды шаю және/немесе белсенділендірілген көмір тағайындау, ары қарай су-электролиттік тепе-теңдікті қалпына келтіру).

Шығарылу түрі және қаптамасы

Алюминий фольгадан және поливинилдихлоридті үлбірден жасалған пішінді ұяшықты қаптамада 10 таблеткадан. 3 пішінді қаптамадан қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған.

Сақтау шарттары

15С-ден 25С-ге дейінгі температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Препаратты қаптамасында көрсетілген жарамдылық мерзімі өткеннен кейін пайдалануға болмайды.

Дәріханадан босатылу шарттары

Рецепт арқылы

Өндіруші

“Сановель” фармако-индустриялды сауда компаниясы, Түркия

Мимар Синан ауданы, Чанта ауылы, Силиври/Стамбул/Түркия

Тіркеу куәлігінің иесі

“Сановель” фармако-индустриялды сауда компаниясы, Түркия

Тұтынушылардан өнім (тауар) сапасы жөнінде шағымдарды Қазақстан Республикасы аумағында қабылдайтын ұйымның мекенжайы

Алматы қаласы, Қажымұқан көшесі 26А

Телефон нөмірі: 8 727 264 73 05

Факс нөмірі: 8 727 262 00 12

Эл. поштасы: sanovel@mail.ru

Сарапшы

 

 

 

 

 

 

 

 

Аударған: Тлегенова Ұ.С.

Дәрілік заттың медицинада

қолданылуы жөніндегі

нұсқаулық

Флупамид СР-сановель

Саудалық атауы

Флупамид СР-сановель

Халықаралық патенттелмеген атауы

Индапамид

Дәрілік түрі

Қабықпен қапталған, ұзақ әсер ететін 1,5 мг таблеткалар

Құрамы

Бір таблетканың құрамында

белсенді зат – 1,5 мг индапамид,

қосымша заттар: лактоза моногидраты, гидроксипропилметилцеллюлоза (Е4М), повидон (PVP K-30), коллоидты кремнийдің қостотығы, магний стеараты,

Ақ Оpadry 04 F28494 қабықтың құрамы: титанның қостотығы Е171, глицерин, гидроксипропилметилцеллюлоза, полиэтиленгликоль 6000, магний стеараты.

Сипаттамасы

Дөңгелек пішінді, ақ түсті қабықпен қапталған таблеткалар

Фармакотерапиялық тобы

Генле ілмегінің кортикальді сегментіне әсер ететін тиазидтік емес диуретиктер. Сульфонамидтер.

АТЖ коды С03ВА11

Фармакологиялық қасиеттері

Фармакокинетикасы

Таблеткадағы белсенді зат арнайы матрицада болады, ол препараттың баяу босап шығуын қамтамасыз етеді.

Индапамидтің босап шыққан бөлігі асқазан-ішек жолынан (АІЖ) толық және тез сіңеді. Ас қабылдау препараттың сіңу жылдамдығын біршама баяулатады, бірақ мұндайда сіңген заттың көлеміне ықпалын тигізбейді.

Плазмада ең жоғарғы концентрацияға (Сmax ) 1,5 мг препаратты бір рет ішке қабылдағанан кейін 12 сағаттан соң жетеді; қайта қабылдағанда индапамидтің қан плазмасындағы концентрациясының өзгеруі екі қабылдау арасындағы аралықта төмен болады.

Плазмадағы ақуыздармен байланысуы 79%-ға жуықты құрайды. Жартылай шығарылу кезеңі – 14-24 сағат (орта есеппен 18 сағат). Тепе-теңдік жағдай 7 тәуліктен кейін анықталады. Қайта қабылдаған кезде организмде жиналып қалмайды.

Белсенді емес метаболиттер түрінде несеппен бірге 70%-ы, нәжіспен бірге 22%-ы шығарылады.

Ерекше клиникалық жағдайлардағы фармакокинетикасы

Бүйрек қызметінің жеткіліксіздігіне шалдыққан науқастарда фармакокинетикалық көрсеткіштері өзгермейді.

Фармакодинамикасы

Флупамид СР-сановель – индол сақинасы бар сульфонамид туындысы. Әсер етуі нефронның кортикальді сегментінде натрийдің кері сіңуін тежеумен байланысты болатын тиазидтік диуретиктерге ұқсас.

Гипотензиялық әсері артерия қабырғаларының серпінділігін арттыру және жалпы шеткергі қантамырлар кернеуін төмендету қабілетімен байланысты. Әсер етудің қантамырлық компоненті простагландин PGE 2 және простациклин PG 12 (вазодилататор және тромбоциттердің бірігуін тежегіш) синтезін стимуляциялауына байланысты болатын вазолилатацияны қамтиды. Жүректің сол жақ қарыншасының гипертрофиясын азайтуға мүмкіндік береді.

Қолданылуы

- артериялық гипертензияда

Қолдану тәсілдер және дозасы

Ішке қабылданады.

Тәулігіне 1 рет бір таблетка, мүмкіндігінше таңертең. Емдеу курсын дәрігер әр адамға жеке тағайындайды.

Жағымсыз әсерлері

Жиі ( ≥1/100, <1/10)

• макуло-папулездік бөртпе

Жиі емес ( ≥1/1000, <1/100)

• құсу

• пурпура

Сирек ( ≥1/10000, <1/1000)

- жүректің айнуы, ауыздың құрғауы, іштің қатуы

- бас айналу, астения, парестезиялар, бас ауыру

- асқын сезімталдықтың терідегі көріністері (бөртпе), геморрагиялық васкулит

Өте сирек ( <1/10000)

- аритмия, артериялық гипотензия

- панкреатит

- ангионевротикалық ісіну және/немесе есекжем, уытты эпидермалық некролиз, қатерлі экссудатты эритема

- гиперкальциемия

- тромбоцитопения, лейкопения, агранулоцитоз, аптастикалық анемия, гемолитикалық анемия

- бауыр қызметінің бұзылуы

- бүйрек қызметінің жеткіліксіздігі

Анықталмаған

- гипокалиемия, гиповолемияға, организмнің сусыздануымен және ортостатикалық гипотензиямен қоса қабаттасатын гипонатриемия

- метаболикалық алкалозбен дамитын гипохлоремия

- гиперурикемия, гипергликемия

- жүйелік қызыл жегінің асқынуы

- бауыр қызметінің жеткіліксіздігі жағдайында бауыр энцефалопатиясының дамуы

- фотосезімталдықтың жоғарылауы

Жағымсыз әсерлердің көбісі дозаға байланысты болғандықтан, аздаған дозаны пайдалана отырып, оларды барынша азайтуға болады.

Қолдануға болмайтын жағдайлар

- Флупамид СР-сановельге және басқа сульфонамидтерге сезімталдық жоғары болғанда

- бүйрек қызметінің жедел ағымды жеткіліксіздігінде

- ми қан айналымының жедел ағымды бұзылуында

- бауыр қызметінің ауыр бұзылуында, бауыр энцефалопатиясында

- қант диабеті мен подаграның ауыр түрлерінде

- жүктілік пен лактация кезеңінде

- гипокалиемияда

- балаларға және 18 жасқа дейінгі жасөспірімдерге

- лактозаның жақпаушылығымен, лактозаның тапшылығымен немесе глюкоза-галактозаның сіңуінің бұзылуымен байланысты іштен туа біткен сирек ауруларда

Дәрілермен өзара әрекеттесуі

Литий препараттарымен бір мезгілде қолданғанда плазмадағы литий деңгейі артуы мүмкін.

Мына препараттармен бір мезгілде тағайындаған кезде сақ болған жөн:

• аритмияға қарсы IA класына (хинидин, гидрохинидин, дизопирамид) және III класына (амиодарон, соталол, дофетилид, ибутилид) жататын препараттармен

• кейбір антипсихотикалық препараттармен – фенотиазиндер (хлорпромазин, циамемазин, левомепромазин, тиоридазин, трифтоперазин), бензамидтер (амисульпирид, сульпирид, сультоприд, тиаприд), бутирофенондар (дроперидол, галоперидол)

• басқа да препараттармен: бепридил, цизаприд, дифеманил, эритромицин (көктамыр ішіне), галофантрин, мизоластин, пентамидин, спарфлоксацин, моксифлоксацин, винкамин (көктамыр ішіне).

Осы препараттарды Флупамид СР-сановельмен біріктіру қарыншалық аритмияның даму қаупін арттырады.

Қабынуға қарсы стероидты емес препараттармен, глюкокортикостероидтармен (ГКС), жүйелік қолдануға арналған тертракозактидпен бір мезгілде қолданғанда Флупамид СР-сановельдің гипотензиялық әсері баяулауы мүмкін.

Гипокалиемияны туындатуы мүмкін препараттармен, соның ішінде амфотерицинмен (көктамыр ішіне), глюко- және минералокортикоидтармен, тетракозактидпен, ішектің қимылдауын жақсартатын іш жүргізетін дәрілермен бір мезгілде қолданған кезде гипокалиемияның даму қаупі артады.

Жүрек гликозидтерімен бір мезгілде қолданғанда соңғысының уытты әсері күшеюі мүмкін.

Баклофенмен, имипрамин сияқты трициклдік антидепрессанттармен бір мезгілде қолданған кезде Флупамид СР-сановельдің гипотензиялық әсерінің күшейгені білінеді.

Тиазидтік және калий жинақтаушы диуретиктермен (соның ішінде амилорид, спиронолактон, триамтерен) бір мезгілде қолданған кезде, әсіресе қант диабеті мен бүйрек қызметінің жеткіліксіздігіне шалдыққан емделушілерде гипо- немесе гиперкалиемияның дамуы мүмкін екендігін жоққа шығаруға болмайды.

Ангиотензин өзгертуші ферменттің (АӨФ) тежегіштерімен бір мезгілде қолданғанда гипонатриемия артериялық гипотензияның және/немесе бүйрек қызметінің жедел ағымды жеткіліксіздігінің даму қаупін арттырады.

Метформинмен бір мезгілде қолданғанда сүтқышқылды ацидоз дамуы мүмкін.

Құрамында йоды бар рентгеноконтрастты препараттарды жоғары дозаларда бірге қолданған кезде бүйрек қызметінің жеткіліксіздігінің даму жиілігі артады.

Кальций тұздарымен бір мезгілде қолданған кезде гиперкальциемия дамуы мүмкін.

Циклоспоринмен бір мезгілде қолданғанда қан плазмасындағы креатинин мөлшері артуы мүмкін.

Айрықша нұсқаулар

Флупамид СР-сановельді қабылдау аясында спортшыларда допингті бақылау сынақтары оң нәтиже беруі мүмкін.

Емдеу кезінде теріні күн сәулесінен және жасанды UVA-сәулесінен қорғау керек немесе препаратты қабылдауды тоқтатқан жөн, өйткені тиазидтік және тиазидке ұқсас диуретиктерді қабылдаған кезде фотосезімталдықтың жоғарылау жағдайлары байқалған.

Емдеу барысында әсіресе егде жастағы емделушілерде, бауыр циррозы, жүректің ишемиялық аурулары, жүрек қызметінің жеткіліксіздігі бар емделушілерде, қатты жүдеген және/немесе бірнеше препаратты бір мезгілде қабылдап жүрген науқастарда қан плазмасындағы электролиттердің (калий, натрий, кальций) деңгейін бақылап отыру қажет. Гипокалиемия (<3,4 ммоль/л), әсіресе QT аралығы ұзарғанда және брадикардиялар жүрек ырғағының “пируэт” түрінде бұзылуына әкеп соқтыруы мүмкін. Калий деңгейі төмен болғанда препараттың дозасын түзету керек.

Флупамид СР-сановельді қабылдау кальцийдің несеппен бірге бөлініп шығуын азайтып, гиперкальциемияның дамуына әкеп соқтыруы мүмкін (гиперпаратиреозден ажырата білген жөн).

Гипокалиемия бар болған жағдайда қант диабетіне шалдыққан науқастарда глюкозаның деңгейін бақылап отыру қажет.

Несеп қышқылының мөлшері жоғарылаған емделушілерде подагра ұстамалары санының арту тенденциясы байқалады.

Флупамид СР-сановель бүйрек қызметі бұзылмаған немесе орташа өзгерістері бар (қандағы креатинин мөлшері 25мг/л-ден аз немесе 220мкмоль/л) болған жағдайда ғана өзінің тиімділігін көрсетеді.

Емнің басында емделушілерде гиповолемия салдарынан шумақтық сүзілудің төмендегені байқалуы мүмкін. Осының салдарынан қан плазмасында мочевина мен креатинин деңгейі артуы мүмкін. Егер бүйрек қызметі бұзылмаған болса, бүйрек қызметінің мұндай уақытша жеткіліксіздігі әдеттегідей зардапсыз өтеді. Алайда бүйрек қызметінің жеткіліксіздігі бар болса, науқастың жағдайы нашарлауы мүмкін.

Флупамид СР-сановельді гипертензияға қарсы басқа да препараттармен бір мезгілде қабылдаған кезде дозаны емнің басында, қалай дегенде де, азайтқан жөн.

Жағымсыз әсерлердің арту қаупіне байланысты, емдік әсері жоқ болған жағдайда, препарат дозасын тиісті дозадан арттырмаған жөн.

Педиатрияда қолдану

Қолданылуы жөнінде деректер жоқ.

Дәрілік заттың көлікті немесе қауіпті механизмдерді басқару қабілетіне ықпал ету ерекшеліктері

Флупамид СР-сановель зейінді жұмылдыру қабілетіне ықпалын тигізбейді, бірақ, әсіресе емделудің бастапқы кезеңінде немесе гипертензияға қарсы біріктірілген ем жүргізу кезінде артериялық қысымның (АҚ) төмендеуіне байланысты жекелей реакциялардың дамуы мүмкін болғандықтан, осы препараттарды автокөлікті немесе басқа да қауіпті механизмдерді басқаратын емделушілерге қолданған кезде сақ болған жөн.

Артық дозаланғанда

Симптомдары: Флупамид СР-сановель өте жоғары концентрацияларда болғанның өзінде (40мг дейін, бұл емдік дозадан 27 есе артық) уыттық әсер бермейді. Су-электролиттік тепе-теңдік бұзылуы (гипонатриемия, гипокалиемия), жүректің айнуы, құсу, артериялық гипотензия, құрысулар, бас айналу, ұйқышылдық, сананың шатасуы, полиурия немесе гиповолемия салдарынан туындайтын ануриямен аяқталатын олигурия байқалуы мүмкін.

Емдеу: препаратты организмнен шығаруға бағытталған шұғыл шаралар жүргізу қажет (асқазанды шаю және/немесе белсенділендірілген көмір тағайындау, ары қарай су-электролиттік тепе-теңдікті қалпына келтіру).

Шығарылу түрі және қаптамасы

Алюминий фольгадан және поливинилдихлоридті үлбірден жасалған пішінді ұяшықты қаптамада 10 таблеткадан. 3 пішінді қаптамадан қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған.

Сақтау шарттары

15С-ден 25С-ге дейінгі температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Препаратты қаптамасында көрсетілген жарамдылық мерзімі өткеннен кейін пайдалануға болмайды.

Дәріханадан босатылу шарттары

Рецепт арқылы

Өндіруші

“Сановель” фармако-индустриялды сауда компаниясы, Түркия

Мимар Синан ауданы, Чанта ауылы, Силиври/Стамбул/Түркия

Тіркеу куәлігінің иесі

“Сановель” фармако-индустриялды сауда компаниясы, Түркия

Тұтынушылардан өнім (тауар) сапасы жөнінде шағымдарды Қазақстан Республикасы аумағында қабылдайтын ұйымның мекенжайы

Алматы қаласы, Қажымұқан көшесі 26А

Телефон нөмірі: 8 727 264 73 05

Факс нөмірі: 8 727 262 00 12

Эл. поштасы: sanovel@mail.ru