Флукап (Осельтамивир)

Флукап

Осельтамивир

Дәрілік түрі, дозасы

Ішке қабылдау үшін суспензия дайындауға арналған ұнтақ, 6 мг/мл

Жүйелі пайдалануға арналған инфекцияға қарсы препараттар. Жүйелі қолдануға арналған вирусқа қарсы препараттар. Тікелей әсер ететін вирусқа қарсы препараттар. Нейраминидаза тежегіштері. Осельтамивир.

АТХ коды J05AH02

Тұмауды емдеу

Флукап препараты тұмаудың өршуі кезінде тұмау сипаттас симптомдар байқалатын мерзіміне жетіп туған нәрестелерді қоса, ересектер мен балаларды емдеу үшін көрсетілген. Егер емдеу симптомдар пайда болған сәттен бастап алғашқы екі күн ішінде басталса, препараттың емдік әсерін қамтамасыз ететіні дәлелденді.

Тұмау профилактикасы

• Жергілікті тұрғындар арасында айналымда жүрген тұмау вирусы болғанда, клиникалық тұрғыда тұмау анықталған жағдайлармен қатынастан кейінгі пациенттерде өмірінің 1 жасынан бастап жанасудан кейінгі профилактика.

• Флукапты тұмау профилактикасында мақсатты қолдану жағдаяттар мен қорғаныс қажет болатын тұрғылықты халыққа байланысты әр нақты жағдайда белгілену керек. Айрықша жағдайларда (мысалы, айналымдағы вирус штаммдары мен вирусқа қарсы вакцина, сондай-ақ пандемиялық оқиға сәйкес келмеген жағдайда) бір жасқа толған және одан үлкен пациенттерде маусымдық профилактика қарастырылу керек.

• Флукап тұмау пандемиясының өршуі кезінде жаңа туған нәрестелерде өмірінің 1 жасына дейін тұмаудың жанасудан кейінгі профилактикасында көрсетілген.

Флукап тұмауға қарсы вакцинацияны алмастыра алмайды.

Тұмауды емдеу және профилактикасына арналған вирусқа қарсы препараттарды қолдану ресми нұсқаулар негізінде белгіленуі тиіс. Емдеу және профилактика үшін осельтамивир пайдалануға қатысты шешім айналымдағы тұмау вирустарына сипатты ерекшеліктер туралы деректерді, жылдың әр маусымына тән тұмауға қарсы препараттарға сезімталдық үлгілері туралы қолда бар ақпаратты және әртүрлі географиялық аумақтардағы және пациенттер топтарындағы аурудың әсерін ескере отырып, қабылдануы тиіс.

Қолданудың басталуына дейінгі қажетті мәліметтер тізбесі

Әсер етуші затқа немесе 6.1 бөлімінде тізбеленген қосымша заттардың кез келгеніне аса жоғары сезімталдық

Қолдану кезіндегі қажетті сақтандыру шаралары

Осельтамивир тұмау вирустары тудырған аурулар кезінде ғана тиімді. Тұмау вирусынан ерекшеленетін басқа қоздырғыштар тудырған аурулар кезіндегі осельтамивир тиімділігінің дәлелдері жоқ.

Флукап тұмауға қарсы вакцинацияны алмастыра алмайды.

Флукапты қолдану тұмауға қарсы жыл сайынғы вакцинация үшін адамдарды анықтауға ықпал етпеуі тиіс. Флукап қабылдау қанша ұзаққа созылса, тұмаудан қорғану сонша уақытқа бірдей созылады. Препаратты тұмауды емдеу және профилактикасы үшін нақты эпидемиологиялық деректерде жергілікті тұрғындар арасында тұмау вирусының айналымда жүргені көрсетілсе ғана пайдалану керек.

Айналымдағы тұмау вирустары штаммдарының осельтамивирге сезімталдығы жоғары ауытқушылықты көрсетті. Сондықтан, емдеуді тағайындайтын медициналық қызметкерлер Флукап пайдалану шешімін қабылдау кезінде қазіргі уақытта айналымда жүрген вирустардың сезімталдық сипаты туралы ең соңғы ақпарат ескерілуі тиіс.

Ауыр қатарлас аурулар

Қатар жүретін мейлінше ауыр ауруы немесе ауруханаға жатқызу көзделетін тұрақсыз жай-күйі бар пациенттерде осельтамивир қолдану қауіпсіздігі мен тиімділігі туралы деректер жоқ.

Иммунитет тапшылығы бар пациенттер

Иммунитет тапшылығы бар пациенттерде тұмауды емдеуде де, тұмау профилактикасында да осельтамивир тиімділігі анықталмады. Дегенмен де, иммунитет тапшылығы бар ересек пациенттерде тұмауды емдеу ұзақтығы 10 күнге созылуы тиіс, өйткені пациенттердің осы тобында осельтамивирмен қысқа емдеу курсының ешқандай зерттеулері жүргізілмеген.

Жүректік/респираторлық аурулар

Созылмалы кардиологиялық аурулары және/немесе респираторлық аурулары бар пациенттерді емдеуде осельтамивир тиімділігі анықталмады. Осы қауымдағы емделу тобы мен плацебо тобы арасында асқынудың туындау жиілігінде ешқандай өзгешелік байқалмады.

Бүйректің ауыр жеткіліксіздігі

Бүйрек жеткіліксіздігі ауыр дәрежедегі ересек пациенттер мен жаөспірімдерде (13-17 жас) тұмауды емдеу және профилактикасы кезінде дозаны түзету ұсынылады. Бүйрек жеткіліксіздігі бар сәбилер мен балаларда (1 жастан бастап және одан үлкен) дозаны түзетуге арналған клиникалық деректер жеткіліксіз, сондықтан пациенттердің осы санатына тән дозалау режимін белгілеу мүмкін болмайды (4.2 және 5.2 тармақтарын қараңыз).

Нейропсихиатрия құбылыстары

Тұмауға шалдыққан пациенттерде, әсіресе, балалар мен жасөспірімдерде Флукап қабылдау кезінде нейропсихиатрия құбылыстары тіркелді. Осы құбылыстарды осельтамивир қабылдамаған тұмаумен науқас пациенттер де сезінді. Пациенттерді мінез-құлық өзгерістері тұрғысынан мұқият бақылап отыру және әр пациент үшін емдеуді жалғастыру пайдасы мен қаупінің арақатынасын бағалау қажет.

Балалар

Шала туған балаларда дозаны белгілеу жөнінде (постконцептуальді жасы <36 апта) деректер жоқ.

Қосымша заттар

Осы дәрілік препарат құрамында сорбитол бар. Тұқым қуалайтын фруктоза жақпаушылығы (ТФЖ) бар пациенттерге осы дәрілік препаратты қабылдауға болмайды.

Сорбитол асқазан-ішек жайсыздануын және сәл босаңсыту әсерін тудыруы мүмкін.

Осы дәрілік препарат құрамында натрий бензоаты бар. Натрий бензоаты (E211) жаңа туған нәрестелерде (4 апталық жасқа дейін) сарғаюды күшейтуі мүмкін.

Басқа дәрілік препараттармен өзара әрекеттесуі

Осельтамивирдің ақуыздармен төмен байланысу дәрежесі және CYP450 изоферментіне әрі глюкуронидазалар жүйесіне тәуелсіз метаболизмі сияқты фармакокинетикалық қасиеттері атап көрсетілген механизмдер бойынша клиникалық мәнді өзара әрекеттесудің бар-жоғын жорамалдауға негіздеме бермейді.

Пробенецид

Бүйрек функциясы қалыпты пациенттер үшін пробенецидпен бірге қабылдау кезінде дозаны түзету қажет емес. Пробенецид – бүйректің өзекшелік секрециясының анионды жолының күшті тежегішін бірге қабылдау осельтамивир белсенді метаболиті әсерінің 2 есеге жуық артуына алып келеді.

Амоксициллин

Осельтамивир мен амоксициллиннің (сол осельтамивир шығатын жолмен шығарылатын) кинетикалық өзара әрекеттесуі жоқ. Осельтамивирдің бүйрекпен шығарылу үшін бәсекелесуінің әлсіз екені жорамалданады.

Бүйрекпен шығарылуы

Бұл заттардың басым көпшілігінің белгілі қауіпсіздік бейінінің, белсенді метаболиттің шығарылу қасиеттерінің (шумақтық сүзілу және анионды өзекшелік секреция) және осы жолдардың шығару қабілеттерінің арқасында бүйректің өзекшелік секрециясы үшін бәсекелесуді қамтитын клиникалық мәнді дәрілік өзара әрекеттесулер ықтималдығы аз. Осылайша, осельтамивирді пациенттерге бірге шығарылатын емдік әсер ету ауқымы тар заттарды (мысалы, хлорпропамид, метотрексат, фенилбутазон) қабылдау кезінде тағайындағанда сақ болу керек.

Қосымша ақпарат

Парацетамол, ацетилсалицил қышқылы, циметидин, антацидті дәрілермен (магний және алюминий гидроксиді, кальций карбонаты), римантадин немесе варфаринмен (тұмау вирусы инфекциясын жұқтырмаған варфаринге тұрақты пациенттерде) бір мезгілде қабылдау кезінде осельтамивир немесе оның негізгі метаболиті арасында фармакокинетикалық өзара әрекеттесулер анықталмады.

Арнайы сақтандырулар

Педиатрияда қолдану

Шала туған нәрестелерде (постконцептуальді жасы <36 апта) дозаны белгілеу үшін деректер жоқ.

Жүктілік немесе лактация кезінде

Флукап препаратын жүктілік кезінде қажет болған жағдайда және қауіпсіздігі мен пайдасы туралы қолда бар ақпаратты, сондай-ақ айналымда жүрген тұмау вирусы штаммының патогенділігін бағалаудан кейін қолдануға болады.

Аналары осельтамивир қабылдаған емшекпен қоректеніп жүрген балалар мен осельтамивирдің емшек сүтімен бөлінуі туралы өте шектеулі ақпарат бар. Шектеулі деректерде осельтамивир мен белсенді метаболитінің емшек сүтінен анықталғаны көріністелді, алайда деңгейінің өте төмен болғаны соншалық, сәбиді қосалқы ем дозасына әкелуі мүмкін болды.

Осы ақпаратты, айналымда жүрген тұмау вирусы штаммының патогенділігін және бала емізетін әйелдің бастапқы себептік патологиялық жай-күйін ескере отырып, ана үшін ықтималды пайдасы айқын болғанда осельтамивир қабылдауды қарастыруға болады.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Флукап көлік құралын басқару және механизмдермен жұмыс істеу қабілетіне ықпалын тигізбеген.

Қолдану жөніндегі нұсқаулар

Дозалау режимі

Флукап, 6 мг/мл ішке қабылдау үшін суспензия дайындауға арналған ұнтақ және Флувир, 30 мг, 45 мг, 75 мг капсулалары биобаламалы дәрілік препараттар болып табылады.

Капсуланы жұтуға қабілетті ересектер немесе балалар (> 40 кг) капсулалардағы осельтамивирдің тиісті дозаларын қабылдай алады.

Суспензия дайындау жөніндегі нұсқау:

Қолданар алдында суспензия дайындап алыңыз.

• Ұнтағы бар құтыны сілку.

• Құтыны сұйылту үшін 55 мл су (қайнаған салқындаған) су қосыңыз.

• Жабық құтыны 15 секундтай сілкіңіз.

Емдеу

Емдеуді тұмау симптомдары бірінші білінген соң алғашқы екі тәулікте мүмкіндігінше тезірек бастау керек.

Жасөспірімдер (13-тен 17 жасқа дейін) және ересектер үшін

Ұсынылатын пероральді доза – 5 күн (немесе иммунитеті әлсіреген пациенттер үшін 10 күн) бойы күніне екі рет 75 мг осельтамивир.

Бір жастан бастап немесе одан үлкен балалар

Ұсынылатын доза төмендегі кестеде көрсетілген.

* Иммунитеті әлсіреген (≥1 жас шамасындағы) пациенттерде ұсынылатын қабылдау ұзақтығы 10 күнге созылады. Қосымша ақпарат үшін Пациенттердің ерекше топтары, Иммунитеті әлсіреген пациенттер бөлімдерін қараңыз:

Капсуланы жұтуға қабілетті дене салмағы > 40 кг балаларға 5 күн бойы күніне екі рет 75 мг капсула түрінде ересектерге арналған дозаны қабылдауға болады.

1 жасқа дейінгі балалар

Жасы 0 - 12 айға дейінгі балаларға ұсынылатын доза күніне екі рет дене салмағына 3 мг/кг құрайды.

Бұл үлкен балалармен және ересектермен салыстырғанда қауіпсіздік бейіні клиникалық тұрғыда тиімді болып жорамалданатын жасы 0 - 12 айға дейінгі балаларда дозаның қан плазмасындағы ізашар дәрі және белсенді метаболит концентрациясын қамтамасыз ететінін көрсететін фармакокинетикасы мен қауіпсіздігі жөніндегі деректерге негізделген (5.2 бөлімін қараңыз).

Ішке қабылдау үшін 6 мг/мл суспензия дойындауға арналған осельтамивирдің 1 мл-ден 3 мл дейінгі суспензиясы қажет болатын жасы 0 - 12 айға дейінгі балаларда дозалауға арналған оральді дозаторды (0,1 мл бөліктеумен) қолдану керек. Өте жоғары дозалар үшін 10 мл шприц қолдану керек. 1 жасқа дейінгі балаларды емдеу үшін келесі қолдану сызбасы ұсынылады:

** Иммунитеті әлсіреген (жасы 0-12 айлық) балаларға ұсынылатын емдеу ұзақтығы 10 күнге созылады. Қосымша ақпарат үшін Пациенттердің ерекше топтары, Иммунитеті әлсіреген пациенттер бөлімдерін қараңыз.

***Аталған дозалау режимі шала туған нәрестелерге (яғни, 36 аптаға дейінгі мерзімде туғандарға) қатысты емес. Пациенттердің осы тобында дозалау жөніндегі деректер саны жеткіліксіз.

Тұмау профилактикасы

Балалар (жасы 13-тен 17 жасқа дейінгі) және ересектер үшін

Инфекция жұқтырған пациентпен тікелей жанасудан соң тұмау профилактикасында ұсынылатын доза – 10 күн бойы күніне бір рет 75 мг осельтамивир.

1 жастан бастап немесе одан үлкен балалар үшін

Жанасудан кейінгі профилактикада ұсынылатын Флукап, ішуге арналған 6 мг/мл суспензия дозасы:

Капсуланы жұтуға қабілетті дене салмағы > 40 кг балаларға Флукап, ішуге арналған суспензия, 6 мг/мл дозасына балама ретінде ұсынылатын 10 күн бойы күніне бір рет 75 мг Флувир түріндегі профилактикалық дозаны қабылдауға болады.

1 жасқа дейінгі балалар

Тұмау пандемиясының өршуі кезіндегі 12 айлық жасқа дейінгі балаларға ұсынылатын профилактикалық доза – бұл күнделікті емдік дозаның жартысы. Бұл күнделікті емдік дозаның жартысына баламалы профилактикалық дозаның тұмау профилактикасында тиімді болатынын көрсететін 1 жасқа дейінгі балалардағы клиникалық деректерге негізделген.

Пандемия жағдайында 1 мл-ден 3 мл дейінгі Флукап, ішуге арналған 6 мг/мл суспензиясы қажет болатын 1 жасқа дейінгі балаларда дозалауға арналған 3 мл оральді дозаторды (0,1 мл бөліктеумен) пайдалану керек. Өте жоғары дозалары үшін 10 мл шприц қолдану керек.

Келесі қолдану сызбасы 1 жасқа дейінгі балаларды емдеуге ұсынылады:

Аталған дозалау режимі шала туған нәрестелерге (яғни, 36 аптаға дейінгі мерзімде туғандарға) қатысты емес. Пациенттердің осы тобында дозалау жөніндегі деректер саны жеткіліксіз.

Тұмау эпидемиясы кезіндегі профилактика 12 жасқа толмаған балаларда зерттелмеген. Ересектер мен жасөспірімдерге қоғамдағы тұмау эпидемиясының өршуі кезіндегі профилактикада ұсынылатын доза, көп дегенде, 6 апта бойы (немесе иммунитеті әлсіреген пациенттерде 12 аптаға дейін) күніне бір рет 75 мг осельтамивир құрайды.

Пациенттердің ерекше топтары

Бауыр функциясының бұзылуы бар пациенттер

Бауыр функциясының бұзылуы бар пациенттерге дозаны түзету қажет емес. Бауыр функциясының бұзылулары бар балаларда зерттеулер жүргізілмеген.

Бүйрек функциясының бұзылуы бар пациенттер

Тұмауды емдеу

Ауырлығы орташа немесе ауыр дәрежедегі бүйрек функциясының бұзылулары бар ересек пациенттер мен жасөспірімдерге (13-17 жас) дозаны таңдау ұсынылады. Ұсынылған дозалар төмендегі кестеде сипатталған.

* Деректер тұрақты амбулаторлық перитонеальді диализде (ТАПД) жүрген пациенттердің зерттеулерінен алынды; осельтамивир карбоксилаты клиренсінің автоматты перитонеальді диализ (АПД) әдісі қолданылғанда жоғары болатыны күтіледі. Емдеу әдісін, егер оны нефролог қажет деп санаса, АПД-дан ТАПД-ға ауыстыруға болады.

Тұмау профилактикасы

Ауырлығы орташа немесе ауыр дәрежедегі бүйрек функциясының бұзылулары бар ересек пациенттер мен жасөспірімдерге (13-17 жас) дозаны таңдау ұсынылады. Ұсынылатын дозалар төмендегі кестеде сипатталған.

* Деректер тұрақты амбулаторлық перитонеальді диализде (ТАПД) жүрген пациенттердің зерттеулерінен алынды; осельтамивир карбоксилаты клиренсінің автоматты перитонеальді диализ (АПД) әдісі қолданылғанда жоғары болатыны күтіледі. Емдеу әдісін, егер оны нефролог қажет деп санаса, АПД-дан ТАПД-ға ауыстыруға болады.

Клиникалық деректер жеткіліксіздігіне байланысты, бүйрек функциясының бұзылулары бар сәбилер мен 12 жасқа дейінгі балаларда препаратты дозалау жөнінде ұсынымдар жоқ.

Егде жастағы пациенттер

Ауырлығы орташа немесе ауыр дәрежедегі бүйрек функциясының бұзылу белгілері болатын жағдайларды қоспағанда, дозаны түзету қажет емес.

Иммунитет тапшылығы бар пациенттер

Емдеу: ересектерге ұсынылатын доза 10 күн бойы тәулігіне 2 рет 75 мг құрайды (4.4, 4.8 және 5.1 бөлімдерін қараңыз). Емдеуді тұмау симптомдары туындаған соң алғашқы екі күн ішінде мүмкіндігінше тезірек бастауға болады.

Иммунитет тапшылығы бар пациенттер үшін маусымдық профилактиканы 12 аптаға дейін ұзарту мүмкіндігі қарастырылады.

Қолдану тәсілі

Пероральді қолдану.

Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі нұсқаулар

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Келесі күрделі жағымсыз реакциялар осельтамивир нарыққа шығарылған сәттен бастап сирек тіркелді: анафилаксиялық және анафилактоидты реакциялар, бауыр аурулары (фульминантты гепатит, бауыр функциясының бұзылуы және сарғаю), ангионевроздық ісіну, Стивенс-Джонсон синдромы және уытты эпидермалық некролиз, асқазан-ішектен қан кету және нейропсихиатрия бұзылыстары.

Жағымсыз реакциялар кездесу жиілігі бойынша келесі санаттарға: өте жиі ( 1/10), жиі ( 1/100, бірақ <1/10), жиі емес ( 1/1000, бірақ <1/100), сирек ( 1/10000, бірақ <1/1000) және өте сирек (<1/10000) кездесетін болып бөлінеді.

Инфекциялық және паразиттік аурулар

жиі

• бронхит

• қарапайым герпес

• назофарингит

• жоғарғы тыныс жолдарының инфекциялары

• синусит

Қан және лимфа жүйесі тарапынан бұзылулар

сирек

• тромбоцитопения

Иммундық жүйе тарапынан бұзылулар

жиі емес

• аса жоғары сезімталдық реакциялары

сирек

• анафилаксиялық реакциялар

• анафилактоидты реакциялар

Психика бұзылулары

сирек

• мазасыздық

• қалыптан тыс мінез-құлық

• үрейлену

• сананың шатасуы

• сандырақтау

• маскүнемдік еліру

• елестеулер

• түнгі қорқынышты түстер көру

• аутолиз

Жүйке жүйесі тарапынан бұзылулар

өте жиі

• бас ауыру

жиі

• ұйқысыздық

жиі емес

• өзгерген сана деңгейі

• құрысулар

Көру мүшелері тарапынан бұзылулар

сирек

• көру бұзылулары

Жүрек тарапынан бұзылулар

жиі емес

• жүрек аритмиясы

Тыныс алу ағзалары, кеуде қуысы және көкірек ортасы тарапынан бұзылулар

жиі

• жөтел

• тамақтың ауыруы

• ринорея

Асқазан-ішек жолы тарапынан бұзылулар

жиі

• құсу

• іштің ауыруы (іштің жоғарғы бөліміндегі ауырсынуды қоса)

• диспепсия

Бауыр және өт шығару жолдары тарапынан бұзылулар

жиі емес

• бауыр ферменттері белсенділігінің жоғарылауы

сирек

• фульминантты гепатит

• бауыр жеткіліксіздігі

• гепатит

Тері және тері асты тіндері тарапынан бұзылулар

жиі емес

• экзема

• дерматит

• бөртпе

• есекжем

сирек

• ангионевроздық ісіну

• мультиформалы эритема

• Стивенс-Джонсон синдромы

• уытты эпидермалық некролиз

Жалпы бұзылыстар және енгізген жердегі бұзылулар

жиі

• ауырсыну

• бас айналу (вертигоны қоса)

• қалжырау

• қызба

• аяқ-қол ауыруы

Балаларда анықталған жағымсыз реакциялар

өте жиі

• жөтел

• мұрын бітелуі

• құсу

жиі

• ортаңғы отит

• бас ауыру

• конъюнктивит (көздің қызаруын, бөлінісін және ауыруын қоса)

• құлақтың ауыруы

• ринорея

• іштің ауыруы (іштің жоғарғы бөліміндегі ауырсынуды қоса), диспепсия, жүрек айну

жиі емес

• дабыл жарғағы тарапынан бұзылулар

• дерматиттер, аллергиялық және атопиялық дерматитті қоса.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

«Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

Әр сұйылтылған құтының ішінде:

белсенді зат - 6 мг осельтамивир (7,882 мг осельтамивир фосфатына баламалы);

қосымша заттар: сорбитол (NeoSorb P 300DC), натрий сахаринаты, сусыз натрий цитраты, дегидратацияланған этанол, ксантан шайыры (Xantural® 75), натрий бензоаты (Emprove® Exp), титанның қостотығы (Kronos 1171), тутти-фрутти дәмдік қоспасы (PS – 77919- 31).

Сыртқы түрінің, иісінің, дәмінің сипаттамасы

Ішке қабылдау үшін суспензия дайындауға арналған ұнтақ.

Тутти-фрутти дәмімен ақтан бозғылт-сары түске дейінгі түйіршіктелген ұнтақ немесе түйіршіктелген ұнтақ түйіртпегі.

Қалпына келтірілген суспензия: тутти-фрутти дәмімен ақтан бозғылт-сары түске дейінгі суспензия.

Шығарылу түрі және қаптамасы

Expended PE, 28 мм полиэтиленімен балалардың ашып алуынан қорғалған пластик қақпақпен тығындалған III типті янтарь (SGD) шыныдан жасалған көлемі 100 мл (мойындық өлшемі 28 мм) құтыда 13 г препараттан.

1 құтыдан өлшегіш стақанмен және медициналық қолдану жөніндегі қазақ және орыс тілдеріндегі нұсқаулықпен бірге құтыға салынады.

3 жыл

Жарамдылық мерзімі өткеннен кейін қолдануға болмайды!

Құрғақ, жарықтан қорғалған жерде, 25°С-ден аспайтын температурада сақтау керек.

Сұйылтылған суспензияны тоңазытқышта 17 күннен асырмай 2°-ден 8°C-ге дейінгі температурада сақтау керек.

Мұздатып қатыруға болмайды!

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

HETERO LABS LIMITED

Unit – V, Block V and V-A, TSIIC - Formulation SEZ, S. Nos 439, 440, 441 & 458 Polepally village, Jadcherla Mandal, Mahaboobnagar District, Telangana State, 509301, Үндістан

«CAMBER PHARMA (КАМБЕР ФАРМА)» ЖШС, Қазақстан Республикасы, 050059, Алматы қ., Бостандық ауданы, Әл-Фараби даңғылы – 13

Тел.:+7 (727) 3115362,+7(727) 3115352 regulatory-pvg.kz@camberglobal.com

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«CAMBER PHARMA (КАМБЕР ФАРМА)» ЖШС, Қазақстан Республикасы, 050059, Алматы қ., Бостандық ауданы, Әл-Фараби даңғылы – 13

Тел.:+7 (727) 3115362,+7(727) 3115352 regulatory-pvg.kz@camberglobal.com