Флебодиа 600
Инструкция
-
русский
-
қазақша
Саудалық атауы
Флебодиа 600
Халықаралық патенттелмеген атауы
Диосмин
Дәрілік түрі
Үлбірлі қабықпен қапталған таблеткалар, 600 мг
Құрамы
Бір таблетканың құрамында
белсенді зат - 600 мг тазартылған диосмин (сусыз диосминге баламалы),
қосымша заттар: микрокристалды целлюлоза, тальк, сусыз коллоидты кремнийдің қостотығы, стеарин қышқылы,
қабықтың құрамы: қорғаныш үлбірі Сепифилмтм 002 (гипромеллоза, микрокристалды целлюлоза, макроголь стеараты 400), қызғылт Сеписперстм AP 5523 бояғыш заты (пропиленгликоль, гипромеллоза, титанның қостотығы (Е171), қан қызыл түстес бояғыш [Понсо 4R] (Е124), темірдің қызыл тотығы (Е172), темірдің қара тотығы (Е172)), Опаглостм 6000 (пальма балауызы, ара балауызы, гуммилак, 95% этил спирті)
Сипаттамасы
Дөңгелек пішінді, екі беті дөңес, қызғылт түсті үлбірлі қабықпен қапталған таблеткалар.
Фармакотерапиялық тобы
Ангиопротекторлар. Қылтамырлар өткізгіштігін төмендететін препараттар. Биофлавоноидтар. Диосмин.
АТХ коды С05СА03
Фармакологиялық қасиеттері
Фармакокинетикасы
Асқазан-ішек жолынан тез сіңіп, қабылдаудан кейін 2 сағаттан кейін қан плазмасында анықталады. Қан плазмасында ең жоғары концентрациясына қабылдаудан кейін 5 сағаттан соң жетеді. Қуысты көктамырлар қабырғасының барлық қабаттарында және аяқтың тері асты көктамырларында, аз дәрежеде - бүйректе, бауырда, өкпе және басқа тіндерде біркелкі таралады. Көктамырда диосминнің және оның метаболиттерінің таңдамалы жинақталуы қабылдаудан кейін 9 сағаттан соң ең жоғары деңгейіне жетеді және 96 сағат бойы сақталады. Несеппен 79%-ы, нәжіспен 11%-ы, өтпен 2,4%-ы шығарылады.
Фармакодинамикасы
Препарат флеботонустық әсерге ие: көктамырлардың созылуын азайтады, көктамырлар тонусын жоғарылатады (әсері дозаға тәуелді), көктамырлық іркілуді төмендетеді; лимфалық дренажды жақсартады: лимфа қылтамырларының тонусын және жиырылу жиілігін жоғарылатады, олардың функционалдық тығыздығын арттырады, микроайналымды жақсартады: қылтамырлар төзімділігін жоғарылатады (әсері дозаға тәуелді), олардың өткізгіштігін төмендетеді; көктамыр қабырғасына лейкоциттердің адгезиясын және олардың көктамыр жанындағы тіндерге көшуін төмендетеді; оттегінің диффузиясын және тері тіндеріне перфузиясын жақсартады, қабынуға қарсы әсер етеді. Адреналин, норадреналиннің қан тамырларын тарылту әсерін күшейтеді, бос радикалдардың бөлінуін, простагландиндер мен тромбоксанның синтезін бөгейді.
Қолданылуы
- аяқ көктамырларының варикоздық кеңеюінде
- аяқтың созылмалы лимфа-көктамырлық жеткіліксіздігінде
- аяқтың ауыруы мен ауырлауында (“аяқтың ауырлау” синдромы)
- геморройда
- қылтамырлардың жоғары сынғыштығында, микроайналымның бұзылуында
Қолдану тәсілі және дозалары
Ішке. Аяқ көктамырларының варикозды кеңеюінде және созылмалы лимфа-көктамырлық жеткіліксіздіктің бастапқы сатысында (аяқтың ауырлауы) тәулігіне 1 таблеткадан, таңертеңгілік таңғы асқа дейін тағайындайды.
Созылмалы лимфа-көктамырлық жеткіліксіздігі кезінде (ісіну, ауыру, құрысулар және т.б.) емдеу курсының ұзақтығын дәрігер аурудың ағымына байланысты анықтайды.
Жедел геморройда 7 күн бойы тамақтану кезінде тәулігіне 2-3 таблеткадан тағайындайды.
Егер сіз бір немесе бірнеше қабылдауды өткізіп алсаңыз, препаратты әдеттегі дозада қабылдауды жалғастырыңыз.
Жағымсыз әсерлері
Сирек
- препарат компоненттеріне жоғары сезімталдық
- диспепсиялық бұзылыстар
- бас ауыруы.
Қолдануға болмайтын жағдайлар
- жеке тұлғалық көтере алмаушылық
- 18 жасқа дейінгі балалар
Дәрілік заттармен өзара әрекеттесуі
Басқа дәрілік заттармен өзара әрекеттесуінің клиникалық елеулі әсерлері сипатталмаған.
Адреналин мен норадреналиннің тамыр тарытқыш әсерінің күшеюі ықтимал.
Айрықша нұсқаулар
Геморрой жедел ұстамасын емдеу басқа анальді ауруларды спецификалық емдеуді алмастырмайды. Клиникалық жылдам әсері байқалмаса, қосымша тексеру жасап, жүргізіліп жатқан емді түзету қажет.
Понсо 4R бояғыштың (Е124) болуы аллергиялық көріністер дамуына әкелуі мүмкін.
Жүктілік және лактация
Препараттың жүктілік ағымы мен ұрықтың дамуына теріс әсерлері анықталмаған.
Осы препараттың жүктілік кезінде қолдану тәжірибесінің жеткіліксіздігіне байланысты жүкті әйелдерге қолдану ұсынылмайды.
Емделу кезінде емшекпен қоректендіруден бас тарту керек, өйткені препарат компоненттерінің емшек сүтіне өтуі туралы ақпарат жеткіліксіз.
Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері
Әсер етпейді.
Артық дозалануы
Артық дозалану симптомдары сипатталмаған.
Шығарылу түрі және қаптамасы
15 таблеткадан поливинилхлоридті үлбірден және алюминий фольгадан жасалған пішінді ұяшықты қаптамада. 1 немесе 2 пішінді ұяшықты қаптамадан медицинада қолданылуы жөніндегі нұсқаулықпен бірге картон пәшкеге салынған.
Сақтау шарттары
30ºС-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Қаптамасында көрсетілген жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз
Өндіруші
Иннотера Шузи, Рю Рене Шантеро «Л’Исль Вер», 41150, Шузи-Сюр-Сис, Франция.
Тіркеу куәлігінің иесі
Иннотера зертханасы, Франция
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы
«Иннотек Интернасиональ Зертханалары С.А.С.» ҚР өкілдігі
050059, Қазақстан Республикасы, Алматы қ., Әл-Фараби д-лы, 17, «Нұрлы тау» бизнес орталығы, 4 Б блок, 606 кеңсе, тел./факс: +7-727-311-09-71, +7-727-311-09-72, электронды поштасы: innotech@innotech.kz