Фиброн сироп педиатрический

• русский
• қазақша

• Скачать инструкцию медикамента

Саудалық атауы

ФИБРОН педиатриялық шәрбат

Халықаралық патенттелмеген атауы

Амброксол

Дәрілік түрі

Шәрбат 15 мг/5 мл 150 мл

Құрамы

5 мл шәрбаттың құрамында

белсендi зат – 15 мг амброксол гидрохлориді,

қосымша заттар: Сорбитол 70%, глицерин, пропиленгликоль, гидроксиэтилцеллюлоза 4000, бензой қышқылы, сусыз лимон қышқылы, таңқурай экстаркты, тазартылған су.

Сипаттамасы

Таңқурай дәмі бар түссіз шәрбат.

Фармакотерапиялық тобы

Суық тию симптомдары мен жөтелді кетіруге арналған препараттар.

Қақырық түсіретін препараттар. Муколитиктер. Амброксол.

АТХ коды R05CB06

Фармакологиялық қасиеттері

Фармакокинетикасы

Амброксол бромгексин қақырық түсіретін дәрілерінің метаболиті болып табылады. Ішу арқылы қолданғанда жылдам және толық сіңеді (сіңіріледі). Препараттың үштен бірі бауырдан алғашқы өтуі кезінде метаболизденеді. Қандағы ең жоғары концентрациясына аш қарынға қабылдағаннан соң 2,5 сағаттан кейін жетеді. Қан плазмасындағы емдік концентрациясы 30 нг/мл

құрайды. Қолдануды жалғастырған кезде ол 50 нг/мл деңгейінде сақталады, алайда амброксол организмде жинақталуға ұшырамайды. Плазма ақуыздарымен (сарысуы) 90 байланысады. Жартылай шығарылу кезеңі шамамен 9-10 сағатты құрайды. Амброксол организмнен негізінен несеппен 90 глюкуронидтер түрінде және 10 өзгермеген күйінде шығарылады.

Фармакодинамикасы

Фиброн муколитикалық препарат. Секреторлық, секретолитикалық және қақырық түсіретін әсерге ие; бронхтар шырышты қабығы бездерінің сероздық жасушаларын көтермелейді, альвеолалар мен бронхтарда шырышты сөлдің болуы мен беткейлі-белсенді заттардың (сурфактанттың) бөлінуін ұлғайтады; қақырықтың бұзылған сероздық және шырышты компоненттерінің арақатынасын қалыпқа келтіреді.

Қолданылуы

- қою және тұтқыр шырышты сөлдің түзілуімен қатар жүретін жедел және созылмалы сипаттағы тыныс алу жолдарының ауруларында

Қолдану тәсілі және дозалары

Егер дәрігер өзге дозалау тәртібін ұсынбаған болса:

0 – 2 жастағы балаларға: өлшеуіш қасықтың ½ (2.5 мл) тәулігіне екі рет.

2 – 5 жастағы балаларға: өлшеуіш қасықтың ½ (2.5 мл) тәулігіне 3 рет.

5 – 12 жастағы балаларға: 1 өлшеуіш қасық (5 мл) тәулігіне 2-3 рет.

Шәрбатты сумен немесе жеміс шырынымен сұйылтуға болады.

Емдеу курсының ұзақтығын емдеуші дәрігер белгілейді.

Жағымсыз әсерлері

Жағымсыз құбылыстар жүйелік-ағзалық класы мен жиілігі бойынша жіктеледі: «өте жиі» ≥ 1/10, «жиі» ≥ 1/100-ден <1/10 дейін, «жиі емес» ≥1/1000-нан <1/100 дейін, «сирек» ≥1/10000-нан <1/1000 дейін, «өте сирек» <1/10000; сондай-ақ жиілігі белгісіз жағымсыз реакциялар деп бөлінеді, өйткені қолда бар деректердің негізінде бағалануы мүмкін емес.

Иммун жүйесі тарапынан бұзылулар

Жиілігі белгісіз:

- анафилаксиялық реакциялар (анафилаксиялық шокты қоса), ангионевроздық ісіну және басқа да аса жоғары сезімталдық реакциялары Тері және тері асты тіндері тарапынан бұзылулар

Сирек:

- бөртпе, есекжем

Жиілігі белгісіз:

- қышыну

- терінің ауыр зақымдануы (мультиформалы эритеманы, Стивенс-Джонсон синдромы/уытты эпидермалық некролиз және жедел жайылған экзантематозды пустулезді қоса)

Жүйке жүйесі тарапынан бұзылулар

Жиі:

- дисгевзия (дәм сезудің бұзылуы)

Гастроинтестинальді бұзылулар

Жиі:

- жүрек айну, оральді және фарингеальді гипестезия (ауыз қуысында және жұтқыншақта сезімталдықтың төмендеуі)

Жиі емес:

- құсу, диарея, диспепсия, абдоминальді ауыру, ауыздың және тамақтың құрғауы.

Болжамды жағымсыз реакциялар туралы хабарлар

Препараттың болжамды жағымсыз реакциялары туралы деректер беру дәрілік заттың қауіп/пайда арақатынасына үздіксіз мониторингті жүзеге асыру мүмкіндігін беретін өте маңызды тұсы болып табылады. Медициналық қызметкерлер кез келген болжамды жағымсыз реакциялары туралы ақпаратты нұсқаулықтың соңында көрсетілген байланыс деректері бойынша, сондай-ақ ұлттық ақпарат жинау жүйесі арқылы жеткізулері тиіс.

Қолдануға болмайтын жағдайлар

• препарат компоненттеріне жоғары сезімталдық

Дәрілермен өзара әрекеттесуі

Жүрек гликозидтерінің препараттарымен және кортикостероидтармен, бронходилятаторлармен, диуретиктермен және антибиотиктермен бір мезгілде қолданғанда өзара әрекеттеспейді. Атропин және антимускаринді әсері бар (амантадин және үшциклді антидепрессанттар, галоперидол, антигистаминді дәрілер мен прокаинамид) препараттар (ипратропия) мұрын маңы қойнауларының шығару жолдарының обструкциясын және мукоцилиарлық клиренстің бұзылуын туғызуы мүмкін, бұл шырышты қабық сөлінің жинақталуына әкеп соғады.

Айрықша нұсқаулар

Амброксол гидрохлоридін қолдану кезінде Стивенс-Джонсон синдромы және уытты эпидермальді некролиз және жедел жайылған экзантематозды пустулез сияқты терінің өте сирек ауыр зақымдану жағдайлары тіркелген. Олар ең бастысы негізгі аурулардың ауырлығымен және қатар жүргізілетін еммен байланысты.

Сонымен қоса, Стивенс-Джонсон синдромы мен уытты эпидермальді некролиздің ерте сатысында келесі симптомдарымен спецификалық емес аурулардың басталу белгілері пайда болуы мүмкін: дене температурасының жоғарылауы, бүкіл дененің ауыруы, ринит, жөтел және тамақтың ауыруы. Мұндай белгілердің пайда болуы суық тиюге қарсы препараттармен қажетсіз симптоматикалық емдеуге әкелуі мүмкін.

Амброксол бромгексиннің метаболиті болып табылады, сондықтан ауыр аллергиялық және тері реакцияларының даму қаупі бромгексинге де таралады.

Аллергиялық және ауыр тері реакцияларының даму қаупі төмен, жиілігі белгісіз.

Тері зақымданулары пайда болған жағдайда – пациентті дереу дәрігер тексеріп, амброксол гидрохлоридін қабылдау тоқтатылады.

Жөтелге қарсы дәрілермен (мысалы, құрамында кодеин бар) бір мезгілде тағайындауға болмайды, өйткені сұйылтылған қақырықтың түсуі қиындайды.

Пептикалық ойық жарада, бүйрек және бауыр аурулары кезінде айрықша сақ болу керек.

Препаратты сирек туа біткен фруктоза жақпаушылығы бар пациенттерге қолданбаған жөн.

Жүктілік және лактация кезеңі

Фиброн педиатриялық шәрбатын жүктіліктің I триместрі кезеңінде қолдану ұсынылмайды. Жүктіліктің II – III триместрлері және лактацияда сақтықпен қолдану керек. Фиброн педиатриялық шәрбаты емшек сүтіне енеді, алайда емдік дозада тағайындалар болса, балаға теріс әсер етпейді. Препаратты лактация кезеңінде аса сақтықпен қолданған жөн.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Автокөлік жүргізуге және жоғары зейін қоюды талап ететін жұмыстарға әсер етуі туралы ақпараттар белгісіз.

Артық дозалануы

Симптомдары: жүрек айнуы, құсу, диарея, диспепсия.

Емі: симптоматикалық ем жүргізу.

Шығарылу түрі және қаптамасы

150 мл бұралатын қақпағы бар және алғашқы ашылуы бақыланатын күңгірт шыны құтыға құйылады.

1 құтыдан пластмасса өлшеуіш қасығымен және қолданылуы жөніндегі мемлекеттік және орыс тіліндегі нұсқаулықпен бірге картон қорапшаға салынған.

Сақтау шарттары

25°C-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Дәріханалардан босатылу шарттары

Рецептісіз

Өндiрушi

Санта Фарма Илач Санаи А.Ш.

34382 Шишли, Стамбул/Түркия

Тіркеу куәлігі иесінің атауы мен елі

Берксам Илач Тиджарет А.Ш., Түркия

Қаптаушы ұйымның атауы мен елі

Санта Фарма Илач Санаи А.Ш., Түркия

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы

«WELFAR-KAZAKHSTAN» ЖШС

Қазақстан Республикасы, Алматы қ., Байзақов к-сі 125/185, 509 кеңсе

Телефон/Факс: +7 727 352 71 36

E-mail: info@welfar.kz