Фервекс для детей
Инструкция
-
русский
-
қазақша
Саудалық атауы
Балаларға арналған Фервекс
Халықаралық патенттелмеген атауы
Жоқ
Дәрілік түрі
Ішке қабылдау үшін ерітінді дайындауға арналған ұнтақ
Құрамы
Бір пакет (3.000г) ішінде
белсенді зат: 0,280 г – парацетамол,
0,100 г аскорбин қышқылы,
0,010 г фенирамин малеаты,
қосымша заттар: сахароза, сусыз магний цитраты, аспартам Е951, рибофлавин натрий фосфаты, банан-карамельді ** хош иістендіргіші
** Банан-карамельді ** хош иістендіргіші: сорбитол, мальтодекстрин, акация, изоамилацетат, изоамилизовалериат, этилбутират, геранилформиат, цитраль А, В, ванилин, этилванилин, бутилбутирил лактаты, дигидрокоумарин.
Сипаттамасы
Ашық-сары түсті түйіршіктелген ұнтақ.
Фармакотерапиялық тобы
Басқа да анальгетик-антипиретиктер. Басқа препараттармен біріктірілімдегі парацетамол (психолептиктерді қоспағанда).
АТЖ коды N02BE51
Фармакологиялық қасиеттері
Фармакокинетикасы
Парацетамол тез және толық сіңеді. Плазмадағы ең жоғарғы концентрациясына 30-60 минуттан соң жетеді. Парацетамол организмнің барлық тіндеріне жылдам таралады. Қан плазмасының ақуыздарымен әлсіз байланысады. Бауырдағы метаболизмі 24 сағат бойы бүйрекпен шығарылатын глюкурон және күкірт қышқылымен байланысты коньюгаттар түзумен жүреді. Парацетамолдың аздаған бөлігі Р450 цитохромы қатысуымен глутатионмен бірігетін метаболитке айналады, несеппен шығарылады. Артық дозаланғанда бұл метаболиттің шамасы ұлғаяды.
Аскорбин қышқылы аш ішекте сіңе отырып кең таралады және ішінара тіндерде жинақталады (әсіресе бүйрек үсті безінде). Плазма ақуыздарымен байланысуы 25% шамасын құрайды. Егер оның ағзаға түсуі қажетті мөлшерден астам болса, артығы несеппен шығарылады.
Фенирамин малеаты Н1 –рецепторларының бөгегіштері болып табылады, аллергияға қарсы әсері бар: жұқпаның жергілікті айқын экссудативті білінулерін, жас ағуын тоқтатады, мұрын мен көз қышуын азайтады, ринореяны жояды. Әсер етуші заттың ең жоғарғы концентрациясына шамамен 1-1,25 сағатта жетеді. Фенирамин малеатының жартылай шығарылу кезеңі -16-17 сағат. Ағзадан несеппен метаболиттер түрінде немесе өзгермеген түрде элиминацияланады (фенираминнің қабылданған дозасының шамамен 70-83% метаболикалық реакцияларға ұшырамайды.
Фармакодинамикасы
Препарат тиімділігі мұрыннан бөліністер және көзден жас ағуын азайтатын, түшкірудің ұстамалары сияқты түйілу құбылыстарын жоятын антигистаминдік әсеріне байланысты; ауыруды басатын және ыстық түсіретін, ауыруды және қызбаны жеңілдететін (бас ауруы, миалгияны) әсері бар.
Қолданылуы
Бұл дәрілік зат балалардағы суық тию және ринофарингитті емдеу үшін көрсетілген (6 жас және одан үлкен жастағыларда):
- мұрыннан мөлдір бөліністер және көзден жас ағуы
- түшкіру
- бас ауыруы және/немесе қызба.
Қолдану тәсілі және дозалары
Препаратты ішке қабылдайды. Пакет ішіндегісі ыстық және суық судың жеткілікті мөлшерінде толық ерітілуі керек.
Баланың жасына қарай препарат төмендегі дозаларда қолданылады:
- 6 жастан 10 жасқа дейінгі балаларда: тәулігіне екі рет 1 пакеттен
- 10 жастан 12 жасқа дейінгі балаларда: тәулігіне 3 рет 1 пакеттен
- 12 жастан 15 жасқа дейінгі балаларда: тәулігіне 4 рет 1 пакеттен
Препаратты қабылдау аралығы 4 сағаттан кем болмауы тиіс.
Емнің ең жоғары ұзақтығы 3 күнді құрайды.
Бүйректің ауыр жеткіліксіздігі жағдайында препаратты қабылдау аралығы 8 сағаттан кем болмауы тиіс.
Жағымсыз әсерлері
- ем басында айқынырақ білінетін седативті әсер немесе ұйқышылдық
- шырышты қабық құрғақтығы, жүрек айнуы, эпигастральді аумақтағы ауыру, іш қату, аккомодация бұзылуы, мидриаз, жүрек қағуының жиілеуі, несеп іркілуі қатері
- ортостатикалық гипотензия
- тепе-теңдіктің бұзылуы, вертиго, егде емделушілерде көп кездесетін жадының немесе зейін қоюдың төмендеуі
- моторлы координация бұзылуы, діріл, сананың шатасуы,
галлюцинациялар
- аллергиялық реакциялар (эритема, қышыма, экзема, пурпура, есекжем, Квинке ісігі, анафилактикалық шок)
Сирек
- лейкоцитопения, нейтропения, тромбоцитопения, гемолитикалық анемия
Сиректеу
- қозушылық жай-күйі: үрейленіп қозу, жоғары қозушылық, ұйқысыздық
Қолдануға болмайтын жағдайлар
- препарат компонеттерінің біріне жоғары сезімталдықта
- гепатоцеллюлярлы жеткіліксіздікте
- жабық бұрышты глаукома қатерінде
- қуық асты безі қызметі бұзылуына байланысты несеп іркілуінде
- аспартам болуынан фенилкетонурияда
-құрамында сахароза болғандықтан фруктоза көтере алмаудан, глюкоза мальабсорбциясы синдромынан, галактоза немесе сахарозалы-изомальтаза жеткіліксіздігінен зардап шегуші тұлғаларда
- 6 жастан кіші балалық жаста
- жүктілік, лактация кезеңінде
Дәрілермен өзара әрекеттесуі
Алкоголь препараттың седативті әсерін күшейтеді.
Морфин туындылары (анальгетиктер, жөтелдің дәрілері), нейролептиктер, барбитураттар, бенздиазепиндер және бенздиазепиндерге қатысы жоқ басқа да анксиолитиктер, ұйқы келтіретін дәрілер, седативті антидепрессанттар, антигистаминдік препараттар, ОЖЖ байланысты антигипертензивті дәрілер, баклофен және талидомид ОЖЖ бәсеңсітетін әсер етеді.
Атропинді әсер беретін (имипраминді антидепрессанттар, көпшілік атропинді антигистаминдер Н1, антихолинергиялық паркинсонға қарсы дәрілер, түйілуге қарсы атропиндер, дизопирамид, фенотиазинді нейролептиктер, клозапин) басқа препараттар несеп іркілуі, іш қатуы, ауыз құрғауы сияқты жағымсыз әсерлер даму қатерін жоғарылатады.
Айрықша нұсқаулар
Жоғары және ұзақ сақталған температура жағдайында, супержұқпа белгілері пайда болғанда немесе 5 күннен кейінгі тұрақты симптомдарда емдеуді қайта қарау керек. Ұзақ уақыт емдеуде, ұсынылғаннан артық дозалағанда психологиялық тәуелділік қатері туындауы мүмкін.
Артық дозалауды болдырмау үшін басқа дәрілік заттардың құрамында парацетамол жоқтығын тексеріңіз.
Тәуліктік ең жоғары доза дене салмағының әрбір кг-на 60 мг-дан аспауы тиіс. Ең жоғары бір реттік доза 10-15 мг/кг құрайды.
Алкогольді сусындарды немесе тыныштандыратын дәрілерді ( ішінара барбитураттар) пайдалану антигистаминдердің седативті әсерін күшейтеді, сондықтан оларды ем уақытында қабылдаудан абай болу керек.
Диабет жағдайында тәуліктік пайдалануда немесе құрамында қант төмен болатын ем-дәм ұстанғанда әрбір пакет құрамында 2.4 г сахароза бар екенін ескеру керек.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Ұйқышылдық қатері туындауына байланысты емделушілер жоғары зейін жұмылдыруды және психикалық және қозғалыс реакцияларының шапшаңдығын талап ететін барлық қызмет түрлерімен айналысудан бас тартқаны дұрыс.
Артық дозаланғанда
Егде адамдарда, әсіресе кішкентай балаларда өмірге қауіпті болуы мүмкін улану қатері бар.
Симптомдары: әдетте бірінші тәуліктерде пайда болатын жүрек айнуы, құсу, анорексия, бозару, іштің ауыруы. Артық дозаланудың ересектердегі бір рет қабылдауда 10 г парацетамолдан астам және балаларда бір рет қабылдағанда дене салмағының әр кг-на 150 мг-дан жоғары болуы гепатоцеллюлярлық жеткіліксіздікке, метаболикалық ацидозға, энцефалопатия және өлім жағдайына алып келетін гепатоциттер некрозын туындатуы мүмкін. Артық дозаланғаннан 12-48 сағаттан кейін бауыр трансаминаз, лактатдегидрогеназа және билирубин деңгейінің жоғарылауы, сондай-ақ протромбин деңгейінің төмендеуі білінуі мүмкін. Фенираминге байланысты артық дозалану құрысулар, сана бұзылуын, кома туындатуы мүмкін.
Емдеу: улану симптомдары пайда болғанда дәрігерге дереу хабарласыңыз.
Плазмадағы парацетамол деңгейін анықтауға қанды тексеру, асқазанды шаю, көктамыр ішіне N-ацетилцистеин у қайтарғысы немесе дәрілік затты қабылдағаннан кейін 10 сағат бойы пероральді симптоматикалық ем жасау ұсынылады.
Шығарылу түрі және қаптамасы
Қағаз/Al/полиэтиленнен жасалған пакеттерде 3.000 г-ден.
Медицинада қолданылуы жөнінде қазақ және орыс тілдеріндегі нұсқаулықпен бірге картон қорапта 8 пакеттен салынған.
Сақтау шарттары
300С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін пайдалануға болмайды!
Босатылу шарттары
Рецептісіз
Өндіруші
Бристол-Майерс Сквибб,
979, авеню де Пирене, 47520 Ле Пассаж, Франция
Тіркеу куәлігінің иесінің мекенжайы: 3, рю Жозеф Монье, а/ж 325, 92506 Рюэй-Мальмэзон Седекс, Франция.
Тіркеу куәлігінің иесі
Бристол-Майерс Сквибб, Франция
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы
«ВИВА ФАРМ» ЖШС
2-ші Остроумов к., 33, Алматы қ., ҚР
тел.: +7 (727) 383 74 63, факс: +7 (727) 383 74 56;
e-mail: viva@vivapharm.kz, botagoz.mashkeyeva@vivapharm.kz