Фемостон® моно (Эстрадиол)

Фемостон® моно

Эстрадиол

Дәрілік түрі, дозасы

Үлбірлі қабықпен қапталған таблеткалар,1 мг және 2 мг

Несеп-жыныс жүйесі және жыныс гормондары. Жыныс гормондары және жыныс жүйесінің модуляторлары. Эстрогендер. Табиғи және жартылай синтетикалық эстрогендер. Эстрадиол.

АТХ коды G03CA03

- менопаузадан кейінгі әйелдерде соңғы етеккірден кейін кемінде 6 ай өткенде эстрогендер тапшылығының симптомдары кезіндегі гормондық орын басу емі (ГОЕ)

- остеопороз профилактикасында тіркелген басқа дәрілік препараттарды қолдануға жақпаушылық немесе қарсы көрсетілімдер кезінде сыну қаупі жоғары әйелдердегі менопаузадан кейінгі остеопороз профилактикасы (2 мг доза үшін).

Қолданудың басталуына дейін қажетті мәліметтер тізбесі

- әсер етуші затқа немесе қандай да бір қосымша заттарға жоғары сезімталдық

- диагностикаланған немесе күмән тудыратын сүт безінің обыры

- диагностикаланған немесе күмән тудыратын эстрогенге тәуелді қатерлі ісіктер (мысалы, эндометрий обыры)

- диагностикаланбаған жыныс жолдарынан қан кетулер

- емделмеген эндометрий гиперплазиясы

- анамнезде болған немесе қазіргі таңдағы вена тромбоэмболиясы (терең веналар тромбозы, өкпе артериясының тромбоэмболиясы)

- диагностикаланған тромбофилиялық бұзылыс (мысалы, С протеині, S протеині немесе антитромбин жеткіліксіздігі)

- жедел немесе таяуда өткерілген артериялық тромбоэмболия (мысалы, стенокардия, миокард инфарктісі)

- қазіргі уақыттағы немесе анамнездегі бауырдың жедел аурулары, егер бауыр функциясының көрсеткіштері қалыпқа түспесе

- порфирия

- прогестагеннің антагонистік әсері болмайтын жатыры алынбаған әйелдер

Қолдану кезіндегі қажетті сақтандыру шаралары

ГОЕ менопауза симптомдары әйелдің өмір сүру сапасына айтарлықтай ықпал ететін жағдайларда ғана тағайындалады.

Медициналық тексеру/кейінгі қадағалау

ГОЕ бастау немесе жаңғырту алдында толық медициналық және отбасылық анамнез жинау қажет. Препаратымен емдеу кезінде әр әйел үшін жиілігі мен сипаты жеке белгіленетін мезгіл-мезгіл тексеруден өткізу ұсынылады.

Тұрақты қадағалауды талап ететін жай-күйлер

Егер оларда бұрын болған және/немесе жүктілік немесе осының алдындағы гормондық емдеу курсы кезеңінде өршіп кеткен төменде көрсетілген жай-күйлердің бірі болса, пациент әйелді мұқият қадағалап отыру керек. Осы жай-күйлердің Фемостон® моно препаратымен емдеу кезінде жаңғыруы немесе өршуі мүмкін екенін ескеру керек, атап айтқанда, бұл мынаған қатысты:

- лейомиома (жатыр фибромасы) немесе эндометриоз

- анамнездегі тромбоэмболиялық бұзылыстар немесе осындай бұзылыстарды туындататын қауіп факторлары

- эстрогенге тәуелді ісіктердің, мысалы, туыстықтың 1 дәрежесіндегі туысқандарда сүт безі обырының қауіп факторлары

- гипертензия

- бауыр аурулары (мысалы, гепатоаденома)

- тамырлық симптомдары болатын немесе онсыз қант диабеті

- холелитиаз

- бас сақинасы немесе (қатты) бас ауыру

- жүйелі қызыл жегі

- анамнездегі эндометрий гиперплазиясы (төменнен қараңыз)

- эпилепсия

- бронх демікпесі

- отосклероз

Емдеуді дереу тоқтату үшін негіздемелер

Егер қарсы көрсетілімдері анықталса, сондай-ақ төменде көрсетілген жай-күйлер болған жағдайда гормондық орын басу емін дереу тоқтату қажет:

- сарғаю немесе бауыр функциясының нашарлауы

- артериялық қысымның едәуір көтерілуі

- алғаш пайда болған бас сақинасы тәрізді бас ауыру

- жүктілік

Гиперплазия және эндометрий обыры

Жатыры алынбаған әйелдерде құрамында эстроген бар препараттармен ұзақ уақыт монотерапияда гиперплазия және эндометрий обырының қаупі артады. Қауіп емді тоқтатудан кейін, кем дегенде, 10 жыл бойы жоғары күйде қалады.

Прогестагенді, кем дегенде, айына 12 күн бойы/28 күндік цикл бойына қосымша алу немесе біріктірілген эстроген-прогестагендік ем жатыры алынбаған әйелдерде моноэстрогендік препаратпен ГОЕ жүргізуге байланысты артатын қауіптің алдын алады.

Препаратпен емдеудің алғашқы айларында етеккіраралық қан кетулер және жағынды бөліністер орын алуы мүмкін. Егер етеккіраралық қан кетулер мен жағынды бөліністер ем барысында қандай да бір уақыт өткен соң пайда болса немесе емдеуді тоқтатудан кейін жалғасса, себебін анықтау үшін тексеру өткізу қажет.

Антагонистік әсер қамтамасыз етілмейтін эстрогенмен көтермелеу эндометриоздың қалдық ошақтарында обыр алдындағы немесе қатерлі трансформацияға әкелуі мүмкін.

Сүт безінің обыры

Деректерге сай, ГОЕ ретінде біріктірілген эстроген + прогестаген препараттарын және, болжамды түрде, құрамында эстроген бар препараттармен монотерапия қабылдап жүрген әйелдерде емдеу ұзақтығына байланысты сүт безі обырының даму қаупі жоғары.

Біріктірілген эстроген+прогестагендік ем

Емдеу басталуынан кейін 3 жыл өткен соң көрініс беретін ГОЕ үшін біріктірілген эстроген + прогестаген препараттарын қабылдап жүрген әйелдерде сүт безі обырының даму қаупі жоғары.

Құрамында эстроген бар препараттармен монотерапия

Біріктірілген эстроген + прогестаген препараттарын қабылдап жүрген әйелдердегіден әлдеқайда төмен сүт безінің обыры қаупінің елеулі артуы хабарланады.

Сүт безі обырының жоғары қаупі емдеудің алғашқы бірнеше жылында байқалады, бірақ емдеуді тоқтатудан кейін бірнеше жыл ішінде бастапқы деңгейіне оралады.

ГОЕ тұсында, әсіресе, біріктірілген эстроген-прогестагендік ем жағдайында маммографиялық кескіндер тығыздығы артады, бұл сүт безі обырының рентгенологиялық диагностикасына теріс ықпалын тигізуі мүмкін.

Аналық бездер обыры

Аналық бездер обыры, сүт безі обырына қарағанда, әлдеқайда сирегірек кездеседі.

Пайдаланудың 5 жылы ішінде анықталатын және емдеуді тоқтатудан кейін уақыт өте келе азаятын моноэстрогенді препарат немесе біріктірілген эстроген + прогестаген препараты арқылы ГОЕ алып жүрген әйелдерде обыр қаупінің аздап артуы болады.

Вена тромбоэмболиясы

- ГОЕ вена тромбоэмболиясының (ВТЭ), яғни терең веналар тромбозы мен өкпе артериясы эмболиясының даму қаупінің артуымен байланысты болады. Осындай асқыну ықтималдығы ГОЕ жүргізілген бірінші жылы келесі жылдардан жоғары.

- Тромбофилиялық бұзылыстары диагностикаланған пациент әйелдерде ВТЭ даму қаупі жоғары болады, ал ГОЕ осы қауіпті қосымша арттыруы мүмкін. Бұл деректі ескерсек, осындай пациент әйелдерде ГОЕ жүргізу қарсы көрсетілімді.

- ВТЭ қауіп факторларына эстрогендер қабылдау, егде жас, ауқымды хирургиялық операциялар, ұзаққа созылатын иммобилизация, семіздік (ДСИ 30 кг/м2 аса), жүктілік және босанудан кейінгі кезең, жүйелі қызыл жегі (ЖҚЖ) және обыр.

- Анамнезінде ВТЭ жоқ әйелдерге, бірақ анамнезінде жас кезіндегі тромбоз болған туыстықтың бірінші дәрежесіндегі туысқандарда онымен байланысты шектеулерге қатысты егжей-тегжейлі кеңес алудан кейін скринингтен өтуді ұсынуға болады (скрининг кезінде тромбофилиямен байланысты патология түрлерінің бәрі бірдей анықталмайды). Егер отбасы мүшелерінде тромбозға қатысты деп жіктелетін тромбофилиялық патология болса немесе егер патология «ауыр» болса (мысалы, антитромбин, S протеині немесе С протеині тапшылығы немесе ақаулар біріктірілімі), ГОЕ қарсы көрсетілімді.

- Ұзақ мерзімді антикоагулянттық ем алып жүрген осы қауіп тобындағы пациент әйелдер үшін қауіптер арақатынасын және ГОЕ тағайындау артықшылықтарын мұқият бағалау талап етіледі.

- Егер ВТЭ бастапқы ем аясында дамыса, емдеуді тоқтата тұру керек. Пациент әйел ВТЭ алғашқы болжамды симптомдары (аяқтың ауырсынулы ісінуі, кеуденің кенеттен ауыруы, ентігу) пайда болғанда дереу емдеуші дәрігерге қаралу керегін білуі тиіс.

Жүректің ишемиялық ауруы (ЖИА)

Моноэстрогенді препарат немесе біріктірілген эстроген + прогестоген препараты арқылы ГОЕ жүректің ишемиялық ауруы бар немесе онсыз әйелдерді миокард инфарктісінен қорғайтынына ешқандай дәлелдер алынбады.

Біріктірілген эстроген-прогестагендік ем

Біріктірілген эстроген-прогестагендік ем жүргізу кезеңінде жүректің ЖИА салыстырмалы қаупі аздап артады.

Құрамында эстроген бар препараттармен монотерапия

Монотерапия түрінде эстрогендер алатын жатыры алынған әйелдерде ЖИА қаупі жоғарыламайды.

Ишемиялық инсульт

Біріктірілген эстроген-прогестагендік ем немесе құрамында эстроген бар препараттармен монотерапия ишемиялық инсульт қаупі 1,5 есе арттыруы мүмкін.

Басқа жай-күйлер

- Эстрогендер сұйықтық іркілісіне ықпал етуі мүмкін, сондықтан жүрек немесе бүйрек жеткіліксіздігі бар пациент әйелдерді мұқият қадағалау қажет болады.

- Гипертриглицеридемиясы бұрыннан бар әйелдер эстрогендермен орын басу емі немесе ГОЕ кезінде мұқият қадағалау қажет болады.

- Эстрогендер тиреоид-байланыстырушы глобулин (ТБГ) деңгейін арттырады, ол айналымдағы тиреоидты гормонның жалпы деңгейінің жоғарылауына алып келеді. Бос Т4 немесе Т3 деңгейлері өзгермейді. Басқа байланыстырушы ақуыздардың, мысалы, кортикоид байланыстырушы глобулин, жыныс гормондарын байланыстыратын глобулиннің сарысулық деңгейлері жоғарылауы мүмкін, тиісінше, бұл айналымдағы кортикостероидтар және стероидты жыныс гормондары деңгейінің артуына алып келеді. Бос немесе биологиялық белсенді гормондар концентрациялары өзгермейді. Басқа плазмалық ақуыздар (ангиотензин/ренин, альфа--1-антитрипсин, церулоплазмин субстраты) концентрациялары жоғарылауы мүмкін.

- ГОЕ қолдану когнитивтік функцияны жақсартпайды.

- Сирек тұқым қуалайтын галактоза жақпаушылық кінәраттары, Лапп лактаза тапшылығы немесе глюкоза-галактоза мальабсорбциясы бар пациент әйелдерге аталған дәрілік препаратты қабылдауға болмайды.

- Бала туу жасындағы әйелдерге ұрықтануға қарсы гормондық емес дәрілер пайдалануға кеңес беріледі.

Басқа дәрілік препараттармен өзара әрекеттесуі

Эстрогендер тиімділігі төмендеуі мүмкін:

- эстрогендер метаболизмі Р450, 2В6, 3А4, 3А5, 3А7 цитохромы жүйесінің бауырдың микросомалық ферменттерін индукциялайтын препараттарды (фенобарбитал, карбамазепин, фенитоин) және инфекцияға қарсы препараттарды (рифампицин, рибавирин, невирапин, эфавиренез) бір мезгілде қолдану кезінде жоғарылауы мүмкін

- ритонавир және нелфинавирді стероидты гормондармен бір мезгілде қолдану кезінде күшейту әсерін көрсетуі мүмкін.

- құрамында шілтер жапырақты шайқурай (Hypericum perforatum) бар өсімдік тектес дәрілік препараттар эстрогендер мен прогестагендер метаболизмін арттыруы мүмкін.

Эстрогендер мен прогестагендер метаболизмінің күшеюі препарат тиімділігінің төмендеуімен және етеккір оралымының өзгеруімен клиникалық тұрғыда көрініс беруі мүмкін.

Эстрогендер басқа дәрілік препараттардың метаболизмін бұзуы мүмкін.

Эстрогендер өз алдына бәсекелі бәсеңдету арқылы дәрілік препараттар метаболизміне қатысатын CYP450 жүйесінің ферменттерін тежеуге қабілетті. Бұл, әсіресе, емдік көрсетілімдері тар препараттарға қатысты ерекше маңызды, мысалы:

- такролимус және циклоспорин А

- фентанил

- теофиллин.

Ұзақ уақыт кезеңі бойына пациент әйелдерді мұқият қадағалау және такролимус, фентанил, циклоспорин А және теофиллин дозасын төмендету қажет болуы мүмкін.

Арнайы сақтандырулар

Педиатрияда қолдану

Балалар жасындағы пациенттерде Фемостон® моно препаратын қабылдауға арналған көрсетілімдер жоқ.

Жүктілік немесе лактация кезінде

Фемостон® моно препаратын жүктілік кезінде қолдану көрсетілмеген. Егер жүктілік Фемостон® моно препаратын қабылдау аясында басталса, емдеуді дереу тоқтату керек.

Фемостон® моно препаратын лактация кезінде қолдану көрсетілмеген.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Көрсетілген қызмет түрлерінде реакция шапшаңдығына ықпал етуі мүмкін симптомдардың толық басылуына дейін көлік құралдарын басқаруға немесе басқа механизмдермен жұмыс істеуге болмайды.

Қолдану жөніндегі нұсқаулар

Дозалау режимі

Фемостон® моно қолданып жүрген жатыры алынбаған әйелдерге әр ай сайын 12-14 күн бойы эндометрийге қауіпті төмендету үшін қосымша прогестаген қабылдау керек. Егер бұрын эндометриоз диагнозы қойылмаса, гистерэктомия жасалған әйелдерге прогестаген қосу ұсынылмайды.

Емдеуді Фемостон® моно 1 мг препаратынан бастау керек. Дозаны жеке қажеттіліктерге сай түзетуге болады. Егер эстроген тапшылығымен байланысты шағымдар азаймаса, Фемостон® моно 2 мг препаратын пайдалану арқылы дозаны арттыруға болады.

Фемостон® моно препаратымен емдеудің басталуы

Гормондық орын басу емін алмайтын немесе аменореядан зардап шегіп жүрген, гистерэктомия жасалған немесе үздіксіз біріктірілген гормондық орын басу еміне ауыстырылған әйелдерде емдеуді кез келген қолайлы күні бастауға болады. Циклдық немесе үздіксіз бірізді ГОЕ режимінен ауыстырылған әйелдерде емдеу алдыңғы режим аяқталған келесі күні басталу керек. Егер пациент әйелде етеккір оралымы жүйелі болса, емдеу ай сайынғы етеккірдің бірінші күні басталады.

Қолдану тәсілі

Күніне бір таблетка. Фемостон® моно қаптамалар арасында үзілістер жасамастан үздіксіз қабылдану керек. Фемостон® мононы ас ішуге байланыссыз қабылдауға болады.

Дәрілік препараттың бір немесе бірнеше дозасын өткізіп алу кезіндегі қажетті шаралар

Егер әйел таблетканы уақытында қабылдауды ұмытып кетсе, оны барынша қысқа мерзімде қабылдау керек. Егер 12 сағаттан көп уақыт өтсе, «ұмытылған» таблетканы қабылдамастан келесі дозаны пайдаланумен емдеуді жалғастыруға кеңес беріледі. Доза қабылдауды өткізіп алу немесе кідірту етеккіраралық қан кетулер мен жағынды бөліністер ықтималдығын арттыруы мүмкін.

Артық дозалану жағдайында қабылдау қажет болатын шаралар Симптомдары

Кейбір әйелдерде жүрек айну, құсу, ұйқышылдық, бас айналу және тоқтатудан болатын қан кету синдромы туындауы мүмкін.

Емдеу

Спецификалық антидот жоқ, емдеу – симптоматикалық.

Жоғарыда көрсетілген ақпарат балаларда артық дозалануға да қатысты.

Дәрілік препаратты қолдану тәсілін түсіндіру үшін медициналық ықзметкер кеңесіне жүгіну жөніндегі нұсқаулар

Дәрігер ұсынымдарын үнемі қатаң қадағалаңыз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Жиі

- салмақтың артуы немесе азаюы

- бас ауыру

- жүрек айну, іштің ауыруы, ішектің кебуі

- тері бөртуі, қышыну

- аяқтың құрысуы

- жатырдан/қынаптан қан кету, жағынды бөліністерді қоса, жамбастың ауыруы

- астения

Жиі емес

- аса жоғары сезімталдық

- цистит тәрізді синдром, қынаптық кандидоз

- леймиома көлемінің ұлғаюы

- депрессия, күйгелектік, депрессиялық көңіл-күй

- бас айналу

- көру бұзылулары

- жүректің соғуын сезіну

- гипертензия, шеткері тамырлар аурулары, веналардың варикозды кеңеюі, вена тромбоэмболиясы

- диспепсия

- өт қалтасының аурулары

- терінің аллергиялық реакциялары, аллергиялық түйінді эритема

- арқаның ауыруы

- жатыр мойны эрозиясының өзгерістері, жатыр мойнынан бөлінетін секрет өзгерісі, меноррагия, метроррагия, кеуденің ауыруы/ауырсынулы сезімталдығы

- шеткері ісіну, ісіну

Сирек

- үрей, либидоның азаюы немесе артуы

- бас сақинасы

- жанаспалы линзалар жақпаушылығы, мөлдір қабықтың бұратылуы

- метеоризм, жүрек айну

- кейде сарғаюмен, астениямен немесе дімкәстанумен және іштің ауыруларымен қатар жүретін бауыр функциясының бұзылуы

- әйелдердегі түк басып кету, акне

- бұлшықеттердің түйілуі

- етеккір алдындағы симптомдар тәрізді кеуденің ұлғаюы, қынаптан бөліністер, дисменорея

- қалжырау

Өте сирек

- гемолиздік анемия

- хорея

- миокард инфарктісі

- инсульт

- препарат қабылдауды тоқтату кезінде сақталуы мүмкін хлоазма немесе меланодермия, көп пішінді эритема, тамырлық пурпура, ангионевроздық ісіну

- порфирия өршуі

Эстрадиолмен емдеуге байланысты тіркелген басқа жағымсыз реакциялар:

Қатерсіз, қатерлі және анықталмаған жаңа түзілімдер (кисталар мен полиптерді қоса)

Сүт безі обырыa.

Эстрогенге тәуелді, қатерсіз және қатерлі жаңа түзілімдер, мысалы, эндометрий обырыb, аналық без обырыc.

Иммун жүйесі тарапынан бұзылулар

- жүйелі қызыл жегі.

Зат алмасу және тамақтану тарапынан бұзылулар

- көмірсулы зат алмасу өзгерісі

- гипертриглицеридемия

Жүйке жүйесі тарапынан бұзылулар

- 65 жастан асқанда болуы мүмкін деменция

- эпилепсия өршуі.

Тамырлар тарапынан бұзылулар

- артериялық тромбоэмболия

- вена тромбоэмболиясыd, яғни аяқтың терең веналарының немесе жамбас веналарының тромбозы және өкпе артериясының эмболиясы

Асқазан-ішек жолы тарапынан бұзылулар

- панкреатит (гипертриглицеридемиясы бұрыннан бар пациент әйелдерде)

- гастроэзофагеальді рефлюкс ауруы

Бауыр және өт шығару жолдары тарапынан бұзылулар

- өт қалтасының аурулары.

Тері және тері асты шелі тарапынан бұзылулар

- хлоазма, көп пішінді эритема, түйінді эритема, тамырлық пурпура.

Бүйрек және несеп шығару жолдары тарапынан бұзылулар

- несепті ұстай алмау

Жыныс мүшелері және сүт безі тарапынан бұзылулар

- сүт безінің фиброз-кисталық ауруы

Зертханалық және құралмен тексеру деректері

- қалқанша без гормондарының жалпы санының көбеюі

Жүректің ишемиялық ауруының қаупі

- жүректің ишемиялық ауруының қаупі біріктірілген эстроген-прогестагендік ГОЕ қабылдап жүрген 60 жастан асқан пациент әйелдерде артады.

Ишемиялық инсульт қаупі

- құрамында эстроген бар препараттармен монотерапия және біріктірілген эстроген-прогестагендік ем қабылдау ишемиялық инсульттің салыстырмалы қаупінің 1,5 есе артуымен байланыстырады. ГОЕ қабылдау кезінде геморрагиялық инсульт қаупі артады.

- осы салыстырмалы қауіп жас шамасына немесе ГОЕ ұзақтығына тәуелденбейді, бірақ бастапқы қауіп жасқа қатты тәуелді екендіктен, нәтижесінде инсульт қаупі ГОЕ алатын әйелдерде жас ұлғаюымен артады.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

1 таблетка құрамында

белсенді зат - 1.03 және 2.06 мг микрондалған эстрадиол гемигидраты (1.00 мг және 2.00 мг эстрадиолға баламалы),

қосымша заттар: лактоза моногидраты, гипромеллоза (HPMC 2910), жүгері крахмалы, сусыз коллоидты кремнийдің қостотығы, магний стеараты.

Үлбірлі қабық:

1 мг доза үшін - Opadry® Y-1-7000 ақ (гипромеллоза (HPMC 2910), титанның қостотығы (Е 171), макрогол 400);

2 мг доза үшін - Opadry® OY-6957 қызғылт (гипромеллоза (HPMC 2910), тальк, титанның қостотығы (Е 171), макрогол 400, темірдің қызыл тотығы (Е 172), темірдің қара тотығы (Е 172), темірдің сары тотығы (Е 172)).

Дөңгелек пішінді, екі беті дөңес, бір жағында «379» таңбасы бар ақ түсті үлбірлі қабықпен қапталған таблеткалар (1 мг доза үшін).

Дөңгелек пішінді, екі беті дөңес, бір жағында «379» таңбасы бар қызыл-қоңыр түсті үлбірлі қабықпен қапталған таблеткалар (2 мг доза үшін).

Шығарылу түрі және қаптамасы

28 таблеткадан поливинилхлоридті үлбірден және алюминий фольгадан жасалған пішінді ұяшықты қаптамаға салады.

Пішінді 1 қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

3 жыл

Жарамдылық мерзімі өткеннен кейін қолдануға болмайды!

30 С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

Эбботт Байолоджикалз Б.В., Нидерланды

Мекенжай: Veerweg 12 8121 AA Olst, Нидерланды

Тіркеу куәлігінің ұстаушысы

Эбботт Лабораториз Лимитед, Ұлыбритания

Мекенжай: Abbott House Vanwall Business Park Vanwall Road Maidenhead

Berkshire SL6 4XE, Ұлыбритания

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):

«Абботт Казахстан» ЖШС, Қазақстан, Алматы қ., Ходжанов к-сі, 92,

тел. +7 727 244 75 44,

факс +7 727 244 76 44,

электронды пошта pv.kazakhstan@abbott.com.