Фелисанс

Фелисанс

Жоқ

Дәрілік түрі, дозасы

Құлаққа тамызатын дәрі, 10 мг/г + 40 мг/г

Сезім ағзалары. Отологиялық ауруларды емдеуге арналған препараттар. Отологиялық ауруларды емдеуге арналған басқа да препараттар. Анальгетиктер және анестетиктер. Біріктірілген препараттар.

ATX коды S02DA30

Туғаннан бастап балалар мен ересектерде дабыл жарғақшасының бүтіндігі бұзылмаған ортаңғы отит кезінде жергілікті симптоматикалық емдеу және ауыруды басу, оның ішінде:

- жедел экссудативтік ортаңғы отит

- тұмаудан кейінгі асқыну сияқты отит, экссудативтік вирус-индуцирленген отит

- барожарақаттық отит.

Қолданудың басталуына дейінгі қажетті мәліметтер тізбесі

– әсер етуші заттарға немесе қосымша заттардың кез келгеніне аса жоғары сезімталдық

– дабыл жарғақшасының инфекциялық немесе жарақаттық зақымдануы.

– 1 айға дейінгі балалар

Қолдану кезіндегі қажетті сақтық шаралары

Препаратты қолдануды бастамас бұрын дабыл жарғағының бүтіндігіне көз жеткізу қажет. Препаратты тесілген дабыл жарғақшасы кезінде қолданған жағдайда препарат ортаңғы құлақ құрылымдарымен жанасуы және асқынулардың туындауына әкелуі мүмкін.

Фелисанс препаратын қолданар алдында асқынулардың профилактикасы мақсатында дабыл жарғақшасының тесілуін жоққа шығару үшін дәрігер-оториноларингологпен кеңесу ұсынылады. Егер аурудың симптомдары нашарласа немесе жақсару болмаса, емнің 2-3 күнінен кейін дәрігермен қайта кеңесу қажет.

Препаратты алғаш қолданған кезде немесе емді қайта бастаған кезде ерекше әрекеттер талап етілмейді. Препараттың бір немесе бірнеше дозасын өткізіп алған кезде, сондай-ақ оны тоқтатқан кезде қосымша немесе ерекше әрекеттер көзделмеген.

Спортшылар Фелисанс препаратының құрамында допинг-бақылау кезінде оң нәтиже беретін әсер етуші зат бар екенін ескеру қажет.

Пайдаланылмаған дәрілік препараттарды жою кезінде арнайы сақтық шаралары талап етілмейді.

Басқа дәрілік препараттармен өзара әрекеттесуі

Басқа дәрілік препараттармен және (немесе) тамақ өнімдерімен клиникалық маңызды өзара әрекеттесуі туралы мәліметтер жоқ.

Арнайы ескертулер

Жүктілік және лактация кезеңі

Дабыл жарғақшасы бүтін кезінде организмге ену ықтималдығы аз. Қазіргі уақытта препаратты жүктілік және лактация кезіндегі қолданылуына қатысты қарсы көрсетілімдер жайлы деректер жоқ, потенциалды қаупі мен пайдасын саралағаннан кейін жүкті немесе бала емізетін әйелдерге тағайындалуы мүмкін.

Дәрілік препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді

Қолдану бойынша ұсынымдар

Дозалау режимі

Ересектерге: сыртқы есту жолына тәулігіне 2-3 рет 4 тамшыдан тамызу керек.

Балаларға 1 айдан бастап және одан үлкен жастағы: сыртқы есту жолына тәулігіне 2 рет 1-2 тамшыдан тамызу керек.

Емдеу курсы 10 күннен аспауы тиіс.

Енгізу әдісі мен жолы

Сыртқа қолдануға арналған.

Құлақта суық ерітіндінің жағымсыз сезімін болдырмас үшін құтыны қолыңызда жылытыңыз.

Артық дозаланғанда қабылдануы қажет шаралар

Қолдану тәсілі сақталған жағдайда артық дозалануы мүмкін емес.

Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну бойынша ұсынымдар

Препаратты әрқашан қосымша параққа немесе емдеуші дәрігердің ұсынымдарына сәйкес қабылдаңыз. Егер күмән туындаса, емдеуші дәрігермен немесе дәріхана қызметкерімен кеңесіңіз.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Жергілікті аллергиялық реакциялар, есту жолында тітіркену және гиперемия дамуының қаупі бар.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

1 г препараттың құрамында

белсенді заттар: феназон 40,0 мг,

лидокаин гидрохлориді 10,0 мг

қосымша заттар: натрий тиосульфаты, этанол, глицерол, тазартылған су

Сыртқы түрінің, иісінің, дәмінің сипаттамасы

Спирт иісі бар мөлдір, түссіз немесе сарғыштау ерітінді.

Шығарылу түрі және қаптамасы

16 г алғашқы ашылуы бақыланатын бұрандалы алюминий қақпағы бар күңгірт шыны құтыда. Құтыға полипропиленге қапталған пипетка қоса беріледі. Әр құты пипеткамен жиынтықта және медициналық қолдану жөніндегі қазақ және орыс тіліндегі нұсқаулықпен бірге картон қорапшаға салынған.

2 жыл

Құтыны ашқаннан кейін препаратты бір ай ішінде пайдалану керек.

Жарамдылық мерзімі өткеннен кейін қолдануға болмайды.

25°С-ден аспайтын температурада.

Балалардың қолы жетпейтін жерде сақтау керек.

Рецептісіз

Өндіруші туралы мәліметтер

Гленмарк Фармасьютикалз Лтд, ПЛОТ № Е 37,39, МИДС Ареа, Сатпур, Насик – 422007, Махараштра, Үндістан.

Тел.: + 91-1795-393200,

Факс: + 91-1795-393210,

Эл. пошта: webmaster@glenmark.com

Тіркеу куәлігінің ұстаушысы

Гленмарк Фармасьютикалз Лтд, Үндістан

Гленмарк Хаус, ХДО-Корпорэйт Билдинг, Винг – А, Б.Д. Савант Марг, Чакала, Офф Вестерн Экспресс Хайвэй, Андхери (И), Мумбай – 400 099, Үндістан

Тел.: + 0091-22-4018 9999;

Факс: + 0091-22-4018 9986.

Эл. пошта: webmaster@glenmark.com

Қазақстан Республикасының аумағында тұтынушылардан дәрілік заттардың сапасы бойынша шағымдарды (ұсыныстарды) қабылдайтын және дәрілік заттың қауіпсіздігін тіркеуден кейінгі бақылауға жауапты ұйымның атауы, мекенжайы және байланыс деректері (телефон, факс, электронды пошта):

"GLENMARK PHARMACEUTICALS LIMITED (ГЛЕНМАРК ФАРМАЦЕВТИКАЛС ЛИМИТЕД)" компаниясының өкілдігі

Қазақстан Республикасы, 050005,

Алматы қ., Әл-Фараби даңғылы, 7,

«Нұрлы Тау» бизнес орталығы, 4 А блок, 12 кеңсе.

Тел: + 7(727) 311 04 41,

Эл. пошта: Safety.KZ&UZ@glenmarkpharma.com