Фамотидин (40 мг) (Famotidine)
Инструкция
-
русский
-
қазақша
Саудалық атауы
Фамотидин
Халықаралық патенттелмеген атауы
Фамотидин
Дәрілік түрі
Қабықпен қапталған 20 мг және 40 мг таблеткалар
Құрамы
Бір таблетканың құрамында
белсенді зат – фамотидин 20 мг және 40 мг,
қосымша заттар: лактоза моногидраты, микрокристалды целлюлоза, кальций стеараты, опадрай II
қабықтың құрамы: поливинилді спирт, тальк, макрогол (полиэтиленгликоль), лецитин (соялық), 20 мг доза үшін сары түсті бояғыш пигмент, (құрамында титанның қостотығы (E 171), темірдің сары тотығы (E 172) және сары хинолин (Е 104)) негізінде алюминий лагы бар) немесе
40 мг доза үшін қызғылт түсті бояғыш пигмент, (құрамында титанның қостотығы (E 171), кармуазин негізінде алюминий лагы (Е 122), индигокармин негізінде алюминий лагы (Е 132) бар).
Сипаттамасы
Екі жақ беті дөңес, сары түсті қабықпен қапталған, таблеткалар. Көлденең кесіндісінде екі қабат көрінеді (20 мг доза үшін).
Екі жақ беті дөңес, қызғылт түсті қабықпен қапталған, таблеткалар. Көлденең кесіндісінде екі қабат көрінеді (40 мг доза үшін).
Фармакотерапиялық тобы
Ойық жараға қарсы препараттар және гастроэзофагеальді рефлюксті (GORD) емдеуге арналған препараттар. Н2–гистаминдік рецепторлар блокаторлары. Фамотидин.
АТХ коды А02ВА03
Фармакологиялық қасиеттері
Фармакокинетикасы
Ішке қабылдағанда сіңірілуі толық емес; биожетімділігі 40-45%, ас қабылдағанда жоғарылайды және антацидтер аясында төмендейді. Плазма ақуыздарымен байланысуы – 15-20%. Тmax – 1 - 3 с. Жұлынми сұйықтығына өтеді, плацентарлық бөгет арқылы және емшек сүтіне де.
Т½ – 2,5-3,5 с; бүйрек қызметінің жеткіліксіздігі ауыр (КК минутына 10 мл-ден төмен) емделушілерде 20 сағатқа дейін артады (дозаны түзету қажет етіледі). Препараттың 30–35%-ы бауырда метаболизденіп, S-оксид түзеді.
Шумақтық сүзілу және өзекшелік секреция жолымен бүйректер арқылы шығарылады. Ішке қабылданған дозаның 25–30%-ы несептен өзгермеген күйінде табылады.
Фармакодинамикасы
ІІІ буынды Н2-гистаминдік рецепторлардың бөгегіші. Тұз қышқылының базальді және гистаминмен, гастринмен және ацетилхолинмен стимуляцияланған өндірілуін басады. Тұз қышқылы өнімінің төмендеуімен және рН мәнінің артуымен бір мезгілде пепсиннің белсенділігі де төмендейді.
Асқазанның шырышты қабығының резистенттілігін асқазан шырышының түзілуі, гидрокарбонат секрециясы, гликопротеиндер мен простагландиндер синтезін жоғарылату арқылы оның зақымдарының (соның ішінде стрестік ойық жаралардың тыртықтануы) жазылуына мүмкіндік жасайды.
Бауырда Р450 цитохромының белсенділігіне іс жүзінде әсер етпейді.
Ішке қабылдағаннан кейін әсері 1 сағаттан соң басталады, ең жоғары шегіне 3 сағаттан кейін жетеді және 12 сағаттан 14 сағатқа дейін созылады.
Бір реттік дозасы (10 және 20 мг) секрецияны 10-12 с басады.
Қолданылуы
- асқазан мен 12 елі ішектің ойық жара ауруының қайталануын емдеуге және алдын алуға;
- асқазан мен 12- елі ішектің симптоматикалық ойық жарасын емдеу және алдын алу (ҚҚСП-гастропатия, стрестік, операциядан кейінгі ойық жаралар);
- эрозиялық гастродуоденитте;
- асқазанның секреторлық функциясының жоғарылауымен астасқан, функциональдік диспепсияда;
- рефлюкс-эзофагитте;
- Золлингер-Эллисон синдромында;
- жалпы анестезияда асқазан сөлі аспирациясының алдын алуда (Мендельсон синдромы)
Қолдану тәсілі және дозалары
Ішке, асқазан мен 12-елі ішектің ойық жара ауруы асқынғанда – ұйқыға жатар алдында 40 мг-дан тәулігіне 1 рет немесе 20 мг-дан тәулігіне 2 рет. Қажет болған кезде тәуліктік дозаны 80-160 мг-ға дейін арттыруға болады. Емделу ұзақтығы – 4-8 апта.
Ойық жаралар өршуінің алдын алуда - ұйқыға жатар алдында 20 мг-дан тәулігіне 1 рет.
Золлингер-Эллисон синдромында – тәулігіне 4 рет 20-40 мг-ден бастапқы дозада; қажет болғанда тәуліктік дозаны 240-480 мг (ауыр түрінде – әрбір 6 сағат сайын 160 мг) дейін жоғарылатуға болады. Препарат дозасын және емдеу курсының ұзақтығын әр адамда жекелей белгілейді.
Рефлюкс-эзофагитте бастапқы доза – 20 мг тәулігіне 2 рет 6 аптаға дейін (қажет болғанда – 20-40 мг тәулігіне 2 рет 12 аптаға дейін).
Асқазан сөлінің аспирациясының алдын алу үшін операция алдында немесе операция жасалатын күні таңертең 40 мг.
Креатинин клиренсі 10 мл/минуттан төмен науқастарға - ұйықтар алдында 20 мг.
Жағымсыз әсерлері
Жиі
- тәбеттің болмауы, ауыздың құрғауы, дәм сезудің бұзылуы, жүрек айнуы,
құсу, іштің кебуі, диарея немесе іш қату
- бас ауыруы, бас айналуы, қатты шаршағыштық, құлақтың шуылы, қайтымды психикалық бұзылыстар
- бұлшықет ауыруы, буындардың ауыруы мүмкін
- терінің қышынуы, бронхтүйілуі, қызба, аллопеция, кәдуілгі безеулер, терінің құрғақтығы, ангионевротикалық ісіну, анафилактикалық шок, уытты эпидермальді некролиз, Квинке ісінуі, анафилактикалық реакция, гиперсенсибилизацияның басқа да біліністері
Жиі емес
- құрысулар
- психикалық бұзылыстар
- лейкопения, тромбоцитопения
- аритмия, атриовентрикулярлық блок
- бауыр ферменттері белсенділігінің жоғарылауы, гипербилирубинемия, мочевина деңгейінің жоғарылауы
Сирек
- холестатикалық сарғаюдың дамуы
Өте сирек
- агранулоцитоз, панцитопения
- ұзақ уақыт қабылдағанда – гиперпролактинемия, гинекомастия, аменорея, либидоның төмендеуі.
Қолдануға болмайтын жағдайлар
- фамотидинге және препараттың басқа компоненттеріне жоғары сезімталдық
- жүктілік және лактация кезеңі
- тұқым қуалаған фруктозаны көтере алмаушылық, Lapp-лактаза ферментінің тапшылығы, глюкоза-галактоза мальабсорбциясы
- 18 жасқа дейінгі балалар мен жасөспірімдер
Дәрілермен өзара әрекеттесуі
Фамотидин P450 цитохромының ферментті жүйесіне әсер етпейді, сондықтан теофилиннің, кумариннің, пропранололдың, диазепамның, аминопириннің және осыған ұқсайтындардың бауырдағы энзиматикалық биотранформациясына әсер етпейді.
Парасимпатолитиктер екі топтағы да препараттардың асқазандағы тұз қышқылының өндірілуін бәсеңдетуге әсерін күшейтеді.
Фамотидинді кетоконазолмен, итраконазолмен, құрамында темір бар препараттармен бір мезгілде қабылдау сіңірілуін төмендетеді.
Осыған байланысты аталған препараттарды фамотидинді қабылдағанға дейін 2 сағат бұрын қабылдау керек.
Амоксициллиннің және клавулан қышқылының сіңуін арттырады. Антацидтер және сукральфат сіңуін баяулатады. Сүйек кемігінің қызметін төмендететін дәрілік заттар нейтропенияның пайда болу қаупін арттырады.
Айрықша нұсқаулар
12 елі ішектің ойық жаралы ауруының симптомдары 1-2 аптаның ішінде жоғалуы мүмкін, бірақ Фамотидинмен емдеуді тыртықтануы эндоскопиялық немесе рентгенологиялық зерттеу деректерімен айғақталғанша жалғастырған жөн. Асқазан карциномасымен байланысты симптомдарды бүркемелеуі мүмкін, сондықтан емді бастамас бұрын қатерлі ісіктің бар-жоғын анықтау керек. Фамотидинді тоқтатуды "рикошет" синдромының даму қаупіне байланысты біртіндеп жүргізеді.
Әлсіз науқастарда ұзақ уақыт емделгенде келесі жұқпаның таралуымен асқазанның бактериялық зақымдануы мүмкін.
H2-гистаминорецепторлардың блокаторларын итраконазол немесе кетоконазолды (олардың сіңу қаупінің айтарлықтай төмендеуі) қабылдағаннан соң 2 сағаттан кейін қабылдау керек.
H2-гистаминорецепторлардың блокаторлары асқазанның қышқыл түзетін функциясының пентагастриндік және гистаминдік тестілерін бұзуы мүмкін (24 сағат бұрын қабылдауды тоқтату).
Фамотидин гистаминге тері реакциясын басып, тері сынамаларының жалғантеріс нәтижелерін туындатуы мүмкін. Тері сынамаларын жасағанда фамотидинді қабылдауды тоқтату ұсынылады.
Емделу кезінде асқазанның шырышты қабығын тітіркенуін туындатуы мүмкін тағамдық өнімдерді, сусындарды және дәрілік заттарды қолданбаған жөн.
Темекі тарту фамотидиннің тұз қышқылының түнгі секрециясына қатысты тиімділігін төмендетеді.
Күйік шалған науқастарда фамотидин клиренсінің жоғарылауы салдарынан дозасын арттыру қажет етілуі мүмкін.
Дозаны жіберіп алғанда оны мүмкіндігінше тезірек қабылдау керек; егер келесі қабылдайтын уақыт болып қалса дозаны екі еселендіруге болмайды.
Жағдайының жақсаруы байқалмаса дәрігердің кеңесі керек.
Дәрілік заттың көлік құралдарын немесе әлеуетті қауіпті механизмдерді басқару қабілетіне ықпал ету ерекшеліктері
Көлік немесе механизмдерді басқару кезінде орталық жүйке жүйесі тарапынан бұзылыстардың болуына байланысты сақтық шараларын сақтау керек.
Артық дозалануы
Симптомдары: құсу, қимыл-қозғалыс қозуы, тремор, артериялық қысымның төмендеуі, тахикардия, коллапс.
Емі: құсуды шақыру немесе/және асқазанды шаю. Симптоматикалық және демеуші ем: құрысуларда – к/і диазепам; брадикардияда – атропин; қарыншалық аритмияларда – лидокаин. Гемодиализ тиімді.
Шығарылу түрі және қаптамасы
Поливинилхлоридті үлбірден және алюминий фольгадан жасалған пішінді ұяшықты қаптамада 10 таблеткадан.
Пішінді ұяшықты 2 қаптамадан медицинада қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған.
Сақтау шарттары
Құрғақ, жарықтан қорғалған жерде, 25С-ден аспайтын температурада сақтау керек.
Балалардан қорғау керек!
Сақтау мерзімі
3 жыл
Жарамдылық мерзімі өткеннен кейін пайдалануға болмайды.
Дәріханалардан босатылу шарттары
Рецепт арқылы
Өндіруші
«Борисов медициналық препараттар зауыты» ашық акционерлік қоғамы, Беларусь Республикасы, Минск обл., Борисов қ-сы, Чапаев к-сі, 64/27,
тел/факс 8-(10375177)744280.
Тіркеу куәлігінің иесі
«Борисов медициналық препараттар зауыты» ашық акционерлік қоғамы, Беларусь Республикасы
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы
«Борисов медициналық препараттар зауыты» ашық акционерлік қоғамы, Беларусь Республикасы, Минск обл., Борисов қ-сы, Чапаев к-сі, 64/27,
тел/факс 8-(10375177) 744280, электрондық поштасы market@borimed.com