Фамосан® (40 мг)

• русский
• қазақша

• Скачать инструкцию медикамента

Саудалық атауы

Фамосан®

Халықаралық патенттелмеген атауы

Фамотидин

Дәрілік түрі

Қабықпен қапталған таблеткалар, 20 мг, 40 мг

Құрамы

Бір таблетканың құрамында

белсенді зат – 20 мг немесе 40 мг фамотидин,

қосымша заттар: микрокристалды түйіршіктелген целлюлоза, түйіршіктелген лактоза, жүгері крахмалы, магний стеараты, коллоидты кремнийдің қостотығы,

қабықтың құрамы: гипромеллоза 5, титанның қостотығы Е 171, макрогол 6000, темірдің (ІІІ) қызыл тотығы Е 172 (20 мг доза үшін), кремнийдің қостотығы бар диметикон эмульсиясы, темірдің сары (ІІІ) тотығы Е 172 (40 мг доза үшін).

Сипаттамасы

Екі беті дөңес, диаметрі 7.0 мм, қоңыр-қызғылт түсті қабықпен қапталған таблеткалар (20 мг доза үшін).

Екі беті дөңес, диаметрі 9.0 мм, қоңыр-сары түсті қабықпен қапталған таблеткалар (40 мг доза үшін).

Фармакотерапиялық тобы

Ойық жараға қарсы препараттар және гастроэзофагеальді рефлюксті (GORD) емдеуге арналған препараттар. Гистаминдік Н2-рецепторлар бөгегіштері.

АТЖ коды A02BA03

Фармакологиялық қасиеттері

Фармакокинетикасы

Ішке қабылдаған кезде плазмадағы фамотидин ең жоғары деңгейге 1-3,5 сағаттан соң жетеді, сонымен қатар 40 мг дозаны бір рет қабылдағаннан кейін ең жоғары деңгейі шамамен 0,070-0,100 мг/л құрайды. Фамотидиннің биологиялық қолжетімділігі шамамен 43% құрайды және тамаққа байланысты емес. Қан плазмасының ақуыздарымен байланысы әлсіз, 20%-дан аспайды. Фамотидин плацентарлық кедергі арқылы өтеді, ана сүтімен бөлінуі мүмкін. Миға гематоэнцефалдық бөгет арқылы өтеді. Фамотидиннің 20-дан 40%-ға дейіні өзгермеген түрде несеп арқылы шығады, онда метаболиттің (S-оксид) төмен концентрациясы ғана болады. Бүйрек қызметі қалыпты науқастарда жартылай шығарылу кезеңі шамамен 3 сағатты құрайды, креатинин клиренсі 30 мл/мин төмен науқастарда 10-12 сағатқа дейін артады. Препараттың әсер ету ұзақтығы бір рет қабылдаған кезде дозаға байланысты болады және 12-ден 14 сағатқа дейінді құрайды.

Фармакодинамикасы

Тұз қышқыл өнімдерінің дозаға тәуелді бәсеңдеуін және пепсин белсенділігінің азаюын туындатады, ол жараның тыртықтанып бітуіне жақсы жағдай жасайды. Асқазанда тұз қышқылдың базальді және көтермеленген сөліністі 2 сағаттан кейін - 80-90%-ға, 6 сағаттан кейін - 70-75%-ға, 10 сағаттан кейін - 40-45%-ға дейін төмендетеді. Плазмада гастрин деңгейін айтарлықтай өзгертпейді. Фамотидин цитопротективті әсер етеді: асқазанның шырышты қабатында простагландиндер синтезі жоғарылайды, шырыш өнімі ұлғаяды, қан ағымы жақсарады.

Қолданылуы

- асқазан және 12 елі ішек ойық-жара аурулары қайталануларын емдеу және алдын алуда

- асқазан және 12 елі ішек симптоматикалық ойық жараларын емдеу мен алдын алуда (НПВП-гастропатия, стресс, операциядан кейінгі ойық жаралар)

- асқазан сөлінісі қызметінің жоғарылауымен байланысқан функционалдық диспепсияда

- гастроэзофагеальді рефлюксті ауру (ГЭРА)

- Золлингер-Эллисон синдромында

- жалпы анестезия жүргізген кезде асқазан ішіндегісі қышқылы аспирациясының алдын алу (Мендельсон синдромы)

Қолдану тәсілі және дозалары

Фамосан® таблеткасын көп мөлшердегі суды іше отырып, тістемей жұту қажет.

Асқазан және 12 елі ішек ойық жара аурулары кезінде, симптоматикалық ойық жараларда

20 мг тәулігіне 2 рет немесе 40 мг тәулігіне 1 рет түнге қарай. Қажет болған жағдайда тәуліктік доза 80-160 мг дейін арттырылуы мүмкін. Асқазан және 12 елі ішек ойық жара аурулары, симптоматикалық ойық жаралардың қайталануының алдын алу

20 мг тәулігіне 1 рет 4-8 апта бойы ұйықтар алдында тағайындалады.

Золлингер-Эллисон синдромы

Көптеген жағдайда бұрын антисекреторлық ем қолданбаған емделушілерге клиникалық жақсарғанға дейін әрбір 6 сағат сайын 20-40 мг тағайындайды.

кешенді емінде дозалау тәсілі аурудың ауырлығына қарай анықталады.

Содан соң науқастың жағдайына қарай доза түзетілуі тиіс. Бұрын H2-гистамин бөгегіштерін қабылдағандар Фамосанды® 20 мг қарағанда анағұрлым жоғары дозада пайдаланып, әрбір 6 сағат сайын қолдануына болады. Емдеу ұзақтығын дәрігер анықтайды.

Гастроэзофагеальді рефлюксті ауру (ГЭРА)

20 мг тәулігіне 2 рет 6–12 апта бойы. ГЭРА эзофагитпен қатар жүрген кезде Фамосанның® ұсынылатын дозасы 12 апта бойы 20-40 мг құрайды.

Жалпы анестезия жүргізген кезде асқазан ішіндегісі аспирациясының алдын алу

40 мг операция қарсаңында кешке немесе операция күні таңертең

Функционалдық диспепсия кезінде

20 мг Фамосан® күніне 2 рет (12 сағат аралықпен) немесе 20 - 40 мг түнге қарай 1 рет.

Емделушілердің ерекше топтарында қолдану тәсілі және дозалары

Бүйрек жеткіліксіздігі

Фамосан® негізінен бүйрекпен шығарылатындықтан, оны бүйрек жеткіліксіздігі бар науқастарға сақтықпен қолданған жөн. Креатинин клиренсі <30 мл/мин, ал сарысу креатинин деңгейі >3 мг/мл болған жағдайда, ең жоғары тәуліктік доза тәулігіне 20 мг дейін төмендетілуі немесе қабылдау арасындағы аралық 36-48 сағатқа дейін ұзартылуы тиіс.

Балаларға қолданылуы

Бұл препараттың балаларға қауіпсіздігі және тиімділігі анықталмаған.

Жағымсыз әсерлері

Жиі

- тәбеттің бұзылуы, ауыздың құрғауы, жүрек айнуы, құсу, метеоризм, іш қату, диарея

- бас ауыруы, бас айналуы, шаршау, ұйқышылдық

Жиі емес

- құрысулар

- психикалық бұзылулар

- лейкопения, тромбоцитопения

- аритмия, атриовентрикулярлы бөгет

- бауыр ферменттері белсенділігінің артуы, гипербилирубинемия, мочевина деңгейінің артуы

Өте сирек

- тері бөртпесі, алопеция

- артралгия

- етеккір оралымының бұзылуы

- гинекомастия

Қолдануға болмайтын жағдайлар

- фамотидин мен препараттың басқа компоненттеріне жоғары сезімталдық

- жүктілік және лактация кезеңі

- балалар және 18 жасқа дейінгі жасөспірімдерге

- тұқым қуалайтын галактозаны көтере алмаушылық, лактаза жетіспеушілігі немесе глюкозо-галактозалық мальабсорбция

Дәрілермен өзара әрекеттесуі

Фамотидин цитохром P450 ферменттік жүйесіне әсер етпейді, сондықтан теофилин, кумарин, пропранолол, диазепам, аминопириннің және т.б. энзиматикалық биотранформациясына әсер етпейді.

Парасимпатолитиктер екі топ препараттарының асқазандағы тұзды қышқыл өнімдерін басуын күшейтеді.

Фамотидинді кетоконазолмен, итраконазолмен, құрамында темірі бар препараттармен бір мезгілде қолдану сіңуді кемітеді. Осыған байланысты бұл препараттарды фамотидин қабылдағанға дейін кем дегенде 2 сағат бұрын қабылдауға болады.

Амоксициллин мен клавулан қышқылының сіңуін ұлғайтады.

Антацидтер мен сукральфат сіңуді баяулатады.

Сүйек кемігін бәсеңдететін дәрілік заттар нейтропенияның даму қатерін ұлғайтады.

Айрықша нұсқаулар

Н2-гистаминдік рецепторлар бөгегіштерімен емдеуді бастар алдында, аурудың қатерлі сипатының бар-жоғын анықтау үшін асқазан биоптаттарына гистологиялық зерттеулер жүргізу қажет.

Созылмалы бүйрек жеткіліксіздігінде препарат дозасын түзету талап етіледі. Сондай-ақ бауыр қызметі бұзылған емделушілерге препаратты сақтықпен тағайындаған жөн.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Емдеу кезеңінде көлік құралын жүргізгенде және жоғары зейін шоғырландыру мен психомоторлы реакциялар жылдамдығын қажет ететін қауіптілігі зор механизмдермен айналысқанда сақтық таныту қажет.

Артық дозалануы

Симптомдары: құсу, қозғалыс қозуы, діріл, брадикардия, артериялық қысымның төмендеуі, коллапс, аритмия, тахикардия.

Емдеу: құсқызу және/немесе асқазанды шаю қажет. Симптоматикалық және демеуші ем. Гемодиализ тиімді емес.

Шығарылу түрі және қаптамасы

10 таблеткадан поливинилхлоридті үлбірден және алюминий фольгадан жасалған пішінді ұяшықты қаптамаға салынған.

1 (40 мг доза үшін) немесе 2 (20 мг доза үшін) пішінді қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынады.

Сақтау шарттары

Құрғақ, жарықтан қорғалған жерде, 15 °С-ден 25 °С-ге дейінгі температурада сақтау керек!

Балалардың қолы жетпейтін жерде сақтау керек!

Сақтау мерзімі

4 жыл

Жарамдылық мерзімі өткеннен кейін қолдануға болмайды!

Дәріханалардан босатылу шарттары

Рецепт арқылы

Өндіруші

ПРО.МЕД.ЦС Прага а.о.

Teлчска 1, 140 00 Прага 4,

Чех Республикасы

Тіркеу куәлігінің иесі

ПРО.МЕД.ЦС Прага а.о.

Teлчска 1, 140 00 Прага 4,

Чех Республикасы

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:

«PROM.MEDIC.KAZ.» ЖШС

Алматы қ., Достық даңғ. 132, 9 кеңсе, тел. 8(727)260-89-36, факс 8(727)260-89-36

Email: sekretar@prommedic.kz