Уролесан® (капсулы)
Инструкция
-
русский
-
қазақша
Саудалық атауы
Уролесан®
Халықаралық патенттелмеген атауы
Жоқ
Дәрілік түрі
Капсулалар
Құрамы
Бір капсуланың құрамында
белсенді заттар: 10 % ылғалға шаққанда уролесанның қою сығындысы 1 – 10,70 мг, бұрыш жалбызы майы – 7,46 мг, самырсын майы – 25,50 мг,
қосымша заттар: магний алюмометасиликаты, майсана майы, ауыр магний карбонаты, тальк, лактоза моногидраты (таблеттоза-80), динатрий эдетаты (трилон Б), картоп крахмалы,
Капсула корпусының құрамы: патенттелген көк V (Е 131), хинолинді сары (Е 104), титанның қостотығы (Е 171), темірдің сары тотығы (Е 172), желатин
Капсула қақпақшасының құрамы: патенттелген көк V (Е 131), хинолинді сары (Е 104), титанның қостотығы (Е 171), темірдің сары тотығы (Е 172), желатин
1 - Уролесанның қою сығындысы құрамында құрғақ қалдық болады: жабайы сәбіз жемістері – 1.84 мг, құлмақ бүрлері – 6.33 мг, жұпаргүл шөбі – 1.46 мг
Сипаттамасы
Корпусы мен қақпағы жасыл түсті, қатты желатинді капсулалар “0” нөмірімен. Капсуланың ішіндегісі – теңбілдері, бұрыш жалбызы мен самырсын майларының иісі бар жасылдау реңді сары-сұрдан сұрғылт-қоңыр түске дейінгі ұнтақ.
Фармакотерапиялық тобы
Урологиялық ауруларға арналған басқа да препараттар.
АТХ коды G04BХ
Фармакологиялық қасиеттері
Өсімдік тектес біріктірілген препарат. Уролесан® препаратының құрамдастары несеп шығару жолдары мен бүйректегі қабыну құбылыстарын азайтады, бүйрек пен бауырды қанмен қамсыздандырудың күшеюіне ықпал етеді, диуретикалық, бактерияларға қарсы, өт айдайтын әсер береді, несепте қорғаныш коллоидын түзеді және жоғары несеп жолдары мен өт қабы тегіс бұлшық еттерінің тонусын қалыпқа келтіреді.
Уролесан® мочевина мен хлоридтердің шығарылуын арттырады, қуық және бүйректен майда конкременттер мен құмның шығарылуына ықпал етеді.
Қолданылуы
- жедел және созылмалы бүйрек және несеп шығару жолдарының жұқпаларында (циститтер және пиелонефриттер)
- несептас ауруында және несеп қышқыл диатезінде (оларды жойғаннан кейін туындаған конкременттердің алдын алу)
- созылмалы холециститтер (оның ішінде калькулезді), өт жолдарының дискинезиясы, өт-тас ауруларында.
Қолдану тәсілі және дозалары
Тамақтану алдында ішу арқылы қабылдайды.
Ересектер үшін ұсынылатын доза 1 капсуладан тәулігіне 3 рет. Жедел жағдайларда (оның ішінде бүйрек және бауыр шаншуы кезінде) емдеу курсының ұзақтығы 5-тен 7 күнге дейін, созылмалы жағдайларда – 7 күннен 1 айға дейін. Бүйрек және бауыр шаншуы туындағанда бір реттік дозаны 2 капсулаға дейін бір мәрте жоғарылатуға болады, мұнан соң келесі қабылдауда әдеттегі бір реттік дозаға (1 капсула) оралған жөн.
Жағымсыз әсерлері
-
диспепсиялық құбылыстар (жүрек айну, құсу)
-
аллергиялық реакциялар (қышыну сезімі, беттің қызаруы, тері бөртпесі, ангионевротикалық ісіну, тамақтың жыбырлау сезімі, тыныс алудың қиындауы, беттің, тілдің ісінуі)
-
бас айналу, жалпы әлсіздік
-
артериялық гипертензия, гипотензия.
Қолдануға болмайтын жағдайлар
- препарат компоненттеріне жоғары сезімталдық
- гастриттер (сөліністік жеткіліксіздігі бар гастриттерден өзге), асқазан мен он екі елі ішектің ойық жара ауруы
- жүктілік және лактация кезеңі
- 18 жасқа дейінгі балаларға
Дәрілермен өзара әрекеттесуі
Басқа дәрілік заттармен өзара әрекеттесуі белгісіз.
Айрықша нұсқаулар
Егер конкременттердің диаметрі 3 мм асатын болса, препаратты қолдануға болмайды.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Жағымсыз әсерлерінің дамуы мүмкіндігін ескере отырып, сақтық таныту қажет.
Артық дозалануы
Симптомдары: жүрек айну, бас айналу.
Емі: жылы сұйықты көп мөлшерде ішу, тыныштық, белсенділендірілген көмір, атропин сульфаты (0,0005 – 0,001 г).
Шығарылу түрі және қаптамасы
10 капсуладан поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамаға салынған.
4 пішінді ұяшықты қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картоннан жасалған пәшкеге салынады.
Сақтау шарттары
Түпнұсқалық қаптамасында, 25 С -ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
2 жыл
Қаптамасында көрсетілген жарамдылық мерзімі өткеннен кейін қолдануға болмайды!
Дәріханалардан босатылу шарттары
Рецептісіз
Өндіруші
«Киевмедпрепарат» ААҚ
Украина, 01032, Киев қ., Саксаганский к-сі, 139
Тіркеу куәлігі иесінің атауы мен елі
«Киевмедпрепарат» ААҚ, Украина
Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы:
«Артериум» корпорациясының Қазақстан Республикасындағы өкілдігі
050060,Алматы қ., Әл-Фараби даңғылы, 97 үй, 3 подъезд, «54» кеңсе
Тел/факс: 8(727)315-82-09; 8(727)315-82-10;
Е-mail: office@arterium.kz
4