Уралит-У
Инструкция
-
русский
-
қазақша
Саудалық атауы
Уралит-У
Халықаралық патенттелмеген атауы
Жоқ
Дәрілік түрі
Ішке қабылдау үшін ерітінді дайындауға арналған түйіршіктер
Құрамы
Бір өлшеуіш қасықтың (2,5 г) құрамында:
белсенді зат: калийдің натрий гидроцитраты (гексакалий-гексанатрий-тригидро-пентацитраты) (6 : 6 : 3 : 5) – 2,4277 г,
қосымша заттар: лимон майы, сары-қызғылт сары бояғыш (Е 110), белсенді заттың гидратты суы*.
* - гидратациялану дәрежесі – 2-ден 4-ке дейінгі су молекуласы.
Сипаттамасы
Ашық- қызғылт сары түсті, спецификалық иісі бар, ұсақ дәнді түйіршіктер.
Алынған ерітінді мөлдір, ашық- қызғылт сары түсті, спецификалық иісі бар.
Фармакотерапиялық тобы
Нефроуролитиазды емдеуге арналған препараттар
АТХ коды G04BC
Фармакологиялық қасиеттері
Фармакокинетикасы
10 г калийдің натрий гидроцитратын қабылдағанда организмге шамамен
36 ммоль цитрат түседі, бұл адам организміндегі энергетикалық алмасуға қатысатын цитраттың тәуліктік құрамының 2% азырағына баламалы.
Цитраттар метаболизмге іс жүзінде толық ұшырайды. Қабылданған дозаның тек 1,5%-2% ғана несепте өзгермеген түрінде анықталады.
Калийдің натрий гидроцитратының тәуліктік дозасын қабылдағаннан кейін натрий мен калийдің баламалы мөлшері бүйрекпен 24-48 сағат бойына шығарылады. Препаратты ұзақ қабылдағанда натрий мен калийдің тәуліктік шығарылуы тәуліктік дозаға тікелей пропорционалды болып келеді.
Препарат қанның газдық құрамында және қан сарысуында электроролиттер құрамының елеулі өзгерістерін туындатпайды. Бүйрек қызметі қалыпты болғанда организмде натрий мен калийдің жинақталуы бақыланбаған.
Фармакодинамикасы
Уралит-У әлсіз қышқылдармен үйлескен күшті негіз тұзы болып табылады және несеп рН сілтілендіреді (бейтараптандырады), бұл жерде қышқыл компоненттері метаболизденеді.
Сілтінің қалдық иондарынан түзілген негіздің шектен тыс артығы бүйрекпен шығарылады және несеп рН жоғарылатады. Сілтілік цитраттардан цитрат иондары көмірқышқыл газы немесе бикарбонатқа дейін тотығу метаболикалық ыдырауға дейін ұшырайды. Препарат тиімділігі дозаға тәуелді болып табылады.
1 г калий-натрий-гидроцитраты (8,8 ммоль сілті) несеп рН 0,2–0,3 бірлікке жоғарылатады. Осының салдарынан диссоциация дәрежесі және несеп қышқылының ерігіштігі жоғарылайды.
Бикарбонаттың сарысулық концентрациясы (теріс зарядталған негіздің артығы) цитрат шығарылуын реттейді. Теріс зарядталған негіздің артығы алкалозды жасуша ішілік рН өзгерту жолымен индукциялайды (көтермелейді). Алкалоз бүйректегі цитраттың тубулярлық метаболизмін бәсеңсітеді, бұл цитрат сіңуінің төмендеуіне және оның шығарылуының жоғарылауына алып келеді.
Сонымен бірге алкалоз кальцийдің шамадан тыс бөлінуіне әсер етеді және кальцийдің несеппен шығарылуын азайтады. Несептің сілтіленуі цитрат шығарылуын жоғарылатады, кальцийдің шығарылуын азайтады, цитрат әлсіз сілтілік ортада кальциймен тұрақты кешен түзетіндіктен бұл кальций оксалаты түзілуін төмендетеді.
Сондықтан цитрат ионы - кальций оксалаты, кальций фосфаты және осы кристалдардың агрегациясын, кристалдануын физиологиялық тиімдірек тежегіш.
Қолданылуы
- несеп қышқылы тастарын еріту үшін
- құрамында кальций бар және несеп қышқылы тастарының, сондай-ақ аралас тастардың– кальций оксалаты/несеп қышқылы немесе кальций оксалаты/кальций фосфаты түзілуін (қайталанулардың алдын алу) болдырмау үшін.
Препаратты кешенді ем құрамында тағайындаған жөн.
Қолдану тәсілі және дозалары
Түйіршіктерді стақандағы суда еріту және ішу керек.
Несеп қышқылы тастарының түзілуі қайталануын алдын алу және еріту үшін.
Әдетте, күніне тамақтан кейін, үш рет қабылдауға бөлінген, 4 өлшеуіш қасықтан қабылдайды (88 ммоль сілтіге баламалы 10 г түйіршік ). Бір өлшеуіш қасықты таңертең қабылдайды, - 1 өлшеуіш қасықты – күндіз, және 2 өлшеуіш қасықты кешке.
Жаңа алынған несептің рН деңгейі 6,2-6,8 диапазонда болуы тиіс.
Егер рН мәні ұсынылған диапазоннан төмен болса, препараттың кешкі қабылдануына қоса отырып, тәуліктік дозаны өлшегіш қасықтың жартысына ұлғайту (11 ммоль сілті) керек.
Егер рН мәні ұсынылған диапазоннан жоғары болса тәуліктік доза кешкі дозаны азайту есебінен өлшегіш қасықтың жартысына (11 ммоль сілті) азайтылуы тиіс.
Уралит –У қабылдар алдында жаңа алынған несептің рН ұсынылған диапазон шегінде болса доза дұрыс таңдалған болып табылады.
Несеп қышқылы тастары түзілуін тойтару үшін несеп рН ұдайы тексеру ұсынылады.
Бүйректерде құрамында кальций бар тастар түзілуін алдын алу үшін.
Тәуліктік доза кешке бір рет 2-3 өлшеуіш қасықты құрайды (5-7,5 г түйіршік, 44-66 ммоль сілтіге баламалы ). Несеп рН мәні тым төмен болғанда 3-4,5 өлшеуіш қасықты (7,5-11,25 г түйіршік, 66-99 ммоль сілтіге баламалы ) қабылдау керек, тамақтан кейін күні бойына 2-3 рет қабылдауға.
Несеп рН 7,0 деңгейінде ұстап тұруға ұмтылу керек. рН деңгейі 6,2 төмен түспеуі тиіс немесе 7,4 жоғарыламауы тиіс.
Цитраттар деңгейін және/немесе несеп рН ұдайы бақылау керек және жеке дозаны жоғарыда көрсетілгендей тиісті түрде түзету керек.
Несеп рН өзгерістері.
Препаратты әрбір қабылдау алдында қаптамада болатын индикаторлық кағаз жолағын алып,оны қысқышпен (ол қоса беріледі) ұстап тұрып, жаңа несепке батырып алады. Содан соң ылғал жолақтың түсін түрлі-түсті диаграммамен салыстырады және тиісті түспен баспаланған рН мәнін белгілейді. рН мәнін және түйіршіктерімен қабылданған өлшеуіш қасық мөлшерін бақылау күнтізбесіне жазып қояды.
Емделуші бақылау күнтізбесін дәрігерге барғанда өзімен алып жүруі тиіс.
Жағымсыз әсерлері
- жиі: іштің айқын ауырулары
-сирек: диарея және жүрек айнуы
- аллергиялық реакциялар
Қолдануға болмайтын жағдайлар
- жедел немесе созылмалы бүйрек жеткіліксіздігі
- метаболикалық алкалоз
- тұқым қуалайтын адинамия
- мочевина ыдырататын бактериялардан туындайтын несеп шығару жолдарының (струвитті тастар түзілу қаупі) созылмалы жұқпасы
- құрамында натрий төмен болатын емдәм (ас тұзы)
- сыртартқысында препарат компоненттеріне аллергиялық реакциялар болуы
- 18 жасқа дейінгі балалық жаста
Дәрілермен өзара әрекеттесуі
Жасушадан тыс калий концентрациясының кез келген жоғарылауы жүрек гликозидтерінің тиімділігін бәсеңсітеді, сонымен бірге кез келген төмендеуі - жүрек гликозидтерінің аритмогендік әсерін күшейтеді. Альдостерон антагонистері, калий жинақтағыш диуретиктер, АӨФ тежегіштері, қабынуға қарсы стероидты емес дәрілер және анальгетиктер калийдің бүйрекпен экскрециясын азайтады. 1,0 г препарат құрамында 0,172 г немесе 4,4 ммоль калий барын еске ұстау керек.
Натрий құрамы төмен емдәм ұстанғанда, 1,0 г Уралит-У құрамында 0,1 г немесе 4,4 ммоль натрий барын, бұл 0,26 г натрий хлоридіне баламалы екенін ескеру керек.
Құрамында цитрат бар препараттарды құрамында алюминий бар препараттармен бір уақытта қабылдағанда алюминий сіңуін күшейтуі мүмкін. Егер осындай препараттарды қабылдау қажет болса, олардың әрқайсысын қабылдау аралығы кемінде 2 сағатты құрауы тиіс.
Айрықша нұсқаулар
Емді бастар алдында қатар жүретін аурулардың барлық жағдайын, оларды жоққа шығару үшін - қатар жүретін бүйректерде тас түзілуін анықтауға зерттеу жүргізу керек. Бұл спецификалық ем (қалқанша маңы безінің аденомасы, несеп қышқылы тастарының жайыла түзілуіндегі қатерлі ісікте және т.б.) жағдайларына да қатысты.
Бірінші қабылдар алдында сарысудағы электролиттер деңгейін анықтау және бүйрек қызметін тексеру керек. Одан басқа, бүйрек өзекшелік ацидозына (БӨА) күмән болғанда қышқыл-сілтілік статусын тексеру керек.
Бауыр қызметі ауыр бұзылуы бар емделушілерде Уралит-У препаратын сақтықпен қолдану керек.
Уралит-У құрамында сенсибилизацияланған адамдарда демікпеге қоса аллергия туындатуы мүмкін сары-қызғылт сары (Е 110) бояғышы бар.
Аллергиялық реакциялар көбіне ацетилсалицил қышқылына өте жоғары сезімталдығы бар адамдарда жиі бақыланады.
Цистинурияның және цистинді тастар түзілуінің алдын алу:
несеп сілтіленуі цистин ерігіштігін жоғарылатады, несеп рН 7,5–8,5 мәнге жетуі тиіс;
Цитостатиктермен емдеу: цитостатиктармен ем кезеңіндегі несеп реакцияларын сілтілік жағына ығыстыру несеп қышқылы элиминациясын жоғарылату мақсатында көрсетілген (несеп қышқылы тастары түзілуінің алдын алу). Бұдан басқа, цитостатик метаболиттерінің теріс әсерін төмендету және цитостатиктердің (мысалы, оксазафосфорлы цитостатиктер) және олардың метаболиттерінің ергіштігін жоғарылату, тиісінше; жолымен несептің сілтілік реакцияларының алдын алу әсері нақтыланған; несеп рН 7 деңгейінде ұстау керек;
Терінің кешеуілдеген порфириясында декарбоксилаза уропорфириноген жеткіліксіздігі бақыланады, бұл жерде уропорфириногенді копропорфириногенге метаболиздейді. Метаболикалық сілтілеу мақсаты —копропорфирин клиренсін жоғарылату мақсатында бүйректік өзекшелер арқылы копропорфириннің кері диффузиясының алдын алады.
Копропорфириногеннің жоғары экскрециясы салдарынан уропорфириногеннен копропорфириноген синтезделуі жоғарылайды, бұл уропорфирин айналымы төмендеуімен қатар жүреді; несеп рН 7,2–7,5 болуы тиіс.
Жүктілік және лактация
Уралит-У жүкті әйелдерде қолдану туралы клиникалық деректер жеткіліксіз. Белсенді ингредиент организмдегі қалыпты бар заттар біріктірілімі болғандықтан препаратты жүктілікте және лактация кезеңінде дозалау дойынша көрсетілген ұсыныстарға сай қабылдауға болады.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері.
Әсер етпейді.
Артық дозалануы
Бүйрек қызметі қалыпты болғанда тіпті ұсынылған дозадан артатын доза қабылдағаннан кейін метаболизм көрсеткіштеріне ықтимал жағымсыз әсері жоқ, өйткені бүйректен сілтінің артық мөлшері шығарылуы қышқыл-сілтілік теңгерімді қамтамасыз ететін реттеудің табиғи механизмі болып табылады.
рН жоғары деңгейінде фосфаттардың кристалдану қаупі жоғарылайтындықтан несеп рН ұсынылған диапазоннан жоғары артуы бірнеше күннен әрі жалғаспауы тиіс және қалайда жағымсыз болып табылатын метаболикалық алкалоз туындауы мүмкін.
Артық дозалануын доза төмендетумен басады; қажет болғанда метаболикалық алкалозды түзету жүргізеді.
Шығарылу түрі және қаптамасы
280 г түйіршіктен полипропиленді төсеніші бар және бұралып кигізілетін полипропиленді қақпағы бар полипропилен контейнерге салынған.
1 контейнерден полистиролды өлшеуіш қасық, қысқыш, индикатор қағазы және бақылау күнтізбесімен бірге полиэтиленді пакетке салынған. Пакет медицинада қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған.
Сақтау шарттары
250С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
5 жыл
Қаптамасында көрсетілген жарамдылық мерзімі өткеннен кейін қолдануға болмайды!
Дәріханадан босатылу шарттары
Рецепт арқылы
Өндіруші
Плантэкстракт ГмбХ и Ко. КГ,
Люттихер Штрассер, 5
53842 Тройсдорф, Германия
Тіркеу куәлігінің иесі
Мадаус ГмбХ, 51101 Кёльн, Германия
Тел/факс: +49 221 8998-0 / 49 221 8998-701
Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы:
«Роттафарм С.П. А.» (Италия) фирмасының Мәскеудегі өкілдігі
117321, Мәскеу, Островитянов к., 14 үй, 108 кеңсе
Тел/факс: (495) 937-85-04 / (495) 937-85-01
Е-mail: Yaroslava.chuprinova@rotta.ru