Ультракаин® ДС форте

• русский
• қазақша

• Скачать инструкцию медикамента

Саудалық атауы

Ультракаин® ДС форте

Халықаралық патенттелмеген атауы

Жоқ

Дәрілік түрі

Инъекцияға арналған 1:100000 ерітінді

Құрамы

1 мл ерітіндінің құрамында

белсенді заттар: 40 мг артикаин гидрохлориді

0,012 мг эпинефрин гидрохлориді,

қосымша заттар: натрий метабисульфиті, натрий хлориді, 10% хлорсутек қышқылы, натрий гидроксиді, инъекцияға арналған су.

Сипаттамасы

Мөлдір түссіз сұйықтық

Фармакотерапиялық тобы

Анестетиктер. Жергілікті анестетиктер. Амидтер. Басқа препараттармен біріктірілген артикаин.

АТХ коды N01BB58

Фармакологиялық қасиеттері

Фармакокинетикасы

Артикаиннің қан сарысуындағы плазма ақуыздарымен байланысуы 95% құрайды. Ауыз қуысының шырышты қабығының астына енгізгеннен кейінгі жартылай шығарылу кезеңі 25,3 ± 3,3 минутты құрайды.

Артикаиннің 10%-ы негізінен плазмалық және тіндік эстеразалармен бауырда метаболизденеді. Артикаин содан соң негізінен артикаин қышқылы түрінде бүйрек арқылы шығарылады.

Балаларда вестибулярлық инфильтрациядан кейін жалпы әсері ересектердегі әсерге ұқсас, бірақ сарысудағы ең жоғарғы концентрациясына тез жетеді.

Фармакодинамикасы

Ультракаин® ДС және Ультракаин® ДС форте стоматологияда терминальді және өткізгіш анестезияда қолданылатын амидтік типтегі жергілікті анестетиктер болып табылады. Бұл ауыруды басатын күшті әсер беретін және тіндік жағымдылығы жақсы тез (жасырын кезеңі - 1-3 мин) әсер ететін препараттар. Тиімді анестезия ұзақтығы Ультракаин ДС үшін шамамен 45 минутты және Ультракаин ДС форте үшін 75 минутты құрайды.

Артикаиннің әсер ету механизмі, шамамен, жасушалық жарғақшада потенциалға тәуелді Na+ өзекшелерінің бөгелуі салдарынан жүйке талшықтары өткізгіштігінің тежелуіне негізделеді.

Педиатриялық популяция

3,5 жастан 16 жасқа дейінгі 210 емделушінің қатысуымен жүргізілген клиникалық зерттеулер Ультракаин® ДС артикаинді 5 мг/кг-ге дейін дозалағанда және Ультракаин® ДС 7 мг/кг дейін дозалағанда (мандибулярлы) инфильтрациялық немесе (максиллярлы) өткізетін анестезияда барынша жеткілікті жергілікті жансыздандыруды қамтамасыз ететінін көрсетті. Жансыздандыру ұзақтығы барлық жас тобында бірдей болды және енгізілген препараттың көлеміне байланысты болды.

Қолданылуы

Ультракаин® ДС:

Қарапайым операцияларда, мысалы, бір немесе бірнеше тістерді асқындырмай жұлғанда, тісжегі қуыстары және қаптама астындағы тістерді өңдегенде.

Ультракаин® ДС форте:

- қарқынды ишемияны қажет ететін шырышты қабықтарға және сүйектерге операция жасағанда

- тіс пульпасына операция жасағанда (ампутация және экстирпация)

- сынған тісті жұлғанда (остеотомия)

- ұзақ операция жасағанда

- тері арқылы жасалатын остеосинтезде

- кистаны алып тастағанда

- мукогингивальді операцияларда

- тіс түбірінің ұшының резекциясында

Қолдану тәсілі және дозалары

Егер қабыну болмаса, жоғарғы жақ сүйегіндегі тістерді асқындырмай жұлғанда тісте вестибулярлы жағынан препараттан әдетте 1,7 мл-лік қор жасау жеткілікті. Жекелеген жағдайларда толық анестезияға қол жеткізу үшін вестибулярлы жағынан қосымша 1 мл-ден 1,7 мл-ге дейін енгізу қажет етілуі мүмкін. Әдетте ауыртатын таңдай инъекциясы қажет емес.

Таңдайда қор жасау үшін таңдай аймағын кескенде немесе тігістер салғанда әрбір инъекцияға 0,1 мл-ге жуық препарат жеткілікті.

Қатар орналасқан бірнеше тістерді жұлғанда көп жағдайларда қажетті вестибулярлық инъекциялар санын шектеуге болады.

Қабыну жоқ болғанда төменгі жақ сүйегіндегі кіші азу тістерді асқындырмай жұлған жағдайда мандибулярлы анестезия қажет емес, өйткені әдетте тіске 1,7 мл инъекция арқылы анестезия жасау жеткілікті. Алайда анестезия толық болмаған жағдайда қосымша 1-1,7 мл вестибулярлы инъекция керек болады. Төменгі жақ сүйектік блокада әдісімен жасалатын әдеттегі анестезия жоғарыда айтылған әдістермен толық анестезия жасауға қол жеткізе алмаған жағдайда ғана қолданылады.

Қуыстарды өңдегенде және тіс қабы астындағы тістерді егегенде, төменгі азу тістерді қоспағанда, тіске Ультракаин® ДС 0,5-1,7 мл дозасын вестибулярлы енгізу қолданылады, жекелей дозасы емдеу көлемі мен ұзақтығына байланысты.

Оперативтік араласу жасау үшін Ультракаин ДС форте дозасын ауырлығына және операциялардың ұзақтығына байланысты жекелей таңдау керек.

Ересектерде емдеу курсы бойы Ультракаинді® (артикаин) 1 кг дене салмағына шаққанда 7 мг-ға дейінгі дозада енгізуге болады. 500 мг-ға дейінгі дозалардың (12,5 мл инъекциялық ерітіндіге баламалы) жағымдылығы аспирациялық техника қолдану кезінде жақсы болады.

Егде жастағы емделушілер және бауыр мен бүйрек функциясының ауыр бұзылулары бар емделушілер

Егде жастағы емделушілерде және бүйрек және бауыр функциясының ауыр бұзылулары бар емделушілерде плазмада артикаиннің концентрациялары жоғарылауы мүмкін. Мұндай емделушілерде анестезияны барынша тереңге жеткізу үшін препаратты қажетті ең төмен дозаларда қолданғанда ерекше сақ болған жөн.

Педиатриялық популяция

Балалар үшін Ультракаин® ДС немесе Ультракаин® ДС фортені тиісті анестезияға қол жеткізуге қажетті ең аз мөлшерде пайдалану керек; инъекция көлемі сәбидің жасына және дене салмағына байланысты жекелей таңдап алынады, бірақ 1 кг дене салмағына шаққанда 7 мг артикаиннен аспауы керек.

Препараттың тиімділігі мен қауіпсіздігі 3,5 жастан төмен балаларда анықталған жоқ. Сондықтан препарат 3,5 жастан кіші балаларға ұсынылмайды.

Қолдану тәсілі

Ультракаин® ДС және Ультракаин® ДС форте ауыз қуысының шырышты қабығы арқылы енгізуге арналған.

Инъекция алдында қантамыр ішіне еніп кетуіне жол бермеу үшін әрдайым аспирациялық сынама жасау керек. Аспирация екі сатымен жасалады, яғни инені 90°-қа бұру арқылы немесе, тіпті 180°-қа бұрса, өте жақсы. Осы мақсатта картридждері пайдаланған жағдайда әсіресе Юниджект® K немесе Юниджект® K варио инъекциялық еккіштер жарамды. Кездейсоқ тамырішілік инъекция нәтижесінде болатын негізгі жүйелік реакцияларды көптеген жағдайда инъекция техникасы көмегімен – аспирациядан кейін болдырмауға болады, баяу енгізу 0,1-0,2 мл және қалған мөлшерін баяу енгізу – кем дегенде 20-30 секунд өткенде. Инъекциялық қысым инъекция орнындағы тіндер сезімталдығына сәйкес келуі тиіс.

Қолайлы еккіштерді пайдалану (инфильтрациялық анестезия үшін Юниджект® K немесе Юниджект® K варио және байламішілік анестезия үшін Ультраджект® ) шынының бүлінуден барынша қорғалуын және бір қалыпты енгізілуін қамтамасыз етеді. Бүлінген картридждерді инъекциялар үшін пайдалануға болмайды.

Жұқпалану қаупіне (мысалы, гепатиттің жұғуы) жол бермеу үшін ерітіндіні құйып алуға арналған еккіштер және инелер әрдайым жаңа және стерильді болуы тиіс. Егер ол бұлыңғыр немесе түсі өзгеріп кетсе, бұл дәрілік затты қолдануға болмайды. Ерітінді мөлдір және түссіз болуы тиіс.

Жартылай пайдаланылған көп дозалы құтыларды нұсқаулық бойынша сақтау ұсынылады және алғашқы пайдаланғаннан кейін 2 күн ішінде құтының ішіндегісін толық пайдалану қажет. Ампула ішіндегісінің алғашқы пайдалану күнін заттаңбада көрсету керек.

Жағымсыз әсерлері

Жиілігі белгісіз

- инъекция жасалған жерде ісіну және/немесе қабыну реакциялары түріндегі аса жоғары сезімталдық реакциялары (аллергиялық немесе псевдоаллергиялық сипаттағы), тері жабындарының эритемасы, қышыну, конъюнктивит, ринит, жоғарғы және/немесе төменгі еріннің және/немесе ұрттың ісінуімен бірге беттің ісінуі (Квинке ісінуі), «тамақта түйір» тұрғандай және жұтыну қиындайтын, есекжеммен және тыныстың тарылуымен сезілетін дыбыс байламдарының ісінуі жатады, олар анафилактикалық шокқа ұласуы мүмкін

- орталық жүйке жүйесі тарапынан дозаға тәуелді реакциялар (әсіресе шамадан тыс жоғары дозада немесе әдейі жасалмаған қантамырішілік инъекциялар): ажитация, күйгелектік, ступор (кейде естен тануға дейін өршитін), кома, тыныстың нашарлауы, кейде тыныстың тоқтап қалуына дейін үдейтін, бұлшықет треморы және бұлшықеттің жыбырлауы, кейде жайылған құрысуларға ұласады

- инъекция жасалған жердегі анатомиялық жағдайлар немесе инъекция техникасының дұрыс болмауы салдарынан бет жүйкесінің парезі, дәм сезудің төмендеуі,

- өтпелі көру бұзылыстары (көрудің көмескіленуі, заттың көзге қосарланып көрінуі, қарашықтың ұлғаюы, соқырлық)

- жүрек аритмиясы, артериялық қысымның жоғарылауы, гипотензия, брадикардия, жүрек жеткіліксіздігі және шок (өмірге қауіп төндіруі мүмкін)

- кездейсоқ тамыр ішіне енгізгенде енгізілген орында кейде тін некрозына дейін үдейтін ишемия аумағы пайда болуы мүмкін («Енгізу тәсілі мен дозаларды» қараңыз).

Жиі (≥ 1/100 < 1/10)

- парестезия, гипестезия, бас ауыруы (препарат құрамында адреналиннің болуы салдарынан болуы мүмкін)

- жүрек айнуы, құсу

Жиі емес (≥ 1/1000 < 1/100)

-бас айналу

- тахикардия

Өте сирек

- құсу, диарея, ысылдап дем алу, демікпенің жедел ұстамалары, сананың бұзылуы немесе шок (натрий метабисульфитке аллергиялық реакция)

Қолдануға болмайтын жағдайлар

- препарат компоненттеріне жоғары сезімталдық

Ультракаин® ДС және Ультракаин® ДС форте құрамында артикаин болғандықтан, препаратты келесі жағдайларда пайдалануға болмайды:

• амидтік типтегі жергілікті жансыздандыратын басқа дәрілерге жоғары сезімталдық

• жүрек импульсінің және өткізгіштігінің қалыптасуының ауыр бұзылулары (мысалы, 2 немесе 3 дәрежелі атриовентрикулярлы бөгет, айқын брадикардия)

• жүректің декомпенсацияланған жедел жеткіліксіздігі (жедел іркілісті жүрек жеткіліксіздігі)

• ауыр гипотензия

Құрамында эпинефрин болғандықтан, Ультракаин® ДС мен Ультракаин® ДС фортені мыналарда пайдалануға болмайды:

• жабықбұрышты глаукомасы бар емделушілерде

• гипертиреозы бар емделушілерде

• пароксизмальді тахикардиясы немесе жүрек соғысы жиілейтін абсолютті аритмиясы бар емделушілерде

• жуырда (3-тен 6 айға дейін) миокард инфарктін басынан өткерген емделушілерде

• жуырда (3 ай бұрын) коронарлық шунттауды басынан өткерген емделушілерде

• кардиоселективті емес бета-адреноблокаторлар (мысалы, пропранолол) қабылдап жүрген емделушілерге (гипертониялық криздің немесе ауыр брадикардияның пайда болу қаупі)

• феохромоцитомасы бар емделушілерде

• ауыр артериялық гипертензиясы бар емделушілерде

• үш циклдік антидепрессанттармен немесе МАО (моноаминоксидаза) тежегіштерімен бір мезгілде емдегенде, өйткені осы белсенді заттар адреналиннің жүрек-қантамыр жүйесіне ықпалын күшейтуі мүмкін. Бұл МАО тежегіштерімен емдеуді аяқтағаннан кейін 14 күнге дейін болуы мүмкін

-көктамыр ішіне енгізуге болмайды.

Дәрілермен өзара әрекеттесуі

Жансыздандыратын әртүрлі заттарды біріктіру жүрек-қантамыр жүйесіне және ОЖЖ (орталық жүйке жүйесіне) аддитивті әсер етуіне себеп болады.

Артериялық қысымды арттыратын, симпатомиметиктер типті (эпинефрин сияқты) қантамырларды тарылтатын әсері үшциклдік антидепрессанттармен немесе МАО тежегіштерімен күшеюі мүмкін, сондықтан оларды қолдануға болмайды.

Ультракаин® ДС және Ультракаин® ДС форте кардиоселективті емес бета-адреноблокаторларды (мысалы, пропранолол) қабылдайтын емделушілерде пайдаланылмауы тиіс. Эпинефрин инсулиннің ұйқы безінен бөлініп шығуын бөгеуі мүмкін, соның салдарынан диабетке қарсы пероральді препараттардың тиімділігі төмендейді.

Ингаляциялық наркозға арналған кейбір дәрілер, мысалы, галотан, миокардтың катехоламиндерге сезімталдығын арттырып, осылайша, Ультракаин ДС және Ультракаин ДС фортені қабылдағаннан кейін аритмияны туындатуы мүмкін.

Тромбозға қарсы дәрілерді (мысалы, гепаринді немесе ацетилсалицил қышқылын) қабылдап жүрген емделушілерде жергілікті анестезия кезінде байқамай қантамырды шаншып алу ауыр қан кетуді тудыруы мүмкін (мұндай емделушілерде, әдетте, қан кетуге бейімдіктің жоғарылауы байқалған).

Айрықша нұсқаулар

Холинэстераза тапшылығы бар емделушілерде Ультракаин® ДС және Ультракаин® ДС форте препаратын ерекше көрсетілімдерде ғана қолданған жөн, өйткені препараттың әсері ұзаққа созылуы және кейде әсері шамадан тыс күшеюі мүмкін.

Ультракаин® ДС және Ультракаин® ДС форте препаратын мынадай жағдайларда аса сақтықпен қолданған жөн:

- қан ұюының бұзылуында

- бүйрек немесе бауыр функциясының ауыр бұзылуларында

- галогенделген ингаляциялық анестетиктермен қатар емдегенде ( «Дәрілермен өзара әрекеттесуі» бөлімін қараңыз)

- сыртартқысында эпилепсия болғанда («Жағымсыз әсерлерін» қараңыз)

Бұдан бөлек, Ультракаин ДС және Ультракаин ДС фортені төмендегілері бар еделушілерге эпинефриннің ең аз мөлшерін ескере отырып сақтықпен тағайындау керек:

-жүрек-қантамыр аурулары (мысалы, жүрек жеткіліксіздігі, жүректің ишемиялық ауруы, стенокардия, сыртартқысында миокард инфарктісі бар, жүрек аритмиясы, гипертензиясы бар)

- атеросклероз

- ми қан айналымының бұзылулары бар, сыртартқыда инсульттің болуы,

- созылмалы бронхиті, өкпе эмфиземасы

- қант диабеті

- қатты мазасыздану сезімдері

Қабынған (жұқпаланған) жерлерге инъекция жасауға болмайды (тиімділігі төмендегенде Ультракаин ДС және Ультракаин ДС форте сіңуі күшейеді).

Осы препаратты пайдаланар алдында емделушіге ауру тарихы, қатар жүретін ем туралы сұрақтар қою керек, емделушімен арада диалог орнату және аллергияның даму қаупі болған жағдайда тиісті 5 немесе 10% доза мөлшерінде препаратты сынама түрінде енгізу қажет.

Жағымсыз құбылыстарды болдырмау үшін төмендегі ережелерді орындау қажет:

• тиімділігі барынша аз дозаны таңдау

• инъекция алдында екі сатылы аспирацияны (кездейсоқ болатын қантамырішілік инъекцияға жол бермеу үшін)

Емделушілер анестезия әсері аяталмайынша, ас қабылдауды тоқтата тұруы керек.

Жүйкелердің зақымдануы теориялық тұрғыдан алғанда инъекция жасалған жердегі анатомиялық жағдайлар немесе инъекция техникасының дұрыс болмауы салдарынан кез келген стоматологиялық операцияда болуы мүмкін. Мұндай жағдайларда бет жүйкесі зақымдалуы мүмкін және оның парезі болуы мүмкін. Бұл дәм сезудің төмендеуіне әкелуі мүмкін.

Бас аймағына жергілікті анестезиялаушы дәрілермен инъекция жасау кезінде немесе одан кейін қысқа уақыт ішінде туындайтын көрудің өткінші бұзылулары (көрудің көмескіленуі, көзге қосарланып көріну, қарашықтың ұлғаюы, соқырлық).

Құрамында натрий метабисульфиті бар болғандықтан, препарат өте сирек жағдайларда, әсіресе бронх демікпесі бар емделушілерде жоғары сезімталдық реакцияларын туындатуы мүмкін. Мұндай реакциялар құсу, диарея, ысылдап дем алу, демікпенің жедел ұстамалары, сананың бұзылуы немесе шок түрінде білінуі мүмкін.

Метил-4-гидроксибензоат (Е.Ф.) аллергиялық реакцияларды (мүмкін, баяулаған) және, төтенше жағдайларда, бронхтың түйілуін тудыруы мүмкін.

Көктамыр ішіне енгізуге болмайды

Ультракаин® ДС және Ультракаин® ДС форте құрамында эпинефрин болғандықтан, ишемия қаупіне байланысты препараттарды аяқ-қолды (мысалы, саусақтарды) жансыздандыру үшін тағайындамайды. Ультракаин® ДС және Ультракаин® ДС форте сульфиттерге асқын сезімталдығы бар бронх демікпесіне шалдыққан науқастарға қолданбаған жөн. Мұндай адамдарда Ультракаин ДС мен Ультракаин ДС форте бронхтың түйілуі сияқты анафилактикалық симптомдары бар жедел аллергиялық реакцияларды тудыруы мүмкін.

Педиатриялық популяция

Жарияланған зерттеулерде қауіпсіздік бейіні ересектермен салыстырғанда 4-тен 18 жасқа дейінгі балалар мен жасөспірімдерде ұқсас болды. Дегенмен жұмсақ тіндердің кездейсоқ зақымданулары жұмсақ тіндердің ұзақ уақыт жансыздануына байланысты (балалардың 16 %-на дейін) жиі байқалады, әсіресе 3-7 жастағы балаларда. 1-ден 4 жасқа дейінгі 211 балаға жүргізілген ретроспективтік зерттеулерде стоматологиялық емдеу жағымсыз әсерлерсіз Ультракаин ДС немесе Ультракаин ДС форте дозаларын 4,2 мл-ге дейін пайдалану арқылы жүргізілді.

Жасы кіші балалардың тәрбиешілеріне жұмсақ тіндердің ұзақ уақыт жансыздануы салдарынан өздігінен тістеумен байланысты жұмсақ тіндердің кездейсоқ қаупі туралы ескертіп қою керек.

Препараттың тиімділігі мен қауіпсіздігі 3,5 жастан төмен балаларда анықталған жоқ. Сондықтан препарат 3,5 жастан кіші балаларға ұсынылмайды. Ультракаин® ДС и Ультракаин® ДС форте құрамында натрий бар, бірақ 1 мл-де натрий 1 ммольден аспайды (23 мг).

Жүктілік

Артикаинді жүкті әйелдерге қолдану тәжірибесі, босану кезінде қолдану жағдайынан басқасында, жоқ. Клиникаға дейінгі зерттеулер артикаиннің жүктілікке, эмбрион/ұрықтың дамуына, босануға немесе постнатальді дамуға тікелей немесе жанама ықпалын байқаған жоқ; бірақ адреналиннің ұрпақ өрбіту жүйесіне максимальді ұсынылған дозадан асқанда уытты әсер ететінін көрсетті. Басқа анестетиктерге қарағанда, артикаин аз дәрежеде өтсе де, адреналин және артикаин плацентарлы бөгет арқылы өтеді. Жаңа туған нәрестелерде өлшенген артикаиннің қан сарысуындағы концентрациясы анасындағы концентрация деңгейінің шамамен 30%-ын құрады. Эпинефринді әйел ананың байқамай қантамыр ішіне енгізіп алған жағдайда ол жатырдың қанмен жабдықталуын төмендетуі мүмкін. Жүктілік кезінде Ультракаин ДС және Ультракаин ДС форте препаратын пайдасы мен қаупі арақатынасына мұқият талдау жасағаннан кейін ғана қолданған жөн.

Эпинефрин мөлшері аз болғандықтан, Ультракаин ДС (1:200000) пайдаланған дұрыс.

Лактация

Қандағы концентрация деңгейінің тез төмендеуі және тез шығарылуы салдарынан, емшек сүтінен артикаин клиникалық тұрғыдан маңызды көлемде табылмайды. Эпинефрин емшек сүтіне түседі, бірақ жартылай шығарылу кезеңі қысқа болады. Әдетте қысқа мерзімге қолданғанда емшек емізуді тоқтатудың қажеті жоқ.

Фертилділік

40 мг/мл артикаин + 0,01 мг/мл эпинефринмен клиникалық зерттеу фертилдікке әсер етуін көрсетпеген. Емдік дозаларда адамның ұрпақ өрбіту функциясына жағымсыз әсері күтілмейді.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Ультракаин ДС немесе Ультракаин ДС фортені қолданғаннан кейін, емделушінің автомобильді немесе механизмдерді қай кезде қайта басқара алатындығын стоматолог шешуі тиіс. Науқастың оперативтік араласымнан болған мазасыздануы және күйзеліс жұмыс істеу қабілетіне ықпалын тигізуі мүмкін; дегенмен тиісті зерттеулер барысында артикаинмен жергілікті анестезия жасау көлік жүргізу қабілетінің елеулі нашарлауына әкелген жоқ.

Артық дозалануы

Симптомдары:

ОЖЖ стимуляциясы: қозу жағдайы, мазасыздық, сананың шатасуы, гиперпноэ, тахикардия, артериялық қысымның жоғарылап, беттің қызаруы, жүректің айнуы, құсу, тремор, бұлшықеттің тартылуы, тоникалық-клоникалық эпилепсиялық ұстамалар.

ООЖ басылуы: бас айналу, естудің нашарлауы, сөйлей алмау, естен тану, бұлшықет атониясы, вазомоторлы салдану (әлсіздік, бозару), диспноэ, тыныстың салдануынан өлім.

Жүрек-қантамыр жүйесінің басылуы: брадикардия, аритмия, қарыншалардың фибрилляциясы, артериялық қысымның төмендеуі, цианоз, жүректің тоқтап қалуы.

Емі: бас айналу, қимыл-қозғалыс қозуы немесе мелшию сияқты жағымсыз әсерлер немесе уытты әсер етуі алғаш білінгенде, инъекцияны тоқтатқан және емделушіні көлденең жатқызған жөн. Емделушінің тыныс алу жолдарының өткізгіштігін қамтамасыз еткен жөн және тамырдың соғуы мен артериялық қысымды бақылау керек.

Тіпті егер уыттану симптомдары ауыр болмаса да, қажет болған жағдайда дереу көктамырішілік инъекция жасау үшін көктамырішілік катетер қою керек.

Тыныс алу бұзылғанда, олардың ауырлығына байланысты, оттегі беру керек, ал қажет болса - жасанды дем алдыру, сондай-ақ қажет жағдайда эндотрахеальді интубация және өкпеге басқарылатын желдету жүргізу керек.

Бұлшықеттің тартылуы немесе денеге жайылған құрысулар қысқа әсерлі спазмолитиктерді (мысалы, суксаметоний хлоридін, диазепамды) көктамыр ішіне енгізу арқылы қайтуы мүмкін. Бұдан басқа, өкпені жасанды түрде (оттегімен) желдету керек.

Артериялық қысымның төмендеуі, тахикардия немесе брадикардия емделушіні жатқызу немесе басын сәл төмендетіп жатқызу арқылы тоқтатылуы мүмкін.

Қан айналымының ауыр бұзылуларында және шокта, олардың себебіне қарамай-ақ, препаратты енгізуді тоқтату және келесі шұғыл шараларды қолдану қажет:

- емделушіні көлденең жатқызу немесе басын төмен салып жатқызу және тыныс жолдарының өткізгіштігін қамтамасыз ету керек (оттегі беру)

- көктамырішілік құюды қамтамасыз ету (теңдестірілген электролиттік ерітінділерді)

- глюкокортикоидтарды көктамыр ішіне құю (мысалы, 250-1000 мг преднизолонды немесе туындысы, мысалы, метилпреднизолонның баламалы көлемін)

- айналымдағы қан көлемінің орнын толтыру (қосымша, қажет болған жағдайда, плазманың орнын алмастырғыштармен, адам альбуминімен).

Қантамырлық коллапс және өршитін брадикардия дамыған жағдайында эпинефрин (адреналин) ерітіндісін дереу көктамыр ішіне енгізу керек. 1 мл 1:1000 эпинефриннің стандартты ерітіндісін 10 мл-ге дейін сұйылту (оның орнына 1:10000 эпинефрин ерітіндісін пайдалануға болады) және, тамырдың соғуын және артериялық қысымды бақылай отырып (жүрек аритмиясы пайда болуы мүмкін), көктамыр ішіне 0,25–1 мл-лік осы ерітіндіні (0,025–0,1 мг эпинефрин) енгізу керек. Көктамырішілік бір инъекцияға 1 мл-ден артық (0,1 мг эпинефринді) енгізбеген жөн. Қосымша дозалар қажет болғанда оларды инфузиялық ерітінділермен бірге енгізу керек (инфузия жылдамдығы жүректің жиырылу жиілігін және артериялық қысымды есепке ала отырып, реттеледі).

Тахикардияның және тахиаритмияның ауыр түрлері аритмияға қарсы препараттарды қолдану арқылы қайтарылуы мүмкін, алайда пропранолол сияқты кардиоселективті емес бета-блокаторларды пайдаланбаған жөн («Қолдануға болмайтын жағдайларды» қараңыз). Мұндай жағдайларда оттегіні қолдану және гемодинамика көрсеткіштерін бақылау қажет. Гипертониядан зардап шегіп жүрген науқастарда артериялық қысым жоғарылағанда, қажет болған жағдайда, шеткергі вазодилататорларды қолдану керек.

Шығарылу түрі және қаптамасы

Түссіз шыны картриджде 1.7 мл ерітіндіден салынған.

10 картриджден картоннан жасалған ұяшықты қаптамаға салынған.

Ұяшықты 10 қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

Жарықтан қорғалған жерде, 30оС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

30 ай

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

Санофи-Авентис Дойчланд ГмбХ, Германия

Орналасқан мекенжайы: Брюнингштрассе, 50, D-65926, Франкфурт-на-Майне, Германия

Тіркеу куәлігінің иесі

Санофи-Авентис Дойчланд ГмбХ, Германия

Қазақстан Республикасы аумағында тұтынушылардан өнім (тауар) сапасы жөнінде шағымдарды қабылдайтын ұйымның мекенжайы

«Санофи-авентис Қазақстан» ЖШС

Қазақстан Республикасы, 050016, Алматы, Қонаев к-сі 21Б

телефон: +7 (727) 244-50-96

факс: +7 (727) 258-25-96

e-mail: quality.info@sanofi.com