Тутукон Нео
Инструкция
-
русский
-
қазақша
Дәрілік препаратты медициналық қолдану жөніндегі нұсқаулық (Қосымша парақ)
Саудалық атауы
Тутукон Нео
Халықаралық патенттелмеген атауы
Жоқ
Дәрілік түрі, дозасы
Ішуге арналған ерітінді, 250 мл
Фармакотерапиялық тобы
Несеп-жыныс жүйесі және жыныс гормондары. Урологиялық препараттар. Басқа урологиялық препараттар.
АТХ коды G04BX.
Қолданылуы
Тутукон пероральді ерітіндісі ересектердегі бөліп шығару функциясын жақсарту үшін қолданылатын, өсімдіктен алынған дәрілік зат.
Қолдануды бастағанға дейін қажетті мәліметтер тізбесі
Қолдануға болмайтын жағдайлар
- әсер етуші заттарына немесе қосымша заттарының кез келгеніне аса жоғары сезімталдық
- сұйықтықты көп тұтынуға болмайтын (жүректің немесе бүйректің белгілі бір аурулары сияқты) аурулар
- гастрит
- простатит
- өт жолдарының обструкциясы, бауыр ауралары, өт қалтасындағы тастар немесе өт шығару жолдарының медициналық қадағалауды қажет ететін басқа бұзылулары
- балалар мен 18 жасқа дейінгі жасөспірімдерге
Басқа дәрілік препараттармен өзара әрекеттесуі
Басқа препараттармен өзара әрекеттесуі анықталған жоқ.
Арнайы ескертулер
Ұсынылған дозасын арттырмау керек.
Егер пациентте несеп шығару жолдарының қайталанатын инфекциялары болса немесе аяқтары ісінсе, Тутукон пероральді ерітіндісін қабылдауды бастамас бұрын дәрігермен немесе фармацевтпен кеңесу қажет.
Педиатрияда қолданылуы
Балалар мен 18 жасқа дейінгі жасөспірімдерде қолдануға болмайды.
Жүктілік немесе лактация кезінде
Жүктілік
Препараттың жүкті әйелдерде қолданылуы жөнінде клиникалық ақпарат жоқ. Жүктілік кезінде пайдаланылуының қауіпсіздігі анықталмаған, жеткілікті ақпарат болмаған жағдайда, бұл дәріні жүктілік кезінде пайдалану ұсынылмайды.
Лактация
Бала емізу кезінде пайдаланылуының қауіпсіздігі анықталмаған. Жеткілікті ақпарат болмаған жағдайда, препаратты лактация кезінде қолдану ұсынылмайды.
Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Препарат көлік құралын немесе қауіптілігі зор механизмдерді басқару қабілетіне әсер етпейді.
Қолдану жөніндегі нұсқаулар
Дозалау режимі
Ересектер
7 мл Тутукон пероральді ерітіндісі күніне 3 рет. Емдеудің ұсынылатын ұзақтығы 2 аптаны құрайды.
Балалар
18 жасқа дейінгі балаларда Тутукон пероральді ерітіндісінің қауіпсіздігі мен тиімділігі анықталмаған, сондықтан оны халықтың бұл тобында қолдану ұсынылмайды.
Бүйрек және/ немесе бауыр жеткіліксіздігі бар пациенттер
Пациенттердің бұл топтарында препараттың фармакокинетикасы туралы ақпарат қолжетімсіз, сондықтан дозасы жөнінде нұсқау беру мүмкін емес.
Енгізу әдісі және жолы
Ерітінді оральді қолдануға арналған.
Дәріні сұйылтылмаған күйінде, ұсынылған дозасын өлшеуіш тостағанға өлшеп алып қабылдаңыз. Өлшеуіш тостаған, ұсынылған дозасы дәл алынуына кепілдік беру үшін пайдаланылуы тиіс.
Несеп шығару жолдарының шайылуын жеңілдету үшін, күніне бір литрден екі литрге дейін су ішу ұсынылады
Артық дозаланған жағдайда қолданылуы қажет шаралар
Артық дозаланған жағдайлар туралы хабарланған жоқ.
Дәрілік препаратты қолдану тәсілін түсіндіруі үшін медицина қызметкерінің кеңесіне жүгіну ұсынылады
ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар (қажет болса)
Жағымсыз құбылыстардың жиілігін анықтау келесі критерийлерге сәйкес жүргізіледі: өте жиі (≥ 1/10), жиі (≥1/100 - < 1/10 дейін), жиі емес (≥1/1000 - < 1/100 дейін), сирек (≥ 1/10000 - < 1/1000 дейін), өте сирек (< 1/10000), белгісіз (қолда бар деректердің негізінде бағалау мүмкін емес).
Өте сирек: препарат компоненттеріне аллергиялық реакциялар.
Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз
«Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті Дәрілік заттарды, медициналық бұйымдарды сараптау Ұлттық орталығы» ШЖҚ РМК
Қосымша мәліметтер
Дәрілік препараттың құрамы
100 мл препараттың құрамында
белсенді заттар:
дала қырықбуыны сабақтары** 4737.8 мг
қызыл іргешөп гүлдері** 2742.9 мг
болдо (пеумус) жапырақтары** 2327.3 мг
үнді опунциясы гүлдері** 1413.0 мг
жіңішке жапырақты сарышолақ гүлдері** 1413.0 мг
дәрілік розмарин жапырақтары ** 1413.0 мг
салалы қарашағыр тамырсабақтары** 1413.0 мг
дәрілік сермене жапырақтары** 1413.0 мг
** 100 мл ерітіндінің құрамына дәрілік шөптерден алынған 94663,0 мг сулы дистиллят кіреді.
қосымша заттар: макрогол (полиэтиленгликоль 400), полисорбат 20, натрий бензоаты, калий сорбаты, сусыз лимон қышқылы, сукралоза, тазартылған су.
Сыртқы түрінің, иісінің, дәмінің сипаттамасы
Жартылай мөлдір, түссізден ақшыл-сары түске дейінгі немесе сәл бозаңданған, өзіне тән иісі бар сұйықтық.
Шығарылу түрі және қаптамасы
Алюминий қалпақшамен қаусырылған, янтарь түстес поливинилхлорид құтыға 250 мл препараттан құйылған.
1 құтыдан өлшеуіш пластик шприцпен және медициналық қолдану жөніндегі қазақ және орыс тілдеріндегі нұсқаулықпен бірге картоннан жасалған қорапшаға салынған.
Сақтау мерзімі
Сақтау мерзімі 3 жыл
Құтыны ашқаннан кейін қолдану кезеңі – 30 күн.
Жарамдылық мерзімі өткеннен кейін қолдануға болмайды.
Сақтау шарттары
Құрғақ, жарықтан қорғалған жерде, 25°С-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецептісіз.
Өндіруші туралы мәлімет
Мигуэль И Гаррига А.О.,
Жоаким Коста, 181а
08390 Монтгат (Барселона), Испания
Тел./факс: +34 93 4692266/+34 93 4692107
Эл.пошта: info@mqlab.net
Тіркеу куәлігінің ұстаушысы
Швейцария, Гранд Медикал Групп АГ, Корнмаркт, 10, Люцерн
Тел./факс: + 41445853080
Эл.пошта: ny@grandmedicalgroup.ch
Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«Гранд Медикал Групп АГ» ҚР өкілдігі
Алматы қ., Абай к-сі 20/5, 14 пәтер
050000
Тел./факс: 8 (727) 2296341
Эл.пошта: info.kz@grandmedical.eu/ dilyara.akpayeva@grandmedical.eu