Туберкулин
Инструкция
-
русский
-
қазақша
Дәрілік затты медициналық қолдану жөніндегі нұсқаулық
Туберкулин
Препараттың саудалық атауы
Туберкулин
Халықаралық патенттелмеген атауы
Деректер жоқ
Дәрілік түрі
Тері ішіне енгізуге арналған 2 ТБ ерітінді
Құрамы
Бір дозаның (0,1 мл) құрамында
белсенді зат - туберкулопротеин (аллерген туберкулопротеин) 2 ТБ,
қосымша заттар: полисорбат-80, фенол, натрий гидрофосфат додекагидраты, калий дигидрофосфаты, натрий хлориді, инъекцияға арналған су.
Сипаттамасы
Түссіз мөлдір сұйықтық.
Фармакотерапиялық тобы
Басқа да препараттар. Диагностикалық препараттар. Басқа да диагностикалық препараттар. Туберкулезді диагностикалауға арналған тест. Туберкулин.
АТХ коды V04CF01
Фармакологиялық қасиеттері
Фармакокинетикасы
Деректер жоқ.
Фармакодинамикасы
Препарат адамның және өгіздің туберкулез микобактериялары түрлерінің қыздырып өлтірілген өсірінділерінің, ультрафильтрациямен тазартылған, үшхлорсірке қышқылымен тұндырылған, этил спиртімен және наркозға арналған эфирмен өңделген және тұрақтандыратын ерітіндіде (фосфатты буферлі, Твин-80-мен 0,85% натрия хлориді ерітіндісінде) ерітілген қоспа фильтраты болып табылады.
Биологиялық және иммунологиялық қасиеттері
Препараттың белсенді компоненті - аллерген туберкулопротеин инфекция жұқтырған немесе БЦЖ/БЦЖ-М вакцинациясы жасалған адамдарда тері ішіне туберкулин сынамасын жүзеге асырған кезде гиперемия және инфильтрат (папулалар) түріндегі жергілікті реакция - баяу типті аса жоғары сезімталдықтың спецификалық реакциясын туындатады.
Қолданылуы
Препарат туберкулин диагностикасына (тері ішіне туберкулинді Манту сынамасын жүзеге асыруға) арналған, оның мақсаты:
- БЦЖ ревакцинациясы үшін адамдарды сұрыптау, сондай-ақ жасы 2 айлық және одан асқан балаларды алғашқы вакцинациялау алдында;
- туберкулез диагностикасы, соның ішінде туберкулездің бастапқы және жергілікті формаларын балалар мен жасөспірімдерде ерте анықтау үшін;
- туберкулез микобактерияларын жұқтырғанын анықтау.
Қолдану тәсілі және дозалары
Препаратты тері ішіне енгізуге арналған Манту сынамасын жүргізуге қолданады. Қатаң түрде тері ішіне енгізеді. Манту сынамасын пациенттерге отырған күйде ғана енгізеді, өйткені көңіл-күйі құбылмалы адамдарда инъекция естен тануға себеп болуы мүмкін. Тері ішіне енгізілетін сынаманы жүргізу үшін бір реттік пайдаланатын қысқа жіңішке инелі бір граммдық туберкулин шприцтерін қолданады.
Манту сынамасы үшін инсулин шприцтерін, сондай-ақ жарамдылық мерзімі өтіп кеткен шприцтер мен инелерді қолдануға тыйым салынады.
Манту сынамасын дәрігердің тағайындауы бойынша, туберкулин диагностикасын жүргізуге рұқсат – құжаты бар, арнайы оқытып-үйретілген медбике қояды.
Құтының жоғарғы қорғаныш қақпақшасын алып, резеңке тығынға жол ашады. Содан соң тығынды, қақпақшаны және препараты бар құтыны 70 % этил спиртіне малынған дәкемен мұқият сүртеді. Резеңке тығынды Манту сынамасын жүзеге асыратын бір реттік бір грамдық шприцпен, шығарып алуға арналған стерильді (ұзын) инемен теседі және препараттың қажетті мөлшерін (0,2 мл, яғни 2 доза туберкулин) алады. Содан кейін шприцке тері ішіне енгізуге арналған жіңішке (қысқа) стерильді инені кигізеді және стерильді мақталы тампонға препараттың артық мөлшерін ауа көпіршіктерімен бірге 0,1 мл белгісіне дейін шығарып тастайды.
Білектің үштен бірінің ортаншы бөлігінің ішкі бетіндегі тері бөлігін 70 % этил спиртпен өңдейді және стерилді мақтамен құрғатады. Жіңішке инені қиығын жоғары қаратып терінің сыртқы қабаттары беткейіне параллель - терінің ішіне енгізеді. Инені теріге енгізгеннен кейін шприцтен 0,1 мл (2 ТБ) препаратты, яғни 1 дозасын қатаң түрде шкала бөлігі бойынша енгізеді. Енгізу техникасы дұрыс болғанда теріде «лимон қабығы» түріндегі, диаметрі 7-10 мм мөлшердегі, ақ түсті папула түзіледі.
Нәтижелер есебі
Туберкулин сынамасының нәтижелерін дәрігер немесе арнайы оқытып-үйретілген медбике бағалайды. Манту сынамасының нәтижесін 72 сағат өткеннен кейін инфильтраттың (папуланың) мөлшерін миллиметрмен өлшеу жолымен бағалайды. Миллиметрлік бөліктері бар мөлдір сызғышпен инфильтраттың көлденең (білектің осіне қатысты) мөлшерін өлшейді және тіркейді. Гиперемияны тек инфильтрат болмаған жағдайда ескереді.
Манту сынамасын жүргізгенде реакция былай саналады:
– теріс - инфильтрат (папула) және гиперемия мүлде болмаған жағдайда немесе инемен шаншуға реакциясы болғанда (0-1 мм дейін);
– күдікті - инфильтраттың көлемі 2 - 4 мм болса немесе инфильтратсыз тек кез келген көлемді гиперемия болса;
– оң - диаметрі 5 мм және одан да астам инфильтрат болған жағдайда;
– гиперергиялық - балалар мен жасөспірімдерде инфильтраттың диаметрі 17 мм және одан да астам болған реакция саналады, ересектерде - 21 мм және одан да астам, сондай-ақ визикулонекроздық реакциялар инфильтраттың көлеміне байланыссыз лимфангоитпен немесе онсыз.
Туберкулин енгізуге реакция
Баяу типті аса жоғары сезімталдық реакциясы (БТС) организмнің специкалық реактивтілігі деңгейіне байланысты. БТС жоғарғы шегі 48-72 сағат өткеннен кейін болады, осы уақытқа дейін жергілікті дереу типті реакцияның (гиперемия) білінуі жойылады.
Жағымсыз әсерлері
Кейде дімкәстік, бас ауыруы, дене температурасының жоғарылауы байқалады. Туберкулинге баяу типті аса жоғары сезімталдықтың жоғары дәрежесі бар жекелеген адамдарда жергілікті реакциялар лимфангоиттермен немесе лимфадениттермен бірге жүруі мүмкін.
Қолдануға болмайтын жағдайлар
Таралған тері аурулары, эпилепсия, өршу кезіндегі жедел, созылмалы инфекциялық және соматикалық аурулар; аллергиялық жай-күйлер (жедел және жеделге жуық фазадағы ревматизм, бронх демікпесі, өршу кезіндегі айқын тері білінулері бар идиосинкразиялар). Манту сынамасы барлық клиникалық симптомдар жойылған соң 1 айдан кейін немесе карантин біткеннен кейін дереу қойылады.
Балалар инфекцияларына карантин жарияланған балалар ұжымдарында Манту сынамасын жүргізуге рұқсат етілмейді. Профилактикалық егу жүргізілгеннен кейін 1 айдан аз уақыттың ішінде Манту сынамасын жүргізуге рұқсат етілмейді.
Қолдануға болмайтын жағдайларды анықтау мақсатымен дәрігер (медбике) туберкулин сынамасы қойылатын күні сынама қойылатын адамдарға сауалнама жүргізеді.
Дәрілермен өзара әрекеттесуі
Манту сынамасына реакциясы күдікті немесе оң дені сау адамдарға және туберкулинге реакциясы теріс, бірақ БЦЖ вакцинациялауға жатпайтын балаларға, барлық профилактикалық егуді Манту сынамасының нәтижесін бағалағаннан кейін дереу жүргізуге болады.
Айрықша нұсқаулар
Сақтықпен
Профилактикалық егулер туберкулинге сезімталдығына әсер етуі мүмкін. Осыған сүйеніп, туберкулинодиагностиканы әртүрлі инфекцияларға қарсы профилактикалық егуді жүргізгенге дейін жоспарлау қажет. Егер профилактикалық егу жүргізілген болса, туберкулинодиагностиканы егуден кейін 1 айдан соң ғана жүзеге асыруға болады.
Жүктілік кезінде және емшек емізу кезеңінде қолдану
Туберкулинді жүкті әйелдерге енгізген кезде шаранаға әсері және ұрпақ өрбіту қабілетіне әсері туралы деректер жоқ. Туберкулинді жүкті әйелдерге өте қажет болған жағдайда ғана енгізу керек. Туберкулиннің адам сүтіне бөлінуі туралы деректер жоқ. Туберкулинді емшек емізу кезеңінде әйелдерге енгізген кезде сақ болу керек.
Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері.
Мәліметтер жоқ.
Артық дозалануы
Мәліметтер жоқ.
Шығарылу түрі және қаптамасы
1 мл-ден (0.1 мл 2 ТБ-дан 10 доза) 1 гидролитикалық кластағы шыныдан жасалған, алғашқы ашылуы бақыланатын алюминий-пластик қалпақшалармен қаусырылған резеңке тығындармен тығындалған құтыларда.
Құтыларға өздігінен желімделетін заттаңбалар жапсырылады.
5 құтыдан ПЭТФ үлбірден жасалған пішінді ұяшықты қаптамаға салынады.
Құтылары бар 2 пішінді ұяшықты қаптамадан қолдану жөніндегі нұсқаулықпен бірге картон қорапшаға салынады.
1 құтыдан ПЭТФ үлбірден жасалған пішінді ұяшықты қаптамаға салынады. Әрқайсысының ішінде алуға арналған (ұзын) инесімен және тері ішіне енгізуге арналған (қысқа) жіңішке инесімен туберкулинді шприц бар 5 стерильді қаптамадан картон пеналға салынады.
Құтысы бар бір пішінді ұяшықты қаптама және шприцтері мен инелері бар бір пенал картон қорапшаға салынады.
Шприцтері мен инелері бар пенал таңбаланбайды.
Әрбір қорапшаға медициналық қолдану жөніндегі мемлекеттік және орыс тілдеріндегі нұсқаулық салынады.
Сақтау шарттары
2 °С-ден 8 °С-ге дейінгі температурада сақтау керек. Мұздатып қатыруға болмайды.
Балалардың қолы жетпейтін жерде сақтау керек!
Сақтау мерзімі
1,5 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Емдік-профилактикалық мекемелер үшін.
Өндіруші
"ЛЕККО" ЖАҚ,
601125, Ресей, Владимир обл., Петушинский ауданы, Вольгинский кенті,
тел./факс: (49243) 71 5 52
Тіркеу куәлігінің ұстаушысы
«Фармстандарт» ЖАҚ,
141700, Ресей, Мәскеу облысы,
Долгопрудный қ., Лихачев өткелі, 5 «Б» үй.
Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):
"Қарағанды фармацевтикалық кешені" ЖШС,
100009, Қазақстан Республикасы, Қарағанды қ., Газалиев к-сі, 16-үй
Тел/факс: +7 (7212) 437002
Тел: + 7 (7212) 507322
E-mail: kphk@kphk.kz