Трувада

• русский
• қазақша

• Скачать инструкцию медикамента

Саудалық атауы

Трувада

Халықаралық патенттелмеген атауы

Жоқ

Дәрілік түрі

Үлбірлі қабықпен қапталған таблеткалар

Құрамы

Бір таблетканың құрамында

белсенді заттар: 200 мг эмтрицитабин,

300 мг тенофовир дизопроксил фумараты

(245 мг тенофовир дизопроксиліне баламалы),

қосымша заттар: натрий кроскармелозасы, лактоза моногидраты, магний стеараты, микрокристалды целлюлоза, желатинделген крахмал,

қабықтың құрамы: Opadry II Light Blue Y-30-10671-А: гипромеллоза, лактоза моногидраты, титанның қостотығы Е171, триацетин, FD&C Blue №2 алюминий лагы.

Сипаттамасы

Капсула пішінді, бір жағында «GILEAD» бедері бар, ашық-көгілдір түсті, үлбірлі қабықпен қапталған таблеткалар.

Фармакотерапиялық тобы

Вирусқа қарсы жүйелік қолдануға арналған дәрілер. Вирусқа қарсы тікелей әсер ететін препараттар.

АИВ жұқпасын емдеуге арналған вирусқа қарсы препараттар, біріктірілімдер. Тенофовир дизопроксилі және эмтрицитабин.

АТХ коды J05А R03

Фармакологиялық қасиеттері

Фармакокинетикасы

Сіңуі.

Труваданың үлбірлі қабықпен қапталған бір таблеткасының, 200 мг эмтрицитабиннің бір қатты капсуласының және 245 мг тенофовир дизопроксил фумаратының үлбірлі қабықпен қапталған бір таблеткасының биоэквиваленттілігі дені сау еріктілер ашқарынға бір реттік дозадан қабылдағаннан кейін анықталды. Дені сау еріктілер Труваданы пероральді түрде қабылдағаннан кейін эмтрицитабин мен тенофовир дизопроксил фумараты тез сіңеді, ал тенофовир дизопроксил фумараты тенофовирге айналады. Эмтрицитабин мен тенофовирдің ең жоғары концентрациялары ашқарынға енгізгеннен кейін сарысуда 0,5-тен 3,0 сағатқа дейінгі ауқымда байқалады. Труваданы тамақпен бірге қабылдау тенофовирдің ең жоғары концентрацияларға жетуінің шамамен сағаттың төрттен үш бөлігіне кідіруіне және, ашқарынға қабылдаумен салыстырғанда, құрамында май мөлшері жоғары немесе төмен тамақты қабылдағанда тенофовирдің AUC және Сmax мәндерінің сәйкесінше шамамен 35%-ға және 15%-ға артуына әкелді. Тенофовирдің сіңуін оңтайландыру үшін Труваданы тамақпен бірге қабылдауға кеңес беріледі.

Таралуы.

Көктамыр ішіне енгізгеннен кейін эмтрицитабин мен тенофовирдің таралу көлемі сәйкесінше 1,4 л/кг және 800 мл/кг жуықты құрады. Эмтрицитабинді немесе тенофовир дизопроксил фумаратын пероральді түрде енгізгеннен кейін эмтрицитабин мен тенофовир организмнің барлық жеріне кең таралады. Эмтрицитабиннің адам қаны плазмасының ақуыздарымен іn vitro байланысуы <4% құрады және 0,02-ден 200 мкг/мл-ге дейінгі ауқымда концентрацияға тәуелді болған жоқ. Тенофовирдің 0,01-ден 25 мкг/мл-дейінгі концентрация ауқымында тенофовирдің плазма ақуыздарымен немесе қан сарысуы ақуыздарымен in vitro байланысуы сәйкесінше 0,7 және 7,2%-дан азды құрады.

Биотрансформациясы.

Эмтрицитабиннің метаболизмі шектеулі. Эмтрицитабиннің биотрансформациясы оның тиолды бөлігінің тотығып, диастереомерлердің 3’-сульфоксидінің түзілуін (дозаның шамамен 9%-ы) және глюкурон қышқылымен қосылып, 2’-О-глюкуронидтің түзілуін (дозаның шамамен 4%-ы) қамтиды. Іn vitro зерттеулер тенофовир дизопроксил фумаратының да, тенофовирдің де CYP450 ферменттерінің субстраттары болып табылмайтындығын көрсетті. Эмтрицитабин де, тенофовир де препараттың биотрансформациясына қатысатын негізгі адам CYP450 изоформасының кез келгені арқылы препараттың in vitro метаболизмін тежеген жоқ. Сондай-ақ эмтрицитабин де глюкуронидацияға жауап беретін фермент – уридин-5’-дифосфоглюкуронил трансферазаны тежеген жоқ.

Шығарылуы.

Эмтрицитабин несепте (шамамен 86%) және нәжістерде (шамамен 14%) белгілі дозаға толық жеткенде негізінен бүйректер арқылы шығарылады. Эмтрицитабин дозасының 13%-ы несепте үш метаболит түрінде анықталды. Эмтрицитабиннің жүйелік клиренсі орта есеппен минутына 307 мл құрайды. Пероральді түрде енгізуден кейін эмтрицитабиннің жартылай шығарылу кезеңі 10 сағатқа жуықты құрайды.

Тенофовир негізінен бүйректер арқылы, сүзілу жолымен де, сондай-ақ белсенді тубулярлы тасымал жүйесі жәрдемімен де шығарылады, мұндайда көктамыр ішіне енгізілгеннен кейін дозаның шамамен 70-80%-ы өзгермеген күйінде несеппен бірге шығарылады. Тенофовирдің шамамен орташа клиренсі минутына 307 мл-ге жуықты құрайды. Бүйректік клиренсі минутына шамамен 210 мл деп бағаланды, бұл гломерулярлы сүзілу жылдамдығын арттырады. Бұл тубулярлы секреция тенофовирдің шығарылуының маңызды бөлігі болып табылатындығын көрсетеді. Пероральді түрде енгізуден кейін тенофовирдің жартылай шығарылу кезеңі 12-18 сағатқа жуықты құрайды.

Жасы.

Эмтрицитабинге немесе тенофовирге фармакокинетикалық зерттеулер егде жастағы емделушілерде (65 жастан бастап) жүргізілген жоқ. Жалпы алғанда, жаңа туған нәрестелерде, кіші жастағы балаларда және жасөспірімдерде (4 айлықтан 18 жасқа дейінгі жас ауқымында) эмтрицитабиннің фармакокинетикасы ересектерде байқалғанға ұқсас болады. Балаларда және жасөспірімдерде (18 жасқа толмаған) тенофовирдің фармакокинетикасына зерттеулер жүргізілген жоқ.

Жынысы.

Эмтрицитабиннің және тенофовирдің фармакокинетикасы еркек және әйел емделушілерде бірдей.

Этникалық тегі.

Әртүрлі этникалық топ өкілдерінде эмтрицитабин фармакокинетикасында клиникалық тұрғыдан маңызды айырмашылықтар байқалған жоқ. Тенофовирдің фармакокинетикасының ерекшеліктері әртүрлі этникалық топтардың өкілдерінде зерттелген жоқ.

Бүйрек функцияның бұзылулары.

Бүйрек функциясы бұзылған емделушілерде жекелей препараттар түрінде немесе Трувада құрамында бір реттік енгізуден кейін эмтрицитабин мен тенофовирдің фармакокинетикасы бойынша деректер шектеулі. Фармакокинетика параметрлері бүйрек функциясының әртүрлі дәрежелі бұзылулары бар, АИВ жұқпаған емделушілерге 200 мг эмтрицитабиннің немесе 245 мг тенофовир дизопроксилінің бір реттік дозасын енгізгеннен кейін анықталды. Бүйрек функциясының бұзылу дәрежесі креатинин клиренсінің (CrCl) бастапқы мәніне сәйкес анықталды (CrCl > 80 мл/мин болғанда бүйрек функциясы қалыпты; CrCl = 50-79 мл/мин. болғанда елеусіз бұзылулар; CrCl = 30-49 мл/мин. болғанда орташа бұзылулар және CrCl = 10-29 мл/мин. болғанда ауыр бұзылулар).

Эмтрицитабинге орташа (%CV) экспозиция бүйрек функциясы қалыпты емделушілердегі 12 (25%) мкг*сағ./мл-ден бүйрек функциясының елеусіз, орташа және ауыр бұзылулары бар емделушілердегі, сәйкесінше, 20 (6%) мкг*сағ./мл, 25 (23%) мкг*сағ./мл және 34 (6%) мкг*сағ./мл дейін артты.

Тенофовирге орташа (%CV) экспозиция бүйрек функциясы қалыпты емделушілердегі 2 185 (12%) нг*сағ./мл-ден бүйрек функциясы елеусіз, орташа және ауыр бұзылулары бар емделушілердегі сәйкесінше 3 064 (30%) нг*сағ./мл, 6 009 (42%) нг*сағ./мл және 15 985 (45%) нг*сағ./мл-ге дейін артты.

Бүйректің орташа бұзылулары бар емделушілерде Труваданы дозалау аралығын арттыру, бүйрек функциясы қалыпты емделушілермен салыстырғанда, қан плазмасында ең жоғары шектегі концентрацияларға және Cmin өте төмен деңгейіне әкеледі деп күтіледі. Мұның клиникалық маңызы белгісіз.

Терминалды сатыдағы бүйрек ауруы (end-stage renal disease – ESRD) бар, гемодиализ қажет болатын емделушілерде препаратқа экспозиция эмтрицитабинде 72 сағат ішінде 53 (19%) мкг*сағ./мл-ге дейін және тенофовирде 48 сағат ішінде 42 857 (29%) нг*сағ./мл-ге дейін едәуір артты.

Қолдану тәсілі және дозалары

Бүйрек функциясы бұзылған, АИВ жұқпасы жұққан емделушілерде қауіпсіздігіне, вирусқа қарсы белсенділігіне және тенофовир дизопроксил фумаратының эмтрицитабинмен біріктірілімінің фармакокинетикасына баға беру үшін аздаған клиникалық зерттеулер жүргізілді. Бастапқы креатинин клиренсі минутына 50-60 мл болатын емделушілердің қосалқы тобында препаратты тәулігіне 1 рет қабылдау тенофовир экспозициясының 2-4 есе жоғарылауына және бүйрек функциясының нашарлауына әкелді.

Бауыр функциясының бұзылулары.

Бауыр функциясы бұзылған емделушілерде Труваданың фармакокинетикасы зерттелген жоқ. Алайда бауыр функциясы бұзылған емделушілерде Трувада үшін дозаны түзету қажеттілігінің ықтималдылығы аз.

Эмтрицитабиннің фармакокинетикасы бауыр қызметінің әртүрлі дәрежелі жеткіліксіздігі бар, В гепатиті вирусын жұқтырмаған емделушілерде зерттелген жоқ. Жалпы алғанда, В гепатиті вирусын жұқтырған емделушілерде эмтрицитабиннің фармакокинетикасы дені сау адамдар мен АИВ жұқтырған емделушілердегі фармакокинетикаға ұқсас болды.

245 мг тенофовир дизопроксилінің бір реттік дозасы Child-Pugh-Turcotte (CPT) жіктеліміне сәйкес анықталған бауыр функциясының әртүрлі дәрежелі бұзылуы бар, АИВ жұқтырмаған емделушілерде қолданылды. Бауыр функциясы бұзылған емделушілерде тенофовир фармакокинетикасының параметрлері елеулі өзгерістерге ұшыраған жоқ, бұл осы емделушілер үшін дозаны түзету қажеттілігінің жоқтығын көрсетті. Бауыр функциясы бұзылмаған адамдарда тенофовирдің Cmax мен AUC00-∞ орташа (%CV) мәндері, бауыр функциясының орташа бұзылулары бар емделушілердегі 289 (46,0%) нг/мл және 2 310 (43,5%) нг*сағ./мл-мен және бауыр функциясының ауыр бұзылулары бар емделушілерде 305 (24,8%) нг/мл және 2 740 (44,0%) нг*сағ./мл-мен салыстырғанда, сәйкесінше 223 (34,8%) нг/мл және 2 050 (50,8%) нг*сағ./мл құрады.

Фармакодинамикасы

Әсер ету механизмі және фармакодинамикалық әсерлері.

Эмтрицитабин – бұл цитидиннің нуклеозидтік аналогы. Тенофовир дизопроксил фумараты тенофовирге, нуклеозид монофосфатына (нуклеотид) аденозин монофосфаты аналогына in vivo айналады. Эмтрицитабин де, сонымен қатар тенофовир де белсенділік көрсетеді, бұл адам иммунитеті вирусына (АИВ-1 және АИВ-2) және В гепатиті вирусына тән болып табылады.

Эмтрицитабин мен тенофовир жасушалық ферменттермен фосфорланып, сәйкесінше эмтрицитабин трифосфатын және тенофовир дифосфатын түзеді. Іn vitro зерттеулер эмтрицитабинді де, сонымен қатар тенофовирді де біріктірген кезде жасушаларда толық фосфорлануы мүмкін екендігін көрсетті. Эмтрицитабин трифосфаты және тенофовир дифосфаты АИВ-1 кері транскриптазасын бәсекелес тежейді, бұл вирустың ДНҚ тізбегінің үзілуіне әкеледі.

Эмтрицитабин мен тенофовир дифосфаты сүт қоректілердің ДНҚ полимеразасының әлсіз тежегіштері болып табылады, олардың in vitro және in vivo митохондриялық уыттану белгілері жоқ.

Вирусқа қарсы in vitro белсенділігі.

Синергиялық антивирустық белсенділік эмтрицитабин мен тенофовирді біріктіргенде in vitro байқалды. Синергиялық әсерлерге қосымшалар протеаза тежегіштерімен және АИВ кері транскриптазасының нуклеозидтік және нуклеозидтік емес тежегіштерінің аналогтарымен біріктірілген зерттеулер кезінде байқалды.

Төзімділігі.

Эмтрицитабинде M184V/I алмасудың немесе тенофовирде K65R алмасудың дамуымен байланысты АИВ-1 жұқтырған кейбір емделушілерде де in vitro төзімділік байқалды. Эмтрицитабинге немесе тенофовирге төзімділіктің басқа жолдары анықталған жоқ. M184V/I алмасқан эмтрицитабин-төзімді вирустар ламивудинге кросс-төзімді болды, бірақ диданозинге, ставудинге, тенофовирге және зидовудинге сезімталдығын сақтады. K65R алмасу абакавирмен немесе диданозинмен қайтарып алынуы мүмкін және осы заттарға, сондай-ақ ламивудинге, эмтрицитабинге және тенофовирге төзімділігінің төмендеуіне әкеледі. АИВ-1 бар, K65R алмасқан емделушілерге тенофовир дизопроксил фумаратын қолдануға жол бермеген жөн.

АИВ-1 бар, M41L немесе L210W кері транскриптазаның алмасуын қамтитын тимидин аналогтарымен (thymidine analogue associated mutations – TAMs) байланысты, үш немесе одан да көбірек алмасулар білінетін емделушілер тенофовир дизопроксил фумаратына төмен сезімталдық көрсетті.

Іn vivo төзімділігі (бұрын антиретровирустық препараттармен ем қабылдамаған емделушілер).

Ашық рандомизирленген клиникалық зерттеулер (GS-01-934) барысында бұрын антиретровирустық препараттармен ем қабылдамаған емделушілерде генотиптеу 48, 96 немесе 144 аптада РНҚ > 400 копий/мл АИВ айғақталған барлық емделушілердің қан плазмасынан алынған АИВ-1 изоляттарда, немесе зерттелетін препаратты енгізуді мезгілінен ерте тоқтатқан сәтте жүргізілді. 144 аптадағы жағдай бойынша:

• жүргізілген талдауға сәйкес, M184V/I алмасу эмтрицитабин/тенофовир дизопроксил фумараты/эфавиренз қабылдаған топтағы емделушілерден алынған 19 (10,5%) изоляттың 2-уінде, және ламивудин/зидовудин/эфавиренз қабылдаған топтағы емделушілерде талданған 29 (34,5%) изоляттың 10-ында дамыды (эмтрицитабин+тенофовира дизопроксил фумаратын қабылдаған топтағы барлық емделушілер арасында, ламивудин/зидовудин қабылдаған топтағы барлық емделушілермен салыстырғанда, Фишердің нақты критерийі бойынша р мәні < 0.05);

• талдау жасалған вирустардың біреуінде де K65R алмасу болған жоқ;

• эфавирензге генотиптік төзімділік, негізінен K103N алмасу, салыстыру тобындағы 29 (72%) емделушінің 21-мен салыстырғанда, эмтрицитабин/тенофовир дизопроксил фумараты/эфавиренз қабылдаған топтағы емделушілердің 19-ының (68%) 13-інен алынған вируста дамыды.

Қолданылуы

- ересектерде АИВ-1 жұқпаны басқа антиретровирусты препараттармен біріктіріп емдеуде.

Қолдану тәсілі және дозалары

Емді АИВ жұқпаларын емдеу тәжірибесі бар дәрігер бастауы тиіс.

Ересектер: Труваданың ұсынылатын дозасы тәулігіне 1 рет пероральді түрде қабылданатын 1 таблетканы құрайды. Тенофовирдің сіңуін оңтайландыру үшін Труваданы тамақпен бірге қабылдау керек. Тіпті жеңіл тағамның өзі біріктірілген таблеткадан тенофовирдің сіңуін жақсартады (Фармакокинетикасы бөлімін қараңыз).

Егде жастағы емделушілер. 65 жастан асқан емделушілер үшін дозалауға қатысты ұсынымдар құруға негіз болатын деректер жоқ. Алайда бүйрек қызметі жеткіліксіздігінің белгілері жоқ болған кезде ұсынылған тәуліктік дозаны түзету егде жастағы емделушілер үшін қажет емес.

Айрықша нұсқаулар

Айрықша нұсқаулар

Айрықша нұсқаулар

Айрықша нұсқаулар

Бүйрек функциясының ауыр бұзылулары (креатинин клиренсі <30 мл/мин) және гемодиализдегі емделушілер. Трувада бүйрек функциясының ауыр бұзылулары бар (креатинин клиренсі <30 мл/мин) емделушілер үшін және гемодиализді қажет ететін емделушілерге ұсынылмайды, өйткені біріктірілген таблеткалармен дозаны қажетті азайтуға қол жеткізуге болмайды.

Бауыр функциясының бұзылулары. Дозаны түзету қажет емес.

Айрықша нұсқаулар

Қолдану тәсілі

Таблетканы жұту қажет. Егер емделушілерге жұту қиын болса, онда Трувада таблеткасын оны шамамен 100 мл суда, апельсин немесе жүзім шырынында еріткеннен кейін бірден қабылдауына болады.

Егер дозаны қабылдауды өткізіп алса, дозаны қабылдаудың әдеттегі уақытынан бері 12 сағаттан аз уақыт өтсе, онда емделуші Труваданы тамақпен бірге тезірек қабылдауына және препаратты қабылдаудың әдеттегі режиміне оралуына болады. Егер дозаны қабылдаудың әдеттегі уақытынан бері 12 сағаттан астам уақыт өтсе және препараттың келесі дозасын қабылдайтын уақыт жақындап қалса, онда емделуші өткізіп алған дозаны қабылдамағаны жөн, бірақ препаратты қабылдаудың әдеттегі режиміне оралуы қажет.

Егер Труваданы қабылдағаннан кейін 1 сағат ішінде емделуші құсса, тағы бір таблетка қабылдағаны жөн. Егер емделуші Труваданы ішкеннен кейін 1 сағаттан астам уақыт өткенде құсса, онда тағы бір таблетка қабылдамағаны жөн.

Жағымсыз әсерлері

Ашық рандомизирленген клиникалық зерттеулерде (GS-01-934) эмтрицитабинді және/немесе тенофовир дизопроксил фумаратын қолданумен байланысты болуы мүмкін жүректің айнуы (12%) және диарея (7%) сияқты жағымсыз реакциялар жөнінде жиірек мәлімделді. Осы зерттеудегі эмтрицитабиннің және тенофовир дизопроксил фумаратының қауіпсіздік бейіні бұған дейін әрқайсысы басқа антиретровирустық дәрілермен бірге қолданылған заттарға қатысты алынған тәжірибеге сәйкес келді.

Айрықша нұсқаулар

Айрықша нұсқаулар

Айрықша нұсқаулар

Трувада компоненттерімен емдеуге ықтимал қатысы бар жағымсыз реакциялар төменде ағзалар класы және жиілігі бойынша берілген. Әрбір топ аясында жиілігі бойынша жағымсыз құбылыстар ауырлығының азаю ретімен берілген. Жағымсыз реакциялар жиілігі бойынша былай белгіленеді: өте жиі (≥ 1/10), жиі ( ≥ 1/100-ден < 1/10 дейін), жиі емес (≥ 1/1000-нан < 1/100 дейін) және сирек (≥ 1/10 000-нан < 1/1000 дейін).

1 кесте

Клиникалық зерттеулер және постмаркетингтік талдаулар негізінде Труваданың жекелеген компоненттерімен байланысты болатын жағымсыз реакциялар жөнінде қысқаша деректер.

1 Бұл жағымсыз реакция проксимальді бүйрек тубулопатиясы салдарынан дамуы мүмкін. Оның мұндай жағдай жоқ болғанда тенофовир дизопроксил фумаратымен себептік байланысы бар деп саналмайды.

Айрықша нұсқаулар

3 Эмтрицитабинді балаларға қолданған жағдайда анемия жөнінде мәлімдемелер жиі түсті, ал тері пигментациясының бұзылуы (пигментацияның күшеюі) жөнінде – өте жиі.

4 Бұл жағымсыз реакция постмаркетингтік бақылау барысында анықталды, бірақ ересектерде рандомизирленген бақыланатын клиникалық зерттеулерде немесе, эмтрицитабинге қарай, АИВ жұқтырған балаларда клиникалық зерттеулерде, немесе тенофовир дизопроксил фумаратына қарай, тенофовир дизопроксил фумаратымен емдеуге рұқсат етілген рандомизирленген бақыланатын клиникалық зерттеулерде немесе ауқымды бағдарламада анықталған жоқ. Жиілік категориясына рандомизирленген бақыланатын клиникалық зерттеулерде (n = 1,563) эмтрицитабин қабылдаған емделушілердің, немесе рандомизирленген бақыланатын клиникалық зерттеулерде немесе емдеуге рұқсат етілген ауқымды бағдарламада (n = 7,319) тенофовир дизопроксил фумаратын қабылдаған емделушілердің жалпы саны негізінде жүргізілген статистикалық есеп деректеріне сай баға берілді.

Жағымсыз реакциялар пайда болған кезде емдеуші дәрігерге қаралу қажет.

Қолдануға болмайтын жағдайлар

- әсер етуші заттарына немесе қосымша заттарының кез келгеніне жоғары сезімталдық

- 18 жасқа дейінгі балаларға және жасөспірімдерге.

Дәрілермен өзара әрекеттесуі

Труваданың құрамында эмтрицитабин және тенофовир дизопроксил фумараты бар болғандықтан, осы заттардың әрқайсысын жеке қолданғанда байқалған кез келген өзара әрекеттесулер Трувадада да болуы мүмкін. Өзара әрекеттесулерге зерттеулер тек ересектерде ғана жүргізілді.

Эмтрицитабин мен тенофовир дизопроксил фумаратын бірге қабылдағанда эмтрицитабиннің және тенофовирдің стационарлық жағдайдағы фармакокинетикасы, әрбір дәрілік препаратты жеке енгізумен салыстырғанда, өзгеріске ұшыраған жоқ.

Іn vitro және клиникалық фармакокинетикалық өзара әрекеттесулерге жүргізілген зерттеулер эмтрицитабин мен тенофовир дизопроксил фумаратының басқа дәрілік заттармен бірге қатысуымен СҮР450 арқылы жүретін өзара әрекеттесулері мүмкіндігінің төмен болатынын көрсетті.

Бір мезгілде қолдануға ұсынылмайды.

Эмтрицитабинмен ұқсастығына байланысты Труваданы ламивудин сияқты цитидиннің басқа аналогтарымен бір мезгілде қолданбаған жөн.

Бекітілген біріктірілім болып табылатын Труваданы оның компоненттері, эмтрицитабин немесе тенофовир дизопроксил фумараты бар басқа дәрілік заттармен бір мезгілде қолданбаған жөн.

Труваданы адефовир дипивоксилімен бір мезгілде қолданбаған жөн.

Диданозин.

Труваданы диданозинмен бір мезгілде қолдануға кеңес берілмейді.

Бүйректер арқылы шығарылатын дәрілік заттар.

Эмтрицитабин мен тенофовир көбіне бүйректер арқылы шығарылатын болғандықтан, Труваданы бүйрек функциясын төмендететін немесе белсенді өзекшелік секреция үшін бәсекелесетін дәрілік препараттармен бірге (мысалы, цидофовирмен бірге) енгізу эмтрицитабиннің, тенофовирдің және/немесе бір мезгілде енгізілетін дәрілік препараттардың қан сарысуындағы концентрациясын арттыруы мүмкін.

Труваданы бір мезгілде немесе қолданылғанына көп уақыт өте қоймаған нефроуытты дәрілік заттармен бірге (мысалы, аминогликозидтермен, В амфотерицинмен, фоскарнетпен, ганцикловирмен, пентамидинмен, ванкомицинмен, цидофовирмен және интерлейкин - 2) қолдануға жол бермеу қажет.

Үштік нуклеозидтік ем.

Тенофовир дизопроксил фумаратын ламивудинмен және абакавирмен, сондай-ақ ламивудинмен және диданозинмен тәулігіне 1 рет енгізу сызбасы бойынша біріктірудің ерте сатысында сәтсіз вирусологиялық ем жиілігінің жоғарылағаны және төзімділіктің пайда болғаны жөнінде мәлімдемелер түсті. Ламивудин мен эмтрицитабин арасында құрылымдық жақын ұқсастық, сондай-ақ осы екі заттың фармакокинетикасы мен фармакодинамикасында да ұқсастық бар. Сондықтан мұндай мәселелер Труваданы үшінші нуклеозидтік аналогтармен бірге қолданғанда да байқалуы мүмкін.

Басқа да өзара әрекеттесулер.

Трувада компоненттері, протеаза тежегіштері және кері транскриптазаның нуклеозидтік тежегіштері арасындағы өзара әрекеттесулер төмендегі 2 кестеде берілген (артуы «↑», азаюы – «↓», өзгерістең жоқтығы – «↔», тәулігіне екі рет – «b.i.d.» және тәулігіне бір рет – «q.d.» белгіленген). 90% сенім аралығының деректері жақшаларда көрсетілген.

2 кесте

Труваданың жеке компоненттері мен басқа дәрілік заттар арасындағы өзара әрекеттесулері

Басқа дәрілік заттармен жүргізілген зерттеулер.

Эмтрицитабин.

In vitro эмтрицитабин адамның келесі CYP450 изоформаларының: 1А2, 2А6, 2В6, 2С9, 2С19, 2D6 және 3А4 кез келгені арқылы болатын метаболизмді тежеген жоқ. Эмтрицитабин глюкуронидацияға жауап берген ферментті тежеген жоқ.

Эмтрицитабинді индинавирмен, зидовудинмен, ставудинмен немесе фамцикловирмен бір мезгілде қолданғанда клиникалық тұрғыдан маңызды өзара әрекеттесулер байқалған жоқ.

Тенофовир дизопроксил фумараты.

Тенофовир дизопроксил фумаратын ламивудинмен, индинавирмен, эфавирензбен, нельфинавирмен, саквинавирмен (күшейтілген ритонавирмен), метадонмен, рибавиринмен, рифампицинмен, адефовир дипивоксилмен және гормональді контрацептив норгестиматпен/этинилэстрадиолмен бір мезгілде қолданғанда клиникалық тұрғыдан маңызды фармакокинетикалық өзара әрекеттесулер байқалған жоқ.

Трувада.

Такролимді Трувадамен бір мезгілде қолдану клиникалық тұрғыдан маңызды фармакокинетикалық өзара әрекеттесулерге әкелген жоқ.

Айрықша нұсқаулар

Оппортунистік жұқпалар.

Трувада немесе кез келген басқа антиретровирустық ем қабылдап жүрген емделушілерде оппортунистік жұқпалар және АИВ жұқпаларының басқа да асқынуларының пайда болуы жалғасуы мүмкін, осылайша, олар АИВ-мен байланысты аурулары бар емделушілерді емдеу тәжірибесі бар дәрігерлердің қалтқысыз клиникалық бақылауында болуы тиіс.

АИВ жұғуы.

Емделушілерді антиретровирустық емнің, Труваданы қоса, басқа адамдарға жыныстық қатынас немесе қан арқылы АИВ жұқпасының жұғуына жол бермейтініне дәлелдердің жоқ екендігінен хабардар ету қажет. Тиісті сақтық шараларын қолдануды жалғастыру қажет.

Бүйрек функциясының бұзылулары.

Жағымсыз әсерлері

Барлық емделушілерде Трувадамен емдеуді бастағанға дейін креатинин клиренсін есептеу және емнің алғашқы жылы ішінде әрбір 4 апта сайын, ал содан кейін әрбір 3 ай сайын бүйрек функциясына (креатинин клиренсіне және сарысудағы фосфат деңгейіне) бақылау жүргізу керек. Бүйрек функциясының бұзылу қаупі бар емделушілерде, бұрын адефовир дипивоксилін қолдану кезінде бүйректер тарапынан бұзылулар болған емделушілерді қоса, бүйрек функциясын жиі бақылау қажет.

Бүйрек функциясы бұзылған (креатинин клиренсі <80 мл/мин) емделушілер, гемодиализдегі емделушілерді қоса.

Қолдану тәсілі және дозалары

Егер Труваданы қабылдап жүрген кез келген емделушіде қан сарысуындағы фосфат деңгейі < 1,5 мг/дл (0,48 ммоль/л) болса немесе креатинин клиренсі минутына <50 мл-ге дейін төмендесе, онда бір апта бойы бүйрек функциясына, қандағы глюкоза, қандағы калий деңгейлерін және несептегі глюкоза концентрацияларын анықтауды қоса, қайтада баға берген жөн. Сондай-ақ креатинин клиренсі минутына < 50 мл-ге дейін төмендеген, немесе қан сарысуындағы фосфат деңгейі < 1 мг/дл (0,32 ммоль/л) дейін төмендеген емделушілерді Трувадамен емдеуді тоқтату қажеттілігін қарастырған жөн.

Дәрілермен өзара әрекеттесуі

АИВ-1 штаммдарында алмасу бар емделушілер.

Антиретровирустық препараттармен емделген және АИВ-1 штамдарында K65R алмасу бар емделушілерге Труваданы қолданбаған жөн (Фармакодинамикасы бөлімін қараңыз).

Сүйектерге ықпалы.

Тенофовир дизопроксил фумараты ламивудинмен және эфавирензбен біріктірілген ставудинмен салыстырылған 144 апталық бақыланатын клиникалық зерттеулер барысында, екі эксперименттік топтарда бұрын антриретровирустық ем қабылдамаған емделушілерде ортан жілік пен омыртқа сүйектерінің минералды тығыздығының аздап азайғаны байқалды. Омыртқа сүйектерінің минералды тығыздығының азаюы және сүйек тіндері биомаркерлерінің бастапқы мәндерімен салыстырғанда өзгеруі тенофовир дизопроксил фумаратын 144 аптаға дейін қабылдаған топта едәуір көп болды. Ортан жілік сүйегінің минералды тығыздығының азаюы осы топта 96 аптаға дейін едәуір жоғары болды. Әйтсе де, 144 аптадан кейін сынулардың жоғары қаупі немесе сүйек тінінің қалыптан клиникалық тұрғыдан елеулі ауытқуларына айғақтамалар байқалмады.

Жағымсыз әсерлері

АИВ бар және В немесе С типті вирус гепатиттерін қатар жұқтырған емделушілер.

GS-01-934 зерттеулерге шектеулі бөлігі ғана бір мезгілде В типті (n=13) немесе С типті (n=26) гепатит вирусын жұқтырған емделушілер қатысты. Эмтрицитабиннің және тенофовир дизопроксил фумаратының жағымсыз реакцияларының бейіні бір мезгілде АИВ/В типті гепатит вирусын немесе АИВ/С типті гепатит вирусын жұқтырған емделушілерде, қатар жүретін жұқпаларсыз АИВ жұқтырған емделушілерде байқалған бейінге ұқсас болды. Осыған қарамастан, емделушілердің осы популяциясында аспартатаминотрасфераза (АСТ) және аланинаминотрансфераза (АЛТ) деңгейлерінің жоғарылауы АИВ жұқтырған жалпы популяцияларға қарағанда жиірек байқалады деп күткен жөн.

В немесе С типті созылмалы гепатиті бар, антиретровирустық ем алып жүрген емделушілер бауыр тарапынан ауыр немесе өлімге әкеп соғатын жағымсыз реакциялар қаупіне ұшырайды.

Дәрігерлер, B гепатиті вирусын (HBV) қатар жұқтырған емделушілерде АИВ жұқпасын оңтайлы бақылауға қатысты, АИВ емдеу жөніндегі ағымдағы ұсынымдарға көңіл бөлгені жөн. В немесе С типті гепатитпен байланысты антивирустық емді қатар жүргізген жағдайда тиісті дәрілік заттардың нұсқаулықтарын да қарауы қажет.

В гепатиті вирусының созылмалы жұқпаларын емдеуге қолдануға Труваданың қауіпсіздігі мен тиімділігі анықталған жоқ. Эмтрицитабин мен тенофовирді жеке және біріктірілімдерін фармакодинамикалық зерттеулер барысында B гепатиті вирусына қарсы белсенділігі білінді (Фармакодинамикасы бөлімін қараңыз). Шектеулі клиникалық тәжірибе эмтрицитабин мен тенофовир дизопроксил фумаратының АИВ жұқпаны бақылау үшін антиретровирустық біріктіріліммен емдеуді қолданғанда В гепатиті вирусына қарсы белсенділік танытатындығын көрсетеді.

АИВ және В гепатиті вирусын қатар жұқтырған емделушілерді Трувадамен емдеуді тоқтату гепатит барысының ауыр қатты нашарлауымен байланысты болуы мүмкін. АИВ және В гепатиті вирусын қатар жұқтырған және Труваданы қабылдауды тоқтатқан емделушілерді клиникалық та, әрі қарай зертханалық та зерттеулер арқылы, қалайда, емдеуді тоқтатқаннан кейін бірнеше ай бойы мұқият бақылау белгіленуі тиіс. Қажет болған жағдайда В гепатитін емдеуді қайта бастау өзін ақтауы мүмкін. Бауыр аурулары дамыған немесе циррозы бар емделушілер үшін емдеуді тоқтатпау керек, өйткені емдеуден кейін гепатиттің өршуі бауырдың декомпенсациясына әкеп соғуы мүмкін.

Бауыр аурулары.

Емдеуді бастағанға дейін бауыр функциясының елеулі бұзылулары бар емделушілер үшін Труваданың қауіпсіздігі мен тиімділігі анықталған жоқ. Трувада мен эмтрицитабиннің фармакокинетикасы бауыр функциясы бұзылған емделушілерде зерттелмеді. Тенофовирдің фармакокинетикасы бауыр функциясы бұзылған емделушілерде зерттелді, және бұл емделушілер үшін дозаны түзетудің қажеті жоқ. Ең төмен бауыр метаболизмі мен эмтрицитабиннің бүйрек арқылы шығарылуының нәтижесінде бауыр функциясының бұзылған емделушілерде Трувада дозасын түзетудің қажет болу ықтималдылығы аз (Фармакокинетикасы бөлімін қараңыз).

Созылмалы белсенді гепатитті қоса, бауыр функциясының бұзылуы бұрыннан бар емделушілерде бірктірілген антиретровирустық ем кезінде және одан кейін бауыр функциясының бұзылу жиілігін стандартты іс-тәжірибеге сай бақылаған жөн. Егер бауыр ауруы барысында нашарлау белгілері бар болса, онда мұндай емделушілерде емдеуде үзіліс жасау немесе оны тоқтату қажеттілігін қарастырған жөн.

Лактат-ацидоз.

Нуклеозидтер аналогтарын қолданған кезде әдетте бауырдың майлы дегенерациясымен байланысты лактат-ацидоз туралы мәлімделді. Ерте симптомдары (симптоматикалық гиперлактатемия) ас қорыту тарапынан қатерсіз симптомдарды (жүректің айнуын, құсуды және іштің ауыруын), спецификалық емес дімкәстікті, тәбеттің жоғалуын, дене салмағының жоғалуын, респираторлы симптомдарды (жиі және/немесе терең тыныс алуды) немесе неврологиялық симптомдарды (қимыл-қозғалыс әлсіздігін) қамтиды. Лактат-ацидозда өлім жоғары болады және бұл панкреатитпен, бауыр қызметінің жеткіліксіздігімен немесе бүйрек қызметінің жеткіліксіздігімен байланысты болуы мүмкін. Көптеген жағдайларда лактат-ацидоз бірнеше ай емдегеннен кейін байқалады.

Нуклеозид аналогтарымен емдеуді симптоматикалық гиперлактатемия және метаболикалық/лактат-ацидоз, біртіндеп артатын гепатомегалия немесе аминотрансфераза деңгейінің тез көтерілуі пайда болғанда тоқтату қажет.

Нуклеозидтер аналогтарын гепатомегалиясы, гепатиті немесе бауыр ауруларының және бауырдың майлы дистрофиясының қауіп факторлары (кейбір дәрілік заттар және алкоголь) бар кез келген емделушілерге (әсіресе семіз әйелдерге) қолданғанда сақ болған жөн. С гепатитін қатар жұқтырған және альфа-интерферонмен және рибавиринмен ем қабылдаған емделушілерді емдеу аса қауіпті болуы мүмкін.

Жоғары қауіп тобына кіретін емделушілер мұқият бақылауда болуы тиіс.

Липидтер, липодистрофия және метаболикалық ауытқулар.

Біріктірілген антиретровирустық ем гипертриглицеридемия, гиперхолестеринемия, инсулинді төзімділік, гипергликемия және гиперлактатемия сияқты қалыптан метаболикалық ауытқулармен байланысты болды.

АИВ жұқпасы бар емделушілерде біріктірілген антиретровирустық ем, шеткергі және беттегі теріастылық майдың жоғалуын, құрсақішілік және висцеральді май мөлшерінің көбеюін, сүт бездерінің гипертрофиясын және арқа-мойын аймағында майдың жиналуын (өгіз өркеш) қоса, организмде майдың қайта таралуымен (липодистрофия) байланысты.

Жағымсыз әсерлері

Тенофовир құрылымы жағынан нуклеозидтердің аналогтарына жатады, сондықтан липодистрофия қаупін жоққа шығаруға болмайды. Алайда бұрын антиретровирустық дәрілермен ем қабылдамаған, АИВ жұқтырған емделушілерден алынған 144 апталық клиникалық деректер тенофовир дизопроксил фумараты жағдайында липодистрофия қаупі, ставудинді қолданған кездегіге қарағанда, егер ол ламивудинмен және эфавирензбен бірге енгізілсе, азырақ болатындығын көрсетеді.

Митохондриальді функцияның бұзылулары.

Нуклеозидтік және нуклеотидтік аналогтар митохондриялардың әртүрлі дәрежелі зақымдануына әкелетіні in vitro және in vivo көрсетілді. Іn utero және/немесе постнатальді кезеңде нуклеозидтік аналогтардың әсеріне ұшыраған ерте жастағы, АИВ теріс балаларда митохондриялар функциясының бұзылулары жөнінде мәлімдемелер түсті. Мәлімделген негізгі жағымсыз құбылыстар гематологиялық бұзылулар (анемия, нейтропения) және метаболикалық бұзылулар (гиперлактатемия, гиперлипаземия) болды. Бұл құбылыстар қысқа мерзімдік сипатқа ие. Кештеу басталған кейбір неврологиялық бұзылулар (гипертония, конвульсиялар, аномальді мінез-құлық) жөнінде мәлімдемелер түсті. Неврологиялық бұзылулардың уақытша немесе тұрақты екендігі күні бүгінге дейін белгісіз. In utero нуклеозидтердің және нуклеотидтер аналогтарының әсеріне ұшыраған кез келген нәресте, тіпті АИВ теріс балалар клиникалық және зертханалық бақылаудан және сәйкес келетін белгілер мен симптомдар жағдайында митохондриялық функцияның бұзылу мүмкіндігіне қатысты толық тексерілуден өтуі тиіс. Бұл нәтижелер АИВ вертикальді жұғуының алдын алу үшін жүкті әйелдерге антиретровирустық ем қолдану жөніндегі ағымдағы ұлттық ұсынымдарға ықпалын тигізбейді.

Иммунды реактивация синдромы.

Ауыр иммундық жеткіліксіздігі бар, АИВ жұқтырған емделушілерде біріктірілген антиретровирустық емді (combination antiretroviral therapy – CART) енгізген сәтте асимптоматикалық немесе қалдық оппортунистік патогендерге қабыну реакциясы пайда болуы мүмкін, бұл ауыр клиникалық жағдайларға немесе симптомдардың күшеюіне себеп болуы мүмкін. Әдеттегідей, мұндай реакциялар CART бастағаннан кейін алғашқы бірнеше апта немесе ай ішінде байқалды. Тиісті мысалдары цитомегаловирустық ретинит, жайылған және/немесе ошақтық микобактериялық симптомдар және Pneumocystis jirovecii пневмониясы болып табылады. Кез келген қабыну симптомдарына баға беру және қажет болғанда ем тағайындау қажет.

Антиретровирустық емді бастағаннан кейін АИВ жұқтырған, В гепатиті вирусының ко-жұқпасын жұқтырған емделушілерде иммундық реактивация синдромымен байланысты гепатиттің жедел нашарлауы дамуы мүмкін.

Остеонекроз.

Этиологиясы көп факторлы деп саналса да (кортикостероидтарды қолдануды, алкогольді тұтынуды, иммунитеттің ауыр тежелуін, дене салмағы индексінің жоғары мәнін қоса), атап айтқанда АИВ ауруы пайда болған және/немесе біріктірілген антиретровирустық еммен (CART) ұзақ әсер еткен емделушілерге қатысты остеонекроз жағдайлары жөнінде мәлімделді. Аталған құбылыстың пайда болу жиілігі белгісіз. Емделушілер, егер буындары ауырса, буындары иілмесе немесе қозғалу кезінде қиналатын болса, дәрігерге қаралуға кеңес берген жөн.

Егде жастағы емделушілер. 65 жастан асқан емделушілер арасында Трувадаға зерттеулер жүргізілген жоқ. Егде жастағы емделушілер бүйрек функциясының төмендеуіне үлкен дәрежеде бейім болады, сондықтан осы популяцияны Трувада препаратымен емдеу кезінде сақ болу қажет.

Трувада құрамында лактоза моногидраты бар. Сондықтан осындай сирек тұқым қуалайтын галактозаның жақпаушылығы, Лапп лактаза жеткіліксіздігі немесе глюкоза-галактоза сіңгіштігінің бұзылуы сияқты мәселелері бар емделушілер бұл дәрілік препаратты қабылдамауы тиіс.

Жүктілік және лактация кезеңі

Жүкті әйелдерден алынған шектеулі деректер (нәресте туумен аяқталған 300 – 1000 жүкті әйелдер шегінде) ұрыққа/жаңа туған нәрестеге эмтрицитабинмен және тенофовир дизопроксил фумаратымен байланысты болуы мүмкін уытты әсерінің немесе дамуында кемістіктердің жоқтығын көрсетеді. Жануарларға жүргізілген зерттеулер репродуктивті функцияға уытты әсерін көрсеткен жоқ. Қажет болған кезде жүктілікте Труваданы қолданудың мақсатқа сай екендігін қарастыруға болады.

Бала емізу

Зерттеулер эмтрицитабин мен тенофовирдің емшек сүтіне бөлінетіндігін көрсетті. Эмтрицитабин мен тенофовирдің жаңа туған нәрестелерге/сәбилерге ықпалы жөнінде деректер жеткіліксіз. Сондықтан Труваданы бала емізу кезеңінде қолданбаған жөн.

Жалпы алғанда, АИВ жұқтырған әйелдер нәрестеге АИВ жұғуына жол бермеу үшін бала емізбеуі керек.

Балалар.

Труваданы 18 жасқа дейінгі емделушілерге қолданбау керек, өйткені осы жас тобы үшін препаратты қолданудың қауіпсіздігі мен тиімділігі анықталған жоқ.

Дәрілік заттың көлікті және басқа да қауіпті механизмдерді басқару қабілетіне ықпал ету ерекшеліктері

Автокөлікті басқару және механизмдерді пайдалану қабілетіне ықпал етуіне қатысты зерттеулер жүргізілген жоқ. Эмтрицитабинмен және тенофовир дизопроксил фумаратымен емдеген кезде бас айналудың болатындығы жөнінде мәлімдемелердің бар екендігінен емделушілерді хабардар еткен жөн.

Артық дозалануы

Жағымсыз әсерлері

Емі: қажет болғанда стандартты демеуші емді қолданған жөн. Эмтрицитабин дозасының 30%-ға дейіні және тенофовир дозасының шамамен 10%-ы гемодиализ көмегімен шығарылуы мүмкін. Эмтрицитабин мен тенофовирдің перитонеальді диализ көмегімен шығарылатын-шығарылмайтыны белгісіз.

Шығарылу түрі және қаптамасы

Балалар аша алмайтын қақпақшамен жабылған, ылғал тартқышы бар полиэтиленді құтыда 30 таблеткадан бар.

1 құтыдан медицинада қолданылуы жөнінде мемлекеттік және орыс тілдеріндегі нұсқаулықпен бірге картон қорапта.

Сақтау шарттары

30°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

4 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

Такеда ГмбХ, Германия

Өндірістік учаске: Такеда ГмбХ Бетрибсстетте Ораниенбург, Леницштрассе 70-98, 16515, Ораниенбург, Германия

Қаптаушы ұйымның атауы және елі

Гилеад Сайенсиз Айэленд ЮС, Ирландия

ИДА Бизнес&Технолоджи Парк, Карригтохилл Ко. Корк

Тіркеу куәлігінің иесі

Гилеад Сайенсиз, Инк., АҚШ

333 Лейксайд Драйв, Фостер Сити, Калифорния 94404

Тұтынушылардан өнім (тауар) сапасы жөнінде шағымдарды Қазақстан республикасы аумағында қабылдайтын ұйымның мекенжайы:

Дельта Медикел Промоушнз АГ (Швейцария) өкілдігі

050040, Алматы қ-сы, Бостандық ауданы, Байзақов к-сі, 280 үй

Тел./факс +7 (727) 332 20 79

Электронды поштасы: PVG@deltamedical.com.ua