Тромборель

• русский
• қазақша

• Скачать инструкцию медикамента

Саудалық атауы

Тромборель

Халықаралық патенттелмеген атауы

Клопидогрел

Дәрілік түрі

Үлбірлі қабықпен қапталған таблеткалар, 75 мг

Құрамы

Бір таблетканың құрамында

белсенді зат: клопидогрел бисульфаты (клопидогрелге шаққанда) 98.00 мг (75 мг),

қосымша заттар: маннитол, микрокристалды целлюлоза, натрий карбоксиметилкрахмалы, кальций стеараты,

қабық: Винкоут (қоңыр) (гипромеллоза, триацетин, этилцеллюлоза, титанның қостотығы, тальк, темірдің қызыл тотығы)

Сипаттамасы

Дөңгелек пішінді, үлбірлі қабықпен қапталған, боз-қызғылттан қызғылт түске дейінгі, сындыратын жерінде екі қабат көрінетін таблеткалар.

Ядросы – бозғылт-сары түсті.

Фармакотерапиялық тобы

Антикоагулянттар. Тромбоциттер агрегациясының гепариннен басқа тежегіштері. Клопидогрел.

АТХ коды В01АС04

Фармакологиялық қасиеттері

Фармакокинетикасы

Клопидогрел күніне бірнеше рет 75 мг қабылдаған соң тез сіңеді. Биожетімділігі – жоғары. Алайда бастапқы заттың плазмадағы концентрациясы төмен және қабылдаған соң 2 сағаттан соң-ақ өлшеу шегіне жетпейді (0.025 мкг/л). Плазма ақуыздарымен байланысуы - 98-94%.

Клопидогрел бауырда тез метаболизденеді. Оның негізгі метаболиті - карбоксил қышқылының белсенді емес туындылары , пероральді доза 75 мг қайталаудан соң ең жоғары концентрациясына жету уақыты (TCmax) 1 сағаттан соң жетеді (Cmax - 3 мг/л жуық).

Препараттың 50% жуығы бүйрекпен және шамамен 46% ішекпен

енгізгеннен кейін 120 сағат бойы шығарылады. Бір рет және қайталап қабылдағаннан кейін негізгі метаболиттің жартылай шығарылу (Т1/2) кезеңі 8 сағатты құрайды. Бүйректер арқылы бөлініп шығарылатын метаболиттер концентрациясы - 50%.

Ауыр бүйрек аурулары бар емделушілерде (креатинин клиренсі (КК) 5-15 мл/мин) тәулігіне 75 мг қабылдағаннан кейінгі плазмадағы негізгі метаболит концентрациясы орташа дәрежелі бүйрек аурулары бар емделушілермен (КК 30-дан 60 мл/мин дейін) және дені сау тұлғалармен салыстырғанда төмен.

Бүйрек функциясының бұзылуы

Ауыр бүйрек аурулары бар емделушілерде (креатинин клиренсі 5-тен 15 мл/мин дейін) күніне 75 мг клопидогрелдің қайталама дозасынан кейін аденозиндифосфат (АДФ) түрткі болған тромбоциттер агрегациясын бәсеңсіту дені сау субъектілерде бақыланғандағыға қарағанда (25%-ға) әлсіздеу болды, алайда қан кету уақытының ұзаруы күніне 75 мг клопидогрел қабылдаған дені сау субъектілерде бақыланғандағыға ұқсас болды. Клиникалық жағымдылығы барлық науқастарда жақсы болды.

Бауыр функциясының бұзылуы

Бауыр функциясының ауыр бұзылуы бар науқастарда 10 күн бойына күніне 75 мг клопидогрелдің қайталама дозасынан кейін АДФ түрткі болған тромбоциттер агрегациясын бәсеңсіту дені сау субъектілерде бақыланған бәсеңсуге ұқсас болды. Қан кету уақытының орташа ұзаруы екі топта ұқсас болды.

Фармакодинамикасы

Клопидогрел тромбоциттер агрегациясының спецификалық және белсенді тежегіші; коронарлық кеңейткіш әсер етеді. Тромбоциттер агрегациясын әлсірете отырып, АДФ тромбоциттердегі рецепторлармен байланысуын және АДФ әсерімен GP IIb/IIIa рецепторлары белсендірілуін таңдап азайтады.

Басқа агонистерден туындаған тромбоциттердің босап шыққан АДФ олардың белсенділендірілуін тойтара отырып, агрегациясын азайтады, фосфодиэстераза (ФДЭ) белсенділігіне әсер етпейді. Тромбоциттердің өмірлік циклы бойына (7 күн шамасы) АДФ көтермелеуді қабылдамайтын АДФ-рецепторларымен қайтымсыз байланысады.

Тромбоциттердің агрегациясын тежеу бастапқы 400 мг дозаны (40% тежеу) қабылдағаннан 2 сағаттан кейін бақыланады. Ең жоғары әсері (60% агрегацияны бәсеңсіту) тәулігіне 50-100 мг дозада тұрақты түрде 4-7 күн қабылдағаннан кейін дамиды. Антиагреганттық әсер тромбоциттердің өмірінің барлық кезеңі бойына (7-10 күн) сақталады.

Тамырдың атеросклероздық зақымдануы болғанда тамырлық үдерістің (цереброваскулярлық, кардиоваскулярлық немесе шеткергі зақымдану) орналасқан орнына байланыссыз атеротромбоз дамуына кедергі келтіреді.

Қолданылуы

Ересектерге атеротромбоздық бұзылулардың алдын алу үшін көрсетілген:

- миокард инфарктісімен (бірнеше күннен 35 күннен азырақ күнге дейін), ишемиялық инсультпен науқастарға (7 күннен 6 айдан азырақ уақытқа дейін), немесе диагностикаланған шеткергі артерия аурулары бар науқастарға;

- жедел коронарлық жеткіліксіздік синдромымен ауыратын науқастарға:

- ST сегменті жоғарылауынсыз жедел коронарлық жеткіліксіздік синдромы (тұрақсыз стенокардия немесе Q тісшесіз миокард инфарктісі), оның ішінде тері арқылы коронарлық араласулар барысында коронарлық стент орналастырылатын науқастарға, ацетилсалицил қышқылымен біріктірілімде (АСҚ),

- тромболитикалық ем жүргізуге жарамды дәрі-дәрмектік емдеудегі науқастардағы ST сегменті жоғарылауымен жедел миокард инфарктісінде, АСҚ біріктірілімде.

Қолдану тәсілі және дозалары

Тромборель препаратын ересектер мен егде жастағыларға тамақ ішуге байланыссыз тәулігіне бір рет 75 мг ішке қабылдау керек.

Миркард инфарктісінен кейінгі науқастарға емдеуді бірнеше күннен 35 күнге дейінгі мерзімде және ишемиялық инсульттен кейінгі науқастарда 7 күннен 6 айға дейін бастау керек.

ST сегменті көтерілуінсіз жедел коронарлық синдромда (тұрақсыз стенокардия немесе Q тісшесіз миокард инфаркті) Тромборельмен ем бір реттік 300мг жүктемелік дозамен басталуы тиіс, ал содан соң тәулігіне бір рет 75 мг дозада жалғастырылады (АСҚ-мен тәулігіне 75 мг-325 мг). АСҚ жоғары дозаларын қолдану қан кетудің үлкен қаупімен байланысты болғандықтан ұсынылатын доза 100 мг жоғары болмауы тиіс.

ST сегменті көтерілуі бар жедел миокард инфарктімен науқастарда препарат тәулігіне 75 мг дозада бір рет тромболитиктермен үйлестіре немесе тромболитиктерсіз, АСҚ бастапқы жүктемелік дозамен біріктіріле тағайындалады.

75 жастан асқан емделушілер үшін Тромборельмен ем жүктемелік доза пайдаланбай жүргізілуі тиіс. Біріктірілген ем симптомдар дамуынан мүмкіндігінше ертерек басталуы тиіс және төрт аптадан кем емес уақыт жүруі керек.

Жағымсыз әсерлері

Жиі

- гематома

- мұрыннан қан кету

- асқазан-ішек қан кетулері, іш өту, іш ауыруы, диспепсия

- соғылулар

- пункция орнындағы қан кету

Кейде

- тромбоцитопения, лейкопения, эозинофилия

- бассүйекішілік қан кету (өліммен аяқталған бірнеше жағдайлар туралы мәлімделген), бас ауыруы, парестезия, бас айналуы

- көзге қан құйылу (конъюнктивальді, окулярлы, ретинальді)

- асқазан және он екі елі ішек ойық жарасы, гастрит, құсу, жүрек айнуы, іш қату, метеоризм

-бөртпе, қышыну, теріге қан кету (пурпура)

- гематурия

- қан кету уақытының ұзаруы және нейтрофилдер санының төмендеуі, зерттеудегі тромбоциттер санының төмендеуі

Сирек

- нейтропения, оның ішінде ауыр нейтропения

- вертиго

- ретроперитонеальді қан кету

Өте сирек

- тромбоздық тромбоцитопениялық пурпура (ТТП), апластикалық анемия,

панцитопения, агранулоцитоз, ауыр тромбоцитопения, гранулоцитопения,

анемия

- сарысу құю ауруы, анафилактоидты реакциялар

- елестеулер, сананың шатасуы

- дәм сезудің бұзылуы

- операция жарақатынан ауыр қан кету, васкулит, гипотензия

- тыныс жолдарынан қан кету, (қан қақыру,өкпеден қан кету),

бронх түйілуі, интерстициальді пневмонит

- өлімге соқтыратын асқазан-ішек және ретроперитонеальді қан кету, панкреатит, колит (оның ішінде ойық жаралы және лимфоцитарлы колит), стоматит

-жедел бауыр жеткіліксіздігі, гепатит, бауырдың функционалдық тестісінің патологиялық көрсеткіштері

- буллёзді дерматит (уытты эпидермальді некролиз, Стивенс-Джонсон синдромы, көп формалы эритема), ангионевротикалық ісіну,

эритематозды бөртпе, есекжем, экзема және жалпақ теміреткі

- қаңқа-бұлшықет қан кетулері (гемартроз), артрит, артралгия, миалгия

- гломерулонефрит, қандағы креатинин деңгейі жоғарылауы

- қызба

Қолдануға болмайтын жағдайлар

- әсер етуші затқа немесе дәрілік препараттың кез келген компоненттеріне жоғары сезімталдық

- бауыр функциясының ауыр бұзылуы

- жедел патологиялық қан кету, оның ішінде, асқазан және 12 - елі ішек ойық жарасында, өңеш ойық жарасында қан кету немесе бассүйекішілік қан құйылулар

- 18 жасқа дейінгі балаларға (қолданудың тиімділігі мен қауіпсіздігі анықталмаған)

- жүктілік және лактация кезеңі

Сақтықпен: орташа бауыр жеткіліксіздігі, созылмалы бүйрек жеткіліксіздігі (СБЖ), қан кету даму қаупін жоғарылататын патологиялық жай-күй (оның ішінде жарақат, операция), аскорбин қышқылын, қабынуға қарсы стероидты емес препараттарын (ҚҚСП), (циклооксигеназа (ЦОГ-2) тежегіштерін қоса алғанда), гепарин және гликопротеин IIb/IIIa тежегіштерін бір уақытта қабылдау.

Дәрілермен өзара әрекеттесуі

Ішілетін антикоагулянттар: Тромборельді қан кетуді күшейтуі мүмкін болғандықтан ішілетін антикоагулянттармен бір уақытта қолдану ұсынылмайды.

IIb/IIIа Гликопротеин тежегіштері: Тромборельді жарақатқа, хирургиялық немесе басқа патологиялық жай-күйлермен байланысты қан кетудің жоғары қаупіне ұшырауы мүмкін, гликопротеин IIb/IIIа тежегіштерін қабылдайтын науқастар жағдайында сақтықпен қолдану керек.

Ацетилсалицил қышқылы(АСҚ): Тромборель әсерінен болатын, АДФ индукцияланған тромбоциттер агрегациясы бәсеңдеуін АСҚ өзгертпейді, оның есесіне клопидогрель коллагенмен индукцияланған тромбоциттер агрегациясына АСҚ әсерін күшейтеді. Алайда тәулігіне екі рет 500 мг бір уақытта АСҚ қабылдау 1 күн бойына Тромборель қабылдаудан туындаған қан кету уақытының елеулі ұлғаюын туындатпады. Тромборель мен ацетилсалицил қышқылы арасында фармакодинамикалық өзара әрекеттесу болуы мүмкін, ол қан кету қаупі жоғарылауына алып келеді. Сондықтан да бұл препараттарды бір уақытта қолдануды сақтықпен жүргізу керек. Осыған қарамастан, Тромборель және АСҚ бір жылға дейінгі уақытқа үйлестіре тағайындаған.

Гепарин: Тромборель гепарин дозасы өзгеруін талап етпеді және гепариннің қан ұюына көрсететін тиімділігіне әсер етпеді. Гепаринді бір уақытта қолдану Тромборельден туындаған тромбоциттер агрегациясы бәсеңдеуіне әсер етпеді.

Тромборель мен гепарин арасында фармакодинамикалық өзара әрекеттесу болуы мүмкін, ол қан кетудің жоғары қаупіне алып келеді. Сондықтан бұл препараттарды бір уақытта қолдану сақтықты талап етеді.

Тромболитикалық дәрілер: жедел миокард инфарктісі бар науқастарда клиникалық елеулі қан кетулер жиілігі тромболитикалық дәрілер мен гепаринді АСҚ үйлестіре қолданғанда бақыланғандағыға ұқсас болады.

Қабынуға қарсы стероидты емес дәрілер (ҚҚСД): Тромборель мен напроксенді қоса қолдану асқазан-ішек жолдарынан жасырын қан жоғалтуды ұлғайтты. Алайда, басқа ҚҚСД өзара әрекеттесулеріне клиникалық зерттеулер болмауына байланысты қазіргі кезде асқазан-ішек қан кетулерінің қаупі жоғарылығы ҚҚСД бәріне тән немесе тән емес екендігі түсініксіз болып отыр. Сондықтан, ҚҚСД, оның ішінде ЦОГ-2 тежегіштерін, және клопидогрелді тағайындау сақтықты талап етеді.

Омепразол, эзомепразол, флувоксамин, флуоксетин, моклобемид, вориконазол, флуконазол, тиклопидин, ципрофлоксацин, циметидин, карбамазепин, окскарбамазепин және хлорамфеникол және CYP2С19 бәсеңсітетін басқа препараттар: Тромборельмен үйлестіре қолдану Тромборельдің белсенді метаболитінің дәрілік концентрациясын төмендетуге және Тромборельдің белсенді метаболитіне дейін метаболизденуіне көмектесетін CYP2С19 ферментін бәсеңсітумен байланысты оның клиникалық тиімділігін азайтуға алып келеді. Тромборельді бұл препараттармен бір уақытта қолданудан бас тарту керек.

Протон помпасы тежегіштері: протон помпасы тежегіштері класының ішінде CYP2С19 бәсеңсітудегі айырмашылық фактілеріне қарамастан, Тромборель бұл класс препараттарының барлығымен өзара әрекеттесуі мүмкін. Сондықтан аса абсолютті түрде қажет болмаса - протон помпасы тежегіштерімен бір уақытта қолданудан абай болу керек. Асқазан қышқылдылығын төмендететін Н2 блокаторлары және антацидтер сияқты басқа дәрілік заттардың Тромборельдің антитромбоцитарлық белсенділігіне әсер етуі туралы айғақ жоқ.

Атенолол, нифедипин немесе екі препаратты бір уақытта: Тромборельмен клиникалық фармакодинамикалық өзара әрекеттесулер бақыланбады.

Фенобарбитал, циметидин және эстрогендер: қоса қолдану Тромборельдің фармакодинамикалық белсенділігіне елеулі әсер етпеді.

Дигоксин, теофиллин: Тромборельді бір уақытта қолдану бұл препараттардың фармакокинетикасына әсер етпеді.

Антацидтік дәрілер: Тромборельдің сіңу дәрежесін өзгертпеді .

Фенитоин, толбутамид және Р4502C9 цитохромы көмегімен метаболизденетін ҚҚСД: Клопидогрел метаболиті карбон қышқылы Р4502C9 цитохромының белсенділігін бәсеңсітуі мүмкіндігіне байланысты Тромборельмен біріктіре қолдану аталған дәрілік заттардың плазмалық деңгейінің жоғарылауына алып келуі мүмкін. Алайда фенитоин және толбутамидті Тромборельмен бір уақытта қауіпсіз қолдануға болады.

Несеп айдайтын, β-блокаторлар, АПЭ тежегіштері, кальций антагонистері, холестерин-төмендететін дәрілер, коронарлық вазодилататорлар, диабетке қарсы дәрілер (оның ішінде инсулин), эпилепсияға қарсы дәрілер және GPIIb/IIIa антагонистері: Тромборельмен біріктіре қабылдау клиникалық тұрғыда елеулі жағымсыз өзара әрекеттесулер туындатпайды.

Айрықша нұсқаулар

Қан кетудің және гематологиялық жағымсыз әсерлер қаупіне байланысты ем барысында қан кетуге меңзейтін клиникалық симптомдар пайда болған жағдайда шұғыл түрде қан жасушаларының санын анықтау керек және/немесе тиісті басқа да талдаулар жүргізілуі тиіс. Басқа да антитромбоцитарлық препараттар сияқты Тромборельді жарақатпен, хирургиялық немесе басқа да патологиялық жай-күйлерге байланысты қан кетудің жоғары қаупі бар науқастар жағдайында, сондай-ақ АСҚ, гепаринмен, IIb/IIIа гликопротеин тежегіштерімен немесе қабынуға қарсы стероидты емес дәрілермен, оның ішінде ЦОГ-2 тежегіштерімен емдеудегі науқастар жағдайында сақтықпен қолдану керек. Науқастарда жасырын қан кетуді қоса, қан кету белгілері барын әсіресе емнің бірінші апталарында және/немесе жүрекке инвазиялық емшаралардан немесе хирургиялық араласулардан кейін мұқият бақылау керек.

Егер науқасқа элективті хирургиялық араласулар жүргізетін болса, және тромбозға қарсы әсер уақытша болмайтын болса, операция алдында 7 күн бұрын клопидогрел қабылдауды тоқтату керек. Кез келген операция алдында және кез келген жаңа дәрілік препараттар қабылдау алдында науқастар дәрігерлер мен дантисттерді Тромборель қабылдап жүргені туралы ескертулері тиіс.

Тромборель қан кету уақытын ұзартады және қан кетуге бейімдейтін (әсіресе асқазан-ішектік және көзішілік) патологиялық өзгерістері бар науқастар жағдайында сақтықпен қолданылуы тиіс.

Науқастарға қан кетуді тоқтату үшін Тромборель (бір немесе АСҚ біріктірілімде) қабылдаған жағдайда көбірек уақыт талап етілуі мүмкіндігін ескерту керек, сондай-ақ оларға егер әдеттегіден тыс (орналасқан жері немесе ұзақтығы бойынша) қан кету туындаса өзінің емдеуші дәрігеріне хабарлауы керек.

Өте сирек, Тромборель қолданудан кейін, ал кейде аз ғана экспозициядан соң, неврологиялық өзгерістері, бүйрек дисфункциясы немесе қызбамен қоса жүретін тромбоцитопения және микроангиопатиялық гемолитикалық анемиямен сипатталатын тромбоздық тромбоцитопениялық пурпура (ТТП) жағдайлары білінген. ТТП плазмаферезді қоса алғанда, шұғыл емдеуді талап ететін қауіпті өлім жағдайы болып табылады.

Деректер болмауына байланысты, Тромборельді жедел ишемиялық инсульттен кейінгі бастапқы 7 күн бойына ұсынуға болмайды.

Бүйрек функциясы бұзылуы бар емделушілерде клопидогрел қолдану тәжірибесі шектеулі, сондықтан бұл науқастарға Тромборель сақтықпен тағайындалу керек.

Бауыр функциясының ауыр бұзылуында геморрагиялық диатез даму қаупі бары туралы есте сақтау керек, бауыр функциясы орташа бұзылуы бар емделушілерде препаратты қолдану тәжірибесі шектеулі, сондықтан бұл емделушілерге Тромборель сақтықпен тағайындалу керек.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Тромборель автомобиль басқаруға және машина құрылғыларымен жұмысқа қабілетіне әсер етпейді немесе елеусіз ғана әсер етеді.

Артық дозалануы

Симптомдары – соңынан қан кету асқынуларына ұласатын қан кету уақытының ұзаруы. Қан кеткен жағдайда тиісті ем талап етілуі мүмкін.

Емі: клопидогрел фармакологиялық белсенділігінің у қайтарғысы анықталмаған. Егер ұзарған қан кету уақытын тез түзету қажет болса Тромборель әсерін тромбоциттер трансфузиясы тоқтатуы мүмкін.

Шығарылу түрі және қаптамасы

Алюминий фольгадан жасалған пішінді ұяшықты қаптамада 14 таблеткадан.

1 немесе 2 пішінді қаптамадан медицинада қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған.

Сақтау шарттары

Құрғақ, жарықтан қорғалған жерде, 250С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Босатылу шарттары

Рецепт арқылы

Өндіруші

«Эдж Фарма Прайвет Лимитед»

166 Атланта Билдинг,

209 Нариман Пойнт,

Мумбай – 400021, Үндістан

Тіркеу куәлігі иесінің атауы мен елі

Эдж Фарма Прайвет Лимитед, Үндістан

Қаптаушы-ұйымның атауы мен елі

Эдж Фарма Прайвет Лимитед, Үндістан

Тұтынушылардан өнім (тауар) сапасы жөнінде шағымдарды Қазақстан Республикасы аумағында қабылдайтын ұйымның мекенжайы

ЖШС «СonsultAsia»

E-mail: pv@consultingasia.kz

Тел/факс: +77051708825/+77051708876