Троделви® (Сацитузумаб говитекан)

Троделви®

Cацитузумаб говитекан

Дәрілік түрі, дозасы

Инфузияға арналған ерітінді дайындау үшін концентрат дайындауға арналған лиофилизат, 180 мг

Антинеопластикалық және иммуномодуляциялайтын препараттар. Антинеопластикалық препараттар. Моноклональді антиденелер және дәрілік заттары бар антидене конъюгаттары. Басқа моноклональді антиденелер және дәрілік заттары бар антидене конъюгаттары. Сацитузумаб говитекан.

АТХ коды: L01FX17.

Троделви® препараты операция жасауға келмейтін жергілікті таралған немесе метастаздық үштік негативті сүт безі обыры (мҮНСБО) бар жергілікті таралған немесе метастаздық ауруды емдеуге арналған кемінде бір препаратты қоса, алдыңғы емдеудің кем дегенде екі сызбасын алған ересек пациенттерді емдеу үшін қолданылады.

Қолдануды бастағанға дейін қажетті мәліметтер тізбесі

Әсер етуші затқа немесе қосымша заттардың кез келгеніне аса жоғары сезімталдық.

Қолдану кезінде қажетті сақтық шаралары

Нейтропения

Троделви® препаратын қолдану ауыр немесе өмірге қауіпті нейтропенияның дамуына әкелуі мүмкін. Егер нейтрофилдердің абсолютті саны кез келген циклдің 1-ші күніне 1500/мм 3-тен төмен болса немесе кез келген циклдің 8-ші күніне 1000/мм 3-тен төмен болса, Троделвиді® енгізуге болмайды. Сондықтан клиникалық көрсетілімдер бойынша емдеу барысында қанның жалпы талдауын жүргізу ұсынылады. Троделви®-ді фебрильді нейтропения кезінде де енгізуге болмайды. Гранулоцитарлық колониестимуляциялық фактормен емдеу және ауыр дәрежедегі нейтропения кезінде дозаны өзгерту қажет болуы мүмкін.

Диарея

Троделви® препаратын қолдану ауыр дәрежедегі диареяның дамуына әкелуі мүмкін. Троделви® препаратын жоспарланған емдеу кезінде 3-4 дәрежедегі диарея кезінде қолдануға болмайды және емдеуді ≤ 1-ші дәрежеге дейін қалпына келтіру кезінде ғана жалғастыру керек. Инфекцияның қоздырғышы болмаған кезде диарея дамыған кезде лоперамидпен емдеуді бастау керек. Қосымша демеу шаралары (мысалы, сұйықтық пен электролиттерді алмастыру) клиникалық көрсетілімдер бойынша да қолданылуы мүмкін.

Троделви ® препаратымен емдеуге шамадан тыс холинергиялық жауап байқалатын пациенттер (мысалы, абдоминальді бұлшықеттердің түйілуі, диарея, сілекей бөліну және т.б.) Троделви®препаратымен кейіннен емдеу үшін тиісті ем (мысалы, атропин) алуы мүмкін.

Аса жоғары сезімталдық

Троделви® препаратын қолдану ауыр және өмірге қауіпті аса жоғары сезімталдық реакциясының дамуына әкелуі мүмкін. Троделви® препаратының клиникалық зерттеулерінде анафилаксиялық реакциялар байқалған және Троделви® препаратын қолдану сацитузумаб говитеканға белгілі аса жоғары сезімталдығы бар пациенттерге қарсы көрсетілген.

Троделви® препаратының инфузиясын алатын пациенттерге антипиретиктерді, гистаминдік рецепторлардың H1 және H2 блокаторларын немесе кортикостероидтарды (мысалы, 50 мг гидрокортизонды немесе оның баламасын ішке немесе вена ішіне) қамтитын ем жүргізу ұсынылады. Пациенттер әрбір Троделви® инфузиясы кезінде және әрбір инфузия аяқталғаннан кейін кемінде 30 минут бойы инфузиялық реакциялардың туындау мәніне мұқият бақылануы тиіс. Егер пациентте инфузиялық реакция дамитын болса, Троделви® инфузиясының жылдамдығын төмендету немесе инфузияны тоқтату керек. Егер өмірге қауіпті инфузиялық реакциялар туындаса, Троделви® препаратын қолдануды түпкілікті тоқтату керек.

Жүрек айнуы және құсу

Троделви® препаратының эметогендік әсері бар. Химиотерапиядан туындаған жүрек айнуы мен құсудың алдын алу үшін 2 немесе 3 дәрілік препаратты (мысалы, 5-гидрокситриптамин 3 (5НТ3)-рецепторлардың антагонистерімен немесе нейролейкин-1 (NK1)-рецепторлардың антагонистерімен, сондай-ақ медициналық көрсетілімдер бойынша басқа да дәрілік препараттармен бірге дексаметазонды) қамтитын профилактиканы жүргізу ұсынылады.

Троделви® препаратын жоспарланған емдеу кезінде 3-дәрежедегі жүрек айнуы немесе 3-4-дәрежедегі құсу кезінде қолдануға болмайды және емдеуді қосымша көмекші шараларды орындау кезінде және ≤ 1-ші дәрежеге дейін қалпына келтіргеннен кейін ғана жалғастыру керек. Сондай-ақ, клиникалық көрсетілімдер бойынша қосымша құсуға қарсы дәрілерді және басқа да қосымша шараларды қолдануға болады. Барлық пациенттер жүрек айнуы мен құсудың профилактикасы және емдеу үшін нақты нұсқаулармен үйде қолдануға арналған дәрілік препараттарды қабылдауы тиіс.

UGT1A1 белсенділігі төмен пациенттерде қолдану

SN-38 (сацитузумаб говитеканның төмен молекулалы фрагменті) уридиндифосфат-глюкуронилтрансфераза (UGT1A1) арқылы метаболизденеді. UGT1A1 генінің генетикалық нұсқалары, мысалы *28 аллель UGT1A1, UGT1A1 ферментінің белсенділігінің төмендеуіне әкеледі. UGT1A1 * 28 аллелінің гомозиготалы тұлғалары нейтропенияның, фебрильді нейтропения мен анемияның даму қаупі жоғары және Троделви® препаратымен емдеу басталғаннан кейін басқа жағымсыз реакциялардың даму қаупі жоғары болуы мүмкін. Афро-америкалық популяцияның шамамен 20%-ы, еуропалық популяцияның 10%-ы және Шығыс Азиялық популяцияның 2%-ы *28 UGT1A1 аллельдері бойынша гомозиготалы. *28-ден басқа фермент белсенділігінің төмендеуімен байланысты аллельдер UGT1A1 аллельдері кейбір популяцияларда болуы мүмкін. Жағымсыз реакциялардың дамуы тұрғысынан белсенділігі белгілі UGT1A1 төмендеген пациенттерді мұқият бақылауды қамтамасыз ету керек. Егер аллельдер белгісіз болса, UGT1A1 статусын зерттеу талап етілмейді, өйткені ұсынылған дозалардың өзгеруін қоса, жағымсыз реакцияларды емдеу барлық пациенттер үшін бірдей болады.

Эмбрионға және шаранаға уытты әсер

Әсер ету механизмі негізінде сацитузумаб говитекан тератогендік әсер етуі және/немесе жүктілік кезінде енгізген кезде эмбрион мен шарананың өліміне әкелуі мүмкін. Сацитузумаб говитекан құрамында геноуытты компонент SN-38 бар және оның мақсаты тез бөлінетін жасушалар болып табылады. Жүкті әйелдер мен бала тууға қабілетті әйелдер шарана үшін ықтимал қауіп туралы хабардар болуы тиіс. Бала тууға қабілетті әйелдердің жүктілік жағдайы сацитузумаб говитеканмен емдеу басталғанға дейін тексерілуі тиіс.

Басқа дәрілік препараттармен өзара әрекеттесуі

Өзара әрекеттесу бойынша зерттеулер жүргізілген жоқ. UGT1A1 тежегіштері мен индукторлары тиісінше SN-38 әсерін болжамды түрде арттырады немесе азайтады.

UGT1A1 тежегіштері

Троделви®-ді UGT1A1 тежегіштерімен бір мезгілде қолдану SN-38 жүйелі экспозициясының потенциалды ұлғаюына байланысты жағымсыз реакциялар жиілігін арттыруы мүмкін. Троделви® препаратын UGT1A1 тежегіштерін (мысалы, пропофол, кетоконазол, эпидермальді өсу факторы рецепторының (EGFR) тирозинкиназа тежегіштері) қабылдайтын пациенттерде сақтықпен пайдалану керек.

UGT1A1 индукторлары

SN-38 экспозициясы бір уақытта UGT1A1 ферментінің индукторларын алатын пациенттерде айтарлықтай төмендеуі мүмкін. Троделви® препаратын UGT1A1 индукторларын (мысалы, карбамазепин, фенитоин, рифампицин, ритонавир, типранавир) қабылдайтын пациенттерде сақтықпен пайдалану керек.

Арнайы ескертулер

Педиатрияда қолдану

0-ден 18 жасқа дейінгі пациенттерде Троделви® препаратының қауіпсіздігі мен тиімділігі анықталмаған. Қолжетімді деректер жоқ.

Жүктілік, еркектер мен әйелдерге арналған контрацепция және лактация

Жүктілік

Жүктілік кезінде сацитузумаб говитеканды қолдану туралы мәліметтер жоқ. Алайда, сацитузумаб говитекан тератогендік әсер етуі және/немесе оның әсер ету механизмі негізінде жүктілік кезінде енгізген кезде эмбрион мен шарананың өліміне әкелуі мүмкін. Сацитузумаб говитекан құрамында геноуытты компонент SN-38 бар және оның мақсаты тез бөлінетін жасушалар болып табылады.

Сацитузумаб говитеканды әйелдің клиникалық жағдайы сацитузумаб говитеканмен емдеуді қажет ететін жағдайларды қоспағанда, жүктілік кезінде қолдануға болмайды.

Бала тууға қабілетті әйелдерде Троделви®препаратын қолдану басталғанға дейін жүктіліктің жоқтығына көз жеткізу керек.

Жүкті болған әйелдер дереу өз дәрігерімен байланысуы тиіс.

Лактация

Троделви® препаратының немесе оның метаболиттерінің адамның емшек сүтіне өтетіні белгісіз. Емшектегі сәбилер/балалар үшін қауіпті жоққа шығаруға болмайды. Троделви® препаратымен емдеу кезінде және соңғы дозаны енгізгеннен кейін 1 ай ішінде емшек емізуді тоқтату керек.

Еркектер мен әйелдердегі контрацепция

Бала тууға қабілетті әйелдер емдеу кезінде және соңғы дозаны енгізгеннен кейін 6 ай ішінде контрацепцияның тиімді дәрілерін қолдануы тиіс.

Серіктестері бала тууға қабілетті еркектер Троделви® препаратымен емдеу кезінде және соңғы дозаны енгізгеннен кейін 3 ай ішінде контрацепцияның тиімді әдістерін қолдануы тиіс.

Препараттың көлік құралын басқару немесе қауіптілігі зор механизмдермен жұмыс істеу қабілетіне әсер ету ерекшеліктері

Троделви® препараты көлік құралдарын басқару және қауіптілігі зор механизмдермен жұмыс істеу қабілетіне елеусіз әсер етеді, атап айтқанда, бас айналуды, шаршауды тудырады.

Қолдану жөніндегі нұсқаулар

Троделви® препаратын пациенттерге тек ісікке қарсы препараттарды қолдану тәжірибесі бар денсаулық сақтау қызметкерлері және реанимациялық іс-шаралардың толық кешенін жүргізу үшін аппаратураға рұқсаты бар ортада ғана тағайындауы және енгізуі тиіс.

Троделви® препаратын иринотекан немесе оның белсенді метаболиті SN-38 бар басқа дәрілік препараттардың орнына немесе олармен бірге пайдалануға тыйым салынады.

Дозалау режимі

Троделви® препаратының ұсынылатын дозасы әр 21 күндік емдеу циклінің 1-ші күні және 8-ші күні аптасына бір рет вена ішіне инфузия түрінде дене салмағына 10 мг/кг құрайды. Емдеуді аурудың өршуіне немесе қолайсыз уыттылықтың дамуына дейін жалғастыру керек.

Премедикация

Троделви® препаратының әрбір дозасын енгізер алдында инфузиялық реакциялардың және химиотерапиямен байланысты жүрек айнуы мен құсудың алдын алу үшін премедикация ұсынылады.

Инфузиялық реакциялар кезіндегі дозаның модификациясы

Егер пациентте инфузиялық реакция дамитын болса, Троделви® инфузиясының жылдамдығын төмендету немесе инфузияны тоқтату керек. Егер өмірге қауіпті инфузиялық реакциялар туындаса, Троделви® препаратын қолдануды түпкілікті тоқтату керек.

Жағымсыз реакциялар кезіндегі доза модификациясы

Троделви® препаратын қолдану кезінде жағымсыз реакциялар дамыған жағдайда доза модификациясының нұсқалары 1-кестеде сипатталған. Троделви® препаратының дозасын жағымсыз реакциялардың дамуына байланысты дозаны төмендеткеннен кейін қайта арттыруға болмайды.

1-кесте. Жағымсыз реакциялар дамығанда дозаның ұсынылатын модификациялары

Енгізу жолы және тәсілі

Троделви® препараты тек вена ішіне енгізуге арналған. Оны вена ішіне инфузия түрінде енгізу керек және вена ішіне ағынды немесе болюсті енгізуді қолданбау керек.

Уақыты көрсетілген қолдану жиілігі

Бірінші инфузия: инфузияны 3 сағат ішінде енгізу керек.

Келесі инфузиялар: егер пациент алдыңғы инфузияларды асқынусыз өткерген болса, инфузияны 1-2 сағат ішінде енгізген жөн. Пациенттер әрбір инфузия кезінде және инфузиялық реакциялар белгілеріне немесе симптомдарына қатысты әрбір инфузиядан кейін кемінде 30 минут бойы бақылауда болуы тиіс.

Артық дозалану жағдайында қабылдануы қажет шаралар

Клиникалық зерттеулерде 18 мг/кг дейінгі дозалар (дене салмағының 10 мг/кг ең жоғары ұсынылған дозасынан шамамен 1,8 есе көп) ауыр дәрежедегі нейтропенияның даму жиілігіне әкелді.

Артық дозаланған жағдайда пациенттерді жағымсыз реакциялар белгілеріне немесе симптомдарына, атап айтқанда, ауыр дәрежедегі нейтропенияға мұқият бақылау және тиісті ем тағайындау қажет.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

Дәрігерден кеңес алу ұсынылады.

Келесі ақпарат тек медицина қызметкерлеріне арналған:

Троделви® — цитоуытты дәрілік препарат. Препаратпен жұмыс істеу және оны утилизациялау бойынша тиісті арнайы процедураларды орындау қажет.

Осы дәрілік препаратты, төменде аталғандарды қоспағанда басқа дәрілік препараттармен араластыруға тыйым салынады.

Еруі

• Троделви® препаратының қажетті дозасын (мг) әрбір емдеу циклінің басында пациенттің дене салмағы бойынша есептейді (немесе егер пациенттің дене салмағы алдыңғы енгізу сәтінен бастап 10%-дан аса өзгерсе, жиірек).

• Құтылардың қажетті санын бөлме температурасына (20°C-ден 25°C-ге дейін) дейін жеткізеді.

• Стерильді шприцті пайдалана отырып, әр құтыға инъекцияға арналған 0,9% натрий хлоридінің 9 мг/мл ерітіндісін баяу енгізеді. Алынған ерітіндінің концентрациясы 10 мг/мл болады.

• 15 минутқа дейінгі уақыт аралығында ішіндегісінің еруін қамтамасыз ету үшін құтыларды абайлап айналдырыңыз. Сілкімеңіз. Енгізер алдында препаратты қатты бөлшектердің бар-жоғын және түсінің өзгеруін қарап тексеру керек. Ерітіндіде көрінетін қатты бөлшектер болмауы керек, мөлдір және сары түсті болуы тиіс. Егер ол бұлыңғыр немесе түсі өзгерген болса, қалпына келтірілген ерітіндіні қолданбаңыз.

• Инфузияға арналған сұйылтылған ерітіндіні дайындау үшін дереу қолдану керек.

Сұйылту

• Пациенттің дене салмағына сәйкес дозаны алу үшін қажетті қалпына келтірілген ерітіндінің көлемі есептеледі.

• Сацитузумаб говитекан концентрациясының 1,1-3,4 мг/мл диапазонында тиісті дозаны жеткізу үшін қажетті инфузиялық ерітіндінің соңғы көлемін анықтайды.

• Қалпына келтірілген ерітіндінің талап етілетін көлеміне тең соңғы инфузиялық қаптан инъекция үшін 9 мг/мл (0,9 %) натрий хлоридінің көлемі алынып тасталады.

• Қалпына келтірілген ерітіндінің есептелген мөлшерін шприцтің көмегімен құтыдан алады. Құтыда қалған пайдаланылмаған препаратты утилизациялайды.

• Көбік түзілуін барынша азайту үшін қалпына келтірілген ерітіндінің қажетті көлемін поливинилхлорид, полипропилен немесе этилен және пропилен сополимерінен жасалған инфузиялық қапқа баяу енгізеді. Ішіндегісін сілкімеңіз!

• Қажет болса инфузиялық қаптағы көлемді инъекцияға арналған натрий хлоридінің ерітіндісімен 9 мг/мл (0,9 %) 1,1–3,4 мг/мл концентрациясын алғанға дейін жеткізеді (жалпы көлемі 500 мл-ден аспауы тиіс).

• Инъекцияға арналған натрий хлоридінің 9 мг/мл (0,9 %) ерітіндісін ғана пайдалану керек, өйткені ерітілген препараттың басқа инфузиялық ерітінділермен сұйылту кезіндегі тұрақтылығы анықталмаған.

• Дене салмағы 170 кг асатын пациенттер үшін Троделви® препаратының жалпы дозасын көлемі 500 мл екі инфузиялық қапқа тең бөледі және бірінші инфузия үшін 3 сағат бойы және келесі инфузиялар үшін 1-2 сағаттан астам баяу инфузияны жүйелі түрде жүргізеді.

• Сұйылтылған ерітіндісі бар инфузиялық қап, егер ол дереу пайдаланылмаса, 2°C-ден 8°C-ге дейінгі тоңазытқыш температурасында 4 сағатқа дейін жарықтан қорғалған жерде сақтауға болады. Мұздатып қатыруға болмайды! Салқындағаннан кейін сұйылтылған ерітіндіні 4 сағат ішінде енгізеді (инфузия уақытын қоса).

Препаратты енгізу ерекшеліктері

• Дозалау аяқталғанға дейін пациентке енгізу кезінде инфузиялық қап жабық болуы тиіс. Инфузия жүргізу кезінде инфузиялық түтіктерді жабу немесе жарықтан қорғайтын түтіктерді пайдалану қажет емес.

• Троделви® препаратын вена ішіне инфузия түрінде енгізеді. Инфузиялық қап жарық әсерінен қорғалуы тиіс.

• Инфузиялық помпаны қолдануға болады.

• Троделви® препаратын басқа дәрілік заттармен араластыруға немесе инфузия түрінде енгізуге тыйым салынады.

• Инфузия аяқталғаннан кейін инъекцияға арналған 20 мл 9 мг/мл 0,9% натрий хлориді ерітіндісінің инфузиялық жолын жуу керек.

Утилизация

Пайдаланылмаған дәрілік препарат немесе қалдықтар жергілікті нормативтерге сәйкес утилизациялануы тиіс.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Барлық дәрілік препараттар сияқты, осы препарат жағымсыз реакцияларды тудыруы мүмкін, бірақ олар барлығында бола бермейді.

Өте жиі (10 адамның 1-іне әсер етуі мүмкін)

- Несеп шығару жолдарының инфекциясы

- Жоғарғы тыныс жолдарының инфекциясы

- Нейтропения

- Анемия

- Лейкопения

- Лимфопения

- Аса жоғары сезімталдық реакциялары

- Тәбеттің төмендеуі

- Гипокалиемия

- Гипомагниемия

- Гипергликемия

- Ұйқысыздық

- Бас ауыруы

- Бас айналуы

- Жөтел

- Диарея

- Жүрек айнуы

- Құсу

- Іш қату

- Іш ауыруы

- Алопеция

- Бөртпе

- Қышыну

- Арқаның ауыруы

- Артралгия

- Қажығыштық

- Дене салмағының төмендеуі

Жиі (10 адамның 1-ін әсер етуі мүмкін)

- Назофарингит

- Синусит

- Бронхит

- Тұмау

- Ауыз қуысындағы герпес

- Фебрильді нейтропения

- Гипофосфатемия

- Гипокальциемия

- Мазасыздық

- Дисгевзия

- Ринорея

- Мұрынның бітелуі

- Мұрыннан қан кету

- Дене жүктемесі кезінде ентігу

- Қақырықты жөтел

- Постназальді су ағу синдромы

- Стоматит

- Іштің жоғарғы бөлігінің ауыруы

- Гастроэзофагеальді рефлюкс ауруы

- Іштің кебуі

- Терінің құрғауы

- Макулопапулезді бөртпе

- Кеудедегі бұлшықет-қаңқа ауруы

- Бұлшықет түйілуі

- Дизурия

- Гематурия

- Ауырсыну

- Қалтырау

- Қандағы сілтілік фосфатаза концентрациясының жоғарылауы

- Белсендірілген ішінара тромбопластинтік уақыттың ұзаруы

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір құтының ішінде

белсенді зат - сацитузумаб говитекан, 180 мг,

қосымша заттар: 2-(N-морфолин)этансульфонды қышқыл гидраты, трегалоза дигидраты және полисорбат 80.

Препаратты қалпына келтіргеннен кейін 1 мл ерітіндінің құрамында 10 мг сацитузумаб говитекан бар.

Сыртқы түрінің, иісінің, дәмінің сипаттамасы

Ерігенге дейін:

Ақ дерлік түстен сарғыш түске дейінгі ұнтақты масса.

Ерітуден кейін:

Ерітіндіде көрінетін қосындылар жоқ.

Шығарылу түрі және қаптамасы

459 мг ұнтақ массадан алюминий қалпақшасы (flip-off) бар резеңке тығынмен тығындалған, сыйымдылығы 50 мл бір рет қолдануға арналған мөлдір шыныдан жасалған құтыда.

Бір құты медициналық қолдану жөніндегі қазақ және орыс тілдеріндегі нұсқаулықпен картон қорапқа салынады.

3 жыл.

Жарамдылық мерзімі өткеннен кейін қолдануға болмайды!

2-8 °C температурада сақтау керек.

Мұздатып қатыруға болмайды.

Құтыны жарықтан қорғау үшін картон қорапшада сақтау керек.

Балалардың қолы жетпейтін жерде сақтау керек!

Қалпына келтірілген ерітіндіні инфузияға арналған сұйылтылған ерітіндіні дайындау үшін дереу пайдалану керек.

Егер ерітінді дереу пайдаланылмаса, сұйылтылған ерітіндісі бар инфузиялық қапты 2-8 °C температурада 4 сағатқа дейін сақтауға болады.

Рецепт арқылы.

Өндіруші туралы мәлімет

БиЭсПи Фармасьютикалс С.п.А., Италия

Латина Скало, Виа Аппиа, км 65,56104013

Телефон: +39 0773 822 264 / 864

Факс: +39 0773 63 39 96

Тіркеу куәлігінің ұстаушысы

Гилеад Сайенсиз Интернешнл Лтд. (Gilead Sciences International Ltd.)

Гранта Парк,

Эбингтон

Кембридж CB21 6GT

Ұлыбритания

Телефон: 44 (0) 1223 897300

Факс: 44 (0) 1223 897291

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Инфарматис» жауапкершілігі шектеулі қоғамының Қазақстан Республикасындағы филиалы

Бейбітшілік көшесі, 14, 907 кеңсе

Нұр-Сұлтан

010000

Қазақстан Республикасы

Телефон: +77172696922

Эл. пошта: pv@inpharmatis.com

KZ-MAR22-EU-NOV21