Трипсин кристаллический
Инструкция
-
русский
-
қазақша
Саудалық атауы
Кристалдық трипсин
Халықаралық патенттелмеген атауы
Жоқ
Дәрілік түрі
Инъекция үшін ерітінді дайындауға арналған лиофилизацияланған ұнтақ, 0.01 г
Құрамы
Бір ампуланың ішіндебелсенді зат – 0,01 г трипсин
Сипаттамасы
Кеуекті масса немесе түсі ақ немесе сәл сарғыш реңді ақ түсті, иіссіз ұнтақ
Фармакотерапиялық тобы
Жаралар мен ойық жаралы зақымдарды емдеуге арналған препараттар.
Ферменттік препараттар. Протеолитикалық ферменттер. Трипсин.
АТХ коды D03BA01
Фармакологиялық қасиеттері
Фармакокинетикасы
Зерттелмеген.
Фармакодинамикасы
Трипсин салыстырмалы молекулярлық салмағы 21000 болатын ақуыздар болып табылады. Медицинада қолдануға арналған трипсин мүйізді ірі қараның ұйқы безінен алынады. Фермент рН 5,0 – 8,0 кезінде белсенді, рН 7,0 кезінде оңтайлы деңгейдегі белсенділікте. Трипсин некроздалған тіннің және фиброзды түзілудің ыдырауына, тұтқыр сөлініс пен экссудаттың сұйылуына ықпал етеді. Сау тіндерге қатысты ферменттері белсенді емес және онда трипсин тежегіштерінің болуына байланысты қауіпсіз. Ақуыз молекуласында пептидтік байланыстарды, сондай-ақ ақуыздың жоғары және төмен молекулалы ыдырау өнімдерін, әсіресе хошиістендіргіш амин қышқылдары (аргинин, лизин) қалдығының түзілуінен болатын байланысты ыдырату қабілеті бар. Бұл механизммен оның қабынуға қарсы және ісінуге қарсы әсері байланысты, өйткені қабыну факторлары күрделі ақуыздар немесе жоғары молекулалы пептидтер (брадикинин, серотонин, некроздық өнім және т. б.) болып келеді, оларды трипсин қарапайым және қауіпсіздігі аз қосылыстарға дейін ыдыратады. Гемостаз жүйесіне әсері жоқ.
Қолданылуы
Кешенді ем құрамында:
- жедел тромбофлебитте, созылмалы тромбофлебит асқынуында
- жедел және созылмалы одонтогенді остеомиелитте, гайморитте, пародонтитте
- жедел иритте, иридоциклитте
- көз камерасына қан құйылғанда және жарақаттан және операциядан кейінгі көз маңайы тіндерінің ісінуінде
- трахеитте, бронхитте, отитте
- өкпе және мойын лимфалық түйіндері туберкулезінің деструктивті түрінде, спецификалық емес пневмонияда, операциядан кейінгі өкпе ателектазында, плевра эмпиемасында
Қолдану тәсілі және дозалары
Препаратты көктамыр ішіне енгізуге тыйым салынады!
Новокаинді еріткіш ретінде пайдаланғанда, препаратты қолданбас бұрын, новокаинге аллергиялық сынама жүргізген жөн.
Бұлшықет ішіне
Енгізудің мұндай жолы хирургиялық, стоматологиялық және ЛОР (тромбофлебитте, одонтогенді остеомиелитте, гайморитте, пародонтитте) тәжірибесінде лайықты. Ересектерге тікелей қолданар алдында 1-2 мл 0,9% натрий хлориді ерітіндісінде немесе 0,5% - 2,0% новокаин ерітіндісінде еріте отырып, 5 мг-ден тәулігіне 1-2 рет енгізеді. Емдеу курсы – 10-20 инъекция. Емдеу ұзақтығы – 20 күнге дейін. Ең жоғары курстық дозасы – 100 мг.
Ингаляциялық
Мұндай түрде енгізуді пульмонологиялық және фтизиатриялық тәжірибеде (трахеитте, бронхитте, өкпе туберкулезінің деструктивті түрлерінде, спецификалық емес пневмонияда, операциядан кейінгі өкпе ателектазында), сондай-ақ ЛОР тәжірибесінде гайморит кезінде қолдану керек. Емшараға ингалятор, бронхоскоп немесе эндотрахеальді түтік арқылы 2-3 мл 0,9% натрий хлориді ерітіндісінде ерітілген 5-10 мг қолданылады;
емшаралар жиілігі – тәуілігіне 1 рет. Емдеу ұзақтығы мен ингаляция санын дәрігер анықтайды. Ингаляция кезінде ерітіндіге бронходилататорлар мен антибиотиктерді қосуға болады. Емшарадан кейін қолды, мұрынды жылы сумен жуу керек.
Интраплевральді
Енгізудің бұл жолын пульмонологиялық және фтизиатриялық тәжірибеде (плеврит және плевра эмпиемасы кезінде) қолдану керек. 20-50 мл 0,9% натрий хлориді ерітіндісінде ерітілген 10-20 мг-ден тәулігіне 1 рет енгізу керек. Емдеу ұзақтығын дәрігер белгілейді. Енгізгеннен кейін дене қалпын жиі өзгертіп отырған дұрыс. Келесі плевральді пункцияда сұйытылған экссудат жіберу керек.
Конъюнктивальді
Мұндай енгізу жолы офтальмологиялық тәжірибеде пайдаланылады. Көз былауына арналған сулы ерітінді (10 мг 0,2% трипсин ерітіндісін 5 мл натрий хлориді изотониялық ерітіндісінде пайдалану), 1-3 күн бойы тәулігіне 3-4 рет. Ерітіндіні тікелей пайдаланар алдында дайындау керек. Тітіркендіру болғанда препарат қолдануды тоқтату керек.
Трипсинмен электрофорез.
Бұл әдісті ЛОР тәжірибесінде, пульмонология және хирургияда пайдалануға болады. Препаратты теріс полюстен енгізеді: 1 емшараға
15-20 мл дистилденген суда ерітілген 10 мг Дайын ерітіндіні даярлағаннан кейін бірден пайдалану керек. Қабылдау жиілігі – тәулігіне 1 рет. Емдеу ұзақтығын дәрігер белгілейді.
Жағымсыз әсерлері
Сирек
- температураның жоғарылауы
- тахикардия
- инъекция орнының елеусіз ауыруы және гиперемиясы
- аллергиялық реакциялар (тері бөртпесі, тері қышымасы, ангиноневроздық ісіну)
- ингаляция кезінде мүмкін жоғарғы тыныс жолдарындағы шырышты қабықтың тітіркенуі және дауыстың қарлығуы
Қолдануға болмайтын жағдайлар
- препаратқа аса жоғары сезімталдық
- ΙΙ-ΙΙΙ сатыдағы жүрек жеткіліксіздігі
- ΙΙΙ сатыдағы тыныс алу жеткіліксіздігі бар өкпе эмфиземасы
- амилоидозбен, кахексия және қан кетулермен асқынған өкпе туберкулезінің декомпенсацияланған түрлері
- бауырдың жедел дистрофиясы, бауыр циррозы
- инфекциялық гепатит
- панкреатит
- нефрит
- геморрагиялық диатез
- бейімділік қанағыштыққа
- жүктілік және лактация кезеңі
- 18 жасқа дейінгі балалар және жасөспірімдер
- қабыну ошағы және қанталаған қуыстар
- қатерлі ісік бетінің ойылуы
Дәрілермен өзара әрекеттесуі
Трипсинді қолдану кешенді ем шараларының бірі ретінде – тұтқыр сөліністі және экссудатты сұйылту, қабыну аурулары кезінде ісінулерді азайту қабілетіне негізделген (басқа – спецификалық дәрілік заттарды бір мезгілде тағайындаған кезде).
Айрықша нұсқаулар
Препаратты көктамыр ішіне енгізуге тыйым салынады! Бұлшықетішілік ерітіндіні бөксе бұлшықетінің жоғарғы сыртқы квадрантына тереңдетіп енгізеді. Ингаляциядан кейін жылы сумен ауызды шаю және мұрынды жуу қажет, сонымен қатар қақырықты (жөтелу немесе оны сору арқылы) мүмкіндігінше толығымен түсіруді қамтамасыз ету керек. Пародонтит кезінде бұлшықетішілік инъекцияларды пародонтқа трипсин ерітіндісін сүйекқапасты енгізумен үйлестіру ұсынылады. Аллергиялық реакциялар болғанда препаратты тоқтатады.
Дәрілік заттың көлік құралдарын немесе қауіптілігі зор механизмдерді басқару қабілетіне ықпал ету ерекшеліктері
Автокөлікті немесе басқа да қауіпті механизмдерді басқару кезінде сақ болған жөн.
Артық дозалануы
Зерттелмеген.
Шығарылу түрі және қаптамасы
0,01 г препараттан шыны ампулаларда немесе сындыру сақинасы бар ампулаларда.
10 ампуладан медициналық қолдану жөніндегі мемлекеттік және орыс тілдеріндегі нұсқаулықпен және кесетін керамикалық дискімен бірге (қажет болса) ампулаларды орналастыруға және бекітуге арналған аралықтары немесе гофрланған астары, немесе поливинилхлоридті үлбірден жасалған полимер астары бар қораптық картоннан жасалған қорапшаға салынады.
Сақтау шарттары
Түпнұсқалық қаптамасында 2 ºС-ден 8 ºС-ге дейiнгi температурада сақтау керек.
Балалардың қолы жетпейтін жерде сақтау керек!
Сақтау мерзімі
2 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші
«Биофарма» ЖАҚ, Украина
Мекенжайы: 03680, Киев қ., Н.Амосов к-сі, 9, Украина, тел. (+38-044)-275-16-04, 275-91-50, 521-15-39
Тіркеу куәлігінің иесі
«Биофарма» ФЗ» ЖШҚ, Украина
Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы
ЖК Тлеубергенова Г.С., Қазақстан Республикасы, 010000, Ақмола облысы, Астана қ. Бозинген қ-сі, 8 үй
aldokinakbar@mail.ru