Триомбраст® (76%, 20 мл)

• русский
• қазақша

• Скачать инструкцию медикамента

Саудалық атауы

Триомбраст®

Халықаралық патенттелмеген атауы

Натрий амидотризоаты

Дәрілік түрі

Инъекцияға арналған 60% немесе 76% ерітінді

Құрамы

1 мл ерітіндінің құрамында

белсенді заттар:

60 % ерітінді - 100% сусыз затқа шаққанда 471,6 мг диатризой қышқылы дигидраты, 100% құрғақ затқа шаққанда 125,7 мг N-метилглюкамин (меглюмин);

76% ерітінді - 100% сусыз затқа шаққанда 597,3 мг диатризой қышқылы дигидраты, 100% құрғақ затқа шаққанда 159 мг N-метилглюкамин (меглюмин);

қосымша заттар: натрий гидроксиді, динатрий эдетаты, инъекцияға арналған су.

Сипаттамасы

Мөлдір түссіз немесе ашық-сары түсті, сәл тұтқыр сұйықтық.

Фармакотерапиялық тобы

Контрастылы заттар. Құрамында йоды бар рентгенконтрастылы заттар. Суда еритін жоғары осмолярлы ренотроптық заттар. Натрий амидотризоаты.

АТХ коды V08A A01

Фармакологиялық қасиеттері

Фармакокинетикасы

Пероральді түрде қабылдағаннан кейін амидотризоаттың сіңірілуі іс жүзінде нөлге тең. Қантамыр ішіне енгізгеннен кейін жасушааралық затта тез таралады. Зақымданбаған гематоэнцефалдық бөгет арқылы өтпейді. Препаратты көктамыр ішіне енгізген кезде оның қан плазмасы ақуыздарымен байланысуы 10%-дан аспайды. Амидотризоат эритроциттерге өтпейді.

60% Триомбраст® препаратын дене салмағының әр кг-на шаққанда 1 мл дозада көктамыр ішіне болюсті түрде енгізуден кейін 5 минуттан соң қан плазмасында препарат бір литрдегі 2-3 г йодқа сәйкес келетін концентрацияға жетеді. Енгізгеннен кейін 3 сағат ішінде концентрацияның 30 минут бойы салыстырмалы түрде тез төмендеуі, содан кейін жартылай шығарылу кезеңінің 1-2 сағаттық біртіндеп төмендеуі байқалады. Диагностикалық дозаларда енгізген кезде амидотризоат бүйректерде гломерулярлық сүзілуге ұшырайды. Енгізілген препараттың 15%-ы дерлік препаратты енгізгеннен кейін 30 минут ішінде-ақ өзгермеген күйінде несеппен бірге, ал 50%-дан астамы 3 сағат ішінде шығарылады. Организмге таралуының және шығарылуының кинетикалық сапасы клиникалық тұрғыдан маңызды ауқым шегінде дозаға тәуелді емес.

Бүйрек функциясы бұзылған науқастарда амидотризоат сондай-ақ бауыр арқылы, аздаған мөлшерде болса да, шығарылуы мүмкін. Препарат емшек сүтіне тек өте аз мөлшерлерде ғана енеді. Енгізілген жеріне қарамай-ақ, қысқа уақыт ішінде тіпті тіннен де толық шығарылады.

Фармакодинамикасы

Рентгеноконтрастылы зат. Амидотризоаттың құрамына кіретін йодпен рентгендік сәулелерді сіңіру есебінен бейненің контрастылығын арттырады.

Қолданылуы

• көктамырішілік және ретроградтық урографияда

• ангиографияда

• артрографияда

• интраоперациялық холангиографияда

• эндоскопиялық ретроградтық холангиопанкреатографияда (ЭРХПГ)

• сиалографияда

• фистулографияда

• гистеросальпингографияда

Қолдану тәсілі және дозалары

Науқасты тексеруге дайындау. Тексеруге дейін 2 күн ішінде метеоризмді тудыратын тағамдарды қолданбаған жөн. Бұл ең әуелі бұршақ тұқымдастарға, салаттарға, жемістерге, қара және жаңа піскен нанға, сондай-ақ қандай да болсын көкөністердің шикі түрлеріне қатысты. Тексеру қарсаңында соңғы асты қабылдау 1800 –ден кешіктірілмеуі тиіс. Бұдан басқа, кешке іш жүргізетін дәрі қабылдаған жөн.

Контрастылы затты көктамырішілік қолдану алдында және қолданудан кейін организмнің тиісті гидратациясын қамтамасыз ету қажет. Бұл әсіресе егде жастағы адамдарға, қант диабеті, көптеген миеломасы, полиуриясы, олигуриясы, гиперурикемиясы бар емделушілерге қатысты. Су-электролиттік алмасудың бұзылуына жол бермеу керек.

Тексеру жүргізу.

Зерттеу жүргізудің тура алдында контрастылы затты еккішке құйып алу қажет.

Контрастылы заттың ерітіндісі бір рет қолдану үшін ғана қарастырылған.

Тексеру кезінде пайдаланылмаған контрастылы заттың қалдығын бұдан кейін қолданбайды.

Рентгенконтрастылы заттарды қантамыр ішіне енгізген кезде емделуші жатуы тиіс. Инъекциядан кейін 30 минут бойы емделушіні бақылауға алған жөн, өйткені ауыр асқынулардың көбісі инъекциядан кейінгі алғашқы жарты сағат ішінде болады.

Қантамыр арнасына интерстициальді сұйықтықтың құйылуы есебінен, организмге қан плазмасы осмоляльділігі жоғарылауының орнын толтыруға мүмкіндік беру үшін, инъекциялар арасындағы аралық 10-15 минутты құрауы тиіс. Бір тексеру үшін 300 мл-ден астам контрастылы сұйықтықты пайдалану қажет болған жағдайда, су-электролиттік ерітінділерді көктамыр ішіне енгізуге тағайындайды. Препарат дозасы емделушінің жасына, дене салмағына, жүрегінің минуттық көлеміне және жалпы жағдайына байланысты болады.

Бүйрек және жүрек-қантамыр функциясының ауыр жеткіліксіздігі бар емделушілерге және жалпы жағдайы ауыр емделушілерге контрастылы заттың аз дозасын қолдану қажет. Тексеруден кейін бұл емделушілердің бүйрек функциясын 3 күн бойы бақылау қажет.

Көктамырішілік урография.

Көктамырішілік енгізу жылдамдығы минутына 20 мл құрайды. Жүрек функциясының жеткіліксіздігі бар, 100 мл немесе одан да көп доза тағайындалған науқастар үшін енгізу уақытын 20-30 минутқа дейін арттыру керек.

Дозалануы. Ересектер үшін: 76% Триомбраст® дозасы – 20 мл, 60% Триомбраст® дозасы – 50 мл. 76% Триомбраст® дозасын 50 мл-ге дейін арттыру диагноздың өте дәл болу мүмкіндігін едәуір арттырады. Доза бұдан әрі қарай, егер бұл ерекше көрсетілімдерге байланысты қажет болса, арттырылуы мүмкін.

Суретке түсіруді орындау уақыты. Бүйрек паренхимасының өте жақсы кейпін алу үшін суретін түсіруді контрастылы затты енгізу бойына жасаған жөн. Бүйрек астаушасын және несеп шығару жолдарын бейнелеу үшін алғашқы суретін түсіруді контрастылы затты енгізгеннен кейін 3-5 минуттан соң, ал екіншісін 10-12 минуттан соң бастайды, жас емделушілер үшін көрсетілген уақыт ауқымының төменгі шекарасын, ал егде жастағы емделушілер үшін жоғарғы шекарасын нысанаға алу қажет.

Ангиография.

Триомбраст® препаратын ангиографиялық зерттеулер үшін қолдануға болады. 76% ерітіндіге, әсіресе йодтың жоғары концентрациясының, мысалы, аортография, ангиокардиография немесе коронарография үшін, мәні маңызды болған жағдайларда артықшылық беріледі.

Дозаны емделушінің жасына, салмағына, жүрегінің минуттық көлеміне, жалпы жағдайына, зерттеу әдістемелеріне, зерттелетін қантамыр аймағының түріне және көлеміне байланысты белгілейді.

Ретроградтық урография.

60% Триомбраст® препаратын қолдануға болады. Оның концентрациясының жоғарылығына қарамастан, тітіркену симптомдары өте сирек байқалады. Несепағардың түйілуін тудыратын болғандықтан, суықтан тітіркенуге жол бермеу мақсатында контрастылы затты дене температурасына дейін жылыту керек.

Жағымсыз реакциялар

Құрамында көктамырішілік йоды бар контрастылы заттарды қолдануға байланысты пайда болатын жағымсыз құбылыстар, әдеттегідей, қайтады және өмір үшін ауыр және қауіпті реакциялар, соның ішінде өліммен аяқталатын жағдайлар байқалса да, ауырлығы жеңіл және орташа топтарға жатады.

Аллергиялық реакциялар: жиі  қышыну, есекжем, ангионевротикалық ісіну, конъюнктивит, ринит, түшкіру, жөтел. Енгізілетін препараттың мөлшеріне және оны енгізудің тәсіліне қарамай-ақ пайда болатын бұл реакциялар шоктың бастапқы сатысының алғашқы белгілері болуы мүмкін. Контрастылы затты енгізуді бірден тоқтату керек және, қажет болғанда, мақсатқа бағытталған емді көктамыр арқылы жүргізген жөн. Кейде – бронхтың түйілуі, көмейдің түйілуі немесе ісінуі, немесе артериялық гипотензия. Контрастылы заттарды енгізумен байланысты кейін болатын реакциялар жекелеген жағдайларда кездеседі.

Тері тарапынан реакциялар: жиі  эритематозды бөртпелер, қышытатын экзантемалар. Бірлі-жарым жағдайларда – уытты тері реакциялары (мысалы, Стивенс-Джонсон немесе Лайелл синдромы).

Жүйке жүйесі тарапынан: контрастылы заттар артериялық қанмен бірге жоғары концентрацияларда миға түскен кезде бас айналу, бас ауыру, қозу, сананың шатасуы, амнезия, сөйлеудің, көрудің және естудің бұзылуы, жарықтан қорқу, уақытша көрмей қалу, тремор, құрысулар, парездер/сал, кома, ұйқышылдық сияқты транзиторлық неврологиялық асқынулар байқалуы мүмкін. Бірлі-жарым жағдайларда  ауыр, ал жекелеген жағдайларда  инсультке әкеп соғатын фатальді тромбоэмболиялық құбылыстар.

Жүрек-қантамыр жүйесі тарапынан: жиі емес  артериялық қысымның жоғарылауы немесе төмендеуі, асистолия, аритмиялар. Гистеросальпингография жүргізгеннен кейін вазовагальді реакциялар. Шұғыл емдеуді қажет ететін ауыр реакциялар қан айналымының бұзылуы түрінде болуы мүмкін, бұл шеткергі қантамырлардың кеңеюімен, әрі қарай артериялық қысымның төмендеуімен және рефлекстік тахикардиямен, ентігумен, қозу күйімен, сананың шатасуымен және цианозбен естен тануға дейін көрініс береді. Бірлі-жарым жағдайларда – миокард инфарктісіне әкеп соғатын ауыр тромбоэмболиялық құбылыстар.

Тыныс алу жүйесі тарапынан: жиі – тыныс алу жиілігінің транзиторлық бұзылуы, ентігу, сыртқы тыныс алу бұзылысы және жөтел; бірлі-жарым жағдайларда – тыныстың тоқтап қалуы, өкпенің ісінуі.

Асқазан-ішек жолы тарапынан: жиі – жүректің айнуы, құсу, амилаза деңгейінің аз ғана жоғарылауы (ЭРХПГ-ден кейін); жиі емес – іштің ауыруы; бірлі-жарым жағдайларда – панкреатит және некрозданатын панкреатит (ЭРХПГ-ден кейін).

Несеп шығару жүйесі тарапынан: бірлі-жарым жағдайларда  бүйрек функциясының бұзылуы немесе бүйрек функциясының жеткіліксіздігі, ол біршама уақыттан кейін қайтады.

Жергілікті реакциялар: инъекция жасаған жердің ауыруы шеткергі ангиография кезінде пайда болады. Препараттың паравазальді түрде құйылуы инъекция жасалған жердің ауыруын және ісінуін күшейтеді, бұлар әдетте ізсіз қайтады, тіндердің қабынуы және тіпті некрозы өте сирек байқалды. Жекелеген жағдай ларда – тромбофлебит және көктамырлар тромбозы.

Басқа да реакциялар: жиі – бас ауыру, ыстықтау сезімі; жиі емес – әлсіздік, қызба, тершеңдік, вазовагальді реакциялар; жекелеген жағдайларда – дене температурасының жоғарылауы, сілекей бездерінің ісінуі.

Қолдануға болмайтын жағдайлар

- болуы мүмкін нейроуыттық құбылыстарға байланысты миелография, вентрикулография және цистернография үшін қолдану

- айқын гипертиреоз

- жүрек функциясының декомпенсацияланған жеткіліксіздігі

- жүктілік кезінде және жамбас қуысының жедел қабыну үдерістерінде гистеросальпингография жүргізуге болмайды

- жедел панкреатитте ЭРХПГ қолдануға болмайды

- препарат компоненттеріне және құрамында йод бар заттарға жоғары сезімталдық

- 18 жасқа дейінгі балалар мен жасөспірімдер

- жүктілік және лактация кезеңі

Дәрілермен өзара әрекеттесуі

Қант диабетін емдеу үшін бигуанидтер қабылдап жүрген емделушілерге, лактоацидоздың пайда болу қаупіне байланысты, тексеруді бастаудан 48 сағат бұрын оларды тоқтату керек. Тексеруден кейін препаратты қабылдауды бүйрек функциясы қалпына келгеннен кейін ғана бастаған жөн.

Бета-блокаторларды қабылдап жүрген емделушілерде аса жоғары сезімталдық реакциялары айқынырақ болады.

Интерлейкин қабылдаған кезде кейіннен болатын реакциялар ықтималдылығы (температураның жоғарылауы, бөртпе, тұмауға ұқсас синдром, буындардың ауыруы және қышыну) ұлғаяды.

Диагностикалық тестілермен өзара әрекеттесуі. Құрамында йоды бар контрастылы заттарды қантамырлар ішіне енгізгеннен кейін қалқанша без тіндерінің қалқанша без ауруларын анықтау үшін радиоизотоптарды сіңіру қабілеті екі аптаға дейінгі кезеңге, ал жекелеген жағдайларда тіпті одан да ұзақ кезеңге төмендейді.

Айрықша нұсқаулар

Жүрек-қантамыр аурулары. Жүрек клапандарының патологиясы және өкпелік гипертензиясы бар емделушілерде контрастылы заттарды енгізу айқын гемодинамикалық өзгерулерге әкеп соғуы мүмкін. ЭКГ-да ишемиялық өзгерулерді қамтитын реакциялар және ауыр аритмия егде жастағы адамдарда және сыртартқысында жүрек аурулары бар емделушілерде көбірек таралған. Контрастылы затты көктамыр ішіне енгізу жүрек функциясының жеткіліксіздігі бар емделушілерде өкпелердің ісінуіне әкеп соғуы мүмкін.

ОЖЖ тарапынан бұзылыстар. Контрастылы затты көктамыр ішіне енгізген кезде жедел ишемиялық инсультті, жедел бас сүйекішілік қан кетуді және гематоэнцефалдық бөгеттің бұзылуын, мидың ісінуін немесе жедел димиелинизацияны қамтитын басқа да жағдайлары бар емделушілерге ерекше көңіл бөлген жөн. Бассүйекішілік ісіктер немесе метастаздар және эпилепсия сыртартқыда бар болса, құрамында йоды бар контрастылы заттарды енгізгеннен кейін құрысудың пайда болу мүмкіндігін арттырады.

Контрастылы затты енгізген кезде, цереброваскулярлық ауру, бас сүйекішілік ісіктер немесе дегенеративтік немесе қабыну метастаздары салдарынан неврологиялық симптомдар өршуі мүмкін. Контрастылы затты артерия ішіне енгізу қантамырларды тарылтып, осының салдары ретінде ми ишемиясын тудыруы мүмкін. Симптоматикалық цереброваскулярлық аурулары бар, жақын арада инсульт болған немесе транзиторлық ишемиялық шабуыл жиі болған емделушілер неврологиялық асқынулардың пайда болу қаупі жоғары болатын топқа жатады.

Бауыр функциясының ауыр дәрежедегі бұзылуы. Бүйрек функциясының ауыр дәрежедегі жеткіліксіздігі жағдайының бауыр функциясының ауыр дәрежедегі бұзылуларымен бір мезгілде болуы контрастылы заттың шығарылуын елеулі дәрежеде кідірте алады, бұл гемодиализді қажет етуі мүмкін.

Миелома немесе парапротеинемия контрастылы затты енгізгеннен кейін бүйрек функциясы жеткіліксіздігінің дамуы үшін жағдай жасауы мүмкін. Тиісті гидратация міндетті болып табылады.

Феохромоцитомасы бар емделушілерде контрастылы затты көктамыр ішіне қолданғаннан кейін ауыр дәрежедегі (кейде бақыланбайтын) гипертониялық криз дамуы мүмкін. Альфа-адренорецепторлар блокаторларымен премедикация жасау ұсынылады.

Аутоиммундық бұзылыстары бар емделушілерге. Сыртартқысында аутоиммундық бұзылыстары бар емделушілерде ауыр васкулиттердің немесе Стивенс-Джонсон синдромына ұқсас синдромның пайда болу жағдайлары жөнінде мәлімделген.

Бульбоспинальді сал (myasthenia gravis). Құрамында йоды бар контрастылы заттарды енгізу бульбоспинальді салдану симптомдарын күшейтуі мүмкін.

Жедел немесе созылмалы маскүнемдік гематоэнцефалдық бөгеттің өткізгіштігін арттыруы мүмкін. Бұл контрастылы заттың ми тіндеріне өтуін жеңілдетеді, ол ОЖЖ тарапынан болатын реакцияларға әкелуі мүмкін. Құрысу белсенділігінің шегі төмендегендіктен, алкогольге және есірткіге тәуелді емделушілерге ерекше көңіл бөлу қажет.

Бүйрек функциясының жеткіліксіздігі. Жекелеген жағдайларда бүйрек функциясының уақытша жеткіліксіздігі байқалуы мүмкін. Контрастылы затты енгізгеннен кейін бүйрек функциясының жедел жеткіліксіздігінің алдын алуға бағытталған сақтық шараларына мыналар жатады:

• жоғары қауіп төнген емделушілерді, мысалы, сыртартқысында бүйрек аурулары бар, контрастылы затты енгізгеннен кейін бүйрек функциясының жеткіліксіздігі, нефропатиялы қант диабеті, айналымдағы қан көлемінің азаюы, көптеген миеломалары бар емделушілерді, 60 жастан асқан адамдарды, қантамыр ауруларының сатысы асқынған, парапротеинемиясы, артериялық гипертензияның ауыр дәрежесі және созылмалы гипертензиясы, подаграсы бар емделушілерді, препараттың үлкен немесе қайталанатын дозаларын қабылдап жүрген емделушілерді идентификациялау;

• қауіпті топқа жататын емделушілерде контрастылы затты енгізер алдында, емшара алдында және емшарадан кейін және контрастты заттар бүйрек арқылы шығарылғанға дейін көктамырішілік инфузияны демеу арқылы тиісті гидратацияны қамтамасыз еткен дұрыс;

• контрастылы зат бүйрек арқылы шығарылғанға дейін нефроуыттық препараттарды, пероральді холецистографиялық дәрілерді қолдану, артерияларды қысу, бүйректік артериялық ангиопластика, радикальді хирургиялық араласым түріндегі және т.б. қосымша жүктемеге жол бермеу;

• бүйрек функциясының көрсеткіштері бастапқы деңгейіне оралғанға дейін контрастылы затпен жаңа зерттеу жүргізу мерзімін ауыстыру.

• диализдегі емделушілер радиологиялық емшаралар үшін контрастылы заттарды қабылдауы мүмкін, өйткені құрамында йоды бар заттар диализ үдерісінде шығарылады.

Қалқанша бездің дисфункциясы. Құрамында йоды бар контрастылы заттардан бос бейорганикалық йодидтің аздаған мөлшері қалқанша без функциясына ықпалын тигізуі мүмкін. Сондықтан жасырын гипертиреозы немесе зобы бар емделушілерде зерттеу жүргізуге аса мұқият кірісу қажет.

Аса жоғары сезімталдық. Рентгенконтрастылы заттарды пайдаланғаннан кейін кейде аллергиялық реакциялар байқалады («Жағымсыз реакциялары» бөлімін қараңыз). Олар әдетте сыртқы тыныс алудың жеңіл дәрежедегі бұзылуы, терінің қызаруы (эритема), есекжем, қышыну, немесе беттің ісінуі сияқты респираторлық немесе терінің ауыр емес симптомдарымен көрініс береді. Ангионевротикалық, субхордальді ісіну, бронхтың түйілуі және аллергиялық шок сияқты ауыр жағымсыз реакциялар пайда болуы мүмкін. Әдетте мұндай реакциялар контрастылы затты енгізгеннен кейін бір сағат ішінде байқалады. Алайда жекелеген жағдайларда кейіннен болатын реакциялар (енгізгеннен кейін бірнеше сағаттан немесе күннен соң) болуы мүмкін.

Құрамында йоды бар рентгенконтрастылы заттарға жоғары сезімталдық немесе реакциясы бар емделушілерде ауыр асқынулардың пайда болу қаупі жоғары болады.

Гиперергиялық реакция көбіне аллергияға бейім (мысалы, сыртартқыда теңіз өнімдеріне аллергия, пішен қызбасы, есекжем, йодқа немесе радиографиялық контрастылы заттарға жоғары сезімталдық және бронх демікпесі бар) емделушілерде пайда болады. Алдын алу мақсатында антигистаминдік дәрілер және/немесе глюкокортикоидтар енгізілуі мүмкін.

Бронх демікпесі бар емделушілер бронхтың түйілуінің немесе аса жоғары сезімталдық реакцияларының пайда болу қаупі бар ерекше топқа жатады.

Аса жоғары сезімталдық реакциялары бета-блокаторларды қабылдап жүрген емделушілерде, әсіресе бронх демікпесі бар болған жағдайда өршуі мүмкін. Бұдан басқа бета-блокаторларды қабылдап жүрген емделушілер аса жоғары сезімталдық реакциялары кезінде бета-агонистерімен стандартты ем жүргізгенде сезімтал болмауы мүмкін.

Аса жоғары сезімталдық реакциялары болған жағдайда контрастылы заттарды енгізуді дереу тоқтату қажет, егер бұл қажет болса, көктамыр ішіне спецификалық ем жүргізу керек. Сондықтан контрастылы заттарды көктамыр ішіне енгізу үшін иілгіш тұрақты канюляларды (катетерлерді) пайдалану керек. Контрастылы затты енгізген кезде асқынулар пайда болған жағдайда барлық шаралармен қамтамасыз ету және алдын ала болжау өте маңызды, атап айтқанда – шұғыл жәрдем көрсету үшін қажетті барлық дәрі-дәрмектер және құрал-жабдықтар дайын болуы, сондай-ақ осы типті шұғыл шараларды іс-жүзінде жүзеге асыру дағдылары болуы керек.

Егде жастағы емделушілер. Құрамында йоды бар контрастылы заттарға ауыр реакциялардың пайда болуының жоғары қаупін егде жастағы адамдарда байқалатын қантамырлар патологиясы және неврологиялық бұзылулар құрайды.

Құрамында йоды бар ионды контрастылы заттардың иондық емес контрастылы заттарға қарағанда үлкен антикоагулянттық in vitro белсенділігі бар. Сондықтан емшара жүргізген кезде ангиографияны орындау техникасын мұқият бақылау, катетерді физиологиялық ерітіндімен (егер мүмкіндік болса, гепарин қосып) жиі жуып-шаю және емшараға байланысты болатын тромбоздар мен эмболиялардың пайда болу қаупін барынша төмендету мақсатында емшара ұзақтығын қысқарту керек.

Шыны еккіштердің орнына пластик еккіштерді пайдалану қанның in vitro ұю мүмкіндігін азайтатыны мәлімделген.

Гомоцистинуриясы бар науқастарға, тромбоздың және эмболияның пайда болу қаупінің жоғары болуына байланысты, аса мұқиятты болу ұсынылады.

Қант диабетін емдеу үшін бигуанидтер қабылдап жүрген емделушілер, лактатацидоздың пайда болу қаупіне байланысты, тексерілуді бастаудан 48 сағат бұрын оларды тоқтатуы керек. Тексерілуден кейін препаратты қабылдауды бүйрек функциясы қалпына келгеннен кейін ғана бастаған жөн.

Көлік құралын немесе қауіпті механизмдерді басқару қабілетіне дәрілік заттың ықпал ету ерекшеліктері

Құрамында йоды бар контрастылы заттарды енгізгенде оларға кейін пайда болатын реакциялар сирек кездеседі, сонда да тексерілуден кейін алғашқы 24 сағат ішінде автомобильді басқармаған немесе қозғалыстағы механизмдермен жұмыс жасамаған дұрыс.

Артық дозалануы

Сиптомдары: жағымсыз реакциялар көріністері күшеюі мүмкін.

Емі: жоғалған судың және электролиттердің орнын ерітінділермен көктамырішілік инфузия жолымен толтыру қажет. Кейінгі 3 тәулік бойы бүйрек функциясын бақылау қажет. Триомбраст® препаратын организмнен гемодиализ жолымен шығаруға болады.

Шығарылу түрі және қаптамасы

Сындыратын сақинасы (немесе сындыратын нүктесі) бар немесе сындыру сақинасынсыз (сындыратын нүктесіз) шыны ампулаларда 20 мл-ден.

5 ампуладан медицинада қолданылуы жөнінде мемлекеттік және орыс тілдеріндегі нұсқаулықпен және ампулалық керамикалық пышақпен немесе кесетін керамикалық дискімен бірге картоннан жасалған гофрланған қосымша беті бар қорапшаға салынған.

Немесе 5 ампуладан (сындыратын сақинасы немесе сындыратын нүктесі бар) полимерлі үлбірден жасалған пішінді ұяшықты қаптамаға салынады. Ампуласы бар пішінді ұяшықты 1 қаптамадан медицинада қолданылуы жөнінде мемлекеттік және орыс тілдеріндегі нұсқаулықпен бірге картон қорапшаға салынған.

Сындыратын сақинасы (немесе сындыратын нүктесі) бар ампулаларды қаптағанда ампулалық керамикалық пышақ немесе кесетін керамикалық дискі салынбайды.

Сақтау шарттары

Жарықтан қорғалған және балалардың қолы жетпейтін жерде, 150С-ден 250С-ге дейінгі температурада сақтау керек.

Препаратты сақтаған кезде кристалдар шөгуі мүмкін. Мұндай жағдайларда ампуланы қайнап тұрған су моншасында қыздыру қажет. Егер кристалдар еріп кетсе және ерітінді мөлдірленсе, ал 330С-ден 360С-ге дейін салқындатқан кезде кристалдар қайтадан шөкпесе, онда ерітінді қолдануға жарамды.

Сақтау мерзімі

3 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

«Фармак» ЖАҚ, Украина, 04080, Киев қ-сы, Фрунзе к-сі, 63.

Тіркеу куәлігінің иесі

«Фармак» ЖАҚ, Украина

Тұтынушылардан өнім (тауар) сапасы жөніндегі шағымдарды Қазақстан Республикасы аумағында қабылдайтын ұйымның мекенжайы

Қазақстан Республикасы, 050012, Алматы қ., Амангелді к-сі 59 "А" "Шартас" бизнес орталығы, 9 қабат.

Тел +7 (727) 267-64-63, факс +7 (727) 267-63-73, электрондық поштасы: a.liadobruk@gmail.com