Трахисан®
Инструкция
-
русский
-
қазақша
Саудалық атауы
Трахисан®
Халықаралық патенттелмеген атауы
Жоқ
Дәрілік түрі
Соруға арналған таблеткалар
Құрамы
Бір таблетка құрамында
белсенді заттар:
лидокаин гидрохлориді – 1.0 мг,
хлоргексидин диглюконаты – 1.0 мг,
тиротрицин – 0.5 мг,
қосымша заттар: сорбитол, магний стеараты, жалбыз майы.
Сипаттамасы
Диаметрі (13.0 ± 0.2) мм және биіктігі (4.0 ± 0.2) мм, ақ түсті, дөңгелек пішінді, жиегі кертілген, беті жалпақ таблеткалар.
Фармакотерапиялық тобы
Тамақ ауруларын емдеуге арналған препараттар.
АТЖ коды R02A
Фармакологиялық қасиеттері
Фармакокинетикасы
Тиротрицин асқазан сөлінен бұзылады. Белсенді затты қолданудың дозаланған режимін сақтағанда сарысуда фармакологиялық релевантты концентрациясын күтудің қажеті жоқ. Лидокаин гидрохлориді әсерінің басталуы тез. Ақуыздармен байланысуы – 60- 80 %. Жартылай шығарылу кезеңі – 1-2 сағат.
Пероральді қолданғаннан кейін хлоргексидиннің ас қорыту жолында жоғары белсенділігі анықталған. Қайта сіңуі баяу жүреді. Хлоргексидиннің жартылай шығарылу кезеңі 4 күнді құрайды.
Фармакодинамикасы
Препараттың құрамында микробтарға қарсы қасиеттерге және жергілікті жансыздандыратын әсерге ие заттардың біріктірілімі бар.
Тиротрицин – спора түзетін Bacille brevis эндотоксиндермен тиротрициннің құрылымы бойынша ұқсастығы есебінен бактерияға қарсы әсері бар циклдық және желілік (алифатикалық) полипептидтер қоспасы. Қоспа құрамында 70-80% дейін тироцидин – негізгі циклдық декапептид және 20-30% грамицидин – бейтарап желілік пентадекапептид бар. Тироцидин бактерицидті әсерге ие.
Тироцидин бактериялық жасушалардан құрамында азот пен фосфоры бар, катионды детергенттерге ұқсас, бактериялық жасуша жарғақшаларының осмостық бөгетін бұзатын субстанциялардың босап шығуын тудырады.
Грамицидин бактериялардың жасушалық жарғақшасында катион өткізетін өзекшелер түзеді, бұл катиондардың жасуша ішілік концентрациясының өзгеруіне және цитолизге алып келеді. Грамицидиндік компонент тіндердің тыныс алу және тотығып фосфорлану үдерістерінің одан әрі бөлектенуіне алып келеді.
Тиротрициннің әсер ету саласы көбіне грампозитивті кокктарды, бактерияларды және зеңдердің алуан түрлерін, оның ішінде Candida albicans-ты қамтиды.
Антибиотиктерден айырмашылығы тиротрицинді қолданғанда микроорганизмдердің айқаспалы төзімділігі байқалмайды. Бұл ерекшелік тиротрициннің әсер ету механизміне байланысты.
Хлоргексидин және оның тұздары бактерияға қарсы және фунгицидтік әсерге ие.
Хлоргексидиннің әсер ету механизмі қасиеттері белсенді заттармен жанасқаннан кейін өзгеретін микроорганизмдердің жасушалық қабығымен тектестігіне негізделеді.
Хлоргексидин жасушалардағы осмостық тепе теңдікті бұза отырып, қоздырғыш жасушасының цитоплазмалық жарғақшасын бұзады.
Кейбір грамнегативті бактерияларға (Pseudomonas, Proteus), ашытқыларға, дерматофиттерге және микобактерияларға қарсы әсері елеусіз ғана.
Хлоргексидиннің зеңдер спораларына, шіріген зеңдерге, вирустарға қарсы әсері тиімсіз.
Лидокаин гидрохлориді амидті түрдегі жергілікті анестетик болып табылады.
Препарат жүйке талшықтары натрий өзекшелерінің бөгелуін туындатады, осының салдарынан белсенді потенциал арқылы жүйке жасушалары жарғақшаларының деполяризация үдерісі бұзылады. Бұл кезде сезімтал жүйкелердің талшықтарына қозудың берілуі бөгеледі. Ұзақ уақыт қолданған кезде препараттың тиімділігі төмендейді, бұл ауыз қуысы мен тіс беткейі микрофлорасының бактериялық спектрінің өзгерістеріне байланысты болуы мүмкін.
Қолданылуы
- ауыз қуысы мен жұтқыншақтың қабыну және жұқпа ауруларында (стоматит, гингивит, пародонтит, глоссит, тонзиллит, фарингит және қиналып жұтумен қоса жүретін басқа да жай-күйлер)
- ауыз қуысына және жұтқыншаққа жедел араласуға дейінгі және кейінгі жұқпалардың алдын алуда (тістердің экстракциясы, қызыл иектерді хирургиялық емдеу, тонзиллэктомия).
Қолдану тәсілі және дозалары
Трахисан - соруға арналған таблеткалар – әрбір 2 сағат сайын бір таблеткадан қабылдау керек. Ересектерге және 12 жастан асқан балалар үшін тәуліктік доза - 8 таблетка, 6 жастан 12 жасқа дейінгі балалар үшін - 6 таблетка.
Ауру симптомдары бірнеше күннен кейін жоғалады, алайда тұрақты терапиялық нәтижеге қол жеткізу үшін емді тағы 2-3 күнге жалғастыру ұсынылады. Егер препаратты қолданғаннан кейін 5 күннен соң жағдай жақсармаса, емдеу тактикасын өзгерту қажет.
Жағымсыз әсерлері
- дәмнің қысқа мерзімдік өзгерулері, аз уақыттан соң өтіп кететін тілдің жансыздануы
- ауыз қуысы гигиенасы көмегімен жоюға болатын тістердің, тіс пломбалары мен протездерінің немесе тілдің сары немесе ашық –қоңыр түске шамалы боялуы. Препаратты қабылдауды тоқтатқаннан кейін боялу өздігінен жоғалады.
Қолдануға болмайтын жағдайлар
-препараттың кез келген ингредиентіне жоғары сезімталдықта
-ауыз қуысы шырышты қабығының зақымдануында (эрозия)
-ауыз және фарингеальді қуыстардың ашық жараларында
-6 жасқа дейінгі балалық жаста
Дәрілермен өзара әрекеттесуі
Бүгінге дейін белгісіз.
Айрықша нұсқаулар
Препаратты қант диабетінен зардап шегуші емделушілерге қолдануға болады.
Жүктілік және лактация кезеңі
Препаратты жүктілік және лактация кезеңінде ана денсаулығы үшін болжамды пайдасы ұрыққа немесе сәбиге төнетін зор қатерден артық болатын жағдайларда ғана қолдануға болады.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Әсер етпейді.
Артық дозаланғанда
Таблетканың шамадан тыс мөлшерін абайсызда қолданғанда асқазанды шаю ұсынылады.
Шығарылу түрі және қаптамасы
Поливинилхлоридті үлбірден және алюминий фольгадан жасалған пішінді ұяшықты қаптамада 10 таблеткадан.
2 пішінді қаптама медицинада қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған.
Сақтау шарттары
250С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін қолдануға болмайды.
Дәріханадан босатылу шарттары
Рецептісіз
Өндіруші
Энгельхард Арцнаймиттель ГмбХ & Ко. КГ.
Херцбергштрассе 3, 61138 Нидердорфельден, Германия.
Тіркеу куәлігінің иесі
Энгельхард Арцнаймиттель ГмбХ & Ко. КГ.
Херцбергштрассе 3, 61138 Нидердорфельден, Германия.
Эсклюзивті өкілі
Альпен Фарма АГ
Берн, Швейцария
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы «Альпен Фарма» ЖШС
Алматы қ., Жетысу-2 ы/а, 80 үй, 54 пәтер
Тел./факс + 7 727 2265306
E-mail: info. kazakhstan@alpenpharma.com
5