Топирол (25 мг)

• русский
• қазақша

• Скачать инструкцию медикамента

Саудалық атауы

Топирол

Халықаралық патенттелмеген атауы

Топирамат

Дәрілік түрі

Үлбірлі қабықпен қапталған 25 мг және 50 мг таблеткалар

Құрамы

Бір таблетканың құрамында

белсенді заттар: 25 мг немесе 50 мг топирамат

қосымша заттар: лактоза моногидраты, микрокристалды целлюлоза, поливинилпирролидон (PVP К-30), тазартылған тальк, магний стеараты, сусыз коллоидты кремнийдің қостотығы, натрий крахмалы гликолаты (А типті), гипромеллоза (Е 5 Premium), полиэтиленгликоль 6000,титанның қостотығы E 171, темірдің (III) қызыл тотығы Е 172.

Сипаттамасы

Дөңгелек пішінді, бір жағында сындыру сызығы бар және екінші жағы тегіс, қызыл түсті үлбірлі қабықпен қапталған таблеткалар (25 мг және 50 мг доза үшін).

Фармакотерапиялық тобы

Эпилепсияға қарсы дәрілер. Топирамат.

АТХ коды NО3АХ11

Фармакологиялық қасиеттері

Фармакокинетикасы

Топирамат жылдам және жақсы сіңеді. Тамақтану оның 80% жуықты құрайтын биожетімділігіне клиникалық елеулі әсерін тигізбейді. Қан плазмасының ақуыздарымен байланысуы 13-17%.

Орташа таралу көлемі - 1200 мг дейінгі бір реттік доза үшін - 0,55-0,8 л/кг. Осы көрсеткіш жыныстық ерекшелікке тәуелді: әйелдерде бұл мәндер ерлерде байқалатын шаманың 50%-ын құрайды, бұл әйелдердегі май тінінің көп жоғары мөлшерімен байланысты. Ішке қабылдағаннан кейін қабылданған дозаның 20%-ға жуығы метаболизденеді. Дәрілік заттардың метаболизміне жауап беретін ферменттерді индукциялайтын эпилепсияға қарсы препараттармен қатар ем қабылдайтын емделушілерде топирамат метаболизмі 50%-ға дейін жоғарылаған.

Өзгермеген топирамат және оның метаболиттері, негізінен бүйрек арқылы шығарылады. Плазмалық клиренс минутына шамамен 20-30 мл құрайды. Бір рет қабылдаудан кейін фармакокинетикасы дозаға байланысты сипат иеленеді, плазмалық клиренсі тұрақты, ал «концентрация/уақыт» қисығы астындағы ауданы 100-ден 400 мг-ге дейінгі дозалар кеңдігінде дозаға пропорционал арта түседі. Бүйрек қызметі қалыпты емделушілерге тепе-тең плазмалық концентрацияға жету үшін 4-8 күн керек болуы мүмкін. Орташа Сmax мәні 50 немесе 100 мг дозаларда күніне екі мәрте көп дүркін қабылдағаннан кейін 21 сағат құрайды.

Топираматтың плазмалық және бүйректік клиренсі бүйрек қызметі әлсіреген (CL креатинин <60 мл/мин) емделушілерде төмендеді, плазмалық клиренс бүйрек жеткіліксіздігінің терминалдық сатысындағы емделушілерде де төмендеді.

Балалардағы топирамат фармакокинетикасы

Балалардағы топираматтың фармакокинетикалық параметрлері осы препаратты қосымша ем ретінде алатын ересектердегі сияқты дозаға тәуелді сипатта болады, бұл ретте оның клиренсі дозаға байланысты емес, ал плазмадағы стационарлық концентрациялары доза жоғарылауына пропорционалды түрде артады. Топираматтың балалардағы клиренсі жоғарылау, ал оның жартылай шығарылу кезеңі қысқалау екендігін ескерген жөн. Сондықтан, осындай-ақ дозада, 1 кг дене салмағына есебінен алғанда, плазмада топирамат концентрациялары ересектермен салыстырғанда, балаларда төмен болады. Бауыр ферменттерін индукциялайтын эпилепсияға қарсы препараттар ересектердегі сияқты, балаларда плазмадағы топирамат концентрацияларының төмендеуін туындатады.

Фармакодинамикасы

Топирол моносахаридтердің орын басушылары - сульфамат класына жататын эпилепсияға қарсы препарат болып табылады.

Натрий өзектерін бөгейді және нейрон жарғақшасының ұзақ деполяризациясы аясында қайталанған қуатты әсер етудің пайда болуын бәсеңдетеді.

ГАМҚ-рецепторлардың кейбір қосалқы түрлеріне қатысты гамма-аминмай қышқылы белсенділігін арттырады. NMDA-рецепторларға қатысты N-метил-О-аспартат белсенділігіне әсер етпестен каинат қосалқы түрінің/АМПҚ (альфа-амино-3-гидрокси-5-метилизоксазол-4-пропион қышқылы) - рецепторларының глутаматқа сезімталдығының каинатпен белсенділенуін кедергілейді. Аталған тиімді әсерлер дозаға тәуелді. Ол өз алдына, Топирол карбоангидразаның кейбір изоферменттерінің белсенділігін тежейді. Бұл әсер, ацетазоламид карбоангидразасының тежегішінен гөрі, едәуір әлсіз және Топиролдың эпилепсияға қарсы белсенділігінің негізгі компоненті болып табылмайды.

Қолданылуы

Эпилепсия

Монотерапия дәрілері ретінде: эпилепсиясы бар ересектер мен 6 жастан асқан балаларда (оның ішінде алғаш эпилепсия диагностикаланған емделушілерде).

Кешенді ем құрамында: парциальді немесе жайылған тонико-клоникалық ұстамалары бар ересектер мен 2 жастан асқан балаларда, сондай-ақ Леннокс-Гасто синдромы аясындағы ұстамаларды емдеу үшін.

Бас сақинасы

Ересектерде бас сақинасы ұстамаларының адын алуда. Топиролды бас сақинасының жедел ұстамаларын емдеу үшін қолдану зерттелмеген.

Қолдану тәсілі және дозалары

Эпилепсия

Ересектер мен 16 жастан асқан балалар

Титрлеуді 1 апта ішінде түнге қарай 25 мг-ден бастау қажет. Сосын дозалауды 1 немесе 2 апта ішінде екі тең дозалармен енгізілетін тәулігіне 25 немесе 50 мг арттыру қажет. Дозалау және титрлеу дәрежесі клиникалық нәтижеге байланысты. Эпилепсиясы алғаш анықталған ересектерде топирамат монотерапиясы үшін ұсынылатын бастапқы қорытынды доза тәулігіне 100 мг құрайды, ал ұсынылатын ең жоғары тәуліктік доза 400 мг құрайды. Дозалаудың осы ұсынымдары, негізгі бүйрек ауруы болмаса, егде жастағыларды қоса, барлық ересектерге қолданылады.

6-16 жастағы балалар

6 жастағы және одан асқан балаларды емдеу алғашқы апта кезінде түнге қарай 0,5-1 мг/кг-ден басталуға тиіс. Сосын дозалауды 1 немесе 2 апта ішінде екі тең дозалармен енгізілетін тәулігіне 0,5 немесе 50 мг/кг-ден арттыру қажет. Дозалау және дозаны титрлеу дәрежесі клиникалық нәтижеге байланысты.

Эпилепсиясы алғаш анықталған 6 жастағы және одан асқан балаларда топирамат монотерапиясы үшін ұсынылатын бастапқы доза тәулігіне 3-6 мг/кг құрайды. Одан да жоғары дозаларды қолдануға болады және тәулігіне 16 мг/кг-ге дейінгі дозалар сирек енгізілген.

Препарат таблеткалар түрінде тәулігіне 25 мг-ден аз дозалар қажет болатын балаларға сай келмейді.

Емдеу ұзақтығы емдеуші дәрігермен аурудың түріне, ауырлығына қарай белгіленеді және реттеледі.

Бас сақинасы

Ересектер

Титрлеуді 1 апта ішінде түнге қарай 25 мг-ден бастау қажет. Сосын дозалауды 1 апталық аралықпен енгізілетін тәулігіне 25 мг-ге арттыру керек. Егер емделуші титрлеу режимін көтеруге қабілетсіз болса, дозаларды реттеулер арасында ұзақтау аралықтарды пайдалануға болады.

Бас сақинасының алдын алу үшін топираматтың ұсынылатын жалпы тәуліктік дозасы екі тең бөліктермен енгізілетін шамамен тәулігіне 100 мг құрайды. Кейбір емделушілерге жалпы тәуліктік 50 мг/тәулік доза пайдалы болуы мүмкін. Тәулігіне 100 мг-ден жоғары дозада енгізгенде қосымша пайдасы көріністелмеген. Дозалау және титрлеу дәрежесі клиникалық нәтижеге байланысты.

Жағымсыз әсерлері

Өте жиі ( 1/10)

- атаксия, парестезиялар, сөйлеудің бұзылуы, афазия

- дене салмағының азаюы, анорексия

- бас айналу, бас ауыру, шаршағыштық, ұйқышылдық, жүйкенің қозуы, балаларда – селқостық, зейін қоюдың бұзылуы

- жүрек айну, диарея

- сананың шатасуы, психомоторлық баяулау, депрессия, үрейлену

Жиі ( 1/100 - <1/10)

- анемия, лейкопения, эозинофилия, мұрыннан қан кету, тромбоцитопениялық пурпура

- зейін шоғырлануының бұзылуы, есте сақтаудың нашарлауы, тремор, қимыл үйлесімі мен жүріс-тұрыстың бұзылуы, нистагм, дәм сезудің бұзылуы, диплопия, көрудің нашарлауы

- апатия, психикалық кемістік, астения, эйфория, эмоциялық орнықсыздық, қозу, когнитивті бұзылыстар, озбырлық реакциялары, психоз немесе психотикалық симптоматика, ұйқысыздық, либидоның төмендеуі, балаларда – мінез-құлықтың өзгеруі, үйренбеу

- анорексия, іштің ауыруы, іш қату, құсу, ауыздың кеберсуі, диспепсиялық құбылыстар

- несептің ұстамауы, несеп-тас ауруы, нефролитиаз, несеп шығаруға жиі қысылу, бүйрек шаншуы, бүйректегі ауырулар

- алопеция

- метаболикалық ацидоз

- миалгия, бұлшықеттің түйілуі, бұлшықеттің құрысуы, кеуде қуысы тұсындағы бұлшықеттердің ауыруы, артралгия жиі емес

- аллергиялық реакциялар

- етеккір оралымының бұзылуы

Жиі емес ( 1/1000 - <1/100)

- дене температурасының көтерілуі

- метаболикалық ацидоз, гипокалиемия

- диспноэ

- фолликулит, қышыну

- бүйірдің ауыруы, шаршау, әлсіздік, бұлшықеттердің сіресуі

- лейкопения, лимфаденопатия, тромбоцитопения, балаларда – эозинофилия

- елестеулер, тұлғалық бұзылыстар, суицидтік идеялар немесе әрекеттер,

дәм сезуді жоғалту, акинезия, иіс сезбеу, афазия, ашытуды сезіну, мишық синдромы, ұйқының циркадты ырғағының бұзылуы, ебедейсіздік, постуральді бас айналу, сілекей бөлінудің күшеюі, сезімталдық бұзылысы, дисграфия, дискинезия, дисфазия, дененің жыбырлауы, гиперестезия, гипогевзия, гипокинезия, гипосмия, шеткергі нейропатия, паросмия, естен тану алдындағы жай-күй, сөзді қайталай беру, сезудің бұзылуы, мелшию, естен тану, ынталандыруға реакция болмауы, балалардағы психомоторлық гипербелсенділік

- аноргазмия, сексуалдық дисфункция, апатия, айғайлау, жыныстық қозудың бұзылуы, дисфемия, алаңдаушылықтың жоғарылауы, таңертеңгілік ерте ояну, көтеріңкі және эйфориялық көңіл-күй, есту және көру елестеулері, гипоманиакальді ахуал, либидоның азаюы, мания, үрейлену күйі, параноидальді жай-күй, ойлау қабілетінің тоқырауы, оқу дағдысының бұзылуы, мазасыздық, ұйқының бұзылуы суицидальді ойлар мен әрекеттер, жылауықтық

- брадикардия, жүрек соғуының жиілеуі, қан тебулер, ортостатикалық гипотензия, виброауру, Рейно синдромы

- беттің ісінуі, аллергиялық реакциялар, гиперхлоремиялық ацидоз, гипокалиемия, тәбеттің жоғарылауы, метаболикалық ацидоз, полидипсия, аяқ-қолдың мұздауы

- аккомодацияның бұзылуы, амблиопия, блефароспазм, өтпелі соқырлық, бір жақты соқырлық, жас ағудың күшеюі, мидриаз, түнде көрмеушілік, фотопсия, пресбиопия, жыпылықтағыш скотома, скотома, көру өткірлігінің төмендеуі

- кереңдік, нейросенсорлық кереңдік, бір жақты кереңдік, құлақтағы жайсыздық, естудің бұзылуы

- қырылдау, дене жүктемесі кезінде ентігу, мұрынның бітелуі, мұрын маңы қойнауларындағы гиперсекреция, балаларда – ринорея

- тер бөлінбеу, аллергиялық дерматит, терінің қызаруы, тері пигментациясының бұзылуы, бөртулер, беттің ісінуі, терінің жағымсыз иісі, есекжем

- панкреатит

- қан құрамында бикарбонаттардың азаюы, несепте кристалдардың анықталуы, қанда лейкоциттер санының азаюы

Сирек (1/10000 - <1/1000)

- жедел миопия, салдарлы жабық бұрышты глаукома (көздің ауыруымен немесе онсыз көру өткірлігінің жедел төмендеуі, әдетте емдеу курсы басталғаннан кейін 1 ай бойына)

- бауыр ферменттерінің жоғарылауы, гепатит, бауыр жеткіліксіздігі

- қан сарысуында бикарбонаттар деңгейінің төмендеуі, бүйректік өзекшелік ацидоз

- нейтропения

- кейде қызба және ысыну белгілерімен қатар жүретін олигогидроз (негізінен балаларда)

Өте сирек (<1/10000), белгісіз жиілік (қолда бар деректер бойынша анықтау мүмкін емес)

- өткінші соқырлық

- полиморфтық эритема, күлбіреуік, Стивенс-Джонсон синдромы, уытты эпидермалық некролиз (әсіресе, тері және шырышты қабықтар тарапынан болатын жағымсыз реакцияларды туындататын басқа препараттармен бірге қолданғанда)

Қолдануға болмайтын жағдайлар

- препараттың компоненттеріне жоғары сезімталдық

- 6 жасқа дейінгі балаларға (оны осы жас тобында қолданудың жеткілікті клиникалық тәжірибесінің болмауына орай)

- жүктілік және лактация кезеңі

- бауыр және бүйрек жеткіліксіздігі, нефроуролитаз

Дәрілермен өзара әрекеттесуі

Эпилепсияға қарсы басқа препараттардың (ЭҚП) концентрациясына Топиролдың әсері

Топирол препаратын фенитоинге қосудың қан плазмасында фенитоин концентрациясының жоғарылауын туындатуы мүмкін болатын жекелеген науқастарды қоспағанда, Топирол препаратын басқа ЭҚП-пен (фенитоин, карбамазепин, вальпрой қышқылы, фенобарбитал, примидон) бір мезгілде қабылдау олардың қан плазмасындағы тұрақты концентрацияларының мәндеріне әсер етпейді. Бұл Р450 цитохром жүйесі ферментінің спецификалық полиморфты изоформасын (CYP2Cmeph изоферментін) басуға байланысты болуы мүмкін. Сондықтан фенитоин қабылдайтын және уыттылықтың клиникалық белгілері немесе симптомдары дамып келе жатқан кез келген науқаста қан плазмасындағы фенитоин концентрациясын бақылап отыру қажет.

Фенитоин және карбамазепин қан плазмасында Топирол препаратының концентрациясын төмендетеді. Топирол препаратымен емдеу аясында фенитоин немесе карбамазепинді қосу немесе тоқтату соңғысының дозасын өзгертуді қажет етуі мүмкін. Дозаны қажетті клиникалық әсерге қол жеткізуге бағдарлай отырып, таңдау керек. Вальпрой қышқылын қосу немесе тоқтату қан плазмасында Топирол препараты концентрациясының клиникалық елеулі өзгерістерін туындатпайды, демек препарат дозасын өзгертуді қажет етпейді.

Осы өзара әрекеттесудің нәтижелері мына кестеде:

↔ = Әсерінің болмауы

** = Бірлі-жарым науқастарда концентрацияның жоғарылауы

↓ = Плазмада концентрацияның төмендеуі

ЗЖ = зерттелген жоқ

ЭҚП = эпилепсияға қарсы препарат

Басқа дәрілермен өзара әрекеттесуі

Дигоксин: бір реттік дозаны пайдаланылған зерттеуде Топирол препаратын бір мезгілде қабылдағанда дигоксиннің қисық асты ауданының концентрациясы 12%-ға азайған. Бұл бақылаудың клиникалық мәнділігі айқын емес. Дигоксин қабылдайтын науқастарға Топирол препаратын тағайындау немесе тоқтату кезінде сарысудағы дигоксин концентрациясының бұрынғыға негізделген мониторингісіне ерекше назар аудару қажет.

ОЖЖ бәсеңдететін дәрілер: Топиролды алкогольмен және ОЖЖ қызметінің бәсеңдеуін туындататын басқа да препараттармен бірге қабылдау ұсынылмайды.

Ішу арқылы қабылданатын контрацептивтер: құрамында норэтиндрон (1 мг) және этинилэстрадиол (35 мкг) бар біріктірілген препарат пайдаланылған ішу арқылы қабылданатын контрацептивтермен дәрілік өзара әрекеттесуін зерттеуде Топирол күніне 50-800 мг дозада норэтиндронның тиімділігіне, ал күніне 50-200 мг дозада – этинилэстрадиолдың тиімділігіне айтарлықтай әсер етпеген. Этинилэстрадиолдың елеулі дозаға тәуелді төмендеуі Топирол препаратының күніне 200-800 мг дозасы кезінде байқалған. Сипатталған өзгерістердің клиникалық мәнділігі айқын емес. Контрацептивтер тиімділігінің төмендеуі мен лақылдап қан кетудің күшею қаупі ішу арқылы қабылданатын контрацептивтерді Топирол препаратымен үйлесімде қабылдайтын науқастарда ескерілуі тиіс. Құрамында эстроген бар контрацептивтерді қабылдайтын науқастар етеккір мерзімі мен оның сипатындағы кез келген өзгерістер жайында хабарлауы қажет. Контрацептивтердің тиімділігі лақылдап қан кету болмаған кезде де төмендеуі мүмкін.

Литий: дені сау еріктілерде Топирол препаратын тәулігіне 200 мг дозада бір мезгілде қабылдаған кезде литий AUC-ның 18%-ға төмендеуі байқалған. Маниакальді-депрессиялық психозбен науқастарда Топирол препаратын тәулігіне 200 мг дозада қабылдау литийдің фармакокинетикасына әсерін тигізбеген, алайда анағаұрлым жоғары дозаларда (тәулігіне 600 мг дейін) литий AUC-ы 26%-ға жоғарылаған. Топирол препараты мен литийді бір мезгілде қолданғанда соңғысының қан плазмасындағы концентрациясын бақылау керек.

Гидрохлоротиазид: дені сау еріктілерге гидрохлоротиазид (25 мг) және Топирол препаратын (96 мг) бірге тағайындаған кезде ең жоғары топирамат концентрациясының 27%-ға және топираматтың концентрация/уақыт қисық асты ауданының 29%-ға ұлғаюы жүреді. Бұл зерттеулердің клиникалық мәнділігі айқындалмаған. Гидрохлоротиазидті Топирол қабылдайтын емделушілерге тағайындау Топирол препаратының дозасын түзетуді қажет етуі мүмкін. Гидрохлоротиазидтің фармакокинетикалық параметрлері Топирол препаратымен қатар емдеу кезінде елеулі өзгерістерге ұшырмаған.

Метформин: Топирол препараты мен метформинді бір мезгілде қабылдағанда дені сау еріктілерде ең жоғары концентрациясы мен метформин концентрациясының қисық асты ауданының тиісінше 18% және 25%-ға ұлғаюы жүрген, ал бұл ретте метформин клиренсі топираматпен бір мезгілде тағайындағанда 20%-ға төмендеген. Топирамат қан плазмасында метформиннің ең жоғары концентрациясына жету уақытына еш әсер етпеген. Метформинмен бірге тағайындағанда топираматтың клиренсі төмендейді. Клиренстің айқындалған өзгерістер дәрежесі зерттелмеген. Метформиннің топирамат фармакокинетикасына әсер етуінің клиникалық мәнділігі айқын емес. Метформин алатын емделушілерде Топирол препараты қосылған немесе тоқтатылған жағдайда диабетпен ауыратын емделушілердің жағдайын мұқият зерттеуге аса назар аударған жөн.

Пиоглитазон: дені сау еріктілерге пиоглитазон мен топирамат препаратын жеке және бірге тағайындау кезінде препараттың ең жоғары концентрациясы өзгерместен пиоглитазон концентрациясының қисық асты ауданының 15%-а азайғаны анықталған. Бұл өзгерістердің статистикалық мәні жоқ. Сондай-ақ, пиоглитазонның белсенді гидроксиметаболиті үшін ең жоғары концентрацияның және қисық асты ауданы концентрациясының тиісінше 13% және 16%-ға төмендеуі айқындалған, ал белсенді кетометаболит үшін ең жоғары концентрацияның да, қисық асты ауданы концентрациясының да 60%-ға төмендегені анықталған. Бұл деректердің клиникалық мәнділігі анықталмаған. Емделушілерге Топирол препараты мен пиоглитазонды бірге тағайындағанда диабетпен ауыратын емделушілердің жағдайын мұқият зерттеуге аса назар аударған жөн.

Басқа препараттар: Топирол препаратын нефролитиазға бейім препараттармен бір мезгілде пайдалану бүйректе тас түзілу қаупін жоғарылатуы мүмкін. Топирол препаратымен емдеу кезінде нефротилиазға бейім препараттарды пайдаланудан аулақ болу керек, өйткені олар нефролитиазға ықпал ететін физиологиялық өзгерістерді туындатуы мүмкін.

Рисперидон: Топирол препаратын дені сау еріктілер мен маниакальді-депрессиялық психозбен ауыратындарға бір рет немесе көп рет енгізе отырып жүргізілген дәрілік өзара әрекеттесу зерттеулері бірдей нәтижелер көрсеткен. Топиратамды тәулігіне 250 немесе 400 мг дозада бір мезгілде қабылдағанда тәулігіне 1-6 мг дозада қабылданатын рисперидон AUC-ы тиісінше 16% және 33%-ға төмендейді. Бұл ретте 9-гидроксирисперидонның фармакокинетикасы өзгермеген, белсенді заттардың (рисперидон және 9-гидроксирисперидонның) жиынтық фармакокинетикасы болмашы ғана өзгерген. Рисперидон/9-гидроксирисперидон және топираматтың жүйелік әсер ету деңгейінің өзгеруі клиникалық мәнді болмаған, және де мұндай өзара әрекеттесудің клиникалық мәні болмауы да мүмкін.

Глибенкламид: 2 типті қант диабетімен ауыратындарда Топирол препаратымен (тәулігіне 150 мг) жеке немесе бір мезгілде глибенкламидтің фармакокинетикасын (тәулігіне 5 мг) зерттеу үшін тепе-теңдік күйінде дәрілік өзара әрекеттесуіне зерттеу жүргізілді. Топирол препаратын қолданған кезде глибенкламид AUC-ы 25%-ға төмендеген. Сонда-ақ белсенді метаболиттер – 4-транс-гидрокси-глибенкламид пен 3-цис-гидрокси-глибенкламидтің жүйелік әсер ету деңгейі (тиісінше 13% және 15%-ға) төмендеген. Глибенкламид тепе-теңдік жағдайында топираматтың фармакокинетикасына әсер етпеген. Cmax өзгерістері болмаған кезде 15%-ға пиоглитазон AUC-ының статистикалық сенімсіз төмендеуі анықталған. Топирол препаратын глибенкламид алатын науқастарға тағайындаған кезде (немесе глибенкламидті топирамат қабылдайтын науқастарға тағайындауда), қант диабетінің ағымын бағалау үшін науқастың жай-күйін мұқият бақылаған жөн.

Вальпрой қышқылы

Топирол препараты мен вальпрой қышқылын әр препаратты жекелей көтере алатын науқастарда біріктіре қолдану энцефалопатиясы бар және онсыз гипераммониемиямен қатар жүреді. Көптеген жағдайларда симптомдары мен белгілері препараттардың бірін тоқтатқаннан кейін қайтады. Бұл жағымсыз құбылыс фармакокинетикалық өзара әрекеттесуінен туындамаған. Гипераммониемия және Топирол препаратын қолдану арасындағы байланыс оқшау немесе басқа препараттармен біріктірілімде анықталмаған.

Топирол препараты мен вальпрой қышқылын науқастарға біріктіре қолдану гипераммонемиясы бар немесе онсыз гипотермиямен (35 °C-ден кем дене температурасының арнайы төмендетілмеуі) қатар жүреді. Топирол препараты және вальпроатпен бірге ем алып жүрген емделушілерде бұл жағымсыз әсер Топирол препаратымен емдеуді бастағаннан кейін немесе препараттың күнделікті дозасын ұлғайтқаннан кейін болуы мүмкін.

Дәрілермен өзара әрекеттесуін қосымша зерттеу: Топирол препараты және басқа дәрілік препараттар арасындағы дәрілермен өзара әрекеттесудің ықтималдығы зор нұсқаларын бағалау үшін бірқатар клиникалық зерттеулер жүргізілген.

Мұндай өзара әрекеттесулердің нәтижелері келесі кестеде жинақталған:

а монотерапия кезіндегі қан плазмасындағы ең жоғары концентрациясы және AUC мәндерінен %-бен берілген

↔ = қан плазмасында ең жоғары концентрациясы және AUC өзгерістерінің болмауы (бастапқы деректерде ≤ 15%)

b Бір флунаризинді көп мәрте қабылдау кезінде AUC-тың 14%-ға ұлғаюы байқалған, бұл тепе-теңдік күйіне жету үдерісінде препараттың жиналуымен байланысты болуы мүмкін.

Айрықша нұсқаулар

Эпилепсияға қарсы препараттарды, Топиролды да қоса, ұстамалар жиілігінің ұлғаю мүмкіндігін жоққа тән азайту үшін біртіндеп тоқтату керек. Клиникалық сынақтарда эпилепсия емінде ересектер үшін дозаларды апталық аралықтармен 50-100 мг және бас сақинасының алдын алу үшін 100 мг Топирол препаратын алатын ересектерде 25-50 мг азайтады. Балалардағы клиникалық зерттеулерде Топиролды 2-8 апта ішінде біртіндеп тоқтатты. Егер медициналық көрсетілімдер бойынша Топирол препаратын жылдам тоқтату қажет болса, онда емделушінің ахуалына тиісті бақылау жасау ұсынылады.

Бүйрек қызметінің бұзылуы

Бүйрек арқылы шығарылу жылдамдығы бүйрек қызметіне байланысты, ал жас ерекшелігіне тәуелді емес. Бүйрек қызметі орташа немесе айқын бұзылған науқастарда плазмадағы тұрақты концентрацияларға жету үшін, бүйрек қызметі қалыпты науқастардағы 4-8 күнге қарағанда, 10-нан 15 күнге дейін керек болуы мүмкін.

Кез келген ауру кезіндегідей, дозаны іріктеу сызбасы клиникалық тиімділікке бағдарланып (яғни, ұстамаларды бақылау дәрежесі, жағымсыз әсерлердің болмауы), бүйрек қызметі бұзылған науқастарда плазмадағы тұрақты концентрацияны орнықтыру үшін әрбір дозаға ұзақтау созылатын уақыт керек болуы мүмкін. Топирол препаратымен емдегенде нефролитиаздың, сондай-ақ дене жүктемелерінің немесе температура көтерілуінің әсер етуімен пайда болуы мүмкін жағымсыз әсерлердің даму қаупін азайтуға қабілетті сұйықтықтың тұтынылу көлемін талапқа сай көбейту өте маңызды.

Гидратация

Олигогидроз (тер бөлінудің төмендеуі) және ангидроз Топирол препаратын қолдануға байланысты тіркелген. Тер бөлінудің төмендеуі мен гипертермия (дене температурасының жоғарылауы) әсіресе қоршаған орта жоғары температураларының әсер етуіне ұшыраған кішкентай балаларда болуы мүмкін («Жағымсыз әсерлері» бөлімін қараңыз).

Топирол препаратын пайдаланған кезде талапқа сай гидратация өте маңызды болып табылады. Гидратация несептас ауруы қаупін азайтуы мүмкін. Мұндай шараларға дейінгі және барысындағы дұрыс гидратация дене жаттығулары немесе жоғары температуралардың әсер етуі сияқты температураға тәуелді жағымсыз әсерлер қаупін төмендетуі мүмкін («Жағымсыз әсерлері» бөлімін қараңыз).

Көңіл-күй бұзылыстары/депрессия

Топирол препаратымен емдегенде көңіл-күй бұзылыстары мен депрессияның пайда болу жиілігінің жоғарылауы байқалады.

Суицидтік әрекеттер

Топирол препаратын қоса, эпилепсияға қарсы препараттарды қолданғанда көрсетілімдердің кез келгені бойынша осы препараттарды қабылдайтын емделушілерде суицидтік ойлар мен суицидтік мінез-құлықтың пайда болу қаупі жоғарылайды. Эпилепсияға қарсы препараттардың рандомизирленген плацебо-бақыланатын зерттеулерінің мета-талдауы суицидтік ойлардың және суицидтік мінез-құлықтың пайда болу қаупі ұлғаюын көрсеткен (плацебо қолданған кездегі 0,24%-бен салыстырғанда эпилепсияға қарсы препараттарды қолданғанда 0,43%). Осы қауіптің механизмі белгісіз.

Сондықтан суицидтік бағыттану нышандарын анықтау мақсатында емделушілердің жай-күйін қадағалап, тиісті ем тағайындау қажет. Емделушілерге (және қажет болса, емделушілерді күтіп-бағатын тұлғаларға) суицидтік бағыттанудың немесе суицидтік мінез-құлық нышандары білінген жағдайда бірден медициналық көмекке жүгінуге кеңес беру қажет.

Нефролитиаз

Кейбір, әсіресе, нефролитиазға бейімділігі бар науқастарда бүйректе тастардың түзілуі, әрі солармен байланысты бүйрек шаншуы сияқты белгілердің біліну қаупі артады. Бұл қауіпті азайту үшін тұтынылатын сұйықтық көлемін талапқа сай көбейту қажет.

Нефролитиаздың даму қаупінің факторлары сыртартқыдағы нефролитиаз (соның ішінде, отбасылық), гиперкальциурия, нефролитиаздың дамуына ықпал ететін препараттармен қатарлас емдеу болып табылады.

Бауыр қызметінің бұзылуы

Бауыр қызметі бұзылған емделушілерде Топирол препаратын осы препарат клиренсінің төмендеуі мүмкін екендіктен абайлап қолдану керек.

Миопия және салдарлы жабық бұрышты глаукома

Топирол препаратын қолданған кезде салдарлы жабық бұрышты глаукомамен қатар жүретін жедел миопия қамтылатын синдром сипатталған. Белгілер көру өткірлігінің жедел төмендеуін және/немесе көздің ауыруын қамтиды. Офтальмологиялық тексерулерде миопия, көздің алдыңғы камерасының жалпаюы, көз алмасының гиперемиясы (қызару), көзішілік қысымның көтерілуі анықталуы ықтимал. Мидриаз байқалуы мүмкін. Бұл синдром салдарлы жабық бұрышты глаукоманың дамуымен көз бұршағы мен нұрлы қабықтың алға жылжып кетуіне әкелетін сұйықтық сөлінісімен қатар жүреді. Белгілер, әдетте, Топирол препаратын қолдана бастағаннан кейін 1 айдан соң білінеді. 40 жасқа дейінгі науқастарда сирек байқалатын алғашқы ашық бұрышты глаукомадан айырмашылығы, салдарлы жабық бұрышты глаукома Топирол препаратын ересектерде де, балаларда да қолданғанда байқалады. Жабық бұрышты глаукомамен байланысты миопия қосылған синдром пайда болғанда, емдеуші дәрігер мұны мүмкін деп тапқан бойда, Топирол препаратын қабылдауды тоқтату да, көзішілік қысымды түсіруге бағытталған тиісті шаралар да емдеуде қамтылады. Әдетте бұл шаралар көзішілік қысымның қалыптануына әкеледі.

Кез келген шығу тегіндегі көзішілік қысымның көтерілуі талапқа сай емдеу болмағанда көрмей қалуға дейін апаратын күрделі асқынуларға әкелуі мүмкін.

Метаболикалық ацидоз

Топирол препаратын қолданғанда аниондар тапшылығымен байланыссыз гиперхлоремиялық, метаболикалық ацидоз пайда болады (мысалы, топираматты қабылдау респираторлық алкалоз болмағанда қандағы гидрокарбонаттар концентрациясының орташа 4 ммоль/л төмендеуіне әкелуі мүмкін). Қан сарысуындағы бикарбонаттар концентрациясының осылай төмендеуі топираматтың бүйректік карбоангидразаны тежеу әсерінің салдары болып табылады. Көпшілік жағдайларда, бикарбонаттар концентрациясының төмендеуі, Топирол препаратымен емдеудің кез келген кезеңінде осы әсердің көрініс беруі мүмкін болса да, препаратты қабылдаудың басында жүреді. Концентрацияның төмендеу деңгейі, әдетте, әлсіз немесе орташа (орташа мәні ересек емделушілерде күніне 100 мг-ден жоғары дозаларда пайдаланғанда 4 ммоль/л және педиатриялық тәжірибеде пайдаланғанда әр кг дене салмағына 6 мг-ге жуық құрайды). Сирек жағдайларда емделушілерде бикарбонаттар концентрациясының 10 ммоль/л деңгейінен төмен кемуі кездесті. Ацидоздың дамуы жорамалданатын кейбір аурулар немесе емдеу тәсілдері (мысалы, бүйрек аурулары, ауыр респираторлық аурулар, эпилепсиялық статус, диарея, хирургиялық араласулар, кетогенді емдәм, кейбір дәрілік препараттарды қабылдау) топираматтың бикарбонатты төмендететін әсерін күшейтетін қосымша факторлар болуы мүмкін.

Балалардағы созылмалы метаболикалық ацидоз өсудің баяулауына әкелуі мүмкін. Топираматтың сүйек жүйесімен байланысты өсуге және болжамды асқынуларға әсері балалар мен ересектерде жүйелі зерттелген жоқ.

Жоғарыда мазмұндалғанмен байланысты, Топирол препаратымен емдегенде сарысудағы бикарбонаттар концентрациясын анықтауды қоса, қажетті зерттеулер жүргізу ұсынылады. Метаболикалық ацидоз және оның персистирленуі пайда болғанда Топирол препаратының дозасын азайту немесе оны қабылдауды тоқтату ұсынылады.

Күшейтілген тамақтану

Егер емделуші Топирол препаратымен емделгенде салмағын жоғалтса, онда мақсатқа сай күшейтілген тамақтану жөніндегі мәселені қарастыру қажет.

Зертханалық зерттеулер

Қан сарысуында 3,5 ммоль/л-ден төмен калий концентрациясының төмендеуі түрінде анықталатын гипокалиемия топирамат алатын науқастардың 0,4%-ында анықталды.

Гемодиализ

Препарат қан плазмасынан гемодиализ кезінде шығарылатындықтан, гемодиализ жүргізілген күндері шамамен тәуліктік дозаның жартысына тең дозада қосымша препарат тағайындау керек. Қосымша доза гемодиализ емшарасын жүргізудің басында және аяғында бірнеше қабылдауларда тағайындалады. Қосымша доза гемодиализге арналған жабдықтың сипаттамасына байланысты.

Дәрілік заттың көлік құралын және қауіптілігі зор механизмдерді басқару қабілетіне әсер ету ерекшеліктері

Емделу кезеңінде автокөлікті және жоғары зейін шоғырландыру мен психомоторлық реакциялар жылдамдығын талап ететін жұмыстарды басқаруды қоя тұру ұсынылады.

Артық дозалануы

Симптомдары: құрысулар, комаға дейін апаратын сананың бұзылуы, артериялық қысымның төмендеуі, ауыр метаболикалық ацидоз, жағымсыз әсерлер көрінісінің күшеюі.

Емі: асқазанды шаю, белсенділендірілген көмір тағайындау, симптоматикалық ем.

Шығарылу түрі және қаптамасы

10 таблеткадан пішінді ұяшықты қаптамада.

5 пішінді ұяшықты қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон қорапқа салынған.

Сақтау шарттары

Құрғақ, жарықтан қорғалған жерде, 30С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

Sun Pharmaceutical Industries Ltd.

Заңды мекенжайы:

Acme Plaza, Andheri - Kurla Road,

Andheri (E), Mumbai 400 059, Үндістан

Өндірістің орналасқан мекенжайы:

Survey №214, Government Industrial Estate, Phase II,

Silvassa – 396 230, U.T of D & NH, Үндістан

Тіркеу куәлігі иесінің атауы және елі

Sun Pharmaceutical Industries Ltd., Үндістан

Қазақстан Республикасы аумағында тұтынушылардан өнім (тауар) сапасына қатысты шағымдар қабылдайтын ұйымның мекенжайы:

050004, Алматы қ., Төлебаев к-сі, 38, 5 қабат

Тел. (727) 250-92-35, факс: (727) 250-33-64

sunreports@intelsoft.kz, sunalmaty@intelsoft.kz