Тиоцетам (раствор для инъекций, 5 мл, 10 мл)

• русский
• қазақша

• Скачать инструкцию медикамента

Саудалық атауы

Тиоцетам

Халықаралық патенттелмеген атауы

Жоқ

Дәрілік түрі

Инъекцияға арналған ерітінді

Құрамы

1 мл ерітіндінің құрамында:

белсенді заттар: 100 % затқа шаққанда 25 мг тиотриазолин, 100 мг пирацетам,

қосымша заттар: инъекцияға арналған су 1 мл-ге дейін.

Сипаттамасы

Мөлдір түссіз немесе әлсіз сарғыш түсті реңі бар сұйықтық

Фармакотерапиялық тобы

Психоаналептиктер. Психостимуляторлар және ноотроптар. Басқа да психостимуляторлар және ноотроптар.

АТХ коды N06BХ

Фармакологиялық қасиеттері

Фармакокинетикасы

Зерттелмеді.

Фармакодинамикасы

Тиоцетам церебробелсенді дәрілер тобына жатады, ноотропты, ишемияға қарсы, антиоксиданттық және жарғақшаны тұрақтандырғыш қасиеттерін байқатады. Препараттың фармакологиялық әсері тиотриазолин мен пирацетамның өзара үдемелі әсеріне негізделген.

Тиоцетам аэробты және анаэробты тотығу реакцияларында глюкозаның утилизациялануын жеделдетеді, биоэнергетикалық үдерістерді қалыпқа келтіреді, мидың тіндерінде метаболизмді тұрақтандырады және гипоксияға организмнің төзімділігін арттырады.

Препарат оттектің белсенді түрлерінің түзілу жолдарын тежейді, ферментативті антиоксиданттық жүйені, әсіресе супероксиддисмутазаны қайта белсенділендіреді, ишемия кезінде мидың тіндерінде еркін радикальді үдерістерді тежейді, фибринолитикалық жүйені белсенділендіру есебінен қанның реологиялық қасиеттерін жақсартады, тиісінше некроз және ишемия аумағын тұрақтандырып, азайтады.

Тиоцетам метаболиттік ГАМК-шунты жұмысының қарқындылығын және ишемияланған тіндерде ГАМК концентрациясын арттырады.

Тиоцетам мидың интегративті және когнитивті қызметін жақсартады, оқып-үйрену үдерісіне мүмкіндік береді, амнезияны тойтарады, қысқа мерзімді және ұзақ мерзімді жадының көрсеткіштерін көтереді. Тиоцетам күйзелістің (қобалжу, қорқу, жабығу сезімі, ұйқының бұзылуы) салдарын жояды, шала туған балалардың дене және ақыл-ой дамуының тежеліп қалуын азайтады.

Қолданылуы

- ишемиялық инсульт және оның салдарларында (сөйлеудің бұзылуы, психикалық және соматикалық бұзылулар, белсенділіктің төмендеуі, көңіл-күйдің бұзылуы)

- қалпына келу кезеңіндегі қантамырлық, уытты және жарақаттық энцефалопатияда

- алкогольдік уыттану кезінде абстинентті синдромда

- диабеттік энцефалопатияда.

Қолдану тәсілі және дозалары

Ишемиялық инсульт кезінде және оның салдарын емдеу үшін натрий хлоридінің 0,9 % ерітіндісінің 100-150 мл-нда алдын ала сұйылтылған 20-30 мл препаратты тағайындайды және тәулігіне 1 рет тамшылатып көктамыр ішіне енгізеді. Емдеу курсы 2 аптаны құрайды.

Энцефалопатияны емдеу және алкогольдік уыттану кезіндегі абстинентті синдромды жою үшін 10-15 тәулік бойы тәулігіне 1 рет 5 мл препаратты бұлшықет ішіне тағайындайды.

Диабеттік энцефалопатия кезінде 10 күн бойы тәулігіне 1 рет 5 мл-ден бұлшықет ішіне, бұдан әрі ас қабылдауға дейін 30 минут бұрын 45 күн бойы тәулігіне үш рет 2 таблеткадан тағайындайды.

Жағымсыз әсерлері

Тиоцетам препаратын, инъекцияға арналған ерітінді, клиникалық қолдану кезінде жағымсыз реакциялардың жекелеген оқиғалары байқалуы мүмкін:

орталық және шеткергі жүйке жүйесі тарапынан: жалпы әлсіздік, бас ауыруы;

асқазан-ішек жолы тарапынан: жүрек айну, құсу;

аллергиялық реакциялар: қышыну, бөртпе, есекжем, ангионевротикалық ісіну, анафилактикалық шок.

Жекелеген науқастарда кейде мыналарға негізделген жағымсыз реакциялардың дамуы мүмкін:

– пирацетаммен:

орталық және шеткергі жүйке жүйесі тарапынан – жоғары қозғыштық, қобалжу, елестер, сананың шатасуы, тепе-теңдіктің бұзылуы, ұйқысыздық немесе ұйқышылдық, дірілдеу, эпилепсия ұстамалары жиілігінің жоғарылауы, гиперкинезия, атаксия, депрессия, астения;

басқалары – дене массасының ұлғаюы, іш ауыруы, диарея, дерматиттер, гипертермия;

– тиотриазолинмен:

жекелеген науқастарда, басым бөлігі егде жастағыларда, көбінесе басқа препараттарды қабылдау аясында төтенше сирек оқиғалар сипатталған:

аллергиялық реакциялар – терінің гиперемиясы, қызба;

орталық және шеткергі жүйке жүйесі тарапынан – бас айналу, құлақ шуылы;

жүрек-тамыр жүйесі тарапынан – тахикардия, артериялық гипертензия (бір оқиға);

асқазан-ішек жолы тарапынан – ауыз құрғауы, іштің кебуі;

тыныс алу жүйесі тарапынан – ентігудің және тұншығудың жекелеген оқиғалары.

Қолдануға болмайтын жағдайлар

• пирацетамға немесе тиотриазолинге жоғары сезімталдық;

• бүйрек жетіспеушілігінің терминальді сатысы;

• Хантингтон хореясы;

• геморагиялық инсульттің жедел кезеңі;

• жүктілік және лактация кезеңі.

Дәрілермен өзара әрекеттесуі

Тиоцетамды қышқыл рН бар препараттармен тағайындауға болмайды. Пирацетамның болуы есебінен антидепрессанттар мен антиангинальді препараттардың әсері күшейеді. Жоғары дозаларда (9,6 г/тәул.) пирацетам көктамыр тромбозымен науқастарда аценокумаролдың тиімділігін көтереді, дегенмен Тиоцетам терапиялық дозаларын қолдану кезінде мұндай әсер байқалмайды. Пирацетамның клоназепаммен, фенобарбиталмен, фенитоинмен, натрий вальпроатымен өзара әсері байқалмайды. Пирацетам мен тиреоидты гормондарды (T3+T4) бірмезгілде қолдану тітіркенуді, бағдардан жаңылуды, ұйқының бұзылуын туғызуы мүмкін.

Пирацетамның Р450 кешенінің ферменттерімен биологиялық өзгеріске ұшырайтын препараттармен өзара әсері күмәнді.

Эналаприлмен, каптопресcпен бірмезгілде қабылдау жүрек-тамыр жүйесі тарапынан жағымсыз реакциялардың даму қаупі жоғарылайды.

Алкогольмен бірге қабылдау қан сарысуында пирацетам концентрациясының деңгейіне әсер етпейді.

Айрықша нұсқаулар

Препаратты созылмалы бүйрек жетіспеушілігімен науқастарға сақтықпен тағайындайды. Тиоцетам тромбоциттердің бірігуіне әсер етеді, сондықтан оны хирургиялық араласулар уақытында, гемостаздың бұзылуымен науқастарға сақтықпен қолдану қажет.

Жүрек-қантамыр патологиясымен егде жастағы тұлғаларға препаратты сақтықпен қолдану керек, өйткені науқастардың аталған тобында жоғарыда сипатталған жағымсыз реакциялары жиі байқалады.

Аллергияға бейім тұлғаларда аллергиялық реакциялар жиі кездеседі.

Педиатрияда қолданылуы.

Балаларда препаратты қолдану тәжірибесі жеткіліксіз.

Жүктілік және лактация кезеңі

Жүктілік кезеңінде препаратты қолдану тәжірибесі жеткіліксіз. Пирацетам емшек сүтіне өтеді, сондықтан емдеу уақытында емшек емізуді тоқтату керек.

Дәрілік заттың көлік құралын немесе қауіпті механизмдерді басқару қабілетіне әсер ету ерекшеліктері

Аталған сәтте мұндай хабарламалар жоқ. Дегенмен автокөлікті басқаратын немесе қауіпті механизмдермен жұмыс істейтін тұлғаларға Тиоцетамды қолдану кезінде жүйке жүйесінің тарапынан мүмкін жағымсыз реакцияларды ескеріп, сақтықтық шараларын ұстану керек.

Артық дозалануы

Симптомдары: терапиялық дозаларды қолданған кезде артық дозалау мүмкін емес. Дегенмен дәрігермен ұсынылған дозалардан ауытқу кезінде препараттың жағымсыз әсерлері (қозу, ұйқының бұзылуы, диспепсиялық құбылыстар) туындауы немесе күшеюі мүмкін.

Емі: Мұндай жағдайларда препаратты қолдануды тоқтатып, симптоматикалық ем тағайындайды.

Шығарылу түрі және қаптамасы

Инъекцияға арналған ерітінді.

Ампулаларда немесе жасыл түсті сындыратын сақинасы бар ампулаларда немесе сындыратын нүктесі бар ампулаларда 5 мл-ден немесе 10 мл-ден.

Поливинилхлоридті үлбірден жасалған пішінді ұяшықты қаптамаға 5 ампуладан салынған.

2 пішінді ұяшықты қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен және ампула скарификаторымен бірге картон қорапшаға салынған.

Сыйымдылығы 10 мл 10 ампуладан медицинада қолданылуы жөніндегі мемлекеттік және орыс тілдеріндегі нұсқаулықпен және ампула скарификаторымен бірге гофраланған қосымша парағымен корапқа салынған.

Корапты заттаңба-бандерольмен желімдейді.

Сақтау шарттары

Жарықтан қорғалған жерде, 25 °С-ден аспайтын температурада сақтау керек.

Балалардың қолы жетпейтін жерде сақтау керек.

Сақтау мерзімі

5 жыл

Қаптамасында көрсетілген жарамдылық мерзімі өткеннен кейін қолдануға болмайды!

Дәріханадан босатылу шарттары

Рецепт арқылы

Өндіруші

«Галичфарм» ЖАҚ.

Украина, 79024, Львов қ., Опрышковская к-сі 6/8.

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы

Қазақстан Республикасындағы «Артериум» корпорациясының өкілдігі

050060, Алматы қ., Әл-Фараби даңғылы 97 үй, 3 подъезд, кеңсе «54»

Тел/факс: 8(727)315-82-09; 8(727)315-82-10;

Е-mail: Almaty@arterium.ua