Тиоцетам (0,4 г/ 0,1 г)

• русский
• қазақша

• Скачать инструкцию медикамента

Саудалық атауы

Тиоцетам

Халықаралық патенттелмеген атауы

Жоқ

Дәрілік түрі

Қабықпен қапталған таблеткалар, 0,4г/0,1 г

Құрамы

Бір таблетканың құрамында

белсенді заттар: тиотриазолин, 100 % затқа шаққанда – 0,100 г.;

пирацетам, 100 % затқа шаққанда – 0,400 г.;

қосымша заттар: картоп крахмалы, маннит, қант ұнтағы, магний стеараты, төмен молекулярлы медициналық поливинилпирролидон 12600±2700;

қабық: «Opadry II Yellow 33G22623» - гипромелоза, лактоза моногидраты, титанның қостотығы (Е 171), полиэтиленгликоль 3000 (макрогол), триацетин, хинолинді сары (Е104), күн батар түстес сары FCF (Е110), темірдің сары тотығы (Е172), индигокармин (Е132).

Сипаттамасы

Сопақша пішінді, бір жағында сызығы бар, сары түсті қабықпен қапталған таблеткалар. Сындыратын жерінде ақ түсті ядро көрініп тұрады.

Фармакотерапиялық тобы

Психостимуляторлар және басқа да ноотроптар.

АТХ коды N06ВХ

Фармакологиялық қасиеттері

Фармакокинетикасы

Ішке қолданылғанда жақсы сіңеді, түрлі ағзалар мен тіндерге, соның ішінде ми тіндеріне енеді. Препарат плацентарлық бөгет арқылы өтеді. Препараттың әр компоненті жеке-жеке метаболизденеді. Пирацетам организмде іс жүзінде метаболизденбейді және несеппен шығарылады. Жартылай шығарылу кезеңі 4-8 сағат. Тиотриазолин бауырда метаболизденеді және несеппен шығарылады.

Фармакодинамикасы

Тиоцетам – біріктірілген препарат және церебробелсенді дәрілер тобына жатады, ишемияға қарсы, антиоксиданттық, жарғақшаны көтермелеуші және ноотропты әсерлері бар.

Препарат мидың интегративтік және когнитивтік қызметін жақсартады, оқып-үйрену үдерісінің тиімділігін арттырады, амнезия симптомдарының жойылуына ықпал етеді, қысқа мерзімді және ұзақ мерзімді есте сақтау көрсеткіштерін арттырады.

Препараттың фармакологиялық әсері тиотриазолин мен пирацетамның өзара әлеуеттендіруші әсеріне байланысты.

Препарат глюкозаның аэробты және анаэробты тотығу реакцияларындағы тотығуын жеделдетуге, биоэнергетикалық үдерістерді қалыпқа түсіруге, АТФ деңгейін арттыруға, ми тіндеріндегі метаболизмді тұрақтандыруға қабілетті.

Препарат оттегінің белсенді түрлерінің түзілу жолдарын тежейді, ферменттердің антиоксиданттық жүйесін, әсіресе супероксиддисмутазаны қайта белсенділендіреді, ишемия кезіндегі ми тіндеріндегі бос радикалдық үдерістерді тежейді, фибринолитикалық жүйені белсенділендірудің есебінен қанның реологиялық қасиеттерін жақсартады, некроз және ишемия аймақтарын сәйкесінше тұрақтандырады және азайтады.

Қолданылуы

- ишемиялық инсульт пен оның салдарларында (сөйлеудің бұзылуы, психикалық және соматикалық бұзылыстар, белсенділіктің төмендеуі, эмоционалдық сфераның бұзылуы)

- қалпына келтіру кезеңіндегі қантамырлық, уытты және жарақаттық энцефалопатияда

- алкогольмен уыттану кезіндегі абстинентті синдромда

- диабеттік энцефалопатияда.

Қолдану тәсілі мен дозалары

Емдеу ұзақтығын әр жеке жағдайда ауру ағымына байланысты дәрігер анықтайды.

Ересектерге:

Ми қанайналымының транзиторлық және созылмалы бұзылуларында және ишемиялық және геморрагиялық инсульттен кейінгі реабилитациялық кезеңде 25-30 күн бойы тәулігіне 3 рет 1 таблеткадан. Тиоцетам таблеткаларын тамаққа дейін 30 минут бұрын тағайындайды. Емдеу курсы 2-3 аптадан 3-4 айға дейінді құрайды.

Диабеттік энцефалопатияны емдеу үшін 45 күн бойы күніне 3 рет 1 таблеткадан тағайындайды.

Жағымсыз әсерлері

Тиоцетам препаратын қолданғанда мынадай жағымсыз реакциялар байқалуы мүмкін

неврологиялық бұзылыстар: жалпы әлсіздік, бас ауыруы, қатты қозу, үрейлену, елестеулер, сексуалды құмарлықтың артуы, сананың шатасуы, тепе-теңдіктің бұзылуы, ұйқысыздық немесе ұйқышылдық, тремор, эпилепсия ұстамалары жиілігінің артуы, гиперкинезия, атаксия, депрессия, астения, бас айналуы, құлақтағы шуыл;

асқазан-ішек бұзылулары: жүрек айнуы, құсу, ауыздың құрғауы, іштің кебуі, іштің ауыруы, диарея;

тері мен теріасты шелмайы тарапынан болатын өзгерістер: тері гиперемиясы, қышыну, бөртпе, дерматиттер, есекжем, ангионевротикалық ісіну;

иммунитет жүйесі тарапынан болатын бұзылулар: аса жоғары сезімталдық реакциялары, соның ішінде анафилактикалық шок;

жүрек-қантамыр жүйесі тарапынан: тахикардия, артериялық гипертензия;

тыныс алу жүйесі, кеуде қуысы ағзалары және көкірекорта тарапынан: ентігу, тұншығу;

жалпы бұзылыстар: дене салмағының жоғарылауы, гипертермия, қызба.

Қолдануға болмайтын жағдайлар

– пирацетамға немесе тиотриазолинге аса жоғары сезімталдық

– бүйрек жеткіліксіздігінің терминалдық сатысы

– Хантингтон хореясы

– геморрагиялық инсульттің жедел кезеңі

– жүктілік және лактация кезеңі

–18 жасқа дейінгі балаларға

Дәрілермен өзара әрекеттесулері

Тиоцетамды рН қышқыл препараттармен қолдануға болмайды. Пирацетамның болуы есебінен антидепрессанттар мен жүрек қыспасына қарсы препараттардың әсері күшейеді. Жоғары дозаларда (9,6 г/тәул.) пирацетам көктамыр тромбозы бар науқастарда аценокумаролдың тиімділігін арттырады, алайда препараттың емдік дозаларын қолданғанда, мұндай әсері байқалмайды. Пирацетам клоназепаммен, фенобарбиталмен, фенитоинмен, натрий вальпроатымен өзара әрекеттеспейді. Пирацетам мен тиреоидты гормондарды (T3+T4) бір мезгілде қолдану ашушаңдықты, бағдарсыздықты, ұйқының бұзылуын тудыруы мүмкін. Пирацетамның Р450 кешені ферменттерінің биоөзгерісіне ұшырайтын препараттармен өзара әрекеттесу ықтималдығы аз.

Эналаприлмен, каптоприлмен бір мезгілде қабылдау жүрек-қантамыр жүйесі тарапынан жағымсыз реакциялардың даму қаупін арттырады.

Алкогольмен бір мезгілде қабылдау пирацетамның қан сарысуындағы концентрациясының деңгейіне әсер етпейді.

Айрықша нұсқаулар

Препаратты бүйректің созылмалы жеткіліксіздігі бар науқастарға сақтықпен тағайындайды. Тиоцетам тромбоциттер агрегациясына әсер етеді, сондықтан оны гемостаз бұзылулары бар науқстарға хирургиялық араласулар кезінде сақтықпен қолдану қажет.

Жоғарыда сипатталған жағымсыз реакциялар осы науқастар тобында жиірек байқалатындықтан, препаратты жүрек-қантамыр патологиясы бар егде жастағы адамдарға сақтықпен қолдану керек.

Аллергиялық реакциялар көбіне аллергияға бейім адамдарда кездеседі

Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Қазіргі кезде мұндай хабарламалар жоқ. Алайда Тиоцетамды автокөлік басқарып жүрген немесе қауіпті механизмдермен жұмыс жасайтын емделушілерге қолданғанда, орталық жүйке жүйесі тарапынан болуы мүмкін жағымсыз реакцияларды ескере отырып сақ болу керек.

Артық дозалануы

Симптомдары: емдік дозаларын қолданғанда артық дозалануы мүмкін емес. Алайда дәрігер ұсынған дозаларынан ауытқыған кезде препараттың жағымсыз әсерлерінің (қозу, ұйқының бұзылуы, диспепсиялық құбылыстар) туындауы немесе күшеюі мүмкін.

Емі: Мұндай жағдайларда препаратты қолдануды тоқтатады және белгілеріне қарай ем тағайындайды.

Шығарылу түрі мен қаптамасы

Қабықпен қапталған таблеткалар.

10 таблеткадан поливинилхлоридті үлбір мен баспалы лакталған алюминий фольгадан жасалған пішінді ұяшықты қаптамаға салынған.

6 пішінді қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картоннан жасалған пәшкеге салады.

Сақтау шарттары

Құрғақ, жарықтан қорғалған жерде, 15 °С-ден 25 °C-ге дейінгі температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Қаптамасында көрсетілген жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

«Киевмедпрепарат» ААҚ.

Украина, 01032, Киев қ., Саксаганский к-сі, 139.

Тел. (044) 490 7522.

“Фарматрон” ҒӨБ қатысуымен, Запорожье қ.

Тіркеу куәлігі иесінің атауы мен елі

«Киевмедпрепарат» ААҚ, Украина

ҚР аумағында тұтынушылардан өнім сапасына қатысты шағымдарды қабылдайтын ұйымның мекенжайы:

Қазақстан Республикасындағы «Артериум» корпорациясының өкілдігі 050060, Алматы қ., Әл-Фараби д-лы. 97, 3 подъезд, «54» кеңсе

Тел/факс: 8(727)315-82-09; 8(727)315-82-10;

Е-mail: Almaty@arterium.ua