Тиоктацид 600 БВ
Инструкция
-
русский
-
қазақша
Саудалық атауы
Тиоктацид 600 БВ
Халықаралық патенттелмеген атауы
Жоқ
Дәрілік түрі
Үлбірлі қабықпен қапталған 600 мг таблеткалар
Құрамы
Бір таблетканың құрамында
белсенді зат - 600 мг тиокт (альфа-липой) қышқылы,
қосымша заттар: орын басуы төмен гидроксипропилцеллюлоза, гидроксипропилцеллюлоза, магний стеараты,
қабықтың құрамы:
гипромеллоза, макрогол 6000, титанның қостотығы (Е 171), тальк, хинолинді сары (Е 104), индигокармин (Е 132).
Сипаттамасы
Екі беті дөңес, сопақша пішінді, сары-жасыл түсті үлбірлі қабықпен қапталған таблеткалар.
Фармакотерапиялық тобы
АІЖ және зат алмасу ауруларын емдеуге арналған басқа да әртүрлі препараттар. Тиокт қышқылы.
АТХ коды А16АХ01
Фармакологиялық қасиеттері
Фармакокинетикасы
Ішу арқылы қабылдаған кезде организмде тиокт (альфа-липой) қышқылының жылдам сіңуі жүреді. Тіндерде жылдам таралуының арқасында, қан плазмасындағы тиокт (альфа-липой) қышқылының жартылай ыдырау кезеңі шамамен 25 минутты құрайды. 600 мг альфа-липой қышқылын ішу арқылы қабылдағаннан кейін қан плазмасындағы ең жоғарғы концентрациясы 4 мкг/мл деңгейінде 0,5 сағаттан соң өлшенген. Препараттың бөлініп шығуы көбінесе бүйрек арқылы, 80-90%-ы метаболиттер түрінде жүреді.
Фармакодинамикасы
Тиокт (альфа-липой) қышқылы эндогенді антиоксидант болып табылады және альфа-кетоқышқылдардың тотығып декарбоксилденуінде коэнзимнің рөлін атқарады. Қант диабеті туғызған гипергликемия, қан тамырларының матрицалық ақуыздарында глюкозаның жиналуына және «артық мөлшерде гликирленген түпкілікті өнімдер» деп аталатын құрылымның түзілуіне апарады. Осы үдеріс эндоневральді қан ағысының төмендеуіне және оттегінің бос радикалдарының жоғары өндірілуімен үйлесетін эндоневральді гипоксия-ишемияға жетелейді, бұл шеткергі жүйкелердің зақымдануына және глютатион сияқты антиоксиданттардың сарқылуына әкеледі.
Қолданылуы
- шеткергі (сенсорлы-моторлы) диабеттік полинейропатияда
Қолдану тәсілі және дозалары
Тиоктацидтің 600БВ 1 таблеткасын күніне бір рет алғашқы тамақ ішуге дейін 30 минут бұрын бір реттік доза түрінде қабылдайды.
Аш қарынға, шайнамастан, судың жеткілікті мөлшерімен іше отырып, қабылдау керек. Ас ішумен үйлестірілуі альфа-липой қышқылының сіңуін төмендетуі мүмкін.
Емдеу ұзақтығын емдеуші дәрігер әркімге жеке белгілейді.
Жағымсыз әсерлері
- жүрек айнуы, құсу, асқазанның және ішектің ауыруы, іш өту
- тері бөртпесі, есекжем, қышыну
- бас айналуы, тершеңдік, бас ауыруы және қандағы қант деңгейінің төмендеуі салдарынан көрудің бұзылуы
- сарғаю
- ойық жаралы ауру
Сирек
- дәм сезу бұзылысы
Қолдануға болмайтын жағдайлар
- альфа-липой қышқылына жоғары сезімталдық
- 18 жасқа дейінгі балалаларға
- жүктілік және лактация кезеңінде
Дәрілермен өзара әрекеттесуі
Тиоктацидпен цисплатинді бір мезгілде тағайындаған кезде оның әсерінің төмендегені байқалған. Препаратты темір, магний, калий препараттарымен бір мезгілде тағайындамау керек, осы препараттарды қабылдау арасындағы уақыт аралығы 5 сағаттан кем болмауға тиіс. Инсулиннің немесе диабетке қарсы ішу арқылы қабылданатын дәрілердің қантты төмендететін әсерінің күшеюі мүмкін, сол себепті әсіресе Тиоктацидпен 600БВ емдеудің басында қандағы қантты ұдайы бақылау ұсынылады. Гипогликемия белгілерін болдырмау үшін қандағы глюкоза деңгейін мұқият бақылау қажет.
Айрықша нұсқаулар
Препаратпен емделу кезінде алкогольді қолдануға болмайды.
Дәрілік заттың көлік құралын және қауіптілігі зор механизмдерді басқару қабілетіне әсер ету ерекшеліктері
Көлік құралдарын және қауіптілігі зор механизмдерді басқарғанда сақтық шараларын қадағалау керек.
Артық дозалануы
Симптомдары
- жайылған құрысу ұстамалары
- лактоацидозға апаратын қышқылды-сілтілік теңгерімнің ауыр бұзылулары
- қан ұюының ауыр бұзылулары
Тиоктацидпен 600БВ (ересектерге 600 мг 10 таблеткадан асса немесе сәбидің әр кг салмағына қарай 50 мг-ден көбірек) ықтималды улануға байланысты сәл ғана қауіптену болса, улануға қарсы жалпылама емдік шаралардың (жасанды құсуды шақыру, асқазанды шаю, белсенділендірілген көмір) жүргізілуімен шұғыл ауруханаға жатқызу көрсетілген.
Емі: белгісіне қарай, арнайы у қайтарғысы жоқ.
Шығарылу түрі және қаптамасы
Алғашқы ашылуы бақыланатын, пластмасса қақпақшасы бар қоңыр шыны құтыларға 30 немесе 100 талеткадан салынған. Құты қолданылуы жөніндегі мемлекеттік және орыс тілдеріндегі нұсқаулықпен бірге картон пәшкелерге салынған.
Сақтау шарттары
25 °C-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
5 жыл
Жарамдылық мерзімі өткеннен кейін қолдануға болмайды!
Дәріханалардан босатылу шарттары
Рецепт арқылы
Өндіруші
МЕДА Мануфакчуринг ГмбХ,
Нойрайтер Ринг 1, 51063, Кельн, Германия
Тіркеу куәлігінің иесі
МЕДА Фарма ГмбХ және Ко. КГ, Германия
Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы:
Қазақстан Республикасындағы МЕДА Фармасьютикалз Швейцария ГмбХ өкілдігі: Алматы қ., Әл-Фараби даңғ. 7, “Нұрлы Тау” ПФО, 4 А ғимарат, кеңсе 31, тел. 311-04-30, 311-52-49, тел./факс 277-77-32
Электронды поштасы: info.safety@meda-cis.com
4