Тималин (10 мг)

• русский
• қазақша

• Скачать инструкцию медикамента

Саудалық атауы

Тималин

Халықаралық патенттелмеген атауы

Жоқ

Дәрілік түрі

Инъекция үшін ерітінді дайындауға арналған лиофилизат, 10 мг

Құрамы

1 ампуланың (құтының) құрамында

белсенді зат – 10 мг ірі қара малдың құрғақ тазартылған айыршық без сығындысы (айыршықтың безі),

қосымша зат - 20 мг глицин.

Сипаттамасы

Ақ немесе ақ сарғыш реңді аморфты ұнтақ немесе кеуекті масса

Фармакотерапиялық тобы

Иммуномодуляторлар. Иммуностимуляторлар. Басқа иммуностимуляторлар

АТХ коды L03AX

Фармакологиялық қасиеттері

Фармакокинетикасы

Зерттелмеген.

Фармакодинамикасы

Препарат адам үшін патогенді, этиологиясы вирусты, прионды, бактериялы, микоплазмалық аурулары жоқ ірі қара мал төлінің айыршық безінен бөлінген полипептидті фракциялар кешенін білдіреді. Препараттың иммуномодуляциялаушы әсері өзіндік дамуы әртүрлі сатыда тұрған Т-лимфоциттер субпопуляциясы арақатынасына ықпал етуіне байланысты.

Тималин Т және В лимфоциттері мен олардың субпопуляцияларының мөлшері мен арақатынасын реттейді, жасушалық иммунитет реакцияларын көтермелейді, фагоцитозды күшейтеді, регенерация және қан түзілу үдерістерін олар бәсеңсіген жағдайда ынталандырады, сондай-ақ жасушалық метаболизм үдерістерін жақсартады.

Қолданылуы

Жасушалық иммунитеттің төмендеуімен қатарласа жүретін ауруларды кешенді емдеу құрамында:

- сүйек пен жұмсақ тіндердің жедел және созылмалы іріңді-қабыну ауруларында

- регенерациялық үдерістердің бұзылуы (сүйектің сынуы, күйіктер, трофикалық ойық жара, тіндердің сәулелік некрозы, асқазан мен 12 елі ішектің ойық жара ауруы)

- жедел және созылмалы бактериялық және вирустық жұқпалар

- антибиотиктердің үлкен дозасын пайдаланған кезде, сәулемен немесе химиялық ем жүргізуден кейінгі иммунитет пен қан түзілудің бәсеңдеуінде

Қолдану тәсілі және дозалары

Қолданар алдында ампуланың (құтының) ішіндегісін 0,9 % натрий хлориді ерітіндісінің 1-2 мл ерітеді және жеңіл сілкіп, көбіктендірмей, біркелкі шамаға келгенше, ішіндегілерін араластырады.

Тималиннің дозалану сызбасын емделушінің клиникалық және зертханалық тексерулерін негізге ала отырып, тек клиникалық иммунолог тағайындайды.

Бұлшықет ішіне терең күнделікті немесе күнара мынадай дозаларда енгізіледі: ересектерге 5-20 мг-ден (курсына 30-100 мг); 4-тен 6 жасқа дейінгі балаларға – 2-3 мг; 7-ден 14-ке дейін – 3-5 мг. Емдеу курсы: иммунитет бұзылуының айқын білінуіне қарай 3-тен 10 күнге дейін. Қажет болған кезде емнің қайталау курсын 1- 6 айдан кейін жүргізеді.

Жағымсыз әсерлері

Кейде

- қалтырау, бас айналу, бас ауыруы және бұлшықеттің ауыруыМүмкін

- аллергиялық реакциялар, тері бөртпелері, гипертермия, қышыну сезімі

- енгізу орнындағы реакция

Қолдануға болмайтын жағдайлар

- компоненттеріне жоғары сезімталдық

- аутоиммунды және аллергиялық аурулар

- жүктілік және лактация кезеңі

Дәрілермен өзара әрекеттесуі

Биостимуляторлармен және иммунитет көтермелегіш препараттармен, рифампицинмен, изониазидпен үйлеседі. Тималин мен Т-активинді, тимактидті, тимогенді немесе тимоптинді бір мезгілде қолданбаған дұрыс, олардың әсер ету механизмі ұқсайды.

Айрықша нұсқаулар

Иммунологиялық көрсеткіштері ұдайы бақыланып, иммунологтың тексеруінен өткеннен кейін ғана Тималинмен ем жүргізуді тағайындаған және жүргізген жөн. Тималин басқа дәрілік заттарға аллергиялық реакцияларды олармен бір мезгілде қолданған кезде ғана үдетуі мүмкін. Тек қана ұсынылған еріткішті пайдалану қажет. Даярланған ерітіндіні басқа дәрілік заттармен араластырмау керек. Даярланғаннан кейін бірден қолданылады.

Педиатрияда қолданылуы

Тек жасушалық иммунитеттің дәлелді бұзылуы (бәсеңдеуі) бар болғанда ғана дәрігердің тағайындауы бойынша және бақылауымен қолданылады. 4 жасқа дейін балаларда препараттың тиімділігі және қауіпсіздігі жеткілікті зерттелмеген.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Дәрілік заттың көлік құралын немесе қауіптілігі зор механизмдерді басқару қабілетіне әсер етуі туралы деректер жоқ.

Шығарылу түрі және қаптамасы30 мг препараттан резеңке тығынмен тығындалған және алюминий қалпақшамен қаусырылған, шыны түтіктен жасалған құтыларға немесе шыны ампулаларға немесе сындыру сақинасы бар ампулаларда.

10 ампуладан (құтыдан) мемлекеттік және орыс тілдерінде жазылған медициналық қолдану жөніндегі нұсқаулық және ампуланы ашуға арналған кесетін керамикалық дискпен бірге бөлгіш қабырғалары немесе гофрланған астары бар немесе ампулаларды (құтыларды) орналастыруға және бекітуге арналған поливинилхлоридті үлбірден жасалған полимерлі астары бар қораптық (хром-эрзац) картоннан жасалған қорапшаға салады.

Сақтау шарттары

Жарықтан қорғалған жерде 25ºС -ден аспайтын температурада сақтау керек. Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

«Биофарма» ЖАҚ, Украина

Мекенжайы: 03680, Киев қ., Н.Амосов к-сі, 9, Украина, тел. (+38-044) 275-16-04, 275-91-50, 521-15-39

Тіркеу куәлігінің иесі

«Биофарма» ФЗ» ЖШҚ, Украина

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы

ЖК Тлеубергенова Г.С., Қазақстан Республикасы , 010000 , Ақмола облысы.

Астана қ., Бозінген к-сі 8 үй aldokinakbar@mail.ru