Тизерцин® (25 мг)

• русский
• қазақша

• Скачать инструкцию медикамента

Саудалық атауы

Тизерцин®

Халықаралық патенттелмеген атауы

Левомепромазин

Дәрілік түрі

Қабықпен қапталған таблеткалар, 25 мг

Құрамы

Бір таблетканың құрамында

белсенді зат - 25 мг левомепромазин (33,8 мг левомепромазин малеатына баламалы)

қосымша заттар: лактоза моногидраты, картоп крахмалы, микрокристалды целлюлоза, повидон К-25, натрий карбоксиметилкрахмалы (А типі), магний стеараты,

қабықтың құрамы: гипромеллоза, титанның қостотығы (Е 171), диметикон (Е-1049).

Сипаттамасы

Иіссіз, дөңгелек, екі беті аздаған дөңес, ақ түсті қабықпен қапталған таблеткалар.

Фармакотерапиялық тобы

Психотропты препараттар. Нейролептиктер. Фенотиазиндер диметиламинпропильді топпен. Левомепромазин.

ATХ коды N05A A02

Фармакологиялық қасиеттері

Фармакокинетикасы

Ішке қабылдағаннан кейін қан плазмасындағы ең жоғарғы деңгейіне 1-3 сағаттан соң жетеді. Левомепромазиннің болжамды таралу көлемі 23-42 л/кг. Левомепромазин несеппен шығарылатын сульфаттық және глюкуронидтік конъюгаттарды түзе отырып тез метаболизденеді. Енгізілген дозаның аздаған бөлігі (1%) өзгермеген күйінде несеппен және нәжіспен шығарылады. Жартылай шығарылу кезеңі 15-30 сағат. Левомепромазин 10-300 нг/мл аралықта дозаға байланысты кинетика иеленген.

Фармакодинамикасы

Тизерцин - фенотиазин туындылары тобының нейролептигі. Таламустың, гипоталамустың, ретикулярлық формацияның, лимбиялық жүйенің дофаминдік рецепторларына әсер ете отырып, левомепромазин сенсорлық стимуляцияны тежейді. Қозғалыс белсенділігін төмендетеді және күшті тыныштандырушы әсер иеленген. Бұдан басқа, ол өзге нейротрансмиттерлік (норадренергиялық, серотонинергиялық, гистаминергиялық және холинергиялық) жүйелердің антагонисі болып табылады. Сондықтан левомепромазин құсуға қарсы, антигистаминдік, антиадренергиялық және антихолинергиялық әсерлерге ие.

Левомепромазин – хлорпромазин аналогы, ол хлорпромазинмен салыстырғанда психомоторлық қызметті едәуір айқын тежейді. Басқа нейролептиктермен салыстырғанда экстрапирамидалық жағымсыз әсерлері аз байқалады. Препарат альфа-адренрецепторлардың күшті антагонисі болып табылады, алайда әлсіз антихолинергиялық әсерге ие. Левомепромазин ауыру шегін арттырады (анальгетикалық тиімділігі морфинмен салыстыруға болатындай) және амнезиялық әсері болады. Анальгетиктердің әсерін күшейту қабілетінің арқасында, бұл препаратты қарқындылығы күшті жедел және созылмалы ауыру синдромы кезінде адъювантты ем үшін пайдалануға болады.

Қолданылуы

Психомоторлық қозу және айқын білінетін үрейленумен жедел психоздарда:

- шизофренияның жедел ұстамасы

- басқа да жедел психоздық жағдайлар

Созылмалы психоздарды адъювантты емдеуде:

- созылмалы шизофрения

- созылмалы елестемелі психоздар

Қолдану тәсілі және дозасы

Препаратты тек қатаң дәрігердің тағайындауымен қабылдау керек!

Емдеуді төмен дозалардан бастау керек, оларды кейіннен препаратты жағымдылығына байланысты біртіндеп ұлғайтуға болады. Емделушінің жағдайы жақсарғаннан кейін дозаны демеуші дозаға дейін төмендету керек, оның мөлшері жекелей анықталады. Емдеудің ұзақтығын дәрігер емделушінің клиникалық жағдайына байланысты жеке анықтайды.

Психоз кезінде күн сайын тәулігіне 2 рет қабылдауға бастапқы доза 25-50 мг (1-2 таблетка) құрайды. Қажет болған жағдайда бастапқы тәуліктік дозаны 150-250 мг-ге дейін (2-3 қабылдауға) арттыруға болады. Кейіннен, әсеріне байланысты оны демеуші дозаға жеткенге дейін төмендетуге болады.

Егде жастағы емделушілер

Егде жастағы емделушілерге фенотиазин туындыларына жоғары сезімталдық тән. Қабықпен қапталған 25 мг таблеткалар, дозалаудың дәл режиміне кепіл бола алмайтындықтан, егде жастағыларға (65 жастан асқан тұлғалар) бұл препарат қарсы көрсетілімді.

Бауыр және бүйрек функциясының бұзылуымен емделушілер

Бауыр және бүйрек функциясының бұзылуымен емделушілерде препаратты қолдануға қатысты деректер жоқ, әйтсе де, препаратты ол бауырда метаболизденіп және организмнен несеппен шығарылатын болғандықтан ерекше сақтықпен қабылдау керек.

Жағымсыз әсерлері

Жағымсыз реакциялар жиілігі жөнінде мәліметтер жоқ.

- панцитопения, агранулоцитоз, лейкопения, эозинофилия, тромбоцитопения

- анафилактоидты реакциялар, көмей ісінуі, шеткергі ісіну, демікпе

- салмақтың төмендеуі, витаминдердің жеткіліксізідігі, глюкозаны көтере алмаушылық, гипергликемия, гипонатриемия, антидиуретикалық гормонның талапқа сай емес секрециясы синдромы

- психоздық симптомдардың қайта күшеюі, кататония, сананың шатасуы, бағдардан жаңылу, көру елестеулері, сөйлеудің түсініксіздігі, ұйқышылдық

- эпилепсиялық ұстамалар, бас сүйек ішілік қысымның жоғарылауы, экстрапирамидалы симптомдар (дискинезия, дистония, паркинсонизм, опистотонус, гиперрефлексия), тоқтату синдромы, сананың шатасуы, делирий, құрысулар

- көз бұршағы мен мөлдір қабықтағы жинақталулар, пигменттік ретинопатия

- тахикардия, Адамс-Стокс синдромы, QT аралығының ұзаруы (проаритмогендік әсер, ұршық тәрізді қарыншалық тахикардия)

- көктамырлық тромбоэмболия, оның ішінде өкпе эмболиясы және терең көктамырлардың тромбозы (олардың жиілігі белгісіз)

- ыстық, ылғалды жағдайларда жылулық соққы

- жүрек айнуы, құсу, іш қатуы, ол өте ауыр болуы және салданған илеус туындатуы мүмкін, іштегі жайсыздықты сезіну, ауыздың құрғауын, бауырдың зақымдануын (сарғаю, холестаз)

- өліммен аяқталу мүмкіндігі бар некрозданатын энтероколит (өте сирек жағдайларда)

- эксфолиативті дерматит, есекжем, эритема, жарыққа сезімталдық, гиперпигментация

- несептің боялуы, несеп шығарудың бұзылуы

- жаңа туылғандарда тоқтату синдромы

- галакторея, етеккір циклының бұзылуы, өте сирек жағдайларда- жатыр жиырылуының бұзылуы, приапизм

- қатерлі нейролептикалық синдром, гиперпирексия, астения

Жиі:

- ортостатикалық гипотензия (әлсіздік, бас айналуы және естен танумен қатар жүретін)

Бірен-саран хабарламалар:

- жүрек тарапынан болатын кенеттен өлім жағдайлары, сондай-ақ фенотиазин тобы нейролептиктерін қабылдаған емделушілерде түсініксіз кенеттен өлім жағдайлары

- фенотиазинді ұзақ уақыт қабылдайтын кейбір емделушілерде гипофиз аденомасы сипатталған, алайда осы препаратпен себептік байланысын анықтау үшін қосымша зерттеулер қажет

Қолдануға болмайтын жағдайлар

- фенотиазиндерге немесе препараттың басқа компоненттеріне жоғары сезімталдық

- гипертензияға қарсы препараттарды бір мезгілде қабылдау

- моноаминооксидаза тежегіштерін бір мезгілде қабылдау

- орталық жүйке жүйесінің тежелуін туғызатын препараттардың (алкоголь, жалпы анестетиктер, ұйықтататын дәрілер) артық дозалануы

- жабық бұрышты глаукома

- несеп шығарудың іркілуі

- Паркинсон ауруы

- жайылған склероз

- миастения, гемиплегия

- ауыр кардиомиопатия (қан айналымының жеткіліксіздігі)

- бүйрек немесе бауыр функциясының ауыр жеткіліксіздігі

- айқын артериялық гипотензия

- қан түзу ағзаларының аурулары

- порфирия

- шығу тегі вирустық, зеңдік немесе бактериялық жедел инфекциялық аурулар (оның ішінде желшешек, белдемелі теміреткі); этонол, есірткі және ұйықтатқыш дәрілерден туындаған кома

- лактация кезеңі

- егде жастағы емделушілер (65 жастан асқан)

- 18 жасқа дейінгі балаларға.

Дәрілермен өзара әрекеттесуі

Левомепромазинді бірінші кезекте Р450 2D6 цитохромы ферменттік жүйесімен метаболизденетін препараттармен бір мезгілде қолданғанда қан плазмасында осы препараттардың концентрациясы жоғарлауы мүмкін, бұл осы препараттардың әсерін немесе жағымсыз әсерін ұзартуы немесе жоғарлатуы мүмкін.

Тизерцинді мына препараттармен бір мезгілде қолдануға болмайды:

- айқын артериялық гипотензия қаупіне байланысты гипертензияға қарсы дәрілермен

- Тизерциннің әсерінің ұзақтығы және оның жағымсыз әсерлерінің ауырлығының артуы ықтимал болғандықтан моноаминооксидаза тежегіштерімен.

Мына препараттармен біріктіріліп тағайындалғанда айрықша сақтық талап етіледі:

- антихолинергиялық әсерлерінің (ішектің салданған бітелуі, несептің іркілуі, глаукома) күшеюіне байланысты мына дәрілермен антихолинергиялық препараттармен (үшциклдық антидепрессанттар; Н1-антигистаминдер; паркинсонға қарсы кейбір препараттар; атропин, скополамин, сукцинилхолин); скополаминмен біріктіргенде экстрапирамидалы жағымсыз әсерлері байқалған

- орталық жүйке жүйесі қызметін тежейтін дәрілер (есірткілік анальгетиктер, жалпы анестезия дәрілері, анксиолитиктер, тыныштандырғыш және ұйықтататын дәрілер, транквилизаторлар, үшциклдық антидепрессанттар) препараттың орталық жүйке жүйесіне әсерін күшейтеді

- орталық жүйке жүйесі қызметін стимуляциялайтын дәрілер (мысалы, амфетамин туындылары) психиканы стимуляциялайтын әсерінің төмендеуі байқалады

- леводопа бұл препараттың әсерін әлсіретеді

- диабетке қарсы пероральді препараттар: олардың тиімділігі төмендейді және гипергликемия басталуы мүмкін

- QT аралығын ұзартатын дәрілер (аритмияға қарсы кейбір препараттар, макролидтік антибиотиктер, зеңге қарсы кейбір азолдар, цизаприд, кейбір антидепрессанттар, кейбір антигистаминдік препараттар, сондай-ақ калий деңгейін төмендететін диуретиктердің тікелей емес әсері); бұл әсерлер қосылуы және аритмия қаупін арттыруы мүмкін

- дилевалол: метаболизмді өзара тежеумен бұл препарат пен Тизерцин бір бірінің әсерін күшейтеді; бір мезгілде қолданғанда олардың бірінің немесе екі препараттың да дозасын төмендету қажеттілігі туындауы мүмкін; басқа бета-блокаторлармен осыған ұқсас өзара әрекеттесуі жоққа шығарылмайды

- бұл әсердің күшеюі мүмкін болғандықтан, фотосенсибилизацияны туындатын препараттар

- этанол: орталық жүйке жүйесінің қызметін төмендететін әсері күшейеді және экстрапирамидалық жағымсыз әсерлердің даму мүмкіндігі арта түседі

Басқалары:

- С витаминімен бір мезгілде енгізу Тизерцин препаратын қолданумен байланысты сол витаминнің тапшылығын төмендетеді

- дезфериоксиаминді прохлорперазинмен бір мезгілде қолдану 48-ден 72 сағатқа дейін созылатын естен танумен салдарлы метаболизмдік энцефалопатияны туындатады. Мұндай өзара әрекеттесу левомепрозаминмен де болуы мүмкін, себебі оның фармакологиялық белсенділігі көп жағдайда прохлорперазинмен ұқсас.

- нейролептиктермен артық дозаланған кезде адреналин (эпинефрин) қолдануға болмайды

Айрықша нұсқаулар

Кез келген аса жоғары сезімталдық реакциясы пайда болғанда препаратты қолдануды дереу тоқтату керек.

Препаратты бүйрек және/немесе бауыр жеткіліксіздігі бар емделушілерге тағайындағанда жинақталу мен уыттылық қаупіне байланысты ерекше сақтық қажет.

Инсульт

Белгілі атипиялық психозға қарсы препараттар қабылдаған деменциясы бар егде жастағы емделушілер қатысқан плацебо бақылауымен рандомизацияланған клиникалық зерттеулерде ми қан айналымы бұзылуы даму қаупі 3 рет жоғарлаған. Бұл жоғары қауіптің механизмі белгісіз. Ми қан айналымы дамуының жоғары қаупі басқа психозға қарсы дәрілер немесе емделушілердің басқа топтарында жоққа шығаруға болмайды. Тизерцинді инсульт даму қаупі факторлары бар емделушілерде сақтықпен қолдану керек.

Деменциямен зардап шегетін егде емделушілердегі жоғары өлім жағдайы

Екі обсервациялық клиникалық зерттеулерде көрсетілгендей, деменциямен зардап шегетін егде емделушілерде психозға қарсы дәрілерді қолдану, осындай ем алмаған емделушілермен салыстырғанда белгілі бір дәрежеде өлімнің даму қаупін жоғарылатты. Бұл деректер қауіпті дәл бағалау үшін жеткіліксіз, және қауіптің жоғарылау механизмі де белгісіз.

Тизерцинді деменцияда мінез-құлық бұзылыстарын емдеу үшін қолдануға болмайды. Егде жастағы емделушілер (әсіресе деменциямен) ортостатикалық гипотензияға айқын бейімділік білдіреді, сондай-ақ фенотиазиндердің антихолинергиялық және тыныштандыратын әсеріне сезімталдығы жоғары.

Бұдан басқа оларда әсіресе экстрапирамидалық жағымсыз әсерлер жиі пайда болады. Сондықтан егде емделушілерге препарат төмен бастапқы дозаларда тағайындалады және дозаны біртіндеп жоғарылату керек.

Сыртартқысында жүрек-қантамыр аурулары бар, әсіресе егде жастағы, сондай-ақ іркілген жүрек жеткіліксіздігі, өткізгіштіктің бұзылулары, аритмиясы, QT аралығы ұзаруының іштен туа біткен синдромы немесе қан айналымы жүйесінің тұрақсыз жай-күйі бар емделушілерді емдеуде сақ болу ұсынылады. Тизерцин препаратын қолдануды бастағанға дейін қарсы көрсетілім болуы ықтимал кез келген жүрек-қан тамыр ауруларын жоққа шығару үшін электрокардиограммадан өту керек.

Басқа да фенотиазиндерді енгізген кездегідей левомепромазин QT аралығы ұзаруын, аритмияны және өте сирек – «пируэт» типті қарыншалық тахикардияны туғызуы ықтимал.

Психозға қарсы препараттармен терапия кезінде көктамырлық тромбоэмболия (КТЭ) жағдайлары байқалған. Психозға қарсы препараттар қабылдайтын емделушілерде, жүре пайда болған КТЭ қауіп факторлары болғандықтан, барлық мүмкін қауіп факторларын анықтау керек және Тизерцинмен емдеуге дейін және емдеу кезінде қажетті алдын алу шараларын сақтау керек.

Гипергликемия немесе глюкозаны көтере алмаушылық левомепромазин қабылдаған емделушілерде байқалды. Қант диабеті қойылған немесе диабет даму қаупі факторлары бар левомепромазинмен ем тағайындалған емделушілерге емдеу барысында сәйкес гликемиялық мониторинг жүргізу керек.

Егер психозға қарсы препараттармен емдеу кезінде гипертермия байқалса, қатерлі нейролептикалық синдромды (ҚНС) жоққа шығару керек.

ҚНС - өлім туғызатын қауіпті ауру, ол мынадай симптомдармен сипатталады: бұлшықеттің сіресуі, жоғары температура, сананың шатасуы, вегетативтік жүйке жүйесі функциясының бұзылуы (тұрақсыз артериялық қысым, тахикардия, аритмия, қатты терлеу), кататония.

Зертханалық көрсеткіштер: кератинфосфокиназа (КФК) деңгейлерінің көтерілуі, миоглобинурия (рабдомиолиз) және жедел бүйрек жеткіліксіздігі. Осы симптомдардың барлығы ҚНС өршу симптомдарын көрсетеді. Олар пайда болғанда, сондай-ақ емдеу кезінде ҚНС айқын клиникалық симптомдарынсыз анықталмаған этиологиядағы гипертермия пайда болғанда Тизерцин препаратын енгізуді дереу тоқтату керек. Егер ҚНС-тан сауығудан кейін емделушінің жай-күйі одан әрі қарайғы психозға қарсы терапия жүргізуді талап етсе препарат таңдауды мұқият ойластыру керек.

Әдебиеттерде фенотиазиндердің тыныштандырғыш әсерлеріне төзімділікпен түрлі психозға қарсы дәрілерге айқаспалы төзімділік сипатталған. Мұндай төзімділік жоғары немесе ұзақ қолданылатын дозаларды бірден тоқтатқанда пайда болатын функциональдік бұзылулар белгілерін: құсуды, жүрек айнуын, бас ауыруын, треморды, қатты терлеуді, тахикардияны, ұйқысыздық пен мазасыздықты тудыруы мүмкін. Осы себептерге байланысты препаратты тоқтатуды міндетті түрде біртіндеп жүргізу керек.

Көптеген психозға қарсы дәрілер, оның ішінде левомепромазин эпилепсияның құрысу алды шегін төмендетуі және электроэнцефалограммада (ЭЭГ) эпилептиформалық өзгерістерді туғызуы мүмкін. Сондықтан эпилепсиясы бар емделушілерге Тизерцин препаратының дозасын таңдаған кезде тұрақты түрде клиникалық көрсеткіштер мен ЭЭГ-ні бақылау қажет.

Холестаздық сарғаюдың дамуы емделушінің жекелей сезімталдығына байланысты болады және препаратты енгізуді тоқтатқаннан кейін толық жойылады. Сондықтан ұзақ емделген кезде бауыр функциясының көрсеткіштеріне тұрақты бақылау жасау қажет.

Фенотиазинмен емдегенде кейбір науқастарда агранулоцитоз бен лейкопения да байқалған. Сондықтан осы құбылыстардың жиілігі тым төмен болуына қарамастан ұзақ уақыт емдеуде қан формуласын тұрақты бақылау ұсынылады.

Емдеу кезінде және препарат әсерлері жойылғанға дейін (Тизерцин препаратын енгізуді тоқтатқаннан кейін 4-5 күн ішінде) алкогольдік ішімдіктерді пайдалануға тыйым салу керек.

Емдеуді бастағанға дейін және емдеу кезінде мына көрсеткіштерді тұрақты бақылау ұсынылады:

• артериялық қысымды (әсіресе қан айналу жүйесі тұрақсыз және гипотензияға бейім науқастарда)

• бауыр функциясы көрсеткіштерін (әсіресе бауыр аурулары бар науқастарда)

• қан формуласын (қызбада және фарингитте, сондай-ақ емдеу курсының басы мен ұзақ терапия кезінде лейкопения мен агранулоцитозға күдік болғанда)

• электрокардиограмманы (жүрек-қан тамыр ауруларында және егде емделушілерде).

- қандағы калий деңгейін ( қандағы электролиттер деңгейін мезгіл-мезгіл бақылау және түзету керек, әсіресе препаратты ұзақ уақыт қолданғанда).

Препаратты кенеттен тоқтатқанда жедел тоқтату симптомы дамуы мүмкін, мысалы, психоздық симптомдардың қайталануы, мазасыздық, үрейлену симптомдарының күшеюі, ұйқысыздық, жүрек айнуы, құсу, бас ауыруы, діріл, тершеңдік, пульстің жиілеуі.

Тизерцин қабықпен қапталған 25 мг таблеткалар құрамында әр таблеткада 40 мг лактоза моногидраты болғандықтан, оны тұқым қуалайтын галактозаны көтере алмаушылық, Lарр-лактаза тапшылығы немесе глюкоза-галактоза мальабсорбциясы бар емделушілерге тағайындамаған жөн.

Жүктілік және лактация кезеңі

Егер психозға қарсы дәрілерді (оның ішінде левомепромазин) жүктіліктің үшінші триместрінде қолданса, туғаннан кейін нәрестеде жағымсыз әсерлер даму қаупі бар, мысалы, экстрапирамидалық симптомдар және /немесе ұзақтығы және ауырлық дәрежесі әртүрлі тоқтату симптомдары даму қаупі бар.

Ажитация, гипертония, гипотония, тремор, ұйқышылдық, респираторлық дистресс жағдайлары байқалған, сондай-ақ тамақтанудың бұзылуымен жағымсыз әсерлер туралы хабарлар бар. Осылайша жаңа туғандардың жағдайын мұқият бақылау керек.

Препаратты қауіп пен пайдасын мұқият салыстыру жүргізген жағдайды қоспағанда жүктілік кезінде қолданбау керек. Левомепромазин емшек сүтімен бөлініп шығады. Сондықтан оны лактация кезінде қолдануға болмайды.

Дәрілік заттың көлік құралдарын жүргізу немесе әлеуетті қауіпті механизмдерді басқару қабілетіне әсер ету ерекшеліктері

Тизерцин ұйқышылдық, бағдарсыздық, сананың шатасуы немесе айтарлықтай гипотония туындатуы мүмкін, ол емделушінің автокөлік жүргізуге қабілетіне әсер етуі мүмкін.

Емделу кезінде емделушілерге көлік жүргізуден немесе әлеуетті қауіпті механизмдерді басқарудан бас тарту ұсынылады. Ары қарай шектеу дәрежесін әр емделуші үшін жекелей анықтаған жөн.

Артық дозалануы

Симптомдары: өмірлік маңызды физиологиялық көрсеткіштердің өзгеруі (көбінесе артериялық гипотензия және гипертермия), жүрек бұлшықетіндегі өткізгіштіктің бұзылулары (QT аралығының ұзаруы, қарыншалық тахикардия/фибрилляция, «пируэт» тәріздес тахикардия, жүрекше-қарыншалық блокада), экстрапирамидалық симптомдар, тыныштандырушы әсер, орталық жүйке жүйесінің қозуы (эпилепсия ұстамалары) және ҚНС.

Емі: мына параметрлерді: қышқылдық-сілтілік тепе-теңдікті, су электролиттік тепе-теңдікті, бүйрек функциясын, несеп көлемін, бауыр ферменттерінің белсенділігін, электрокардиограмманы мониторингілеу ұсынылады. ҚНС бар емделушілерде де, қан сарысуындағы КФК мен дене температурасын бақылау керек. Мониторингіленетін параметрлер өлшемдеріне сәйкес симптоматикалық ем тағайындау керек. Артериялық гипотензияда: сұйықтықтарды көк тамырға енгізу, Тренделенбург қалпында, дофамин және/немесе норадреналин. (левомепромазиннің проаритмогендік әсерінің болуымен байланысты реанимацияға арналған жиынтық дайын болуы қажет және жүрек жұмысын мониторингілеу керек). Нейролептиктердің артық дозалануында адреналинді қолдануға болмайды. Лидокаинді (лигнокаин) және мүмкіндігінше ұзақ уақыт әсер ететін аритмияға қарсы препараттарды қолданудан аулақ болу керек. Құрысу жағдайларында диазепам енгізуге болады, ал құрысулар қайталанғанда – фенитоин немесе фенобарбитал енгізуге болады. Рабдомиолиз кезінде маннитол тағайындау керек. Арнайы у қайтарғысы белгісіз. Қарқынды диурез, гемодиализ бен гемоперфузия тиімді емес. Құсқызу ұсынылмайды, өйткені ықтимал эпилепсия ұстамалары мен бас пен мойынның дистониялық реакциялары құсық массаларымен тұншығуға әкеп соқтыруы мүмкін. Тіпті препаратты қабылдағаннан кейін 12 сағат өткен соң да асқазанды шаю мен өмірлік маңызды көрсеткіштерге мониторингілеуді жүргізу керек, өйткені асқазандағы заттардың шығарылуы левомепромазиннің антихолинергиялық әсерімен баяулайды. Сіңудің қосымша төмендеуі үшін белсенділенген көмірді және іш жүргізетін дәрілерді енгізу ұсынылады.

Шығарылу түрі және қаптамасы

Қабықпен қапталған 50 таблеткадан алғашқы ашылуы бақыланатын және жиырылмалы амортизатормен жабдықталған, FG-7 полиэтиленді қақпағымен қоңыр шыныдан жасалған құтыларға салынған.

Құтыға өздігінен жабысатын қағаздан заттаңба жапсырылған.

1 құтыдан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

5 жыл

Жарамдылық мерзімі өткеннен кейін пайдалануға болмайды.

Дәріханалардан босату шарттары

Рецепт арқылы

Өндіруші

«ЭГИС ФАРМАЦЕВТИКАЛЫҚ ЗАУЫТЫ» ЖАҚ

1106 БУДАПЕШТ, Керестури көшесі, 30-38 Венгрия

Тел.: (36-1) 803-5555, Факс: (36-1) 803-5529

Тіркеу куәлігінің иесі

«эгис Фармацевтикалық Зауыты» ЖАҚ, Венгрия

Қазақстан Республикасы аймағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«ЭГИС Фармацевтикалық зауыты» ЖАҚ ҚР өкілдігі

050060, Алматы қ-сы, Жароков к-сі 286 Г

тел: + 7 (727) 247 63 34, + 7 (727) 247 63 33, факс: + 7 (727) 247 61 41,

e-mail: egis@egis.kz