Тетурам (150 мг, Фармстандарт-Лексредства ОАО)
Инструкция
-
русский
-
қазақша
Саудалық атауы
Тетурам
Халықаралық патенттелмеген атауы
Дисульфирам
Дәрілік түрі
150 мг таблеткалар
Құрамы
Бір таблетка құрамында :
белсенді зат - 150 мг тетурам (дисульфирам) бар,
қосымша заттар: картоп крахмалы, аэросил (кремнийдің коллоидты қостотығы), медициналық төмен молекулярлы поливинилпирролидон (повидон), стеарин қышқылы, натрий кроскармеллозасы (примеллоза).
Сипаттамасы
Ақ немесе аздап сарғыш-жасылдау реңі бар ақ түсті, жалпақ цилиндр
тәрізді ойықты таблеткалар.
Фармакотерапиялық тобы
Алкогольге тәуелділікті емдеуге арналған дәрілер.
АТЖ коды N07ВВ01
Фармакологиялық қасиеттері
Фармакокинетикасы
Пероральді қабылдағаннан кейін дисульфирамның асқазан-ішек
жолынан сіңуі 70-тен 90%-ға дейін. Ол өзі глюкурон-конъюгат түрінде
шығарылатын дитиокарбаматқа дейін қалпына келе отырып
метаболизденеді немесе бір бөлігі (4–53%) өкпе арқылы шығарылатын
диэтиламин мен күкіртті көміртегі сульфидіне айналады.
Фармакодинамикасы
Этанол метаболизміне қатысатын ацетальдегиддегидрогеназды тежейді; этанолдың метаболиті болып табылатын, пайдаланғаннан кейін бірқатар жағымсыз әсер (бет терісіне «қан тебу», жүрек айнуы, құсу, дімкәстік сезімін, тахикардия, артериялық қысым төмендеуі) туындататын ацетальдегиттің концентрациясын арттырады. Нәтижесінде этанол иісіне және дәміне деген шарттылық-рефлекторлық жақтырмау реакциялары қалыптасады.
Ең жоғары емдік әсерге пероральді қабылдағаннан кейін 12 сағаттан соң жетеді, әсері емдеуді тоқтатқаннан кейін 10-14 күн бойы жалғасуы мүмкін.
Қолданылуы
- созылмалы маскүнемдікті емдеуге және қайталауларының алдын алуға
Қолдану тәсілі және дозалары
Ем науқасты мұқият тексеруден кейін және салдары мен өршулері туралы алдын ала ескертуден соң тағайындалады. Препарат ішке жеке сызба бойынша тәулігіне 2 рет 150-500 мг-нан қабылданады. Тетурам-алкогольдік сынаманы емдеудің басталуынан 7-10 күн өткенде жүргізеді (500 мг препарат қабылдаған соң 20 - 30 мл 40% этанолды (арақты) қабылдайды, әлсіз реакция кезінде алкогольдік ішімдіктің дозасын кезекті сынамада 10-20 мл-ге арттырады (арақтың ең жоғарғы дозасы 100 - 120 мл). Қайталама сынамаларды стационар жағдайында 1-2 күннен кейін, амбулаториялық емдеу жағдайында, алкогольдің және/немесе препараттың дозасын қажетіне қарай түзете отырып 3-5 күн өткеннен кейін жүргізеді. Одан әрі қарай 1-3 жыл бойы тәулігіне 150-200 мг демеуші доза пайдалануға болады.
Жағымсыз әсерлері
- ауыздың "темір" татуы
- колостомиямен ауыратын науқастардағы жағымсыз иіс (көміртегі сульфидіне байланысты болатын)
- маскүнемдікпен ауырмайтын никельді экземасы бар науқастардағы
кей кезде кездесетін гепатиттің сирек жағдайлары
- аяқтың полиневриті, көру жүйкесінің невриті
- жадының төмендеуі, сананың шатасуы, астения
- бас ауыруы
- терінің аллергиялық реакциялары
- тыныс алудағы жеткіліксіздік
- коллапс
- жүрек ырғағының бұзылуы немесе жедел стенокардия
- кейде миокард инфарктісі
- неврологиялық бұзылулар
- мидың ісінуі
- алкогольдікке ұқсас психоздар
- гепатит, гастрит
- жүрек-қан тамырлары аурулары бар науқастарда ми қан тамырлары тромбозы болуы мүмкін, сондықтан аяқ-қол және бет парестезиясына шағым болғанда препаратты дереу тоқтату керек
- полиневриттің өршуі
Қолдануға болмайтын жағдайлар
- дисульфирамға асқын сезімталдықта
- тиреотоксикозда
- қалпына келмейтін сатыдағы жүрек-қан тамыр аурулары (оның ішінде күрт айқындалған кардиосклерозда, ми қан тамырлары атеросклерозында, инфаркт алдындағы және инфарктан кейінгі күйде, аорта аневризмінде, коронарлық жеткіліксіздікте, II-III сатыдағы артериялық гипертензияда, созылмалы жүрек жеткіліксіздігінде)
- қалпына келетін сатыдағы жүрек-қан тамыр ауруларында
- қан түкіретін өкпе туберкулёзінде
- бронхиальдық астмада
- өкпенің созылмалы обструктивті ауруларында
- өкпенің айқын эмфиземасында
- асқазан-ішек жолдары шырышты қабығының эрозивті зақымдануында
- асқазанның және 12-елі ішек ойық жарасы ауруында (өршу сатысында және ремиссия сатысында)
- асқазан-ішек жолдарынан қан кетуде
- бүйрек ауруларында
- бауыр жеткіліксіздігінде
- қант диабетінде
- эпилепсияда
- жүйке-психикалық ауруларында
- ОЖЖ жұқпалы ауруларында
- полиневропатияда
- есту және көру жүйкесі невритінде
- глаукомада
- қатерлі ісіктерде
- егде жастарда (60 жастан асқандарда)
- ми қан айналымы бұзылуларынан (МҚАБ) кейінгі қалдық құбылыстар - эндартериитте
- бұрынырақта өткерген тетурамды (антабусты) психоздарда
- жүктілік пен лактация кезеңінде
- балалық және 18 жасқа дейінгі жасөспірімдік жаста
Дәрілермен өзара әрекеттесуі
Қолдануға болмайтын біріктірілімдер:
- алкоголь. Көтере алмау реакциялары (қан «кернеулер», эритема, құсу, тахикардия).
Спирттік ішімдіктерді және құрамында спирті бар дәрілік заттарды қабылдаудан бас тартқан дұрыс.
Ұнамсыз біріктірілімдер:
-
Изониазид: мінез-құлық пен қимыл-қозғалыс үйлесімінің бұзылуы.
-
5-нитроимидазол туындылары (метронидазол, орнидазол, секнидазол, тинидазол): делириялық бұзылулар, сана шатасуы.
-
фенитоин: қан плазмасындағы фенитоин концентрациясының елеулі және жылдам көтерілуі (метаболизмі бәсеңдеуі) уыттылық симптомдарымен. Егер мұндай біріктіруді қолданбау мүмкін болмаса, дисульфираммен емдеу кезінде және одан кейін клиникалық бақылау жасап, қан плазмасындағы препараттың концентрациясына қадағалау жүргізу керек.
Сақтықты талап ететін біріктірілімдер:
-
варфарин (ішілетін басқа да антикоагулянттар): пероральді антикоагулянттар әсерінің жоғарылауы мен қан кету қаупі (бауырда варфарин метаболизмінің төмендеуі). Дисульфирамды тоқтатқаннан кейін 8 күн бойы варфарин концентрациясын жиірек бақылау және антикоагулянттар дозасын түзету ұсынылады.
-
теофиллин: дисульфирам теофиллиннің метаболизмін тежейді. Сондықтан клиникалық симптомдарын және плазмадағы препарат концентрациясын ескере отырып теофиллин дозасын түзету (төмендетілген доза) қажет.
-
бензодиазепиндер: дисульфирам олардың (әсіресе хлордиазепоксидтің және диазепамның) тотықтану метаболизмін тежеу жолымен бензодиазепиндердің тыныштандыратын әсерін күшейтуі мүмкін. Бензодиазепиндерді дозалау клиникалық көріністеріне сәйкес түзетілуге тиіс.
-
үшциклдық антидепрессанттар: алкогольді көтере алмау реакциясының күшеюі мүмкін.
Айрықша нұсқаулар
Тетурам қабылдау кезінде 50-80 мл (40% этанолға есептегенде) астам алкоголь дозасын қабылдағанда жүрек-қан тамырларының және тыныс алу жүйесінің ауыр бұзылулары, ісінулер, құрысулар дамиды.
Бұл жағдайда дереу дезинтоксикациялық ес жүргізеді, аналептиктер
енгізеді, симптоматикалық ем жасайды.
Емнің басында емделушіні этанолдан біртіндеп психотерапиялық алыстату курсын жүргізу керек.
Препарат қабылдаудан туындайтын полиневропатия В тобының
витаминдерін тағайындағанда жойылады.
Дәрілік заттың көлік құралдарын немесе қауіпті механизмдерді басқару
қабілетіне әсер ету ерекшеліктері
Препарат қабылдау кезеңінде көлік құралдарын және қауіпті
механизмдерді басқарудан бас тарта тұру керек.
Артық дозаланғанда
Симптомдары: комаға түсуге дейін болатын естен тану, жүрек-қан
тамырлары коллапсы, неврологиялық асқынулар.
Емдеу: симптоматикалық.
Шығарылу түрі және қаптамасы
Поливинилхлоридті үлбірден және баспалы лакталған алюминий
фольгадан жасалған пішінді ұяшықты қаптамада 15 таблеткадан.
2 пішінді ұяшықты қаптама 15 таблеткадан медицинада қолданылуы
жөнінде мемлекеттік және орыс тілдеріндегі нұсқаулықпен бірге картон
пәшкеге салынған.
Сақтау шарттары
Құрғақ жерде, 250С-ден аспайтын температурада сақтау керек.
Балалардың қолы жетпейтін жерде сақтау керек.
Сақтау мерзімі
4 жыл
Қаптамасында көрсетілген жарамдылық мерзімі өткеннен кейін
пайдалануға болмайды!
Дәріханадан босатылу шарттары
Рецепт арқылы
Өндіруші
«Фармстандарт – Лексредства» ААҚ,
305022, Ресей, Курск қ., 2-ші Агрегатная к., 1а/18
Тел./факс: (4712) 34-03-13
Тіркеу куәлігінің иесі
«Фармстандарт – Лексредства» ААҚ, Ресей
Қазақстан Республикасы аумағында тұтынушылардан өнім
сапасына қатысты шағымдарды қабылдайтын ұйымның
мекенжайы:
«Фармстандарт – Лексредства» ААҚ,
305022, Ресей, Курск қ., 2‑ші Агрегатная к., 1а/18.
Тел./факс: (4712) 34-03-13.
Е-mail: www.pharmstd.ru