Тералиджен® ретард

Тералиджен® ретард

Алимемазин

Дәрілік түрі, дозалануы

Босап шығуы ұзартылған, үлбірлі қабықпен қапталған таблеткалар, 20 мг

Жүйке жүйесі. Психолептиктер. Анксиолитиктер. Басқа анксиолитиктер.

АТХ коды N05BX

• үрей тудыратын бұзылыстарда

• атопиялық дерматитте

Қолдануды бастағанға дейін қажетті мәліметтер тізбесі

• әсер етуші затқа немесе қосымша заттардың кез келгеніне аса жоғары сезімталдық

• жабықбұрышты глаукома

• қуықасты бездерінің гиперплазиясы

• бауыр және/немесе бүйрек функциясының ауыр жеткіліксіздігі 

• паркинсонизм

• миастения

• Рейе синдромы

• моноаминоксидаза (МАО) тежегіштерін бір мезгілде қолдану

• жүктілік және бала емізу кезеңі

• 18 жасқа дейінгі балалар (осы дәрілік түр үшін).

Қолдану кезіндегі қажетті сақтандыру шаралары

Алимемазин бірге қолданылатын ДЗ отоуытты әсерін (құлақтың шуылдауы, бас айналу) бүркемелеуі мүмкін.

Алимемазин организмнің рибофлавинді қажетсінуін арттырады.

Аллергендерге терінің скарификациялық сынамалар нәтижелерінің бүркемеленуіне жол бермеу үшін препарат қабылдауды аллергологиялық тестілеуден 72 сағат бұрын тоқтату керек.

Емделу кезеңінде жүктіліктің бар-жоқтығына жалған оң нәтижелер алынуы мүмкін.

Емдеу кезеңінде алкоголь ішуге болмайды.

Алимемазиннің жағымдылығын анықтау мақсатында тікелей босап шығатын дәрілік түрдегі Тералиджен препараттарын қабылдағаннан кейін әсері ұзаққа созылатын түрі қолданылуы мүмкін  (таблеткалар, бұлшықет ішіне енгізуге арналған ерітінділер).

Сақтықпен:

Егер анамнезінде фенотиазинді қатардың препараттарын қолданған кезде; қуық мойнының обструкциясында; несептің кідіруіне бейімділікте; эпилепсияда; ашық бұрышты глаукомада; сарғаюда; сүйек кемігінің функциясы бәсеңдегенде; артериялық гипотензияда асқынулардың болғаны көрсетілген болса, алкоголизм кезінде препаратты абайлап қолдану керек.

Басқа дәрілік препараттармен өзара әрекеттесуі

Алимемазин есірткілік анальгетиктердің, ұйықтататын, анксиолитикалық (транквилизаторлар) және психозға қарсы (нейролептиктер) дәрілік заттардың (ДЗ), сондай-ақ жалпы анестезияға арналған ДЗ, м-холиноблокаторлардың және гипотензиялық ДЗ әсерлерін күшейтеді (дозаны түзетуді қажет етеді). Трициклді антидепрессанттар және антихолинергиялық ДЗ алимемазиннің м-холиноблокадалайтын белсенділігін күшейтеді. Алимемазинді этанолмен бір мезгілде қолданғанда орталық жүйке жүйесінің бәсеңдеуін күшейтуі мүмкін.

Алимемазин фенамин туындыларының, м-холиномиметиктердің, эфедриннің, гуанетидиннің, леводопаның, допаминнің әсерін бәсеңдетеді.

Алимемазинді эпилепсияға қарсы ДЗ және барбитураттармен біріктіріп қолданғанда құрысу белсенділігінің шегі төмендейді (дозаны түзетуді қажет етеді).

Алимемазинді бета-адреноблокаторлармен бірге қолданғанда АҚ айқын төмендеуі, аритмиялар болуы мүмкін.

Алимемазин бромокриптиннің әсерін бәсеңдетеді. Емшек емізетін аналарға бір мезгілде қолданғанда қан сарысуындағы пролактиннің концентрациялары жоғарылауы мүмкін.

Алимемазинді және МАО тежегіштерін (бір мезгілде қолдану ұсынылмайды) және алимемазинді және фенотиазин туындыларын бір мезгілде қолданғанда артериялық гипотензияның және экстрапирамидалық бұзылыстардың туындау қаупі жоғарылайды.

Алимемазинді сүйек кемігіндегі қан түзуді бәсеңдететін ДЗ-мен бір мезгілде қолданғанда миелосупрессия қаупі артады.

Фенотиазин туындыларын (оларға алимемазин жатады) гепатоуытты ДЗ-мен бірге пайдалану соңғысының гепатоуыттылық біліністерін күшейтуі мүмкін.

Арнайы ескертулер

Жүктілік және лактация кезінде қолдану.

Жүктілікте және емшек емізу кезеңінде алимемазинді қолдануға болмайды. Егер емдеу кезеңінде жүктілік  басталса, препарат қабылдауды тоқтату керек. Лактация кезеңінде препаратты қолдану қажет болған жағдайда емшек емізуді тоқтату керек.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері.

Препаратпен емдеу аясында зейін қоюды күшейтуді және психомоторлы реакциялардың жылдамдығын қажет ететін қызмет түрлерімен (автомобильді және басқа да тасымал құралдарын басқару, қозғалыстағы механизмдермен жұмыс жасау, диспетчердің және оператордың жұмысы) айналысуға болмайды.

Қолдану жөніндегі нұсқаулар

Дозалау режимі

Препараттың әсері дозаға тәуелді сипатта болады, доза емдеу мақсатына сәйкес таңдап алынады.

Вегетотұрақтандыратын әсерге қол жеткізу үшін - тәулігіне 20-60 мг.

Анксиолитикалық әсерге қол жеткізу үшін – тәулігіне 20-80 мг.

Седативті әсерге бір рет 20-60 мг қабылдағанда қол жеткізуге болады.

Атопиялық дерматитте – тәулігіне 20-40 мг.

Ересектер үшін жоғары доза тәулігіне 500 мг, егде жастағы (60 жастан асқан) адамдар үшін тәулігіне 200 мг құрайды.

Енгізу әдісі мен жолы

Ішке. Шайнамай.

Қабылдау уақыты көрсетілген қолдану жиілігі

Препаратты 12 сағат аралықпен белгілі бір уақытта күніне бір рет немесе күніне екі рет қажетті дозада тағайындайды.

Емдеу ұзақтығы

Курстық емдеу ұзақтығы 2-ден 6-ға және одан көбірек айға дейінді құрауы мүмкін және оны дәрігер белгілейді.

Артық дозаланған жағдайда қабылдануы тиіс шаралар

Симптомдары: аллергиялық реакцияларды қоспағанда, сипатталған жағымсыз әсерлерінің күшеюі.

Емі: препарат қабылдауды тоқтату, симптоматикалық ем.

Дәрілік препараттың бір немесе бірнеше дозасын өткізіп алған кезде қажетті шаралар

Жекелеген дозаларын өткізіп алған жағдайда препараттың қос дозасын қабылдауға болмайды.

Тоқтату симптомдары қаупінің болуын көрсету

Осы уақытқа дейін тоқтату симптомдары туралы хабарланған жоқ.

Дәрілік препаратты қабылдамас бұрын дәрігерге кеңес алу үшін жүгініңіз.

ДП стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар (қажет болған жағдайда)

Жағымсыз әсерлері өте сирек және шамалы білінеді.

Жиілігі белгісіз

Жүйке жүйесінен: ұйқышылдық, енжарлық, тез қажығыштық (негізінен, қабылдаудың алғашқы күні туындайды және препаратты тоқтатуды сирек қажет етеді), әдеттен тыс реакция (мазасыздық, қозу, шым-шытырық қорқынышты түстер көру, ашушаңдық); сананың шатасуы, экстрапирамидалық бұзылыстар (гипокинезия, акатизия, тремор).

Сезім мүшелері тарапынан: көздің затты анық көрмеуі (аккомодация парезі), құлақтың шуылдауы немесе шыңылдауы.

Жүрек-қантамыр жүйесі тарапынан: бас айналу, артериялық қысымның (АҚ) төмендеуі, тахикардия.

Ас қорыту жүйесі тарапынан: ауыз қуысының шырышты қабығының құрғауы, асқазан-ішек жолының атониясы, іш қатулар, тәбеттің нашарлауы.

Тыныс алу жүйесі тарапынан: мұрынның, жұтқыншақтың құрғауы, бронх секреті тұтқырлығының жоғарылауы.

Несеп шығару жүйесі тарапынан: қуықтың атониясы, несептің кідіруі.

Тағы басқалары: аллергиялық реакциялар, сүйек кеміктік қан түзудің бәсеңдеуі, қатты терлеу, бұлшықеттің босаңсуы, фотосенсибилизация.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында:

Белсенді зат: алимемазин (алимемазин тартраты) - 20 мг;

Қосымша заттар: микрокристалды целлюлоза (101 типі), гипромеллоза, коллоидты кремнийдің қостотығы, магний стеараты;

Қабығы:

Опадрай II 85F230124: ішінара гидролизденген поливинил спирті, титанның қостотығы Е 171, макрогол-3350, тальк, темірдің сары тотығы бояғышы Е 172, темірдің қызыл тотығы бояғышы Е 172.

Сыртқы түрінің, иісінің, дәмінің сипаттамасы

Ақшыл-қоңыр түсті үлбірлі қабықпен қапталған, екі жақ беті дөңес, дөңгелек таблеткалар. Көлденең қимада ядро ақ немесе ақ дерлік түсті.

Шығарылу түрі және қаптамасы

10 таблеткадан поливинилхлоридті үлбірден және лакталған баспалы алюминий фольгадан жасалған пішінді ұяшықты қаптамада.

3 пішінді ұяшықты қаптама қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

3 жыл.

Жарамдылық мерзімі өткеннен кейін қолдануға болмайды.

Түпнұсқалық қаптамасында (қорапшада), 25°С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы.

Өндіруші туралы мәліметтер

«Валента Фарм», АҚ

141101, Ресей, Мәскеу облысы, Щелково қ., Фабричная к-сі, 2 үй.

Телефон: +7 (495) 933-48-62,

факс +7 (495) 933-48-63

Электронды пошта: info@valentapharm.com

Тіркеу куәлігінің ұстаушысы

«Валента Фарм», АҚ

141101, Ресей, Мәскеу облысы, Щелково қ., Фабричная к-сі, 2 үй.

Телефон: +7 (495) 933-48-62,

факс +7 (495) 933-48-63

Электронды пошта: info@valentapharm.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және  дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Валента Фармацевтика» акционерлік қоғамының Қазақстан Республикасындағы өкілдігі

Қазақстан Республикасы, 050009, Алматы қаласы, Алмалы ауданы, Абай даңғылы, № 151 үй, № 1106 кеңсе

Тел: +7 (727) 3341551 іш.4027 Ұялы. +7 771 779 79 37

asia@valentapharm.com