Тенолиоф

Тенолиоф

Теноксикам

Дәрілік түрі, дозалануы

Инъекция үшін ерітінді дайындауға арналған лиофилизат еріткішімен (инъекцияға арналған су) жиынтықта, 20 мг.

Сүйек-бұлшықет жүйесі. Қабынуға қарсы және ревматизмге қарсы препараттар. Қабынуға қарсы және ревматизмге қарсы стероидты емес препараттар. Оксикамдар. Теноксикам.

ATХ коды: M01AC02

- Остеоартритте және ревматоидты артритте ауыруды және қабынуды жеңілдету үшін.

- Созылуды, шығуды және жұмсақ тіндердің басқа да зақымдануларын қоса, жедел қаңқа-бұлшықет бұзылыстарын қысқа мерзімді емдеу үшін.

Препарат вена ішіне және бұлшықет ішіне қолданылады, жоғарыда аталған симптомдар кезінде оны пероральді қабылдауға қабілетсіз деп саналатын пациенттерде.

Қолдануды бастағанға дейін қажетті мәліметтер тізбесі

- Әсер етуші затқа немесе қосымша заттардың кез келгенгіне жоғары сезімталдық.

- Белсенді немесе пациенттің анамнезінде бұрыннан бар рекурренттік ойықжара / қан кету (ойықжараның немесе қан кетудің екі немесе одан көп жекелей дәлелденген эпизодтары), ойықжаралы колит, Крон ауруы, ауыр гастрит немесе алдыңғы ҚҚСП емімен байланысты анамнезінде асқазан-ішектен қан кету деректерінің болуы.

- Тенолиоф сондай-ақ ибупрофен мен аспиринді қоса, басқа да қабынуға қарсы стероидты емес препараттарға бұрында аса жоғары сезімталдық реакциялары (демікпе, ринит, ангиодистрофия немесе есекжем симптомдары) көрініс тапқан пациенттерге қолдануға болмайды, себебі теноксикамға айқаспалы сезімталдық үшін потенциал бар.

- Жүректің, бауырдың және бүйректің ауыр жеткіліксіздігі.

- Жүктіліктің соңғы триместрі, лактация кезеңі.

- Балалар мен 18 жасқа дейінгі жасөспірімдер.

Басқа дәрілік препараттармен өзара әрекеттесуі

Антикоагулянттар: Дені сау адамдарда лиофилизат теноксикам мен төмен молекулалы гепарин арасында клиникалық тұрғыдан маңызды өзара әрекеттесу байқалмады. Теноксикам сарысулық альбуминмен тығыз байланысты және барлық ҚҚСП жағдайында да варфарин мен басқа да антикоагулянттардың антикоагулянттық әсерін күшейтуі мүмкін. Антикоагулянттар мен оральді гликемиялық агенттердің, әсіресе Тенолиофпен емдеудің бастапқы сатыларында әсеріне мұқият мониторинг жүргізу ұсынылады.

Антиагрегантты дәрілер және серотонинді кері қармаудың селективті тежегіштері (СКҚСТ): Асқазан-ішектен қан кетудің жоғарғы қаупі.

Гипертензияға қарсы дәрілер: Тиноксикам және басқа ҚҚСП гипертензияға қарсы препараттардың әсерлерін төмендетуі мүмкін.

Жүрек гликозиді: ҚҚСП жүрек жеткіліксіздігін күшейтуі, ШСЖ төмендетуі және жүрек гликозидтерімен бірге енгізгенде жүрек гликозидінің плазмадағы деңгейлерін жоғарылатуы мүмкін.

Циклоспорин: Барлық ҚҚСП жағдайындағы сияқты, нефроуыттылық қаупінің жоғарылауына байланысты циклоспоринді бір мезгілде қолданған кезде сақтықты сақтау ұсынылады.

Циметидин: Циметидинді бір мезгілде қолданумен өзара әрекеттесу анықталмаған.

Кортикостероидтар: Барлық ҚҚСП жағдайындағы сияқты, ойықжараның немесе асқазан ішектен қан кетудің пайда болу қаупінің жоғарылауына байланысты кортикостероидтарды бірге енгізгенде сақтық таныту керек.

Диуретикалық дәрілер: Төмен несеп айдайтын әсер. Қабынуға қарсы стероидты емес препараттар натрий, калий және сұйықтық кідіруін тудыруы мүмкін және несеп айдайтын дәрілердің натрийуретикалық әсеріне ықпал етуі мүмкін, бұл ҚҚСП нефроуыттылық қаупін арттыруы мүмкін. Бұл қасиеттерді жүрек функциясының бұзылуы немесе гипертониясы бар пациенттерді емдеу кезінде ескеру керек, өйткені бұл осы жағдайлардың нашарлауын тудыруы мүмкін.

Литий: ҚҚСП, литийдің шығарылуын азайтады деп хабарланған. Егер теноксикам литиймен ем алатын пациентке тағайындалса, литий мониторингінің жиілігін арттыру, сұйықтық қабылдап жүру қажеттілігі туралы пациентке ескерту және литиймен уыттану симптомдары туралы білу керек.

Метотрексат: Метотрексатпен бір мезгілде тағайындағанда, оның уыттылығының жоғарылауы мүмкіндігін ескере отырып, сақтық танытқан жөн, өйткені, ҚҚСП метотрексаттың шығарылуын азайтады.

Мифепристон: ҚҚСП мифепристон енгізгеннен кейін 8-12 күн ішінде қолдануға болмайды, себебі ҚҚСП мифепристонның әсерін төмендетеді.

ҚҚСП, циклооксигеназа-2 селективті тежегіштері, салицилаттар: Екі немесе одан көп ҚҚСП (аспиринді қоса) бір уақытта пайдаланудан аулақ болу керек, өйткені бұл жағымсыз әсерлердің пайда болу қаупін ұлғайтуы мүмкін.

Салицилаттар теноксикамды ақуызбен байланысатын аумақтардан ығыстырып, осылайша Тенолиофтың клиренсі мен таралу көлемін ұлғайтуы мүмкін. Сондықтан жағымсыз (әсіресе асқазан-ішек жолының) реакциялардың жоғарғы пайда болу қаупін ескеріп, салицилаттармен немесе басқа да қабынуға қарсы стероидты емес препараттармен бір мезгілде емдеуден аулақ болу керек.

Пеницилламин және парентеральді алтын: Пеницилламин немесе парентеральді алтынмен ем алатын аздаған пациенттерден клиникалық маңызды өзара әрекеттесу анықталған жоқ.

Хинолондар: Жануарларға жасалған зерттеулер ҚҚСП хинолонды антибиотиктермен байланысты құрысудың пайда болу қаупін арттыратынын көрсетеді. ҚҚСП және хинолондар қабылдайтын пациенттер құрысудың жоғарғы қаупін тудыруы мүмкін.

Такролимус: КҚСП такролимуспен бір мезгілде қолданғанда нефроуыттылық қаупі жоғары болуы мүмкін.

Зидовудин: ҚҚСП зидовудинмен қабылдау кезінде гематологиялық уыттылықтың жоғары қаупі. АИТВ жұқтырған адамдарда және зидовудинмен және ибупрофенмен бір мезгілде ем алатын гемофилиямен ауыратын науқастарда гемартроздар мен гематомалардың жоғары қаупі туралы деректер бар.

Арнайы ескертулер

Циклооксигеназа-2 селективті тежегіштерін қоса, Тенолиофты ҚҚСП бір мезгілде пайдаланудан аулақ болу керек.

Жағымсыз әсерлер симптомдарды жою үшін қажетті ең қысқа уақыт кезеңі ішінде ең аз тиімді дозаны пайдалану жолымен барынша азайтылуы мүмкін.

Жүрек-қантамыр және цереброваскулярлы әсерлер

Анамнезінде гипертониясы және / немесе жеңілден орташа деңгейге дейінгі іркілісті жүрек жеткіліксіздігі бар пациенттер үшін тиісті бақылау мен ұсынымдар қажет, өйткені ҚБСП-мен емдеу кезінде сұйықтықтың кідіруі және ісінулер туралы хабарланғандықтан.

Клиникалық зерттеулер мен эпидемиологиялық деректер кейбір ҚҚҚП пайдалану (әсіресе жоғары дозаларда және ұзақ емдеу кезінде) артериялық тромбоздардың (мысалы, миокард инфарктісі немесе инсульт) даму қаупінің аздаған ұлғаюын туындатуы мүмкін екендігін растайды.

Теноксикамға қатысты осы қауіпті болдырмау үшін жеткілікті деректер жоқ.

Бақыланбайтын гипертониясы, жүректің ишемиялық ауруы диагнозымен, шеткері артериялық аурулармен және / немесе цереброваскулярлы аурулармен анықталған іркілісті жүрек жеткіліксіздігі бар пациенттер тек мұқият талқылағаннан кейін ғана теноксикаммен емдеуді жүргізуі тиіс.

Жүрек-қантамыр ауруларының қауіп факторлары (мысалы, гипертензия, гиперлипидемия, қант диабеті, темекі шегу) бар пациенттерге ұзақ ем басталғанға дейін барлық жағдайларды талқылау қажет.

Жүрек-қантамыр, бүйрек және бауыр жеткіліксіздігі:

ҚҚСП қолдану простагландиндердің пайда болуының дозаға тәуелді төмендеуіне әкеп соқтыруы және бүйрек жеткіліксіздігін тудыруы мүмкін. Бұл реакцияның пайда болу қаупі диуретиктер қабылдайтын пациенттерде немесе егде жастағы пациенттерде өседі. Осы пациенттердің бүйрек функциясын мұқият бақылау керек.

Сарысу трансаминазаларының немесе бауыр функциясының басқа да көрсеткіштерінің жекелей жоғарылағаны туралы хабарланған. Көптеген жағдайларда олар аз болды және қысқа уақыт қалыпты диапазоннан жоғары болды. Егер бұзылыс күрделі немесе тұрақты болса, Тенолиофты қолдануды тоқтату және қайта талдау жүргізу керек. Бауыр ауруы бұрыннан бар пациенттерге ерекше назар аудару керек.

Сирек жағдайларда қабынуға қарсы стероидты емес препараттар интерстициальді нефрит, гломерулонефрит, папиллярлы некроз және нефроздық синдром тудыруы мүмкін. Бұл агенттер бүйрек қан ағымы және қан көлемі азайған пациенттерде бүйрек перфузиясын ұстауда көмекші рөл атқаратын бүйрек простагландинінің синтезін тежейді. Бұл пациенттерде қабынуға қарсы стероидты емес дәрілік затты енгізу дәрілік затты қабылдау тоқтатылғаннан кейін алдыңғы емдеу курсының жағдайына оралатын айқын бүйрек жеткіліксіздігін тудыруы мүмкін. Бұл реакцияның ең үлкен қаупі бұрыннан бар бауыр ауруы (бүйрек функциясы бұзылған диабетиктерді қоса), нефроздық синдром, жасушадан тыс сұйықтық көлемінің тапшылығы, бауыр ауруы, жүрек жеткіліксіздігі бар пациенттерде және диуретиктермен немесе әлеуетті нефро уытты препараттармен қатар ем алатын пациенттерде болады. Бұл пациенттерде бүйрек, бауыр және жүрек функциясын бақылау қажет. Бұл пациенттерге препараттың барынша аз дозасын тағайындау ұсынылады. ҚҚСП-ны анамнезінде жүрек жеткіліксіздігі немесе гипертониясы бар пациенттерде сақтықпен қолдану керек, өйткені ибупрофенді қолдануға байланысты ісінудің пайда болуы туралы хабарланған.

Дерматологиялық көріністер:

Ауыр тері реакциялары туралы өте сирек хабарланған, олардың кейбірі эксфолиативті дерматит, Стивенс-Джонсон синдромы және ҚҚСП пайдаланумен байланысты уытты эпидермальді некролизді қоса, өлімге әкеп соқтырады. Пациенттерде емнің басында осы реакциялардың пайда болу қаупі жоғары: реакцияның басталуы көп жағдайда емдеудің бірінші айында болады. Тері бөртпесі, шырышты қабықтың зақымдануы немесе басқа да кез келген аса жоғары сезімталдық белгілері бірінші рет пайда болған кезде Тенолиофты қолдануды тоқтату керек.

Егде жастағы пациенттер:

Егде жастағы пациенттер ҚҚСП-ны пайдалана отырып, жағымсыз реакциялардың, әсіресе асқазан-ішектен қан кетуіне және өлімге апаруы мүмкін тесілуіне пайда болу қаупіне аса бейім. Қатарлас еммен ықтимал өзара әрекеттесуді анықтау және бүйрек, бауыр және жүрек-қантамыр жүйесінің қызметін бағалау мақсатында егде жастағы пациенттерді тұрақты бақылауға ерекше назар аударған жөн, оған стероидты емес қабынуға қарсы препараттар күшті әсер етуі мүмкін.

Әйелдердегі фертильділіктің бұзылуы:

Тенолиофты қолдану әйелдерде фертильдіктің бұзылуына әкелуі мүмкін және жүкті болуға тырысатын әйелдерге ұсынылмайды. Ұрықтандырумен проблемалар туындаған немесе фертильділік бойынша тексерістен өтетін әйелдерге Тенолиоф препаратын тоқтату мүмкіндігін қарастыру керек.

Асқазан-ішектен қан кету, жаралануы және тесілуі:

ҚҚСП асқазан-ішек жолының анамнезі бар пациенттерде сақтықпен қолдану керек. Емнің кез келген сатысында ҚҚСП пайдалануға байланысты өлімге әкелуі мүмкін немесе ескертуші симптомдарсыз немесе бұрын пациенттің анамнезінде асқазан-ішектен қан кетуіне диагностика жасалған асқазан-ішектен қан кетуі, жаралануы немесе тесілуі туралы хабарланған. Асқазан-ішектен қан кетудің, жаралануының немесе тесілуінің пайда болу қаупі анамнезінде ойықжара бар пациенттерде, әсіресе, егер олар қан кетумен немесе тесілумен асқынса және егде жастағы пациенттерде артады. Бұл пациенттер емдеуді ең аз қолжетімді дозадан бастаған жөн. Сондай-ақ, олар қорғаушы агенттердің (мысалы, мизопростол немесе протонды сорғы тежегіштері), сондай-ақ аспириннің қатарлас төмен дозасы талап етілетін пациенттерге немесе асқазан-ішек қан кету қаупін арттыруы мүмкін басқа да препараттардың көмегімен біріктірілген ем мүмкіндігін қарастыру керек.

Анамнезінде асқазан-ішек уыттылығы бар пациенттер, атап айтқанда егде жастағы пациенттер кез келген ерекше абдоминальді симптомдары туралы (атап айтқанда асқазан ішек қан кетуі), әсіресе емдеудің бастапқы сатыларында хабарлауы тиіс.

Пероральді кортикостероидтер, антикоагулянттар, мысалы варфарин, серотонинді кері қармаудың селективті тежегіштері немесе аспирин сияқты антиагрегантты агенттер тәрізді жаралану немесе қан кету қаупін арттыруы мүмкін дәрілік заттарды қатарлас алатын пациенттерге сақтану керек.

Тенолиоф қабылдайтын және асқазан-ішек жолдары тарапынан бұзылу симптомдары байқалатын кез келген пациент мұқият бақылауда болуы тиіс. Пептидтік ойықжара немесе асқазан-ішектен қан кету туындаған жағдайда, Тенолиофты қолдануды дереу тоқтату керек.

Асқазан-ішек жолдарының (ойықжаралы колит, Крон ауруы) ауруларының анамнезі бар пациенттер ҚҚСП қолданған жағдайда сақ болу керек, өйткені олар осы жағдайлардың асқынуын тудыруы мүмкін.

Гематологиялық әсер:

Теноксикам тромбоциттер агрегациясын төмендетеді және қан кету уақытын ұзартуы мүмкін. Бұл кең операциялық араласуға ұшыраған пациенттер (мысалы, буындарды ауыстыру) және қан кету уақытын анықтау қажет болған жағдайда ескерілуі керек.

Офтальмологиялық әсер:

Қабынуға қарсы стероидты емес препараттарды қолдануға байланысты көз тарапынан жағымсыз реакциялар туралы хабарланған, сондықтан көру қабілетінің нашарлауы байқалатын пациенттерге Тенолиофпен емдеу кезінде дәрігердің бақылауында болғаны жөн.

Респираторлық бұзылыстар:

Анамнезінде бронх демікпесі бар немесе содан зардап шегетін пациенттерге тағайындағанда сақтық таныту керек, өйткені, хабарланғандай, ҚҚСП бронх түйілуін туындатады.

Жүйелі қызыл жегі (ЖҚЖ) және дәнекер тіннің аралас аурулары:

Жүйелі қызыл жегі (ЖҚЖ) және дәнекер тінінің аралас аурулары бар пациенттер асептикалық менингиттің жоғарғы даму қаупіне бейім.

• Теноксикам қолдану кезінде өлімге апаратын қауіпті тері реакциялары (Стивенс-Джонсон синдромы (SJS) және уытты эпидермальді некролиз (TEN)) туралы хабарланған.

• Пациенттерге тері реакцияларының белгілері мен симптомдары туралы хабарлау және оның пайда болуын бақылау қажет. Жүйелі қызыл жегінің немесе дәнекер тіннің аралас ауруының пайда болу қаупі емдеудің алғашқы апталарында байқалады.

• ЖҚЖ немесе дәнекер тіннің аралас бұзылуының симптомдары немесе белгілері байқалғанда (мысалы, көбінесе күлдіреуікпен немесе шырышты қабықтың зақымдануымен үдемелі тері бөртпелері) Тенолиофпен емдеуді тоқтату керек.

• ЖҚЖ немесе дәнекер тінінің аралас бұзылуын емдеуде ең жақсы нәтижелерге ерте диагностика жасау және кез келген күдікті препаратты қабылдауды дереу тоқтату кезінде қол жетеді. Қабылдауды мерзімінен бұрын тоқтату анағұрлым қолайлы болжамға әкеледі.

• Теноксикам қабылдау кезінде пациентте жүйелі қызыл жегі немесе дәнекер тіннің аралас ауруы дамыған жағдайда, пациентті теноксикаммен емдеуді қайта жалғастыру ешқашан қажет емес.

Қосымша заттар

Тенолиоф құрамында натрий метабисульфиті бар және аса жоғары сезімталдық пен бронх түйілуінің ауыр реакцияларын сирек тудырады.

Дәрілік препараттың құрамында бір дозаға 1 ммольден аз натрий (23 мг) бар, яғни іс жүзінде «натрийсіз» болып табылады.

Педиатрияда қолдану

Пациенттердің осы тобында оны қолдану туралы деректердің жеткіліксіздігіне байланысты балаларда қолдануға ұсынылмайды

Жүктілік немесе лактация уақытында

Тенолиофті жүктілік немесе емшек емізу кезеңінде қолдануға болмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Бас айналу, ұйқышылдық, шаршау немесе көрудің бұзылуы сияқты Тенолиоф қабылдайтын пацинеттерде байқалатын жағымсыз құбылыстар автокөлікті жүргізуге және механизмдерді басқаруға әсер етуі мүмкін, сондықтан автокөлік пен механизмдерді басқарудан бас тарту керек

Қолдану жөніндегі нұсқаулар

Дозалау режимі

Жағымсыз әсерлер оларды жою үшін қажетті ең қысқа уақыт кезеңі ішінде ең аз тиімді дозаны пайдалану жолымен барынша азайтылуы мүмкін.

Ересектер

Тенолиофты вена ішіне немесе бұлшықет ішіне қолдану керек. Тәулігіне 1 рет бір-екі күн бойы 20 мг дозасында тағайындалады, содан кейін емдеуді күнделікті бір уақытта қолданылатын пероральді формамен жалғастыру керек. Лиофилизатты инъекцияға арналған 2 мл стерилденген суға еріту қажет және қалпына келтірілген ерітіндіні дереу пайдалану керек.

Жоғары дозалардан аулақ болу керек, себебі олар әдетте біршама үлкен емдік әсер етпейді, бірақ жағымсыз әсерлердің пайда болу қаупін тудыруы мүмкін.

Тірек-қимыл аппаратының жедел патологиясы кезінде емдеу кезеңінің ұзақтығы әдетте 7 күннен аспайды, бірақ ауыр жағдайларда емдеуді көп дегенде 14 күнге дейін жалғастыруға болады.

Егде жастағы пациенттер

Егде жастағы пациенттердің жағымсыз реакциялардың күрделі салдарлары қаупіне бейімділігі жоғары. Егер ҚҚҚП-мен емдеу қажет болса, ең аз уақыт ішінде ең аз тиімді дозаны пайдалану керек. Пациенттер ҚҚСП емдеу кезінде асқазан-ішектен қан кету туындауына дәрігерде үнемі бақылануы тиіс.

Балалар

Теноксикамды балаларда қолдану үшін деректер жеткіліксіз.

Бүйрек жәіне бауыр жеткіліксіздігі кезінде қолдану

Теноксикамның плазма ақуызының берік байланыслуына орай плазмалық альбумин концентрациясының елеулі төмендеуі (мысалы, нефротикалық синдром кезінде) немесе билирубиннің жоғары концентрациясы жағдайларында сақ болу қажет.

Бұрыннан бауыр жеткіліксіздігі бар пациенттерде Тенолиофты дозалау бойынша ұсынымдар жасау үшін ақпарат жеткіліксіз.

Енгізу тәсілі және жолы

Тенолиофты вена ішіне немесе бұлшықет ішіне қолдану керек.

Артық дозалану жағдайында қабылдануы қажеті шаралар

Симптомдары: Теноксикам лиофилизатымен күрделі артық дозалану туралы хабарланбаған. ҚҚСП-мен артық дозалану симптомдарына бас ауыруы, жүрек айнуы, құсу, эпигастральді аймақтағы ауырсыну, асқазан-ішектен қан кету, сирек диарея, дезориентация, тітіркену, кома, ұйқышылдық, бас айналу, құлақтың шулауы, естен тану, кейде құрысулар кіреді. Ауыр улану жағдайларында жедел бүйрек жеткіліксіздігі және бауыр зақымдануы мүмкін. Күрделі улану жағдайында жедел бүйрек жеткіліксіздігі және бауыр зақымдануы болуы ықтимал.

Емдік шаралар: Қажетіне қарай симптоматикалық емді қолдану керек. Жақсы диурез қамтамасыз етілуі керек. Бүйрек пен бауыр функциясын мұқият бақылау керек. Пациенттер потенциалды уытты дозадан кейін кемінде төрт сағат бойы бақылауда болуы тиіс. Жиі болатын немесе ұзақ құрысуларды венаішілік диазепаммен емдеу керек. H2-блокаторлар тобының препараттарын қолдану пайдалы болуы мүмкін. Басқа шаралар пациенттің клиникалық жағдайына байланысты ұсынылуы мүмкін.

Дәрілік препаратты қабылдаудан бұрын дәрігерге немесе фармацевтке қаралыңыз.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Өте жиі:

- эпигастральді аумақтағы және іш аумағындағы ауыру және жайсыздық,

- диспепсия, жүрек айнуы, құсу, метеоризм, іш қатуы, ас қорытудың бұзылуы,

- стоматит;

Жиі:

- асқазан-ішектен қан кету,

- асқазан-ішек жолы ағзаларының тесілуі,

- асқазан-ішек жолының ойықжарасы, пептидтік ойықжара,

- қан құсу, қанды нәжіс,

- іш қатуы,

- ауыз қуысының жаралануы,

- гастрит,

- ауыздың құрғауы,

- колит пен Крон ауруының өршуі,

- анорексия,

- бас айналуы,

- бас ауыруы;

Жиі емес:

- қышыну, эритема, экзантема, бөртпе, есекжем,

- бауыр ферменттері деңгейінің жоғарылауы,

- мочевина немесе қандағы креатинин деңгейінің жоғарылауы,

- қажу,

- ісіну;

Сирек:

- жиі жүрек қағуы,

- тромбоздық құбылыстар (мысалы, миокард инфарктісі немесе инсульт),

- везикуло-буллездік реакциялар,

- вертиго,

- метаболизмнің бұзылуы (мысалы, гипергликемия, дене салмағының ұлғаюы/төмендеуі),

- ұйқының бұзылуы (мысалы, ұйқысыздық),

- депрессия,

- күйгелектік,

- аномальді түс көру;

Өте сирек:

- Стивенс-Джонсон синдромы, уытты эпидермальді некролиз,

- панкреатит;

Жилігі белгісіз:

- жүрек жеткіліксіздігі,

- васкулит,

- гипертензия,

- фотосезімталдық реакциясы,

- тырнақ тарапынан бұзылу,

- көрудің нашарлауы,

- көздің ісуі, көздің тітіркенуі,

- құлақтың шулауы,

- агранулоцитоз,

- анемия, апластикалық анемия, гемолиздік анемия,

- лейкопения, тромбоцитопения, нетромбоцитопениялық пурпура,

- эозинофилия,

- демікпе,

- анафилаксиялық реакциялар, ангионевроздық ісіну,

- сананың шатасуы, елестеу,

- ұйқышылдық,

- парестезия,

- жүйелі қызыл жегісі, дәнекер тіннің аралас ауруы бар пациенттердегі асептикалық менингит;

- желке бұлшықетінің сіресуі,

- қызба,

- гепатит, сарғаю,

- мұрыннан қан кету,

- бронх түйілуі, асқынған демікпе,

- нефроуыттылық,

- дімкәстік.

Жекелеген жағдайларда:

- әйелдегі бедеулік.

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Қосымша мәліметтер

Дәрілік препараттың құрамы

Бір құтының құрамы, миллиграммен

Белсенді зат: Теноксикам1 20 мг

Қосымша заттар: маннитол, динатрий эдетаты, натрий метабисульфиті, трометамол, натрий гидроксидінің 1 М ерітіндісі, инъекцияға арналған су.

1Белсенді зат пен антиоксидант мөлшері құрғату кезінде сандық анықтауға және салмақ жоғалтуға сәйкес реттеледі (қажет болса)

Сыртқы түрінің, иісінің, дәмінің сипаттамасы

Сарыдан сары-жасыл түске дейінгі престелген цилиндр пішінді масса.

Шығарылу түрі және қаптамасы

Препарат резеңке тығынмен тығындалған, алюминий қалпақшамен және флипп-офф пластик қалпақшасымен қаусырылған түссіз шыныдан жасалған құтыда (I типі).

2 мл еріткіштен түссіз шыныдан жасалған ампулада.

Препараты бар бір құты және еріткіші бар бір ампула ПВХ үлбірден жасалған пішінді ұяшықты қаптамаға салынған.

1 немесе 3 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

3 жыл

Жарамдылық мерзімі өткеннен кейін қолдануға болмайды!

Түпнұсқалық қаптамасында, жарықтан қорғалған жерде, 25 0С-ден аспайтын температурада сақтау керек

Балалардың қолы жетпейтін жерде сақтау керек!

Қалпына келгеннен кейін: микробиологиялық тұрғыдан, егер ашу әдісі микробтық ластану қаупін жоққа шығармаса, препаратты дереу пайдалану керек. Егер препарат ашылғаннан кейін бірден қолданылмаса, пайдаланушы тұтыну кезінде сақтау мерзімі мен шарттары үшін жауапты болады.

Өндіруші туралы мәлімет

075100, Отопень қ-сы, Ероилор к-сі, № 1А, Румыния

телефон: + 4021 3504640, факс: + 4021 3504641

электронды пошта: office@rompharm.ro

Ромфарм Компани ЖШҚ Грузия,

Саакадзе к-сі, №8 ойпат, №7a кеңсе, Тбилиси қ-сы, Грузия

телефон: + 995 32 2 29 55 85, факс: + 995 577 477 901

электронды пошта: keti.kakabadze@gmail.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

КО «ROMPHARM COMPANY» СРЛ («РОМФАРМ КОМПАНИ» СРЛ) Қазақстан Республикасындағы өкілдігі,

050013, Алматы қ-сы, Бұқар Жырау бульвары, 33 үй, «Жеңіс» БО, 41 кеңсе,

телефон: 8 (727) 247-07-85, факс: 8 (727) 376-35-88

электронды пошта: amangul-62@mail.ru