Телзир® (700 мг)

• русский
• қазақша

• Скачать инструкцию медикамента

Саудалық атауы

Телзир®

Халықаралық патенттелмеген атауы

Фосампренавир

Дәрілік түрі

Үлбірлі қабықпен қапталған 700 мг таблеткалар

Құрамы

белсенді зат – 853.2 мг фосампренавир кальций (700 мг фосампренавирге сәйкес),

қосымша заттар: микрокристалды целлюлоза, натрий кроскармеллозасы, повидон К30, магний стеараты, коллоидты кремнийдің қостотығы,

қабықтың құрамы - Опадрай қызғылт 03K14881 (гипромеллоза (Е464), титанның қостотығы (Е171), триацетин, темірдің қызыл тотығы (Е172)).

Сипаттамасы

Капсула тәріздес пішінді, екі беті дөңес, бір жағында GX LL7 өрнегі бар, қызғылт түсті үлбірлі қабықпен қапталған таблеткалар

Фармакотерапиялық тобы

Вирусқа қарсы тікелей әсер ететін препараттар. HIV-протеиназа тежегіштері. Фосампренавир

АТХ коды J05AE07

 

Фармакологиялық қасиеттері

Фармакокинетикасы

Фосампренавир бір рет қолданылғаннан кейін плазмадағы ампренавир жоғары шекті концентрацияларына қабылданғаннан кейін шамамен 2 сағаттан соң жетеді. Фосампренавир ішке қабылданғаннан кейін ампренавир мен органикалық емес фосфатқа дейін тез және толық дерлік гидролизденіп, ішек эпителийі арқылы сіңеді.

Ритонавир CYP3A4 тежелісі арқылы ампренавир метаболизмін тежейді, бұл олар бірге қолданылғанда қан плазмасындағы ампренавир концентрациясының шамамен 2 есе ұлғаюына алып келеді. Ритонавир Телзирмен® бір мезгілде тағайындалғанда, Телзир® монотерапия ретінде қабылданғаннан кейінгі дәл осы шамалармен салыстырғанда, ампренавирдің «концентрация – уақыт» қисығы астындағы ауданы (AUC) шамамен 2 есе, ал қан плазмасындағы концентрациясы тепе-тең жағдайда (Сτ, ss) 4-6 есе ұлғаяды.

Сіңуі

Фосампренавир ритонавирмен біріктіріп және ритонавирсіз тәулігіне екі рет 1400 мг дозада ішу арқылы көп рет қайта қабылданғанда ампренавир тез сіңеді. Фосампренавир мен ритонавир бір мезгілде қабылданғаннан кейін ампренавирдің фармакокинетикалық қасиеттері дені сау ересек тұлғаларда және АИВ жұқтырған емделушілерде бағаланды, бұл орайда осы екі топтың арасында елеулі айырмашылық анықталмаған.

Фосампренавирді майы мол тамақпен бірге қабылдау, препаратты аш қарынға қабылдаумен салыстырғанда, AUC және Сmах мәніне ықпал етпейді, сондықтан фосампренавирді ас ішуге байланыссыз қабылдауға болады.

Адамдарда фосампренавирдің абсолютті биожетімділігі зерттелмеген.

Фосампренавир қабылданғаннан кейін ампренавир, қан плазмасымен салыстырғанда, төмендеу концентрацияларда болса да, ұрық сұйықтығында анықталады.

Таралуы және қан плазмасы ақуыздарымен байланысы

Фосампренавир қабылданғаннан кейін ампренавирдің болжамды таралу көлемі шамамен 430 литр құрайды (70 кг дене салмағына шаққанда 6 л/кг). Таралу көлемінің ауқымдылығы ампренавирдің жүйелік қан ағымынан тіндерге еркін өтуімен түсіндіріледі. Ампренавир ақуыздармен шамамен 90% байланысады. Ол ά1-қышқылды гликопротеинмен (AAG) және альбуминмен байланысады, бірақ AAG-ге аффинділігі жоғарырақ.

Метаболизмі

Фосампренавир организмде ампренавирге айналады, ол CYP3А4 ферментінің қатысуымен көбінесе бауырда метаболизденеді, осыған орай CYP3А4 тежегіштерін немесе субстраттарын қатарлас тағайындау абайлап атқарылуы тиіс.

Грейпфрут шырынымен бірге тағайындау ампренавир фармакокинетикасына елеулі ықпалын тигізбеген.

Шығарылуы

Фосампренавир қабылданғаннан кейін ампренавирдің жартылай шығарылу кезеңі 7.7 сағат құрайды; фосампренавир ритонавирмен бірге қабылданғанда жартылай шығарылу кезеңі 15-23 сағатқа дейін ұзарады. Метаболиттер түрінде (75% жуық) ішек арқылы және 14% жуығы бүйрекпен шығарылады, 1%-дан азы несеппен өзгеріссіз күйде шығарылады.

1 кесте. Ересектердегі ампренавирдің фармакокинетикалық параметрлерінің геометриялық мәндері (95% СА)

* орташа көрсеткіштер

Емделушілердің жекелеген қауымдары

Балалар

Ампренавир фармакокинетикасы ол ритонавирмен бірге немесе ритонавирсіз тағайындалғанда, 212 АИВ жұқтырған балаларды қоса, үш клиникалық зерттеуде зерттелді. Фосампренавир ритонавирсіз 30-40 мг/кг дозада 2-ден 5 жасқа дейінгі балаларға тағайындалды. Фосампренавир 30 мг/кг дозада 6 мг/кг дозадағы ритонавирмен біріктіріліп 12-ден 18 жасқа дейінгі балаларға тәулігіне бір рет тағайындалды. Фосампренавир 18-60 мг/кг дозада 3-10 мг/кг дозадағы ритонавирмен біріктіріліп 2 айлықтан 18 жасқа дейінгі балаларға тәулігіне бір рет тағайындалды. Ампренавир клиренсі дене салмағының және жастың ұлғаюымен азайған. Фосампренавир клиренсі 4 жастан кіші балаларда жоғары болды, бұл препараттың едәуір жоғары дозаларын тағайындауға болатынын білдіреді. Осы үлгіні негізге алып, плазмадағы ересектердікіне ұқсас ампренавир концентрациясын алуға мүмкіндік беретін дозалау режимін таңдау қажет.

2 кесте: Күніне екі рет фосампренавир мен ритонавир алатын педиатриялық қауымдағы ампренавирдің фармакокинетикалық параметрлері

a Фармакокинетикалық деректерді талдау негізінде 2-ден <3 жасқа дейінгі қауымға ұсынылатын доза

3 кесте: Күніне екі рет 30 мг/кг фосампренавир алатын педиатриялық қауымның фармакокинетикалық параметрлері

Егде жастағылар

Фосампренавир фармакокинетикасы 65 жастан асқан емделушілерде зерттелмеген. Егде жастағы емделушілерге тағайындалғанда бауыр, бүйрек немесе жүрек функцияларының бұзылуы мүмкін екенін, қатарлас ауруларды, сондай-ақ басқа дәрілік препараттардың қабылдануын есепке алу қажет.

Бүйрек функциясының бұзылуы

Арнайы зерттеулер жүргізілмеген. Ампренавирдің аздаған мөлшері (емдік дозадан 1% аз) өзгермеген күйде бүйрекпен шығарылатындықтан, бүйрек функциясы бұзылуының ампренавир шығарылуына ықпалы тым аз болуы тиіс және фосампренавир дозасын түзету қажет емес.

Бауыр функциясының бұзылуы

Фосампренавир организмде ампренавирге метаболизденеді. Ампренавир метаболизмі мен шығарылуының негізгі жолы бауыр механизмі болып табылады.

Фосампренавирді ритонавирдің төмен дозаларымен алған, бауыр функциясы жеңіл және орташа дәрежеде бұзылған АИВ-1 жұқтырған ересектерде және бауыр функциясы қалыпты емделушілерде салыстырмалы фармакокинетикалық зерттеулер жүргізілді.

Бауыр жеткіліксіздігі жеңіл дәрежедегі (Чайлд-Пью шкаласы бойынша 5-6 балл) емделушілерде, стандартты сызба бойынша күніне 2 рет 700 мг/100 мг фосампренавир/ритонавир алған бауыр функциясы қалыпты емделушілермен салыстырғанда, плазмадағы ампренавир концентрациясының Cmax (17%) аса жоғары мәндерімен, плазмадағы ампренавирдің едәуір жоғары AUC(0‑) мәндерімен (22 %), осыған ұқсас C мәндерімен байланысты, күніне 1 рет 100 мг дозадағы ритонавирдің төмен дозаларымен біріктірілген күніне 2 рет 700 мг дозада фосампренавир қабылдау ұсынылады.

Бауыр жеткіліксіздігі орташа емделушілерде (Чайлд-Пью шкаласы бойынша 7-9 балл) күніне 1 рет 100 мг ритонавирмен біріктірілген күніне 2 рет 450 мг дозада фосампренавир қабылдау ұсынылады. Осы режимде C жалпы мәнінің 35 % дейін төмендеуі жорамалданса да, байланыспаған ампренавирдің C көрсеткіші тәулігіне 2 рет фосампренавир/ритонавирді, тиісінше, 700 мг/100 мг дозада алатын бауыр функциясы қалыпты емделушілердегіден шамамен 67 % жоғары болды.

Мұндай емделушілерде препаратты ішуге арналған суспензия түрінде қолдану ұсынылады.

Бауыр жеткіліксіздігі айқын (Чайлд-Пью бойынша 10-13 балл) емделушілерде фосампренавирді ритонавирсіз тәулігіне 2 рет 350 мг дозада абайлап қолдануға болады.

Мұндай емделушілерде препаратты ішуге арналған суспензия түрінде қолдану ұсынылады.

Фармакодинамикасы

Фосампренавир вирустың репликациясы үшін қажет полипротеинді ізашарлардың ыдырауын болдырмайтын және вирустың толыққанды құрылымдық ақуыздарының синтезін бөгейтін, соның нәтижесінде жетілмеген ақаулы вирустар түзілетін ампренавирдің белсенді емес ізашары болып табылады. Организмде органикалық емес фосфат және фармакологиялық тұрғыдан белсенді ампренавир түзумен гидролизденеді. Ампренавир адам иммунитеті тапшылығы вирусы (АИВ) протеазасының пептидтік емес бәсекелес тежегіштеріне жатады.

Фосампренавирдің вирусқа қарсы белсенділігі, in vitro көрсетілгендей, іс жүзінде жоқ.

Белсенді метаболит – ампренавир – АИВ-1 және АИВ-2 репликациясының тиімді таңдамалы тежегіші болып табылады. Нуклеозидтердің (диданозин, зидовудин, абакавирді қоса) және протеаза тежегіші – саквинавирдің аналогтарымен біріккенде іn vitro ампренавирдің әсер ету синергизмі білінеді. Индинавирмен, ритонавирмен және нелфинавирмен біріктіргенде ампренавир аддитивті әсер көрсетеді.

Күніне 2 рет 700 мг/100 мг немесе күніне 1 рет 1400 мг/200 мг дозалардағы фосампренавирмен біріктірілген ритонавир, фосампренавирді монотерапия түрінде тағайындаумен салыстырғанда, ампренавирдің AUC көрсеткішін және C көрсеткішін 2 есе және ss көрсеткішін 4-6 есе арттырады.

Телзирді® ұсынылған емдік дозалардағы ритонавирмен біріктіріп тағайындау, протеаза тежегіштерін көп рет алған емделушілер (протеинмен байланысуының орташа мәні IC50 = 0.90 мкг/мл) мен протеаза тежегіштерін ешқашан алмаған тұлғаларды (протеинмен байланысуының орташа мәні IC50 = 0.146 мкг/мл) қоса, емделушілердегі жартылай ең жоғары тежеліс концентрациясының (IC50) орта шамаларымен салыстырғанда, плазмадағы ампренавир концентрациясын арттырады.

Төзімділік

Ампренавирге төзімділігіне байланысты негізгі I50V мутациясы табиғи жағдайларда байқалмайды.

Ампренавирге төзімді штаммдарда протеазаның басқа да тежегіштеріне айқаспалы төзімділік болымсыз білінеді, бұл протеаза тежегіштерімен емді жалғастыруға мүмкіндік береді. Ампренавирге төзімділікпен байланысты басқа мутациялар (I54L/M, V32I+I47V және I84V) ампренавирмен емдегенде сирек білінеді.

Ампренавирге төзімділік бейіні протеазаның басқа тежегіштеріне төзімділік бейінінен ерекшеленеді. Іn vitro деректеріне сәйкес, ампренавирге төзімділіктің дамуы I50V локусындағы мутациямен байланысты. Төзімділік дамуының үш баламалы механизмі in vitro және клиникалық тәжірибеде көрсетілген. Ампренавирге төзімділіктің дамуында әлде I50V немесе I54L/M немесе V32I+I47V немесе, одан да сирек I84V мутациясы қамтылуы мүмкін. Төзімділік дамуының төрт генетикалық үлгісінің әрқайсысы қосымша екінші қайтара мутациялармен қатар жүруі мүмкін, атап айтқанда, M46I/L мутациясы ампренавирге сезімталдығы төмендеген вирус бөлшектерінің түзілуіне, ритонавирге аздаған айқаспалы төзімділікке алып келеді, бірақ индинавирге, саквинавирге және нелфинавирге сезімталдық сақталады. Протеаза тежегіштеріне in vivo төзімділік тудыратын мутациялары бар 55 штаммның 55%-ы ампренавирге сезімтал.

Ампренавир мен кері транскриптаза тежегіштері арасында айқаспалы төзімділіктің даму ықтималдығы аз, өйткені бұл препараттар алуан түрлі АИВ ферменттеріне әсер етеді. Телзирді® төзімді вирустардың тез пайда болуы себепті монотерапия ретінде ұсынуға болмайды.

Қолданылуы

- Телзир® ритонавирдің төмен дозасымен бірге басқа да антиретровирустық дәрілермен біріктірілген ем құрамында І типті адам иммунитеті тапшылығы вирусын (АИВ-І) жұқтырған ересектер, жасөспірімдер және 6 жастан үлкен балаларды емдеуге көрсетілген

Телзирді® протеаза тежегіштерін (ПТ) алып жүрген емделушілерде тағайындар алдында жеке вирустық төзімділік пен емдеу тарихын бағалау керек.

Қолдану тәсілі және дозалары

Телзир® препаратын АИВ жұқпасын емдеу тәжірибесі бар дәрігер ғана тағайындайды.

Ритонавир және фосампренавир препараттарын төмендегі мәтінде ұсынылған дозаларынан арттыру ұсынылмайды. Фосампренавир ампренавирдің ізашары болғандықтан, Телзир® құрамында ампренавир бар басқа препараттармен біріктіріліп тағайындалмауы тиіс.

Бұрын антиретровирустық ем алған балалар мен жасөспірімдерді ритонавирдің төмен дозаларының қатарлас тағайындалуынсыз Телзирмен® емдеу ұсынылмайды.

Телзир® немесе оның ритонавирдің төмен дозаларымен біріктірілімін қолдану кезіндегі бір реттік дозалау режимі бұрын протеаза тежегіштерімен ем алған ересектерде ұсынылмайды.

Тек ішке қабылдауға арналған.

Препаратты ас ішуге байланыссыз қабылдауға болады.

Егер емделуші жұтынғанда қиналыс сезінсе, Телзирді® суспензия түрінде қолдану ұсынылады.

Ересектер мен жасөспірімдер

Бұрын антиретровирустық ем алмаған емделушілер

- 1400 мг Телзир® күніне екі рет (ритонавирсіз)

- Бір реттік 100 мг немесе 200 мг ритонавирмен біріктірілген бір реттік 1400 мг Телзир®

- тәулігіне екі рет 100 мг ритонавирмен біріктірілген тәулігіне екі рет 700 мг Телзир®

Бұрын протеаза тежегіштерімен ем алған емделушілер

- тәулігіне екі рет 100 мг ритонавирмен біріктірілген тәулігіне екі рет 700 мг Телзир®.

Егде жастағы емделушілер

Телзирді® 65 жастан асқан емделушілерде қолдану зерттелмеген. Егде жастағы емделушілерге тағайындалғанда бауыр, бүйрек немесе жүрек функцияларының бұзылуы мүмкін екенін, қатарлас ауруларды, сондай-ақ басқа дәрілік препараттардың қабылдануын есепке алу қажет.

Балалар

Дене салмағына негізделген дозаны өте мұқият таңдау үшін балаларда Телзирді® ішуге арналған суспензия түрінде қолдану ұсынылады.

Бұрын протеаза тежегіштерімен ем алған, дене салмағы 47 кг-ден көп және жұтыну рефлексі сақталған балаларға Телзирді® күніне екі рет 1400 мг дозада тағайындауға болады.

Бұрын протеаза тежегіштерімен ем алған және алмаған, дене салмағы 39 кг-ден көп және жұтыну рефлексі сақталған балаларға күніне екі рет 100 мг дозадағы ритонавирмен 700 мг дозадағы Телзир® біріктірілімі тағайындалады.

Бүйрек функциясы бұзылған емделушілер

Дозалау режимін түзету қажет емес.

Бауыр функциясы жеңіл дәрежеде бұзылған емделушілер (Чайлд-Пью шкаласы бойынша 5-6 балл):

Тәулігіне бір рет ритонавирсіз немесе 100 мг дозадағы ритонавирмен біріктіріліп, екі қабылдауға бөлінген 1400 мг тәуліктік дозада Телзир® абайлап ұсынылады.

Бауыр функциясы орташа дәрежеде бұзылған емделушілер (Чайлд-Пью шкаласы бойынша 7-9 балл):

Аталған когортада препаратты ішуге арналған суспензия түрінде қабылдау ұсынылады.

Сақтықпен, тәулігіне бір рет 100 мг тәуліктік дозадағы ритонавирмен біріктірілген тәулігіне екі рет 450 мг доза Телзир® немесе ритонавирсіз тәулігіне екі рет 700 мг доза Телзир®.

Бауыр функциясының бұзылуы ауыр емделушілер (Чайлд-Пью шкаласы бойынша 10-15 балл):

Аталған когортада препаратты ішуге арналған суспензия түрінде қабылдау ұсынылады.

Сақтықпен, тәулігіне бір рет 100 мг ритонавирмен бірге тәулігіне екі рет 300 мг доза Телзир® немесе ритонавирсіз тәулігіне екі рет 350 мг доза Телзир®.

Ем басталар алдында немесе емделу кезінде, қан плазмасындағы ампренавир мен ритонавир деңгейлерінің жоғарылауы мүмкін екеніне орай, бауыр функциясының көрсеткіштерін әлсін-әлсін бақылау қажет.

Бауыр функциясының бұзылулары бар 12-ден 17 жасқа дейінгі жасөспірімдерде препаратты дозалау режимі бойынша нұсқаулар берілмейді.

Жағымсыз әсерлері

Балалар мен ересектерде фосампренавир қауіпсіздігінің жалпы бейіні ұқсас болды. Ересек қауыммен салыстырғанда, фосампренавир қабылдайтын балаларда, әсіресе, Телзирді® ритонавирсіз қабылдау кезінде құсу реакциялары жиірек байқалды. Ауырлығы жеңіл дәрежедегі құсу жиірек болды, бірақ кейбір жағдайларда препаратты тоқтатуды талап етті.

Бақыланатын клиникалық зерттеулер барысында анықталған ең жиі кездескен жағымсыз реакциялар (5%-дан көп ересек емделушілерде) асқазан-ішек жолы тарапынан бұзылулар (жүрек айну, құсу, диарея, іштің ауыруы), бас ауыру және бөртпе болды.

Фосампренавирмен байланысты байқалған құбылыстардың көпшілігі айқындылық дәрежесі бойынша әлсіз немесе орташа болды, емнің басында байқалды және препаратты тоқтатуды талап етпеді. Тіркелген жағымсыз құбылыстардың көпшілігі үшін препарат қабылдаумен, үйлестірілген еммен немесе аурудың өзінің дамуымен бір жақты байланысы анықталмаған.

Кездесу жиілігі былайша белгіленді: өте жиі (> 1/10), жиі (1/100 және <1/10), жиі емес (1/1000 және < 1/100) және сирек (1/10000 және <1/1000).

Төменде аталған жағымсыз реакциялардың көпшілігі ересектердегі үш ірі клиникалық зерттеу барысында тіркелген. Тізбеде зерттеуге алынған препаратты қабылдаумен байланысты, айқындылығы кемінде орташа дәрежеде (2 дәреже немесе жоғары) және кем дегенде 1% емделушіде пайда болған ең жиі кездескен жағымсыз реакциялар қамтылған.

Өте жиі

- диарея

- гиперхолестеринемия

Жиі

- бас ауыру, бас айналу

- ауыз қуысы шырышты қабығының парестезиясы

- жүрек айну, құсу, диарея, іштің ауыруы

- гипертриглицеридемия

- қандағы АЛТ деңгейінің (аланинаминотрансфераза), АСТ деңгейінің (аспартатаминотрансфераза), липазаның жоғарылауы

- бөртпе: емдеу кезінде қышынумен немесе онсыз эритематозды немесе макуло-папулёзді тері бөртулері пайда болуы мүмкін. Бөртпе, әдетте, емді тоқтату қажеттілігінсіз өздігінен басылады. Телзир® қабылдауды жайылған бөртпе дамыған жағдайда, сондай-ақ жүйелік симптомдармен немесе шырышты қабықтардың зақымдануымен астасқан орташа бөртулер кезінде тоқтату керек

- қажу (әлсіздік)

Жиі емес

- ангионевротикалық ісіну

- миокард инфарктісі

- нефролитиаз

Сирек

- Стивенс-Джонсон синдромы

Осыған ұқсас жағымсыз реакциялар ритонавирдің төмен дозалары қатарлас тағайындалғанда білінген.

Постмаркетингтік деректер

Жиі емес

- перинефральді майдың және тері асты шелмайының азаюын, құрсақішілік және висцеральді майдың ұлғаюын, кеуде бездерінің гипертрофиясы мен ретроцервикальді май жиналуын (буйвол өркеші) қамтитын липодистрофия (майдың қайта таралуы).

- құрамында протеаза тежегіштері бар препараттармен емделу кезінде гипертриглицеридемия, гиперхолестеринемия, инсулинге төзімділік, гипергликемия мен гиперлактатемияны қоса, метаболикалық бұзылулар да тіркелген.

- протеазаның антиретровирустық тежегіштерін қабылдайтын емделушілерде алғаш пайда болған қант диабеті, гипергликемия немесе бұрыннан бар қант диабетінің өршуі байқалды.

- протеаза тежегіштерімен, сондай-ақ нуклеозидтер аналогтарымен емделген жағдайда креатинфосфокиназа деңгейінің жоғарылауы, миалгиялар, миозит, ал сирек жағдайларда - рабдомиолиз білінген.

- протеазаның антиретровирустық тежегіштерін қабылдайтын гемофилиясы бар емделушілерде күрт қан кетулердің күшеюі.

- иммундық қайта белсенділену синдромы: иммунитет тапшылығы күрделі, АИВ жұқтырған емделушілердегі біріктірілген антиретровирустық емнің (БАРЕ) алғашқы бірнеше аптасында симптомсыз немесе қалдықтық шартты-патогенді жұқпаларға қабыну реакциясы дамуы мүмкін. Иммундық қайта белсенділену синдромы кезіндегі аутоиммундық бұзылулар (Грейв ауруы, полимиозит, Джуллиан-Барр синдромы, диффуздық уытты зоб сияқты) пайда болған жағдайлар хабарланған; дегенмен, аурулардың басталатын уақыты емнің басталуынан бірнеше айға дейін мейлінше құбылмалы және типтік емес симптомдармен қатар жүруі мүмкін.

Жиілігі белгісіз

- остеонекроз: остеонекроздың даму жағдайлары, әсіресе, жалпыға белгілі қауіп факторлары бар емделушілерде, АИВ жұқпасының толық таралу сатысында немесе ұзаққа созылған БАРЕ кезінде білінген.

Қолдануға болмайтын жағдайлар

- фосампренавирге, ампренавирге немесе препараттың кез келген басқа компонентіне белгілі жоғары сезімталдық

- 39 кг-ден аз дене салмағына Телзир® ритонавирмен біріктіріліп тағайындалғанда

- 47 кг-ден аз дене салмағына Телзир® ритонавирсіз тағайындалғанда

- емдік ауқымы тар CYP3A4 цитохромы субстраттарымен бір мезгілде қолдану, бұл осы препараттар метаболизмін бәсекелі тежеуі және ауыр және/немесе өмірге қатерлі реакцияларды (жүрек аритмиясы, гипотензия, ұзаққа созылатын седация, тыныс алу функциясының бәсеңдеуі, шеткергі вазоспазм) дамытуы мүмкін. Мұндай препараттарға амиодарон, бепридил, хинидин, терфенадин, астемизол, цизаприд, пимозид, альфузозин, ішке қабылданатын мидазолам, ішке қабылданатын триазолам, кветиапин, эрготамин, дигидроэрготамин, эргоновин, метилэргоновин жатады («Дәрілермен өзара әрекеттесуі» бөлімін қараңыз)

- силденафилдің жағымсыз әсерлерінің әлеуетті күшеюімен байланысты, оны өкпенің артериялық гипертензиясын емдеуге пайдаланғанда силденафилмен бір мезгілде қолдану

- рабдомиолизге дейін апаратын миопатияның дамуына әкелуі мүмкін ловастатин мен симвастатиннің плазмалық концентрацияларының жоғарылауымен байланысты симвастатинмен немесе ловастатинмен бір мезгілде қолдану

- плазмадағы ампренавирдің елеулі төмендеуімен байланысты рифампицинмен бір мезгілде қолдану («Дәрілермен өзара әрекеттесуі» бөлімін қараңыз)

- ампренавирдің плазмалық концентрациясының төмендеуімен және оның клиникалық тиімділігінің азаюымен байланысты шілтерленген шайқурай (St. John тұндырмасы) препараттарын бірге қолдану

- ритонавирмен біріктіргенде аритмияға қарсы пропрафенон мен флекаинид препараттарын пайдалану қарсы көрсетілімді. Оның басқа препараттармен өзара әрекеттесуімен танысу үшін ритонавирді қолдану жөніндегі нұсқаулықты қараңыз.

Дәрілермен өзара әрекеттесуі

Дәрілік өзара әрекеттесулері бойынша зерттеулер тек қана ересектерге жүргізілген.

Төменде фосампренавир мен ритонавирдің, тиісінше, 700 мг және 100 мг дозадағы біріктірілімін зерттеу деректері берілген, өзара әрекеттесулері 10-нан 21 күнге дейін қолдану ұзақтығы кезінде бағаланған.

Айрықша нұсқаулар

Емделушіні Телзирмен® және ритонавирмен біріктірілген емнің, сондай-ақ қандай да бір басқа антиретровирустық емнің АИВ-тан айықтыра алмайтынынан хабардар ету керек.

Ем аясында оппортунистік жұқпалар немесе АИВ жұқпасының басқа да асқынулары дамуы мүмкін.

Қазіргі замандық антиретровирустық ем, фосампренавирді қоса, сексуалдық қатынастар жолымен немесе қан арқылы басқа адамдарға АИВ берілуінен сақтандырмайды, осыған орай, вирус берілісін болдырмау үшін тиісті қауіпсіздік шараларын қабылдау қажет.

Телзир® құрамында сульфонамидті компоненттер бар. Фосампренавир мен сульфонамидтер класы препараттары арасында әлеуетті айқаспалы сезімталдықтың бар екені анықталмаған. Сульфонамидтерге белгілі аса жоғары сезімталдық реакциясы бар емделушілерде, аса жоғары сезімталдығы жоқ емделушілермен салыстырғанда, аллергиялық бөртудің көбеюі анықталмаған. Дегенмен де, Телзир® сульфонамидті препараттарға аса жоғары сезімтал емделушілерде сақтықпен қолданылуы тиіс.

Емделуші препаратты дозалау режиміне қатысты барлық нұсқауларды қатаң ұстануы тиіс.

Бастапқы ем ретінде Телзир® қолдану ұсынылмайды, препаратты антиретровирустық дәрілер қолдану тәжірибесі бұрыннан бар емделушілерде пайдаланған дұрыс.

Педиатрияда қолдану

4 аптаға толмаған балалардағы фармакокинетикасы, тиімділігі мен қауіпсіздігі зерттелмеген.

Педиатрияда препараттың өте дәл дозалануы үшін Телзир® препаратын суспензия түрінде қолдану ұсынылады. Препараттың таблеткаланған түрі Телзир® ритонавирмен біріктіріліп тағайындалғанда дене салмағы 39 кг-ден жоғары және Телзир® ритонавирсіз тағайындалғанда дене салмағы 47 кг-ден жоғары және жұтыну рефлексі сақталған балаларда қолдануға рұқсат етіледі.

Бауыр/бүйрек функциясының бұзылуы

Ауырлығы кез келген дәрежедегі бауыр жеткіліксіздігі бар емделушілерде

Телзир® қолдану абайлап атқарылуы тиіс. В немесе С гепатитіне бұрын шалдыққан емделушілерде, бауыр аурулары бар емделушілерде немесе трансаминазалар белсенділігі бастапқыда жоғары болған емделушілерде трансаминазалар белсенділігінің жоғарылау қаупі артады. Мұндай емделушілерде ем басталғанша, ал артынан жүйелі уақыт аралықтары өткенде тиісті зертханалық зерттеулер жүргізу қажет.

Ампренавирдің бүйректік клиренсі препараттың шығарылуында елеулі рөл атқармайтындықтан, бүйрек жеткіліксіздігі бар емделушілерде оның плазмада байқалатын концентрациясының арту ықтималдығы аз. Гемодиализдің немесе перитонеальді диализдің, қан плазмасы ақуыздарымен жоғары байланысу дәрежесіне орай, ампренавирді елеулі мөлшерде шығаруға қабілетті болу мүмкіндігі аз.

Басқа препараттармен өзара әрекеттесуі

Телзир® CYP3А4 субстраттары болып табылатын және бәсекелі әсер ету механизмі бар емдік әсер ауқымы тар препараттармен, сондай-ақ күрделі және/немесе өмірге қатері зор реакциялар туғызатын препараттармен тағайындалмауы тиіс.

Галофаринмен бірге қолдану ұсынылмайды, бұл өмірге қатерлі аритмияның дамуына әкелуі мүмкін.

Екі препараттың да концентрацияларының төмендеуі мүмкін екеніне орай, Телзирді® ралтегравирмен тағайындау ұсынылмайды.

Ампренавир мен телапревир концентрацияларының төмендеуі мүмкін екеніне орай, Телзир®/ритонавир біріктірілімін телапревирмен бірге қолдану ұсынылмайды.

Телзирді® эректильді дисфункцияны емдеуге арналған препараттармен (силденафил, тадалафил, варденафил және т.б.) қолдану ұсынылмайды, өйткені соңғыларының қан плазмасындағы концентрациялары жоғарылап, бұл гипотонияның, естен тану жағдайларының, көру бұзылыстарының дамуына және приапизмге әкелуі мүмкін. Силденафилді өкпенің артериялық гипертензиясын емдеу үшін Телзирмен® біріктіріп қолдану қарсы көрсетілімді.

Рифабутин мен ампренавирді бірге қолдану плазмадағы рифабутин концентрацияларының 200% ұлғаюына алып келеді. Дозаны әріқарай азайту мүмкіндігімен және дәрігер тарапынан мұқият бақылаумен рифабутин дозасын Телзирмен® тағайындалғанда кемінде 50% және оны Телзир®/ритонавир біріктірілімімен тағайындағанда 75% азайту ұсынылады.

Телзирді® орын басушы ем ретінде қолданылатын эстрогенмен және/немесе прогестеронмен бірге қолдану жөнінде деректер жоқ; аталған емнің тиімділігі мен қауіпсіздігі анықталмаған.

Бала туу жасындағы әйелдерге ішуге арналған контрацептивтер пайдалану кезінде бауыр трансферазалары белсенділігінің артуы мүмкін екеніне орай, қалаусыз жүктіліктен қорғану үшін басқа әдістер қолдануға кеңес беріледі.

Телзирді® құрысуға қарсы препараттармен (карбомазепин, фенобарбитал) бірге қолданғанда сақтық шарасын қадағалау қажет, өйткені Телзир® тиімділігі төмендеуі мүмкін.

Телзир® мен иммунодепрессанттар (циклоспорин, такролимус, рапамицин) бірге тағайындалғанда мұқият бақылау қажет.

Үш циклды антидепрессанттар концентрацияларының деңгейін оларды Телзирмен® қолданған кезде бақылап отыру қажет.

Телзир® мен варфарин бірге қолданылғанда халықаралық қалыптасқан қатынас (INR) көрсеткішін бақылауға алу қажет.

Делавердин концентрациясының едәуір төмендеп кетуіне орай, Телзирді® делавердинмен біріктіріп қолдану ұсынылмайды.

Боцепревирмен біріктіріп Телзир®/ритонавирді бірге тағайындау ұсынылмайды, өйткені протеаза тежегіштерінің немесе боцепревирдің өзінің концентрациялары төмендеуі мүмкін.

Егер әлеуетті пайдасы Кушинг синдромы мен бүйрек үсті бездері функциясының бәсеңдеуін қамтитын болжамды қауіптерден артық болмаса, ритонавир мен флутиказон және CYP 3А4 изоферментімен метаболизденетін глюкокортикостероидтарды бірге қолдану ұсынылмайды.

Өмірге қатерлі аритмияның даму мүмкіндігіне байланысты, Телзир® мен бепридил сақтықпен қолданылады.

Ампренавир мен амиодарон, лидокаин (жүйелік), үш циклды антидепрессанттар, квинидин мен варфарин арасында күрделі және өмірге қатерлі реакциялар дамуы мүмкін, бұл қан плазмасындағы осы препараттар концентрациясына тұрақты мониторинг жасалуын талап етеді.

Рабдомиолизді қоса, миопатияның дамуы мүмкін екеніне орай, Телзир® ловастатинмен және симвастатинмен біріктіріп қолдану ұсынылмайды. Аторвастатинмен бірге тағайындағанда сақ болу қажет, осы орайда біріктірілген ем қажет болса, аторвастатин дозасын азайту мүмкіндігін қарастыру керек.

Құрамында Шілтерленген шайқурай сығындысы бар препараттармен біріктірілген Телзирді® бірге қолдану ұсынылмайды.

Креатинфосфокиназа (КФК) белсенділігінің жоғарылауы, миалгия, миозит және, сирек сипатта, рабдомиолиз АИВ протеазасы тежегіштерін, атап айтқанда, нуклеозидті аналогтармен біріктіріп қабылдаған емделушілерде білінді.

Фосампренавир емімен байланысты болуы мүмкін зертханалық көрсеткіштердің клиникалық мәнді өзгерістері аланинаминотрансфераза (АЛТ) және аспартатаминотрансфераза (АСТ), липаза белсенділіктерінің, триглицеридтер концентрациялары мен холестериннің жоғарылауын қамтуы мүмкін.

Бөртпе / тері реакциялары

Ауырлық дәрежесі әлсіз немесе орташа тері бөртпесі дамығанда және аса жоғары сезімталдықтың ауыр жүйелік көріністері болмағанда препарат қабылдауды гистаминге қарсы препараттарды бір мезгілде қолданумен жалғастыруға болады. Клиникалық зерттеулерде 1%-дан аз емделушіде аракідік өмірге қатер төндіретін жай-күйлерге әкеп соқтыратын Стивенс-Джонсон синдромын (буллезді көп пішінді экссудаттық эритеманың ауыр клиникалық алуан түрлілігі) қоса, терінің ауыр реакциялары болды. Телзир® мынадай симптомдар дамыған жағдайда тоқтатылуы тиіс:

- ауыр дәрежелі тері бөртпесі;

- шырышты қабықтардағы бөртулер;

- аса жоғары сезімталдықтың басқа да жүйелік көріністерімен қатар жүретін ауырлығы орташа тері бөртпесі.

Гемофилиясы бар емделушілер

Протеаза тежегіштерімен ем алған А және В гемофилиясы бар емделушілерде, өздігінен болатын тері ішіндегі гематомалар мен гемартроздарды қоса, жиілеп кеткен қан кету жағдайлары тіркелген. Осы емделушілердің кейбіреулері VIII қан ұйыту факторымен ем алған. Жағдайлардың жартысынан астамында протеаза тежегіштерімен емдеу жалғастырылды немесе қайта жаңғыртылды (егер ем үзіліп қалған жағдайда). Қан кету жағдайлары мен жүргізілген ем арасындағы өзара байланыс анықталмаған.

Осылайша, гемофилиясы бар емделушілерді қан кетудің жиілеуі мүмкін екенінен хабардар ету қажет.

Гипергликемия

Қант диабетінің алғаш білінуі, гипергликемия немесе бұрыннан бар қант диабетінің өршу жағдайлары АИВ протеазасы тежегіштерін қоса, антиретровирустық ем алатын емделушілерде білінді.

Инсулинді немесе ішуге арналған гипогликемиялық препараттарды дозалау режимін түзету осы құбылыстардың бетін қайтару үшін пайдаланылды. Кетоацидоздың даму жағдайлары тіркелген. Телзирмен®

ем басталар алдында гликемия деңгейін бақылау, сондай-ақ ем кезінде мезгіл-мезгіл мониторинг жасау ұсынылады.

Теріасты-шелмай қабатының қайта таралуы

Протеаза тежегіштерімен ем алған кейбір емделушілерде организмде майдың қайта таралуы (липодистрофия) болды, осы орайда шеткергі және бет аумағындағы теріасты-шелмай қабаты майының азаюы және висцеральді майдың көп жиналуы, кеуде бездерінің гипертрофиясы, сондай-ақ дорсо-цервикальді аумақта майдың шоғырлануы («буйвол өркеші») анықталды.

Липидтер мөлшерінің артуы

Телзирмен® емдеу триглицеридтер концентрацияларының және холестериннің ұлғаюына алып келді. Ем басталғанша триглицеридтердің бастапқы концентрациясы мен холестеринді анықтап, ал артынан Телзирмен® емделу кезеңінде олардың деңгейлерін ұдайы бақылау керек. Дислипидемияны емдеу клиникалық көріністер негізінде жүргізілуі тиіс.

Гемолитикалық анемия

Ампренавир алған емделушілерде жедел гемолитикалық анемия жағдайлары болды.

Иммунологиялық реактивтілік синдромы

Біріктірілген антиретровирустық ем (БАРЕ) басталғаннан кейін алғашқы кезде иммунитет тапшылығы ауыр АИВ жұқтырған емделушілерде қабыну реакциялары дамуы мүмкін; сондай-ақ симптомсыз да, күрделі клиникалық көріністермен де өтетін немесе емделушінің жағдайын нашарлататын оппортунистік жұқпалардың (цитомегаловирустық ретинит, жайылған және/немесе жергілікті микобактериялық жұқпалар және пневмоцисттік пневмония (P.Carinii)) өршуі мүмкін. Әдетте мұндай реакциялар ем басталғаннан кейін алғашқы бірнеше аптаның немесе айдың ішінде байқалады. Қабынудың кез келген белгілерінде тиісті емді шұғыл бастау керек. Аутоиммундық бұзылулар (полимиозит, Джуллиан-Барр синдромы, диффуздық уытты зоб) Телзир® препаратын қабылдау кезінде де кездескен, дегенмен де, ауру ұстамаларының уақыты мейлінше құбылмалы және Телзирмен® ем басталғаннан кейін көп ай өткен соң білінуі мүмкін.

Остеонекроз

Сирек жағдайларда остеонекроздың даму жағдайлары байқалды. Аталған патология мультифакторлы (кортикостероидтар қолдану, шамадан тыс алкоголь тұтыну, иммуносупрессияның ауыр дәрежесі, артық дене салмағы) болып бағаланады және АИВ жұқпасының толық таралу сатысындағы және/немесе ұзақ уақыттық БАРЕ кезіндегі емделушілерде жиірек туындайды.

Емделушілер төменгі жақ аумағындағы ауыру, буынның қарысуы сияқты симптомдардың дамуына көңіл бөліп, олар жөнінде емдеуші дәрігерді дер мезгілінде хабарландыруы тиіс.

Фертильділік

Клиникаға дейінгі зерттеулерде ұрықтандыру қабілетіне және шәуһеттің сапа құрамына ықпалы анықталмаған.

Жүктілік

Жүктілік кезінде Телзир® егер әлеуетті пайдасы болжамды қауіптерден басым болған жағдайда ғана қолданылады.

Лактация

Емшек сүтіне АИВ өтуіне орай, вирустың берілуін болдырмау үшін АИВ жұқтырған әйелдерге бала емізу ұсынылмайды. Егер баламалы қоректендіру мүмкін болмаса, антиретровирустық препараттармен емделу аясында емшекпен қоректендіруге қатысты жергілікті нұсқауларға сүйену қажет. Клиникалық зерттеулер жүргізілмесе де, ампренавир ана сүтіне енеді деп күтіледі.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Зерттеу жүргізілмеген, алайда препараттың қауіпсіздік бейінін және Телзир® қолдану аясында дамуы мүмкін жағымсыз реакцияларды ескеру керек.

Артық дозалануы

Симптомдары: препараттың жағымсыз әсерлерінің күшеюі.

Емі: Телзир® препараты үшін белгілі у қайтарғы жоқ. Гемодиализ және перитонеальді диализ арқылы ампренавирді организмнен шығару мүмкіндігі де белгісіз. Артық дозаланған жағдайда емделуші уыттану белгілерінің бар-жоғы тұрғысынан бақылануы, қажет болса, стандартты демеуші ем алуы тиіс.

Шығарылу түрі және қаптамасы

Үлбірлі қабықпен қапталған 700 мг таблеткалар. 60 таблеткадан балалардың құтыны ашып алуына қарсы құрылғысы бар, бұралатын қақпақпен тығындалған, мойыны мөртаспаланған ақ түсті тығыздығы жоғары полиэтиленнен жасалған құтыларға салынады. Қақпағына құтыны ашу сызбасы түсірілген.

1 құтыдан қолданылуы жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

30°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

Глаксо Оперэйшенс Ұлыбритания Лимитед. Глаксо Вэллком Оперэйшенс, Ұлыбритания

(Priory Street, Ware, Hertfordshire, SG12 0DJ)

Қаптаушы

Глаксо Вэллком С.А., Испания

(Avenida Extremadura 3, 09400, Aranda de Duero, Burgos)

Тіркеу куәлігінің иесі

ViiV Healthcare UK Limited, Ұлыбритания

(980 Great West Road, Brentford, Middlesex TW8 9GS)

ViiV Healthcare ULC, Канада

(8455 Route Transcanadienne Montreal, Quebec, H4S 1Z1, Канада)

Қазақстан Республикасы аумағында тұтынушылардан өнім (тауар) сапасы жөнінде шағымдар қабылдайтын ұйымның мекенжайы

Қазақстандағы ГлаксоСмитКляйн Экспорт Лтд өкілдігі

050059, Алматы қ., Фурманов к-сі, 273

Телефон нөмірі: +7 7019908566, +7 727 258 28 92, +7 727 259 09 96

Факс нөмірі: + 7 727 258 28 90

Электронды поштасы: kaz.med@gsk.com