Теватропиум

Теватропиум

Тиотропий бромиді

Ингаляцияға арналған 13 мкг ұнтағы бар капсулалар ингаляторымен жиынтықта

Бір капсуланың құрамында

белсенді зат - 15,60 мкг тиотропий бромиді (13 мкг тиотропийге баламалы)

қосымша зат: лактоза моногидраты

корпустың және капсула қақпағының құрамы: гипромеллоза

Ішінде ақ ұнтақ бар, өлшемі №3, түссіз және мөлдір симметриялық капсулалар.

Респираторлық жүйе ауруларын емдеуге арналған препараттар. Тыныс алу жолдарының обструкциялық ауруларын емдеуге арналған препараттар. Тыныс алу жолдарының обструкциялық ауруларын емдеуге арналған басқа препараттар. Холиноблокаторлар. Тиотропий бромиді.

ATХ коды R03BB04

Фармакокинетикасы

Тиотропий – суда орташа еритін төрттік аммоний қосылысы.

Тиотропий бромидін құрғақ ұнтақпен ингаляция жасау жолымен енгізеді. Ингаляциялық жолмен енгізгенде, дозаның көп бөлігі асқазан-ішек жолында (АІЖ) және аз дәрежеде нысана-ағзада, яғни өкпеде шөгеді.

Сіңуі. Ингаляциялық тәсілмен енгізгенде тиотропийдің абсолюттік биожетімділігі 19.5% құрайды, бұл өкпеге жететін препарат фракциясы биожетімділігінің жоғары екендігін айғақтайды. Пероральді түрде қолдануға арналған тиотропий ерітіндісінің абсолюттік биожетімділігі 2-3% құрайды. Осының негізінде, тиотропий асқазан-ішек жолынан нашар сіңеді. Тамақ ішу осы себепті, тиотропийдің сіңуіне ықпалын тигізбейді.

Қан плазмасында тиотропий ең жоғары концентрациясына ингаляциядан кейін 5-7 минуттан соң жетеді. Тұрақты жағдайда қан плазмасындағы тиотропийдің ең жоғары шектегі концентрациясы өкпенің созылмалы обструкциялық ауруы (ӨСОА) бар пациенттерде 12.9 пг/мл құрады және тез төмендеді. Оның кезекті дозасын тура қабылдар алдында тиотропийдің концентрациясы 1.71 пг/мл-ге жетті.

Таралуы. Препараттың қабылданған дозасының 72%-ы плазма ақуыздарымен байланысады және таралу көлемі 32 л/кг құрайды. Өкпедегі жергілікті концентрациясы белгісіз, бірақ қолдану тәсілін ескерер болсақ, өкпедегі концентрациясы едәуір жоғарырақ деп жорамалданады. Тиотропий гематоэнцефалдық бөгет арқылы қандай да болсын маңызды көлемде өтпейді.

Биотрансформациясы. Биотрансформация дәрежесі мардымсыз. Өзгермеген заттың 74%-ы несеппен бірге бөлініп шығады. Тиотропий ферменттік емес тәсілмен N-метилскопин спиртіне және дитиенилгликолий қышқылына дейін ыдырайды, олар мускариндік рецепторлармен байланыспайды.

Препарат Р450 цитохромымен метаболизденеді, бұл үдеріс глютатионмен оксидацияға және кейіннен әртүрлі метаболиттер түзетін конъюгацияға байланысты. Метаболизмнің бұзылуы CYP 450 2D6 және 3А4 тежегіштерін (хинидинді, кетоконазолды және гестоденді) пайдаланған кезде орын алуы мүмкін. Сондықтан CYP450 2D6 және 3А4 препарат метаболизміне қамтылады. Тиотропий тіпті шамадан тыс емдік концентрациялардың өзінде адамның бауыр микросомдарында Р450 цитохромдарын - 1А1, 1А2, 2В6, 2С9, 2С19, 2D6, 2Е1 немесе 3А тежемейді.

Шығарылуы. Ингаляциядан кейін тиотропийдің тиімді жартылай шығарылу кезеңі дені сау адамдарда және ӨСОА бар пациенттерде 27-45 сағат аралығында өзгереді. Дені сау жас ерікті адамдарға тиотропийді вена ішіне енгізгеннен кейінгі жалпы клиренсі 880 мл/мин құрады. Вена ішіне енгізілген тиотропий өзгермеген күйінде (74%) негізінен бүйрек арқылы шығарылады. ӨСОА бар пациенттерге құрғақ ұнтақпен ингаляция жасағаннан кейін тұрақты жағдайда тиотропийдің 7%-ы (1,3 мкг) несеппен бірге 24 сағат ішінде шығарылады. Қалдығы, әдеттегідей, ішекке сіңбеген препарат, нәжіспен бірге шығарылады.

Тиотропийдің бүйректік клиренсі креатинин клиренсінен асып кетеді, бұл оның несепке бөлініп шыққанын көрсетеді. ӨСОА бар пациенттерге күн сайынғы ингаляциядан кейін фармакокинетикалық тепе-теңдікке 7 күні жетеді, сонымен қатар әрі қарай жиналуы байқалмайды.

Пациенттердің арнайы топтары

Егде жастағы науқастар

Егде жастағы пациенттерге тиотропийді қолдану оның бүйректік клиренсінің төмендеуімен байланысты (ӨСОА бар, 65 жастан кіші пациенттердегі 365 мл/мин бастап, ӨСОА бар, 65 жастан асқан пациенттердегі 271 мл/мин дейін).

Бүйрек функциясы бұзылған пациенттер

Бүйрек функциясының орташа дәрежедегі жеткіліксіздігі бар (креатинин клиренсі 50-80 мл/мин) пациенттерде тиотропиймен күн сайын бір реттік ингаляция, бүйрек функциясы қалыпты (КК > 80 мл/мин) пациенттермен салыстырғанда, AUC0-6,ss мәндерінің аздап жоғарылуына (1,8-30%-ға) және Cmax,ss ұқсас мәніне әкеледі.

Бүйрек функциясы орташа немесе айқын дәрежеде төмендеген (КК <50 мл/мин), ӨСОА бар науқастарда тиотропийді вена ішіне енгізгеннен кейін, бүйрек функциясы қалыпты, ӨСОА бар пациенттерге қатысты салыстырғанда, оның қан плазмасындағы концентрациясының екі еселенгені (AUC0-4 82%-ға жоғарылауы) және Cmax мәнінің 52%-ға жоғарылағаны байқалады.

Бауыр функциясы бұзылған пациенттер

Бауыр функциясының жеткіліксіздігі тиотропийдің фармакокинетикасына елеулі ықпалын тигізбейді деп болжам жасалады, өйткені тиотропий негізінен несеппен бірге шығарылады және фармакологиялық тұрғыдан белсенді емес метаболиттердің түзілуі энзимдік үдеріспен байланысты емес.

Теватропиум препаратын жаңа туған балаларға және 18 жасқа дейінгі жасөспірімдерге қолдану жөнінде деректер жоқ. Осы жас тобында препаратты қолдану ұсынылмайды.

Фармакодинамикасы

Тиотропий бромиді – клиникалық іс-тәжірибеде көбіне антихолинергиялық дәрі деп аталатын, әсері ұзаққа созылатын антимускариндік препарат. Тиотропий бромиді бронхтардың тегіс бұлшықеттерінің мускариндік рецепторларымен қосыла отырып, парасимпатикалық жүйке ұштарынан босап шығатын ацетилхолиннің холинергиялық әсерлерін (бронхоконстрикция) тежейді. Оның мускариндік рецепторлардың М1-нен бастап М5 дейінгі әртүрлі тип тармақтарына ұқсастығы бірдей болады. Тыныс алу жолдарында М3-рецепторлардың тежелу нәтижесі тегіс бұлшықеттердің босаңсуы болып табылады. Бронхты кеңейтетін әсері дозаға байланысты және кем дегенде 24 сағат сақталады. Әсер етуінің едәуір ұзақтығы, ипратропиуммен салыстырғанда, М3-рецепторлардан өте баяу диссоциациялануымен байланысты. Ингаляциялық енгізу тәсілінде тиотропий N-төрттік антихолинергиялық дәрі ретінде жергілікті таңдаулы әсер береді, сонымен қатар емдік дозаларда жүйелік антихолинергиялық жағымсыз әсерлерді туындатпайды. М2-рецепторларынан диссоциациялануы, М3 қарағанда, тезірек жүреді. Рецепторларға жоғары ұқсастығы және баяу диссоциациясы өкпенің созылмалы обструкциялық ауруы бар пациенттерде бронхты кеңейтетін айқын және ұзаққа созылатын әсерді жүзеге асырады.

Тиотропий ингаляциясынан кейінгі бронходилятация жергілікті әсердің, жүйелік емес, нәтижесі болып табылады.

Тиотропийдің бір реттік дозасынан кейін 30 минут өткен соң өкпенің функциясын (1 секундтағы жеделдетілген дем шығару көлемін (ЖДК1), өкпенің тіршілік сыйымдылығын (ӨТС) 24 сағат бойына арттырады. Фармакодинамикалық тепе-теңдікке алғашқы апта ішінде жетеді, ал бронхты кеңейтетін айқын әсер 3-ші күні байқалады.

Препаратты ұзақ уақыт қабылдау қолданудың бүкіл кезеңі бойы қол жеткізілген ЖДК1 көрсеткішінің жақсаруын демейді, алайда ЖДК1 төмендеуінің орташа жылдық жиілігін өзгертпейді.

Тиотропий науқастарда өлшенген дем шығарудың таңертеңгі және кешкі ең жоғары ағынының жылдамдығын арттырады.

Жыл бойы баға берілетін тиотропийдің бронхты кеңейтетін әсерінен толеранттылық көріністері байқалған жоқ.

Тиотропий ӨСОА өршу санын азайтады, плацебомен салыстырғанда және сальметеролмен салыстырғанда, алғашқы өршу сәтіне дейінгі кезеңді арттырады және өмір сүру сапасын жақсартады, бұл емдеудің бүкіл кезеңі бойы байқалады.

Тиотропий ӨСОА өршуіне байланысты ауруханаға жату жағдайларының санын азайтатынын және алғашқы ауруханаға жатқызу сәтіне дейінгі уақытты арттыратынын көрсетті.

Тиотропий препараттарымен емдеу кезінде өлім қаупінің 16%-ға азайғаны байқалады. Тиотропийді қолдану тыныс алу функциясы жеткіліксіздігінің даму қаупін 19%-ға төмендетеді.

Кардиоэлектрофизиология

Дені сау ерікті 53 адамның қатысуымен QT аралығына жүргізілген арнайы зерттеу барысында, 12 күн бойы 18 мкг және 54 мкг тиотропийді (яғни үш есе емдік доза) қолдану электрокардиграммада QT аралығын арттырған жоқ.

ӨСОА (өкпенің созылмалы обструкциялық ауруы) бар пациенттерде симптомдарды жеңілдету үшін бронхты кеңейтетін емде.

Препарат тек ингляциялық қолдануға ғана арналған.

Тиотропий бромидінің ұсынылған дозасы оны жеткізетін Zonda құрылымын (ингалятор) тәулігіне бір рет белгілі бір уақытта қолданып, бір капсуланың ішіндегімен жасалатын бір ингаляцияны құрайды.

Бір капсуламен берілетін доза 10 мкг құрайды, доза стандартты және жеткілікті болып табылады.

Ұсынылатын дозаны арттырмаған жөн.

Ішінде препараты бар капсуланы ішке қабылдауға болмайды!

Пациенттердің арнайы топтары

Егде жастағы пациенттер Теватропиум препаратын ұсынылған дозаларда пайдалана алады.

Бүйрек функциясы бұзылған пациенттер препаратты ұсынылған дозаларда пайдалана алады. Бүйрек функциясының төмендеуімен қан плазмасындағы концентрация жоғарылайтын болғандықтан, бүйрек функциясының орташадан ауыр дәрежеге дейінгі жеткіліксіздігі бар (креатинин клиренсі ≤50 мл/мин) пациенттерде тиотропий бромидін күтілетін пайдасы потенциалды қаупінен басым болған жағдайда ғана қолдануға болады. Бүйрек функциясының ауыр дәрежедегі жеткіліксіздігі бар пациенттерде ұзақ қолдану тәжірибесі жоқ.

Бауыр функциясы бұзылған пациенттер Теватропиумды ұсынылған дозаларда қолдана алады.

Ингаляциялық жеткізетін құрылымы бар Теватропиум препаратын қолдау жөніндегі нұсқаулық

Препараттың дұрыс қолданылуын қамтамасыз ету үшін пациентті денсаулық сақтау қызметкері ингаляторды пайдалану тәртібімен таныстыруы тиіс.

Осы нұсқаулықты мұқият оқып шығуыңызды өтінеміз, және препаратты қолданғанда оны мұқият орындаңыз.

Zonda ингаляторы (жеткізетін құрылым) Теватропиум капсулаларын пайдалану үшін арнайы жасалған, сондықтан оны басқа дәрілік заттар үшін пайдалануға болмайды. Ингаляторды (жеткізетін құрылым), осы қаптамадағы капсулалар санына байланысты, 30 немесе 15 қолданудан артыққа пайдаланбау керек. Осы қаптамадағы капсулаларды пайдалануды аяқтаған кезде жеткізетін құрылымды тастаған жөн.

Капсулалар ингаляторда да, қаптамасында да жоғары температураның әсеріне, мысалы, күн сәулесінің әсеріне ұшырамауы тиіс.

Капсулада ұнтақтың аздаған мөлшері бар – сондықтан капсула толық толтырылмаған.

Ингаляциялық Zonda құрылымының сипаттамасы

Қолдану жөніндегі нұсқаулық

Капсуланы мүштікке тікелей САЛМАУ керек.

Осылайша, тесік түзіледі, дем алу кезінде ол арқылы препарат капсуладан босап шығады.

Назар аударыңыз: мүштікке ешқашан дем шығармаңыз.

Ингаляторды тазалау

Қажет болған жағдайда ингалятор мүштігінің сыртқы беті құрғақ матаның жәрдемімен тазартылуы мүмкін.

Жоғарыда берілген жағымсыз реакциялардың көбісі тиотропий бромидінің антихолинергиялық әсерімен байланысты болуы мүмкін.

Жиілігін келесі градация бойынша анықтайды: өте жиі (≥ 1/10), жиі ( ≥ 1/100-ден < 1/10 дейін), жиі емес ( ≥ 1/1000-нан < 1/100 дейін), сирек ( ≥ 1/10 000-нан < 1/1000 дейін) немесе өте сирек (< 1/10 000), белгісіз (қолда бар деректер негізінде баға беру мүмкін емес).

Тиотропий бромидінің әсерімен байланысты емес жағымсыз реакциялар

- аллергиялық реакциялар (қосымша зат ретінде лактоза моногидратының болуымен байланысты)

- бронхтың парадоксальді түйілуі

• тиотропий бромидіне, атропинге немесе оның туындыларына (мысалы, ипратропийге немесе окситропийге) немесе қосымша затқа, құрамында сүт ақуызы бар лактоза моногидратына жоғары сезімталдық

• тұқым қуалайтын галактоза жақпаушылығы, лактаза тапшылығы бар немесе глюкоза-галактоза сіңуінің бұзылуы бар пациенттер

• 18 жасқа дейінгі балалар мен жасөспірімдер

Теватропиум препаратын басқа антихолинергиялық дәрілермен бірге қолдану ұсынылмайды.

Тиотропийдің әдетте ХОБЛ емдеу үшін пайдаланылатын басқа препараттармен: симпатомиметиктермен, метилксантиндермен, пероральді және ингаляциялық глюкокортикостероидтармен біріктірілімі қолданылуы мүмкін.

ӨСОА бар пациенттер қолданатын әдетте қатар пайдаланылатын дәрілік препараттар (ұзақ әсер ететін бета2-агонистер, ИГКС (ингаляциялық глюкокортикостероидтар) және олардың біріктірілімі) тиотропийдің әсер ету дәрежесін өзгертпейтіні анықталды.

Теватропиум препараты күнделікті демеуші ем үшін бронхолитикалық дәрі болып табылатындықтан, оны бронхтың түйілуінің жедел көріністерінің бастапқы емі үшін, яғни шұғыл жәрдем ретінде қолданбаған жөн.

Теватропиум ұнтағымен ингляциядан кейін шұғыл типті аса жоғары сезімталдық реакциялары дамуы мүмкін.

Ингаляциялық препараттар ингаляциядан кейін ентігудің шұғыл артуымен бірге бронхтың түйілуінің дамуын және ентігуді өршітуі мүмкін.

Бүйрек функциясының төмендеуімен қан плазмасындағы концентрация жоғарылайтын болғандықтан, бүйрек функциясының орташадан ауыр дәрежеге дейінгі жеткіліксіздігі бар (креатинин клиренсі ≤50 мл/мин) пациенттерде тиотропий бромидін күтілетін пайдасы потенциалды қаупінен басым болған жағдайда ғана қолдануға болады. Бүйрек функциясының ауыр дәрежедегі жеткіліксіздігі бар пациенттерде ұзақ қолдану тәжірибесі жоқ.

Пациенттер Теватропиум капсулаларын пайдалану тәртібімен танысып шығулары тиіс. Ұнтақтың көзге тиіп кетуіне жол бермегендері жөн. Көздің ауыруы немесе жайсыздығы, жіті көрмеу, көздің конъюнктивальді іркілуімен және мөлдір қабықтың ісінуімен біріккен көруді сәуле жиектері жабық бұрышты глаукоманың жедел ұстамалары екендігін айғақтауы мүмкін. Осы симптомдардың кез келген біріктірілімі дамыған кезде маманға дереу қаралу керек.

Антихолинергиялық емдеу кезінде байқалған ауыз ішінің құрғауы ұзақ мерзімдік тіс жегілерімен байланысты болуы мүмкін.

Препаратты күніне бір реттен артық қолданбаған жөн.

Теватропиум капсуласының құрамында 18 мг лактоза моногидраты бар. Препарат сиыр сүтінің ақуызына аллергиясы бар пациенттерде аллергиялық реакцияларды туындатуы мүмкін. Сирек тұқым қуалайтын галактоза жақпаушылығы, лактаза тапшылығы немесе глюкоза-галактоза сіңуінің бұзылу аурулары бар пациенттер осы препатты пайдаланбауы тиіс.

Теватропиум капсулалары қаптамаға салынған тек Zonda ингаляторымен ғана қолданылуы тиіс!

Сақтықпен!

Жабық бұрышты глаукома, қуықасты бездерінің гиперплазиясы, қуық мойнының обструкциясы.

Тиотропий бромидін жақын арада миокард инфарктісін (6 айдан азырақ бұрын) бастан кешірген; тұрақсыз немесе өмірге қауіп төндіретін аритмиясы немесе бұдан бұрынғы жылы араласымды немесе емдеу жоспарын өзгертуді қажет еткен аритмиясы бар; бұдан бұрынғы жылдары жүрек функциясының жеткіліксіздігі (III немесе IV класс) себебінен ауруханаға жатқызылған пациенттерге де сақтықпен қолданған жөн. Антихолинергиялық әсер ету механизмі осы жағдайларға жағымсыз ықпалын тигізуі мүмкін.

Фертильділік, жүктілік және лактация

Жүктілік

Жүкті әйелдерге тиотропийді қолдану жөніндегі деректер өте шектеулі. Жануарларға жүргізілген зерттеулер препаратты клиникалық маңызды дозаларда қолданғанда тұқым өрбітуге уыттану көзқарасы тұрғысында тікелей немесе жанама жағымсыз ықпалының болмағанын айғақтайды.

Сақтық шаралары ретінде жүктілік кезеңінде Теватропиум препаратын қолдануға жол бермеген дұрыс.

Емшек емізу. Емшек сүтімен тиотропий бромидінің бөлініп шығатыны-шықпайтындығы белгісіз. Тиотропий бромиді әсері ұзаққа созылатын қосылыс болып табылады. Емшек емізуді жалғастыру/тоқтату жөніндегі немесе Теватропиум препаратымен емдеуді жалғастыру/тоқтату жөніндегі шешімді, нәресте үшін емшек емудің артықшылықтары мен анасы үшін препаратпен емдеудің артықшылықтарын ескере отырып, қабылдаған жөн.

Фертильділік. Тиотропийдің фертильділікке ықпалына қатысты клиникалық деректер жоқ. Тиотропийді клиникаға дейінгі зерттеулер фертильділікке қандай да болсын теріс ықпалының жоқтығын көрсетті.

Автокөлікті немесе басқа да потенциалды қауіпті механизмдерді басқару қабілетіне дәрілік заттың ықпал ету ерекшеліктері

Осындай ықпалын білуге қатысты зерттеулер жүргізілген жоқ. Препаратты қабылдаған кезде бас айналу және көрудің жіті болмауы немесе бас ауыру жағдайларын ескеріп, сақтық танытқан жөн.

Симптомдары: препаратты жоғары дозаларда қолдану антихолинергиялық белгілерді және симптомдарды туындатуы мүмкін.

Ал сол кезде 340 мкг дейінгі тиотропий бромидін құрайтын бір реттік ингаляциялық дозадан кейін дені сау ерікті адамдарда жүйелік антихолинергиялық жағымсыз әсерлер байқалған жоқ. Бұдан басқа, 170 мкг тиотропий бромидіне дейін арттылған дозаны 7 күндік енгізу кезеңінде дені сау ерікті адамдарда ауыз ішінің құрғауынан басқа, ешқандай да маңызды жағымсыз әсерлер байқалған жоқ. Көп реттік дозаларға ұзақтығы 4 аптадан астам жүргізілген зерттеулерде ӨСОА бар пациенттерде ең жоғары тәуліктік 43 мкг доза тиотропий бромидін қолданған кезде ешқандай да жағымсыз әсерлер байқалған жоқ.

Капсулаларды байқамай ішке қабылдап қоюмен байланысты жедел уыттанудың болуы, препараттың пероральді биожетімділігі төмен болғандықтан, екіталай.

Емі: симптоматикалық.

Сақина-пломбасы бар бұралатын пластик қақпағы және ішінде силикагелі бар капсула құрғатқышы бар, ПВДХ жасалған құтыларда 15 немесе 30 капсуладан.

1 құты ингалятормен және медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Түпнұсқалық қаптамасында, ылғалдан қорғалған жерде, 25 °С-ден аспайтын температурада сақтау керек.

Балалардың қолы жетпейтін жерде сақтау керек!

2 жыл

Құтыны алғаш ашқаннан кейінгі сақтау мерзімі

Құты № 15 капсула: препаратты 30 күн ішінде пайдалану керек.

Құты № 30 капсула: препаратты 60 күн ішінде пайдалану керек.

Жарамдылық мерзімі өткеннен кейін қолдануға болмайды

Рецепт арқылы

Laboratorios Liconsa, S.A., Испания

Avenida Miralcampo 7, Polígono Industrial Miralcampo, 19200 Azuqueca de Henares, Guadalajara (Гвадалахара), Испания

Қаптаушы

Manantial Integra, S.L.U., Испания

Тіркеу куәлігінің ұстаушысы

Teva Pharmaceutical Industries Limited, Израиль

Қазақстан Республикасы аумағында тұтынушылардан өнімнің (тауардың) сапасына қатысты шағымдарды қабылдайтын және дәрілік заттың қауіпсіздігін бақылауға жауапты ұйым

«ратиофарм Қазақстан» ЖШС, 050059 (А15Е2Р), Алматы қ, әл-Фараби даңғ. 17/1, Нұрлы-Тау БО, 5Б, 6 қабат, Телефон: (727) 3251642; е-mail: safety.kazakhstan@tevapharm.com; веб сайт: www.teva.kz