Тахокомб® (Губка размером 4.8 х 4.8 см)

• русский
• қазақша

• Скачать инструкцию медикамента

Саудалық атауы

Тахокомб

Халықаралық патенттелмеген атауы

Жоқ

Дәрілік түрі

Гемостатикалық сорғыш зат, сіңіргіш

Құрамы

1 см2 сіңіргіштің құрамында

белсенді заттар: 5,5 мг фибриноген, 2 ХБ тромбин,

қосымша заттар: альбумин, L- аргинин гидрохлориді, коллаген, натрий хлориді, натрий цитраты, рибофлавин.

Сипаттамасы

Бір жағында сары жабыны бар ақ түсті дерлік сіңіргіш.

Сіңіргіштің өлшемдері: 2.5 × 3.0 см; 4.8 × 4.8 см және 9.5 × 4.8 см

Фармакотерапиялық тобы

Гемостатиктер. К витамині және басқа да гемостатиктер. Жергілікті гемостатиктер. Біріктірілімдер

АТХ коды В02ВС30

Фармакологиялық қасиеттері

Фармакокинетикасы

Организмде препарат компоненттері үдемелі биодеградацияға ұшырайды. Фибринді ұйынды эндогендік фибрин сияқты фибринолиз және фагоцитоз жолымен метаболизденеді. Сіңіргіштің коллагені резорбтивті түйіршікті тіннің әсерімен деградацияға ұшырайды.

Сіңіргішті жапсырғаннан кейін 24 апта өткен соң тіндерді жергілікті тітіркендіру белгілерінсіз бірлі-жарым қалдық элементтер жергілікті анықталды.

Фармакодиниамикасы

Тахокомбтың құрамында коллагенді сіңіргіштің бетінің құрғақ жабыны түрінде фибриноген және тромбин бар.

Физиологиялық сұйықтықтармен (қанмен, лимфамен немесе электролит ерітінділерімен) жанасқан кезде қанның физиологиялық ұюының соңғы сатысын қоздырушы фибриноген және тромбин реакциясы басталады. Сіңіргіш жабынының компоненттері ериді және жара бетіне ішінара таралады.

Фибриноген фибрин-мономерге айналады, ол содан кейін полимерленіп, жараның бетінде сіңіргіш коллагенін нығыздап ұстап тұратын фибринді ұйынды (тромб) түзеді. Қан ұюының XIII факторының жәрдемімен фибрин-полимерлер жігі бітеліп, адгезивтік жақсы қасиеттері бар қатты, механикалық мықты торлы құрылым түзеді, жара бетінің герметикалық жабылуын қамтамасыз етеді.

Қолданылуы

• паренхиматоздық ағзаларға жасалған хирургиялық араласымдарда қан кеткенде гемостазға жету және тіндерді «желімдеп» қосуды қамтамасыз ету үшін

• қантамырлық хирургияда стандартты әдістер жеткіліксіз болған жағдайда тігістерді бекіту үшін

• өкпеге хирургиялық араласым кезінде герметикалық жағдай жасау үшін

Қолдану тәсілі және дозалары

Тек жергілікті қолдануға ғана арналған. Интраваскулярлы түрде пайдалануға болмайды.

Тахокомб стерильді қаптамада және қолдануға дайын болады. Препарат бүлінбеген қаптамадан ғана пайдаланылуы мүмкін.

Қаптамасын ашқаннан кейін Тахокомб® препаратын қайтадан стерилазациялау мүмкін емес. Сыртқы қаптамалық алюминий пакет операциялық стерильді емес аймақта ашылуы мүмкін. Ішкі стерильді блистерді стерильді аймақта ашқан жөн. Тахокомб ішкі стерильді қаптамасы ашылғаннан кейін бірден пайдаланылуы тиіс.

Тахокомбты хирургиялық жара бетіне стерильді жағдайда салған жөн. Сіңіргішті жара бетіне салар алдында қаннан, зарарсыздандыратын және басқа да сұйықтықтардан тазартылуы тиіс.

Тахокомб препаратын стерильді қаптаманың ішінен алғаннан кейін, сіңіргішті 0,9% натрий хлоридінің ерітіндісімен шайып, дереу қолданған жөн.

Белсенді заттармен жабылған және сары түспен белгіленген жағын жараның бетіне салады және 3-5 минут бойы сәл басып тұрады. Дымқылданған қолғаппен немесе дымқылданған жастықшамен басады.

Тахокомб сіңіргіші қанмен ластанған қолғапқа немесе құралдарға жабысуы мүмкін. Бұған хирургиялық құралдар мен қолғапты 0,9% натрий хлориді ерітіндісімен алдын ала дымқылдау жәрдемімен жол бермеуге болады.

Тахокомб сіңіргішін жараға басып болғаннан кейін жастықшаны немесе қолғапты ақырын алып тастаған жөн. Жараның бетінен сіңіргіштің түсіп қалуына жол бермеу үшін сол жерде оның бір ұшын, мысалы, қос қысқыштың жәрдемімен ұстап тұру керек.

Қан кету күшті болған жағдайда Тахокомбты алдын ала дымқылдамай-ақ пайдалануға болады. Сіңіргішті жараның бетіне салады және 3-5 минут бойы ақырын басады.

Дозалау

Тахокомб сіңіргішінің өлшемі және саны жара бетінің шамасына байланысты.

Жараның жиегі сіңіргішпен 1-2 см жабылуы тиіс. Егер жара бетінің жабылуы үшін бір сіңіргіштен артық керек болса, онда жараға салған кезде олардың жиектері бірін-бірі жауып тұруы тиіс.

Сіңіргішті қалаған өлшемде алу үшін қиюға болады.

Сіңіргіштің пайдаланылмаған фрагменттерін жою керек.

Жағымсыз әсерлері

Сирек жағдайларда Тахокомб қолдану емделушілерде аллергиялық реакциялар тудыруы мүмкін (ангиоісіну, сіңіргіш қойылған жердің күйдіріп ашуы және шаншуы, бронх түйілуі, қалтырау, қан тебулер, жайылған есекжем, бас ауыру, бөртпе, гипотензия, летаргия, жүректің айнуы, мазасыздық, тахикардия, кеуденің қысылуын сезіну, құлақтың шуылдауы, құсу, қырылдақ сырыл).

Өте сирек жағдайларда ауыр анафилактикалық реакциялар туындауы мүмкін.

Мұндай реакциялар препаратты қайталап қолданғанда немесе өнім компоненттеріне белгілі аса жоғары сезімталдығы бар науқастарда жиі туындайды.

Тахокомб өнімінің қауіпсіздігі туралы деректер, жалпы алғанда жүргізілетін зерттеулер барысында туындаған операциядан кейінгі асқынулар типін көрсетеді және емделушінің негізгі ауруымен байланысты болады.

Жағымсыз әсерлерді жиілігі бойынша жіктеу үшін төмендегі санаттар пайдаланылды: өте жиі (>1/10); (≥ 1/100 бастап < 1/10 дейін), жиі емес

(≥ 1/1000 бастап < 1/100 дейін), сирек (≥ 1/10000 бастап < 1/1000 дейін), өте сирек (< 1/10000), жиілігі белгісіз (қолда бар деректер бойынша бағалау мүмкін емес).

Жиі

• гипертермия

Жиі емес

• Аса жоғары сезімталдық, ауыратын сезімталдық

Сирек

• фибринге/гемостатикалық өнімдерге антидененің түзілуі

Өте сирек

• ауырлығы әртүрлі дәрежедегі аллергиялық реакциялар (анафилактикалық шокты қоса)

• тромбоэмболия (қантамыр ішіне қолданғанда)

Top of Form

Қолдануға болмайтын жағдайлар

- тамырішілік пайдалану

- препарат компоненттеріне жоғары сезімталдық

Дәрілермен өзара әрекеттесуі

Препарат компоненттері этанол, йод немесе ауыр металл ерітінділерімен (мысалы, антисептикалық ерітінділер) бір мезгілде қолданылған кезде өзінің қасиеттерін өзгертуі мүмкін. Осындай заттар препаратты қолданар алдында мұқият жойылуы тиіс.

Айрықша нұсқаулар

Препаратты қантамыр ішіне қолдануға болмайды. Қантамыр ішіне абайсызда түскен жағдайда өмірге қатер төндіретін тромбоэмболиялық асқынулар пайда болуы мүмкін. Анафилактикалық шок пайда болған жағдайда стандартты алгоритмдер бойынша шұғыл ем жүргізілуі тиіс.

Вирустық қауіпсіздігіне сипаттама

Адамның қанынан және плазмасынан жасалған дәрілік заттармен жұғатын жұқпалардың алдын алуының стандартты шараларына мыналар жатады: донорларды таңдап алу, донорлардан алынған материалына жұқпаның арнайы маркерлерінде скрининг жасау, сондай-ақ вирустардың белсенділігін төмендету/элиминациясы жөнінде арнайы технологиялық емшаралар. Жоғарыда айтылғандарға қарамастан, адамның қаны мен плазмасынан жасалған препараттарды тағайындаған кезде жұқпалы агенттердің жұғу қаупі бар болуы мүмкін. Бұл қайтадан байқалған немесе бұрын белгілі емес вирустарға және басқа да патогендерге қатысты.

Қабылданған профилактикалық шаралар қабықшалы вирустар: АИВ, В гепатиті вирусы және С гепатиті вирусына, сондай-ақ қабықшасыз вирустарға , мысалы, А гепатиті вирусына қатысты тиімді деп есептеледі.

Қабылданатын шаралардың тиімділігі В19 парвовирусы сияқты қабықшасыз вирустарға қатысты шектеулі. В19 парвовирусын жұқтыру жүкті әйелдер үшін (ұрыққа жуғуы) және иммунитеті тапшы немесе эритропоэзі жоғарылаған (мысалы, гемолитикалық анемиялар) адамдар үшін қауіпті болуы мүмкін.

Тахокомб® препаратын әр қолданған сайын, кейін қажет болғанда талдама жасау үшін, міндетті түрде препараттың атауын және серия нөмірін жазып қою керек.

Педиатрияда қолданылуы

Балалар тәжірибесінде, егер күтілетін емдік пайдасы ықтимал қауіптен асып түссе ғана, дәрілік препаратты тағайындайды.

Жүктілік және лактация кезеңінде қолданылуы.

Тахокомб" препаратын жүктілік және емшек емізу кезеңінде қолдану бақыланатын клиникалық зерттеулерде зерттелген жоқ, сондықтан жүктілік және емшек емізу кезеңінде препаратты ана үшін күтілетін пайдасы ұрық немесе нәресте үшін потенциалды қаупінен басым болған жағдайларда ғана қолданған жөн.

Дәрілік заттың көлікті немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Артық дозалануы

Артық дозалану жағдайлары сипатталмаған.

Шығарылу түрі және қаптамасы

Сіңіргіш полиэтилентерефталат/полиэтиленді контейнерге салынған және құрғатқыш агентпен бірге алюминий пакетке қапталған.

Өлшемдері 2.5 × 3.0 см және 9.5 × 4.8 см 1 сіңіргіш медицинада қолданылуы жөнінде мемлекеттік және орыс тілдеріндегі нұсқаулықпен бірге картон қорапқа салынған.

Өлшемдері 4.8 × 4.8 см 2 сіңіргіш медицинада қолданылуы жөнінде мемлекеттік және орыс тілдеріндегі нұсқаулықпен бірге картон қорапқа салынған.

Сақтау шарттары

25 оС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

Такеда Австрия ГмбХ, Линц, Австрия

Қаптаушы және сапаны бақылау ұйымының атауы мен елі

Такеда Австрия ГмбХ, Австрия

Тіркеу куәлігі иесінің атауы мен елі

Такеда Австрия ГмбХ, Австрия

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«Takeda Osteuropa Holding GmbH» (Австрия) компаниясының Қазақстандағы өкілдігі

Алматы қ., Бегалин к-сі 136 а

Телефон нөмірі (727) 2444004,

Факс нөмірі (727) 2444005

Электронды поштасы: DSO-KZ@takeda.com