Тардиферон® (таблетки ретард)

• русский
• қазақша

• Скачать инструкцию медикамента

Саудалық атауы

Тардиферон®

Халықаралық патенттелмеген атауы

Жоқ

Дәрілік түрі

Қабықпен қапталған ретард таблеткалар

Құрамы

Бір таблетканың құрамында

белсенді зат – 80 мг темір

(256.30 мг темірдің (II) сульфаты ∙ 1 ½ Н2О түрінде),

қосымша заттар: аскорбин қышқылы, мукопротеоза (сусыз), картоп крахмалы, эудрагит S (метакрил қышқылы мен метилметакрилаттың сополимері), триэтилцитрат, повидон, тальк, магний стеараты, гидрогенизделген майсана майы, магний үшсиликаты,

қабықтың құрамы: тальк, титанның қостотығы (Е171), күріш крахмалы, карнауб балауызы, эудрагид Е (бутилденген метакрилат негіздің сополимері), сахароза.

Сипаттамасы

Беті тегіс, ақтан сұрғылт түске дейінгі қабықпен қапталған таблеткалар.

Фармакотерапиялық тобы

Гемопоэз стимуляторлары. Темір препараттары. Ішу арқылы қабылдауға арналған Fe++ препараттары. Темір сульфаты.

АТХ коды В03АА07

Фармакологиялық қасиеттері

Фармакокинетикасы

Сіңірілуі

Темір негізінен он екі елі ішек пен аш ішектен сіңеді. Темірдің биожетімділігі 5-35% құрайды. Мукопротеоза-темір кешені ішек шырышты қабығының крипталарын толтырады, бұл кешеннің шырышты қабық беткейінің көп бөлігімен жанасуын, сөйтіп темір сіңуінің күшеюін қамтамасыз етеді.

Таралуы мен метаболизмі

Темір іс жүзінде плазма трансферриндерімен толық байланысады және гемоглобиннің, миоглобиннің, цитохромоксидазаның түзілу үдерісіне тартылады немесе ферритин түрінде организм тіндерінде жинақталады.

Шығарылуы

Темір нәжіспен, несеппен және термен шығарылады.

Ішу арқылы қабылдағаннан кейін аскорбин қышқылы АІЖ-нан толықтай сіңеді. Организм тіндерінде кеңінен тарайды. Плазманың ақуыздарымен байланысуы 25 % жуықты құрайды. Аскорбин қышқылы дегидроаскорбин қышқылын түзе отырып қайтымды тотықтанады, бір бөлігі белсенді емес аскорбат-2-сульфатты және несеппен шығарылатын қымыздық қышқылын түзе отырып метаболизденеді.

Фармакодинамикасы

Тардиферон® – анемияға қарсы препарат. Препараттың құрамына енетін темір сульфаты организмдегі темір тапшылығын толықтырады. Темір гемоглобиннің, миоглобиннің, С цитохромының құрамына енеді, гемнің құрылымдық компоненті бола отырып, оттегіні қайтымды қармауға қатысады, эритропоэзге қатысады.

Мукопротеоза – құстардың асқазан-ішек жолы шырышты қабығының макромолекулярлық фракциясы, оның құрамында аминогликозидтер мен органикалық байланысқан сульфаттар болады; мукопротеозаның арқасында темір сульфатының асқазан шырышты қабығына жергілікті тітіркендіргіш әсері болмайды.

Аскорбин қышқылы - антиоксидант, темірдің сіңуін 4 есе күшейтеді.

Қолданылуы

- темір тапшылықты анемияда

- жүктілік кезінде темірді тамақпен бірге тиісінше қабылдауды қамтамасыз ету мүмкін болмағанда темір тапшылығының алдын алу үшін

Қолдану тәсілі және дозалары

Тек ересектер мен 6 жастан асқан балаларда ішу арқылы қолданылады.

Алты жастан үлкен балалар: күніне 1 таблетка.

10 жастан үлкен балалар мен ересектер: күніне 1-2 таблетка.

Алдын алу емі: жүктілерге күніне 1 таблеткадан немесе жүктіліктің соңғы екі триместрі ішінде (немесе төртінші айдан бастап) әр екі күн сайын.

Таблетканы тұтас жұту керек. Таблетканы соруға, кеміруге болмайды, таблетканы ауызда ұзақ ұстауға болмайды.

Таблеткаларды дұрысы тамақтанудың алдында немесе тамақтану кезінде асқазан-ішек жағымдылығына қарай бір толық стақан сумен ішіп, қабылдайды.

Емдеу курсы ересектердегі темір деңгейін: әйелдер үшін 600 мг және еркектер үшін 1200 мг мөлшерде қалпына келтіру үшін жеткілікті түрде ұзақ болуы тиіс.

Темір тапшылықты анемия: темір қорының сарқылу дәрежесіне қарай 3-6 ай; қажет болса, анемияны талапқа сай бақылау болмағанда, препаратты қабылдау ұзақтығын арттыру керек.

Жағымсыз әсерлері

Олар барлығында анықталмаса да, барлық дәрілік заттар сияқты, Тардиферон® 80 мг жағымсыз әсерлер туындатуы мүмкін:

Жағымсыз әсерлер пайда болу мүмкіндігі бойынша өсу тәртібімен жіктеледі:

Жиі (>1/100 және ˂1/10)

- іш қатуы

- диарея

- іш кебуі

- іш ауыруы

- нәжістің күңгірттенуі

- жүрек айнуы

Жиі емес (>1/1000 және ˂1/100)

- көмей ісінуі

- диарея мен іш қатудың кезектесуі

- қыжыл (диспепсия)

- құсу

- асқазан қабынуы (гастриттер)

- қышыну

- кенет болатын эритема

Төменде аталған жағымсыз әсерлер постмаркетингтік бақылау барысында анықталған.

Бұл реакциялардың жиілігі белгісіз деп қаралады (қолда бар деректермен баға беру мүмкін емес).

- тіс түсінің өзгеруі

- ауыз қуысының шырышы зақымдануы (ауыз қуысының ойық жаралануы)

- бөртпе, есекжемді, тыныс алудың қиындауы, нашар сезінуді қоса аллергиялық реакциялар

- күйдіру сезімі бар өтпелі тері бөртпелері

Жеке дара жағымсыз реакциялар сипаттамалары

Асқазан-ішек жолдары тарапынан бұзылулар: таблетканы кеміргенде, сорғанда немесе ауыз қуысында іркіліп тұрып қалғанда оны дұрыс пайдаланбауға байланысты ауыз қуысының шырышы зақымдануы және тіс түсінің қайтымды өзгеруі.

Егде емделушілер және жұтудың бұзылуымен емделушілерде өңештің шырышты қабығының зақымдануының немесе таблетка дұрыс түспеген жағдайда бронх тіндерінің жойылу қаупі бар.

Егер Сізде кез келген жағымсыз әсер туындаса, сондай-ақ қолдану бойынша нұсқаулықта көрсетілмегенін қоса, Сіз емдеуші дәрігеріңізге немесе фармацевтке болмаса медбикеге хабарлаңыз. Сондай-ақ, Сіз жағымсыз әсерлердің есебінің мемлекеттік жүйесі бойынша жағымсыз әсерлер туралы хабарлауыңызға болады.

Қолдануға болмайтын жағдайлар

- препараттың компоненттеріне аса жоғары сезімталдық

- темір тапшылығына байланысты емес анемиялар, (гемолитикалық анемиялар, В12 витаминінің тапшылығынан туындаған мегалобласты анемия, апластикалық анемия)

- гемосидероз, гемохроматоз

- 6 жасқа дейінгі балалар

- препарат құрамында майсана майының болуына байланысты ішек бітелісі

Дәрілермен өзара әрекеттесуі

Темір сульфаты мен құрамында алюминий, магний, кальций бар антацидті дәрілерді бір мезгілде қолданғанда темірдің АІЖ-нан сіңуі азаяды.

Темір сульфатын және тетрациклиндер тобындағы антибиотиктерді бір мезгілде қолданғанда темір мен антибиотиктердің сіңуін азайтатын кешенді қосылыстар түзіледі.

Артық дозалануды болғызбау үшін темірдің басқа препараттарымен, соның ішінде парентеральді қолданылатындарымен де бірге тағайындауға болмайды.

Темір сульфатын глюкокортикоидтармен бір мезгілде қолданғанда эритропоэз стимуляциясының күшеюі ықтимал.

Айрықша нұсқаулар

Препарат курсын тағайындағанда қандағы гемоглобин көрсеткіштеріне жүйелік бақылау керек.

Қабыну реакцияларының нәтижесінде дамыған қандағы темір құрамының төмендеуі Тардиферон® препаратының көмегімен емдеуге келмейді. Препараттың құрамында сахарозаның болуына байланысты фруктозаны көтере алмаушылықта, глюкоза/галактоза мальабсорбциясы синдромы немесе сахароза-изомальтоза тапшылығы жағдайында пайдалануға болмайды.

Препараттың құрамында майсана майының болуы салдарынан аллергиялық реакцияның даму қаупі жоғарылайды.

Шайды, кофені, сүтті көп мөлшерде ішу темірдің сіңуін бәсеңсітеді.

Препаратты қабылдағанда нәжістің қара түске боялуы анықталған, бұл клиникалық елеулі емес.

Жүктілік пен лактация кезеңі

Жүктілік пен лактация кезеңінде препаратты көрсетілімдер бойынша тағайындайды.

Дәрілік заттың көлік құралдарын немесе әлеуетті қаупі бар механизмдерді басқару қабілетіне әсер ету ерекшеліктері

Әсер етпейді

Артық дозалануы

Симптомдары: асқазан-ішек жолының тітіркенуі мен некрозы, ол жүрек айнуымен, құсумен, шок жағдайымен қатар жүреді.

Емдеу: шикі жұмыртқа және сүт ішу керек. Егер препарат таяуда қабылданса, құстырып шығарып тастауға болады. Сондай-ақ осы мақсатта натрий бикарбонатының 1% сулы ерітіндісімен асқазанды шаяды. Темірдің у қайтарғысы - дефероксамин. Симптоматикалық ем көрсетілген.

Шығарылу түрі мен қаптамасы

ПВХ/ПЭ/ПВДХ үлбірден және алюминий фольгадан жасалған пішінді ұяшықты қаптамаға 10 таблеткадан салады.

3 пішінді қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

Сақтау шарттары

30 ºС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды

Дәріханалардан босатылу шарттары

Рецепт арқылы

Өндіруші

Пьер Фабр Медикамент Продакшн

Etablissement Progipharm

Rue du Lucee 45500 Gien, France

Прогифарм, ул. Лисс, 45500 Жиен, Франция

Тіркеу куәлігінің иесі

Пьер Фабр Медикамент

45, place Abel Gance

92100 Boulogne, France

45, Абель Ганс

92100 Булонь, Франция

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«EUROMEDEX» өкілдігі

050009, Алматы қ., Абай даңғылы 155, 37 кеңсе

Тел./Факс: +7(727) 338 52 61

e-mail: office.kz@euromedex.com