Танфлекс

Танфлекс

Бензидамин

Ауыз қуысын шаюға арналған 0,15 % 120 мл ерітінді

120 мл ерітіндінің құрамында

белсенді зат - 180.000 мг бензидамин гидрохлориді

қосымша заттар: натрий бикарбонаты, полисорбат 20, 96% этил спирті, глицерин, натрий сахарины, метилпарагидроксибензоат, жалбыз эссенциясы, патенттелген V көк (Е 131), сары 2 G (Е 107), тазартылған су.

Жалбыз дәмді, таза, жасыл түсті мөлдір сұйықтық

Ауыз қуысының ауруларын емдеуге арналған басқа да препараттар. Бензидамин.

Сіңуі

Пероральді түрде қабылдаған кезде бензидамин жақсы сіңіп, ең жоғары шектегі плазмалық концентрацияға жетеді, содан кейін олар 13 сағатқа жуық жартылай шығарылу кезеңімен төмендейді. Препараттың жергілікті концентрациясының біршама жоғарылығына қарамастан, ауызды шайғанда бензидаминнің жүйелік сіңуі, пероральді қабылдаумен салыстырғанда, біршама төмен болады. Сіңуінің төмендігі осындай қабылдау жолында бензидаминнің жүйелік әсерлерінің потенциалды дамуын төмендетеді.

Таралуы

20%-дан азы плазма ақуыздарымен байланысады.

Биотрансформациясы

Бензидаминнің алғашқы метаболизмі тотығу, конъюгация және деалкилдену арқылы жүзеге асырылады.

Элиминациясы

Бензидамин көбіне несеппен бірге белсенді емес метаболиттер және конъюгацияланған қосылыстар түрінде экскрецияланады.

Фармакодинамикасы

Бензидамин гидрохлориді ауыруды басатын және қабынуға қарсы әсер береді, ол жүйелік немесе жергілікті әсер ету үшін қолданылуы мүмкін. Жасушалық жарғақшаны тұрақтандыру, қантамырлық өткізгіштікті төмендету жолымен және, төмен концентрацияларда, простагландиндер синтезін тежемей, әсер етуі мүмкін. Осындай әсер ету механизмдерінің нәтижесінде, әртүрлі себептерден тіндердің зақымдануы салдарынан пайда болған жергілікті жедел қабыну үдерісінде (алғашқы) бензидамин гидрохлориді қабынуға қарсы, ісінуге қарсы және ауыруды басатын әсер танытады.

Кешенді ем құрамында:

- гингивитте, стоматитте, фарингитте, тонзиллитте және ауыз қуысы және жұтқыншақтың шырышты қабаты қабынатын және ауыратын афтозды зақымдануларда;

- жұтынуды жеңілдету және қызылиектердің зақымдану симптомдарын жою үшін;

- периодонтальді араласымдардан кейін.

Тамақты немесе ауыз қуысын шаю үшін тағайындайды, 15 мл препараттан (өлшеуіш стакан қасына салынады) күніне 2-3 рет пайдаланады.

Сұйылтылмаған ерітінді қабыну үдерістерінде шаю үшін пайдаланылады.

Сұйылтылған ерітіндіні (15 мл препаратты және 15 мл суды өлшеуіш стаканда араластыру керек) күн сайын ауызды және тамақты гигиеналық шаю үшін пайдалану керек.

Емдеу курсы:

- ауыз қуысының және ЛОР-ағзалардың (этиологиясы әртүрлі) қабыну ауруларында – 4-тен 15 күнге дейін,

- одонто-стоматологиялық патологияларда – 6-дан 25 күнге дейін,

- операциялық араласымнан және жарақаттардан кейін (тонзилэктомия, жақтың сынуы) – 4-тен 7 күнге дейін.

Препаратты ұзақ қолданған жағдайда дәрігердің кеңесі қажет.

Клиникалық зерттеулерде жағымсыз реакциялар 4.5% жиілікпен дамыды.

Көрініс беру жиілігіне сәйкес жағымсыз реакциялар өте жиі (>1/10), жиі (>1/100, <1/10), жиі емес (>1/1000, <1/100), сирек (≥1/10, 000 және <1/1000), өте сирек (<1/10, 000), белгісіз (˃10, 000) деп белгіленеді.

Иммундық жүйесі тарапынан:

Өте сирек: аса жоғары сезімталдық реакциялары (осы реакциялар тітіркену, бөртпе, есекжем, фотодерматит және, кейбір жағдайларда, ларингоспазм және бронхоспазм түрінде көрініс береді).

Метаболизмінің бұзылулары және тамақтанудың бұзылыстары:

Жиі емес: тәбеттің жоғаруы

Жүйке жүйесі тарапынан:

Жиі емес: бас айналу, дәмнің бұзылуы

Сирек: ұйқының бұзылыстары.

Асқазан-ішек жолы тарапынан:

Жиі емес: жүректің айнуы, құсу, дәмнің бұзылуы, ауыздың кеберсуі немесе гиперсаливация.

Жалпы бұзылулар:

Жиі емес: өткінші сезімталдық, тілдің және ауыздың күйдіруі және шаншуы (осы құбылыстар әдетте ерітіндіні сұйылтқанда азаяды).

- бензидаминге немесе препараттың кез келген компонентіне жоғары сезімталдық;

- 18 жасқа дейінгі балалар мен жасөспірімдер;

- жүктілік;

- лактация.

Танфлекс препаратының басқа дәрілік заттармен клиникалық тұрғыдан өзара әрекеттесулері анықталған жоқ.

Пациенттердің ерекше топтарында басқа препараттармен өзара әрекеттесулеріне арнайы зерттеулер жүргізілген жоқ.

Көзге тигізіп алуға жол бермеу қажет.

Ұзақ уақыт қолданғанда сезімталдық жоғарылауы мүмкін; осындай жағдайда емдеуді тоқтатқан және дәрігерді хабардар еткен жөн. Пациенттердің аздаған бөлігінде ауыз қуысының және жұтқыншақтың ойық жаралы зақымданулары өте ауыр патологиясыз симптомдар болуы мүмкін. Демек, симптомдар 3 күннен көбірек сақталса, пациент мұны өз дәрігеріне мәлімдеуі қажет.

Ацетилсалицил қышқылына немесе басқа да ҚҚСП-ке аса жоғары сезімталдығы бар пациенттерге бензидаминді қолдану ұсынылмайды. Танфлексті анамнезінде бронх демікпесі бар пациенттерде сақтықпен қолданған жөн. Осы пациенттерде бронхтың түйілуі дамуы мүмкін.

Спортшыларда қолданылуы

Құрамында этил спирті бар препаратты қолдану спорттың кейбір түрлері үшін мәлімделген, рұқсат етілген нормалардан асып кететін оң допинг-тестіге әкелуі мүмкін.

Танфлекс препаратының құрамындағы метилпарабен (Е218) аллергиялық реакцияларға (мүмкін баяу) себеп бола алады.

Танфлекстің әрбір дозасында қолданған кезде тиісінше қауіп туындатпайтын 1 ммольден азырақ (23 мг) натрий бар.

Клиникаға дейінгі қауіпсіздігі жөніндегі деректер

Бензидаминнің потенциалды уыттылығы төмен және елеулі гистопатологиялық өзгерулер бермейді. LD50 және емдік дозаны бір реттік қабылдау арасындағы қауіпсіз ауқым 1000:1 құрайды.

Бензидамин асқазан-ішек жолына ықпалын тигізбейді. Тератогендік әсері жоқ және эмбрионның қалыпты дамуына ықпалын тигізбейді.

Фертильділік

Препараттың ұрпақ өрбіте алатын жастағы әйелдерге ықпалы байқалған жоқ. Контрацепциялық заттармен өзара әрекеттесулері білінген жоқ. Сондықтан препараттың адамның фертильділігіне ықпалы белгісіз.

Жүктілік

Жүкті әйелдерге зерттеулер жүргізілмегендіктен, препаратты жүкті әйелдерге қолданбаған жөн. Жануарларға жүргізілген зерттеулер буаздығына, эмбрион/ұрығының дамуына, туу қызметіне және постнатальді дамуға ықпалын анықтау үшін жеткіліксіз болып табылады.

Лактация

Лактациядағы әйелдерге зерттеулер жүргізілмегендіктен, препаратты лактация кезінде қолданбаған жөн.

Көлік құралын немесе қауіптілігі зор механизмдерді басқару қабілетіне дәрілік заттың ықпал ету ерекшеліктері

Препарат автокөлікті басқару қабілетіне және жоғары зейінділікті қажет ететін өзге қызметтерге ықпалын тигізбейді.

Сирек жағдайларда бензидамин 100 еседен асатын дозада болатын құрамында 3 мг 3 пастилканы пероральді қолданудан кейін балаларда құрысулар, тершеңдік, атаксия, тремор және құсу байқалады; жедел уланған кезде тек симптоматикалық ем қолданылуы мүмкін; асқазанды құсу рефлексін индукциялау жолымен және лаваж жолымен босатқан жөн. Пациент мұқият бақылауда болуы және демеуші ем қабылдауы тиіс. Гидратацияның адекватты деңгейін сақтау қажет.

Шығарылу түрі және қаптамасы

Қоңыр шыны құтыларға препарат 120 мл-ден құйылған. Құты өлшеуіш стаканмен және медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапқа салынған.

3 жыл

Жарамдылық мерзімі өткеннен кейін пайдалануға болмайды

Құрғақ, жарықтан қорғалған жерде, 25°С-ден аспайтын температурада сақтау керек.

Рецептісіз

Өндіруші

«ABDI IBRAHIM» Стамбул, Түркия

«ABDI IBRAHIM» Стамбул, Түркия

Қазақстан Республикасы аумағында тұтынушылардан дәрілік заттың сапасы жөніндегі шағымдарды қабылдайтын және тіркеуден кейін дәрілік заттың қауіпсіздігін бақылауға жауапты ұйымның мекенжайы «Абди Ибрахим Глобал Фарм» ЖШС, Қазақстан Республикасы, Алматы обл. , Іле ауд., Өндірістік аймақ 282, тел.: +7 (727) 232-44-85,

электронды пошта: info@aigp.kz