ТАНАФИЛ-20 (Тадалафил)

Танафил-10, Танафил-20

Тадалафил

Дәрілік түрі, дозасы

Үлбірлі қабықпен қапталған таблеткалар, 10 мг және 20 мг

Несеп-жыныс жүйесі және жыныс гормондары. Урологиялық препараттар. Басқа урологиялық препараттар. Эректильді дисфункция кезінде қолданылатын препараттар. Тадалафил.

АТХ коды G04BE08

- ер жынысты ересек пациенттердегі эректильді дисфункцияны емдеу үшін. Эректильді дисфункцияны емдеуде тадалафилдің әсері білінуі үшін сексуалдық стимуляция қажет.

Қолданудың басталуына дейін қажетті мәліметтер тізбесі

- белсенді затқа немесе қосымша заттардың кез келгеніне аса жоғары сезімталдық

- соңғы 90 күн ішінде миокард инфарктісі болған пациенттерге

- тұрақсыз стенокардиясы немесе жыныстық қатынас кезінде туындайтын стенокардиясы бар пациенттерге

- соңғы 6 ай ішінде дамыған, Нью-Йорк кардиология қауымдастығының (New York Heart Association) жіктемесі бойынша жүректің 2-класты жеткіліксіздігі бар пациенттерге

- бақыланбайтын аритмиясы, артериялық гипотензиясы (<90/50 мм сын.бағ.) немесе бақыланбайтын артериялық гипертензиясы бар пациенттерге

- соңғы 6 ай ішінде инсульт алған пациенттер

- артерииттік емес алдыңғы ишемиялық оптикалық невропатияның (АЕАИОН) салдарынан бір көздің көрмей қалуы, бұл эпизод ФДЭ5 тежегішінің алдыңғы әсерімен байланысты болған-болмағандығына қарамастан.

- тадалафилді қоса, ФДЭ5 тежегіштерін риоцигуат сияқты гуанилатциклаза стимуляторларымен бір мезгілде қолдануға болмайды, өйткені бұл симптоматикалық гипотензияның дамуына алып келуі мүмкін

- тұқым қуалайтын галактоза жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы бар адамдарға

- әйелдерде қолдану

- балалар мен 18 жасқа дейінгі жасөспірімдерге

Қолдану кезіндегі қажетті сақтандыру шаралары

Танафил препаратымен емдеуге дейін

Емдеу басталғанға дейін эректильді дисфункцияны диагностикалау және осы жағдайдың пайда болуының ықтимал себептерін анықтау үшін ауру тарихын зерделеу және пациентке физикалық тексеріс жүргізу қажет.

Эректильді дисфункцияны емдеуді бастағанға дейін дәрігерлер жыныстық белсенділікке байланысты жүрек-қантамыр патологиясының даму қаупі дәрежесінің болуына байланысты өз пациенттерінің жүрек-қантамыр жүйесінің жағдайын ескеруі тиіс. Тадалафил қан қысымының аздаған және уақытша төмендеуіне алып келетін вазодилаторлық қасиеттерге ие және осылайша нитраттардың гипотензиялық әсеріне ықпал етеді.

Эректильді дисфункцияны бағалау кезінде негізгі ықтимал себептерін анықтау және тиісті медициналық қорытынды шығарылғаннан кейін тиісті емдеуді сәйкестендіру керек.

Тадалафил жамбас аймағында операция жасалған немесе жүйке ұштарының сезімталдығын сақтамай қосалқы простатэктомия жасалған пациенттер үшін тиімді ме, жоқ па белгісіз.

Жүрек-қантамыр жеткіліксіздігі

Миокард инфарктісін, кенеттен жүректен өлуді, тұрақсыз стенокардияны, қарыншалық аритмияны, инсультті, транзиторлық ишемиялық шабуылдарды, кеудедегі ауырсынуды, жүрек қағуы мен тахикардияны қамтитын күрделі жүрек-қантамыр құбылыстары тіркеуден кейінгі және клиникалық сынақтарда хабарланды. Бұрын осы құбылыстар байқалған пациенттердің көпшілігінде жүрек-қантамыр ауруларының даму қаупі факторлары байқалған. Дегенмен, бұл құбылыстар осы қауіп факторларымен, тадалафилді қабылдаумен, сексуалдық белсенділікпен немесе осы немесе басқа факторлардың бірігуімен тікелей байланысты-байланыссыз екендігін дәл анықтау мүмкін емес.

Гипертензияға қарсы дәрілік заттарды бір мезгілде қабылдап жүрген пациенттерде тадалафилді қолдану артериялық қысымның төмендеуіне алып келуі мүмкін. Тадалафилді күнделікті қабылдауды тағайындаған жағдайда гипертензияға қарсы препараттардың дозасын түзету мүмкіндігін бағалау мақсатында клиникалық жағдайды қарастыру қажет.

Альфа1 адреноблокаторларды қабылдаған пациенттерде тадалафилді бір мезгілде қолдану олардың кейбіреулерінде симптоматикалық гипотензияға алып келуі мүмкін болды. Тадалафил мен доксазозин біріктірілімін қолдану ұсынылмайды.

Көру мүшелері

Тадалафилді және ФДЭ5 басқа тежегіштерін қолданғанда көрудің бұзылулары және артериитпен байланыссыз алдыңғы ишемиялық оптикалық невропатия (АЕАИОН) дамыған жағдайлар байқалды. Бақылау зерттеулерінің тіркелген деректерін талдау тадалафилдің немесе ФДЭ5 басқа тежегіштерінің әсерінен кейін эректильді дисфункциясы бар ерлерде жедел АЕАИОН дамуы қаупінің жоғарылағанын айғақтап отыр. Бұл тадалафилдің әсеріне ұшыраған барлық пациенттерге қатысты болғандықтан, пациентке кенеттен көрмей қалған жағдайда, тадалафилді қабылдауды тоқтатуы және дереу дәрігерге жүгінуі тиіс екенін айту керек.

Естудің нашарлауы немесе кенеттен естімей қалу

Тадалафилді қолданғаннан кейін кенеттен естімей қалу жағдайлары хабарланды. Кейбір жағдайларда басқа қауіп факторлары (мысалы, жас шамасы, қант диабеті, артериялық гипертензия және бұрын анамнезде болған естімей қалу) болса да, пациенттерге тадалафилді қабылдауды тоқтатуды және естудің кенеттен нашарлауы немесе естімей қалу жағдайында дереу медициналық көмекке жүгінуді ұсыну керек.

Бүйрек және бауыр жеткіліксіздігі

Тадалафилдің (AUC) әсері жоғарылығын, клиникалық тәжірибеніңн шектеулілігін және диализ арқылы клиренске әсер ету мүмкін еместігін ескере отырып, бүйректің ауыр жеткіліксіздігі бар пациенттерге тадалафилді тәулігіне бір рет қабылдау ұсынылмайды.

Бауырдың ауыр жеткіліксіздігі бар (Чайлд-Пью жіктемесі бойынша С класы) пациенттерде тадалафилді бір рет қабылдау қауіпсіздігі жөніндегі клиникалық деректер шектеулі. Препаратты тәулігіне бір рет қолдану бауыр жеткіліксіздігі бар пациенттерде бағаланбаған. Тадалафилді тағайындаған жағдайда емдеуші дәрігер пайдасы мен қаупінің арақатынасын жекелей мұқият бағалауға сүйенуі тиіс.

Приапизм және жыныс мүшесінің анатомиялық деформациясы

Пациенттер 4 сағат және одан да ұзаққа созылатын эрекция туындаған жағдайда дереу медициналық көмекке жүгіну қажеттілігі туралы хабардар етілуі тиіс. Приапизмді дер кезінде емдемеу жыныс мүшесі тіндерінің зақымдануына алып келеді, соның нәтижесінде потенцияның ұзақ мерзімге жоғалуы басталуы мүмкін.

Тадалафилді жыныс мүшесінің анатомиялық деформациясы бар пациенттерде (мысалы, ангуляция, кавернозды фиброз немесе Пейрони ауруы) немесе олардың приапизмге бейімділігін негіздейтін жағдайлары бар пациенттерде (мысалы, орақ-жасушалы анемия, көптеген миелома немесе лейкоз) сақтықпен қолдану керек.

CYP3A4 тежегіштерімен қолдану

CYP3A4 күшті тежегіштерімен (ритонавир, саквинавир, кетоконазол, итраконазол және эритромицин) біріктірілген ем кезінде тадалафил әсерінің артуы (AUC) байқалғандығына байланысты, аталған препараттарды қабылдап жүрген пациенттерге тадалафилді тағайындағанда сақ болу керек.

Тадалафил және эректильді дисфункцияны емдеудің басқа түрлері

Тадалафилді басқа ФДЭ5 тежегіштерімен немесе эректильді дисфункцияны емдеудің басқа түрлерімен біріктірудің қауіпсіздігі мен тиімділігі зерттелген жоқ. Пациенттер осындай біріктірілімдерде тадалафилді қабылдауға жол берілмейтіндігі туралы хабардар болуы тиіс.

Лактоза

Препараттың құрамында лактоза бар, соған байланысты, сирек тұқым қуалайтын галактоза жақпаушылығы аурулары, Lapp-лактаза тапшылығы немесе глюкоза-галактоза мальабсорбциясы бар пациенттер бұл препаратты қабылдамауы тиіс.

Басқа дәрілік препараттармен өзара әрекеттесуі

Төменде көрсетілгендей 10 мг және/немесе 20 мг дозадағы тадалафилдің өзара әрекеттесулеріне зерттеулер жүргізілді. Тек 10 мг тадалафил дозасы пайдаланылған өзара әрекеттесудің осы зерттеулеріне келетін болсақ, анағұрлым жоғары дозаларды қабылдағанда клиникалық мәнді өзара әрекеттесулер толығымен жоққа шығарылмайды.

Басқа заттардың тадалафилге әсері

Р450 цитохромының тежегіштері

Тадалафил негізінен СYР3А4 ферментінің қатысуымен метаболизденеді. Селективті CYP3A4 тежегішін, кетоконазолды (күніне 200 мг) қабылдау тадалафилдің (AUC) (10 мг) әсерін тадалафилмен монотерапия кезіндегі AUC және Cmax осындай көрсеткіштерімен салыстырғанда 2 есе және Cmax 15% ұлғайтады. Кетоконазолды (күніне 400 мг) қабылдау тадалафилдің (20 мг) әсерін (AUC) 4 есе және Cmax 22% ұлғайтады. CYP3A4, CYP2C9, CYP2C19 және CYP2D6 тежегіші болып табылатын ритонавир, протеаза тежегіші (күніне екі рет 200 мг) тадалафилдің (20 мг) әсерін Cmax өзгертпестен 2 есе ұлғайтады. Спецификалық өзара әрекеттесулер зерттелмегенімен, саквинавир сияқты протеазаның басқа тежегіштерін, сондай-ақ эритромицин, кларитромицин, итраконазол және грейпфрут шырыны сияқты CYP3A4 басқа тежегіштерін бір мезгілде сақтықпен қабылдау керек, өйткені плазмадағы тадалафил концентрациясының артуын күтуге болады. Демек, жағымсыз реакциялардың жиілігі артуы мүмкін.

Тасымалдаушылар

Тадалафил фармакокинетикасындағы транспортер ақуыздардың (мысалы, p-гликопротеин) маңызы белгісіз. Осылайша, тасымалдаушыларды тежеу арқылы, дәрілермен өзара әрекеттесуі ықтимал.

P450 цитохромының индукторлары

CYP3А4 индукторы, рифампин, тадалафилдің AUC-ін тадалафилмен монотерапия шамаларының AUC (10 мг) қатысты 88% төмендетеді. Препарат әсерінің төмендеуі тадалафилдің тиімділігін төмендетуі мүмкін.

Тиімділіктің төмендеу шамасы белгісіз. Фенобарбитал, фенитоин және карбамазепин сияқты CYP3А4 басқа индукторларын қолдану плазмадағы тадалафил концентрациясының төмендеуіне алып келуі мүмкін.

Тадалафилдің басқа дәрілік заттарға әсері

Нитраттар

Нитраттардың гипотензиялық әсерінің жоғарылауы белгілі. Осылайша, органикалық нитраттың кез-келген түрін қолданатын пациенттерге тадалафилді қабылдауға болмайды. Егер пациентке тадалафилдің қандай-да бір дозасы тағайындалса, өмірге қауіп төндіретін жағдайда медициналық тұрғыдан нитратты қабылдау қажет болғанда, тадалафилдің соңғы дозасынан кейін нитратты қабылдағанға дейін кемінде 48 сағат өтуі тиіс. Мұндай жағдайларда нитраттарды тиісті гемодинамикалық мониторинг кезінде дәрігердің мұқият бақылауымен ғана қабылдау керек.

Гипертензияға қарсы дәрілер (кальций өзекшелерінің блокаторларын қоса) Доксазозин (тәулігіне 4 және 8 мг) мен тадалафилді (тәуліктік дозасы 5 мг және бір реттік дозасы 20 мг) бір мезгілде қабылдау осы альфа-блокатордың артериялық қысымды төмендету әсерін едәуір жоғарылатады. Бұл әсер кем дегенде он екі сағатқа созылады және естен тануды қоса, түрлі симптомдармен көрініс беруі мүмкін. Сондықтан бұл біріктірілім ұсынылмайды.

Алайда бұл әсерлер альфузозин немесе тамсулозинді қабылдаған кезде байқалмады. Альфа-блокаторларды қабылдаған пациенттерге, әсіресе егде жастағы пациенттерге тадалафилді сақтықпен қабылдау керек. Емді ең төменгі дозадан бастау және біртіндеп түзету керек.

Риоцигуат

ФДЭ5 тежегіштері мен риоцигуатты біріктіріп қабылдағанда артериялық қысымның аддитивті жүйелі төмендеуі туралы белгілі. Риоцигуаттың ФДЭ5 тежегіштерінің гипотензиялық әсерін күшейткені байқалды. Риоцигуатты тадалафилді қоса, ФДЭ5 тежегіштерімен бір мезгілде қолдануға болмайды.

5-альфа-редуктаза тежегіштері

Тадалафилді 5-альфа-редуктаза тежегіштерімен бір мезгілде қолдануды сақтықпен пайдалану керек.

CYP1A2 субстраттары (мысалы, теофиллин)

Тадалафил 10 мг және теофилинді (фосфодиэстеразаның селективті емес тежегіші) бір мезгілде қабылдағанда фармакокинетикалық өзара әрекеттесу анықталған жоқ. Жалғыз фармакодинамикалық әсері жүректің жиырылу жиілігінің аздап артуы (минутына 3,5 соғу) болды. Осы құбылыстың елеусіз сипатына қарамастан, бұл әсерді осы дәрілік препараттарды бір мезгілде тағайындағанда ескеру керек.

Этинилэстрадиол және тербуталин

Тадалафил пероральді қолданғанда этинилэстрадиолдың биожетімділігін ұлғайтты; клиникалық салдары дәл анықталмаса да, тербуталинді пероральді қабылдағанда осындай жоғарылауды күтуге болады.

Алкоголь

Тадалафил (10 мг немесе 20 мг) бірге қабылдағанда алкоголь концентрациясына (қандағы ең жоғары орташа концентрациясы 0,08%) әсер етпеді. Сонымен қатар, алкогольмен қабылдағаннан кейін 3 сағаттан соң тадалафил концентрациясында өзгерістер анықталған жоқ. Алкогольді алкоголь абсорбциясының жылдамдығын барынша арттыру (алкогольді ішкеннен кейін 2 сағат ішінде түнде аш қарынға) үшін қабылданды. Тадалафилді (20 мг) қабылдау алкогольден туындаған артериялық қысымның (0.7 г/кг немесе дене салмағы 80 кг еркектерде шамамен 180 мл 40% спирт [арақ]) орташа шамасының төмендеуін арттырмады, бірақ кейбір пациенттерде постуральді бас айналу және ортостатикалық гипотензия байқалды. Тадалафилді алкогольдің анағұрлым төмен дозаларымен (0.6 г/кг) біріктіріп қабылдағанда артериялық гипотензия байқалмады, ал бас айналуы тек алкогольді қабылдағандағыдай жиілікпен байқалды. Тадалафилді (10 мг) қабылдау алкогольдің когнитивті функцияларға әсерін күшейтпеді.

Тадалафил CYP450 изоформаларымен метаболизденетін дәрілік заттардың клиникалық маңызды бәсеңдеуін немесе клиренсінің индукциясын туындатпайды. Зерттеулер тадалафил CYP3A4, CYP1A2, CYP2D6, CYP2E1, CYP2C9 және CYP2C19 қоса, CYP450 изоформаларын тежемейтінін немесе индукцияламайтынын растады.

CYP2C9 субстраттары (мысалы, R-варфарин)

Тадалафил (10 мг және 20 мг) S-варфарин немесе R-варфарин (CYP2C9 субстраты) экспозициясына (AUC) клиникалық маңызды әсер етпеді, сондай-ақ тадалафил варфарин тудыратын протромбиндік уақыттың өзгеруіне әсер етпеді.

Аспирин

Тадалафил (10 мг және 20 мг) ацетилсалицил қышқылынан туындаған қан кету уақытының ұзаруын күшейтпеді.

Диабетке қарсы дәрілер

Диабетке қарсы препараттармен спецификалық өзара әрекеттесуін зерттеулер жүргізілген жоқ.

Арнайы сақтандырулар

Жүктілік немесе лактация кезінде

Тадалафил әйелдерде қолдануға арналмаған.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Тадалафил автомобильді басқару немесе басқа механизмдерді пайдалану қабілетіне болар-болмас әсер етеді. Клиникалық зерттеулерде плацебо және тадалафилді қабылдау топтарындағы бас айналуы туралы хабарлардың жиілігі ұқсас болғанмен, көлік жүргізудің немесе механизмдерді пайдаланудың алдында пациенттер өздерінің тадалафилге қандай реакция танытатынын білуі керек.

Қолдану жөніндегі нұсқаулар

Дозалану режимі

Әдеттегі ұсынылған доза ас ішуге байланыссыз, болжамды жыныстық белсенділік алдында 10 мг құрайды. Тадалафилді 10 мг дозада қабылдау қажетті әсер бермейтін пациенттерде 20 мг дозада қабылдауды байқап көру керек. Препаратты жыныстық белсенділіктен кемінде 30 минут бұрын қабылдау керек.

Ең жоғары дозасының жиілігі – тәулігіне бір рет.

Тадалафилді жиі қолдануды (яғни аптасына кемінде екі рет) жоспарлаған пациенттер үшін тадалафилдің ең төмен дозаларында бір реттік тәуліктік дозалау режимі пациенттің таңдауының және дәрігердің қорытындысының негізінде қарастырылуы мүмкін.

Егде жастағы пациенттер

Егде жастағы пациенттерде дозаны түзету қажет емес.

Бүйрек жеткіліксіздігі бар ерлер

Бүйректің жеңіл және орташа жеткіліксіздігі бар пациенттерде дозасын түзету қажет емес. Бүйрек ауыр жеткіліксіздігі бар пациенттерде ұсынылатын ең жоғары дозасы 10 мг құрайды. Тадалафилдің бір реттік дозасы бүйректің ауыр жеткіліксіздігі бар пациенттерге ұсынылмайды.

Бауыр жеткіліксіздігі бар ерлер

Осы препаратты тағайындаған жағдайда емдеуші дәрігер пайда мен қауіп арақатынасын мұқият жекелей бағалауға сүйенуі тиіс.

Қант диабеті бар ерлер

Қант диабеті бар пациенттерде дозаны түзету қажет емес.

Енгізу әдісі және жолы

Ішке қабылдауға арналған.

Артық дозалану жағдайында қабылдау қажет болатын шаралар

Артық дозалану жағдайларында, егер бұл қажет болса, стандартты демеуші шараларды қабылдау керек. Гемодиализ тадалафилдің элиминациясына болар-болмас әсер етеді.

Дәрілік препаратты қолдану тәсілін түсіну үшін медицина қызметкерінің кеңесіне жүгіну жөніндегі нұсқаулар

Сізде осы дәрілік препаратты қолдану жөнінде қандай-да бір қосымша сұрақтар туындаған жағдайда, өз дәрігеріңізге жүгініңіз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек болатын шаралар

Жиі

- бас ауыруы

- қан тебулер

- мұрынның бітелуі

- диспепсия

- арқаның ауыруы, миалгия, қол-аяқтың ауыруы

Жиі емес

- аса жоғары сезімталдық реакциялары

- бас айналуы

- анық көрмеу, көздің ауыруы ретінде сипатталған сезімдер

- құлақтағы шу

- тахикардия, жиі жүрек қағуы

- артериялық гипотензия, артериялық гипертензия

- ентігу, мұрыннан қан кету

- іш ауыруы, құсу, жүрек айнуы, гастроэзофагеальді рефлюкс

- бөртпе

- гематурия

- ұзақ эрекция

- кеуденің ауыруы, шеткері ісіну, шаршау

Сирек

- ангионевроздық ісіну

- инсульт (оның ішінде геморрагиялық оқиғалар), естен тану, транзиторлық ишемиялық шабуылдар, бас сақинасы, құрысулар, транзиторлық амнезия

- көру аясының бұзылуы, қабақтың ісігі, конъюнктива гиперемиясы

- артериитпен байланыссыз алдыңғы ишемиялық оптикалық нейропатия (АЕАИОН), торқабық тамырларының окклюзиясы

- кенеттен естімей қалу

- миокард инфарктісі, тұрақсыз стенокардия, қарыншалық аритмия

- есекжем, Стивенс-Джонсон синдромы, эксфолиативтік дерматит, гипергидроз (қатты тершеңдік)

- приапизм, жыныс мүшесінен қан кету, гемоспермия

- беттің ісінуі, кенеттен жүрек ауруынан болатын өлім

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

«Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

белсенді зат-тадалафил 10,00 мг және 20,00 мг

қосымша заттар: микрокристалды целлюлоза (РН 101), лактоза моногидраты, натрий кроскармеллозасы, гидроксипропилцеллюлоза, 2-пропанол*, дихлорметан*, микрокристалды целлюлоза (РН 102), натрий лаурилсульфаты, магний стеараты

қабығы: Опадри® сары 03F520550# (10 мг доза үшін), Опадри® көгілдір 03F505180## (20 мг доза үшін), 2-пропанол*, дихлорметан*

# Құрамы: гипромеллоза, титанның қостотығы (Е171), полиэтиленгликоль/макрогол, индигокармин негізіндегі алюминий лагы (Е132)

## Құрамы: гипромеллоза, титанның қостотығы (E171), полиэтиленгликоль/макрогол, темірдің сары тотығы (E172)

* дайын өнімде болмайды

Сыртқы түрінің, иісінің, дәмінің сипаттамасы

Ромб пішінді, екі беті дөңес, екі жағы тегіс, сары түсті үлбірлі қабықпен қапталған таблеткалар (10 мг доза үшін).

Ромб пішінді, екі беті дөңес, екі жағы тегіс, көк түсті үлбірлі қабықпен қапталған таблеткалар (20 мг доза үшін).

Шығарылу түрі және қаптамасы

4 таблеткадан поливинилхлорид қабығы және алюминий фольгадан жасалған пішінді ұяшықты қаптамаға салынған.

Пішінді ұяшықты 1 қаптамадан медициналық қолдану жөніндегі қазақ және орыс тілдеріндегі нұсқаулықпен бірге картоннан жасалған қорапшаға салынады.

3 жыл.

Жарамдылық мерзімі өткеннен кейін қолдануға болмайды.

Құрғақ, жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек.

Рецепт арқылы.

Өндіруші туралы мәліметтер

Оксфорд Лабораториз Пвт. Лтд.

Сурвей № 256/1, Плот № Д-19, Д-20,

Вилладж Балда, Талука Парди, Дист. Валсад,

Гуджарат-396 125, Үндістан

Телефон: +91 22 267 33 640, факс: +91 22 267 33 641

Электронды пошта: contact@oxfordlab.com

Тіркеу куәлігінің ұстаушысы

«CORAL-MED KAZAKHSTAN» ЖШС

2 шағын ауданы, 28А үй, 401,402,408 кеңсе

Алматы, Казақстан

Телефон: +7 727-24-50-57

Электронды пошта: coralmedkz@mail.ru

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

ConsultAsia ЖШС, Казақстан

050000, Алматы қ., Шевченко к-сі 165 Б, 204-206 кеңсе

Тел./факс: +7 727-379-42-58/+77051708825

Электронды пошта: pv@consultingasia.kz