Таксим®

• русский
• қазақша

• Скачать инструкцию медикамента

Саудалық атауы

Таксим®

Халықаралық патенттелмеген атауы

Цефотаксим

Дәрілік түрі

Инъекция үшін ерітінді дайындауға арналған 1 г ұнтақ

Құрамы

Бір құтының ішінде

белсенді зат –

цефотаксим натрийі түріндегі 1.0 г цефотаксим

Сипаттамасы

Ақ түстен ашық-сары түске дейінгі кристалды ұнтақ.

Фармакотерапиялық тобы

Бета-лактамдық басқа да антибиотиктер. ІІІ буын цефалоспориндері. Цефотаксим

АТХ коды J01DD01

Фармакологиялық қасиеттері

Фармакокинетикасы

Сіңуі: препаратты 1 г дозада көктамыр ішіне бір рет енгізгеннен кейін ең жоғары концентрацияға 5 минуттан соң жетеді және 100 мкг/мл құрайды. Препаратты 1 г дозада бұлшықет ішіне енгізгеннен кейін ең жоғары концентрацияға 5 минуттан соң жетеді және 21 мкг/мл құрайды.

Таралуы: қан плазмасы ақуыздарымен байланысуы 25-40% құрайды. Көптеген тіндерде (миокард, сүйек, өт қабы, тері, жұмсақ тіндер) және сұйықтықтарда (плевральді, перитонеальді, синовиальді, несеп, өт, жұлын сұйықтығы, қақырық) емдік концентрацияларда табылады. 14 тәулік бойы әрбір 6 сағат сайын 1 г дозада көктамыр ішіне қайталап енгізген кезде жиналып қалу байқалмайды. Цефотаксим емшек сүтімен бірге бөлініп шығады.

Шығарылуы: цефотаксимнің жартылай шығарылу кезеңі көктамыр ішіне енгізген кезде 1 сағатты құрайды және бұлшықет ішіне енгізген кезде 1-1,5 сағатты құрайды. Цефотаксим несеппен бірге шығарылады (60-70% өзгермеген күйінде, қалған бөлігі метаболиттер түрінде /бұған қоса дезацилденген туындылардың бактерицидтік белсенділігі бар, ал басқа метаболиттерде жоқ/).

Бүйрек қызметінің созылмалы жеткіліксіздігінде және егде жастағы емделушілерде жартылай шығарылу кезеңі 2 есе артады. Жаңа туған нәрестелерде жартылай шығарылу кезеңі 0,75 сағаттан 1,5 сағатқа дейінді құрайды, шала туған нәрестелерде 6,4 сағатқа дейін артады.

Фармакодинамикасы

Парентеральді түрде қолдануға арналған, ІІІ буын цефалоспориндері тобына жататын жартылай синтетикалық антибиотик. Бактерицидтік әсер етіп, бактериялардың жасушалық қабырғасын бұзады. Әсер ету ауқымы кең.

Таксим® грамоң және грамтеріс бактерияларға қатысты белсенділік ауқымы кең. Цефотаксимнің бактерицидтік белсенділігі жасушалық қабырға синтезінің тежелуімен жүзеге асады. Басқа антибиотиктерге төзімді грамтеріс штаммдарға қатысты белсенділігі жоғары: Proteus mirabilis, Proteus indole, Providencia, Klebsiella, Serratia, кейбір Pseudomonas штаммдары, Haemophilus influenzae. Стрептококктарға, пневмококктарға, стафилококктарға, менингококктарға, гонококктарға, бактероидтарға қатысты белсенділігі аз. Препарат көп жағдайларда грамоң және грамтеріс бактериялар бета-лактамазаларының (соның ішінде пенициллиназаға) әсеріне төзімді.

Қолданылуы

Препаратқа сезімтал микроорганизмдерден пайда болған ауыр жұқпалы-қабыну ауруларында:

• тыныс жолдарының жұқпаларында

• несеп шығару жолдарының жұқпаларында

• құлақ, тамақ, мұрын жұқпаларында

• бактериемияда

• эндокардитте

• жедел бактериялық менингитте

• сүйектер мен буындардың жұқпаларында

• тері мен жұмсақ тіндердің жұқпаларында

• құрсақ қуысының жұқпаларында

• созда және жыныстық жолмен жұғатын басқа да жұқпаларда.

Қолдану тәсілі және дозалары

Ересектерге және дене салмағы 50 кг және одан астам болатын балаларға асқынбаған жұқпаларда және несеп шығару жолдарының жұқпаларында көктамыр ішіне немесе бұлшықет ішіне әрбір 8-12 сағат сайын 1 г-нан тағайындайды. Ауырлығы орташа жұқпаларда көктамыр ішіне немесе бұлшықет ішіне әрбір 12 сағат сайын 1-2 г-нан тағайындайды. Ауыр жұқпаларда (соның ішінде менингитте) көктамыр ішіне әрбір 4-8 сағат сайын 2 г-нан тағайындайды. Ең жоғары бір реттік доза – 2 г; ең жоғары тәуліктік доза – 6 г. Емдеу курсы әдетте 7-10 күнді құрайды, бірақ көрсетілімдері бойынша 14 күнге дейін арттырылуы мүмкін.

Асқынбаған жедел созда бұлшықет ішіне бір рет 0,5-1 г тағайындайды.

Жұқпаның пайда болуының алдын алу мақсатында хирургиялық араласым алдында препаратты кіріспе наркоз кезінде бір рет 1 г дозада енгізеді. Қажет болған жағдайда енгізуді 6-12 сағаттан кейін қайталайды.

Кесарь тілігін жасаған кезде кіндік көктамырына қысқышты салған сәтте Таксимді ® көктамыр ішіне 1 г дозада енгізеді, содан кейін алғашқы дозадан 6 сағат және 12 сағат өткен соң дозаны 1 г-нан қайтадан енгізеді. Емдеу ұзақтығы жеке белгіленеді.

Ауыр жұқпаларда (соның ішінде менингитте) балаларға арналған тәуліктік дозасы көктамыр ішіне немесе бұлшықет ішіне 4-6 қабылданатын 100-200 мг/кг құрайды. Ең жоғары тәуліктік дозасы - 6 г. Минутына 10 мл-ге тең және одан аз креатинин клиренсі препараттың тәуліктік дозасын екі есе азайтады.

Креатинин клиренсін (КК) өлшеу мүмкін болмаған жағдайда, оны ересектерге арналған Кокрофт формуласын пайдалана отырып, сарысу креатинині деңгейі бойынша есептеуге болады:

еркектер:

дене салмағы (кг) х (140-жасы)

КК (мл/мин) = ------------------------------------------------ ,

72 х креатинин (мг%)

немесе

дене салмағы (кг) х (140-жасы)

КК (мл/мин) = ----------------------------------------------- ,

0,814 х креатинин (ммоль/л)

әйелдер: КК (мл/мин) = 0,85 х еркектердің көрсеткіші.

Гемодиализдегі емделушілер үшін, жұқпаның ауырлығына қарай тәулігіне 1-2 г тағайындайды. Диализ жүргізілетін күні препаратты емшара аяқталғаннан кейін енгізеді.

Препаратты дайындау және енгізу ережелері

Бұлшықетішілік инъекция үшін 1 г ұнтақты инъекцияға арналған 4 мл стерильді суда немесе 1% лидокаин ерітіндісінде ерітеді. Көктамыр ішіне құю үшін 0,5–1 г ұнтақты инъекцияға арналған 4 мл (10 мл-де тиісінше 2 г) стерильді суда ерітеді. 3-5 минут ішінде баяу енгізеді. Көктамыр ішіне тамшылатып құю үшін 1-2 г ұнтақты 50-100 мл натрий хлоридінің изотониялық ерітіндісінде немесе 5% глюкоза ерітіндісінде ерітеді. 50-60 минут бойы енгізеді.

Инъекцияға арналған құрғақ затты еріткенде және инъекцияға арналған ерітінділерді дайындау кезінде, әсіресе сұйылтылған препарат бірден енгізілмесе, асептикалық жағдаймен қамтамасыз ету қажет.

Жағымсыз әсерлері

• есекжем, ангионевротикалық ісіну, бронхтың түйілуі, температураның жоғарылауы

• ықтимал – жүректің айнуы, құсу, іштің ауыруы, диарея, бауыр ферменттері белсенділігінің және/немесе билирубиннің транзиторлы жоғарылауы, дисбактериоз

• жалған жарғақшалы колит

• қан плазмасында креатинин және несепте азот концентрацияларының жоғарылауы (әсіресе аминогликозидтермен біріктіріп қолданғанда); сирек – интерстициальді нефрит

• нейтропения болуы ықтимал; сирек – агранулоцитоз, эозинофилия, тромбоцитопения; жекелеген жағдайларда – гемолитикалық анемия, гипопротромбинемия

• энцефалопатия (препаратты, әсіресе бүйрек қызметінің жеткіліксіздігі бар науқастарда, жоғары дозаларда енгізгенде)

• бірен-саран жағдайларда – аритмиялар (орталық көктамырлық катетер арқылы болюсті түрде енгізгенде)

• асқынжұқпа

• сыпбөртпе, гиперемия

• инъекция жасаған жердің аурушаңдығы, флебит, гипертермия

Өте сирек

- анафилактикалық шок, мультиформалы эритема, Стивенс-Джонсон синдромы, уытты эпидермальді некролиз

Қолдануға болмайтын жағдайлар

• цефалоспориндерге, пенициллиндерге, карбапенемдерге жоғары сезімталдық

• гемолитикалық анемия

• лидокаинге немесе амид типті жергілікті басқа анестетикке жоғары сезімталдық

• жүктілік және лактация кезеңі

• ырғақ жетекшісі анықталмаған жүрекішілік блокадалары

• жүрек қызметінің ауыр жеткіліксіздігі

• 2.5 жасқа дейінгі балалар

• сыртартқысында қан кетулердің болуы

Дәрілермен өзара әрекеттесуі

Аминогликозидтермен, ванкомицинмен, рифампицинмен бір мезгілде қолданған кезде бактерияға қарсы әсерінің синергизмі байқалады. Фторхинолондармен және метронидазолмен (бірақ бір еккіште емес) бір мезгілде тағайындалуы мүмкін.

Таксимді® және нефроуытты препараттарды (аминогликозидтік антибиотиктерді, диуретиктерді) бір мезгілде қолданған кезде нефроуыттық әсері күшеюі мүмкін. Сондықтан осы препараттарды бір мезгілде қолданған кезде бүйрек қызметін бақылау қажет.

Таксимді® антиагреганттармен, қабынуға қарсы стероидты емес дәрілермен бір мезгілде тағайындаған кезде қан кету қаупі артады.

Өзекшелік секрецияны бөгейтін препараттарды Таксиммен® бірге қолданған кезде цефотаксимнің плазмалық концентрациясы артады.

Таксимді® этанолмен бір мезгілде қолданған кезде дисульфирамның әсеріне ұқсас әсерлер (беттің қызаруы, іштің түйіліп ауыруы, жүректің айнуы, құсу, бас ауыру, артериялық қысымның төмендеуі, тахикардия, ентігу) пайда болуы мүмкін.

Таксим® ерітіндісі бір еккіште немесе тамызғышта басқа антибиотиктердің ерітінділерімен үйлеспейді.

Айрықша нұсқаулар

Таксимді® тағайындар алдында, әсіресе аллергиялық диатезге, бета-лактамдық антибиотиктерге жоғары сезімталдық реакцияларының көрсетілімдеріне қатысты аллергологиялық сыртартқыны жинап алу қажет. Пенициллиндер мен цефалоспориндер арасында айқаспалы аллергия болатыны белгілі. Пенициллинге аллергиялық реакциялары бар екені сыртартқысында көрсетілген емделушілерге препаратты аса сақтықпен қолданады. Таксимді® цефалоспоринге дереу типтегі жоғары сезімталдық реакциясы сыртартқысында көрсетілген емделушілерге қатаң түрде қолдануға болмайды. Қандай да бір күдіктер туындаған жағдайда препаратты алғаш енгізген кезде, анафилактикалық реакциялардың пайда болуы мүмкін болғандықтан, дәрігердің болуы міндетті түрде.

Жоғары сезімталдық реакциялары пайда болған жағдайда (олар ауыр және тіпті өлімге әкеп соғуы мүмкін) препаратты қабылдауды тоқтатады.

Емдеудің алғашқы аптасында ауыр, ұзақ диареямен түрінде білінетін жалған жарғақшалы колит пайда болуы мүмкін. Диагноз колоноскопия және/немесе гистологиялық зерттеулер кезінде айғақталады. Аталған асқыну өте ауыр деп бағаланады; Таксимді дереу тоқтатады және талапқа сай ем тағайындайды (ванкомицинді немесе метронидазолды қолдануды қоса есептегенде).

Таксимді® және потенциалды нефроуыттық препараттарды (аминогликозидтік антибиотиктерді, диуретиктерді) бір мезгілде қолданған кезде бүйрек қызметін бақылау қажет (нефроуытты әсердің қауіптілігіне байланысты).

Емдеу кезеңінде жалғаноң Кумбс сынамасы пайда болуы мүмкін. Емдеу кезеңінде, өзіне тән ерекше емес реактивтерді қолданғанда жалғаноң нәтижелер пайда болуы мүмкін болғандықтан, қандағы қант деңгейін анықтаудың глюкоза-оксидазалық әдістерін қолдану ұсынылады. Препаратпен емдеу ұзақтығы 10 күннен астам болғанда шеткергі қан көрінісіне бақылау жасау қажет.

Дәрілік заттың көлік құралын және қауіпті механизмдерді басқару қабілетіне ықпал ету ерекшеліктері

Дәрілік препараттың жағымсыз әсерлерін ескеріп, көлік құралын немесе қауіпті механизмдерді басқарған кезде сақ болған жөн.

Артық дозалануы

Симптомдары: құрысулар, қайтымды энцефалопатияның пайда болуы (препаратты үлкен дозаларда енгізген кезде, әсіресе бүйрек қызметінің жеткіліксіздігінде), діріл, қатты қозғыштық.

Емдеу: қажет болғанда гемодиализ немесе перитонеальді диализ жүргізеді.

Шығарылу түрі және қаптамасы

Резеңке тығынмен тығындалған және алюминий қалпақшамен қаусырылған және қорғағыш пластмасса қалпақшамен жабылған шыны құтыда белсенді зат 1 г-нан.

1 құты медицинада қолданылуы жөнінде мемлекеттік және орыс тілдеріндегі нұсқаулықпен бірге картон қорапқа салынған.

Сақтау шарттары

Құрғақ, жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін пай далануға болмайды.

Дәріханадан босатылу шарттары

Рецепт арқылы

Өндірушінің атауы және мекенжайы

Alkem Laboratories Limited (Алкем Лабораториз Лимитед)

Alkem House «Devashish», Senapati Bapat Marg, Lower Parel, Mumbai – 400013, India

Тіркеу куәлігінің иесі

Alkem Laboratories Limited, Үндістан

Alkem House «Devashish», Senapati Bapat Marg, Lower Parel, Mumbai – 400013, India

Тұтынушылардан өнім (тауар) сапасы жөніндегі шағымдарды Қазақстан Республикасы аумағында қабылдайтын ұйымның мекенжайы

«Алкем Лабораториз Лимитед» өкілдігі

Алматы қ-сы, Мәметова к-сі 67

Телефон нөмірі (727) 266-39-90

Факс нөмірі (727) 266-39-90

Электрондық поштасы dubeysand@yahoo.com

 

 

7