Такзайро (Ланаделумаб)

Такзайро

Ланаделумаб

Дәрілік түрі, дозасы

Тері астына енгізуге арналған 2 мл ерітінді алдын ала толтырылған шприцте, 300 мг/2 мл (150 мг/мл)

Қан және қан түзу ағзалары. Басқа гематологиялық препараттар. Тұқым қуалайтын ангионевроздық ісіну кезінде қолданылатын препараттар. Ланаделумаб.

АТХ коды: B06AC05

Такзайро дәрілік препараты 12 және одан үлкен пациенттерде тұқым қуалайтын ангионевроздық ісінудің (ТҚАІ) қайталанатын ұстамаларының профилактикасы үшін қолданылады.

Такзайро препаратын енгізер алдында қолдану жөніндегі нұсқауларды оқып, түсініп, оны орындайтыныңызға көз жеткізіңіз. Егер сізде сұрақтар туындаса, дәрігермен байланысыңыз.

Мақсатты қолданылуы

Алдын ала толтырылған Такзайро шприці – белгіленген дозасы (300 мг/2 мл), қолдануға дайын, бір рет пайдаланылатын дәрілік препарат, инесі бар енгізуге арналған құрылғы дәрігерлердің, пациенттерге немесе пациенттердің өздеріне күтім жасайтын адамдардың дәрілік препаратты тері астына енгізуіне арналған.

• Такзайро дәрілік препаратын тоңазытқышта 2°C-ден 8°C-ге дейінгі температурада сақтау керек. Мұздатып қатыруға болмайды.

• Тоңазытқыштан алынған алдын ала толтырылған шприц 25°C-ден жоғары емес температурада сақталуы тиіс және 14 күн бойы, бірақ жарамдылық мерзімінен кешіктірмей пайдаланылуы тиіс.

• Бөлме температурасында сақтағаннан кейін Такзайро дәрілік препаратын одан әрі сақтау үшін тоңазытқышқа қайта қоюға болмайды.

• Алдын ала толтырылған шприцті жарықтан қорғау үшін Такзайро дәрілік препаратын түпнұсқалық картон қорапшада сақтаңыз.

• Такзайро дәрілік препаратын сілкімеңіз.

• Такзайро дәрілік препаратын және барлық басқа дәрілік препараттарды балалардың қолы жетпейтін жерде сақтау керек.

Алдын ала толтырылған Такзайро шприцінің пайдалану алдындағы бөліктері (А сурет).

1 КЕЗЕҢ: Енгізуге дайындық

a. Спиртке малынған тампонды, мақта шарды/дәке сүрткіні, жабысқақ бұласырды және пайдаланылған өткір заттарға арналған контейнерді алыңыз (В сурет) және таза, тегіс жерге жақсы жарықтандырылған жерге қойыңыз. Бұл заттар Такзайро дәрілік препаратының қаптамасына кірмейді.

b. Такзайро препаратын тоңазытқыштан алыңыз, картон қорапшаны ашып, алдын ала толтырылған Такзайро шприцін қорапшадан шығарып алыңыз.

• Егер қорғағыш үлбір ашылған немесе бұзылған болса, алдын ала толтырылған Такзайро шприцін пайдалануға болмайды.

• Енгізуге дайындау алдында бөлме температурасын алу үшін алдын ала толтырылған шприцті кем дегенде 15-30 минут бөлме температурасында қалдырыңыз.

• Препарат жоғары температураға сезімтал. Алдын ала толтырылған Такзайро шприцін қыздыру үшін ыстық су сияқты сыртқы жылу көздерін пайдалануға болмайды.

• Сізге енгізуге дайын болғанша иненің қалпақшасын алып тастауға болмайды.

c. Қолыңызды сабынды сумен жуыңыз. Қолыңызды толығымен құрғатыңыз (С сурет).

• Егер жарамдылық мерзімі өткен болса, алдын ала толтырылған Такзайро шприцін пайдалануға болмайды.

Е. Алдын ала толтырылған Такзайро шприцін кез келген зақымдануға қатысты тексеріңіз және дәрілік препараттың түсі түссізден ашық-сарыға дейін екеніне көз жеткізіңіз.

• Егер шприц зақымдалған болса, мысалы, шытынаған болса, дәрілік препаратты қолдануға болмайды.

• Егер дәрілік препараттың түсі өзгерсе, бұлыңғыр немесе үлпектері немесе бөлшектері болса, оны қолдануға болмайды; бұл туралы емдеуші дәрігерге хабарлаңыз.

• Алдын ала толтырылған Такзайро шприцінде ауа көпіршіктерін байқауыңыз мүмкін. Бұл қалыпты жағдай және дозаға әсер етпейді.

• Тері сау болып қалуы үшін енгізу орындарын ауыстыру маңызды. Әрбір жаңа енгізуді енгізудің соңғы орнынан кемінде 3 см ары орындау қажет.

• Тітіркенген, қызарған, көгерген немесе жараланған тері аумағына енгізуге болмайды.

• Енгізу үшін таңдалған аймақ кез-келген тыртықтан немесе кіндіктен кем дегенде 5 см ары болуы тиіс.

3 КЕЗЕҢ: Такзайро дәрілік препаратын енгізу

а. Алдын ала толтырылған Такзайро шприцін бір қолыңызға қалам сияқты қысыңыз. Инені ұстамаңыз немесе поршеньді баспаңыз (G сурет).

b. Екінші қолыңызбен тазартылған енгізу орнында 3 см өлшемді терінің қатпарын абайлап қысыңыз.

Б. Бір жылдам, қысқа қимылмен инені теріге енгізіңіз. Иненің қозғалмағанына көз жеткізіңіз (H үлгісі)

d. Барлық сұйықтық енгізілгенге дейін және шприц бос болғанша поршеньді баяу басыңыз, содан кейін теріні ақырын босатыңыз.

e. Шприцті тура сол бұрышта ұстап тұрып, инені баяу шығарыңыз (I сурет).

f. Қажет болса, енгізу орнында мақта шарды немесе дәке сүрткіні қысып тұрып, 10 секунд ұстаңыз.

• Енгізу орнын сүртуге болмайды. Аздап қан кетуі мүмкін. Бұл қалыпты жағдай.

• Қажет болса, енгізу орнын жабысқақ бұласырмен жабыңыз.

g. Пайдаланылған Такзайро шприцін тастаңыз.

• Инені ұстауға болмайды.

• Инеден жараланбау үшін инені қалпақшамен қайта жабуға тыйым салынады.

• Пайдаланылған Такзайро шприцтерін пайдаланғаннан кейін бірден пайдаланылған өткір заттарға арналған контейнерге салыңыз.

• Такзайро шприцін және инъекция жүргізуге арналған кез-келген затты қайта пайдалануға тыйым салынады.

Маңызды: пайдаланылған өткір заттарға арналған контейнерді балалардың қолы жетпейтін жерде сақтау керек.

Егер сіз Такзайро дәрілік препаратының тым көп мөлшерін енгізген болсаңыз, емдеуші дәрігерге, дәріхана қызметкеріне немесе медицина қызметкеріне хабарлаңыз.

Егер сіз Такзайро дәрілік препаратының дозасын өткізіп алған болсаңыз, дозаны мүмкіндігінше ертерек енгізіңіз, бірақ енгізулер арасында кемінде 10 күндік аралық болуы тиіс. Егер өткізіп алған дозадан кейін Такзайро дәрілік препаратын қашан енгізу қажет екеніне сенімді болмасаңыз, емдеуші дәрігерге, дәріхана қызметкеріне немесе мейірбикеге жүгініңіз.

Тоқтату симптомдары қаупінің болуына нұсқау

Егер сіз өзіңізді жақсы сезінсеңіз де, емдеуші дәрігердің нұсқауларына сәйкес Такзайро препаратын енгізуді жалғастыру маңызды.

Егер сізде осы препаратты қолдану бойынша қандай да бір сұрақтар туындаса, емдеуші дәрігерге, дәріхана қызметкеріне немесе мейірбикеге хабарласыңыз.

Барлық дәрілік препараттар сияқты, бұл препарат жағымсыз реакцияларды тудыруы мүмкін, бірақ олар барлығында бола бермейді.

Егер Сізде Такзайро дәрілік препаратына бөртпе, кеуденің қысылуы, ысқырықты тыныс алу немесе жүрек қағудың жиілеуі сияқты симптомдары бар ауыр аллергиялық реакция туындаған болса, емдеуші дәрігерге, дәріхана қызметкеріне немесе мейіргерге дереу хабарлаңыз.

Егер сіз келесі жағымсыз реакциялардың кез келгенін байқасаңыз, емдеуші дәрігерге, дәріхана қызметкеріне немесе медбикеге хабарлаңыз.

- енгізу орнындағы реакциялар – симптомдарға ауыру, терінің қызаруы, көгеру, жайсыздық, ісіну, қан кету, қышыну, терінің тығыздалуы, шаншу, енгізу орнындағы жылу және бөртпе жатады.

- қышуды, жайсыздықты және тілдің шаншуын қоса, аллергиялық реакциялар

- бас айналуы, әлсіздік сезімі

- тері бөртпесінің ұлғаюы

- бұлшықеттің ауыруы

- қан талдауларындағы бауыр функциясы көрсеткіштерінің өзгеруі

Тоңазытқышта 2 ºC-ден 8 оС-ге дейінгі температурада сақтау керек. Мұздатып қатыруға болмайды.

Жарықтан қорғау үшін түпнұсқалық қаптамада сақтау керек.

Алдын ала толтырылған шприцті жарамдылық мерзімі біткенге дейін 25°C-тан төмен температурада 14 күнде бір кезең ішінде сақтауға болады. Такзайроны бөлме температурасында сақтағаннан кейін тоңазытқышқа қоймаңыз.

Көп қаптамадан алдын ала толтырылған бір шприц тоңазытқыштан шығарылған кезде, қалған алдын ала толтырылған шприцтерді болашақта қажет болғанға дейін тоңазытқышқа қойыңыз.

Алдын ала толтырылған шприцтегі бөлшектер немесе инъекциялық ерітіндінің түсінің өзгеруі сияқты нашарлау белгілері байқалса, препаратты қолдануға болмайды.

Такеда Фармасьютикалс Интернейшнл АГ Айрлэнд Брэнч,

Блок 2 Миесан Плаза, 50-58 Баггот стрит Лоуер, Дублин 2, D02 HW68, Ирландия