Тайген

Тайген

Тигециклин

Инфузия үшін ерітінді дайындауға арналған лиофилизат, 50 мг

1 құтының ішінде:

белсенді зат - тигециклин 50.0 мг,

қосымша заттар: лактоза моногидраты, хлорсутек қышқылы, натрий гидроксиді.

Лиофилизацияланған нығыздалған масса немесе қызғылт-сары түсті ұнтақ

Жүйелі қолдануға арналған инфекцияға қарсы препараттар. Жүйелі қолдануға арналған бактерияға қарсы препараттар. Тетрациклиндер. Тигециклин.

АТХ коды J01AA12

Фармакокинетикасы

Сіңірілуі

Тигециклин вена ішіне енгізілетіндіктен, ол 100% биожетімділікпен сипатталады.

Таралуы

0,1-ден 1,0 мкг/мл-ге дейін концентрацияларда тигециклиннің плазма ақуыздарымен in vitro байланысы шамамен 71%-дан 89%-ға дейін өзгереді. Фармакокинетикалық зерттеулерде тигециклин тіндерде жылдам таралатыны көрсетілген.

Адам организмінде тигециклиннің тепе-тең таралу көлемі 500-ден 700 л-ге дейін (7-9 л/кг), бұл тигециклиннің плазма шегінен тыс экстенсивті таралуын және оның тіндерде жиналуын растайды.

Тигециклиннің адам организмінде гематоэнцефалдық бөгет арқылы өту қабілеті туралы деректер жоқ.

Емдік дозаларды 100 мг-дан 50 мг-ға дейін әр 12 сағат сайын қолдану кезінде тигециклиннің қан плазмасындағы тепе-тең ең жоғары концентрациясы (Сmax) 30 минуттық инфузия кезінде 866±233 нг/мл және 60 минуттық инфузия кезінде 634±97 нг/мл құрады. «Концентрация – уақыт» қисығы астындағы ауданы (AUC)0-12сағ 2349±850 нг•сағ/мл құрады.

Метаболизмі

Орташа алғанда, тигециклиннің 20%-дан азы метаболизмге ұшырайды. Несеп пен нәжісте анықталған негізгі зат өзгермеген тигециклин болды, алайда сондай-ақ глюкуронид, N-ацетильді метаболит және тигециклин эпимері анықталды.

Тигециклин P450 (CYP) цитохромының келесі алты изоферментімен байланысты метаболизмді бәсеңдетпейді: 1A2, 2C8, 2C9, 2C19, 2D6 және 3A4.

Тигециклин CYP2C9, CYP2C19, CYP2D6 және CYP3A бәсеңдеуінде НАДФ тәуелділігін көрсетпеді, одан осы изоферменттердің қайтымсыз тежегіші болмауын қорытындылауға болады.

Шығарылуы

Тағайындалған дозаның 59%-ы ішек арқылы шығарылады (бұл ретте өзгермеген тигециклиннің басым бөлігі өтке түседі), ал 33%-ы бүйрекпен шығарылады. Қосымша шығарылу жолдары – глюкуронидация және өзгермеген тигециклиннің бүйрекпен шығарылуы.

Венаішілік инфузиядан кейінгі тигециклиннің жалпы клиренсі 24 л/сағ құрайды. Бүйрек клиренсіне жалпы клиренстің шамамен 13% келеді. Тигециклин сарысудан полиэкспоненциалды шығарумен сипатталады, қайталама дозаларды тағайындағаннан кейін сарысудан жартылай шығарудың орташа терминалдық кезеңі 42 сағатты құрайды, алайда едәуір жеке айырмашылықтар байқалады.

Caco-2 жасушалары пайдаланылған in vitro зерттеулерде тигециклин дигоксин ағынын тежемейтіні белгілі, тигециклин P-гликопротеин (P-gp) тежегіші болып табылмайтынына байланысты болуы ықтимал. Бұл ақпарат тигециклиннің дигоксин клиренсіне әсерінің жоқтығымен расталады.

P-гликопротеин гиперпродукциясымен жасушалық желіні пайдалану арқылы in vitro зерттеулерде тигециклин P-гликопротеин субстраты болып табылатыны анықталған. Жанама P-гликопротеиннің тигециклин әсеріне ықтимал тасымал үлесі белгісіз.

P-гликопротеин тежегіштерін (мысалы, кетоконазол немесе циклоспорин) немесе P-гликопротеин индукторларын (мысалы, рифампицин) бір мезгілде қолдану тигециклиннің фармакокинетикасына әсер етуі мүмкін.

Бауыр жеткіліксіздігі

Бауыр функциясы жеңіл бұзылған пациенттерде тигециклиннің бір реттік дозасының фармакокинетикалық бейіні өзгермейді. Алайда бауыр функциясы орташа ауыр және ауыр бұзылған (Чайлд-Пью жіктелуі бойынша В және С класы) пациенттерде тигециклиннің жалпы клиренсі 25% және 55%-ға төмендеді, ал жартылай шығарылу кезеңі тиісінше 23% және 43%-ға ұлғайды.

Бүйрек жеткіліксіздігі

Бүйрек жеткіліксіздігі бар пациенттерде (креатинин клиренсі <30 мл/мин) тигециклиннің бір реттік дозасының фармакокинетикалық бейіні өзгермеді. Бүйректің ауыр жеткіліксіздігі бар пациенттерде AUC бүйрек функциясы қалыпты пациенттерге қарағанда 30 % жоғары болды.

Егде пациенттер

Тигециклиннің егде адамдардағы фармакокинетикасы, жалпы алғанда, басқа жас топтарынан айырмашылығы жоқ.

Балалар мен жасөспірімдер

Тигециклиннің 8 жастан <12 жасқа дейінгі балалар үшін әр 12 сағат сайын 1,2 мг/кг (әр 12 сағат сайын ең жоғары 50 мг дозаға дейін) және 12 жастан бастап <18 жасқа дейінгі жасөспірімдер үшін әр 12 сағат сайын 50 мг дозалау режимі ересектердегі дозалаудың ұсынылатын режимін қабылдағанда байқалатын әсерлерге әкелуі мүмкін.

Бірнеше балада ересек пациенттермен салыстырғанда Cmax жоғары мәндері байқалған. Демек, балалар мен жасөспірімдерде тигециклин инфузиясының жылдамдығына назар аудару ұсынылады.

Жынысы

Ерлер мен әйелдерде тигециклин клиренсінің клиникалық тұрғыдан маңызды айырмашылықтары анықталмаған. Тигециклиннің AUC көрсеткіші ерлерге қарағанда әйелдерде 20%-ға көп.

Нәсілі

Тигециклин клиренсі нәсілге қарамайды.

Дене салмағы

Клиренс, оның ішінде дене салмағы бойынша қалыпқа келтірілген және AUC дене салмағы әр түрлі, оның ішінде 125 кг асатын пациенттерде айтарлықтай айырмашылығы болмады. Дене салмағы 125 кг астам пациенттерде AUC шамасы 25% төмен болды. Дене салмағы 125 кг астам пациенттер туралы деректер жоқ.

Фармакодинамикасы

Тигециклин антибиотик құрылымдық жағынан тетрациклиндерге ұқсас глицилциклиндер класына жатады. Рибосоманың 30S-суббірлігімен байланысу және аминоацил-тРНҚ молекулалары рибосоманың А-сайтына енуін бөгеуі есебінен бактериялардағы ақуыздың трансляциясын тежейді, бұл аминқышқылды қалдықтардың өсіп жатқан пептидті тізбектерге қосылуына кедергі жасайды.

Тигециклиннің бактериостатикалық қасиеттері бар деп есептеледі. Тигециклиннің 4 есе ең төменгі басым концентрациясы (ЕТБК) кезінде Enteroccus spp., Staphylococcus aureus және Escherichia coli. колониялары санының екі рет азайғаны байқалды.

Төзімділік даму механизмі

Тигециклин тетрациклиндерге қатысты бақыланатын микроорганизмдер резистенттілігінің екі негізгі механизмін жеңе алады: рибосомальді қорғаныс және белсенді шығарылу.

Көптеген дәрілік тұрақтылықты қамтамасыз ететін эффлюксті сорғылар арқылы Enterobacteriaceae тобындағы тигециклинге және миноциклинге резистентті изоляттар арасындағы айқаспалы резистенттілік көрсетілді. Тигециклин мен антибиотиктер кластарының көпшілігінің арасында әсер ету нысанасына негізделген айқаспалы резистенттілік жоқ.

Тигециклин Proteeae және Pseudomonas aeruginosa хромосомальді эффлюксті сорғылардың әсеріне ұшырайды. Тұтастай алғанда, Proteeae тобына жататын микроорганизмдердің (Proteus spp., Providencia spp. және Morganella spp.) тигециклинге сезімталдығы Enterobacteriaceae басқа кластарына қарағанда төмен. Тигециклинге екі топ өкілдерінің төмен сезімталдығы AcrAB спецификалық емес белсенді шығарылу генінің жоғары экспрессиясымен байланысты. Тигециклинге және Acinetobacter baumannii төмен сезімталдық сипатталған.

ЕТБК бақылау мәндері

Төменде Еуропаның антибиотиктерге сезімталдықты тестілеу бойынша жұмыс тобы (EUCAST) белгілеген ЕТБК бақылау мәндері көрсетілген.

Staphylococcus spp. S ≤ 0,5 мг/л және R > 0,5 мг/л (S – сезімтал, R- резистентті)

Streptococcus spp., S. pneumoniae S ≤ 0,25 мг/л және R > 0,5 мг/л басқа

Enterococcus spp. S ≤0,25 мг/л және R > 0,5 мг/л

Enterobacteriaceae S ≤ 1(^) мг/л және R > 2 мг/л.

(^)in vitro Proteus, Providencia және Morganella spp. қарсы тигециклин белсенділігінің төмендігі байқалған.

Тигециклин ЕТБК көрсеткіштеріне, фармакокинетикалық/ фармакодинамикалық параметрлерге қарамастан, анаэробты бактериялардан туындаған интраабдоминальді инфекцияларды емдеу үшін өзінің тиімділігін дәлелдеді. Жоғарыда айтылғандарға байланысты ЕТБК бақылау мәндері ұсынылмайды. Bacteroides және Clostridium тектесіне жататын микроорганизмдер үшін, бірқатар жағдайларда 2 мг/л асатын тигециклиннің ЕТБК кең ауқымын атап өткен жөн.

Энтерококктық инфекциялар кезінде тигециклиннің клиникалық тиімділігі туралы шектеулі деректер бар. Дегенмен, полимикробты интраабдоминальді инфекцияларды тигециклинмен емдеуге оң реакция көрсетілген.

Сезімталдық

Бактериялардың жекелеген түрлерінде пайда болған тұрақтылықтың таралуы уақыт пен географиялық жағдайға байланысты өзгеруі мүмкін. Қажет болған жағдайда, егер белгілі бір аймақтағы төзімділік тигециклиннің тиімділігі инфекциялардың кем дегенде кейбір типтерінде күмәнді болатындай болса маманның кеңесіне жүгіну керек.

Микроорганизмдердің тигециклинге сезімталдығы

Грам-оң аэробтар:

Enterococcus spp.†

Staphylococcus aureus*(метициллинге сезімтал және резистенті штаммдарды қоса)

Staphylococcus epidermidis (метициллинге сезімтал және резистенті штаммдарды қоса)

Staphylococcus haemolyticus

Streptococcus agalactiae*

Streptococcus anginosus* тобы (S. anginosus, S. intermedius және S. constellatus қоса)

Streptococcus pyogenes *

Streptococci viridans тобы

Грам-теріс аэробтар:

Citrobacter freundii *

Citrobacter koseri

Escherichia coli *

Klebsiella oxytoca *

Анаэробтар

Clostridium perfringens†*

Peptostreptococcus spp†

Prevotella spp.

Жүре келе тұрақтылық дамуы мүмкін түрлері

Грам-теріс аэробтар:

Acinetobacter baumannii

Burkholderia cepacia

Enterobacter aerogenes

Enterobacter cloacae*

Klebsiella pneumoniae*

Morganella morganii

Providencia spp.

Proteus spp.

Serratia marcescens

Stenotrophomonas maltophilia

Анаэробтар:

Bacteroides fragilis group†

Табиғи тұрақтылыққа ие микроорганизмдер:

Грам-теріс аэробтар:

Pseudomonas aeruginosa

* клиникалық зерттеулерде оларға қатысты қанағаттанарлық белсенділік көрсетілген түрлері

† «Фармакодинамика» бөл.қар.

Жүрек электрофизиологиясы

Тигециклиннің бір реттік венаішілік 50 немесе 200 мг дозасының QTc аралығына елеулі әсері байқалмаған.

Тайген келесі инфекцияларды емдеу үшін ересектер мен 8 жастан асқан балаларда қолданылады:

• тері мен жұмсақ тіндердің асқынған инфекциялары. Тайген диабеттік табан синдромымен байланысты инфекцияларды емдеуге қолданылмайды

• асқынған интраабдоминальді инфекциялар.

Тайген альтернативті антибиотиктер жарамсыз болған жағдайларда қолданылады.

Бактерияға қарсы препараттарды таңдау кезінде емдеуді таңдау бойынша ресми ұсынымдарды назарға алу керек.

Ересектер

Бастапқы доза 100 мг құрайды, әрі қарай - 5-14 күн ішінде әр 12 сағат сайын 50 мг.

Емдеу ұзақтығы инфекцияның ауырлығымен және орналасуымен және науқастың емдеуге клиникалық реакциясымен анықталады.

8-17 жастағы балалар мен жасөспірімдер

Тайген 8 жастағы және одан үлкен балаларда инфекциялық ауруларды емдеу тәжірибесі бар маманмен кеңескеннен кейін қолданылады.

8-11 жастағы балалар: 1.2 мг/кг в/і әр 12 сағ сайын. Ең жоғарғы доза – 50 мг әр 12 сағат сайын. Емдеу курсы – 5-14 күн.

12-17 жастағы жасөспірімдер: 50 мг әр 12 сағ сайын. Емдеу курсы – 5-14 күн.

Егде жастағы пациенттерге препарат дозасын түзету керек емес.

Бауыр жеткіліксіздігі

Бауыр жеткіліксіздігі (Чайлд-Пью жіктемесі бойынша А және В кластары) ауырлық дәрежесі жеңіл және орташа пациенттерге дозаны түзету талап етілмейді. Бауыр жеткіліксіздігі ауыр (Чайлд-Пью жіктемесі бойынша С класы) пациенттерде (балалар мен жасөспірімдерді қоса) препараттың дозасын 50%-ға төмендету керек. Тайген препаратының бастапқы дозасы 100 мг құрауы тиіс, ал кейіннен препаратты әр 12 сағат сайын 25 мг қолданады. Тайген препаратын бауыр жеткіліксіздігі ауыр пациенттерде қолданған кезде сақ болу және пациенттердің емдеуге реакциясын бақылау қажет.

Бүйрек жеткіліксіздігі

Бүйрек жеткіліксіздігі бар пациенттерге және гемодиализдегі пациенттерге дозаны түзету талап етілмейді.

Балаларда қолдану

8 жасқа дейінгі балалардағы тиімділігі мен қауіпсіздігі анықталмаған. Тайгенді осы топтағы препараттың тиімділігі мен қауіпсіздігі туралы деректердің жеткіліксіздігіне, сондай-ақ тіс бояуының өзгеруіне байланысты 8 жасқа толмаған балаларда қолданбаған жөн.

Инфузиялық ерітіндіні дайындау және енгізу ережесі

Дайындау

Қолдану алдында тигециклиннің 10 мг/мл концентрациясымен дайын ерітіндіні алу үшін Тайген препаратының әрбір құтысының ішіндегісін натрий хлоридінің 0,9% ерітіндісі, инъекцияға арналған 5% декстроза ерітіндісі немесе 5,3 мл мөлшерінде Рингер лактаты ерітіндісі көмегімен еріту керек. Құтыны препарат толық ерігенге дейін абайлап айналдырады. 5 мл дайын ерітіндіні сыйымдылығы 100 мл инфузияға арналған ерітіндісі бар құтыға дереу тасымалдайды (100 мг доза үшін 2 құтыдан, 50 мг доза үшін бір құтыдан дайын ерітіндіні алу қажет). (Ескертпе: 5 мл дайын ерітіндіде 50 мг тигециклин бар, әрбір құтыда препараттың 6% артық мөлшері бар). Венаішілік инфузияға арналған ақырғы ерітіндінің ең жоғарғы концентрациясы 1 мг/мл аспауы тиіс.

Дайын ерітіндінің түсі сары немесе қызғылт сары болуы тиіс. Егер ерітіндінің түсі басқа болса немесе онда көзге көрінетін қосылыстар анықталса, оны пайдалануға жол берілмейді.

Тайгер препаратының дайын ерітіндісі тек бір рет пайдалануға арналған.

Енгізу

Ересектерге препарат в/і тамшылатып 30-60 мин бойы енгізіледі.

Балаларға препаратты в/і тамшылатып кемінде 60 мин енгізу ұсынылады.

Тайген вена ішіне жеке инфузиялық жүйе арқылы немесе Т-тәрізді катетер арқылы енгізіледі. Егер венаішілік катетер бірнеше дәрілік препараттарды бірінің артынан бірін енгізу үшін пайдаланылса, оны натрий хлоридінің 0,9% ерітіндісінің көмегімен Тайген препаратының инфузиясы алдында жуу қажет. Инфузияны жүргізу кезінде тигециклин мен бір катетер арқылы енгізілетін басқа да препараттардың үйлесімділігін ескеру керек. Т-тәрізді катетер арқылы натрий хлоридінің 0,9% ерітіндісінің көмегімен ерітілген Тайген препаратын енгізгенде келесі дәрілік заттармен немесе ерітінділермен үйлесімдігі көрсетілді: амикацин, добутамин, дофамин гидрохлориді, гентамицин, галоперидол, Рингер лактаты, лидокаин гидрохлориді, метоклопрамид, морфин, норэпинефрин, пиперациллин/тазобактам (этилендиаминтетраацетат - ЭДТА бар дәрілік түрі), калий хлориді, пропофол, ранитидин гидрохлориді, теофиллин және тобрамицин.

Жағымыз әсерлері

Ең жиі жүрек айнуы (21%) және құсу (13%) байқалады, олар әдетте емдеудің басында (емдеудің бірінші немесе екінші күні) пайда болады және көп жағдайда жеңіл немесе орташа ауыр ағымға ие.

Жағымсыз әсерлер жіктемедегі органдар мен жүйелер бойынша ұсынылған: өте жиі (≥1/10); жиі (≥1/100, <1/10); жиі емес (≥1/1000, <1/100); жекелеген жағдайлар (спонтанды постмаркетингтік хабарламалар).

Өте жиі

- жүрек айнуы, құсу, диарея

Жиі

- АЧТВ ұлғаюы, ПУ ұлғаюы, анемия

- бас айналуы, бас ауыруы

- флебит

- іш ауыруы, диспепсия, анорексия

- қан плазмасындағы ACT және AЛT белсенділігінің жоғарылауы, гипербилирубинемия

- қышыну, бөртпе

- астения,

- жаралардың баяу жазылуы, абсцесс, инфекциялар, енгізген жердегі реакциялар, сепсис, сепсистік шок

- қан мочевинасындағы азоттың жоғарылауы, СФ белсенділігінің, қан плазмасындағы амилазаның жоғарылауы, гипопротеинемия, гипогликемия

- пневмония

Жиі емес

- тромбоцитопения, ХҚҚ ұлғаюы

- тромбофлебит

- жедел панкреатит

- сарғаю, бауыр функциясының айқын бұзылуы, негізінен холестаз

- қабыну, ауыру, ісіну және инъекция орнындағы флебит, қалтырау, аллергиялық реакциялар

- қандағы креатининнің жоғарылауы, гипокальциемия, гипонатриемия

Жиілігі белгісіз

- гипофибриногенемия

- анафилаксиялық/анафилактоидты реакциялар

- бауыр жеткіліксіздігі

- ауыр тері реакциялары, Стивенс-Джонсон синдромын қоса

Антибиотиктерге тән реакциялар: ауырлық дәрежесі жеңілден өмірге қауіп төндіретінге дейін ауытқуы мүмкін жалған жарғақшалы колит. Сезімтал емес микроорганизмдердің, оның ішінде зеңдердің өсуі.

Тетрациклиндер класы антибиотиктерінің әсерлері

Глициклиндер класындағы антибиотиктер құрылымы жағынан тетрациклин класындағы антибиотиктерге ұқсас. Жағымсыз реакциялардың қатарына жарыққа сезімталдық, мидың жалған-ісікті зақымдануы, панкреатит және ҚМА ұлғаюына, азотемияға, ацидозға және гиперфосфатемияға алып келетін анаболизмге қарсы әсер жатады.

Егер тигециклин тістің қалыптасу кезеңінде қолданылса, тұрақты тістердің түссізденуі мүмкін.

Инфекцияға байланысты ауыр жағымсыз реакциялар салыстыру препараттарымен (5,3%) салыстырғанда тигециклинді (7,1%) алған субъектілерде жиі болған. Салыстыру препараттарымен (1,1%) салыстырғанда тигециклин (2,2%) алған сепсистің/септикалық шоктың даму жиілігінде елеулі айырмашылықтар байқалады.

АЛТ және ACT белсенділігінің жоғарылауы салыстыру препараттарымен емдеуге қарағанда тигециклинмен ем аяқталғаннан кейін жиі байқалды. Зерттеулерде тигециклин алған пациенттерде жалпы өлім-жітім 2,4%, салыстыру ДЗ - 1,7% құрады.

Балалар

Тигециклинді балаларда қолдану бойынша деректер шектеулі.

- тигециклинге немесе препараттың қандай да бір қосымша заттарына жоғары сезімталдық

- тетрациклин класындағы антибиотиктерге жоғары сезімталдық

- 8 жасқа дейінгі балалар

Дәрілермен өзара әрекеттесуі бойынша зерттеулер тек ересектерде жүргізілді.

Тигециклин мен варфаринді (25 мг бір реттік дозада) қатар қолданған кезде R-Варфарин мен S-Варфарин клиренсінің 40% және 23% төмендеуі, AUC тиісінше 68% және 29% артуы байқалады. Өзара әрекеттесудің осындай механизмі осы уақытқа дейін анықталмаған. Тигециклин протромбиндік уақытты/ХҚҚ, сондай-ақ БІТУ арттыруға қабілетті болғандықтан, Тайгенді антикоагулянттармен бір мезгілде қолданған кезде тиісті коагуляциялық сынамалардың нәтижелерін мұқият қадағалау қажет. Варфарин тигециклиннің фармакокинетикалық бейінін өзгертпейді.

Тигециклин метаболизмге ұшырамайды. Сондықтан CYР450 цитохромы жүйесінің изоферменттерінің белсенділігін бәсеңдететін немесе индукциялайтын белсенді заттар тигециклин клиренсін өзгертпейді деп күтілуде. Өз кезегінде тигециклин дәрілік қосылыстардың көрсетілген топтарының метаболизміне әсер етуі екіталай. In vitro зерттеулері тигециклин CYP450 ферменттерінің бәсекелес тежегіші немесе қайтымсыз тежегіші емес екенін көрсетті.

Тигециклин ұсынылған дозада дигоксиннің жылдамдығы мен сіңірілу дәрежесіне немесе клиренсіне әсер етпейді (500 мкг, кейіннен 250 мкг тәуліктік дозада тағайындалуымен). Дигоксин тигециклиннің фармакокинетикалық бейінін өзгертпейді. Сондықтан да Тайгенді дигоксинмен бірге қолданған кезде дозаны түзету қажет емес.

In vitro зерттеулерде тетрациклин мен жиі қолданылатын кластарға жататын басқа антибиотиктер арасындағы антагонизм байқалмады.

Антибиотиктерді пероральді контрацептивтермен бір мезгілде қолданған кезде контрацептивтердің тиімділігі төмендеуі мүмкін.

In vitro деректеріне сүйене отырып, P-гликопротеин тежегіштерін (мысалы, кетоконазол немесе циклоспорин) немесе P-гликопротеин индукторларын (мысалы, рифампицин) бір мезгілде қолдану тигециклин фармакокинетикасына әсер етуі мүмкін.

Клиникалық зерттеулер нәтижелерін проспективті талдауда тигециклин алған пациенттер тобында салыстыру ДЗ алған пациенттер тобымен салыстырғанда жалпы өлімнің біршама өсуі (яғни кез келген себептерден болатын өлім) байқалды. Сондықтан тигециклин альтернативті ем болмаған жағдайда ғана қолданылуы керек.

Суперинфекциялар

Суперинфекцияның дамуымен байланысты хирургиялық жараның жазылуының бұзылғаны туралы хабарланған. Жазылуға қатысты бұзылыстар дамитын пациент суперинфекцияны анықтау үшін мониторингтен өтуі тиіс. Суперинфекциялар, атап айтқанда ауруханаішілік пневмония дамитын пациенттерге анағұрлым нашар нәтижелер тән. Пациенттер суперинфекцияның дамуын тексеруге жіті бақылауда болуы тиіс. Егер тері мен жұмсақ тіндердің асқынған инфекциялары мен асқынған интраабдоминальді инфекциялар тізбесіне енгізілмеген инфекция ошағы тигециклинмен ем басталғаннан кейін анықталса, бұл жағдайда инфекцияның спецификалық типін емдеуде тиімділік көрсеткен альтернативті бактерияға қарсы емді қолдану туралы мәселені қарастыру керек.

Анафилаксиялық/анафилактоидты реакциялар

Анафилаксиялық/анафилактоидты реакциялар, соның ішінде анафилаксиялық шок, тигециклинді қоса, барлық дерлік бактерияға қарсы ДЗ қолданғанда байқалады.

Бауыр функциясына әсері

Тигециклинмен емдеу аясында бауыр тестілері нәтижелерінің өзгерістері байқалатын пациенттер бауыр функциясының бұзылу белгілерін уақтылы анықтау (бауыр функциясының елеулі бұзылуының және бауыр функциясының жеткіліксіздігінің бірлі-жарым жағдайлары тіркелген) және тигециклинмен емді жалғастырудың пайдасы мен қаупі арақатынасын бағалау үшін қадағалануы тиіс. Жағымсыз реакциялар ем аяқталғаннан кейін ғана дамуы мүмкін.

Тетрациклиндер класының антибиотиктері

Глициклиндер класындағы антибиотиктер құрылымы жағынан тетрациклин класындағы антибиотиктерге ұқсас. Тигециклин тетрациклин класындағы антибиотиктерге жағымсыз реакцияларға ұқсас жағымсыз реакцияларды тудыруы мүмкін. Мұндай реакциялар жарыққа қатты сезімталдық, бассүйекішілік гипертензия, панкреатит және қандағы мочевина азотының жоғарылауына, азотемияға, ацидозға және гипофосфатемияға әкелетін анаболизмге қарсы әсер болуы мүмкін. Тетрациклин қатарындағы антибиотиктерге жоғары сезімталдығы белгілі пациенттерде тигециклинді қолдануға болмайды.

Панкретатит

Тигециклинді қолдану аясында жедел панкреатиттің дамуы туралы хабарламалар бар, кейбір жағдайларда өліммен аяқталған. Жедел панкреатитке күдікті пациенттерде тигециклинді қолданған кезде (клиникалық симптомдар немесе зертханалық көрсеткіштердің тиісті өзгерістері) сақ болу керек. Осы аурудың даму қаупі факторлары болмаған пациенттерде жедел панкреатиттің даму жағдайлары туралы белгілі. Әдетте панкреатит симптомдары тигециклинді қолданғаннан кейін жоғалады. Панкреатит симптомдары бар пациенттерде оны тоқтату мүмкіндігін ескеру қажет.

Қатарлас аурулар

Ауыр ағымды қатарлас аурулары бар пациенттерде инфекцияларды емдеу үшін тигециклинді қолдану тәжірибесі шектеулі.

Клиникалық сынақтарда тигециклин қабылдаған пациенттерде инфекцияның ең кең таралған типі үлкен абсцесстермен (24,9%) қатар жүрген целлюлит (58,6%) болды. Иммунитет әлсіреуіне байланысты күрделі ауру оқиғалары, инфекциялық ойылуы бар пациенттер немесе 14 күннен астам емдеуді қажет ететін инфекциялары бар пациенттер тіркелмеген (мысалы, некроздық фасциит).

Диабет (25,8%), шеткері қантамырлар аурулары (10,4%), психоактивті заттарды вена ішіне шамадан тыс тұтыну (4,0%) және АИТВ-оң инфекция (1,2%) сияқты қатарлас факторлармен пациенттердің шектеулі саны тіркелген. Бактериемиясы бар пациенттерді емдегенде деректер шектеулі (3,4%). Сондықтан мұндай пациенттерді емдеу кезінде сақтық таныту ұсынылады. Диабеттік табаны бар пациенттердегі зерттеу нәтижелері тигециклин салыстыру ДЗ қарағанда тиімділігі төмен екенін көрсетті. Осылайша, тигециклинді мұндай пациенттерде пайдаланбаған жөн.

Тигециклин қабылдайтын пациенттерде ең кең таралған инфекция типі асқынған аппендицит (50,3%), одан кейін асқынған холецистит (9,6%), ішектің тесілуі (9,6%), ішперделік абсцесс (8,7%), асқазан немесе он екі елі ішек ойықжарасының тесілуі (8,3%), перитонит (6,2%) және асқынған дивертикулит (6,0%) сияқты басқа диагноздар жүреді, олар туралы сирек хабарланған. Пациенттерде (77,8%) анық инфекция көзі хирургиялық перитонит байқалды. Иммунитеті әлсіз пациенттер, APACHE II шкаласы бойынша - 15 балл (3,3%) немесе көптеген интраабдоминальді абсцесстері (11,4%) бар пациенттер сияқты негізгі ауыр аурулары бар пациенттердің шектеулі саны тіркелген. Сондай-ақ қатарлас бактериемиясы бар пациенттерді емдеу тәжірибесі шектеулі (5,6%). Сондықтан мұндай пациенттерді емдеу кезінде сақ болу ұсынылады.

Тигециклинді ішектің тесілуі салдарынан асқынған интраабдоминальді инфекциялары бар пациенттерге немесе сепсис немесе сепсистік шок басталған пациенттерге тағайындағанда біріктірілген бактерияға қарсы емді қолданудың орындылығын міндетті түрде қарастыру керек.

Холестаздың тигециклин фармакокинетикасына әсері анықталмаған. Өтпен шығарылуы тигециклиннің жалпы экскрециясының шамамен 50% құрайды. Сондықтан холестаз бар пациенттер дәрігердің бақылауында болуы керек.

Тайгенді антикоагулянттармен бір мезгілде қолданған кезде тиісті коагуляциялық сынамалардың және протромбиндік уақыттың нәтижелерін мұқият қадағалау қажет.

Тигециклинді қоса алғанда, барлық дерлік бактерияға қарсы ДЗ қабылдау кезінде ауырлық дәрежесі әртүрлі жалған жарғақшалы колит байқалады. Емдеу кезінде немесе аяқталғаннан кейін диарея пайда болған жағдайда мұндай диагноздың мүмкіндігін ескеру қажет. Clostridium difficile-мен астасқан диареяға күдік болғанда немесе осы диагноз расталғанда, Clostridium difficile туындатқан инфекцияны емдеу үшін тағайындалғаннан басқа антибиотиктерді пайдалануды тоқтату талап етілуі мүмкін.

Тигециклинді қолдану кез келген басқа антибиотик сияқты зеңдерді қоса, сезімтал емес микроорганизмдердің шамадан тыс өсуіне ықпал етуі мүмкін. Емдеу кезінде пациенттер жіті бақылауда болуы тиіс. Суперинфекцияға диагностика жасалғанда тиісті шаралар қабылдануы керек.

Тигециклинді тістің қалыптасу кезеңінде қолдану тістің сары, сұр, қоңыр түске перманентті өзгеруіне әкелуі мүмкін.

Балалар

Тигециклинді 8 жастан асқан балаларда қолдану туралы деректер шектеулі. Сондықтан оны қолдану бактерияға қарсы альтернативті ем қол жетімсіз болған жағдайларда ұсынылады.

Жүрек айнуы мен құсу балалар мен жасөспірімдердегі ең көп таралған жағымсыз реакциялар. Дегидратация қаупіне ерекше назар аудару керек.

Балаларға препаратты кемінде 60 мин. в/і тамшылатып енгізу ұсынылады.

Іш маңының ауыруы – балаларда, сондай-ақ ересектерде жиі кездесетін жағымсыз әсер. Іштің ауруы панкреатиттің дамуымен байланысты болуы мүмкін екенін ескеру керек. Панкреатит дамыған жағдайда тигециклинмен емдеу тоқтатылуы тиіс.

Тигециклинмен емдеу басталғанға дейін, сондай-ақ емдеу кезінде үнемі бауырдың функционалдық сынамаларын, қан ұю жүйесінің параметрлерін, гематологиялық параметрлерді, амилаза мен липазаның концентрациясын бақылау қажет.

Тигециклинді 8 жасқа толмаған балаларда осы топтағы тиімділігі пен қауіпсіздігі туралы деректердің жеткіліксіздігіне, сондай-ақ тіс бояуының өзгеруіне байланысты қолданбаған жөн.

Жүктілік

Тигециклинді жүктілік кезінде қолдану туралы сенімді деректер жоқ немесе олардың саны аз. Адам үшін потенциалды қаупі белгісіз. Тигециклин тетрациклин класындағы басқа антибиотиктер сияқты тістің дамуына (түстің өзгеруі және эмаль ақауларының пайда болуы) әсер етуі мүмкін, сондай-ақ ұрықта (жүктіліктің екінші жартысында in vitro әсері кезінде) және 8 жасқа дейінгі балалардың сүйектерінде кальций мөлшерінің артуы және оның хелатты кешендерінің пайда болуы себебінен оссификация процестерінің кідіруін тудыруы мүмкін. Сондықтан жүктілік кезінде тигециклинді қолдануға тек ана үшін пайда шаранға төнетін ықтимал қауіптен басым жағдайда ғана жол беріледі.

Лактация кезеңі

Тигециклиннің адамның емшек сүтіне түсуі туралы деректер жоқ.

Жануарларға қатысты фармакодинамикалық/токсикологиялық мәліметтерге сәйкес тигециклин мен оның метаболиттері сүтке түсетіні көрсетілді. Нәрестелер мен сәбилер үшін қауіп жоққа шығарылмайды. Тигециклинді лактация кезеңінде тағайындау қажет болған жағдайда емшек емізуді тоқтату керек.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Тигециклиннің көлікті басқару және механизмдермен жұмыс істеу қабілетіне әсерін зерттеу жүргізілген жоқ. Тигециклин қабылдайтын пациенттерде бас айналуы мүмкін, ол механизмдерді жүргізу және пайдалану қабілетіне ықпал етуі ықтимал.

Сипатталмаған. Тигециклинді енгізу ұзақтығы 60 минут 300 мг дозада вена ішіне енгізу жүрек айнуы мен құсудың жиілеуіне әкелді. Гемодиализ тигециклиннің шығарылуын қамтамасыз етпейді.

Шығарылу түрі және қаптамасы

50 мг белсенді затқа баламалы препарат сыйымдылығы 5 мл түссіз шыныдан (I типті) жасалған, резеңке тығынмен тығындалған және «flip-off» типті алюминий қақпағымен қапталған құтыға салынады.

Құтыға заттаңбалық қағаз жапсырады.

1 немесе 10 құтыдан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

Құрғақ, жарықтан қорғалған жерде, 30 °С-ден аспайтын температурада.

Балалардың қолы жетпейтін жерде сақтау керек!

2 жыл

Жарамдылық мерзімі өткеннен кейін қолдануға болмайды

Рецепт арқылы

Өндіруші

Gland Pharma Limited, Үндістан

D. P. Pally, Dundigal Post, Hyderabad - 500 043, Үндістан.

Тіркеу куәлігінің ұстаушысы

Rogers Pharma ЖШС, Қазақстан

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері:

Rogers Pharma ЖШС, Қазақстан, 050043, Алматы қ-сы, Мирас ы/а, 157/732

Тел. (727) 311-81-96/97, e-mail: irina.volovnikova@gmail.com

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері:

Rogers Pharma ЖШС, Қазақстан, 050043, Алматы қ-сы, Мирас ы/а, 157/732

Тел. (727) 311-81-96/97, e-mail: irina.volovnikova@gmail.com