Тагера Форте
Инструкция
-
русский
-
қазақша
Саудалық атауы
Тагера Форте
Халықаралық патенттелмеген атауы
Секнидазол
Дәрілік түрі
Үлбірлі қабықпен қапталған таблеткалар, 1 г
Құрамы
Бір таблетканың құрамында
белсенді зат –секнидазол 1000мг,
қосымша заттар: микрокристалды целлюлоза, жүгері крахмалы, желатин, натрий крахмалы гликоляты (А типті), сусыз коллоидты кремнийдің қостотығы, магний стеараты,
қабықтың құрамы: гидроксипропилметилцеллюлоза, полиэтиленгликоль 6000, титанның қостотығы (Е 171).
Сипаттамасы
Сопақша пішінді, бір жағында сызығы бар, ақ түсті, үлбірлі қабықпен қапталған таблеткалар.
Фармакотерапиялық тобы
Протозойға қарсы препараттар. Амебиаз және басқа да протозой жұқпаларын емдеуге арналған препараттар. Нитроимидазол туындылары. Секнидазол
АТХ коды Р01АВ07
Фармакологиялық қасиеттері
Фармакокинетикасы
Секнидазол ішке қабылдағаннан кейін асқазан-ішек жолынан жылдам және толық сіңеді. Биожетімділігі 80 құрайды. 2 г препаратты ішке қабылдағаннан кейін қан сарысуында ең жоғары деңгейге 3 сағаттан соң жетеді. Препараттың қан плазмасындағы концентрациясы 0,5-тен 2 грамға дейінгі емдік доза диапазоны бойынша дозаға байланысты. Бауырда метаболизденеді. Қан плазмасынан жартылай шығарылу кезеңі шамамен 20-25 сағатты құрайды. Секнидазол емшек сүтімен бөлінеді, плацентарлы бөгет арқылы енеді. Сіңген препараттың көп бөлігі несеппен шығарылады.
Фармакодинамикасы
Протозойға қарсы дәрі, нитроимидазолдың синтетикалық туындысы. Секнидазол, микроорганизм жасушалары ішіне еніп, редуктазалардың ықпалы арқылы 5-нитро топты қалпына келтіру жолымен метаболизденеді. Қалпына келтірілген секнидазол микробтар жасушаларының ДНҚ-мен өзара әрекеттесе отырып, спиральді құрылымын бұзады, жіпшелер үзілуін туындатады және нуклеин қышқылдарының синтезін басады, бұл микроб жасушаларының өлуіне алып келеді. Протозойға қарсы және микробқа қарсы әсер етеді. Секнидазол Trichomomas vaginalis, Entamoeba histolytica, Giardia lamblia қатысты белсенді.
Қолданылуы
-
ішектік және ішектен тыс амебиазда, трихомониазда, лямблиозда
-
бактериялық вагинитте.
Қолдану тәсілі және дозалары
Ересектер
Тагера Фортені тамақтану кезінде тәулігіне 2 г-ден бір немесе екі рет ішке қабылдайды. Ең жоғары бір реттік және ең жоғары тәуліктік дозасы 2 г құрайды. Емдеу курсы – 1-ден 5 күнге дейін.
Ішек амебиазы – бір рет 2 г
Бауырдың амебалы абцесі– күніне 1,5 г, 5 күн бойы
Трихомониазда және бактериялық вагинитте емделуші және оның серіктесі үшін – бір рет 2 г
Лямблиоз – бір рет 2 г
13 жастан асқан балалар
Ішек амебиазы және лямблиоз – тамақтану кезінде дене салмағының әр кг 30 мг-ден тәулігіне бір рет немесе екі қабылдауға бөлуге болады.
Жағымсыз әсерлері
Жиі
-
жүрек айну, құсу, гастралгия, ауыздың темір татуы, глоссит, стоматит
-
есекжем
Сирек
-
бас айналу, бас ауыру және неврологиялық бұзылыстар
-
діріл, құрысулар
-
шеткергі нейропатия
-
қайтымды орташа лейкопения
Қолдануға болмайтын жағдайлар
-
имидазол туындыларына жоғары сезімталдық
-
қан тарапынан бұзылулар немесе қан аурулары, оның ішінде сыртартқысында болса
-
орталық жүйке жүйесінің (ОЖЖ) органикалық аурулары
-
13 жасқа дейінгі балалар
-
жүктілік және лактация кезеңі
Дәрілермен өзара әрекеттесуі
Тагера Форте варфариннің антикоагулянттық әсерін күшейтуі мүмкін, осынысымен қан кетудің даму қаупін күшейтеді.
Емделу курсы кезінде және препаратпен емдегеннен кейін кем дегенде бір күн бойы алкоголь ішімдіктерін қолданбаған жөн.
Тагера Фортені құрысудың және делириозды жағдайдың дамуына әкелуі мүмкін дисульфираммен, этанолмен; поляризацияланбайтын миорелаксанттармен (векуроний бромиді) бір мезгілде қабылдауға болмайды.
Литий препараттарымен бір мезгілде қабылдаған кезде Тагера Форте оның қан плазмасындағы концентрациясын арттырады.
Амоксициллинмен біріктіргенде Helicobacter pylori қатысты белсенділігі артады.
Айрықша нұсқаулар
Бауыр амебиазының іріңді сатысы кезеңінде емдеуді абсцестен іріңді шығарумен үйлестіру қажет. Антикоагулянттармен бір мезгілде қолданғанда протромбин индексін бақылау және қажет болған жағдайда Тагера Фортемен емдеу кезеңінде оны тоқтатқаннан кейінгі 8 күн ішінде антикоагулянттардың дозасын түзету қажет.
Емделу кезеңінде алкоголь қолдануға болмайды.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Зерттелген жоқ.
Артық дозалануы
Препараттың кездейсоқ немесе біле тұра, артық дозалану жағдайлары тіркелмеген.
Симптомдары: лейкопения, атаксия.
Емдеу: препаратты тоқтату, демеуші және симптоматикалық ем.
Шығарылу түрі және қаптамасы
2 таблеткадан поливинилхлоридті үлбірден және алюминий фольгадан жасалған пішінді ұяшықты қаптамаға салынған. 1 пішінді ұяшықты қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынған. 10 пәшкеден қораптық картоннан жасалған топтық қорапқа салынады.
Сақтау шарттары
25˚С-ден аспайтын температурада жарықтан және ылғалдан қорғалған жерде сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Қаптамасында көрсетілген жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші
Unichem Laboratories Limited
Инд. Эриа, Мирут Род, Газиабад 201 003, Үндістан
Тіркеу куәлігінің иесі
Unichem Laboratories Limited, Үндістан
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы
«Эй Пи Си Фармасьютикалс энд Кемикалс (Юроп) Лтд», Ұлыбритания өкілдігі
ҚР, 050040, Алматы қ., Попов к-сі 19, 301 кеңсе
Тел: (8727) 260-84-33, факс: (8272)-386-82-25
E-mail: apckz@apcpharma.co.uk