Сумамед® (1000 мг)

Сумамед®

Азитромицин

Дәрілік түрі, дозалануы

Ұсақталатын  250 мг, 500 мг, 1000 мг таблеткалар

Жүйелі пайдалануға арналған инфекцияға қарсы препараттар. Жүйелі қолдануға арналған бактерияға қарсы препараттар. Макролидтер, линкозамидтер және стрептограминдер. Макролидтер. Азитромицин.

АТХ коды J01FA

Сумамед® азитромицинге сезімтал микроорганизмдермен туындаған келесі инфекциялық ауруларды емдеуге арналған:

- фарингит/тонзиллит, синусит, ортаңғы отитті қоса, жоғарғы тыныс жолдарының инфекциялары

-  созылмалы бронхиттің жедел өршуін, ауруханадан тыс пневмонияны қоса, төменгі тыныс жолдарының инфекциялары

- терінің және жұмсақ тіндердің инфекциялары:

- Chlamydia trachomatis және Neisseria gonorrhoeae туғызған жыныс мүшелерінің асқынбаған инфекциялары.

Препаратты тағайындау кезінде бактерияға қарсы препараттарды тиісінше қолдану жөніндегі ресми ережелерді назарға алған жөн.

Қолданудың басталуына дейінгі қажетті мәліметтер тізбесі

- азитромицинге, эритромицинге, сондай-ақ кез келген макролидті немесе кетолидті антибиотиктерге немесе қосымша заттардың кез келгеніне аса жоғары сезімталдық;

- жүктіліктің бірінші триместрі және лактация кезеңі

Басқа дәрілік  препараттармен өзара әрекеттесуі

Антацидтер: Антацидтерді азитромицинмен бір мезгілде қолдану жалпы биожетімділікке әсер етпейді, бірақ қан сарысуындағы азитромициннің ең жоғары концентрациясы шамамен 24-ға төмендеді. Азитромицинді де, антацидтерді де қабылдайтын пациенттерге оларды бір мезгілде қабылдауға болмайды.

Цетиризин: дені сау еріктілерде азитромицинді 20 мг цетиризинмен 5 күн бойы бірге қолдану фармакокинетикалық өзара әрекеттесуге және QT аралығының елеулі өзгеруіне әкелген жоқ.

Диданозин (дидезоксиинозин): АИТВ-оң пациенттерде тәулігіне 1200 мг азитромицинді және тәулігіне 400 мг диданозинді бірге қолдану плацебомен салыстырғанда диданозиннің фармакокинетикасына айқын әсер еткен жоқ.

Дигоксин және колхицин: азитромицинді қоса, макролидті антибиотиктерді дигоксин және колхицин сияқты P-гликопротеин субстраттарымен бірге қолдану қан сарысуындағы P-гликопротеин субстраттары деңгейінің жоғарылауына әкеледі. Сондықтан, егер азитромицин және дигоксин сияқты P-гликопротеин субстраттары бір мезгілде қолданылса, қан сарысуындағы дигоксин концентрациясының жоғарылау мүмкіндігін ескеру керек. Азитромицинмен емдеу кезінде және оны тоқтатқаннан кейін қан сарысуындағы дигоксин деңгейіне клиникалық мониторингті және бақылауды қамтамасыз ету қажет.

Зидовудин: бірге қолданған кезде азитромицин шеткергі қанның мононуклеараларындағы фосфорланған зидовудиннің (клиникалық белсенді метаболит) концентрациясын арттырады.

Азитромицин Р450 бауыр цитохромы жүйесіне елеулі әсер етпейді. Эритромицин мен басқа макролидтер үшін байқалғандай, ол фармакокинетикалық дәрілік өзара әрекеттесуге ұшырамайды деп саналады. Азитромицинді қолданғанда метаболиттер-цитохромы кешені арқылы Р450 бауыр цитохромының индукциясы немесе инактивациясы болмайды.

Эрготамин туындылары: эрготизм дамуының теориялық мүмкіндігіне байланысты азитромицинді қастауыш алкалоидтарының туындыларымен бір мезгілде қолдану ұсынылмайды.

Қастауыш алкалоидтарының туындылары: эрготизмнің теориялық мүмкіндігіне байланысты азитромицинді қастауыш алкалоидтарының туындыларымен бір уақытта қолдану ұсынылмайды.

Аторвастатин: аторвастатинді (күн сайын 10 мг) және азитромицинді (тәулігіне 500 мг қан плазмасындағы аторвастатин концентрациясын өзгертпейді (HMG CoA-редуктаза талдауы негізінде) бірге қолдану. Алайда, статиндермен азитромицин қабылдайтын пациенттерде рабдомиолиздің постмаркетингтік жағдайлары тіркелген.

Карбамазепин: азитромицин карбамазепин мен оның плазмадағы белсенді метаболиттерінің деңгейіне елеулі әсер етпейді.

Циметидин: азитромицинді енгізгенге дейін 2 сағат бұрын циметидиннің бір реттік дозасының фармакокинетикасын зерттеу азитромициннің фармакокинетикасында өзгерістерді анықтаған жоқ.

Кумариндік пероральді антикоагулянттар: фармакокинетикалық өзара әрекеттесуді зерделеу кезінде азитромицин сау еріктілерге енгізілетін варфариннің 15 мг бір реттік дозасының антикоагулянттық әсерін өзгертпеді. Тіркеуден кейінгі кезеңде азитромицин мен кумарин типті пероральді антикоагулянттарды бірге енгізгеннен кейін потенциалданған антикоагуляцияға қатысты алынған хабарламалар бар. Себеп-салдарлық байланысы анықталмаса да, кумарин типті пероральді антикоагулянттарды қабылдайтын пациенттерде азитромицин қолданылған кезде протромбин уақытына жиі мониторинг жүргізу қажеттілігін қарастыру керек.

Циклоспорин:

азитромицинді 3 күн бойы тәулігіне 500 мг дозада пероральді қабылдау кезінде, содан кейін циклоспоринді 10 мг/кг дозада пероральді қабылдау кезінде циклоспориннің Cmax және AUC0-5 айтарлықтай ұлғаюы анықталды (тиісінше 24 және 21%-ға). Бұл ретте AUC параметрі бойынша ешқандай елеулі өзгерістер байқалмады. Сондықтан осы препараттарды бір мезгілде

қолдануды шешпес бұрын абай болу керек. Егер циклоспорин мен азитромицинді бірге қолдану қажет болса, циклоспорин деңгейін бақылау және соңғысының дозасын тиісінше түзету керек.

Эфавиренз: 7 күн ішінде күніне азитромициннің 600 мг және эфавиренздің 400 мг бір реттік дозасын бірге қабылдау клиникалық маңызды фармакокинетикалық өзара әрекеттесулерге әкелмейді.

Флуконазол: 1200 мг азитромициннің бір реттік дозасын бірге қолдану 800 мг флуконазолдың бір реттік дозасының фармакокинетикасын өзгертпеді. Азитромициннің жиынтық әсері мен жартылай шығарылу кезеңі флуконазолмен бір мезгілде қолданғанда өзгерген жоқ, алайда азитромициннің Cmax (18%) клиникалық елеусіз төмендеуі байқалды.

Индинавир: 1200 мг азитромициннің бір реттік дозасын бірге қолдану 5 күн бойы күніне үш рет 800 мг дозада енгізілетін индинавирдің фармакокинетикасына статистикалық маңызды әсер еткен жоқ.

Метилпреднизолон: сау еріктілерге жүргізілген зерттеулерде азитромицин метилпреднизолонның фармакокинетикасына елеулі әсер еткен жоқ.

Мидазолам: 3 күн бойы тәулігіне 500 мг азитромицинмен бірге қолдану 15 мг мидазоламның бір реттік дозасының фармакокинетикасы мен фармакодинамикасында клиникалық маңызды өзгерістер туғызбайды.

Нельфинавир: азитромицин (1200 мг) мен нелфинавирді (тәулігіне үш рет 750 мг) бірге қолдану азитромициннің концентрациясының артуына әкелді. Қандай да бір клиникалық маңызды жанама әсерлер байқалмады және дозаны түзету талап етілмеді.

Рифабутин: азитромицин мен рифабутинді бірге қолдану қан сарысуындағы препараттардың кез келгенінің концентрациясына әсер еткен жоқ. Нейтропения азитромицинмен және рифабутинмен қатар ем қабылдаған пациенттерде байқалды. Нейтропения рифабутинді қолданумен байланысты болса да, азитромицинмен біріктірілімнің себеп-салдарлық байланысы анықталған жоқ.

Силденафил: азитромициннің (3 күн бойы күніне 500 мг) силденафилдің AUC және Cmax немесе оның негізгі айналымдағы метаболитіне әсері анықталған жоқ.

Терфенадин: азитромицин мен терфенадиннің өзара әрекеттесуі туралы дәлелдер табылған жоқ. Мұндай өзара әрекеттесу мүмкіндігін толығымен жоққа шығару мүмкін болмаған сирек жағдайлар тіркелген; дегенмен, мұндай өзара әрекеттесудің орын алғаны туралы нақты дәлелдер алынған жоқ.

Триазолам: 1-күні 500 мг және 2-күні 250 мг азитромицинді 2-күні 0,125 мг дозада триазоламмен бірге қолдану триазоламның қандай да бір фармакокинетикалық айнымалыларына елеулі әсер еткен жоқ.

Триметоприм/сульфаметоксазол: триметоприм/ сульфаметоксазол DS (160 мг/ 800 мг) және 1200 мг азитромицинді 7 күн бойы бірге қолдану триметопримнің де, сульфаметоксазолдың да шекті концентрациясына, жиынтық әсеріне немесе несеппен шығарылуына елеулі әсер еткен жоқ. Қан сарысуындағы азитромицин концентрациясы басқа зерттеулерде байқалған концентрацияларға ұқсас болды.

Арнайы сақтандырулар

Аса жоғары сезімталдық

Эритромицин және басқа макролидтер жағдайындағыдай, ангионевроздық ісінуді және анафилаксияны (сирек жағдайларда өліммен аяқталатын), жедел жайылған экзентематозды пустулезді (AGEP) және эозинофилиямен және жүйелік көріністермен (DRESS) дәрілік реакцияны қоса алғанда, елеулі аллергиялық реакциялар туралы хабарланды. Азитромицин тудырған кейбір реакциялар қайталанатын симптомдарға алып келді және ұзақ бақылау мен емдеу кезеңін қажет етті.

Гепатоуыттылық

Бауыр азитромицинді шығаратын негізгі ағза болғандықтан, оны бауырдың айқын аурулары бар пациенттерге сақтықпен қолдану керек. Өмірге қауіп төндіретін бауыр функциясының жеткіліксіздігіне әкеп соқтыратын күрт дамыған гепатит жағдайлары туралы хабарланды. Кейбір пациенттерде бұрын бауыр ауруы болған немесе басқа гепатоуытты дәрілік заттарды қабылдаған болуы мүмкін.

Сарғаюмен байланысты тез дамитын астения, несеп түсінің қараюы, қан кетуге бейімділік немесе бауыр энцефалопатиясы сияқты бауыр дисфункциясының белгілері мен симптомдары пайда болған кезде бауыр функциясына дереу талдау/ зерттеу жүргізу қажет. Бауыр функциясы бұзылған жағдайда азитромицин қолдануды тоқтату керек.

Қастауыш алкалоидтарының туындылары

Қастауыш алкалоидтарының туындыларын қабылдайтын пациенттерде эрготизмнің пайда болуы кейбір макролидті антибиотиктерді бірге қолданудан туындайды. Қастауыш алкалоидтары туындылары мен азитромициннің өзара әрекеттесу мүмкіндігі туралы мәліметтер жоқ. Алайда, эрготизмнің дамуының теориялық мүмкіндігіне байланысты азитромицин мен қастауыш алкалоидтарының туындыларын бір уақытта қолдануға болмайды.

Суперинфекция

Кез келген антибиотикті қолдану жағдайындағыдай, зеңді қоса, резистентті микроорганизмдерден туындаған суперинфекция белгілерін бақылау ұсынылады.

Clostridium difficile (CDAD) тудырған диарея

Жеңіл диареядан өлімге әкелетін колитке дейін ауырлық дәрежесі бойынша түрленуі мүмкін азитромицинді қоса алғанда, барлық дерлік бактерияға қарсы дәрілерді қолданғанда Clostridium difficile байланысты диарея (CDAD) туралы хабарланды. A және B гипертоксинін өндіретін C. difficile штаммдары CDAD дамуына ықпал етеді. C. difficile штаммдары өндіретін гипертоксиндер аурушаңдық пен өлімнің жоғарылауының себебі болып табылады, өйткені бұл инфекция микробқа қарсы терапияға төзімді болуы және колэктомия қажет болуы мүмкін. Сондықтан кез келген антибиотиктерді қолдану кезінде немесе одан кейін диареяның пайда болуын CDAD ретінде қарастыру керек.

Бактерияға қарсы дәрілерді қолданғаннан кейін 2 айдан кейін орын алған CDAD жағдайлары туралы хабарланды, бұл пациенттің анамнезін толық жинауды талап етеді.

Диарея симптомдары пайда болған кезде азитромицинмен емдеуді тоқтату және C. difficile спецификалы ем тағайындау туралы мәселені қарастыру керек.

Стрептококкты инфекциялар

Пенициллин, әдетте, Streptococcus pyogenes тудырған фарингит/тонзиллитті емдеуге, сондай-ақ жедел ревматизмдік қызбаның алдын алуға арналған бірінші қатардағы терапия болып табылады. Азитромицин, әдетте, ауыз-жұтқыншақтағы стрептококкқа қарсы тиімді, бірақ жедел ревматизмдік қызбаның алдын алуда азитромициннің тиімділігін растайтын деректер жоқ.

Бүйрек функциясының бұзылуы

Бүйрек функциясының ауыр бұзылулары бар пациенттерде (ШСЖ <10 мл/мин) азитромициннің жүйелі әсерінің 33%-дық ұлғаюы байқалды.

QT аралығының ұзаруы

Жүрек аритмиясы мен екі бағытты қарыншалық тахикардияның даму қаупіне алып келетін ұзартылған жүрек реполяризациясы және QT аралығының ұзаруы басқа макролидтермен емдеу кезінде байқалды. Азитромицинді қолдану кезіндегі мұндай әсерді жүректің ұзартылған реполяризация қаупі жоғары пациенттерде толық жоққа шығаруға болмайды, сондықтан пациенттерді емдеу кезінде сақ болу қажет:

• QT аралығының туа біткен немесе құжатпен расталған ұзартылуымен;

• қазіргі уақытта Ia және III класты аритмияға қарсы препараттар, цизаприд және терфенадин сияқты QT аралығын ұзартушы ретінде белгілі басқа белсенді заттармен ем қабылдап жүргендер;

• электролиттік теңгерімнің бұзылуымен, әсіресе гипокалиемия және гипомагнеземия кезінде;

• клиникалық маңызды брадикардиямен, аритмиямен немесе жүрек функциясының ауыр жеткіліксіздігімен.

Миастения гравис

Азитромицинмен ем қабылдайтын пациенттерде симптомдардың өршу жағдайлары және миастенияның жаңа синдромы әйгіленімі байқалды.

Жүктілік.

Препаратты жүктілік кезінде қолдану күтілетін пайда шарана үшін ықтимал қауіптен асқан жағдайда ғана мүмкін болады.

Дәрілік заттың көлік құралдарын немесе қауіптілігі зор механизмдерді басқару қабілетіне әсері

Сумамед® көлік құралдарын басқару және басқа механизмдермен жұмыс істеу кезінде реакция жылдамдығына әсер етпейді.

Қолдану жөніндегі нұсқаулар

Дозалау режимі

Сумамед® ұсақталатын таблеткаларын бір реттік тәуліктік доза түрінде қолданған жөн. Әртүрлі инфекциялық ауруларды емдеу ұзақтығы төменде берілген.

Ересектер, дене салмағы 45 кг және одан жоғары балалар мен жасөспірімдер:

Жалпы курстық доза 1500 мг, тәуліктік - 3 күн бойы күніне бір рет 500 мг құрайды. 1500 мг жалпы курстық дозаны 5 күн ішінде қабылдауға болады – бірінші күні бір реттік доза түрінде 500 мг, кейіннен - тәулігіне бір рет 5 күнге дейін 250 мг.

Chlamydia trachomatis тудырған, жыныстық жолмен берілетін асқынбаған ауруларды емдеугенде 1 г-ға тең бір реттік доза тағайындалады. Neisseria gonorrhoeae қабылдағыштар үшін ұсынылатын доза клиникалық емдеу жөніндегі жергілікті ұсынымдарға сәйкес 250 мг немесе 500 мг цефтриаксонмен біріктірілімде 1000 мг немесе 2000 мг азитромицинді құрайды. Пенициллинге және/немесе цефалоспориндерге аллергиясы бар пациенттер үшін дәрілік затты тағайындайтын адамдар емдеу жөніндегі жергілікті ұсынымдарға жүгінуі тиіс.

Жылжымалы эритеманы емдеген кезде азитромициннің жалпы курстық дозасы 3 г құрайды. Емдеу сызбасы келесідей: 1 күн-1 г, 2-күннен бастап - күніне 500 мг-ден 5 күнге дейін.

Дене салмағы 45 кг-дан кем балалар мен жасөспірімдер:

ұсынылатын доза тәулігіне 10 мг/кг құрайды, 3 күн бойы бір реттік доза түрінде (ең жоғары тәуліктік доза 30 мг/кг құрайды).

Жалпы курстық дозаны 5 күнге бөлуге болады; бұл ретте бірінші күні препарат 10 мг/кг дозада, ал келесі төрт күнде – тәулігіне 5 мг/кг дозада қолданылады. Балалардағы жалпы курстық дозаның ең жоғары мәні 1500 мг құрайды.

Белгілі бір дене салмағы бар балаларда дұрыс дозаны қамтамасыз ету үшін препараттың басқа дәрілік формалары қолайлы.

Егде жастағы адамдар:

Егде жастағы адамдарда ересектерге қолданылатын доза қолданылады.

Егде жастағы пациенттер арасында жүрек аритмиясына бейімділік жиі байқалатындықтан, «пируэт» типі бойынша жүрек аритмиясы мен қарыншалық тахикардияның пайда болу қаупіне байланысты ерекше сақ болу қажет.

Бүйрек функциясының бұзылуы:

Бүйрек функциясының жеңіл немесе орташа дәрежедегі бұзылулары бар (ШСЖ 10-80 мл/мин) пациенттерде дозаны түзету талап етілмейді. Бүйрек функциясының ауыр бұзылулары (ШСЖ <10 мл/мин) бар пациенттерге азитромицинді тағайындау кезінде сақ болу қажет.

Бауыр функциясының бұзылуы:

Бауыр функциясының жеңіл немесе ауырлығы орташа дәрежедегі (Чайлд–Пью шкаласы бойынша А немесе В класы) бұзылулары бар пациенттерде дозаны түзету талап етілмейді. Азитромицин бауырда метаболизденетіндіктен және өтпен шығарылатындықтан, бауырдың ауыр аурулары бар пациенттерге азитромицинді сақтықпен қолдану керек. Пациенттердің осы санаттарында азитромицинді қолдану бойынша зерттеулер жүргізілген жоқ.

Енгізу әдісі мен жолы

Таблетканы жоғары дисперсті суспензия алынғанша араластыра отырып, жеткілікті көлемде (кемінде 30 мл) сұйықтықта (су, алма немесе апельсин шырыны) еріту керек. Пациент алынған суспензияны жұтып қойғаннан кейін, ыдыстың қабырғаларындағы қалдықтар судың аз мөлшерімен қайта ерітіледі, алынған ерітіндіні жұтып қою керек. Еритін таблеткаларды тамақтануға қарамастан қабылдауға болады.

Дәрілік препаратты қолдану тәсілін түсіндіру үшін медицина қызметкеріне консультацияға жүгіну бойынша ұсынымдар

Егер сізде Сумамед® препаратын қолдану бойынша қандай да бір сұрақтар болса, оларды емдеуші дәрігеріңізбен талқылаңыз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Сумамед® жақсы төзімді және оны қолдану жанама әсерлердің төмен жиілігімен байланысты.

Өте жиі:

- диарея, іш ауыруы, жүрек айнуы, метеоризм

Жиі:

- анорексия

- бас айналуы, бас ауыруы, парестезия, дисгевзия

- көрудің бұзылуы

- кереңдік

- құсу, диспепсия

- қышыну, бөртпе

- артралгия

- шаршағыштық

- лимфоциттер санының төмендеуі, эозинофилдер санының ұлғаюы, қандағы бикарбонат деңгейінің төмендеуі

Жиі емес:

- кандидоз, ауыз кандидозы, қынаптық инфекция

- лейкопения, нейтропения

- ангионевроздық ісіну, аса жоғары сезіматалдық

- ашушаңдық

- гипестезия, ұйқышылдық, ұйқысыздық

- естудің бұзылуы, тинниттер

- жүректің жиі соғуы

- гастриттер, іш қатуы

- гепатиттер

- Стивенс-Джонсон синдромы, жарыққа сезімталдық реакциясы, есекжем

- кеуде қуысының ауыруы, ісіну, жалпы дімкәстік сезімі, астения

- аспартат-аминотрансфераза деңгейінің жоғарылауы, аланин-аминотрансфераза деңгейінің жоғарылауы, қандағы билирубин деңгейінің жоғарылауы, қандағы мочевина деңгейінің жоғарылауы, қандағы креатинин деңгейінің жоғарылауы, қандағы калий деңгейінің бұзылуы

Сирек:

- қозулы жағдай

- вертиго

- бауыр функциясының бұзылуы

- жедел жайылған экзентематозды пустулез (AGEP)*

- эозинофилиямен және жүйелі көріністермен (DRESS) дәрілік реакция*

Белгісіз

- жалған жарғақшалы колит

- тромбоцитопения, гемолиздік анемия

- анафилаксиялық реакция

- агрессия, мазасыздық

- естен тану, құрысулар, гипестезия, психомоторлы аса жоғары белсенділік, аносмия, агевзия, паросмия, миастения гравис

- қарыншалық тахикардияны қоса алғанда, екі бағытты тахикардия, аритмия

- гипотензия

- панкреатит, тілдің шырышты қабығының түсінің өзгеруі

- сирек өлімге әкелетін бауыр функциясының жеткіліксіздігі, күрт дамитын гепатит, некроздық гепатит, холестаздық сарғаю

- уытты эпидермальді некролиз, мультиформалы эритема

- бүйрек функциясының жедел жеткіліксіздігі, интерстициялық нефрит

- электрокардиограммада QT аралығының ұзаруы

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Қосымша мәліметтер

Дәрілік препарат құрамы

Бір таблетканың құрамында

белсенді зат – 262.055* мг азитромицин дигидраты (250 мг азитромицинге баламалы), 524.109* мг азитромицин дигидраты (500 мг азитромицинге баламалы), 1048.218* мг азитромицин дигидраты (1000 мг азитромицинге баламалы)

қосымша заттар: натрий сахарин дигидрат формасы, микрокристалды целлюлоза (101), микрокристалды целлюлоза (102),  кросповидон А типі, повидон, натрий лаурилсульфаты, коллоидты кремнийдің қостотығы, магний стеараты, хош иістендіргіш, аспартам.

Сыртқы түрінің, иісінің, дәмінің сипаттамасы

Дөңгелек, жалпақ пішінді, шеттері қиғашталған, бір жағында сындыру сызығы бар және  екінші жағында  TEVA 250 бедерлемесі бар ақ немесе ақ дерлік түсті таблеткалар (250 мг доза үшін).

Дөңгелек, жалпақ пішінді, бір жағында сындыру сызығы бар және  екінші жағында TEVA 500 бедерлемесі бар ақ немесе ақ дерлік түсті таблеткалар (500 мг доза үшін).

Дөңгелек, жалпақ пішінді, бір жағында перпендикуляр сындыру сызықтары бар және  екінші жағында TEVA 1000 бедерлемесі бар ақ немесе ақ дерлік түсті таблеткалар (1000 мг доза үшін).

Шығарылу түрі және қаптамасы

6 таблеткадан ПВХ/ПЭ/ПВДХ/ПВХ немесе алюминий фольгадан жасалған пішінді ұяшықты қаптамаға салынады.

Бір пішінді қаптама медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады (250 мг доза).

3 таблеткадан ПВХ/ПЭ/ПВДХ/ПВХ немесе алюминий фольгадан жасалған пішінді ұяшықты қаптамаға салынады.

Бір немесе екі пішінді қаптама медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады (500 мг доза).

1 таблеткадан ПВХ/ПЭ/ПВДХ/ПВХ немесе алюминий фольгадан жасалған пішінді ұяшықты қаптамаға салынады.

Бір немесе үш пішінді қаптама медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады (1000 мг доза).

2 жыл

Жарамдылық мерзімі өткеннен кейін қолдануға болмайды.

25 °C-ден аспайтын температурада сақтау керек

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

PLIVA Hrvatska d.o.o., Загреб, Хорватия

Прилаз баруна Филиповича, 25

10 000 Загреб, Хорватия

Тел: 385 1 372 0000

Факс: 385 1 37 20 111

е-mail: info@pliva.hr

Тіркеу куәлігінің ұстаушысы

Teva Pharmaceutical Industries Ltd, Израиль

5 Базель көшесі, 4951033, Петах Тиква

Тел: 972-3-9267267

Факс: 972-3-9267267

e-mail: Monica.Eksol@teva.co.il

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«ратиофарм Қазақстан» ЖШС,  050059 (А15Е2Р), Алматы қ., Әл-Фараби даңғ. 17/1, Нұрлы-Тау БО, 5Б, 6-қабат.

Телефон: (727)3251615

е-mail: info.tevakz@tevapharm.com

веб сайт: www.kaz.teva