Сульфацил натрия (капли глазные, 20 %)
Инструкция
-
русский
-
қазақша
Саудалық атауы
Натрий сульфацилі
Халықаралық патенттелмеген атауы
Сульфацетамид
Дәрілік түрі
Көз тамшы дәрісі 20% және 30%, 5 мл
Құрамы
1 мл препараттың құрамында
белсенді зат - 200,0 мг және 300,0 мг натрий сульфацетамиді,
қосымша заттар: натрий тиосульфаты, инъекцияға арналған су бар.
Сипаттамасы
Түссіз, мөлдір немесе аздаған сарғыш түсті сұйықтық
Фармакотерапиялық тобы
Көз ауруларын емдеуге арналған препараттар. Сульфонамидтер
АТЖ коды S01AB04
Фармакологиялық қасиеттері
Фармакокинетика
Жергілікті қолданғанда сульфаниламидтер Сmax мәніне мөлдір қабықта (3 мг/мл жуық), алдыңғы камераның ылғалында (0,5 мг/мл жуық) және нұрлы қабықта (0,1 мг/мл жуық) аппликациядан кейін алғашқы 30 минутта жетеді. Біраз мөлшері (0,5 мг/мл-ден төмен) көз алмасы тіндерінде 3-4 сағат бойы сақталады. Нұрлы қабық эпителиі зақымданғанда сульфаниламидтердің пенетрациясы күшейеді.
Фармакодинамикасы
Сульфаниламид, микробқа қарсы бактериостатикалық дәрі. Әсер ету механизмі пуриндер мен пиримидиндер синтезіне қажетті, тетрагидрофолий қышқылы синтезінің бұзылуымен, дигидроптероатсинтетазаның бәсеңдеуімен, ПАБҚ-ның бәсекелес антагонизмімен байланысты болады. Бактериялық жасушалардағы нуклеин қышқылдарының (ДНҚ және РНҚ) синтезі бұзылады және олардың көбеюі тежеледі.
Грамтеріс және грамоң кокктар, Escherichia coli, Shigella spp., Vibrio cholerae, Clostridium perfringens, Bacillus anthracis, Corynebacterium diphtheriae, Yersinia pestis, Chlamydia spp., Actinomyces israelii, Toxoplasma gondii-ге қатысты тиімді.
Қолданылуы
- конъюнктивиттерде
- блефариттерде
- мөлдір қабықтың іріңді ойық жараларында
- жаңа туылған нәрестелер мен ересектер көзінің соз ауруларында
Қолдану тәсілі және дозалары
Конъюнктивальді қапқа: ересектерге 30% ерітіндінің 1-2 тамшысын күніне 2-3 рет; балаларға: 1 жастан бастап 20% ерітіндінің 1-2 тамшысын күніне 2-3 рет, жаңа туылған нәрестелерге ерітіндінің 2 тамшысын туылғаннан кейін бірден және 2 тамшыдан 2 сағаттан соң тамызады.
Емдеу курсы 5-7 күн және аурудың ауырлығына байланысты болады.
Жағымсыз әсерлері
- көздің шымылдап ашуы, жас ағуы, шаншып ауыруы, қышуы - аллергиялық реакциялар
Қолдануға болмайтын жағдайлар
- сульфаниламидті препараттарға және препарат компоненттеріне жоғары сезімталдықта
Дәрілермен өзара әрекеттесуі
Прокаинмен және тетракаинмен бірге қолдану бактериостатикалық әсерін төмендетеді. ПАСҚ, салицилаттар, дифенин сульфацилдің уыттылығын күшейтеді. Әсері тікелей емес антикоагулянттармен бірге қолданғанда, соңғыларының спецификалық белсенділігі жоғарылайды. Күмістің тұздарымен әсері үйлеспейді.
Айрықша нұсқаулар
Жүктілік және лактация кезеңі
Жүктілік және лактация кезінде препарат қолданылуы мүмкін.
Қауіптілігі зор механизмдерді немесе көлік құралдарын басқару қабілетіне әсер ету ерекшеліктері
Сульфацил натрийді қолданған кезде психомоторлы реакциялар жылдамдығының азаюы анықталмаған.
Артық дозалануы
Анықталмаған
Шығарылу түрі және қаптамасы
5 мл-ден алғашқы ашылуы бақыланатын, тығыз қақпақпен жабылған, полиэтиленнен жасалған тамызғы-құтыларда.
1 құтыдан мемлекеттік және орыс тілдеріндегі медицинада қолданылуы жөніндегі нұсқаулықпен бірге картон кораптан жасалған пәшкеге салынған.
Картоннан жасалған қорапқа 100, 20 немесе 10 пәшкеден салынған.
Немесе 20 немесе 100 құтыдан (пәшкеге салмай) картон қорапқа құты санына қарай мемлекеттік және орыс тілдеріндегі медицинада қолданылуы жөніндегі нұсқаулықпен бірге салады.
Сақтау шарттары
Жарықтан қорғалған жерде 25 ºС-ден аспайтын температурада сақтау керек.
Қаптама ашылғаннан кейін - 4 аптадан асырмай.
Балалардың қолы жетпейтін жерде сақтау керек!
Сақтау мерзімі
2 жыл
Жарамдылық мерзімі өткеннен кейін пайдалануға болмайды.
Дәріханадан босату шарттары
Рецептісіз
Өндіруші
«Медоптик» ЖШС, Қазақстан
Алматы қ-сы, Огарев к-сі 2 «б»
тел: 8 (727) 2320822,2320823, 2320824
факс: 8 (727) 2572202
Е-mail: -572202@gmail.com
Тіркеу куәлігі иесінің елі мен атауы
«Медоптик» ЖШС, Қазақстан Республикасы
Қаптаушы-ұйымның елі мен атауы
«Медоптик» ЖШС, Қазақстан Республикасы
Қазақстан Республикасы аумағында тұтынушылардан өнім (тауар)
сапасына қатысты шағымдарды қабылдайтын ұйымның мекенжайы:
«Медоптик» ЖШС, Қазақстан Республикасы
Алматы қ-сы, Огарев к-сі 2 «б»
тел: 8 (727) 2320822,2320823, 2320824
факс: 8 (727) 2572202
Е-mail: -572202@gmail.com