Сульфацил-натрия 5 мл (20%)
Инструкция
-
русский
-
қазақша
Саудалық атауы
СУЛЬФАЦИЛ-НАТРИЙ
Халықаралық патенттелмеген атауы
Сульфацетамид
Дәрілік түрі
20 % көз тамшысы
Құрамы
1 мл препараттың құрамында
белсенді зат – сульфацетамид натрий 200 мг;
қосымша заттар: натрий тиосульфаты, 1 М хлорсутегі қышқылының ерітіндісі, инъекцияға арналған су.
Сипаттамасы
Түссіз немесе жеңіл боялған мөлдір сұйықтық
Фармакотерапиялық тобы
Көз ауруларын емдеуге арналған препараттар. Микробқа қарсы препараттар. Сульфонамидтер. Сульфацетамид.
АТХ коды S01АВ04
Фармакологиялық қасиеттері
Фармакокинетикасы
Көз тіндері мен сұйықтығына енеді. Қабынған конъюнктива арқылы жүйелі қан ағымына сіңеді. Cульфаниламидтерді жергілікті қолданғанда ең жоғары концентрациясына мөлдір қабықта (3 мг/мл жуық), алдыңғы камера ылғалында (0,5 мг/мл жуық) және нұрлы қабықта (0,1 мг/мл жуық) аппликациядан кейінгі алғашқы 30 минутта жетеді. Біршама мөлшері (0,5 мг/мл азырақ) көз алмасының тіндерінде 3-4 сағат бойына сақталады. Мөлдір қабық эпителийі зақымдануында сульфаниламидтердің пенетрациясы күшейеді.
Фармакодинамикасы
Микробтарға қарсы бактериостатикалық дәрі, сульфаниламид. Әсер ету механизмі парааминобензой қышқылымен (ПАБҚ) бәсекелес антагонизммен, дигидроптероатсинтетазаны бәсеңдетумен, пуриндер мен пиримидиндер синтезіне қажетті тетрагидрофолий қышқылы синтезінің бұзылумен байланысты.
Грамоң және грамтеріс кокктарға, Escherichia coli, Vibrio cholerae, Clostridium perfringens, Bacillus anthracis, Corynebacterium diphtheriae, Yersinia pestis, Chlamydia spp., Actinomyces is-raelii, Toxoplasma gondii. қатысты белсенді.
Қолданылуы
- конъюнктивитте
- блефаритте
- мөлдір қабықтың іріңді ойық жарасында
- жаңа туған нәрестелердегі бленнореяның алдын алу және емдеуде
- ересектердегі көздің соз және хламидия ауруларында
Қолдану тәсілі және дозалары
Балалар мен ересектерде конъюнктивитті емдеу үшін конъюнктивальді қапшыққа әрбір сағат сайын 1-2 тамшыдан, одан кейінгі 3-4 күндері – күніне 5-6 рет тамызады.
Балалар мен ересектердегі блефаритті емдеу үшін бірінші күндері инстилляция жиілігі 6-8 ретке дейінді құрайды және жай-күйінің жақсаруына қарай күніне 3-4 ретке дейін азаяды. Емдеу ұзақтығы 3-5 күн.
Мөлдір қабықтың іріңді ойық жарасын емдеу үшін кешенді ем құрамында инстилляция түрінде күніне 5-6 рет 5-7 күн бойы.
Жаңа туған нәрестелерде бленнореяның алдын алу үшін туа салысымен әр конъюнктивальді қапшыққа 2 тамшыдан тамызады және тәулік бойына 2 сағат сайын – 2 тамшыдан. Жаңа туған нәрестелерде бленнореяны емдеу үшін – бірінші тәуліктерде әрбір 1-2 сағат сайын әр конъюнктивальді қапшыққа 2 тамшыдан, содан соң әрбір 3 сағат сайын тамызады. Емдеу ұзақтығы 2 апта.
Ересектердегі көздің соз және хламидиялық ауруларын емдеуде кешенді ем құрамында 4-6 апта бойына күніне 5-6 рет 1-2 тамшыдан. Жүргізілген ем аясында оң динамика кезінде тамшыны инстилляциялау санын әрбір келесі аптада азайтады.
Жағымсыз әсерлері
Сирек
- аллергиялық реакциялар
Кейде
- шымылдатып ашыту
- көзден жас ағу
- шаншып ауыру
- көздің қышуы
Қолдануға болмайтын жағдайлар
Препарат компоненттеріне жекелей жоғары сезімталдық.
Дәрілермен өзара әрекеттесуі
Прокаинмен және тетракаинмен бірге қолдану бактериостатикалық тиімділігін төмендетеді. Күміс тұздарымен үйлесімсіз.
Хлорамфениколмен бір мезгілде тағайындағанда соңғысының жағымсыз әсерлері даму қаупі ұлғаяды.
Айрықша нұсқаулар
Фуросемидке, тиазидті диуретиктерге, сульфонилмочевина немесе карбоангидраза тежегіштеріне жекелей сезімталдығы жоғары емделушілерде сульфацетамидке жоғары сезімталдық болуы мүмкін.
Жүктілік және лактация
Ана үшін болжалды пайдасы ұрыққа немесе сәбиге төнетін ықтимал қауіптен артық болса, сульфацетамидтің емдеуші дәрігер тағайындауымен жүкті және бала емізетін әйелдерді емдеу үшін қолданылуы мүмкін.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Анықталмаған.
Артық дозалануы
Сульфацил-натрий препаратының артық дозалануы туралы деректер жоқ.
Шығарылу түрі және қаптамасы
20 % көз тамшысы
5 мл-ден полимер тамшылатқыш-құтыда.
Әр құтыға өздігінен желімденетін заттаңба жапсырылады.
Әр құты медицинада қолданылуы жөніндегі мемлекеттік және орыс тілдеріндегі нұсқаулықпен картон пәшкеге салынады.
Сақтау шарттары
Жарықтан қорғалған жерде, 150С-ден 250С-ге дейінгі температурада сақтау керек.
Балалардың қолы жетпейтін жерде сақтау керек!
Сақтау мерзімі
2 жыл
Құтыны ашқаннан кейінгі қолданылу кезеңі 1 ай.
Жарамдылық мерзімі өткеннен кейін пайдалануға болмайды.
Дәріханалардан босатылу шарттары
Рецептісіз
Өндіруші
«Синтез» ААҚ,
Ресей, 640008, Қорған қ., Конституция д-лы, 7
Тел./факс (3522) 48-16-89
E-mail: real@kurgansintez.ru
Интернет-сайт: http://www.kurgansintez.ru
Тіркеу куәлігі иесінің атауы мен елі
«Синтез» ААҚ, Ресей Федерациясы
Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы
«СТОФАРМ» ЖШС, 000100, Қазақстан Республикасы,
Қостанай облысы, Қостанай қ., Орал к-сі, 14
тел. 714 228 01 79