Структум®
Инструкция
-
русский
-
қазақша
Саудалық атауы
Структум®
Халықаралық патенттелмеген атауы
Жоқ
Дәрілік түрі
250 мг капсулалар
Құрамы
Бір капсуланың құрамында
белсенді зат - 250 мг натрий хондроитин сульфаты
қосымша заттар: тальк,
капсула құрамы: индиготин (Е 132), желатин, титанның қостотығы (Е 171).
Сипаттамасы
Көгілдір түсті, мөлдір емес, сопақша пішінді, өлшемі № «1», қатты желатинді капсулалар. Капсуланың ішіндегісі – ақ немесе сарғыш ұнтақ.
Фармакотерапиялық тобы
Қабынуға қарсы стероидты емес басқа да препараттар. Хондроитин сульфаты.
АТХ коды M01AX25
Фармакологиялық қасиеттері
Фармакокинетикасы
Ішке қабылдағаннан кейін хондроитин сульфаты асқазан-ішек жолынан тез сіңеді. Қан плазмасында ең жоғары концентрацияға, хондроитин сульфатының қандағы бастапқы мөлшеріне байланысты, препаратты қабылдағаннан кейін орта есеппен 3-4 сағаттан соң жетеді. Хондроитин сульфатының биожетімділігі 13% құрайды. Хондроитин сульфатының жиналуы негізінен буындардың синовиальді сұйықтықтарында жүзеге асады. Шығарылуы 24 сағат ішінде негізінен бүйректер арқылы жүзеге асады.
Фармакодинамикасы
Хондроитин сульфаты – шеміршек матриксін коллагендік талшықтармен бірге құрайтын протеогликандардың негізгі компоненті. Хондропротекторлы қасиеттері бар; буын шеміршектерінің деградациясын туындататын энзимдердің белсенділігін басады; протеогликандардың хондроциттермен өндірілуін стимуляциялайды; шеміршекте және субхондральді сүйектерде метаболикалық үдерістерді күшейтеді; шеміршек тіндерінде фосфор-кальций алмасуына ықпалын тигізеді, оның регенерациясын стимуляциялайды, сүйек және шеміршек тіндерінде негізгі заттың құрылуына қатысады. Хондроитин сульфатының қабынуға қарсы және ауруды басатын қасиеттері бар, синовиальді сұйықтыққа қабыну медиаторлары мен ауыру факторларының синовиоциттер және синовиальді қабықтың макрофагтары арқылы шығарылуының төмендеуіне мүмкіндік береді, В4 лейкотриен және Е2 простагландин секрециясын басады. Препарат буындардың шеміршектік беткейлерінің буын қалтасының қалпына келуіне мүмкіндік береді, дәнекер тіндердің дегенерациясына кедергі жасайды, буын беткейін майлау рөлін атқарады; буын сұйықтығының өндірілуін қалыпқа келтіреді, буындардың қозғалғыштығын жақсартады.
Структум гиалинді шеміршекте алмасу үдерістеріне ықпал етеді, буындардың шеміршек тіндерінде дегенеративтік өзгерулерді азайтады, глюкозаминогликандардың биосинтезін стимуляциялайды.
Қолданылуы
- буындар мен омыртқаның дегенеративтік ауруларында: алғашқы артрозда, остеоартрозда, омыртқааралық остеохондрозда
Қолдану тәсілі және дозалары
Структумді ішке, сумен ішіп қабылдайды.
Ересектерге күніне 2 рет 250 мг 2 капсуладан тағайындайды. Ең жоғары тәуліктік дозасы – 1,0 г.
Емдеудің бастапқы курсының ұсынылатын ұзақтығы 6 айды құрайды. Препаратты қабылдаған кезде клиникалық әсері баяу басталады, алайда емдеу курсы аяқталғаннан кейін де бірнеше ай (3-5 ай) бойы ұзақ сақталады. Өршуіне жол бермеу үшін емдеу курстарын қайталап қолданады. Қайталау курсы – 6 айдан кейін.
Жағымсыз әсерлері
- тері жабындарының қызаруы, экзема, бөртпе, есекжем.
- жүректің айнуы, құсу, эпигастрия тұсының ауыруы, метеоризм, диарея, іш қату.
Қолдануға болмайтын жағдайлар
- препараттың әр емделушіге жекелей жақпаушылығы
- қанағыштыққа бейім болу,тромбофлебиттер
- фенилкетонурия
- жүктілік және лактация кезеңі
- 18 жасқа дейінгі балалар
Дәрілермен өзара әрекеттесуі
Структумді басқа дәрілік заттармен бірге қолданғанда әсері тікелей емес антикоагулянттардың, антиагреганттардың, фибринолитиктердің әсерлері күшеюі мүмкін.
Айрықша нұсқаулар
Қан кетуге бейім емделушілерге абайлап тағайындаған жөн.
Дәрілік заттардың көлікті немесе қауіпті механизмдерді басқару қабілетіне ықпал ету ерекшеліктері
Ықпалын тигізбейді
Артық дозалануы
Симптомдары: жағымсыз әсерлерінің күшеюі.
Емдеу: асқазанды шаю, симптоматикалық ем.
Шығарылу түрі және қаптамасы
ПВХ/ПВДХ және алюминий фольгадан жасалған пішінді ұяшықты қаптамаға 15 капсуладан салынған.
Пішінді 4 қаптама медицинада қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған.
Сақтау шарттары
25ºС-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін қолдануға болмайды.
Дәріханадан босатылу шарттары
Рецепт арқылы
Өндіруші
Пьер Фабр Медикамент Продакшн
Прогифарм, Лисс к-сі
45500 Жиен, Франция
Тіркеу куәлігінің иесі
Пьер Фабр Медикамент
45, Абель Ганс
92100 Булонь, Франция
Тұтынушылардан өнім (тауар) сапасы жөнінде шағымдарды Қазақстан Республикасы аумағында қабылдайтын ұйымның мекенжайы
«EUROMEDEX» өкілдігі
050026, Алматы қ-сы, Гоголь к-сі, 180/2 - 13
Тел./Факс: +7 (727) 378-70-91 e-mail: office.kz@euromedex.com